Date
मङ्ल, मंसिर १, २०८३
Tue, November 17, 2026
Home Blog Page 672

बहुदरमाई कार्यपालिकाकाे निर्वाचनमा जसपा-एमाले बिच तालमेल

0

वीरगंज । पर्साकाे बहुदरमाई नगर कार्यपालिका सदस्यकाे निर्वाचनमा नेकपा एमाले र जनता समाजवादी पार्टी (जसपा) बिच तालमेल भएकाे छ । केन्द्रिय गठबन्धनकाे सिधान्त र सम्झाैता विपरित दुबै दलले कार्यपालिकाकाे निर्वाचनमा तालमेल गरेका छन् ।

८ कार्यपालिका सदस्यकाे लागि हुने निर्वाचनमा एमाले-जसपाले मिलेर मनाेनयन दर्ता गराएका छन् भने कांग्रेसले एकलै मनाेनयन दर्ता गराएकाे छ ।

 ३ दलित वा अल्पसंख्यक सदस्यकाे लागि एमाले र जसपाबाट ३ जना र कांग्रेसबाट ३ जनाकाे मनाेनयन दर्ता भएकाे छ । एमालेबाट मुखदेव प्रसाद कानु, जसपाबाट प्रदिप गुप्ता र रामरेखा सिंह राजपुतकाे मनाेनयन दर्ता भएकाे छ । कांग्रेसबाट इमाम मियाँ, दिपेन्द्र पंडित कुम्हाल र राजेश्वर प्रसाद साह कानुकाे मनाेनयन दर्ता भएकाे छ ।

महिला सदस्यमा एमालेबाट नगिया देवी, समसा खातुन, सुनिता देवी, जसपाबाट कुन्ती देवी र तेतरी देवी कनुइनकाे मनाेनयन दर्ता भएकाे छ भने कांग्रेसबाट उषा देवी, प्रमशिला देवी राम, बबिता देवी कुशवाहा, मंजु देवी साह र लालसा कुमारीले मनाेनयन दर्ता गराएकाे निर्वाचन अधिकृतकाे कार्यालय बहुदरमाईले जनाएकाे छ ।

९ वटा वडा रहेकाे बहुदरमाई नगरपालिकामा जसपा गाउँपालिका अध्यक्षसहित १ वडामा, एमाले उपाध्यक्षसहित ३ वडामा र कांग्रेस ४ वडामा मात्र चुनाव जितेकाे छ भने एउटा वडाध्यक्षमा स्वतन्त्र उम्मेदवार विजयी भएका छन् । 

जगरनाथपुर गाउँपालिका कार्यालयमा विधुत चुहावट भइरहेकाे फेला

0

वीरगंज । पर्साकाे जगरनाथपुर गाउँ कार्यपालिकाकाे कार्यालयमा विधुत चुहावट गरेर प्रयाेग गरेकाे पाइएकाे छ । लाेमाे समयदेखि गाउँ कार्यपालिकाकाे कार्यालय जगरनाथपुरले विधुत चुहावट गरेर प्रयाेग भइरहेकाे पाइएकाे हाे ।

विधुत चुहावट बारे नेपाल विधुत प्राधिकरण पाेखरिया वितरण केन्द्रलाई थाहा भएपछि गाउँ कार्यपालिका कार्यालय जगरनाथपुरलाई त्यस्ताे नगर्न पनि सचेत गराएकाे छ । विधुत प्राधिकरण पाेखरियाका प्रमुख इन्जिनियर जगर्नाथ झाले गाउँपालिका अध्यक्ष श्रीकान्त प्रसाद यादवलाई फाेन गरेर विधुत चुहावट बारे जानकारी गराएका हुन् ।

निर्वतमान गाउँपालिका अध्यक्ष जालिम मियाँकाे पालादेखि नै गाउँपालिका जस्ताे सरकारी कार्यालयमा हुँकिङ गरेर विधुतकाे प्रयाेग हुँदै आएकाे हाे ।

प्रमुख झाले विधुत चुहावट बारे थाहा भएपछि त्यसाे नगर्न र मिटर लिन गाउँपालिका अध्यक्षलाई आग्रह गरिएकाे वताए । 

यस विषयमा गाउँपालिका अध्यक्ष यादवसंग बुझ्दा विधुत चुहावट बारे आफुलाई थाहा नभएकाे वताए । उनले भने “विधुत कार्यालय पाेखरियाका हाकिम सावले मलाई फाेन गरेर भन्दा मात्र आफुलाई थाहा भयाे । त्यस लगतै म गाउँपालिकाका कर्मचारीलाई फाेन गरेर त्यसाे नगर्न र तुरुन्त विधुत मिटरकाे प्रक्रिया थाल्न निर्देशन समेत दिएकाे छु ।”

भ्रखर केही दिन पहिला मात्र आफु अध्यक्षमा निर्वाचित भएर गाउँपालिकामा आएका कारण आफुलाई सबै कुरा थाहा भएन,अहिले बुझ्नै प्रयासमा रहेकाे उनले प्रतिक्रिया दिए ।

पाेखरिया नगर कार्यपालिकामा कांग्रेस र एमालेका ४/४ जना विजयी

0

वीरगंज । पर्साकाे पाेखरिया नगर कार्यपालिका सदस्यकाे निर्वाचनमा नेकपा एमालेका ४ जना र नेपाली कांग्रेसका ४ जना विजयी भएका छन् । ८ कार्यपालिका सदस्यका लागि बुधबार भएकाे निर्वाचनमा एमाले र कांग्रेसका ४/ ४ जना विजयी भएका हुन् ।

दलित वा अल्पसंख्यक सदस्यमा कांग्रेसका रामबचन महताे कंकर, अजय कुमार गुप्ता र एमालेका राधा साह कानु विजयी भएकाे निर्वाचन अधिकृतकाे कार्यालय पाेखरियाले जनाएकाे छ । तिनै जनाले ४८/४८ मत ल्याएर विजयी भएका हुन् । उनीहरुका प्रतिस्पर्धी नेपाल सुशासन पार्टीका जादाेलाल महरा र राजेन्द्र महताे तत्वाले ४/४ मत पाएका थिए ।

महिला सदस्यमा कांग्रेसकी सिमा कुमारी पटेल, सलिमा खातुन, एमालेकी चुनी कुमारी देवी, तेतरी देवी तत्वा र सुगान्धी देवी कुर्मी विजयी भएकाे निर्वाचन कार्यालयले जनाएकाे छ । पांचै जना ४८/४८ मत ल्याएर विजयी भएका हुन् । उनीहरुका प्रतिस्पर्धी सुशासन पार्टीका उमा देवी चमइनले ४ मत पाएकी थिइन ।

कार्यपालिका सदस्यकाे निर्वाचनमा एमाले र कांग्रेसले तालमेल गरेकाे थियाे । ५२ मतदाता रहेकाे कार्यपालिका सदस्यकाे निर्वाचनमा एमाले र कांग्रेससंग २४/२४ मतदाता रहेकाे थियाे भने सुशासन पार्टीसंग ४ मतदाता रहेकाे थियाे ।

सुरुमा कार्यपालिका सदस्यकाे निर्वाचन जित्न निर्णायक मानिएकाे सुशासन पार्टीसंग एमाले र कांग्रेस दुबैले सहकार्य गर्न खाेजेकाे थियाे । तर सुशासन पार्टीले दुबै दलसंग दुई दलित वा अल्पसंख्यक सदस्य र एक महिला सदस्य मागेका कारण सहमती हुन सकेकाे थिएन । पछि बराबर मतदाता रहेकाे कांग्रेस र एमाले आफै आधि/आधि (४/४ सिट) भाग बन्डा लगाउँदै सहमती गरेकाे थियाे ।

 पाेखरिया नगरपालिकामा नगर प्रमुख, उप प्रमुखसहित ५ वडाध्यक्ष एमाले र ४ वडाध्यक्ष कांग्रेस जितेकाे छ भने एक वडाध्यक्षमा सुशासन पार्टी जितेकाे छ । 

सदियाेदेखि ठगिदै आएकाे वीरगंजलाई यसपालि पनि ठगियाे : सांसद यादव

0

वीरगंज । सुनको अण्डा दिने शहर वीरगञ्जलाई सरकारले सदियौँदेखि ठग्दै आएको पर्सा क्षेत्र नम्बर १ का प्रतिनिधि सभा सदस्य प्रदीप यादवले बताएका छन् । आर्थिक वर्ष २०७९/८० को बजेटमाथिकाे छलफलमा सहभागी हुँदै सांसद यादवले बजेटले संघियतालाई बलियो बनाउने प्रयास गरेपनि सन्तुलन नदेखिएको टिप्पणी गरे ।

उनले भने, ‘बजेटले खुशी र दुःखी दुवै बनाएको छ । बजेटले संघियतालाई बलियो बनाउने प्रयास गरेकोमा खुशी लागेको छ भने समग्र रुपमा मधेश प्रदेश र सुनको अण्डा दिने शहर वीरगञ्जलाई उपेक्षा गरेकोमा दुःख लागेको छ ।’ हुलाकी सडक मधेश प्रदेशको लाइफलाईन भएपनि त्यसको लागि थोरै मात्रै बजेट बिनियोजन गरेकोमा सांसद यादवले असन्तुष्टी पोखे ।

मधेश प्रदेशमा कुनै पनि खास योजना नसमेटिएको वताउँदै सांसद यादवले पुन: बिचार गर्न अर्थमन्त्री जनार्दन शर्मालाई ध्यानाकर्षण गराए । उनले मधेश प्रदेशको सरकारलाई दिइने अनुदान पनि घटाइएकाे वताउँदै आपत्ति समेत जनाए ।

मालपोत कार्यालयलाई प्रदेश सरकारको मातहतमा राख्नुपर्ने पनि उनको माग छ । उनले भने, “मालपोत कार्यालयले उठाउने रजिष्ट्रेशन शूल्क प्रदेशमा जाने भएपनि संघिय सरकारले टेक अप गरीरहेको छ । त्यसैले मालपोत कार्यालयलाई प्रदेश मातहमा राख्नुपर्छ ।”

मुलुकका अर्थतन्त्रमा ठूलो टेवा पुग्ने वीरगञ्जलाई उपेक्षा गर्दै आएकोमा आपत्ति जनाउँदै सांसद यादवले भने, “वीरगञ्जबाट सँधै लिने मात्रै काम भएको छ तर दिने केही पनि भएन । बजेट तथा योजना पाउनका लागि राष्ट्रिय नेता नै हुनुपर्ने हो त ?” नारायणी रंगशाला अहिले कोमामा गइसकेको हुँदा पुर्ननिर्माणका लागि बजेट बिनियोजन गर्नुपर्ने माग गर्दै संघले बनाउन नसक्ने भए स्थानीय वा प्रदेश सरकारको जिम्मा दिएमा आफै बनाउने पनि उनले बताए ।

नरायणी अस्पतालमा पनि संरचनाको कमी, स्वास्थ्य सामाग्री, उपकरणको अभाव हुनुका साथै ठाकुरराम बहुमुखी क्याम्पसलाई पनि बजेटमा नसमेटिएको उनको भनाई छ । प्रधानमन्त्री, पूर्वप्रधानमन्त्रीदेखि अन्य नेताहरु पनि वीरगञ्जमा पुग्दा औद्योगिक नगरी भनेर भाषण गरेपनि औद्योगिक नगरी घोषणा गर्न नसक्नुको दुखद विषय भएको बताए ।

वीरगञ्जमा थोक कृषि केन्द्र स्थापना गर्नुपर्ने माग गर्दै सांसद यादवले निजगढ अन्तर्राष्ट्रिय बिमानस्थल बनाउने योजना बजेटमा समावेश भएकोमा सरकार र नागरिक उड्यन मन्त्रीप्रति धन्यवाद ज्ञापन गरे । यद्यपी सर्वाेच्च अदालतले गरेको निर्णयमा आपत्ति जनाउँदै उक्त निर्णय मधेशमात्रै नभएर सिंगो मुलुकको समृद्धीको बाधक भएको सांसद यादवको ठम्याई छ ।

बन माफियाका कारण निजगढ बिमानस्थल बनाउन रोक लगाएको हुन सक्ने आशंका पनि उनले व्यक्त गरेका छन् । उनले भने, “सभामुख महोदय निजगढमा बाहिर रुखहरु देखिन्छ, भित्र भित्र खोक्रो पारिएको छ । बन माफियाले रुख मासिन्छ भन्ने बहस चलाएर बनलाई नै रित्तो बनाइरहेका छन् । जंगलको भित्र घरहरु छन्, बिजुली छैन तर चापा कल गाडिएको छ सोलार हालेर दिनदिनै बस्ती बढीरहेको छ ।”

सिमरा बिमानस्थल काठमाण्डौदेखि सबैभन्दा छोटो दुरीमा रहेको हुँदा त्यसको रनवे बढाउनुपर्ने पनि सांसद यादवले माग गरे ।

कृषि औजार र चिनी मिल सञ्चालन भए आफ्नो घर सरकारलाई दिने सांसद श्रीवास्तवको घोषणा

0

वीरगंज । पर्सा क्षेत्र नं. २ का प्रतिनिधि सभा सदस्य विमल श्रीवास्तवले सरकारले वीरगंज चिनी मिल र कृषि औजार कारखाना सञ्चालन गरे आफ्नो नाममा भएको घर सरकारकाे नाममा गरिदिने घोषणा गरेका छन् ।

बुधबार प्रतिनिधि सभामा बजेटमाथिको छलफलमा भाग लिदै लाेकतान्त्रिक समाजवादी पार्टी (लाेसपा) का सांसद श्रीवास्तवले बजेटमार्फत सरकारले वीरगंज चिनी मिल र कृषि औजार कारखाना सञ्चालन गर्ने घोषणा गरेकोमा स्वागत समेत गरे । 

उनले भने ‘यदि यो साल वीरगञ्जमा कृषि औजार कारखाना र चिनी मिल सञ्चलन हुन्छ भने म त्यति सम्पन्न व्यक्ति त होइन’, ‘मसँग पैसा पनि छैन । तर यो सञ्चालन भयो भने मेरो एउटा घर छ त्यो घर कि त सरकारकाे नाममा गर्दिन्छु कि त्यो बेचेर त्यस वापत आएक एक, डेढ कराेड दिने आजको सभामा प्रतिज्ञा गर्दछु ।’

मधेश प्रदेश सरकारले जेठ २१ गते नीति तथा कार्यक्रम प्रस्तुत गर्ने

0

वीरगंज । मधेश प्रदेश सरकारले आर्थिक वर्ष २०७९/८० को नीति तथा कार्यक्रम प्रस्तुत गर्न लागेको छ । जेठ २१ गते शनिबार बस्ने प्रदेशसभा बैठकमा सरकारले नीति तथा कार्यक्रम प्रस्तुत गर्ने भएको हो ।

प्रदेश प्रमुख हरिशंकर मिश्रले सरकारको नीति तथा कार्यक्रम प्रस्तुत गर्ने मधेश प्रदेश सरकारका गृह तथा सञ्चारमन्त्री भरतप्रसाद साहले जानकारी दिए ।  

नीति तथा कार्यक्रममाथिको छलफल सम्पन्न भएपछि असार १ गते प्रदेश सभामा सरकारको बजेट पेश गर्नुपर्ने संवैधानिक व्यवस्था भएकाले सोही अनुसारको तयारीमा सरकार लागिपरेको उनले बताए ।  नीति तथा कार्यक्रममा छोरी शिक्षा बीमा कार्यक्रमलाई प्राथमिकताका साथ ल्याउन लागिएको मुख्यमन्त्री तथा मन्त्रीपरिषद्को कार्यालयले जनाएको छ । 

मधेश प्रदेश सरकारले कृषि, सिँचाई, स्वास्थ्य, पूर्वाधारको विकासमा जोड दिने समेत मन्त्री साहले जानकारी दिए । बजेट प्रस्तुत गर्नुअघि प्रि–बजेट पनि ल्याउने तयारीमा मधेश प्रदेश सरकारको अर्थ मन्त्रालय लागि परेको हो ।

त्यसअघि प्रदेशसभा सचिवालयले जेठ १९ गते बिहीबार दिउँसो १ बजे प्रदेशसभाको नवौं अधिवेशन आह्वान गरेको छ ।

वीरगंजमा छाडा चौपाया नियन्त्रणका लागि कडा कारबाही हुने

0

वीरगञ्ज । साँढेको आक्रमणबाट परवानीपुर सडकमा गम्भीर घाइते अति विपन्न परिवारका लक्ष्मण रामको उपचारको जिम्मा वीरगंज महानगरपालिकाले लिएको छ ।

वीरगंज महानगरपालिका–२४ परवानीपुरमा दुई दिन अघि साँढेको आक्रमणबाट गम्भीर घाइते भएका रामको वीरगंज गण्डकस्थित स्पर्स अस्पतालमा उपचार भइरहेको छ ।

गरिबीको कारण उपचारमा कठिनाई भएको जानकारी पाउनासाथ वीरगंज महानगरपालिकाका नगर प्रमुख राजेशमान सिंह बिरामीको अवस्था बुझ्न अस्पताल पगेका थिए ।

रामको आर्थिक अवस्था अत्यन्त दयनीय रहेको र छाडा चौपाया नियन्त्रण नहुँदा रामको अवस्था गम्भीर भएको हुँदा उनको उपचारको खर्च महानगरपालिकाले व्यहोर्ने निर्णयमा पुगेको नगर प्रमुख सिंहले बताए ।

यसैबिच अब वीरगंज महानगरपालिकाले वीरगंजमा छाडा चौपाया नियन्त्रणका लागि कडा कारबाही सुरु गर्ने भएको छ ।

वीरगंजमा छाडा छाडिएका गाई, साँढे, बाछाबाछीलाई सोझै नियन्त्रणमा लिएर हेटौडास्थित गौशालामा पुर्‍याइने भएको छ ।

सामान्य जरिवाना र चेतावनीमा अटेरी गर्ने क्रम बढ्दै गएपछि महानगरपालिकाले छाडा चौपाया नियन्त्रणपछि जफत गर्ने र ती चौपायालाई हेटौडा गौशालामा पुर्याईने निर्णयमा पुगेको महानगर प्रमुख सिंहले जानकारी दिए ।

सरकारले स्यानेटरी प्याडमा छुट दिएपछि वीरगंजमा दिप प्रज्वलन

0

वीरगंज । विश्व महिला स्वास्थ्य दिवसको अवसरमा जिल्ला बाल क्लब समन्वय सञ्जाल, पर्साले वीरगंजकाे घण्टाघरमा दीप प्रज्वलन गरेकाे छ ।

विश्व महिला स्वास्थ्य दिवस र सरकारले ल्याएकाे बजेटमा स्यानिटर प्याडमा ९० प्रतिशत सम्म कर छुट दिएकाे अवसरमा दिप प्रज्वलन गरिएकाे सञ्जालका अध्यक्ष अर्जुन शाहले वताए ।

दिप प्रज्वलन कार्यक्रममा सहभागिहरुले सरकारले ल्याएकाे बजेटमा स्यानिटरी प्याडमा ९० प्रतिशतसम्म भन्सार महशुल छुट र एक स्थानीय तह एक खेलमैदान कार्यलाई निरन्तरता दिएकाे धन्यावाद समेत दिएका थिए ।

कार्यक्रमकी प्रमुख डा शुष्मा तिवारी द्विवेदीले नेपाल सरकारले गरेको स्यानिटरी प्याडमा ९० प्रतिशतसम्म भन्सार महशुल छुट एकदम सराहनिय भएकाे वताइन । त्यसले अब बालिकाहरूलाई राहत हुने उनले वताइन ।

जिल्ला बाल क्लब समन्वय सञ्जाल पर्साका सह सचिव कमल साहकाे अध्यकक्षतमा भएकोमा कार्यक्रममा सपना शाह, हन्ड्रेस ग्रुप पर्साका संयोजक विशेष साह, सचिव नितु यादव, कोषाध्यक्ष सन्दिप साह, सदस्य कृष कुर्मी, सन्दिप गुप्ता, विशाल पटेल, हरियौम यादव, कोमल गुप्ता लगायतका उपस्थिति रहेको थियो ।

धाेबिनी गाउँ कार्यपालिकाे निर्वाचनमा कांग्रेस प्यानल विजयी

0

वीरगंज । पर्साकाे धाेबिनी गाउँ कार्यपालिका सदस्यकाे निर्वाचनमा नेपाली कांग्रेसकाे प्यानल विजयी भएकाे छ । ६ कार्यपालिका सदस्यकाे लागि मंगलबार भएकाे निर्वाचनमा कांग्रेसका सबै उम्मेदवार विजयी भएका हुन् ।

दलित वा अल्पसंख्यक सदस्यमा कांग्रेसका दिनेश प्रसाद र नन्दकिशाेर प्रसाद कानु विजयी भएकाे निर्वाचन अधिकृतकाे कार्यालय धाेबिनीले जनाएकाे छ । निर्वाचन कार्यालयका अनुसार दुबै जनाले १५/१५ मत ल्याएर विजयी भएका हुन् । उनीहरुकाे प्रतिस्पर्धी जनता समाजवादी पार्टी (जसपा) का दिपक कुमार सर्राफ र प्रमेश्वर ठाकुरले १२/१२ मत पाएका थिए ।

महिला सदस्यमा कांग्रेस कै परमजाेती कुमारी, रिना देवी, सारदा पासवान र शाेभावती देवी विजयी भएका हुन् । चारै जनाले १५/ १५ मत ल्याएर विजयी भएका छन् । उनीहरुकाे प्रतिस्पर्धी जसपाका नगिना देवी, व्यान्ती देवी कुर्मीले १२/१२ मत पाएका थिए भने एमालेका काेशिला देवी पटेल र बचनी देवीले ११/११ मत पाएका थिए ।

२७ मतदाता रहेकाे गाउँ कार्यपालिका सदस्यकाे निर्वाचनमा कांग्रेसका १५, जसपाका ८ र एमालेका ४ मतदाता रहेका थिए । कांग्रेसले एकलै र जसपा र एमालेले गठबन्धन गरेर कार्यपालिका सदस्यकाे चुनाव लडेकाे थियाे ।

५ वडा रहेकाे धाेबिनी गाउँपालिकामा जसपा गाउँपालिका अध्यक्षसहित दुई वडाध्यक्ष, कांग्रेस उपाध्यक्षसहित ३ वडाध्यक्षमा बैशाख ३० गते सम्पन्न निर्वाचनमा जितेकाे थियाे । अब कार्यपालिकामा कांग्रेसकाे बहुमत भएकाे छ । १३ कार्यपालिका सदस्य मध्ये कांग्रेसका १० जना र जसपाका ३ जना मात्र भएका छन् ।