Date
मङ्ल, मंसिर १, २०८३
Tue, November 17, 2026
Home Blog Page 673

धाेबिनी गाउँ कार्यपालिकाे निर्वाचनमा कांग्रेस प्यानल विजयी

0

वीरगंज । पर्साकाे धाेबिनी गाउँ कार्यपालिका सदस्यकाे निर्वाचनमा नेपाली कांग्रेसकाे प्यानल विजयी भएकाे छ । ६ कार्यपालिका सदस्यकाे लागि मंगलबार भएकाे निर्वाचनमा कांग्रेसका सबै उम्मेदवार विजयी भएका हुन् ।

दलित वा अल्पसंख्यक सदस्यमा कांग्रेसका दिनेश प्रसाद र नन्दकिशाेर प्रसाद कानु विजयी भएकाे निर्वाचन अधिकृतकाे कार्यालय धाेबिनीले जनाएकाे छ । निर्वाचन कार्यालयका अनुसार दुबै जनाले १५/१५ मत ल्याएर विजयी भएका हुन् । उनीहरुकाे प्रतिस्पर्धी जनता समाजवादी पार्टी (जसपा) का दिपक कुमार सर्राफ र प्रमेश्वर ठाकुरले १२/१२ मत पाएका थिए ।

महिला सदस्यमा कांग्रेस कै परमजाेती कुमारी, रिना देवी, सारदा पासवान र शाेभावती देवी विजयी भएका हुन् । चारै जनाले १५/ १५ मत ल्याएर विजयी भएका छन् । उनीहरुकाे प्रतिस्पर्धी जसपाका नगिना देवी, व्यान्ती देवी कुर्मीले १२/१२ मत पाएका थिए भने एमालेका काेशिला देवी पटेल र बचनी देवीले ११/११ मत पाएका थिए ।

२७ मतदाता रहेकाे गाउँ कार्यपालिका सदस्यकाे निर्वाचनमा कांग्रेसका १५, जसपाका ८ र एमालेका ४ मतदाता रहेका थिए । कांग्रेसले एकलै र जसपा र एमालेले गठबन्धन गरेर कार्यपालिका सदस्यकाे चुनाव लडेकाे थियाे ।

५ वडा रहेकाे धाेबिनी गाउँपालिकामा जसपा गाउँपालिका अध्यक्षसहित दुई वडाध्यक्ष, कांग्रेस उपाध्यक्षसहित ३ वडाध्यक्षमा बैशाख ३० गते सम्पन्न निर्वाचनमा जितेकाे थियाे । अब कार्यपालिकामा कांग्रेसकाे बहुमत भएकाे छ । १३ कार्यपालिका सदस्य मध्ये कांग्रेसका १० जना र जसपाका ३ जना मात्र भएका छन् । 

नक्कली नोटकाे कारोबार गरेकाे आराेपमा २ जना पक्राउ

0

वीरगंज । इलाका प्रहरी कार्यालय पाेखरियाले नक्ली नाेटकाे काराेबार गरेकाे आराेपमा दुई जनालाई पक्राउ गरेकाे छ । पर्साकाे बहुदरमाई नगरपालिका वडा नं. ८ निवासी १९ बर्षिय राजाबाबु साह तेली र पटेर्वा सुगाैली गाउँपालिका घर भई हाल बहुदरमाईकाे वडा नं. ८ मा नै बस्दै आएका २० बर्षिय अजय सहनीलाई प्रक्राउ गरिएकाे जिल्ला प्रहरी कार्यालय पर्साले जनाएकाे छ ।

साेमबार विहान ८:३० बजे पर्साकाे जगरनाथपुर गाउँपालिका वडा नं.६ स्थितमा लागेको दुर्गा भगवती मेलामा नक्कली नेपाली रू.१००० दरका नोटहरू साट्दै गरेको सूचना प्राप्त भई इलाका प्रहरी कार्यालय पाेखरियाबाट खटिएको टोलीले खोजतलास गर्दै जाँदा उक्त मेलाबाटै दुबै जनालाई पक्राउ गरिएकाे जिल्ला प्रहरी कार्यालय पर्साका प्रवक्ता प्रहरी नायब उपरिक्षक ओमप्रकाश खनाले वताए ।

पक्राउ परेकाहरुकाे साथबाट नेपाली नक्कली नोट रु.१००० दरका २० थान बरामद समेत भएकाे प्रवक्ता खनालले जानकारी दिए । पक्राउ परेका दुबै जनालाई ईलाका प्रहरी कार्यालय पोखरियामा ल्याई निजहरू विरुद्ध मुद्रा सम्बन्धी कसूरमा अनुसन्धान अगाडी बढाईकाे उनले जानकारी गराए ।

विवाहको प्रलोभनमा जबरजस्ती करणी गरी बेचबिखन गर्न खोजेको आरोपमा ३ जना पक्राउ

0

वीरगंज । पर्सा प्रहरीले मानव बेचबिखन तथा जबरजस्ती करणी अभियोगमा १ महिलासहित ३ जनालाई पक्राउ गरेको छ । पक्राउ पर्नेमा मोरङ कटहरी गाउँपालिका वडा नं. ४ का सुरज कुमार साह, जुम्हा हेमा गाउँपालिका वडा नं. ३ का हरिचन्द्रनाथ योगी र संखुवासभा खाँदवारी नगरपालिका १० हाल वीरगंज १६ बस्दै आएकी लक्ष्मी बुढाथोपी (कार्की) रहेका छन् ।

काठमाडौंस्थित २५ बर्षिय युवतीलाई विवाहको प्रलोभन देखाई वीरगंज बोलाई उनको साथमा पटकपटक बलात्कार भएको जिल्ला प्रहरी कार्यालयका प्रहरी प्रवक्ता एवं प्रहरी नायब उपरिक्षक ओम प्रकाश खनालले बताए । उनले भने, वीरगंज महानगरपालिका ८ स्थित एक रेष्टुरेन्टमा काम गर्दै आएका सुरजले जेष्ठ ५ गते ती युवतीलाई विवाह गर्ने प्रलोभन देखाई वीरगंज बोलाएर पटक पटक करणी (बलात्कार) गरेका थिए ।

त्यसपश्चात जेष्ठ ९ गते वीरगंज १६ स्थित कार्की होटलकी संचालिका समेत रहेका लक्ष्मी बुढाथोपीको जिम्मा लगाई फरार भएको हो ।

लक्ष्मीले जेष्ठ १० गते विवाह गर्छ भनि झुक्याई जिल्ला जुम्ला हेमा गाउँपालिका ३ जोगीवडा टोल घर भई हाल वीरगंज १६ फुलवारी टोलमा डेरा गरी बस्ने ३५ को हरिचन्द्रनाथ योगीको जिम्मा ती युवतीलाई लगाएका थिए । योगीले पनि पीडितलाई आफ्नो कोठामा लगी मानसिक र शारीरिक यातना दिई पटकपटक जबरजस्ती करणी गरेका थिए । उनले आफ्नै कोठामा बन्धक बनाएर युवतीमाथि बारम्बार योनशोषण गर्दै आएको उनले बताए ।

जेष्ठ १४ गते पीडित युवती घरमा कोई नभएको मौका छोपी घरबाट भागेर आफन्तलाई जानकारी गरी प्रहरीमा खबर गरेका थिए । प्रहरीले घटनाबारे जानकारी पाउँन साथ तीनै जनालाई पक्राउ गरेको थियो । हाल तीनै जनामाथि मानव बेचबिखन तथा जबरस्ती करणी मुद्दामा जिल्ला अदालतमा म्याद थप गराई आवश्यक अनुसन्धान भईरहेको प्रहरीले जनाएको छ ।

श्री रामपृत रामस्वरुप माविमा दुई काेठे भवनकाे शिलान्यास

0

वीरगंज । पर्साकाे बिन्दवासिनी गाउँपालिका वडा नं. ३ स्थित रहेकाे श्री रामपृत रामस्वरुप माध्यमिक विद्यालय झाैवागुठीमा साेमबार एक कार्यक्रमकाे बिच दुई काेठे भवन निर्माणकाे लागि शिलान्यास गरिएकाे छ । 

प्रदेश सरकारकाे समाजिक बिकास मन्त्रालयकाे ३० लाखकाे लागतमा निर्माण हुने भवनकाे कार्यक्रमका प्रमुख अतिथी प्रदेश सभा सदस्य प्रहलाद गिरिले शिलान्यास गरेका हुन् ।

साे अवसरमा बिन्दवासिनी गाउँपालिकाका अध्यक्ष प्रमोद तिवरीले विद्यालयलाई २५ थान कम्युटर सहयाेग गर्ने प्रतिबद्धता जनाए । नवनिर्वाचित गाउँपालिका अध्यक्ष तिवरीले शिक्षालाई उच्च प्रथमिकता दिदै कम्युटर ल्याबकाे लागि कम्प्युटर सहयाेग गर्ने वताए ।

यसका साथै अध्यक्ष तिवारीले एम्बुलेन्स सेवा निशुल्क गर्ने घाेषण गरेका थिए ।

ठाेरी गाउँ कार्यपालिकाकाे निर्वाचनमा एमाले विजयी

0
वीरगंज । पर्साकाे ठाेरी गाउँ कार्यपालिका सदस्यकाे निर्वाचनमा एमालेका सबै उम्मेदवार विजयी भएका छन् । ६ कार्यपालिका सदस्यकाे लागि साेमबार भएकाे निर्वाचनमा एमाले कै ६ जना विजयी भएकाे निर्वाचन अधिकृतकाे कार्यालयले जनाएकाे छ ।
 
दलित वा अल्पसंख्यक सदस्य तर्फ एमालेका इश्वरी देबी प्रजा र मेघराज सुनुवार बिजयी भएका छ्न । बिजयी इश्वरी देबि प्रजा र मेघराज सुनुवारले १७/१७ मत प्राप्त गरेका छन भने उनीहरुकाे प्रतिस्पर्धी कांग्रेसकी समिता बिश्वकर्मा र नेकपा माओबादी केन्द्रकी उम्मेदवार अनुखा सुनुवारले ९/९ मत प्राप्त गरेका छ्न ।
 
महिला सदस्यमा एमालेकी देबीमाया थिङ, ज्ञान कुमारी जोशी, फुलमाया दर्जी र धनमाया घलान बिजयी भएका छन । विजयी चारै जनाले १७/१७ मत पाएका छन् भने महिला सदस्यका उम्मेदवारहरु भगवती धिताल, निशा खड्का र लालमुनी देबिले ९/९ मत प्राप्त गरेका छ्न ।
 
२७ जना कुल मतदाता रहेकाेमा २६ जना मतदाताले मात्र मतदान गरेका थिए ।  

कालिकामाईकाे गाउँ कार्यपालिकामा जसपा प्यानल विजयी

0

वीरगंज । पर्साकाे कालिकामाई गाउँ कार्यपालिकाकाे निर्वाचनमा जनता समाजवादी पार्टी (जसपा) काे प्यानल विजयी भएकाे छ । ६ कार्यपालिका सदस्यकाे लागि साेमबार भएकाे निर्वाचनमा जसपाका ५ जना र नेपाली कांग्रेसका १ जना विजयी भएका हुन् ।

महिला सदस्यमा जसपाका अकलिया खातुन मुकेरी, चनरजाेतिया दुसादिन, मालती देवी दुसादिन र ललिता देवी विजयी भएका छन् । चारै जनाले १५ मत ल्याएर विजयी भएकाे निर्वाचन अधिकृतकाे कार्यालयले जनाएकाे छ । उनीहरुकाे प्रतिस्पर्धी एमालेकी ज्ञान्ती देवी, कांग्रेसकी गिता देवी कुर्मी, लालसा देवी चमैन र सिमा देवीले १२ मत पाएका छन् ।

यसैगरी दलित वा अल्पसंख्यक सदस्यमा जसपाका हरिओम साह कलवार र कांग्रेसबाट उम्मेदवारी दिएका रामराज चाैरसिया विजयी भएका छन् । दुबै जनाले १५ मत ल्याएर विजयी भएकाे निर्वाचन कार्यालयले जनाएकाे छ । उनीहरुकाे प्रतिस्पर्धी एमालेका पृथ्वी साह कानु र रामध्रुव ठाकुर लाेहारले १२ मत पाएका छन् ।

दलित वा अल्पसंख्यक सदस्यमा विजयी भएका दुबै जना बैशाख ३० गते भएकाे निर्वाचनमा वडाध्यक्षका उम्मेदवार पनि थिए । 

दलित वा अल्पसंख्यक सदस्यमा कांग्रेसबाट उम्मेदवारी दिएका शिवशंकर चाैरसिया र जसपाबाट उम्मेदवारी दिएका रसिद मियाँ धुनियाले एक मत पनि पाएका छैनन् ।

२७ मतदाता रहेकाे कालिकामाई गाउँपालिकामा जसपाका १३ जना, कांग्रेसका १२ जना र एमालेका दुई जना मतदाता थिए । गाउँ कार्यपालिकाकाे निर्वाचनकाे लागि कांग्रेस र एमालेसंग तालमेल समेत भएकाे थियाे । जस अनुसार कांग्रेस एमाले प्यानलका उम्मेदवारलाई १४ मत आउनु पर्ने थियाे । तर १२ मत मात्र पाएका छन् ।

कांग्रेसका रामराजलाई मात्र १५ मत पाएकाे छ भने जसपाका ५ जना उम्मेदवारलाई पनि १५ मत पाएकाे छ । दुई जना मात्र मतदाता रहेकाे एमालेका ३ उम्मेदवारलाई १२ मत पाएकाे छ भने १२ मतदाता रहेकाे कांग्रेसका ३ उम्मेदवारलाई १२ मत पाएकाे छ । 

दुई मतदाता रहेकाे एमालेका उम्मेदवारलाई १२ मत पाउनु र १२ मतदाता रहेकाे कांग्रेसका एक उम्मेदवार एक मत पनि नपाउनुले एमाले-कांग्रेस बिच तालमेल भएकाे प्रमाणित गर्दछ ।

अर्काे तर्फ कांग्रेसका एक उम्मेदवारलाई १५ मत र १३ मतदाता रहेकाे जसपाका उम्मेदवारलाई १५ मत पाउनुले पनि जसपाकाे मत कांग्रेसका उम्मेदवारलाई र कांग्रेसकाे केही मत जसपाकाे उम्मेदवारलाई गाएकाे प्रमाणित गर्दछ ।

अब गाउँ कार्यपालिकामा जसपाकाे पूर्ण बहुमत पुगेकाे छ । १३ कार्यपालिका सदस्य मध्ये जसपाका ९ जना, कांग्रेसका ३ जना र एमालेका एक जना भएका छन् ।

५ वडा रहेकाे कालिकामाई गाउँपालिका अध्यक्षसहित ३ वडाध्यक्षमा जसपा, उपाध्यक्षसहित १ वडाध्यक्षमा कांग्रेस र एक वडाध्यक्षमा एमाले विजयी भएकाे थियाे ।

जिराभवानी गाउँ कार्यपालिकामा कांग्रेस प्यानल विजयी

0

वीरगंज । पर्साकाे जिराभवानी गाउँ कार्यपालिकाे निर्वाचनमा नेपाली कांग्रेसकाे प्यानल विजयी भएकाे छ । ६ गाउँ कार्यपालिका सदस्यका लागि साेमबार भएकाे निर्वाचनमा ६ जना नै कांग्रेसका उम्मेदवार विजयी भएकाे निर्वाचन अधिकृत झविन्द्र प्रसाद पाण्डेले जानकारी दिए ।

दलित वा अल्पसंख्यक सदस्यमा कांग्रेसका ऋषि कुमार हजरा, सराेज चाैरसिया विजयी भएकाे निर्वाचन अधिकृत पाण्डेले वताए । उनका अनुसार हजरा र चाैरसियाले १७ मत ल्याएर विजयी भएका हुन् । उनीहरुका प्रतिस्पर्धी एमालेका नागेन्द्र प्रसाद साह र रघुबर हजरा दुसादले १० मत पाएका छन् ।

यसैगरी महिला सदस्यमा कांग्रेस कै अनुसईया देवी, काेशिलीया चमैन, रन्जु देवी थरुइन र रुना देवी मुसहेरिन १७ मतका साथ विजयी भएका छन् । उनीहरुका प्रतिस्पर्धी एमालेका गिता देवी, पतली देवी, प्रभावती देवी चमार र श्रीकान्ती देवी थरुनी १० मत पाएकाे प्रमुख प्रशासकिय अधिकृत प्राण मेहताले वताए ।

५ वडा रहेकाे जिराभवानी गाउँपालिकाकाे अध्यक्ष, उपाध्यक्षसहित ३ वटा वडाध्यक्षमा कांग्रेस र २ वटा वडाध्यक्षमा एमाले विजयी भएकाे थियाे । अब १३ सदस्यीय कार्यपालिका सदस्यमा ११ जना कांग्रेसकाे र दुई जना मात्र एमालेकाे भएका छन् । 

तारा एअर दुर्घटनामा १६ जनाकाे शव भेटियाे, पानी परेका कारण उद्दारमा समस्या

0

काठमाडौं । मुस्ताङको थासाङ गाउँपालिका–२, सानुसरेमा भएको तारा एअर दुर्घटनाको उद्दारमा समस्या भइरहेको सुरक्षाकर्मीले बताएका छन् । 

करिब ५ घण्टा पैदल हिँडेर दुर्घटनास्थल पुगेको सशस्त्र प्रहरी बलको टोली उद्दारमा खटिएको छ । सशस्त्रको २५ जनाको टोली बिहान ५ बजे हिँडेर ११ बजेतिर दुर्घटनास्थल पुगेको थियो ।

सशस्त्रको टोलीसँगै नेपाल आर्मी, नेपाल प्रहरीले शवहरु संकलनको काम गरिरहेको छ । तर मौसम प्रतिकूल हुँदा उद्दारमा समस्या भएको सशस्त्र प्रहरी मुस्ताङका डीएसपी मोहनजंग कार्कीले बताए ।

कार्कीका अनुसार अहिले दुर्घटनास्थल क्षेत्रमा पानी परिहेको छ । बाक्लो हुस्सु लागेको छ । शव संकलनका लागि पुगेको सेनाको हेलिकोप्टरसमेत बस्ने सकेको छैन । अहिले शवहरु संकलन गरेर ‘प्याक’ गर्ने काम भइरहेको डीएसपी कार्कीले बताए ।

मौसम अनकूल भएर हेलिकोप्टर ल्याण्ड भएपछि शव राखेर काठमाडौं पठाइने कार्कीले बताए । घटनास्थलमा पुगेको प्रहरीले घटनास्थल मुचल्का तथा डकुमेन्टेसनको काम गरिरहेको छ ।

 नेपाल प्रहरीका प्रवक्ता तथा एसएसपी विष्णु केसीले पनि मौसम अनकूल नहुँदा उद्दारमा समस्या आएको बताएका छन् । 

अहिलेसम्म १६ वटा शव संकलन गरिएको सशस्त्र प्रहरी बलका प्रवक्ता तथा डीआईजी विदुर खड्काले बताए । पानी परेका कारण अत्याधिक चिसो भएकाले उद्दारमा केही समस्या भए पनि निरन्तर काम भइरहेको उनको भनाइ छ ।

आइतबार बिहान पोखराबाट उडेको तारा एयरको ९ एनएईटी ट्विनअटर विमान सम्पर्कविहीन भएको थियो । आइतबार दिनभर खोज्दासमेत विमान नभेटिएपछि खोजीका कार्यलाई स्थगित गरेर सोमबार बिहानबाटै खोजी कार्य सुरु गरिएको थियो । 

दुर्घटनाग्रस्त अवस्थामा विमान  सानोसरेमा भेटिएको स्थानियले जानकारी गराएपछि सुरक्षाकर्मीको टोली घटनास्थल पुगेको थियो । विमानमा चालक दलका तीन सदस्य, २ जमर्न नागरिक, चार भारतीय, १३ नेपाली यात्रु सवार थिए ।

यसरी भेटियो हराइरहेको ट्विनअटर

पाेखराबाट जोमसोमका लागि आइतबार बिहान उडेको तारा यएरको ९–एनएईटी ट्विनअटर विमान मुस्ताङको थासाङ गाउँपालिका–२ कोवाङको सानोसरे भीरमा फेला परेको छ ।

थासाङ गाउँपालिका–३ लेतेका सुमित गौचनले सोमबार बिहान दुर्घटनाग्रस्त विमान मानापाथी हिमालको फेदीमा मूलीखर्कको सरेभीरमा अन्दाजी ४ हजार २ सय मिटरमाथि क्षतविक्षत अवस्थामा फेला पारेका हाे । गौचन अन्य स्थानीयसँगै दुर्घटनाग्रस्त विमान खोज्न निक्लेका थिए ।

अन्य साथीहरु आइतबार राति नै फर्के पनि गौचन यार्सा खोज्न गएका इशान गुरुङसमेतको टोलीसँग बास बसेका थिए । उनै इशान गुरुङले आइतबार विमान आफूहरुकै टाउकोमाथि उडेको र ठोक्किएको आवाज सुनेको तर बाक्लो कुहिरोले नदेखेको भनी प्रहरी प्रशासन र पालिका अध्यक्ष, वडाध्यक्षलाई खबर गरेका थिए ।

सोही आधारमा खोजीलाई मानापाथी हिमालमुनि केन्द्रित गरिएको थासाङ गाउँपालिका–२ कोवाङका वडाध्यक्ष गौतम शेरचनले बताए । कोवाङबाट तीन घन्टा माथि मानापाथी हिमालको फेदीमा पर्ने पहाडमा विमान ठोक्किएर क्षतविक्षत अवस्थामा स्थानीयले फेला पारेका हुन् ।

पोखराबाट आइतबार बिहान ९ : ५५ बजे उडेको विमान म्याग्दी खण्डमा पर्ने बफर जोन क्रस गरेपछि सम्पर्कविहीन भएको थियो । जोमसोम विमानस्थलमा बाक्लो बादल लागेकोले अवतरण गर्न नसकेपछि निलगिरी हिमाल मुनीको टिटी तालको आकाशबाट देब्रे मोडिएर मानापाथी हिमालपट्टी पुगेको र सोही पहाडमा ठोकिएको थियो ।

पोखरा–जोमसोम उड्ने जहाजहरु म्याग्दी–मुस्ताङ सिमावर्ती घाँसा क्षेत्रको २ हजार ८ सय मिटर अग्लो स्थानमा कालीगण्डकी नदीलाई देब्रे पारेर उडान भर्छन् । पोखरा–जोमसोम रुटमा उड्ने विमान म्याग्दीको घोरेपानीदेखि मुस्ताङको घाँसासम्मको क्षेत्रमा करिब ६ मिनेट टावरसँग सम्पर्क विच्छेद हुन्छन् ।

यो विमान बफर जोन क्रसगरी जोमसोम विमानस्थलको टावरमा सम्पर्कमा आएपछि बेपत्ता भएकोले मुस्ताङको लेते, कोवाङ क्षेत्रलाई आधार मानेर खोजी गरिरहेको थियो ।

ट्विनअटर दुर्घटनामा गोरखाका एकै घरका चार जना

आइतबार बिहान पोखराबाट जोमसोमका लागि उडेको तारा एयरको ट्विनअटर विमान दुर्घटनामा गोरखाका एकै घरका चार जना परेका छन् । मुक्तिनाथ घुम्न गएका सहिद लखन गाउँपालिका–५ तिनमानेका ५२ वर्षीय गणेशनारायण श्रेष्ठको परिवारका चार जना जहाजमा रहेको खबर पाएपछि गाउँले स्तब्ध छन् ।

श्रेष्ठ श्रीमती ४८ वर्षीया रश्मी श्रेष्ठ र छोरीहरु २० वर्षीया रविना श्रेष्ठ र २३ वर्षीया रोजिना श्रेष्ठ विमानमा सवार थिए । अध्ययनको सिलसिलामा अमेरिका रहेका छोरीहरु रविना र रोजिना नेपाल आएको बेला गणेशनारायणको परिवार मुक्तिनाथ घुम्नका लागि पुगेका थिए ।

‘हिजो(आइतबार) बिहान जहाज हरायो भनेर सुन्यौँ, केहीबेरमा हाम्रो छिमेकी पनि हुनुहुन्छ भनेपछि स्तब्ध बन्यौँ,’ तिनमानेका विजय पुडासैनीले भने । स्थायी घर तिनमाने रहेका गणेशनारायणका परिवार काठमाडौं बस्थे । ‘वैशाख २२ गते गाउँ आएर फर्कनुभएको थियो, अहिले यस्तो खबर सुन्न पर्‍यो,’ पुडासैनीले भने ।

गणेशनारायण पाँच जनाको परिवार थिए । गणेशनारायणसहित चार जना परिवार विमानमा सवार थिए । अध्ययनको सिलसिलामा अमेरिकामा रहेका छोरा रोशन पनि विमान हराएको खबर सुने लगत्तै नेपाल फर्केको गणेशनारायणका भान्जा नाता पर्ने कृष्ण श्रेष्ठले बताए । ‘मामा मिलनसार हुनुहुन्थ्यो, समाजसेवामा पनि रुचि राख्नुहुन्थ्यो,’ कृष्णले भने,‘३ गते भेट भएको थियो, अहिले यस्तो खबर सुन्नुपर्‍यो ।’

हराइरहेको जहाजमा तिनमानेका चार जना रहेको खबर सुनेलगतै गाउँपालिका अध्यक्ष रमेश थापालगायतका गाउँलेहरु आइतबार नै पोखरा पुगेका थिए । कास्कीका प्रजिअ, प्रहरी प्रमुख लगायतका सरकारी अधिकारीसँग भेटेर हराइरहेको विमानको बारेमा जानकारी लिएको गाउँपालिका अध्यक्ष थापाले बताए ।

‘जहाज हरायो भनेपछि के भयो कसो भयो भन्ने थियो, आज बिहान दुर्घटनाग्रस्त अवस्थामा जहाज भेटियो भनेपछि आधिकारिक भयो,’ थापाले भने । अमेरिकामा रहेका छोरा रोशन नेपाल फर्कंदै गरेको अध्यक्ष थापाले बताए ।

विमान दुर्घटनामा परेकाहरुको शव काठमाडौं लैजाने जानकारी पाएपछि श्रेष्ठका आफन्त र छिमेकी सोमबार पोखराबाट काठमाडौंं गएका छन् ।