Date
मङ्ल, मंसिर १, २०८३
Tue, November 17, 2026
Home Blog Page 671

कालिकामाईका अध्यक्ष गुप्ताद्वारा शिक्षण र स्वास्थ्य संस्थाकाे अनुगमन

0

वीरगंज । पर्साकाे कालिकामाई गाउँपालिका अध्यक्ष बशिष्ट गुप्ताले शुक्रबार शिक्षण संस्ठा र स्वास्थ्य संस्थाकाे अनुगमन गरेका छन् । गाउँपालिका अध्यक्ष गुप्ताले गाउँपालिका अन्तर्गतका ३ विद्यालय र ३ स्वास्थ्य चाैकीकाे एकैदिन अनुगमन गरेका हुन् ।

वडा नं. १ मा रहेकाे श्री जनता मावि मुडली, स्वास्थ्य चाैकी मुडली र वडा कार्यालयकाे अनुगमन गर्दै अध्यक्ष यादवले देखिएकाे कमिकमजाेरी यथासिघ्र सुधार गर्न निर्देशन दिएका थिए ।

अनुगमनकाे क्रममा श्री जनता मावि मुडलीकाे मुल गेट मै नाला बगिरहेकाे पाइएकाे अध्यक्ष गुप्ताले वताए । उनले भने “विद्यालयकाे मुल गेटमा नाला बगिरहेकाे पाइयाे । त्यसका कारण साे गेटबाट विद्यार्थीहरु विद्यालयमा प्रबेश नगर्ने र सहायक गेटकाे प्रयाेग गर्नु पर्ने बाध्यता देखियाे ।” 

त्यस्तै विद्यालयकाे साैचालय र सरसफाईकाे अवस्था पनि दैनिय देखिएकाे अध्यक्ष गुप्ताले वताए । उनले भने “अनुगमनकाे क्रममा वडा नं. १ काे कार्यालय पनि अव्यवस्थित देखियाे । भवन पुरानाे सांगुराे भएका कारण वडा कार्यालय संचालनमा पनि समस्या देखियाे । भवन जिर्ण पनि भइसकेकाे पाइयाे ।”

त्यसैगरी अनुगमनकाे क्रममा वडा नं. २ काे श्री सुकई साह मावि भेडिहारीमा कक्षा काेठाकाे अभाव र सरसफाईकाे अवस्था दैनिय देखिएकाे अध्यक्ष गुप्ताले वताए । उनले यसैगरी स्वास्थ्य चाैकी भेडिहारीकाे अवस्था पनि दैनिय देखियाे । तर स्वास्थ्य चाैकी भेडिहारीकाे भवन नयाँ बनिसकेका कारण तुरुन्त नयाँ भवनमा सारिने जानकारी गराए । 

त्यसपछि अनुगमन टाेली वडा नं. ४ पशुरामपुर पुगेकाे थियाे । पशुरामपुर स्वास्थ्य चाैकीकाे अवस्था अरु भन्दा राम्राे देखिएकाे अध्यक्ष गुप्ताले जानकारी गराए । तर पशुरामपुर मै जनता अवास कार्यक्रम अन्तर्गत निर्माण भइरहेकाे घरहरुमा २ नम्बरकाे इटा प्रयाेग भइरहेकाे पाइएका कारण निर्माण कार्य राेक्न निर्देशन दिएकाे अध्यक्ष गुप्ताले जानकारी गराए ।

त्यसपछि वडा नं. ५ काे सेमरा टाेलमा पुग्ता त्याँहा रहेकाे श्री नेपाल राष्ट्रिय आधारभुत विद्यालय बन्द रहेकाे पाइएकाे र कक्षा काठामा भुषा राखिएकाे भेटिएकाे अध्यक्ष गुप्ताले वताए ।

अध्यक्ष गुप्ता नेतृत्वकाे अनुगमन टाेलीमा प्रमुख प्रशासकिय अधिकृत अमित कुमार गिरी, वडा नं. ५ का वडाध्यक्ष जयनारायण प्रसाद कुर्मी, प्रशासन शाखा प्रमुख सराेज साह, लेखापाल अभिषेक साह लगायतकाे सहभागिता रहेकाे थियाे । 

यसैबिच शुक्रबार नै प्रमुख प्रशासकिय अधिकृत गिरीले एक सुचना जारी गर्दै गाउँपालिका मातहतका सबै कर्मचारी समय मै कार्यालयमा उपस्थिती हुनु निर्देशन दिएका छन् । अनुपस्थित भए बिदा लिएर र कार्यालयलाई जानकारी गराएका हुन निर्देशन दिएका हुन् । त्यसाे नभएकाे खण्डमा कानुन बमाेजिम कारवाही हुने गाउँपालिकाकाे फेसबुकमा राखिएकाे सूचनामा उल्लेख गरिएकाे छ । 

प्रधानमन्त्री देउवाद्वारा जगरनाथपुर गापा अध्यक्ष यादवलाई बधाई

0

वीरगंज । नेपाली कांग्रेसका सभापति एवम् प्रधानमन्त्री शेर बहादुर देउवाले पर्सामा कांग्रेसबाट निर्वाचित गाउँपालिका अध्यक्षहरुलाई बधाई दिएका छन् ।

प्रधानमन्त्री देउवाले जगरनाथपुर गाउँपालिका अध्यक्ष श्रीकान्त यादव, जिराभवानी गाउँपालिका अध्यक्ष अनाेज चाैधरी, पकहा मैनपुर गाउँपालिका अध्यक्ष सुरेश मेहता र पटेर्वा सुगाैली गाउँपालिका अध्यक्ष दिनेश चाैधरीलाई बधाई तथा शुभकामना दिएका हुन् ।

प्रधानमन्त्री देउवाले समाजिक संजाल फेसबुक मार्फत स्थानिय तह निर्वाचन २०७९ मा कांग्रेसबाट निर्वाचित पर्साका चार गाउँपालिका अध्यक्षलाई  बधाई दिदै सफल कार्यकालकाे सुभकामना समेत दिएका हुन् ।

बन्द रहेकाे कक्षा संचालन गर्न अध्यक्ष यादवकाे निर्देशन

0

वीरगंज । पर्साको जगरनाथपुर गाउँपालिकाका अध्यक्ष श्रीकान्त यादवले स्थगित रहेको कक्षा ९ र १० को पठनपाठन तत्कालन सुचारु गर्न निर्देशन दिएका छन् ।

जगरनाथपुर गाउँपालिकाकाे वडा नं. ४ मा रहेको श्री नेपाल राष्ट्रिय माध्यमिक विद्यालयका विद्यार्थीहरुले कक्षा सञ्चालन नभएको भन्दै अध्यक्ष यादवलाई गुनासो गरेपछि बिहिबार अनुगमनमा गर्दै कक्षा संचालन गर्न निर्देशन दिएका हुन् । गाउँपालिका अध्यक्ष यादवले बिहीबार विहान विद्यालयको अनुगमत तथा निरीक्षण गरि समस्या बारे जानकारी लिएका थिए ।

साेही क्रममा विद्यालयका प्रधानाध्यापक चन्देश्वर यादवलाई भवन मर्मत तथा कक्षा ९ र १० संचालन गर्न निर्देशन दिए ।

उक्त विद्यालयमा कक्षा १० मा ६० जना विद्यार्थी अध्ययनरत छन् । त्यसमध्ये २० जनाको भर्ना गरिएको छैन् । कक्षा १० को अनुमति नभएकाले कक्षा पठनपाठन अवरुद्ध भएको थियो । अध्यक्ष यादवले पठनपाठन सुचारु गर्न निर्देशन दिदै अगामि आर्थिक वर्षमा कक्षा १० को अनुमति दिलाउने प्रतिवद्धता दिएका थिए ।

शुक्रबारदेखी नै अवरद्ध रहेका कक्षामा पठनपाठन सुचारु हुने विद्यालय प्रशासनले जनाएको छ । निर्वाचित भएदेखि नै अध्यक्ष यादव शिक्षा र स्वास्थ्य क्षेत्रमा देखिएका बेतिथी अन्त्यका लागि लागि परेको स्थानीयले बताएका छन् ।

विद्यालय अनुगमनमा अध्यक्ष यादवसंगै वडाध्यक्ष सुबाष यादव, कांग्रेसका महाधिवेशन प्रतिनिधि रामदेव चाैहान, क्षेत्रिय काेषाध्यक्ष विनय भुषण द्विवेदी, नेता दिपेन्द्र चाैहान लागयतकाे सहभागिता रहेकाे थियाे ।  

महिलाहरुकाे नेतृत्व तथा क्षमता विकास तालिम सम्पन्न

0

वीरगंज । पर्साकाे सखुवा प्रसौनी गाउँपालिका वडा नं. ६ लखनपुरमा “पिछडा वर्गका महिलाहरुका लागि नेतृत्व तथा क्षमता विकास तालिम” सम्पन्न भएकाे छ । सखुवा प्रसौनी गाउँपालिकाकाे आर्थिक सहयोग तथा परिवर्तन अभियान नेपालको आयोजनामा क्षमता विकास तालिम सम्पन्न भएकाे हाे ।

तालिममा पिछडा वर्गका महिलाहरुको प्रभावकारी नेतृत्व विकास, राज्यले प्रदान गरेको हक अधिकार, निति निर्माण र निर्णय गर्ने तहमा महिलाहरुको संख्यात्मक र गुणात्मक सहभागिता, महिलाहरुको विकासमा भुमिका, महिला विभेद तथा हिंसा, महिला प्रतिको रुढिवादी सोचमा परिवर्तन, महिलाहरुको विकास कार्यमा सकृय सहभागिता, महिला बाधा अचडन जस्ता विषयहरुमा प्रशिक्षण दिईएको आयाेजक संस्थाका अध्यक्ष मनोज कुमार यादवले जानकारी दिए ।

सखुवा प्रसौनी गाउँपालिकाकी उप–प्रमुख शर्मिला विष्ट महतोको प्रमुख अतिथित्वमा भएकाे तालिममा वडाध्यक्ष मुन्ना राउत कमकर, आयाेजक संस्थाका अध्यक्ष मनोज कुमार यादव, कोषाध्यक्ष दिनेश्वर प्रसाद साहको विशेष उपस्थिति रहेकाे थियाे ।

महिलाहरुको सहभागिता लैंगिक समानता र दिगो तथा न्यायिक विकासको सुचकको रुपमा रहेका महिलाहरुको सक्षम, सवल र सक्रिय बनाउनु सबैको दायित्व रहकाे उप प्रमुख विष्टले बताइन ।

तालिममा मनोज वर्णवाल, माधुरी गुप्ता, दिनेश्वर साह, मनोज यादवले प्रशिक्षण दिएका थिए ।

पर्सागढी नगर कार्यपालिका सदस्यकाे निर्वाचनमा एमाले विजयी

0

वीरगंज । पर्साकाे पर्सागढी नगर कार्यपालिका सदस्यकाे निर्वाचन बिहिबार सम्पन्न भएकाे छ । ८ कार्यपालिका सदस्यकाे लागि भएकाे निर्वाचनमा नेकपा एमालेका ६ जना, जनता समाजवादी पार्टी (जसपा) र लाेकतान्त्रिक समाजवादी पार्टी (लाेसपा) का १/१ जना विजयी भएका छन् ।

दलित वा अल्पसंख्यक सदस्यमा एमालेका माेहन लाल महताे, दिल बहादुर भुजेल र जसपाका असलम आलम विजयी भएकाे निर्वाचन अधिकृतकाे कार्यालय पर्सागढीले जनाएकाे छ । निर्वाचन कार्यालयका अनुसार एमालेका महताे ३० मत, एमाले कै भुजेल २६ मत र जसपाका आलम २४ मत ल्याएर विजयी भएका हुन् ।

उनीहरुका प्रतिस्पर्धी एमालेका अजय कुमार २३ मत, नेपाली कांग्रेसका महमद आलिम मियाँ र कांग्रेस कै निरन्जन कुमार साह १६ मत पाएका थिए ।

महिला सदस्यमा एमालेका सिता देवी लामा, चन्दा देवी थरुनी, सविता गिरी, लक्ष्मी बिश्वकर्मा र लाेसपाकी सुनिता कुमारी देवी विजयी भएका छन् । एमालेकी सिता २८ मत, एमालै कै चन्दा, सविता, लक्ष्मी र लाेसपाकी सुनितले २६/२६ मत ल्याएर विजयी भएका हुन् ।

उनीहरुका प्रतिस्पर्धी जसपाकी इन्द्रा देवी सहनी, तेतरी देवी, लालसा देवी चमइन, कांग्रेसकी चन्दा पटेलले २१/२१ मत र कांग्रेसकी उम्रावती देवीले १९ मत पाएका थिए ।

९ वटा वडा रहेकाे पर्सागढी नगरपालिकामा एमाले मेयर, उप मेयरसहित २ वडाध्यक्ष, कांग्रेस ३ वडाध्यक्ष, जसपा २ वडाध्यक्ष र लाेसपा एक वडाध्यक्षमा चुनाव जितेका छन् भने एउटा वडाध्यक्षमा स्वतन्त्र उम्मेदवार विजयी भएका छन् ।

४७ मतदाता रहेकाे कार्यपालिका सदस्यकाे निर्वाचनमा एउटै दलका उम्मेदवारले फरक फरक मत पाएका छन् ।    

छिपहरमाई १ काे वडा कार्यालय उद्घाटन, वडाध्यक्ष यादवले गरे पदभार ग्रहण

0

वीरगंज । पर्साकाे छिपहरमाई गाउँपालिका वडा नं. १ मिर्जापुरका वडाध्यक्ष कामेश्वर प्रसाद यादवले पदभार ग्रहण गरेका छन् । नेपाली कांग्रेसबाट वडाध्यक्षमा निर्वाचित यादव आज एक कार्यक्रमका बिच पदभार ग्रहण गरेका हुन् ।

त्यस अघि मर्मत र रंग राेहन गरिएकाे वडा कार्यालयकाे रिबन काटेर नेपाली का्ग्रेस पर्साका सह सचिव नविन सिंहले उद्घाट गरेका थिए । बैशाख ३० गते सम्पन्न निर्वाचनमा गाउँपालिका अध्यक्षका उम्मेदवार समेत रहेका सह सचिव सिंहले फुल माला र अविरकाे टिका लगाएर नवनिर्वाचित वडाध्यक्ष यादवलाई बधाई तथा सफल कार्यकालकाे शुभकामना दिए ।

पदभार ग्रहण कार्यक्रमलाई सम्बाेधन गर्दै सह सचिव सिंहले जनप्रतिनिधिले जनचाहना अनुसार काम गर्नु पर्ने वताए । उनले निर्वाचनमा हारजित स्वभाविक भएकाे वताउँदै विकासकाे मामला सबैसंग सहकार्य गरेर अगाडी बढनु पर्ने धारणा राखे ।

‘आँधी तुफान २’ को शीर्ष गीतमा तीन अभिनेत्रीको बोल्ड अवतार

0

फिल्म ‘आँधी तुफान २’ को शीर्ष गीत सार्वजनिक गरिएको छ । सुवानी मोक्तानको स्वर, सुरेश अधिकारीको संगीत र हरि उप्रेतीको शब्द गीतमा छ । गीतले फिल्मको कथा भनेको निर्माण मौनता श्रेष्ठले बताए ।

अवी वाग्लेको कोरियोग्राफी रहेको गीतको भिडियोलाई भारतको गोवामा खिचिएको हो । भिडियोमा फिल्मका मुख्य ३ अभिनेत्री आरती आचार्य, यांशु श्रेष्ठ र सोनी बिसी बोल्ड अवतारमा प्रस्तुत भएका छन् ।

फिल्म २० साउनबाट सार्वजनिक प्रदर्शनमा आउँदैछ । मदन घिमिरेको निर्देशन रहेको फिल्मले नारी शक्तिको कथा भन्छ । मौनता श्रेष्ठको लेखन तथा निर्माणमा तयार फिल्म ओम साई भक्त मूभि प्रालिको ब्यानरमा बनेको हो ।

फिल्ममा रवि गिरी, पुस्कर राउत, सञ्जित भण्डारी, सोनी बिसी, आरती आचार्य, यांशु श्रेष्ठ, विन्दिया ठकुरी, रुपा केसी लगायतका कलाकारको अभिनय छ ।

मौनता श्रेष्ठको कथा, पटकथा तथा संवाद रहेको फिल्ममा रामशरण उप्रेतीको छायाङ्कन, कमल राई र अभि वाग्लेको कोरियोग्राफी, सुरेश अधिकारी र विक्रम थापाको संगीत छ । प्रेम चुल्ठेको द्धन्द्ध रहेको फिल्मको सम्पादक मन्दिल श्रेष्ठ हुन् ।