Date
मङ्ल, मंसिर १, २०८३
Tue, November 17, 2026
Home Blog Page 666

अहिले पनि हामीले बिहे गरेको जस्तो लाग्दैन : रणवीर

0

रणवीर कपुर र आलिया भट्ट बलिउडको सबैभन्दा हट जोडी मध्ये एक हुन् । हालै रणवीरले नयाँ अन्तर्वार्तामा पहिलो पटक आफ्नो वैवाहिक जीवनको बारेमा कुरा गरेका छन् । उनले विवाहपछि आफू र आलियाले व्यावसायिक र व्यक्तिगत जीवन कसरी म्यानेज गरिरहेका छन् भन्ने बताए ।

उनले भने, “विवाहपछि हाम्रो जीवनमा कुनै ठूलो परिवर्तन आएको छैन । हामी ५ वर्ष सँगै थियौँ, त्यसैले बिहे गरौँ भन्ने सोचेका थियौँ । तर हाम्रो काममा केही कमिटमेन्टहरू छन्, पहिले पूरा गरौँ भन्ने थियो ।”

रणवीरले थपे, “विवाहको भोलिपल्टै हामीले आफ्नो काम सुरु गरेका थियौँ । आलिया उनको सुटिङको लागि गइन् भने म पनि आफ्नो फिल्मको सुटिङ गर्न मनाली गएँ । उनी लन्डनबाट फर्किएपछि र मेरो फिल्म शमशेरा रिलिज भएपछि एक साताको बिदा लिने योजनामा ​​छौँ । अहिले त हामी बिहे गरेको जस्तो लाग्दैन ।”

रणवीर र आलियाको विवाह मुम्बईस्थित आफ्नो घर वास्तुमा नजिकका साथीभाई र परिवारका बीचमा भएको थियो । ५ वर्ष डेटिङ गरेपछि दुवैले १४ अप्रिल २०२२ मा विवाह गरेका थिए ।

स्वास्थ्य राज्यमन्त्री वली प्रहरी नियन्त्रणमा

0

काठमाडौं । लुम्बिनी प्रदेशकी स्वास्थ्य, जनसंख्या तथा परिवार कल्याण राज्यमन्त्री विमला खत्री वलीलाई प्रहरीले नियन्त्रणमा लिएको छ । 

दाङको तुलसीपुर उपमहानगरपालिका–५ स्थित एक घरमा महिलामाथि हातपात गरेको आरोपमा प्रहरीले उनलाई नियन्त्रणमा लिएको हो ।

तुलसीपुर–५ बसपार्कस्थित एकराज बस्नेतको घरमा पुगेर उनकी श्रीमती र छोरीमाथि हातपात गरेको भन्दै स्थानीयले उनलाई घरभित्रै थुनेर राखेका थिए । त्यसपछि स्थानीयले प्रहरीलाई खबर गरेका थिए ।

स्थानीयको सूचनापछि पुगेको प्रहरीले उनलाई नियन्त्रणमा लिएको हो । हाल उनी इलाका प्रहरी कार्यालय तुलसीपुरमा रहेकी जनाइएको छ । 

रक्तदाता दिवसकाे अवसरमा ८६ जनाद्वारा रक्तदान

0

वीरगंज । नारायणी वयाेधा हस्पिटल वीरगंजकाे आयाेजनामा आज रक्तदान कार्यक्रम सम्पन्न भएकाे छ । विश्व रक्तदाता दिवसकाे अवसरमा भएकाे कार्यक्रममा १४ महिलासहित ८६ जनाले रक्तदान गरेकाे अस्पतालका प्रशासन प्रमुख विष्णु पटेलले वताए ।

वयाेधा हस्पिटल परिसरमै भएकाे कार्यक्रममा कविता चाैधरी, राेजी नेपाली, राेशनी पराजुली, लक्ष्मण थारु, कामाेद मेहता, देवी मायाँ पाैडेल, संताेष पटेल, सुनिल चाैधरी, अविषेक कुशवाहा, रवि कर्ण, अमित कुमार पटेल, सदाम हुसेन, विकी कुशवाहा, अंजु पाख्रिन, विष्णु राम, मनाेज कुमार पटेल, रंजित सिंह राजपुत लगायतकाले रक्तदान गरेकाे प्रशासन शाखा प्रमुख पटेलले जानकारी दिए ।

वीरगंज महानगरपालिकाका मेयर राजेशमान सिंहकाे प्रमुख आतिथ्यतामा भएकाे रक्तदान कार्यक्रममा वीरगंज उद्याेग वाणिज्य संघका पूर्व अध्यक्ष अशाेक वैध लागयतकाे उपस्थिती रहेकाे थियाे । कार्यक्रम रक्त संचार केन्द्र  वीरगंजकाे प्राविधिक सहयाेगमा भएकाे थियाे । 

मनाेसामाजिक प्राथमिक तालिमकाे अध्यक्ष यादवद्वारा उद्घाटन

0

वीरगंज ।  बालबालिका तथा समावेशी शिक्षा संजालकाे सदस्यलाई मेन्टरिङ्ग र मनाेसामाजिक प्राथमिक सहयाेग सम्बन्धि ३ दिने तालिम वीरगंजमा सुरु भएकाे छ । भिस्वा हाेटलमा सुरु भएकाे तालिमकाे जगरनाथपुर गाउँपालिकाका अध्यक्ष श्रीकान्त प्रसाद यादवले उद्घाटन गरेका छन् ।

किशाेरी सशक्तिकरण लागि शिक्षा कार्यक्रम अन्तर्गत सुरु भएकाे तालिमकाे उद्घाटन गर्दै गाउँपालिका अध्यक्ष यादवले महिला आत्महत्याकाे घटना बढ्दै गएकाे प्रति चिन्ता व्यक्त गर्दै त्यस तर्फ पनि ध्यान पुग्नु पर्ने वताए । उनले मनाेसमाजिक तर्फ जाेडेर भएपनि समाजिक जनचेतना फेलाउँदै आत्महत्याकाे घटनामा कमि ल्याउनु पर्ने कार्यक्रम संचालन गर्ने संस्थालाई सुझाव दिए ।

तालिम उद्घाटन समाराेहमा जगरनाथपुर गाउँपालिकाकी उपध्यक्ष बबिता सिंह क्षेत्री, जगरनाथपुर ५ का वडाध्यक्ष बिहारी मह्तो नुनिया, स्वास्थ शाखा प्रमुख प्रवेन्द्र साह, दिव्य युवा क्लबका कार्यक्रम संयाेजक गणेश ठकुरी लगायतले मन्तव्य राखेका थिए ।

दिव्य युवा क्लबकाे आयाेजनामा सुरु भएकाे तालिम असार २ गते सम्पन्न हुने आयाेजकले जनाएका छन् ।

पर्सामा सालाेकाे हत्या आराेपमा भिनाजुसहित ५ जना पक्राउ

0

वीरगंज । पर्साकाे बहुदरमाई नगरपालिका वडा नं.२ सिसियाडी बैरिया टोलका ४० बर्षिय राजेश रामको हत्यामा सलंग्न ५ जनालाई प्रहरी नियन्त्रणमा लिएकाे छ । प्रहरीले अनैतिक क्रियाकलापमा सलंग्न भएको बिषयलाई लिएर राजेशकाे घाँटी कसी मारेकाे आराेपमा निजको भिनाजु हिरामन महरासहित ५ जना परिवारका सदस्यलाई पक्राउ गरेकाे हाे ।

जगरनाथपुर गा.पा.वडा नं.६ निवासी ४५ बर्षिय हिरामनसहित साेही ठाउँ निवासी ३६ बर्षिय रामबालक महरा, ४० बर्षिय बसन्ती देवी, ३५ बर्षिय सुनिता देवी, २२ बर्षिय रिंकु देवीलाई पक्राउ गरिएकाे जिल्ला प्रहरी कार्यालय पर्साले जनाएकाे छ ।

राजेशकाे मृत शरीर शनिबार ११:१५ बजे जगरनाथपुर गाउँपालिका वडा नं.६ स्थित नारा खोलाको खोल्साभित्र घोप्टो परेको र घाँटीमा गम्छा कसिएको अवस्थामा फेला परेको थियाे ।

घटना सम्बन्धमा मृतकका भिनाजुसहित ४ जनालाई नियन्त्रणमा लिएर अनुसन्धान गर्दा निज राजेश राम मिति २०७९।०२।२४ गते आफ्नै दिदीको घरमा आई बसेकोमा जेठ २८ गते शनिबार ००;३० बजे निजको भिनाजु हिरामन महरा र निजको भाई समेत ५ जना परिवारका सदस्य मिली अनैतिक क्रियाकलापमा सलंग्न भएको बिषय लिएर घाँटी कसी मारी उक्त खोल्सामा लाश लगी फालेको खुल्न आएको प्रहरीले जनाएकाे छ ।

पक्राउ परेका पांचै जना विरुद्ध ज्यान सम्बन्धी कसूर ( कर्तव्य ज्यान ) मा पर्सा जिल्ला अदालतबाट ७ दिन म्याद लिई अनुसन्धान भइरहेको जिल्ला प्रहरी कार्यालय पर्साका प्रवक्ता प्रहरी नायब उपरिक्षक ओमप्रकाश खनालले जानकारी दिए ।

कालिकामाई ३ मा एकै दिन स्केब कल्भर्ट र स्वास्थ्य चाैकी भवनकाे शिलान्यास

0

वीरगंज । पर्साकाे कालिकामाई गाउँपालिका वडा नं. ३, हरिहरपुर बिर्तामा एकै दिन गंगाेल नदीमा स्केब कल्भर्ट र स्वास्थ्य चाैकीकाे शिलान्यास गरिएकाे छ । हरिहरपुरमा निर्माण हुने कल्भर्ट र स्वास्थ्य चाैकी भवनकाे साेमबार गाउँपालिका अध्यक्ष बशिष्ठ कुमार गुप्ताले शिलान्यास गरेका हुन् । 

गंगोल नदिमा प्रदेश सरकारबाट ५० लाखकाे लागतमा उपभाेक्ता समिति मार्फत स्केब कल्भर्ट निर्माण हुने गाउँ कार्यपालिका कार्यालयले जनाएकाे छ ।

यसैगरी ८३ लाखकाे लागतमा उपभाेक्ता समिति मार्फत नै कालिकामाई मन्दिर जाने बाटाेमा स्वास्थ्य चाैकी भवनाकाे निर्माण हुने छ । जसमा जिल्ला समन्वय समिति, पर्साले ४८ लाख र बाकी गाउँपालिकाकाे लागत लाग्ने छ ।

कल्भर्ट र स्वास्थ्य चाैकी भवनकाे शिलान्यास गर्दै गाउँपालिका अध्यक्ष गुप्ताले उपभाेक्ता समितिलाई निर्माण कार्य मापदण्ड अनुसार समय मै पुरा गर्न निर्देशन समेत दिए ।

वडाध्यक्ष संजय कुमार पटेलकाे अध्यक्षतामा भएकाे शिलान्यास कार्यक्रममा प्रमुख प्रशासकिय अधिकृत अमित कुमार गिरी, प्रशासन शाखा प्रमुख सराेज साह, आइटी अफिसर अमित चाैरसिया लगायतकाे उपस्थिती रहेकाे थियाे ।

सुरक्षित वैदेशिक राेजगारी सम्बन्धी पत्रकाहरुसंग अन्तरक्रिया

0

वीरगंज । सुरक्षित आप्रवासन (सामी) परियाेजना अन्तर्गत साेमबार वीरगंजमा सुरक्षित वैदेशिक राेजगारी सम्बन्धी पत्रकाहरुसंग अन्तरक्रिया कार्यक्रम सम्पन्न भएकाे छ ।

स्वदेश मै राेजगारी गराैं, वैदेशिक राेजगारीमा जाने नै भए सही सूचना लिएर र सीप सिकेर मात्र जाऔं नाराका साथ पर्साकाे वीरगंज महानगरपालिका, पर्सागढी नगरपालिका, सखुवा प्रसाैनी गाउँपालिका र ठाेरी गाउँपालिकामा संचालित सामी परियाेजना अन्तर्गत पत्रकारहरुसंग अन्तरक्रिया गरिएकाे हाे ।

नेपाल पत्रकार महासंघ पर्साकाे सभा हलमा भएकाे कार्यक्रममा वाेल्दै हेल्भेटास नेपालका कार्यक्रम अधिकृत शिवचरण राैनियारले वैदेशिक रोजगारमा जान श्रम स्वीकृति लिएर मात्र जान आग्रह गरे । उनले सबै स्थानिय तहबाट बैदेशिक राेजगारमा मानिसहरु गएपनि याे स्थानिय सरकारको प्राथमिकतामा नपरेको गुनासाे गर्दै बजेट समेत बिनयोजन नगरेको वताए । 

पत्रकार महासंघ पर्साका अध्यक्ष अनुप तिवारीकाे अध्यक्षतामा भएकाे कार्यक्रममा वीरगंज महानगरपालिकाका आर्थिक बिकास महाशाखा प्रमुख रादयाल यादव, दिव्य युवा क्लबका कार्यक्रम संयाेजक शम्भु साह, परामर्शकर्ता देवता रिजाल लगायतले परियाेजना बारे जानकारी राएका थिए ।

दिव्य युवा क्लबकाे आयाेजना भएकाे कार्यक्रममा ३ दर्जन जति पत्रकारहरुकाे सहभागिता रहेकाे थियाे ।

जिसस बाराकाे प्रमुख र उप प्रमुखमा एमाले विजयी

0

वीरगंज । जिल्ला समन्वय समिति (जिसस) बाराको प्रखुमा एमालेका उम्मेदवार नरेन्द्र साह विजयी भएका छन् । निकटम प्रतिस्पर्धी कांग्रेसका रामदयाल धानुकलाई ११ मतले हराउँदै जिसस बाराको प्रमुखमा साह विजयी भएका हुन् ।

एमालेका उम्‍मेदवार साहले २० मत ल्याउँदा साहका निकटम प्रतिस्पर्धी कांग्रेसका धानुकले ९ मत मात्र पाए ।

यस्तै उपसभापतिमा पनि एमालेकै चण्डीका उप्रेतीले १७ मत पाएर विजयी हुँदा गठबन्धन तर्फबाट जसपा उम्मेदवार पवन ब्याहुतले १५ मत पाएका थिए ।

यस्तै सदस्य पदमा जसपाको तर्फबाट क्रमशः प्रदिप केसरी, श्यामबाबु यादव, चन्देस्वर प्रसाद यादव, लोसपाबाट प्रभा देवी साह र उमादेवी चमार निर्वाचित भएका छन् ।

त्यस्तै एमालेबाट सुमित्रा देवी र नेशा खातुन निर्वाचित भएको जिल्ला प्रमुख निर्वाचन अधिकृतको कार्यालयले जनाएको छ ।

धार्मिक सहिष्णुता खल्बल्याउन भइरहेकाे प्रयास राेकन माग

0

वीरगंज । विश्व हिन्दु परिषद नेपालले धार्मिक सहिष्णुता खल्बल्याउन भइरहेकाे प्रयास राेकन माग गरेकाे छ । परिषदले साेमबार पर्साका प्रमुख जिल्ला अधिकारी उमेश कुमार ढकाललाई ज्ञापन पत्र बुझाउँदै जिहादी मानसिकता भएकाे तत्वले नेपालमा धार्मिक सहिष्णुता खल्बल्याउने दुष्प्रयास गरेकाे भन्दै गम्भिर ध्यानाकर्षण भएकाे जनाएकाे छ ।

हिन्दु परिषदले बुझाएकाे ज्ञापन पत्रमा भारतिय हिन्दूवादी नेतृ नुपुर शर्मा सहभागि रहेकी एक टिभी डिबेट शाे (कार्यक्रम) मा इस्लामिक स्कलरले हिन्दट्ठ धर्मावलम्बीकाे आस्थामाथि चाेट पुर्‍याउँदै देवी देवतामाथि अभ्रद टिपणी गरेका थिए । नेतृ शर्माले ईस्लाम धर्म ग्रहन्थमा उल्लेखित एउटा प्रशंगकाे चर्चा गर्दै प्रतिउत्तर दिएकी थिइन । तत्पश्चात नेतृ शर्माले इस्लाम धर्मकाे अपमान गरेकाे भन्दै भारतका विभिन्न ठाउँहरुमा ताेडफाेड सुरु भएकाे उल्लेख गरिएकाे छ ।

गत शुक्रबार वीरगंजसहित नेपालगंज, नवलपरासी, लगायतका स्थानहरुमा पनि नेतृ शर्माकाे विराेधमा मुस्लिम समुदायले प्रदर्शन गरेकाे थियाे । त्यसकाे भाेली पल्ट हिन्दु परिषदले पनि वीरगंजमा नेतृ शर्माकाे समर्थनमा प्रदर्शन गर्नुकाे साथै रैली निकालेकाे थियाे ।

अब फेरी अगामी शुक्रबार मुस्लिम समुदायले पुन: वीरगंजमा प्रदर्शन गर्ने तयारी गरेका छन् । शुक्रबार नेमाज पढी सकेपछि वीरगंजमा भव्य प्रदर्शन गर्ने मुस्लिम समुदायका अगुवाहरुले तयारी गरेकाे बुझिएकाे छ । विराेध प्रदर्शनकाे नाममा हुने उग्र पर्दशनका कारण धार्मिक सहिष्णुता फैलन सकिने सम्भावनालाई मध्यनजर गर्दै त्यस्ता गतिविधि राेकन पर्सा प्रशासन प्रयास समेत थालेकाे छ ।

साेही क्रममा ज्ञापन पत्र बुझाउन पुगेका हिन्दुवादी अगुवाहरुसंग पर्साका प्रमुख जिल्ला अधिकारी ढकालले छलफल समेत गरेका छन् ।  

हिन्दु परिषदले ज्ञापन पत्र मार्फत नेपालकाे एकता, अखण्डता, शान्ति सुरक्षा एव‌ं अमनचयनमा खलल पुर्‍याउन इस्लामिक जिहादी आतंकवादी संगठनहरुले नेपालकाे भूमि प्रयाेग गर्न सक्ने र पुरानाे इतिहास दाेहाेर्याउने सक्ने प्रबल सम्भावनालाई मध्यनजर गर्दै विशेष निगरानी गर्न समेत नेपाल सरकारलाई ध्यानकर्षण गराएकाे छ ।