Date
मङ्ल, मंसिर १, २०८३
Tue, November 17, 2026
Home Blog Page 667

जिसस पर्साका नवनिर्वाचित पदाधिकारीहरुद्वारा सपथ ग्रहण

0

वीरगंज । जिल्ला समन्वय समिति (जिसस) पर्साका नवनिर्वाचित पदाधिकारी तथा सदस्यहरुले साेमबार सपथ ग्रहण गरेका छन् । जिससकाे सभाहलमा सोमवार आयोजना गरिएको कार्यक्रममा जिससका प्रमुख निरन्जन साह साेनारलाई पर्साको मुख्य निर्वाचन अधिकृत न्यायाधिश धर्मराज पौडेलले सपथ खुवाएका हुन् ।

त्यसपछि प्रमुख साेनारले उप प्रमुख पुरण प्रसाद कुर्मी, सदस्यहरु रामप्रसाद यादव, सलिल मियाँ अन्सारी, विजय कुमार कुर्मी, सुशिला कामी, ब्यान्ति देवी कुर्मी र श्रीकान्ति देवी थरुनीलाई सपथ खुवाएका थिए । 

जिससमा निर्वाचित ९  जनाले सपथ ग्रहण गर्नु पर्नेमा एक महिला सदस्य अस्पताल भर्ना भएकी कारण सथप ग्रहण गर्न सकिन । सदस्य राजपति देवी (रेखा साह)को शनिबार राति हार्टअटैक भएपछि अस्पताल भर्ना भएकी कारण सपथ ग्रहण कार्यक्रममा उनी अनुपस्थित थिइन ।

प्रमुख निर्वाचन अधिकृत न्यायधीश पौडेलको अध्यक्षतामा भएको सपथ ग्रहण कार्यक्रममा संविधान सभा सदस्य एवं नेकपा एमाले पर्साका अध्यक्ष जयप्रकाश थारु, प्रदेश सभा सदस्य जन्नत अंसारी, वीरगंज महानगरपालिकाका मेयर राजेशमान सिंह, निवर्तमान जिससका प्रमुख नेक महम्मद अंसारी, जिससका निवर्तमान उप प्रमुख ठाकुर प्रसाद न्यौपाने, जसपा पर्साका अध्यक्ष रामनरेश यादव, पर्साका प्रमुख जिल्ला अधिकारी उमेश कुमार ढकाल, प्रहरी उपरीक्षक रमेश कुमार वस्नेत, सशस्त्र प्रहरी उपरीक्षक तेज प्रसाद पोखरेल, जिसस पर्साका जिल्ला समन्वय अधिकारी छविरमण भट्टराई लगायतको उपस्थिती रहेको थियो ।

नागरिकताको समस्या बारे सांसद यादवद्वारा प्रधानमन्त्रीको ध्यानाकर्षण

0
वीरगंज । प्रधानमन्त्री शेरबहादुर देउवाले यही साताभित्रै नागरिकता सम्बन्धी समस्या समाधान गर्ने प्रतिबद्धता व्यक्त गरेका छन् । पर्सा क्षेत्र नम्बर १ का प्रतिनिधीसभा सदस्य (सांसद) प्रदीप यादवले आइतवार प्रधानमन्त्री देउवालाई भेटेर नागरिकताको समस्या सम्बन्धमा ध्यानाकर्षण गराएपछि प्रधानमन्त्री एवम् नेपाली कांग्रेसका सभापति देउवाले उक्त प्रतिबद्धता व्यक्त गरेका हुन् ।
 
सांसद यादवको नेतृत्वमा जसपा कै सांसदद्वय नरमाया ढकाल र रानी मण्डलको टोलीले प्रधानमन्त्री देउवासँग भेटघाट गरेर जन्मसिद्ध नागरिकका सन्तानले भोगिरहेको समस्या बारे बताएपछि उनले यसै साताभित्र उनीहरुको समस्या समाधान गर्ने प्रतिबद्धता व्यक्त गरेकाे वताइएकाे छ ।
 
प्रधानमन्त्रीलाई भेटेर समस्या बारे जानकारी गराएका यादवले जन्मसिद्ध नागरिकका सन्तानले भोगिरहेको नागरिकताको विषयमा सडकदेखि सदनसम्म आवाज उठाउँदै आएका छन् । नागरिकता कै कारण सयौँ नागरिक रोजगार, उच्च शिक्षाबाट बञ्चित हुनुका साथै सरकारको सेवा सुविधासमेत उपभोग गर्न नपाएको यादवको भनाई छ ।
‘
नागरिकता नहुँदा आज लाखौँ युवाहरु विचल्लीमा छन् । शिक्षा, स्वास्थ्य, रोजगार र राज्यले एउटा साधारण नागरिकालाई दिने आधारभूत सेवा सुविधाबाट समेत उनीहरु बञ्चित हुँदै आएका छन्,’ सांसद् यादवले भने, ‘वर्षौंदेखि नागरिकता नपाएको कारण कयौं युवाहरु आत्महत्या गर्ने अवस्थामा पुगेका छन् । उनीहरुको भविष्यसँग खेलवाड गर्नु हुँदैन । यथासिघ्र नागरिकता दिनुपर्छ ।’
 
नागरिकता विहिनहरुले आफुलाई पटकपटक दुखेसो पोखेपछि आज आफूहरुले प्रधानमन्त्रीलाई स्वयम् भेटेर समस्या बारे जानकारी गराएपछि सकारात्मक जवाफ आएको यादवले भने, ‘अहिले चलिरहेको बजेट सत्रबाट नै नागरिकताको विषयलाई समाधान गर्ने प्रधानमन्त्रीज्यूले प्रतिबद्धता व्यक्त गर्नुभएको छ । यसै साताभित्र सदनबाट जन्मसिद्ध नागरिकका सन्तानलाई नागरिकता उपलब्ध गराउने निर्णय हुन्छ ।’

वीरगञ्जमा कर सम्बन्धि मेयर सिंह र सरोकारवाला बीच छलफल

0

वीरगञ्ज । करको मात्रै भर नपरी महानगरपालिकाको आम्दानीका लागि अन्य स्रोत पनि खोज्नुपर्ने वीरगञ्जका उद्योगी व्यवसायीहरुले सुझाव दिएका छन् । वीरगञ्ज महानगरपालिकाले वीरगञ्जका उद्योगी, व्यवसायी, स्वास्थ्यकर्मी, सञ्चारकर्मी, बुद्धिजिवी लगायतसँग आयोजना गरेको कर सम्बन्धी छलफलका क्रममा कर संकलनको कार्यन्वयन पक्ष प्रभावकारी बनाउन सुझाव दिएका हुन् ।

छलफलमा उद्योगी सुरेश रुंगटाले सम्पती कर खारेज गर्नुपर्ने सुझाव दिए । जिल्लाभित्रको उत्पादनलाई जिल्लाभित्रै ओसारपसार गर्दा पनि पटके कर लगायतका विभिन्न शीर्षकमा लाग्ने कर हटाउनुपर्ने उनको भनाई थियाे ।

वीरगञ्ज उद्योग वाणिज्य संघका उपाध्यक्ष हरि गौतमले उद्योगको बिकासका लागि पनि सम्पती कर खारेज गर्नुपर्ने धारणा राखे । उनले भने, “उद्योगीहरुलाई त सम्पती कर लाग्नु नै हुँदैन, उद्योग सम्पती हैन, पुँजी हो ।”

उद्योगी अशोक वैद्यले अधिकांश करका शीर्षक नै अस्पष्ट भएकाे वताए । स्पष्टता नै नभएका विषयलाई पुर्नविचार गरेर लिनुपर्ने बताउँदै उद्योगी वैद्यले भने, “भित्तामा पर्चा, पम्पलेट पोस्टर टाँस्नेहरुले शहरलाई कुरुप बनाए, उनीहरुलाई कारवाहीको दायरामा ल्याउनुपर्छ । साथै शहरलाई सुन्दर बनाउन वीरगञ्जलाई एलो सिटी बनाउने र पँहेलो घर बनाउनेलाई करमा छुट दिने नीति ल्याउन सुझाव दिन्छु ।”

वीरगञ्ज उद्योग वाणिज्य संघका महासचिव माधव राजपाल कर उठाउने जिम्मा वडालाई दिनुपर्ने बताए । जुन वडाले बढी कर दिन्छ सो वडालाई अरुको अनुपातमा अलि बढी बिकास खर्च दिनुपर्ने राजपालको सुझाव थियाे ।

भारतीय सवारी आउँदा गुडीरहेको गाडीलाई पनि पार्किंग शूल्कको नाममा कर उठाइरहेको हुँदा त्यो हटाउनुपर्ने र अनुगमन गर्नुपर्ने राजपालको माग गरे । उद्योगको ढोकामै कुरेर पनि केही व्यक्तिहरुले कर उठाउने गरेकोमा आपत्ति जनाउँदै उनले उद्योगीलाई सुरक्षाको प्रत्याभुती दिलाउनु पर्ने समेत बताए ।

बैंकर रोहिणी आचार्यले आफ्नै कार्यालयको भवनमा लगाइएको होडिंग बोर्डको पनि कर लिएकोमा आपत्ति जनाए । अन्य सार्वजनिक स्थानमा लगाउँदा वा अरु कुनै ठाउँमा लगाउँदा लिनु स्वभाविक भएपनि आफ्नै भवनमा होर्डिंग बोर्ड राख्दा कर लिनु सान्दर्भीक नभएको आचार्यको भनाई थियाे ।

उनले भने, “ जानकारी मुलक कुराहरुसहितको होर्डिंग बोर्ड राख्न नेपाल राष्ट्र बैंकले नै सर्कुलर जारी गरेको छ । बाहिर लगाउँदा कर तिर्न कुनै गाह्रो भएन, तर आफ्नै कार्यालयमा बोर्ड लगाउँदा कर तिर्नु अलिक उचित भएन ।” त्यस्तै उनले सरसफाई कर घटाउनुपर्ने माग गरे ।

निजी विद्यालयहरुले ५ सय रुपैयाँ तिर्दा बैंकबाट २ हजार लिनु न्यायोचित नभएको उनको बुझाई छ । उनले थपे, “विद्यालयभन्दा बढी फोहोर बैंकले पक्कै गर्दैनन्, तर विद्यालयलाई जम्मा ५ सय अनि बैंकलाई २ हजार किन ? बैंकलाई पनि ५ सय नै तिर्ने नीति बनाइयोस् ।”

अर्थशास्त्री इन्दुशेखर मिश्राले प्रदेश सरकार र संघिय सरकार मातहतका कर संकलन हुने कार्यालयहरुको केही प्रतिशत कर महानगरले राख्नुपर्ने बताए । वीरगञ्ज महानगरभित्र रहेका कर संकलन हुने कार्यालयहरुबाट केही प्रतिशत कर महानगरले पनि राख्नका लागि पहल गर्नुपर्ने मिश्राको भनाई थियाे ।

प्राध्यापक डा. दीपक शाक्यले नगरबासीले दिने करसरह नगरपालिकाले पनि सेवा सुविधा दिनुपर्ने बताए । नगरबासीले कर मात्रै दिने र महानगरले सेवासुविधा नदिएर उल्टै दुःख दिने हो भने कर बुझाउने करदाताको संख्या घट्दै जाने शाक्यको भनाई छ । करको दर नभएर दायरा बढाउने र करदातालाई कर तिर्न प्रोत्साहन गर्नुपर्नेमा उनले जोड दिए ।

४० प्रतिशत घरको नक्सा पास नभएको हुँदा सहुलियत दिएर नकसा पास गराई उनीहरुलाई पनि करको दायरामा ल्याउनुपर्ने उनको सुझाव छ । यस्तै साना उद्योगी व्यवसायीहरु प्नि करको दायरामा नभएको हुँदा बरु कर पनि थोरै लिएर टियुशन सेन्टर, कोचिंग सेन्टर, सैलुन लगायतलाई पनि दर्ता गराई करको दायरामा ल्याउनु पर्ने उनको भनाई थियाे ।

वीरगञ्ज बसपार्कमा पूर्वाधार नहुँदा पनि ठेकेदारले कर उठाउने गरेकोमा यातायात व्यवसायीले आपत्ति जनाए । यातायात व्यवसायीलाई सेवा सुविधा दिई सुरक्षाको प्रत्याभुती दिलाएर मात्रै कर उठाउनुपर्ने यातायात व्यवसायीको माग थियो ।

एनप्याब्सन पर्साका अध्यक्ष रामराज श्रेष्ठले विद्यालय र अस्पतालबाट कर उठाउन नहुने माग गरे । कर लिने नै भएपनि सम्पती र पुँजीलाई छुट्याएर उठाउन आग्रह गर्दै सबै विद्यालयलाई एउटै दर नभएर विद्यार्थी संख्याको आधारमा कर निर्धारण गर्नुपर्ने अध्यक्ष श्रेष्ठको सुझाव थियाे ।

प्याब्सन वीरगञ्ज महानगर अध्यक्ष आलोक चौरसियाले पनि अधिकांश विद्यालयमा अनुमतिभन्दा बढी कक्षा सञ्चालन भइरहेको हुँदा अनुगमन गर्न आग्रह गरे। उनले भने, “यहाँ धेरै विद्यालय दर्ता भएका छैनन्, कुनै विद्यालय ८ कक्षासम्म अनुमति मागेर १० कक्षा चलाइरहेका छन् ।”

घरबहाल कर उठे सबै कर खारेज गर्छु : मेयर सिंह

वीरगञ्ज महानगरपालिकाका प्रमुख (मेयर) राजेशमान सिंहले इमान्दारीताका साथ घरबहाल कर मात्रै उठेमा अरु सबै कर खारेज गर्ने बताए । कर सम्बन्धी छलफलमा उठेका जिज्ञासा र सुझावलाई ग्रहण गर्दै मेयर सिंहले अरु सबै करबाट मुक्त हुनका लागि इमान्दारीताका साथ घरबहाल कर तिर्न आग्रह गरे ।

वीरगञ्ज महानगरपालिकाको अहिलेको वार्षिक प्रशासनिक खर्च झण्डै ७० करोड हुने गरेको जानकारी गराउँदै यो आर्थिक वर्षदेखि झण्डै १ अर्ब पुग्ने बताए । महानगरको आम्दानीको स्रोत करमात्रै भएको हुँदा अब करलाई व्यवस्थित बनाइने मेयर सिंहको भनाई थियाे ।

उनले भने, “कर उठाउनुपर्ने ठाउँ टन्नै छ, महानगरपालिका लथालिंग छ । धेरै ठाउँमा कर चोरी पनि हुन्छ, घरबहाल कर ५० हजार देखाएर ५ हजार दिनेहरु पनि यहीँ छन् । त्यसैले इमान्दारीताका साथ घरबहाल कर दिनुहोस्, अरु सबै कर खारेज गर्नेछौँ ।”

बैंकहरुले सामाजिक उत्तरदायित्वअन्तर्गत गर्ने गतिविधिहरुमा महानगरसँग समन्वय गर्न पनि उनले अनुरोध गरे । कर्पाेरेट सामाजिक उत्तरदायित्व अन्तर्गत कुनै विद्यालयमा पंखा, ट्यांकी, कुर्सी लगायतका सामाग्री वितरण गरेपनि महानगरमा अभिलेख नभएको हुँदा समन्वय गरेर काम गर्नुपर्ने सिंहको भनाई छ । नगर सभा हुनुभन्दा अगाडी पुनः सबैसँग छलफल गरेर करको दर निर्धारण गर्ने सिंहले बताए ।

पर्साकाे एक मात्र छिपहरमाईमा किन पुन: निर्वाचित भए गुप्ता ?

0

वीरगंज । पर्सासहित देशभर दाेस्राे स्थानिय तह निर्वाचन २०७९ सम्पन्न भएकाे छ । बैशाख ३० गते सम्पन्न स्थानिय तह निर्वाचन पश्चात पर्साकाे सबै पालिकामा कार्यपालिका सदस्यकाे निर्वाचन र जिल्ला समन्वय समितिकाे निर्वाचन समेत सम्पन्न भएकाे छ ।

पर्साकाे छिपहरमाई गाउँपालिका वाहेक सबै पालिकामा नयाँ नेतृत्व आएकाे छ । एक मात्र छिपहरमाई गाउँपालिका प्रमुखमा पुन: दाेस्राे कार्यकालकाे लागि मनाेज कुमार गुप्ता निर्वाचित भएका छन् । १४ पालिका रहेकाे जिल्लाकाे एक मात्र पालिकामा पुन: दाेस्राे कार्यकालकाे लागि गुप्ता निर्वाचित हुनु र अन्य १३ पालिकामा नेतृत्व फेर्नुकाे कारण के हाेला ? 

अन्य पालिकाकाे तुल्नामा छिपहरमाई गाउँपालिकामा ४.५ बर्षकाे कार्यकालमा स्थितर सरकार संचालन भएकाे पाइन्छ । २०७४ सालकाे स्थानिय तह निर्वाचनमा नेकपा माओवादी केन्द्रबाट छिपहरमाई गाउँपालिका अध्यक्षमा गुप्ता र साेही दलबाट उपाध्यक्षमा माेदिना खातुन निर्वाचित भएका थिए । तर यसपालिकाे निर्वाचनमा नेकपा एमालेबाट पुन: गुप्ता निर्वाचित भएपनि एमाले कै उपाध्यक्षका उम्मेदवार निर्वतमान उपाध्यक्ष खातुन पराजित भइन । पहिलाे कार्यकालमा गुप्ता निर्वाचित दलकाे बहुमत समेत थियाे ।

त्यसका कारण पनि गुप्तालाई पालिका संचालनमा सजिलाे भएकाे थियाे । अध्यक्ष गुप्ताले निर्णय गरेकाे अधिकांश कुराहरु लागु हुन्थ्याे र कार्यपालिका भित्रबाट पनि खासै उनले लिएकाे निर्णयकाे विराेध हुदैन थियाे । कार्यकारी अधिकृतहरु पनि अध्यक्ष गुप्ताले लिएकाे निर्णय लागु गर्नमा सहयाेग गर्थे । अन्य पालिकाकाे तुल्नामा छिपहरमाईमा प्रमुख प्रशासकिय अधिकृतहरु पनि कम फेरिए । अन्य पालिकामा बढीमा एक बर्षदेखि डेढ बर्ष सम्म एक प्रमुख प्रशासकिय अधिकृतहरुकाे कार्यकाल रह्याे भने छिपहरमाईमा एक प्रमुख प्रशासकिय अधिकृतले ३ बर्ष सम्म काम गरे ।

नेतृत्व फेरिएका १३ पालिका मध्ये अधिकांशमा त लामाे समय सम्म निमित प्रमुख प्रशासकिय अधकृतहरु कै भरमा संचालन भए । केहीमा प्रमुख प्रशासकिय अधिकृतहरु भएपनि उनीहरु लामाे समय सम्म एउटै पालिकामा काम गर्न सकेन । बढीमा एक बर्षदेखि डेढ बर्ष मै फेरि रहे । त्यस कारण पनि स्थितर सरकार संचालन हुन पाएन ।  

सुरुमा केही समय निमित प्रमुख प्रशासकिय अधिकृतकाे भरमा छिपहरमाई गाउँपालिका पनि संचालन भयाे । तर त्यसकाे केही समयपछि निमित फेरिए र प्रमुख प्रशासकिय अधिकृतमा देवनाथ साहकाे सरुवा भयाे । त्यस पश्चात ३ बर्ष सम्म उन कै नेतृत्वमा प्रशासनिक कार्यहरु संचालन भए । नेतृत्वकाे क्षमता र कार्यकारी अधिकृतकाे स्थितरता कारण अन्य पालिकाकाे तुल्नामा छिपहरमाईमा केही हद सम्म जन चाहना अनुसार काम भए । त्यस कारण पुन: दाेस्राे कार्यकालकाे लागि गुप्तालाई मतदाताले राेजेकाे वताइन्छ ।

यसैगरी पर्साकाे एक मात्र पटेर्वा सुगाैली गाउँपालिकाकी उपाध्यक्षमा पुन: दाेस्राे कार्यकालकाे लागि ममता महताे निर्वाचित भएकी छन् । अन्य जिल्लाकाे १३ पालिकाकाे उपाध्यक्षमा पनि नयाँ नेतृत्व आएकाे छ ।

यसैगरी पर्साका विभिन्न पालिका वडाध्यक्षहरु पनि फेरिएका छन् । दाेस्राे कार्यकालकाे लागि केहि वडाध्यक्षहरु मात्र पुन: निर्वाचित भएका छन् । 

यस कारण यसपालिकाे निर्वाचनमा पनि निर्वाचित जनप्रतिनिधिहरूकाे लागि दाेस्राे कार्यकालमा निर्वाचित हुन चुनाैतिपूर्ण हुन सक्छ । त्यसैले विगतकाे स्थानिय सरकार संचालबाट पाठ सिकेर यशपालिकाकाे कार्यकालमा काम गर्नु पर्ने देखिन्छ । 

जगरनाथपुरका अध्यक्ष यादवलाई वीरगंजमा सम्मान

0

वीरगंज । पर्साकाे जगरनाथपुर गाउँपालिकाका अध्यक्ष श्रीकान्त प्रसाद यादवलाई शनिबार वीरगंजमा सम्मान गरिएको छ । वीरगंज महानगरपालिकाकाे वडा नं. २४ मा एक कार्यक्रमकाे आयाेजना गरि नवनिर्वाचित अध्यक्ष यादवलाई सम्मान गरिएकाे हाे ।

जगरनाथपुर गाउँपालिका स्थायी घर भई अस्थायी रुपले वीरगंजमा बसोबास गर्दै आएका रामराज यादव, राजकिशोर यादव, छोटेलाल यादव लगायतका समुहले अध्यक्ष यादवलाई गमछा, माला र अबिरकाे टिका लगाएर सम्मान गरेका हुन् ।

साे समुहले अध्यक्ष यादवलाई सम्मान गर्नुकाे साथै बधाई तथा सफल कार्यकालकाे सुभकामना समेत दिएकाे कार्यक्रममा सहभागि नेपाली कांग्रेस पर्सा क्षेत्र नं. ४ का काेषाध्यक्ष बिनय द्विवेदीले वताए ।

नेपाली कांग्रेसबाट गाउँपालिका अध्यक्षमा निर्वाचित यादव कांग्रेस पर्सा क्षेत्र नं. ४ का सभापति पनि हुन् ।

भाजपा नेतृ नुपुर शर्माको समर्थनमा वीरगंजमा प्रदर्शन

0

वीरगंज । भारतीय जनता पार्टी (भाजपा) का पूर्व प्रवक्ता नुपुर शर्मा र नेता नविन जिन्दलको समर्थनमा वीरगंजमा शनिबार हिन्दु धर्मका अगुवाहरुले प्रदर्शन गरेका छन् ।

इश्लाम धर्मका प्रवर्तक पैगम्बर मोहम्मदका बारेमा नुपुर शर्मा र नेता नविन जिन्दलले नकारात्मक टिप्पणी गरेको भन्दै दुवै जनाको विरोधमा शुक्रबार वीरगंज मै मुस्लिम समुदायले भारतीय महावाणिज्य दूतावास अगाडि नाराबाजी गर्दै प्रदर्शन गरेका थिए । त्यसकाे भाेली पल्ट शनिबार हिन्दुवादीहरुले नुपुर शर्मा र नविन जिन्दलको समर्थनमा वीरगंजमा र्‍याली निकालेर प्रदर्शन गरेका हुन् ।

वीरगंजकाे गिता मन्दिरबाट निस्केकाे समर्थन र्‍याली माइस्थान, घण्टाघर, भारतिय राजदुताबास पुगेर पुन: घण्टाघर फर्केकाे थियाे । त्यसपछि पुन: माइस्थान, महाविरस्थान, आदर्शनगर, अलखियामठ, घडिअर्वा हुँदै माइस्थान मन्दिरमा पुगि काेण सभामा परिणत भएकाे थियाे ।

हिन्दुत्वको रक्षाको लागि एक हौ भन्ने मुल नारा लेखिएको ब्यानर, पम्प्लेट बोकेर हिन्दुवादीहरुले निकालेको समर्थन र्‍यालीमा सहभागीहरुले हिन्दु हुनुमा हामीलाई गर्व छ, भाजपा नेतृ नपुर शर्मालाई हाम्रो समर्थन छ लगायतका नारा लगाएका थिए ।

भाजपा नेताहरुले हिन्दु धर्मको रक्षाका लागि अभिव्यक्ति दिएकाले उनिहरुको समर्थनमा र्‍याली निकालेर प्रदर्शन गरिएको हिन्दु परिषद नेपालका केन्द्रिय अध्यक्ष सन्तोष पटेलले बताए ।

साे समर्थन र्‍यालीमा हिन्दु परिषद नेपालका सचितानन्द दुबे, सुरेश साह कानु, अमाेद कुमार केंवट, उमेश साह कानु, संताेष सर्राफ, विजय गुप्ता, लालबाबु कुर्मी लगायत सयाैंकाे संख्यामा सहभागिता रहेकाे थियाे ।

मुस्लिम धर्मका बारेमा नकारात्मक टिप्पणी गरेको भन्दै नुपुर शर्मा र नविन जिन्दललाई भाजपाले पार्टीबाट कारबाही समेत गरिसकेको छ ।

कांग्रेसका ठाकुरसहित एक सय जना भन्दा बढीले गरे जसपा प्रबेश

0

वीरगंज । नेपाली कांग्रेसको भातृ संगठन तरुण दलका उपाध्यक्ष रविन्द्र ठाकुरसहित एक सय जना भन्दा बढीले जनता समाजवादी पार्टी (जसपा) नेपालमा प्रवेश गरेका छन् ।

वीरगंज महानगरपालिकाकाे वडा नं. ८ मा शनिबार भएकाे पार्टी प्रबेश कार्यक्रममा उपाध्यक्ष ठाकुरसहित क्षेत्रीय प्रतिनिधी विशोरी प्रसाद पटेल, अशोक सर्राफ, एमालेका सफल कुमार साह, मनोज क्षेत्री, राकेश दुबे, प्रदीप शर्मा, लालबाबु ठाकुर, उत्तम जोशी, मोबारक मियाँ लगायतले प्रवेश गरेका हुन् ।

नवप्रवेशीहरुलाई मधेश प्रदेशका मुख्यमन्त्री लालबाबु राउत, पर्सा क्षेत्र नम्बर १ का प्रतिनिधी सभा सदस्य प्रदीप यादव, वीरगञ्ज महानगरपालिकाका मेयर राजेशमान सिंह लगायतले अबिर र खादा ओढाएर पार्टीमा स्वागत गरेका थिए ।

पार्टी प्रवेश कार्यक्रमलाई सम्बोधन गर्दै मधेश प्रदेशका मुख्यमन्त्री लालबाबु राउतले प्रदेश सरकारले एन मार्फत नै महिलाको समान सहभागितालाई ग्यारेण्टी गर्ने प्रयास गरेके बताए । उनले त्यसका लागि प्रदेशभरीका हरेक कार्यालयमा ५० प्रतिशत महिलाको सहभागिता अनिवार्य रहने गरी ऐनमा नै उल्लेख गरेको बताए ।

कार्यक्रममा मुख्यमन्त्री राउतले अब सामुदायिक विद्यालयको कक्षा ८ मा अध्ययनरत बालिकाहरुको खातामा नै पैसा पठाउने गरी कार्ययाेजना बनाइएको पनि जानकारी दिए ।

पर्सा क्षेत्र नम्बर १ का प्रतिनिधी सभा सदस्य प्रदीप यादवले अन्य पार्टीले कार्यकर्तालाई प्रयोग मात्रै गर्ने तर जसपाले कार्यकर्ताको योगदानको आधारमा जिम्मेवारी दिने भएकाले सबैलाई पार्टीमा गोलबद्ध हुन आग्रह गरे ।

यस्तै वीरगञ्ज महानगरपालिकाका मेयर राजेशमान सिंहले वीरगञ्जका वासिन्दाले विश्वास गरेर आफूलाई जिम्मेवारी दिएकाले उनीहरुको विश्वास र भरोसा टुट्न नदिने गरी काम गर्ने प्रतिबद्धता जनाए । नगर बनाउने सवालमा सबैको साथ र सहयोगको आवश्यक्ता रहेको बताउँदै उनले त्यसका लागि आआफ्नो ठाउँबाट सहयेग गर्न पनि आग्रह गरे ।

वीरगञ्ज घण्टाघरको सडक केही दिनमा सबै कानूनी अड्चन टुंग्याएर कालोपत्रे गरिने पनि उनले जानकारी दिए । “कानूनी प्रावधान मिलाउँदै काम गर्नु पर्ने रहेछ मैले मात्रै चाहेर हुने भएको भए त्यही दिनमा कालोपत्रे गराइसक्थे”, उनले थपे, “घण्टाघरको सडक किन बनेन भन्ने प्रश्न तपाइहरुको मनमा होला, केही दिनमै घण्टाघरको सडक कालोपत्रे गरीन्छ, म आश्वासन मात्रै बाड्ने काम गर्दिन जे भन्छु त्यो गरेर छाड्छु ।”

वीरगञ्ज महानगरले नगरमा रहेका महिलाहरुको आर्थिक स्तर वृद्धिका लागि विभिन्न योजनाहरु सञ्चालन गर्न लागिरहेको उनले बताए । कार्यक्रममा प्रदेश सांसद करिमा बेगम, नेता उमेशलाल सहनी, वडा नम्वर ८ का वडाध्यक्ष रितेश गुप्ता लगायतको सहभागिता रहेको थियो ।

तेलि कल्याण समाजद्वारा स्वजातिय जनप्रतिनिधिहरुलाई सम्मान

0

वीरगंज । तेलि कल्याण समाज पर्साले शनिबार स्थानिय तह निर्वाचन २०७९ मा निर्वाचित स्वजातिय जनप्रतिनिधिहरुलाई सम्मान गरेको छ ।

समाजका अध्यक्ष ध्रुव साहको अध्यक्षतामा भएको एक कार्यक्रममा बहुदरमाई नगरपालिकाका मेयर सिंगासन साह तेली, बहुदरमाई नगरपालिका वडा नं. ६ का वडाध्यक्ष प्रमोद साह, वडा नं. ८ का वडाध्यक्ष पुनिलाल साह तेलि, धोबिनी गाउँपालिका वडा नं. १ का वडाध्यक्ष बन्धु साह तेलि, पोखरिया नगरपालिका वडा नं. ८ का वडाध्यक्ष किशोरी साह, जिल्ला समन्वय समिति पर्साका सदस्य रेखा साह, वीरगंज २७ का वडा सदस्य संदिप कुमार साह लगायतका एक दर्जन भन्दा बढी नवनिर्वाचित जनप्रतिनिधिहरुलाई समाजले सम्मान गरेको हो ।

कार्यक्रमका प्रमुख अतिथि तेलि कल्याण समाजका केन्द्रिय उपाध्यक्ष बिश्वनाथ साह, कार्यक्रमका बिशिस्ट अतिथि प्रदेश सभा सदस्य राजेश्वर साहले नवनिर्वाचित सदस्यहरुलाई गमछा, माला र अबिरको टीका लगाएर सम्मान गरेका थिए ।

सम्मान कार्यक्रमलाई सम्बोधन गर्दै प्रदेश सभा सदस्य राजेश्वर साहले नवनिर्वाचित जनप्रतिनिधिहरुलाई उदाहरणिय काम गर्न सुझाव दिए । उनले जुन सुकै दलबाट निर्वाचित भएपनी सबैको सझा जनप्रतिनिधि बन्न आग्र्ह गरे ।

वीरगंज पब्लिक क्लेजको सभा हलमा भएको सम्मान कार्यक्रममा अधिवक्ता रामेश्वर साह, नेपाली काङ्ग्रेस कालिकामाई गाउँपालिका सभापती छ्ठु साह, समाजका अगुवा छोटेलाल साह, तेलि कल्याण समाज पर्साका जिल्ला सचिव बिरेन्द्र साह लगायतकाले शुभकामना मन्तव्य राखेका थिए ।