वीरगंज । बालबालिका तथा समावेशी शिक्षा संजालकाे सदस्यलाई मेन्टरिङ्ग र मनाेसामाजिक प्राथमिक सहयाेग सम्बन्धि ३ दिने तालिम वीरगंजमा सुरु भएकाे छ । भिस्वा हाेटलमा सुरु भएकाे तालिमकाे जगरनाथपुर गाउँपालिकाका अध्यक्ष श्रीकान्त प्रसाद यादवले उद्घाटन गरेका छन् ।
किशाेरी सशक्तिकरण लागि शिक्षा कार्यक्रम अन्तर्गत सुरु भएकाे तालिमकाे उद्घाटन गर्दै गाउँपालिका अध्यक्ष यादवले महिला आत्महत्याकाे घटना बढ्दै गएकाे प्रति चिन्ता व्यक्त गर्दै त्यस तर्फ पनि ध्यान पुग्नु पर्ने वताए । उनले मनाेसमाजिक तर्फ जाेडेर भएपनि समाजिक जनचेतना फेलाउँदै आत्महत्याकाे घटनामा कमि ल्याउनु पर्ने कार्यक्रम संचालन गर्ने संस्थालाई सुझाव दिए ।
तालिम उद्घाटन समाराेहमा जगरनाथपुर गाउँपालिकाकी उपध्यक्ष बबिता सिंह क्षेत्री, जगरनाथपुर ५ का वडाध्यक्ष बिहारी मह्तो नुनिया, स्वास्थ शाखा प्रमुख प्रवेन्द्र साह, दिव्य युवा क्लबका कार्यक्रम संयाेजक गणेश ठकुरी लगायतले मन्तव्य राखेका थिए ।
दिव्य युवा क्लबकाे आयाेजनामा सुरु भएकाे तालिम असार २ गते सम्पन्न हुने आयाेजकले जनाएका छन् ।
