Date
मङ्ल, मंसिर १, २०८३
Tue, November 17, 2026
Home Blog Page 665

नक्कली नोटसहित एक भारतिय नागरिक पक्राउ

0

वीरगंज । शसस्त्र प्रहरी बोर्डर आउट पोष्ट बंकुलले नक्कली नोटसहित एक भारतिय नागरिकलाई पक्राउ गरेको छ  ।

भारतको गोरखपुर निवासी २३ बर्षिय संजय सक्सेनालाई नक्कली नेपाली र भारतिय रकम सहित बिहिबार बिहान सशस्त्र प्रहरीले पक्राउ गरेको हाे । सक्सेनाको साथबाट नक्कली नेपाली  रूपैया ५० हजार, भारतिय रूपैया हजार र पाँच सय दरको  ५० हजार गरि १ लाख ३१ हजार ६ सय साथबाट बरामद भएकाे सशस्त्र प्रहरीले जनाएकाे छ ।

शसस्त्र प्रहरी बाहिनी बर्दिबासलाई आएको सुचनाको आधारमा सक्सेनालाई रौतहटको बंकुलको एक चिया पसलबाट नियन्त्रणमा लिएर आवश्यक कार्यवाहिको लागि ईलाका प्रहरि कार्यालय बंकुलमा बुझाईएको छ ।

फिल्म ‘कृत काव्या’मा उमासँग रोमान्स गर्दै आकाश

0

काठमाडौं । दुई पुस्ताको प्रेमकथालाई आधार बनाएर फिल्म ‘कृत काव्या’ निर्माण हुने भएको छ । आकाश अधिकारीको लेखन तथा निर्देशन रहने फिल्मको छायांकन असोजदेखि भारतको सिक्किममा हुने भएको छ ।

फिल्ममा दुई पुस्ताको प्रेमलाई चित्रण गरिने निर्देशक अधिकारीले जानकारी दिए । पहिलो पुस्ताको जोडीको भूमिकामा अभिनय गर्ने कलाकार चाँडै फाइनल गरिने उनले बताए ।

दोस्रो पुस्ताको प्रेमजोडीको रुपमा स्वयं आकाश र उमा गिरीले अभिनय गर्नेछन् । ८० प्रतिशत छायांकन सिक्किम र बाँकी नेपालमा गरिने भएको छ । फिल्म छायांकनबापत सिक्किम सरकारबाट पाउने सुविधा समेत फिल्मले पाउने जनाइएको छ ।

‘वास्तवमा यो फिल्म लकडाउनको बेलाको उपलब्धि हो,’ अधिकारीले भने, ‘त्यो फुर्सदको समयमा फिल्म लेखेको थिएँ ।’ निर्देशक अधिकारीले कृत काव्यालाई चोखो प्रेमको खोजी भएको बताए ।

फिल्मलाई आकाशको प्रोडक्सन ब्यानर स्काई मुभिज र गिरीको निर्माण कम्पनी उमा फिल्म्सले संयुक्त रुपमा निर्माण गर्ने भएका छन् । आकाश र उमाले यसअघि ‘त्यो तिम्रो चोखो प्रेमको नजर’ बोलको म्युजिक भिडियोमा समेत अभिनय गरेका छन् ।

श्री अजिज मियाँ मावि धाेविनीमा १० काेठे भवनकाे शिलान्यास

0

वीरगंज । पर्साकाे धाेबिनी गाउँपालिका वडा नं. ५ मा रहेकाे श्री अजिज मियाँ माध्यमिक विद्यालय धाेविनीमा बुधबार १० काेठे भवनकाे शिलान्यास गरिएकाे छ । 

प्रदेश सरकार र राष्ट्रपति शैक्षिक सुधार कार्यक्रम अन्तर्गत निर्माण हुने विद्यालय भवनकाे वडाध्यक्ष मनाैवर अहमदले शिलान्यास गरेका हुन् । भवन शिलान्यास गर्दै वडाध्यक्ष अहमदले भवन निर्माणपछि विद्यालयमा रहेकाे कक्षा काेठा अभावकाे समस्या समाधान हुने वताए ।   

प्रदेश सरकारकाे ३० लाख र राष्ट्रपति शैक्षिक सुधार कार्यक्रमकाे ३६ लाख गरि ६६ लाखकाे लागतमा ठेक्दार मार्फत भवन निर्माण हुने विद्यालयका प्रधानाध्यापक जितेन्द्र रामले जानकारी दिए ।

जगरनाथपुरकाे दाेस्राे बाेर्ड बैठक सम्पन्न, विभिन्न समितिहरु गठन

0

वीरगंज । पर्साकाे जगरनाथपुर गाउँ कार्यपालिकाकाे दाेस्राे बैठक सम्पन्न भएकाे छ । गाउँपालिका अध्यक्ष श्रीकान्त प्रसाद यादवकाे अध्यक्षतामा वसेको बैठकले गाउँ सभा बारे छलफल गर्दै विभिन्न समितिहरु गठन गरेकाे छ ।

गाउँ कार्यपालिकाकाे कार्यालय जगरनाथपुरमा बसेकाे बैठकले उपाध्यक्ष बबिता सिंह क्षेत्रीकाे संयाेजकत्वमा स्थानिय राजश्व परामर्श समिति गठन गरेकाे प्रमुख प्रशासकिय अधिकृत कृष्णनन्दन रायले वताए ।

साथै उपाध्यक्ष क्षेत्री कै अध्यक्षतामा ३ सदस्यीय न्यायिक समिती समेत गठन भएकाे प्रमुख प्रशासकिय अधिकृत रायले वताए । न्यायिक समितीकाे सदस्यमा वडाध्यक्षमा बिहारी मह्तो नुनिया र लक्ष्मी साह तेली चयन भएका छन् ।

बैठकमा शिक्षा, स्वास्थ्य, कृषिसंगै युवाको रोजगारको बिषयमा समेत छलफल भएकाे थियाे । 

पर्सामा अख्तियारकाे प्रबेश, पहिलाे निशाना कालिकामाई

0

वीरगंज । पर्साकाे कालिकामाई गाउँपालिकामा अख्तियरार दुरुपयाेग अनुसन्धान आयाेग हेटाैंडाकाे टाेली पुगेकाे छ । गाउँपालिकाकाे विभिन्न याेजनामाथी परेकाे उजरीकाे सम्बन्धनमा छानविन गर्न प्रहरी निरिक्षककाे नेतृत्वमा प्राविधिकसहितकाे टाेली पुगेकाे आयाेग हेटाैंडाका सूचना अधिकारी विष्णु प्रसाद सापकाेटाले जानकारी दिए ।

कालिकामाईमा पुगेकाे अख्तियारकाे टाेलीले गत आर्थिक बर्षमा प्रमुख प्रशासकिय अधिकृत जयचन्द्र साहकाे पालामा वडा नं. ३ हरिहपुरमा निर्माण भएकाे पुल र सडक ढलानकाे स्थलगत निरिक्षण गरेकाे छ । स्थलगत निरिक्षणकाे क्रममा अख्तियारकाे प्राविधिकले मापदण्ड अनुसार सडक र पुल निर्माण भए, नभएकाे बारेमा चेकजाँच समेत गरेका थिए ।

साे पुल ४० लाखकाे लागतमा ठेक्दार कम्पनी मार्फत निर्माण भएकाे थियाे । पुल मापदण्ड र स्टिमेट अनुसार निर्माण नभएकाे उजरी परेपछि अख्तियारकाे टाेली याेजना निर्माण स्थल मै पुगेर छानविन गरेकाे हाे ।

यसअघि पनि कालिकामाई गाउँपालिकामा अख्तियारले छापा हानी छानविन गरेकाे थियाे । प्रमुख प्रशासकिय अधिकृत जयचन्द्र साह कै पालामा विपद व्यवस्थापनकाे रकम लगायतकाे याेजनामा भएकाे हिनामिनाकाे सम्बन्धमा अख्तियार गाउँ कार्यपालिका कार्यालयमा पुगी दुई दिन सम्म छानविन गरेकाे थियाे । 

यसैगरी पर्साकाे अन्य पालिकाकाे याेजनामाथि परेकाे उजरीकाे सम्बन्धमा पनि अख्तियारकाे टाेलीले स्थलगत छानविन गर्ने बुझिएकाे छ ।       

बिन्दवासिनी गाउँ कार्यापालिकाकाे पहिलाे बैठक लाईभ

0

वीरगंज । पर्साको बिन्दबासिनी गाउँ कार्यपालिकाकाे पहिलो बैठक फेसबुक लाइभ भएकाे छ । गाउँपालिका अध्यक्ष प्रमाेद तिवारीकाे अध्यक्षतामा मंगलबार बसेकाे कार्यपालिका बैठककाे लाइभ गाउँपालिकाकाे फेसबुक आइडीबाट गरिएकाे थियाे ।

पर्सा जिल्लामा पहिलाे पालिकाकाे कार्यपालिकाकाे बैठक लाईभ भएकाे हाे । बैठकले गाउँपालिकालाई थप गतिको साथ अघि बढाउनको लागि कुनै कसर बाँकी नराख्ने निर्णय गरेको जनाइएकाे छ ।

साथै बैठकले गाउँपालिका भित्र रहेको सम्पूर्ण पोखरी अनुगमन गरी ठेक्का सम्झौता गर्नका लागि उपाध्यक्ष ज्योति चौरसियाको संयोजकत्वमा उपसमिति गठन गरेको छ ।

 यसैगरी बैठकले राजश्व बाडफाँडका र वित्तीय सीमा निर्धारणका लागि गाउँपालिका अध्यक्ष तिवारीको संयोजकत्वमा उपसमिति गठन गरिएकाे छ । बैठकमा आगामी गाउँ सभा र त्यसको आवश्यक तयारीको लागि गठन गर्नुपर्ने उप समितीहरु र अन्य आन्तरिक तयारीको बारेमा समेत छलफल भएको थियाे ।

बैठकमा प्रमुख प्रशासकिय अधिकृत राजु साह, वडाध्यक्षहरु अच्छेलाल महतो, मुक्ति प्रसाद कुर्मी, जय प्रकाश चौरसिया, अनुज चौरसिया, मोहन राहत अहिर, कार्यपालिका सदस्यहरु धन मती देवी, रीमा देवी, मुनि देवी, शम्भु प्रसाद चौरसिया, अशोक गुप्ता, लेखा अधिकृत मिथलेश कुशवाहा लगायत विभिन्न बिभागका प्रमुखहरुको समेत सहभागिता रहेको थियो ।

रक्तदाता दिवसको अवसरमा रक्तदान उत्प्रेरणा

0

वीरगंज । विश्व रक्तदाता दिवसको अवसरमा पर्साकाे पकहा मैनपुर गाउँपालिका वडा नं. १ धाेरेमा रक्तदान उत्प्रेरणा कार्यक्रम सम्पन्न भएकाे छ । नेपाल रेडक्रस सोसाइटी पर्सा शाखाकाे आयाेजनामा भएकाे कार्यक्रममा वाेल्दै पकाहा मैनपुर गाँउपालिका अध्यक्ष सुरेश मेहताले गाँउपालिकाका बासिन्दाहरुको लागी निशुल्क रगत उपलब्ध गराउने वताए ।

साथै रेडक्रस उपशाखा धाेरेकाे निर्माणधिन भवनलाई आफनो कार्यकालमै सम्पन्न गराउने, विभिन्न संस्थाद्वारा गरिने रक्तदान कार्यक्रममा हातेमालो गर्ने, रक्तसंचार केन्द्रको निर्माण हुने लागेको नयाँ भवनमा समेत गाउँपालिकाबाट आर्थिक सहयोग गर्ने प्रतिबद्धता अध्यक्ष मेहताले जनाएकाे रेडक्रस पर्साका राजन श्रीवास्तवले वताए ।

नेपाल रेडक्रस सोसाइटी पर्सा शाखाका सभापति विरेन्द्र राज कँडेलको सभापतित्वमा भएको कार्यक्रममा रेडक्रस पर्साका मन्त्री शैलेन्द्र कुमार चौरसिया, कोषाध्यक्ष महन्थ प्रसाद यादव, वडाध्यक्षहरु विनोद मेहता, संजय चौहान, ढेरी यादव, रेडक्रस उपशाखा धाेरेका कार्यवाहक सभापति त्रिलोकी द्विवेदी लगाउतले मन्तव्य मार्फत रक्तदाता दिवसको शुभकामना दिएका थिए ।

गाँउपालिकाका बासिन्दाहरुलाई लक्षित गरे संचालन गरिएको उत्प्रेरणा कार्यक्रमकाे संचालन रक्त संचार केन्द्रका प्रबिधिक अधिकृत सौरभ राज पाण्डेयले गरेका थिए ।

त्यसैगरि रक्तदाता दिवसकै अवसरमा विश्रामपुर उपशाखाकाे आयाेजनामा रक्तदान उत्प्ररणा कार्यक्रम सम्पन्न भएकाे छ ।

उपशाखाका सभापति हासिम अंसारीको सभापतित्व र रेडक्रस पर्साका कोषाध्यक्ष महन्थ प्रसाद यादवकाे प्रमुख आतिथ्यतामा भएकाे थियाे । कार्यक्रममा रक्त संचार केन्द्रका प्रविधिक अधिकृत शौरभ राज पाण्डेयले रक्तादानकाे बारे जानकारी गराएका थिए भने रेडक्रस पर्साका सदस्य शिवनाथ यादवले कार्यक्रम संचालन गरेका थिए ।

अहिले पनि हामीले बिहे गरेको जस्तो लाग्दैन : रणवीर

0

रणवीर कपुर र आलिया भट्ट बलिउडको सबैभन्दा हट जोडी मध्ये एक हुन् । हालै रणवीरले नयाँ अन्तर्वार्तामा पहिलो पटक आफ्नो वैवाहिक जीवनको बारेमा कुरा गरेका छन् । उनले विवाहपछि आफू र आलियाले व्यावसायिक र व्यक्तिगत जीवन कसरी म्यानेज गरिरहेका छन् भन्ने बताए ।

उनले भने, “विवाहपछि हाम्रो जीवनमा कुनै ठूलो परिवर्तन आएको छैन । हामी ५ वर्ष सँगै थियौँ, त्यसैले बिहे गरौँ भन्ने सोचेका थियौँ । तर हाम्रो काममा केही कमिटमेन्टहरू छन्, पहिले पूरा गरौँ भन्ने थियो ।”

रणवीरले थपे, “विवाहको भोलिपल्टै हामीले आफ्नो काम सुरु गरेका थियौँ । आलिया उनको सुटिङको लागि गइन् भने म पनि आफ्नो फिल्मको सुटिङ गर्न मनाली गएँ । उनी लन्डनबाट फर्किएपछि र मेरो फिल्म शमशेरा रिलिज भएपछि एक साताको बिदा लिने योजनामा ​​छौँ । अहिले त हामी बिहे गरेको जस्तो लाग्दैन ।”

रणवीर र आलियाको विवाह मुम्बईस्थित आफ्नो घर वास्तुमा नजिकका साथीभाई र परिवारका बीचमा भएको थियो । ५ वर्ष डेटिङ गरेपछि दुवैले १४ अप्रिल २०२२ मा विवाह गरेका थिए ।