वीरगंज । बारामा ५६ बर्षिय महिलालाई १५ र १७ बर्षिय बालकहरुले जबरजस्ती करणी गरेकाे घटना सार्वजनिक भएकाे छ । बाराकाे आदर्श काेतवाल गाउँपालिका वडा नं. १ मा ५६ बर्षिय महिलाई जबरजस्ती करणी गरेकाे आराेपमा प्रहरीले १५ र १७ बर्षिय बालकहरुलाई पक्राउ गरेकाे छ ।
- Advertisement -
असार २५ गते राती ११ बजेको समयमा आदर्श कोतवाल गाउँपालिका वडा नं.१ स्थित आफ्नो गोठघरमा एक्लै सुतिरहेकी महिलालाई पक्राउ परेका बालकहरुले सामुहिक रुपमा पालैपालाे जबरजस्ती करण गरेकाे जिल्ला प्रहरी कार्यालय बाराका प्रवक्ता प्रहरी नायब उपरिक्षक राजेश थापाले वताए ।
जबर्जस्ती करणी गरेका दुबै जनालाई असार २६ गते पक्राउ गरी जबर्जस्ती करणी सम्वन्धी कसूरमा मुद्दा दर्ता बारा जिल्ला अदालतबाट ५ दिनकाे म्याद थप अनुमति लिई जिल्ला प्रहरी कार्यालय बाराकाे निग्रानी कक्षमा राखी थप अनुसन्धान भइरहेको उनले जानकारी दिए ।
