Date
मङ्ल, मंसिर १, २०८३
Tue, November 17, 2026
Home Blog Page 652

प्रतिनिधि सभाबाट नागरिकतासम्बन्धी विधेयक बहुमतले पारित

0

काठमाडौँ । प्रतिनिधि सभाबाट नागरिकतासम्बन्धी विधेयक बहुमतले पारित भएको छ । शुक्रबार दिनभर छलफलपछि प्रतिनिधि सभाले नागरिकता ऐन २०६३ लाई संशोधन गर्न बनेको विधेयक बहुमतले पारित भएको हो ।

प्रतिनिधि सभाबाट पारित भएपछि यो विधेयक अब राष्ट्रिय सभामा जानेछ । त्यहाँबाट पनि पारित भएर राष्ट्रपतिबाट प्रमाणीकरण भएपछि ऐन बनेर लागु हुनेछ ।

एमाले पर्साको दोस्रो पुर्ण बैठक सम्पन्न

0

वीरगंज । नेकपा एमाले पर्साको दोस्रो पुर्ण बैठक शुक्रबार वीरगंजमा सम्पन्न भएको छ । जिल्ला अध्यक्ष जयप्रकाश थारुकाे अध्यक्षता र जिल्ला ईन्चार्ज प्रभु हजराको प्रमुख आतिथ्यता बसेकाे बैठक विभिन्न निर्णय गर्दै सम्पन्न भएको हो ।

बैठकले ३३ सदस्यीय सचिवालय गठन संगै पालिका र जनवर्गिय संगठनको ईन्चार्ज समेत ताेकेकाे छ ।

३३ सदसिय सचिवालयमा १४ औं पालिका प्रमुखसहित उपाध्यक्ष फरमान मियाँ, सचिव मनोज गुप्ता, सह सविच प्रद्युमन सेढाई, नेताहरु संतोष पासवान, शिवजी गुप्ता, अमल यादव, अमानत अंसारी, लालबाबु शेख, मानदेव हजरा, ईमरान हुसेन, रन्जु फुयाल, अफजल हुसेन, श्याम बन्जारा, मनोज कुशवाहा, धुरुव साह, केदार तिवारी, महमद निजाम, रवि गुप्ता, मिना गरी लगायत रहेका छन् ।

बैठकले वीरगंज महानगरको ईन्चार्ज जयप्रकाश थारु, पोखरीया नगरपालिकाको ईन्चार्ज बिनोद गिरी, पर्सागढी नगरपालिकाकाे ईन्चार्ज नन्दलाल कुर्मी, बहुदरमाई नगरपालिकाको ईन्चार्ज पुरन कुर्मी, ठोरी गाँउपालिकाको ईन्चार्ज गोबिन्द प्रताप श्रेष्ठ, जिराभवानी गाँउपालिकाको ईन्चार्ज उषा चौधरी, जगरनाथपुर गाँउपालिकाको ईन्चार्ज मदिस राउत गद्दी, धोवनी गाँउपालिकाको ईन्चार्ज बिरेन्द्र साह कानु, छिपहरमाई गाँउपालिकाको ईन्चार्ज गौरी शंकर साह कानु, कालिकामाई गाँउपालिकाको ईन्चार्ज सुनिल चौरसिया, पकहा मैनपुर गाँउपालिकाको ईन्चार्ज बिकाश पाण्डे, बिन्दवासनी गाँउपालिकाको ईन्चार्ज हनिफ अंसारी, संखुवा प्रसौनी गाँउपालिकाको ईन्चार्ज यशन्वत यादव र पटेर्वा सुगौली गाँउपालिकाको ईन्चार्ज हरीनारायण चौधरीलाई ताेकेकाे छ । 

यसैगरी बैठकले जनवर्गिय संगठनहरुको ईन्चार्ज पनि तोकेको छ । बैठकले अनेरास्वीयुको ईन्चार्ज शिवजि गुप्ता ,अनेमसंघको ईन्चार्ज बिन्दु श्रेष्ठ, सह ईन्चार्ज ज्योति चौरसिया, प्रेस चौतारीको ईन्चार्ज लालबाबु शेख, युवा संघको ईन्चार्ज रवि गुप्ता, सह इन्चार्ज ओमप्रकाश गुप्ता, खेलकुद महासंघको ईन्चार्ज बिमल पौडेल, पेशागत महासंघको ईन्चार्ज आनन्द उपाध्याय, मुक्ति समाजको ईन्चार्ज रामचन्द्र राम, सह इन्चार्ज अनिल हजरा, टेड युनियनको ईन्चार्ज टिका भण्डारी, सह ईन्चार्ज रामानन्द पटेल, शिक्षक संगठनको ईन्चार्ज अफजल अंसारी, किसान महासंघको ईन्चार्ज अमल यादव, सह ईन्चार्ज रामेश्वर चौहान, उद्योग व्यव्यसाय संघको ईन्चार्ज नरेश टिवडेवाल, सह ईन्चार्ज श्याम गुप्तालाई ताेकिएकाे अध्यक्ष थारुले जानकारी दिए ।

वीरगंजस्थित रोयल पार्टी प्यालेशमा बसेकाे बैठकमा पर्सा जिल्ला सह ईन्चार्ज राजकुमार गुप्ता, अरविन्द सिंह, संबिधान सभा सदस्य बिचारी यादव, प्रदेश कमिटी सदस्य बसरुदिन अंसारी, जालिम मिया, बलिराम साह, तेजप्रकाश निषाद, शम्भु गुप्ता, बाबुराम कौशिक, वीरगंज महानगरपालिकाका पुर्व मेयर बिजय कुमार सरावगी लगायतको उपस्थिती रहेकाे थियाे ।

जसपा परित्याग गरेका पर्साका नेताहरु माओवादी केन्द्र प्रबेश

0

वीरगंज । एक सत्ता पहिला जनता समाजवादी पार्टी (जसपा) परित्याग गरेका पर्साका दुई केन्द्रिय सदस्यसहितका नेताहरु शुक्रबार नेकपामा माओवादी केन्द्रमा प्रबेश गरेका छन् ।

जसपा केन्द्रिय सदस्य बिरेन्द्र यादव, टेक बहादुर शाक्य, प्रदेश सदस्य सलाउदिन अहमद, जिल्ला सदस्य एवम् जगरथापुर गाउँपालिका अध्यक्षका प्रत्यासी कृष्ण मोहन यादव लगायतका दर्जनाैं नेता तथा कार्यकर्ताहरुले माओवादी प्रबेश गरेका हुन् ।

काठमाडाैंस्थित पेरिसडाँडामा आयोजित कार्यक्रममा सबै जनालाई माओवादी केन्द्रका अध्यक्ष पुष्पकमल दाहाल प्रचण्डले खादा ओढाएर पार्टीमा स्वागत गरेका थिए ।

असार ३२ गते वीरगंजमा पत्रकार सम्मेलनको गर्दै पर्सा क्षेत्र नं. ४ निवासी केन्द्रिय सदस्यद्वय यादव, शाक्य लगायतकाले सामुहिक रुपमा पार्टीकाे साधारण सदस्यबाट समेत राजिनामा दिएकाे जानकारी गराएका थिए । त्यसकाे केही समयमा उनीहरु माओवादी केन्द्र प्रबेश गरेका हुन् ।

पार्टीमा स्वच्छाचारिता, पार्टी एकलौटी ढंगबाट पार्टी संचालन भएको, निति, नियत र नेतृत्व प्रष्ट नभएको र पार्टी संगठनात्मक संरचनामा नभई पार्टीमा ब्यक्ती, ठेक्दार र भ्रष्टाचारी हाबी भएको आराेप लगाउँदै पार्टीबाट सामुहिक रुपमा राजिनामा दिएकाहरु एक सत्ता वित्दै आज माओवादी केन्द्रकाे पार्टी मुख्यालयमा पुगेका थिए  ।

पार्टी प्रबेश कार्यक्रममा माओवादी केन्द्रका नेता मातृका यादव, नेतृ एवम् राष्ट्रिय सभा सदस्य उर्मिला अर्याल, केन्द्रिय सदस्य गाेपाल ठाकुर लगायतकाकाे समेत उपस्थिती रहेकाे थियाे भने कार्यक्रमकाे संचालन युवा नेता रहबर अन्सारीले गरेका थिए ।

सरकारको घोषणा कार्यान्वयनका लागि दलित नेटवर्ककाे ६ माग

0

वीरगंज । राष्ट्रिय दलित नेटवर्कले नेपाल सरकारको घोषणा कार्यानवयनका लागि विभिन्न मागहरु अघि सारेकाे छ । नेटवर्कका केन्द्रिय अध्यक्ष गणेश वि.के.ले एक प्रस विज्ञप्ती जारी गर्दै ६ बुंदे मागहरु अघि सारेका हुन् ।

सर्वप्रथम हरवाचरवा मुक्तिको घोषणालाई कार्यान्वयन गर्न नेपाल सरकार भूमिब्यवस्था, सहकारी तथा गरिबी निबारण मन्त्रालयको अगुवाईमा विस्तारित कार्ययोजना निर्माण गरी मन्त्रीपरिषदबाट पारित गरेर पुनःस्थापनाको बजेटसहितको कार्ययोजना निर्माण गर्नु पर्ने नेटवर्क पहिलाे माग रहेकाे छ । 

यसैगरी हरवाचरवा मुक्तिको घोषणालाई व्यवहारमा लागू गर्न हरवाचरवा प्रतिनीधि रहेको तत्काल अधिकार सम्पन्न केन्द्रीय तथा प्रदेश स्तरमा संरचना निर्माण गर्न, प्रधानमन्त्रीबाट गरिएको ४ बुंदे घोषणालाई संकल्प प्रस्तावका रुपमा सार्वभौम व्यवस्थापिका संसदबाट पारित गराउन पनि माग गरिएकाे छ ।

यसैगरी संघ, प्रदेश सरकार तथा स्थानीय तहसंगको सहयोग, सहकार्य तथा समन्वयमा मुक्त हरवाचरवाको वास्तविक तथ्याँक संकलन गरी उनीहरूलाई परिचय पत्र प्रदान गर्न, अध्ययन प्रतिवेदनमा उल्लेख भएबमोजिम मुक्त कमैया, कम्लहरी, हलिया र हरवाचरवा सम्वन्धमा विस्तृत कार्ययोजना र नीति बनाएर, साथसाथै, यी सबैलाई मन्त्रीपरिषदले पािरत गरेर, त्यसलाई लागू गर्ने कानुन अनुसारका प्रभावकारी संरचना समेत बनाउन र मुक्त घाेषित मुक्त हरवाचरवाको सम्पूर्ण शान्ति सुरक्षाको व्यवस्था गर्न पनि माग गरिएकाे छ ।

विपी स्मृति दिवसकाे अवसरमा पकहा मैनपुरमा वृक्षाराेपण

0

वीरगंज । पर्साकाे पकहा मैनपुर गाउँपालिकामा ४० औं विपी स्मृति दिवसकाे अवसरमा शुक्रबार वृक्षाराेपण कार्यक्रम सम्पन्न भएकाे छ । नेपाली कांग्रेस पर्साका सभापति जनार्दन सिंह क्षेत्रीले वृक्षाराेपण गरी कार्यक्रमकाे उद्घाटन गरेका थिए ।

कार्यक्रमका प्रमुख अतिथी समेत रहेका जिल्ला सभापति क्षेत्रीले नेपाली कांग्रेस पकहा मैनपुर गाउँपालिका आयाेजनामा भएकाे कार्यक्रममा वाेल्दै कांग्रेस पर्साका सभापति जनार्दन सिंह क्षेत्रीले विपी राष्ट्रवादी र प्रजातन्त्रवादी महामानव नेता रहेकाे वताए ।

सभापति क्षेत्रीले राणाहरुलाई तह लगाउने काम पनि विपीले नै गरेकाे वताए । उनले विपी नेता मात्र नभई साहित्कार समेत भएकाे वताउँदै विपीले लेखेकाे पुस्तकहरु अहिले पनि विभिन्न क्याम्पसहरु पढाई हुने गरेकाे वताए ।

नेपाली कांग्रेस पर्साका प्रवक्ता रमेश पाण्डेले २००६ सालमा विपीले राखेकाे नाम अहिले पनि रहेकाे वताउँदै भाेली आउने पुस्ताकाे लागि पनि नेपाली कांग्रेस नै रहने वताए । प्रवक्ता पाण्डेले पकहा मैनपुर गाउँपालिकामा नेपाली कांग्रेस पूर्ण बहुमतकाे साथ जितेकाेले भ्रष्टारमुक्त गाउँपालिका बनाएर पार्टीकाे नाम गर्नु सुझाए ।

नेपाली कांग्रेस पकहा मैनपुर गाउँपालिकाका सभापति हरि चाैहानकाे सभापतित्वमा भएकाे कार्यक्रममा पकहा मैनपुर गाउँपालिकाका अध्यक्ष सुरेश मेहता, नेपाली कांग्रेस पर्सा क्षेत्र नं. ४ (ख) काे सभापति अनाेज चाैरसिया, पकहा मैनपुर गाउँपालिका वडा नं. १ का वडाध्यक्ष विनाेद मेहता, वडा नं. ३ का वडाध्यक्ष संजय चाैहान, वडा नं. ४ का वडाध्यक्ष ढेडी यादव, वडा नं. ५ का वडाध्यक्ष बलिराम चाैरसिया, प्रदेश सचिव राकेश कुशवाहा, क्षेत्रिय सदस्य अनिल साह लगायतकाले मन्तव्य राखेका थिए भने कार्यक्रमकाे संचालन वडा नं. ३ का सभापति लक्ष्मण प्रसाद कुर्मीले गरेका थिए ।  

पर्वतीय समस्यालाई नेपालले अन्तराष्ट्रिय स्तरमा जोडदार रुपले उठाउनु पर्छ : वन मन्त्री यादव

0

वीरगंज । वन तथा वातावरण मन्त्री प्रदीप यादवले सन्तुलित विकासको मोडल अपनाउनु पर्नेमा जोड दिएका छन् ।

शुक्रबार वन मन्त्रालयले काठमाडौँमा आयोजना गरेको अन्तराष्ट्रिय दिगो पर्वतीय वर्ष, २०२२ कार्यक्रम अन्तर्गत प्रतिनिधिसभा र राष्ट्रियसभा सदस्यहरुसँगको अन्तरसंवाद कार्यक्रमलाई सम्बोधन गर्दै मन्त्री यादवले वन जङ्गल र वन्यजन्तुलाई संरक्षण गर्दै पूर्वाधार विकास निर्माणको कामलाई अगाडि बढाउनु पर्ने बताए ।

उनले सडक र पूर्वाधार निर्माणको आफू बाधक नभएको र वन मन्त्रालयलाई आवश्यक विकासको काममा बाधा पुर्‍याउने काम कहिलयै नगर्ने बताए ।

‘विकास जरुरी छ तर वन जङ्गल पनि उतिकै आवश्यक छन् । हामीले दुवैलाई सन्तुलित राख्नु पर्छ,’ मन्त्री यादवले भने, ‘म विकासको बाधक होइन, सडक र पूर्वाधार निर्माणमा गर्न वन मन्त्रालय कहिलेपनि बाधक बन्दैन । सडक बन्न दिन्छु तर जङ्गल पनि मास्न दिन्न । सन्तुलन मिलाएर काम गर्दा वन मन्त्रालयको अवरोध हुँदैन ।’

उनले नेपालको ८० प्रतिशतभन्दा बढी भूभाग पहाडले ढाकिएको र बाँकी भागसमेत पर्वतीय प्रणालीसँग जोडिएको कारण पर्वतीय क्षेत्रको समस्या सम्पूर्ण नेपालको समस्या भएको बताए । अन्य देशमा गरिएका गतिविधिले भइरहेको जलवायू परिवर्तनको सिधा असर नेपालमा परेको कारण अन्तराष्ट्रिय समूदायले नेपालको पर्वतीय समस्या समाधानका लागि आवश्यक सहयोग गर्नुपर्ने बताए ।

यादवले अन्तराष्ट्रिय दिगो पर्वतीय वर्ष, २०२२ कार्यक्रम अन्तर्गत नेपालले यस वर्ष विभिन्न थप कार्यक्रमहरु आयोजना गरेर पर्वतीय मुद्दाको प्रचार प्रसार गर्नुका साथै अन्तराष्ट्रिय मञ्चहरुमा नेतृत्व लिन आगामी सेप्टेम्बरमा अमेरिकाक कोलो राडोमा हुने पर्वतीय साझेदारी विश्वव्यापी बैठक तथा जववायू परिवर्तन सम्बन्धी इजिप्टमा हुने सम्मेलनमा समेत नेपालको मुद्दालाई उठाउने बताए ।

‘जलवायू परिवर्तनले पर्वतीय अर्थतन्त्र, जैविक विविधता, संस्कृति, जलवायू परिवर्तन, पर्वत-समथर अन्तरसम्वन्ध जस्ता विषयमा पारेका प्रभाव र त्यसको उचित सम्वोधनका लागि नेपालले अन्तराष्ट्रिय मञ्चहरुमा लिनुपर्ने आदानका बारेमा हामीले राष्ट्रिय सहमति कायम गर्नुपर्ने छ । त्यसका साथै अन्तराष्ट्रिय मञ्चहरुमा पनि यी विषयहरुलाई मैले जोरदार ढङ्गले उठान गर्ने छु’ उनले भने ।

मन्त्री यादवको अध्यक्षतामा भएको कार्यक्रममा प्रमुख अतिथि प्रतिनिधिसभाका सभामुख अग्नी प्रसाद सापकोटाले जलवायू परिवर्तनको विषयमा नीति निर्माण गर्नेहरुले गम्भीरतापूर्वक लाग्नुपर्ने बताए । नेपाल ग्लोबल ग्रीन ग्रोथ इन्स्टिच्युट (जीजीजीआइ) को सदस्य बनेको बताउँदै सभामुख सापकोटाले आफू यस्तो संस्थाको सदस्य राष्ट्र नेपाल पनि बनेकोमा खुसी लागेको बताए । जीजीजीआइको सदस्यताले जलवायू परिवर्तनसँग लड्न नेपाललाई ठूलो आधार मिलेको उनले विश्वास व्यक्त गरे ।

कार्यक्रममा उपसभामुख पुष्पा भुसाल, कृषि, सहकारी तथा प्राकृतिक स्रोत समीतिकी सभापति पूर्णा कुमारी, प्रतिनिधिसभा सदस्यहरुहरुले आफ्नो मन्तव्य राख्नु भएको थियो भने वन तथा वातावरण मन्त्रालयका सचीव डा. पेम नारायण कँडेलले कार्यक्रमको बारेमा प्रकाश पर्नु भएको थियो ।

त्यसैगरी वन मन्त्रालयका सहसचिव डा. सिन्धु प्रसाद ढुङ्गानाले अन्तराष्ट्रिय दिगो पर्वतीय विकास वर्ष कार्यक्रम बारे संक्षिप्त प्रस्तुतीकरण गर्नुभएको थियो भने सहसचिव डा. राधा वाग्लेले पर्वतीय जलवायू अनुकूलनमा नेपालले लिएको नीति, प्रतिबद्धता र प्रयासहरुको बारेमा प्रसुती गर्नुभएको थियो ।

कार्यक्रममा भुटानका पूर्वमन्त्री इसीमोडका महानिर्देशक डा. पेमा ग्याम्त्सोले दिगो पर्वतीय विकासका लागि हिन्दकुश क्षेत्रीय सहकार्यको अवसरका बारेमा जानकारी गराएका थिए ।

के हो अन्तराष्ट्रिय दिगो पर्वतीय विकास वर्ष, २०२२ कार्यक्रम ?

संयुक्त राष्ट्र सङ्घले २०२२ लाई अन्तराष्ट्रिय दिगो पर्वतीय विकास वर्ष घोषणा गरेको छ । यो घोषणाले नेपाल जस्ता पर्वतीय मुलुकहरुलाई आफ्ना पर्वतीय प्रणालीमा आधारित कृषि अर्थतन्त्र, पर्यापर्यटन, जैविकविव्धता, पर्वतीय सामना गर्न आवश्यक क्षेत्रीय तथा अन्त्राष्ट्रिय हातेमालोको महत्वका बारेमा आफ्नो आवाज उठाउन पाउने अवसरसमेत प्राप्त भएको छ ।

विश्वका सबभन्दा अग्लो पर्वतीय श्रृङ्खला भएको, हिमाली क्षेत्रमा जलवायू परिवर्तनले बढी प्रभाव पारिरहेको र पर्वतीय प्रणालीमा आबद्ध अर्थतन्त्र रहेको मुलक भएको नाताले नेपाललाई संयुक्त राष्ट्र संघकाे यो वर्ष घोषणा आर्थिक, सामाजिक-सांस्कृतिक, तथा पार्यावारणीय हिसाबले अझ बढी महत्वपूर्ण हुने भएको छ ।

अन्तराष्ट्रिय दिगो पर्वतीय विकास, २०२२ कार्यक्रमको सुरुवात गत वर्ष चैत्र ८ गते नेपालका प्रधानाम्त्रनी शेर बहादुर देउवाले गरेका थिए । कार्यक्रमअन्तर्गत शुक्रबार नेपालमा दोस्रो कार्यक्रम गरिएको थियो । भविष्यमा पनि नेपालका विभिन्न स्थानमा कार्यक्रम गर्ने योजना रहेको वन तथा वातावरण मन्त्रालयले जनाएको छ ।

पर्सा प्रहरीको ठूलो सफलता : २ हजार ठगेको आरोपमा ६ जना पक्राउ

0

वीरगंज । जिल्ला प्रशासन कार्यालय पर्साको निर्देशनमा पर्सा प्रहरीले ठगीको आरोपमा ६ जनालाई पक्राउ गरेको छ । राहदानीको फारम भर्ने भन्दै सर्वसाधारणसँग २ हजारदेखि ३ हजार रुपैयासम्म लिने गरेको आरोपमा पर्साका सहायक प्रमुख जिल्ला अधिकारी भीमकान्त पौडेलको निर्देशनमा पर्सा प्रहरीले ६ जनालाई पक्राउ गरेको हो ।

जिल्ला प्रशासन कार्यालय पर्सा, जिल्ला प्रहरी कार्यालय पर्सा, राष्ट्रिय अनुसन्धानको संयुक्त टोलीले बिहीबार जिल्ला प्रशासन कार्यालय पर्सा अगाडि रहेका मोबाइल सेन्टर तथा फोटो स्टुडियोमा छापामारी गरि पक्राउ गरेको हो । धेरै ठुलो अपराध नै गरेको जस्तो यि ६ जनालाई तीनवटौ सुरक्षा निकायका टोलीले उनीहरुलाई पक्राउ गरेर वडा प्रहरी कार्यालय वीर्ताको जिम्मा लगाएको छ ।

पक्राउ पर्नेमा जिल्ला प्रशासन कार्यालय पर्साको अगाडी रहेका फेस फोटो स्टुडियोबाट सदाम हुसेन र फरियाज आलम, गणेश मोबाइल सेन्टरबाट अनुज गुप्ता, चन्दन मोबाइल सेन्टरबाट कुन्दन यादव, गढीमाई स्टुडियोबाट प्रदीप साहसहित ६ जना रहेका छन् । जसमध्ये अनुज गुप्ता न त कुनै पसलका संचालन छन्, न त कतै काम गर्ने कर्मचारी । उनी आफ्नो कामले स्टुडियोमा गएको बेला उनलाई पनि प्रहरीले पक्राउ गरेर हिरासतमा राखेको छ ।

पक्राउ परेका ६ जनामध्ये १ जनाको शुक्रबार विहान स्नातक तहको परीक्षा पनि छ । उनलाई परीक्षा दिनबाट बञ्चित गरिने हिसाबले वडा प्रहरी कार्यालय वीर्ताको हिरासतमा राखिएको छ । सर्वसाधारणलाई ठगेको आरोपमा ६ जनालाई पक्राउ गरेर ठुलै सफलता प्राप्त गर्यो भन्ने प्रकारले यो समाचार विभिन्न सञ्चारमाध्यममा प्रशारण भयो ।

यसरी पसल संचालन गरेर दुई पैसा व्यापार गर्ने सर्वसाधारणलाई तीनवटै सुरक्षा निकायका प्रतिनिधिले पक्राउ गरेर ठूलै सफलता प्राप्त गरेको भनेर गर्वान्वित गरि रहेका होलान् । तर ति राहदानीको फारम भर्नका लागि र त्यो फारमलाई रुजु गर्नका लागि त्यही जिल्ला प्रशासन कार्यालयकै कर्मचारीको मिलोमतोमा काम हुने गरेको छ भन्ने प्रशासनले आभास समेत पाउन सकेन ।

स्थलगत बुझ्दा राहदानीको फारम भर्नका लागि स्टुडियोका संचालकहरुले २ हजार रुपैया लिने गरेका छन्, जसमध्ये उनीहरुले भरेको फारम रुजु गर्न जिल्ला प्रशासन कार्यालय पर्साका राहदानी फाँटका तल्लो स्तरका कर्मचारीलाई प्रत्येक फारम बापत ५ देखि ८ सय रुपैया बुझाउनु परेको समस्या प्रशासन प्रमुखलाई आभाष पनि हुन सकेको छैन ।

सेवाग्राहीहरु राहदानी फारम भर्न जिल्ला प्रशासन कार्यालयमा आउँछन् तर त्यहीका कर्मचारीहरुले स्टुडियोमा गएर फारम भरेर लिएर आउन अह्राउने गरेको स्टुडियोका संचालकहरुको भनाई छ । राहदानी फारम अनलाइन भएको र बढि चाँप हुने गरेको कारण एक दुई हप्तामा ४/५ जनाको मात्रै फारम भर्न सकिने अवस्था छ ।

पक्राउ परेको स्टुडियो संचालकका अभिभावकहरुको अनुसार अहिले फारम पनि भर्न सक्ने अवस्था छैन, एक दुई हप्तामा ५ मिनेटको लागि फारम खुल्छ, त्यसमा पनि सर्भर खचाखच रहेकोले दुई हप्तामा बढिमा ४/५ वटा फारम भर्न सकिन्छ । जसमा बढि आवश्यक रहेका व्यक्तिहरुको मात्रै फारम भर्ने गरिएको छ । यसमा कुन ठूलो अपराध गरेको भन्ने जस्तो प्रहरीले पक्राउ गरेर लगेको उनीहरुको भनाई छ ।

सानो तिनो काम गर्नेहरुले जनताहरुलाई ठगेर ढाँड नै सेके जस्तो काम गरि रहेकोले प्रशासनको कार्यशैली शंकास्पद देखिएको छ । २ हजार रुपैया लिएर फारम भरेको भनेर पक्राउ गर्न सक्ने जिल्ला प्रशासन कार्यालयलाई एक कार्यालय प्रमुखले १० लाख घुस लिएको सूचना दिदा पनि कुनै किसिमको कारवाही भएन् ।

जिल्ला प्रशासन कार्यालय हाताभित्र रहेका एक कार्यालयमा १० लाख घुस लेनदेन भएको र घुसको पैसा अहिलेपनि त्यही नै निवासमा राखिएको भन्ने तथ्यगत सूचना सहायक प्रमुख जिल्ला अधिकारीलाई दिदा कुनै किसिमको कारवाही भएन् । यहाँसम्म कि पर्साका प्रहरी उपरक्षीक रमेश बस्नेतलाई पनि यो सूचना दिइयो तर कुनै निकायले कारवाही गरेनन् ।

यसबारे पर्साका सहायक प्रमुख जिल्ला अधिकारी भीमकान्त पौडेललाई बुझ्दा राहदानीको अनलाइन फारम भर्नका लागि २ देखि ३ हजार रुपैयासम्म असुलको आरोपमा तीनैवटा सुरक्षा निकायका प्रतिनिधिहरुले पक्राउ गरेको हुनाले आफूले केही भन्न नसकिने बताए ।

उनीहरुले विगतमा पनि सम्झाइएको अवस्थामा नमानेको कारण उजुरी आएपछि पक्राउ गरिएको बताए । उनले यिनीहरुले फारम भरेर रुजु गर्न पठाए पश्चात जिल्ला प्रशासन कार्यालयका कर्मचारीहरुले फारम रुजु गरेवापत पैसा लिएको प्रमाणित भए उनीहरुलाई पनि कारवाही गरिने बताए ।

जसपा पर्सा क्षेत्र नं. ३ काे बैठक सम्पन्न

0

वीरगंज । जनता समाजवादी पार्टी (जसपा) नेपाल पर्सा क्षेत्र नं.३ को क्षेत्रिय विस्तारित बैठक बिहिबार सम्पन्न भएकाे छ । क्षेत्रिय पार्टी कार्यालय पाेखरियामा सम्पन्न बैठककमा स्थानिय तह निर्वाचन २०७९ मा निर्वाचित जनप्रतिनिधिहरुलाई सम्मान समेत गरिएकाे थियाे ।

बैठकमा क्षेत्र अन्तर्गतका बहादुरमाई नगरपालिकाका मेयर सिंगासन साह, सखुवा प्रसौनी गाउँपालिकाकी उपाध्यक्ष शर्मिला बिस्ट महतो लगायतका नव निर्वाचित जनप्रतिनिधिहरुलाई सम्मान गरिएकाे जसपाका युवा नेता शिव साहले जानकारी दिए ।्

बैठकमा स्थानिय तह निर्वाचनमा बारे नेतागण र विभिन्न पदका उम्मेदवारहरुले चुनावमा भएको गतिविधि बारे समेत चर्चा गरेका थिए । 

क्षेत्रिय अध्यक्ष नागेन्द्र यादवको अध्यक्षता र निलम्वित संघिय सांसद हरिनारायण रौनियारको प्रमुख अथित्यमा भएकाे बैठकमा प्रदेश सांसद मन्जुर अंसारी, नेता शिवजी सोनी, प्रदेश सदस्य दिपक यादव, गौरीशंकर साह, विपिन यादव, सखुवा प्रसाैनी गाउँपालिकाका पूर्व अध्यक्ष प्रदिप जयसवाल, पाेखरिया नगरपालिकाकी पूर्व उप मेयर सलमा खातुन लगायतले मन्तव्य राखेका थिए भने कार्यक्रमकाे संचालन युवा नेता शिव कुमार साहले गरेका थिए ।

उद्याेगी वैद्य वीरगंज महानगरकाे सद्भावना दूतमा पुन: नियुक्त

0

वीरगंज । उद्योगी अशोक बैद्य वीरगंज महानगरपालिकाको सद्भावना दूतमा पुन: नियुक्त भएका छन् । मेयर राजेशमान सिंहले बिहीबार बैद्यलाई महानगरको सद्भावना दूतमा नियुक्त गरेका हुन् ।

नेपाल भारत सहयोग मञ्चका राष्ट्रिय अध्यक्ष समेत रहेका बैद्यलाई महानगरपालिकाको नगर सभाको पहिलो अधिवेशनको निर्णयबाट सद्भावना दूतमा नियूक्त गर्ने निर्णय गरिएको थियो ।

वीरगंज उद्योग वाणिज्य संघका पूर्व अध्यक्ष समेत रहेका वैद्यले वीरगंज महानगर क्षेत्र भित्र आर्थिक, सामाजिक र पूर्वाधार विकासको क्षेत्रमा पर्याएको योगदानको उच्च मूल्याङ्कन गर्दै हालै सम्पन्न महानगरको नगर सभाको ११ औं अधिवेशनले उनलाई पुनः सद्भावना दूत नियूक्त गरेको मेयर सिंहका स्वकीय सचिव सत्याराज घिमिरेले जानकारी दिए ।

सद्भावना दूतकाे रुपमा वैद्यले वीरगंज महानगरपालिकाको वृहत्तर विकास, अन्तर्राष्ट्रिय सहयोग, सम्वन्ध विस्तार र लगानि अभिवृद्धि गर्ने कार्यमा उल्लेखनीय भूमिका निर्वाह गर्ने महानगरले विश्वास लिएको घिमिरेले बताए ।

बिल बिजक भन्दा बढी सामानहरू बाेकेकाे ट्रक प्रहरी नियन्त्रणमा

0

वीरगंज । बिल विजक भन्दा बढी सामानहरु बाेकेकेा ट्रक प्रहरीले नियन्त्रणमा लिएर राजश्व अनुसन्धान कार्यालयमा बुझाएकाे छ । 

वीरगञ्ज महानगरपालिकाकाे वडा नं.२१ परवानीपुरचोकस्थित सडकखण्डबाट ना.६ ख ५२७३ नम्बरको मालवाहक ट्रकलाई नियन्त्रणमा लिएर बुझाइएकाे जिल्ला प्रहरी कार्यालय पर्साले जनाएकाे छ ।

बिल विजक भन्दा बढी बिभिन्न किसिमका हार्डवेयर तथा खुद्रा सामानहरू बोकेको सूचना प्राप्त भई जिल्ला प्रहरी कार्यालय पर्साबाट खटिएको टोलीले मिति बुधबार राति १२ बजेकाे समयमा परवानीपुरचोक स्थित सडकखण्डबाट मालवाहक ट्रक नियन्त्रणमा लिएकाे थियाे ।

ट्रकलाई रोकी जाँच गर्ने क्रममा विल बिजक शंकास्पद देखिएको तथा विल बिजक बिनाका विभिन्न किसिमका हार्डवेयर पार्टस समेत फेला परेको जिल्ला प्रहरी कार्यालय पर्साका प्रवक्ता प्रहरी नायब उपरिक्षक प्रल्हाद कार्कीले वताए ।

उक्त ट्रक नियन्त्रणमा लिई रू. ७४ लाख ८७ हजार २ सय २३ मूल्याङ्कन गरी आवश्यक कारवाहीको लागि बिहिबार राजश्व अनुसन्धान कार्यालय पथलैया, बारामा बुझाइएको प्रवक्ता कार्कीले जानकारी दिए ।