Date
मङ्ल, मंसिर १, २०८३
Tue, November 17, 2026
Home Blog Page 649

ठोरीकाे जंगलबाट एक भारतीय किशोरीको उद्दार

0

वीरगंज । पर्साको ठोरी गाउँपालिका वडा नम्बर १ बाट १ जना भारतीय किशोरीको उद्दार गरिएको छ । स्थानीय जंगलमा अन्दाजी २२ वर्षीय एक युवकसँगै भेटिएकी १६ वर्षीय किशोरीलाई ठोरी १ का वडाध्यक्ष धनमान थापाको पहलमा उद्दार गरिएको हो ।

युवती र युवकका अभिभावकले ठोरी १ का वडाध्यक्ष थापालाई आफ्ना छोराछोरी ठोरीतिरै आएको जानकारी दिएपछि खोजी गर्दा त्यहिको एक जङ्गलमा फेला पारेको अध्यक्ष थापाले बताए  ।

उनीहरूलाई फेला पारेपछि इलाका प्रहरी कार्यालय ठोरीमा बुझाइएको छ ।

ती युवकले किशोरीलाई ललाइफकाई ठोरीसम्म ल्याएको प्रारम्भिक अनुसन्धानबाट खुलेको छ । उद्दार गरिएकी किशोरीलाइ परिवारका सदस्यलाई जिम्मा लगाइएको छ ।

शिक्षा क्षेत्रकाे सबै ठाउँमा व्यापक भ्रष्टाचार भएको छ : मेयर साह

0

वीरगंज । कलैया उपमहानगरपालिकाका मेयर विनोद साहले शिक्षा क्षेत्रकाे सबै ठाउँमा व्यापक भ्रष्टाचार भएकाेले आफु सुधार गर्ने पहल थालेको वताएका छन् । सहयात्रा परियोजना अन्तर्गत आयाेजित पालिकासँग छलफल तथा समन्वय कार्यक्रमलाई सम्बाेधन गर्दै मेयर साहले यस्ताे वताएका हुन् ।

मेयर साहले आफू कार्यभार समाहालेको दुई महिनामा पालिका भित्रको विद्यालयमा अनुगमन गर्दा अभिभावक र सरोकारवालाको नियमित ध्यान दिनु पर्ने देखिएको वताए । उनले विद्यालयहरूमा सौचालय र खानेपानीको व्यवस्थापन कमजोर रहेको पनि वताए ।

शिक्षामा सुधार ल्याउन सबै जनाले आफ्नो जिम्मेवारी निर्वाह गरिदिए पूरा हुने मेयर साहकाे भनाई थियाे ।

बैठकमा कलैया उपमहानगरपालिकाको अमर मावि दोहरी, नेरामावि मनहर्वा, दुर्गा मावि बरेवा, नेरा मावि मटिअर्वा र नेरा मावि बसतपुरमा सञ्चालित सहयात्रा परियोजनाको प्रगति र अगामी कार्ययोजना प्रस्तुत परियोजना प्रबन्धक मनोज यादवले गरेको थियो ।

जन जागरण युवा क्लवका अध्यक्ष भैयाराम यादवको सभापतित्वमा भएको बैठकमा कलैया उपमहानगरपालिकाका उप मेयर रौशन परविन, प्रमुख प्रशासकिय अधिकृत नाथु साह, शिक्षा शाखा प्रमुख प्रहलाद वर्णवाल, शिक्षा अधिकृत विजय अधिकारी, भिएसओका भरत सहनी र देवी न्यौपाने लगायतको सहभागिता रहेको थियो ।

जनजागरण युवा क्लवका उपाध्यक्ष राजदेव साहले स्वागत मन्तव्य राखेकाे कार्यक्रममा नरेश साहले सहजिकरणमा गरेका थिए । बैठकमा परियोजना सञ्चालन विद्यालय रहेकाे वडका वडाध्यक्ष, प्रधानाध्यापक, अभिभावक र सरोकारवालाको सहभागिता रहेको थियो ।

५ अति विपन्न परिवारकाे घर बनाइदिने आवश्वासन

0

वीरगंज । पर्साकाे जगरनाथपुर गाउँपालिका अध्यक्ष श्रीकान्त प्रसाद यादवले घर विहिन भएकाहरुकाे घर बनाइदिने आश्वासन दिएका छन् । 

शुक्रबार गाउँपालिकाको वडा नं.४ मा घर बिहिन भए अति विपन्न परिवारकाे स्थलगत निरिक्षण गर्दै घर विहिन भएकाहरुकाे घर बनाइदिने प्रतिबद्धता जनाएका हुन् । तत्कालकाे लागस घर विहिन भएका ५ घर परिवारलाई राहत स्वरुप यथासिघ्र तृपाल उपलब्ध गराउने पनि वताए ।

बर्षाका कारण जगरनाथपुरका ५ जना अतिविपन्न परिवार घर विहिन भएका छन् ।

अति विपन्न समुदायकाे निरिक्षण गर्न गाउँपालिका अध्यक्ष यादवसहित प्रदेश सांसद शंकर चौधरी, नेपाली कांग्रेसका महाधिवेशन प्रतिनिधि रामदेव चौहान, क्षेत्रीय सचीव बलिस्ठर अहमद, क्षेत्रीय कोषाध्यक्ष बिनय भूषण द्विवेदी, युवा नेता सुरेन्द्र सिंह क्षेत्री लगायतकाे उपस्थिती रहेकाे थियो ।

यसैगरी गाउँपालिका अध्यक्ष यादवले वडा नं. ४ जगरनाथपुरबाट भारतको विभिन्न स्थानमा तिर्थधाम घुम्न जाने ६५ जना तिर्थालुहरुलाई गमछा ओढाएर तिर्थ यात्रा सफलकाे शुभकामना दिएका छन् ।

 

नागरिकता विधेयक पारित भएपछि पकहा मैनपुर र पाेखरियामा दीप प्रज्वलन

0

वीरगंज । नागरिकता विधेयक पारित भएकाे खुशियालीमा शुक्रबार नेपाली कांग्रेसले पाेखरिया र पकहा मैनपुरमा दीप प्रज्वलन गरेकाे छ । 

नागरिकता विधेयक संसदबाट पारित भएकाे खुशियालीमा नेपाली कांग्रेस पकहा मैनपुरकाे आयाेजनामा पकहा मैनपुर गाउँपालिकाकाे मधुवनी चाैकमा दीप प्रज्वलन गरिएकाे राकेश कुशवाहाले जानकारी दिए ।

दीप प्रज्वलन कार्यक्रममा पकहा मैनपुर गाउँपालिका वडा नं. १ का वडाध्यक्ष विनाेद मेहता, वडा नं. २ का वडाध्यक्ष मुकुट प्रसाद चाैहान, वडा नं. ३ का वडाध्यक्ष संजय चाैहान, वडा नं. ४ का वडाध्यक्ष ढेडी यादव, कांग्रेसका स्थानिय नेता सिन्धु मेहता, बिरेन्द्र यादव लगायतकाे सहभागिता रहेकाे थियाे ।

यसैगरी पाेखरिया नगरपालिकामा पनि कांग्रेसले दीप प्रज्वलन गरेकाे छ । नागरिकता विधेयक संसदबाट पारित भएकाे खुशियालीमा कांग्रेसका नेता तथा कार्यकर्ताहरुले पाेखरिया नगरपालिकाकाे वडा नं. ४ स्थित पाेखरिया बजारमा शुक्रबार सांझ दीप प्रज्वलन गरेका हुन् । 

 नेपाली काँग्रेस पोखरिया नगर कमिटीका अध्यक्ष रामबाबु प्रसाद चौहानको सभापतीत्व र पाेखरिया नगरपालिकाका पूर्व मेयर  दिपनारायण रौनियारकाे प्रमुख आतिथ्यतामा भएकाे दीप प्रज्वलन कार्यक्रममा कांग्रेसका नेता बिरेन्द्र पाण्डेय, प्रमोद राय, वडा अध्यक्ष लक्षमण साह कानु, किसोरी साह तेली, प्रमानन्द प्रसाद पटेल, सियानन्द प्रसाद चौहान, सोनालाल साह गोढ लगायतकाे उपस्थिती रहेका थियाे ।

कार्यक्रमको सहजीकरण नेपाली काँग्रेस पर्सा क्षेत्र नम्बर ३ को क्षेत्रीय सचिव सुरेन्द्र प्रसाद सिंहले गरेका थिए ।

फेटामा बोक्सी कु–प्रथा बिरुद्धको राष्ट्रिय अभियान

0

वीरगंज । बाराको फेटा गाउँपालीकामा राष्ट्रिय जागरण प्रतिष्ठान नेपालको आयोजना र ईलाका प्रहरी कार्यालय प्रसौनीको सहकार्यमा बोक्सी कु–प्रथा बिरुद्धको राष्ट्रिय अभियान समबन्धी सचेतना कार्यक्रम बिहिबार समपन्न भएको छ ।

कार्यक्रमका प्रमुख अतिथी फेटा गाउँपालीकाका अध्यक्ष रुस्तम अंसारीले बोक्सी भन्ने शब्द समाजको लागी निकै हानिकारक भएको बताए । उनले कार्यक्रमको आयोजना गर्ने संस्थालाई धन्यबाद समेत दिए ।

उनले भुत, प्रेत संसारमा कही पनि नभएको र हाम्रौ समाजका केही ब्यक्तिले कसैसंग रिसीबी साध्न यस्तो आरोप लगाई पुरै समाजलाई बरबाद गर्ने कार्य गरेको बताए । प्रमुख अंसारीले २१ औ शताब्दीमा पनि बोक्सी जस्तो घटना हुनु, झारफुकमा बिस्वास गर्नु जस्ता कार्य समाजको लागी निकै दुखद भएको बताए ।

प्रमुस अंसारीले यस्ता घटनालाई आफनो पालीकामा घटन नदिन हरेक किसिमको उपाए अपनाउन आफु तयार रहेको प्रतिबद्धता जनाउदै सहभागीहरुलाई आर्यक्रममा सिकेका कुरालाई आ–आफनो टोलमा प्रसार, प्रचार गर्न आग्रह गरे ।

कार्यकममा राष्ट्रिय जागरण प्रतिष्ठान नेपालका कोवीडशरण उपाध्याले मन्तब्य राख्दै खासगरी यस्ता घटनाहरु तराई मधेशमा धेरै घटने गरेकोले हामीले यो अभियानलाई मधेश प्रदेशका हरेक जिल्ला र स्थानीय तहमा जोडदार तरिकाले उठाउदै आएको र यस कार्यमा प्रदेश देखी स्थानीय सरकारको पनि साथ र सहयोग आवश्यक रहेको बताए ।

उनले यो बिषयलाई हामीले देश ब्यापी रुपमा उठाउदै आएको र आउने दिनमा यस्ता घटनाहरु समाजमा घटन नदिन सबै निकायलाई सहयोग गरिदिन अनुरोध गरे ।

कार्यक्रममा ईलाका प्रहरी कार्यालय प्रसौनीका प्रहरी निरिक्षक नरेन्द्र बोगटीले बोक्सी समबन्धी बर्तमान अवस्था, अपराध, सजाय र यसका कानुनको बारेमा बृस्तृत जानकारी राखेका थिए । उनले यस्ता घटनाले समाजमा बीकृती फैलाउने हुनाले यस्ता कार्यहरु नगर्न आम समुदायलाई आग्रह गर्दै यस्ता अपराध गरेको भेटिए तुरुन्त प्रहरीलाई जानकारी दिन आग्रह गरे ।

प्रमुख बोगटीले यस्ता घटनालाई नियन्त्रण गर्न प्रहरी कडा रुपमा एकसन लिने र यदी कसैले यस्ता अपराध गरेको भेटिएकोमा अपराधीलाई कानुन अनुसारको दण्ड, सजाय गराउने प्रतिबद्धता जनाए ।

कार्यक्रममा गाउँपालीकाका उप प्रमुख निलम साह, प्रमुख प्रशासकिय अधिकृत गौरीशंकर मिश्रा लगायतले मन्तब्य राखेका थिए ।

कार्यक्रममा सहभागीहरुलाई बोक्सी समबन्धी डोकुमेन्ट्रीद्वारा प्रशिक्षण गराइएको थियो भने पालीकाका ७ वटै वडाका वडा अध्यक्ष, पालीका सदस्य लगायत स्थानीहरुको सहभागीता रहेको थियो ।

‘हाम्रो सानो प्रयास’ कार्यक्रम सुरु

0

वीरगंज । रोटरी र रोट्रयाक्ट क्लब अफ वीरगञ्ज मेट्रोपोलिसको संयुक्त आयोजना ‘हाम्रो सानो प्रयास’ कार्यक्रम सुरु भएकाे छ ।

स्थानीय समुदायको लागि आधारभूत उद्यमशीलता र सीप प्रशिक्षण युवाहरूको लागि एकदमै लाभदायक हुने रोट्रयाक्ट क्लब अफ वीरगञ्ज मेट्रोपोलिसका सामुदायिक सेवा निर्देशक आनन्द साहले बताए ।

‘हाम्रो सानो प्रयास’ कार्यक्रममा अहिले २५ देखि ३० जना बिद्यार्थीलाई ग्राफिक डिजाइन र फोटोशप तालिम प्रदान गरि उनीहरुलाई रोजगारको वातावरण मिलाउने रोट्रयाक्ट क्लब अफ वीरगंज मेट्रोपोलिसका अध्यक्ष रबिन श्रेष्ठले बताए।

कार्यक्रम संयोजक रोहित गुप्ताको अध्यक्षतामा भएको कार्यक्रममा मुकेश साहले प्रशिक्षण दिएका थिए ।

कार्यक्रममा रामबिनय यादव, क्लबका पूर्व अध्यक्ष प्रकाश कर्ण, आदत हवारी, रोनक तुलस्यान, कनैया सर्राफ, नितेश गुप्ता लगायत इम्पेरियल कलेज विद्यार्थीहरुको सहभागिता रहेको थियो ।

पर्साका ६ पालिका र भूमि आयोग बिच सम्झौता

0

वीरगंज । पर्साका थप ६ वटा पालिकाले राष्ट्रिय भूमि आयोगसँग सम्झौता गरेका छन् । पोखरिया नगरपालिका, पकहा मैनपुर पटेर्वासुगौली, जगरनाथपुर, विन्दवासिनी र सखुवाप्रसौनी गाउँपालिकाले आयोगसँग सम्झौता गरेका हुन् ।

भूमिहीन दलित, भूमिहीन सुकुम्बासी र अव्यवस्थित बसोबासीको लगत संकलन गर्न, नाप नक्सा गर्नेदेखि लालपूर्जा वितरणसम्मको काममा सहजीकरण गर्न स्थानीय तहले आयोगसँग सम्झौता गरेकाे पकहा मैनपुर गाउँपालिकाका अध्यक्ष सुरेश मेहताले वताए ।

भुभि आयोगका बिज्ञ सदस्य राघो राय यादवले अब भुमिहिनहरुले जग्गा र लालपुर्जा पाउने वताए । जिल्ला समन्वय समिति पर्साकाे सभाहलमा भएकाे सम्झाैता पत्रमा हस्ताक्षर कार्यक्रमकाे वाेल्दै यादवले पर्साको १४ वटा पालिकामा वडास्तर देखी पालिका स्तर सम्म राष्ट्रिय भुमि आयोग गठन गरी भूमिहीन सुकुम्बासीकाे समस्या सामाधान गर्न आग्रह गरे ।

कार्यक्रममा पालिकाकाे तर्फबाट प्रमुख, उप प्रमुख, प्रमुख प्रशासकीय अधिकृत र आयोगकाे तर्फबाट विज्ञ सदस्य राधो राय यादवले सम्झौता पत्रमा हस्ताक्षर गरेका थिए । 

राष्ट्रिय भुमि आयोग पर्साका अध्यक्ष तबरेज अहम्मदको अध्यक्षतामा भएको कार्यक्रममा जगरनाथपुर गाउँपालिकाका अध्यक्ष श्रीकान्त यादव, बिन्दवासिनी गाउँपालिकाका अध्यक्ष प्रमाेद तिवारी, सखुवा प्रसौनी गाउँपालिकाका अध्यक्ष जसवन्त यादव र पोखरीया नगरपालिकाकी उप मेयर रुबी कुमारी ठाकुर लगायतको सहभागीता रहेको थियो ।

भुमि आयाेग पर्साले आयाेजना गरेकाे कार्यक्रमकाे सहजिकरण नापी कार्यालयका सदस्य सचिव नारायाण कुमार श्रेष्ठले गरेका थिए ।

यसअघि वीरगञ्ज महानगरपालिका, पर्सागढी, बहुदरमाई नगरपालिका, ठोरी, कालिकामाई र धोविनी गाउँपालिकाले आयोगसँग सम्झौता गरिसकेका छन् । 

जसपाद्वारा मधेशलाई सुख्खा क्षेत्र घोषणा गर्न माग गर्दै ज्ञापन

0
वीरगंज । जनता समाजवादी पार्टी (जसपा) पर्साले मधेश प्रदेशलाई सुख्खा क्षेत्र घोषणा गरी किसानहरुलाई विशेष राहत प्याकेजको व्यवस्था गर्न माग गर्दै प्रधानमन्त्रीलाई ज्ञापन पत्र बुझाएकाे छ । जसपा पर्साले बिहिबार प्रमुख जिल्ला अधिकारी मार्फत ७ बुंदे मागसहित प्रथानमन्त्रीलाई ज्ञापन पत्र बुझाएकाे जसपा पर्साका जिल्ला सचिव तबरेज अहमदले जानकारी दिए ।
 
यसैगरी जसपा पर्साले किसानहरुको लागि प्रयाप्त मलखाद्यको व्यवस्था गर्न, किसानहरुले बैंकवाट लिएको ऋणको व्याज मिनाहा गर्न, सिचाईको लागि व्यापक डिप बोरींग लयायत अन्य वैकल्पिक व्यवस्था गर्न, सिचाईको लागि किसानहरुलाई सहुलियत स्वरुप डिजलको व्यवस्था गर्न, किसानहरुको सुविधाको लागि कृषि विद्युतीकरणको व्यवस्था गर्न र कृषि मिटर उपलब्ध गराई विद्युत महसुल निःशुल्क गर्न पनि माग गरेकाे गरेकाे छ ।
 
जिल्ला अध्यक्ष रामनरेश प्रसाद यादव नेतृत्वमा ज्ञापन पत्र बुझाउन जिल्ला प्रशासन पुगेकाे टोलीमा जसपा नेता मुकेश द्विवेदी, गाैरीशंक साह, धाेबिनी गाउँपालिकाका अध्यक्ष मदन चाैहान, सखुवा प्रसाैनी गाउँपालिकाका पूर्व अध्यक्ष प्रदिप जयसवाल लगायतकाे सहभागिता रहेकाे थियाे ।
 

करुणासँगको प्रेममा आकाश

0

पूजा शर्मासँगको प्रेम सम्बन्ध टुंगिएपछि अभिनेता आकाश श्रेष्ठ केही समय सिंगल रहे । तर उनी यतिबेला ‘सयकडा दश’ डेब्यु अभिनेत्री करुणा श्रेष्ठसँग अफेयरमा रहेको गसिप चलिरहेको छ ।

यद्यपि, यी दुवै लभबर्डले प्रेमलाई सार्वजनिक रुपमा स्वीकारेका छ्रैनन् । बिहीबार आयोजित एक म्युजिक भिडियो पत्रकार सम्मेलनमा करुणाले आकाशसँगको अफेयरको हल्लालाई घुमाउरो ढंगले स्वीकारिन् ।

न त उनले अस्वीकार गरिन् न त स्वीकार नै । यसबारे सोधिएको प्रश्नमा उनी बोल्न मात्र चाहिनन् । यसलाई आफूले प्राइभेट राख्न खोजेको भन्दै उनले प्रश्न टारिन् । घुमाउरो ढंगले उनले प्रेम सम्बन्धलाई स्वीकारेको बुझ्न सकिन्छ ।

‘सकेसम्म म आफ्नो पर्सनल लाइफलाई पर्सनल राख्न नै मन पराउँछु । म रिलेसनसिपमा छु कि सिंगल छु भन्ने कुरा मलाई डिस्क्लोज गर्न पनि मन लाग्दैन । आकाशसँग काम गर्दा पनि धेरै सिकेको छु । म यो टपिक्समा केही पनि बोल्न चाहन्नँ,’ करुणा भन्छिन् ।

आकाशसँग काम गर्दा कम्फर्ट हुने करुणाको अनुभव छ । मिडियामा सम्बन्धलाई लिएर हल्ला चले पनि दुवै जनाले यसलाई प्राइभेट राख्ने प्रयास गरिरहेका छन् ।

वातावरण संरक्षण तर्फ मन्त्री यादव अग्रसर, लगाए प्लाष्टिकजन्य पूष्पगुच्छा, मालामा प्रतिवन्ध

0

काठमाडौँ । वन तथा वातावरण मन्त्री प्रदीप यादवले प्लाष्टिकजन्य पूष्पगुच्छा, माला लगायतका सामाग्रीको आयात, उत्पादन र विक्री वितरण तथा भण्डारणमा रोक लगाउनुभएको छ ।

वातावरण प्रदूषण कम गर्नदेखि लिएर मानवीय स्वास्थयलाई मध्यनजर गर्दै मन्त्री यादवले गरेको प्रस्तावमा मन्त्रालयमातहतको वातावरण विभागले प्लाष्टिकजन्य सामाग्रीको आयातमा रोक लगाउने सूचना मङ्गलबार जारी गरेको छ ।

प्लाष्टिकजन्य पूष्पगुच्छा र मालाको आयातमा रोक लगाउँदा वार्षिक करिब १० करोड रुपैयाँको आयात रोकिने मन्त्री यादवको विश्वास छ । वातावरण प्रदूषण पनि कम हुने र स्वदेशी किसानले उत्पादन गरेका प्राकृतिक फूलको उपयोग बढ्दा पूष्प व्यवसाय पनि प्रवर्द्धन हुने भएकाले यस्ता सामाग्रीको आयातदेखि उत्पादन र विक्रीवितरणमा रोक लगाइएको मन्त्री यादवको भनाई छ ।

घरेलु उत्पादनमा संलग्न भएकाहरुलाई वैकल्पिक पेशा प्रदान गर्नुका साथै घरभित्रको सजावटमा प्राकृतिक फूल उपलब्ध गराउनु चुनौतीपूर्ण भएपनि सम्पूर्ण चुनौतीको सामना गर्ने आफू तयार रहेको मन्त्री यादवले बताउनुभयो ।

त्यस्तै उहाँले ४० माइक्रोनभन्दा पातलो प्लाष्टिकको झोला बन्देज गर्ने निर्णयलाई व्यावहारिक रुपमा कार्यन्वयन गर्न पनि निर्देशन दिनुभएको छ । नेपाल सरकारले निर्णय गरेर सर्वोच्च अदालतले परमादेश गरेपनि कार्यन्वयन हुन नसकेको बताउँदै मन्त्री यादवले कार्यन्वयन गरेर सरकारलाई सहयोग गर्न आग्रह गर्नुभएको छ ।

यादवले फोहोर व्यवस्थापन एवम् वातावरण प्रदूषण रोक्नका लागि पनि प्लाष्टिकजन्य झोलाको प्रयोगलाई निरुत्साहित गर्नुपर्ने बताउनुभयो । १७ माघ २०७८ को मन्त्रिपरिषद्को निर्णयअनुसार प्लाष्टिक झोला प्रतिबन्ध सम्बन्धी कार्ययोजना २०७८ स्वीकृत भई कार्यन्वयनको चरणमा भएपनि प्रभावकारी रुपमा कार्यन्वयन हुन सकेको छैन ।

प्लाष्टिकको झोला प्रयोगमा बन्देज लगाउँदा अधिकांश नालाहरुमा प्लाष्टिककै कारण ढल थुनीने, माटो प्रदुषण हुने, उर्वर शक्तिमा ह्रास आउने जस्ता समस्याको समाधान हुने मन्त्री यादवको विश्वास छ । कागज वा कपडाको झोलालाई प्रोत्साहन गर्नुका साथै प्लाष्टिक व्यवसायीलाई विकल्प प्रदान गर्नुपर्ने उहाँले जोड दिनुभएको छ ।

कोभिड-१९ को प्रकोपका कारण अनुगमन खुकुलो भएपनि अब अनुगमनलाई तिव्रता दिएर यस्ता सामाग्रीको प्रयोग भएको पाइएमा कानुनबमोजिम कारवाही पनि गरिने उहाँले चेतावनी दिनुभयो ।

भाद्र १ गतेदेखि ४० माइक्रोनभन्दा पातलो प्लाष्टिक झोला उत्पादन, आयात, विक्रीवितरण तथा प्रयोगको अवस्थालाई कडाईका साथ अनुगमन गरिने मन्त्री यादवले बताउनुभयो । सरकारको निर्णयविपरित प्रयोग भएको पाइएमा वातावरण संरक्षण ऐन, २०७६ र वातावरण संरक्षण नियमावली २०७७ बमोजिम कारवाही हुने वातावरण विभागले जारी गरेको सूचनामा भनिएको छ ।