Date
मङ्ल, मंसिर १, २०८३
Tue, November 17, 2026
Home Blog Page 648

बाराको फेटामा बौद्धिमाई मन्दिरमा तोडफोड

0

वीरगंज । बाराको फेटा गाउँपालिका वडा नं. ३ फेटास्थित बौद्धिमाई मन्दीरमा आइतबार राति तोडफोड भएको छ । हिन्दूहरुको आस्थाको केन्द्रको रुपमा रहेको ऐतिहासिक धार्मिक स्थल श्री बौद्धिमाई मन्दीर परिसरमा असमाजिक तत्वहरुले तोडफोड गरी समाजमा अशान्ति मचाउँने प्रयास गरेका छन । मन्दीर परिसरमा रहेको कल (धारा)को मुडा फुटाईएको छ । रगतको समेत ठाउँ ठाउँमा छिटा परेको छ ।

असमाजिक तत्वहरुले मन्दीरको मुख्य प्रवेशद्वार मै रहेको बाघको मुर्तीमा तोडफोड गरेका छन । उनीहरुले मन्दीर प्राङगणलाई ईट्टाले प्रहार गरी भूईमा ओच्छ्याएको मार्बल, टालीमा समेत क्षती पुर्याएका छन । घटनाको दृष्य हेर्दा बौद्धिमाई माताको मुर्ती समेत तोडने प्रयास गरेको स्थानियले बताउँछन । माताको मुख्यमन्दीरको गेटमा ढुङगामुडा प्रयास भएको छ तर गेट बन्द रहेका कारण त्यसमा क्षति हुन सकेको छैन । यो दुस्हासस कस्ले र किन गरेको हो भन्ने कुरा अहिले सम्म खुल्न सकेको छैन । स्थानियले दोषीलाई यथाशिघ्र पत्ता लगाई कारवाहीको माँग समेत गरेका छन ।

समाजिक दंगा फैलाउँने उदेश्यले यो घटना घटाएको हुन सक्ने स्थानियले आशंका समेत गरेका छन । गाउँपालिकाको वडा नम्बर २ का वडा अध्यक्ष नरेश पटेलले घटनामा संलग्न दोषीलाई यथाशिघ्र पत्ता लगाई कारवाही गर्नुुपर्ने माँग समेत गरे । उनले, समाजमा अशान्ति मचाउँन र सम्प्रदायिक दंगा फैलाउँने उदेश्यले मन्दीरमा तोडफोड गरेको हुन सक्ने भएकोले प्रहरीले निश्पक्ष रुपमा छानविन गरी दोषीलाई कडा भन्दा कडा कारवाही गर्नु पर्ने माँग समेत गरेका छन् ।

यता बाराका प्रहरी प्रवक्ता एवं प्रहरी नायब उपरिक्षक राजेश थापले घटनालाई गम्भिरता पूर्वक लिई अनुसन्धान गर्ने काम भईरहेको बताए । घटनामा संलग्न रहेको आशंकामा एकजना व्यक्तिलाई पक्राउ गरी अनुसन्धान गर्ने काम गरीरहेको बताए । उनले भने, रातीको घटना हो, मन्दीर बाहिर केहि क्षति पु¥याएको छ ।

घटना स्थलमा रगत समेत खसेको देखिएकोले तालिम प्राप्त कुकुरलाई परिचालन गरी अनुसन्धान गर्ने काम गरेका छौ, प्रहरी नायब उपरिक्षक थापाले, मन्दीरमा तोडफोड गर्नेलाई कुनैपनि हालतमा छोडने काम हुदैन, प्रचलित कानुन बमोजिक कारवाही हुने छ । समाजमा अशान्ति सचाउँनेलाई कानुनी दायरामा ल्याएर नै छाड्ने बारा प्रहरी प्रतिबद्ध समेत रहेको उनले बताए ।

भारतका चर्चित अभिनेता हर्षवर्धन नेपालमा

0

भारतका चर्चित अभिनेता हर्षवर्धन राणे नेपाल आएका छन् । उनले अहिले आफु नेपाल रहेको सामाजिक सञ्जाल मार्फत जानकारी दिएका हुन् । उनले सार्वजनिक गरेको तस्बिर अनुसार उनी एक विवाहमा सहभागी हुन नेपाल आएको अनुमान लगाउन सकिन्छ । 

हर्षवर्धन तेलुगु र हिन्दी फिल्मका अभिनेता हुन् । तेलुगुमा उनलाई फिल्म ‘थकिता थकिता’, ‘प्रेमा इश्क काधल’, ‘अनामिकिका’ का कारणले चिन्ने गरिन्छ । उनले बलिउड डेब्यु भने २०१६ मा फिल्म ‘सनम तेरी कसम’ बाट गरेका थिए । यो फिल्म अभिनय दर्शकले रुचाएका थिए ।

उनको दोस्रो बलिउड फिल्म ‘तैश नजर आयेमा’ देखिएका थिए । अब भने उनी क्राइम थ्रिर फिल्म ‘हर्सी दिलरुब्बा’ मा देखिँदैछन् । 

चाँदीका कचौरा र मुर्तीसहित वीरगंजबाट एक जना पक्राउ

0

वीरगंज । भारतबाट अवैधरूपमा चाँदीका गरगहनाहरु ल्याउँदै गरेका एक जनालाई प्रहरी नियन्त्रणमा लिएकाे छ । वीरगंज महानगरपालिकाकाे वडा नं. ६ निवासी १८ बर्षिय साहिल कुमार साहलाई प्रहरीले नियन्त्रणमा लिएकाे हाे । 

प्रहरी चौकी ईनर्वाबाट खटिएको चेकिङ टोलीले आइतबार विहान ११:१५ वीरगंज महानगरपालिकाकाे वडा नं. १६ रजतजयन्ति चोक स्थितबाट साहलाई पक्राउ गरिएकाे जिल्ला प्रहरी कार्यालय पर्साका प्रवक्ता प्रहरी नायब उपरिक्षक प्रल्हाद कार्कीले जानकारी दिए ।

भारतकाे रक्सौलबाट वीरगञ्ज तर्फ आउँदै गरेको बिआर ०५ एएस २१६२ नम्बरको मोटरसाइकलमा सवार उनलाई रोकी तलासी लिँदा निजले बोकेको खैरो रंगको ब्यागभित्र चाँदी जस्तो देखिने धातुबाट बनेको कचौरा तथा साना मुर्तीहरू ११०६ ग्राम ४०० मि.ग्राम फेला परेको प्रवक्ता कार्कीले वताए ।

निजलाई उक्त चाँदीसहित नियन्त्रणमा लिई आवश्यक कारवाहीको लागि पक्राउ परे कै दिन राजश्व अनुसन्धान कार्यालय पथलैया, बारामा बुझाइएको व्यहोरा उनले जानकारी गराए ।

१ महिलासहित २७ जनाद्वारा रक्तदान

0

वीरगंज । लायन्स क्लब अफ वीरगंज गेटवे र स्पर्श मल्टिस्पेसलिस्ट अस्पतालको आयोजनामा आइतबार रक्तदान कार्यक्रम सम्पन्न भएको छ । वीरगंजस्थित स्पर्स हस्पिटलमा भएकाे कार्यक्रममा १ महिलासहित २७ जनाले रक्तदान गरेका छन् ।

कार्यक्रममा दिपक प्रसाद चाैहान, अमजाद अन्सारी, निमेश प्रसाद, प्रेमचन्द्र साह, संजय कुमार पटेल, आलाेक साह कानु, धुरेन्द्र प्रसाद कुर्मी, संताेष शर्मा, हसमराज हवारी, प्रकाश खड्का, अमित कुमार ठाकुर, डा. राहुल चाैरसिया, सविता देवी, डा‍. विकास गुप्ता, विनय पटेल, मंताेष पटेल, जगत साह कानु लगायतकाले रक्तदान गरेका हुन् ।

लायन्स क्लब अफ वीरगंज गेटवेका अमर बहादुर श्रेष्ठकाे अध्यक्षतामा भएकाे रक्तदान कार्यक्रममा लायन्स क्लबका देवकीनन्दन अग्रवाल, राम विहारी पाण्डे, अशाेक कुमार सिंह, कपिलदेव तिवारी, आर के साह, डा. महेशवर प्रसाद कुर्मी लगायतकाे उपस्थिती रहेकाे थियाे ।

रक्त संचार केन्द्र वीरगंजका प्रमुख सराैभ राज पाण्डे नेतृत्वकाे प्राविधिकहरुले रक्तदान कार्यक्रममा प्राविधिक सहयाेग गरेका थिए ।

पूर्व युवराज हृदयेन्द्रकाे २१ औं जन्मदिन वीरगंजमा मनाइयाे

0

वीरगंज । देशभक्त राज्य भक्तले वीरगञ्जमा पूर्व राजा ज्ञानेन्द्र शाहका नाती हृदयेन्द्र  वीर विक्रम शाहको २१ औं जन्मदिन मनाएको छ ।शनिवार वीरगञ्जको महाविरस्थानमा एक कार्यक्रमकाे आयाेजना गरी जन्माेत्सव मनाएकाे हाे । कार्यक्रममा सहभागिहरु उनको तस्बिरमा माल्यार्पण गर्दै जन्मदिन मनाएका थिए ।

देशभक्त राज्यभक्तका केन्द्रीय अध्यक्ष दिपेन्द्र प्रसाद रौनियारको अध्यक्षतामा भएकाे कार्यक्रममा देशभक्त राज्य भक्तका केन्द्रीय उपाध्यक्ष राजकिशोर चौबे, पर्सा जिल्ला अध्यक्ष सतिश कुमार श्रीवास्तव, ज्येष्ठ नागरिक पशुपति विक्रम शाह, उशा शाह, हिरा बहादुर चन्द, केन्द्रीय सदस्य पृथ्वी झा, बिरेन्द्र थापा, रवी कुमार लाठ लगायकाे सहभागिता रहेकाे थियाे । 

रोट्रयाक्ट क्लब अफ सिमराको दोस्रो पद हस्तान्तरण

0

वीरगंज । रोट्रयाक्ट क्लब अफ सिमरा बाराको दोस्रो पद हस्तान्तरण कार्यक्रम शनिबार सम्पन्न भएको छ । सिमराको श्रेष्ठ रेसिडेन्सी होटलमा भएको कार्यक्रममा सन् २०२१/२२ का अध्यक्ष अनिमेश श्रेष्ठले २०२२/२३ का अध्यक्ष सुनील साहलाई पद हस्तान्तरण गरेका थिए । श्रेष्ठले साहलाई रोट्रयाक्ट अध्यक्ष कोलार लगाएर क्लबको चार्टर सर्टिफिकेट तथा ग्यावल हस्तान्तरण गरेका थिए ।

कार्यक्रममा रोटरी वर्ष २०२१/२२ का रोट्रयाक्ट क्लव अफ सिमरा बाराका पूर्व अध्यक्ष अनिमेश श्रेष्ठले साहलाई र अध्यक्ष साहले रोट्रयाक्टका पदाधिकारीलाई सपथ ग्रहण गराएका थिए । पद ग्रहण गर्दै अध्यक्ष साहले आफ्नो कार्यकालमा हुने कार्य योजनाको बारेमा प्रकाश पारेका थिए ।

कार्यक्रममा वर्ष २०२१/२२ का अध्यक्ष अनिमेश श्रेष्ठले आफ्नो कार्यकालमा भए गरेका प्रगति प्रतिवेदन सँगै विभिन्न क्षेत्रबाट सहयोग गर्ने सबैमा धन्यवाद व्यक्त गरे । उनले क्लवमा विभिन्न क्षेत्रमा सहयोग पुर्याउनेलाई सम्मान गर्नुका साथै क्लवका पदाधिकारी र बेस्ट कोर्डिनेटर, रोट्रयाक्ट ऑफ ईयर, एक्टिभ मेम्बर लगायतलाई अवार्ड समेत प्रदान गरेका थिए ।

सो अवसरमा बाेल्दै कार्यक्रमका प्रमुख अतिथी जीतपुरसीमरा उप महानगरपालिकाका प्रमुख राज प्रसाद पौडेलले क्लवमा आबद्ध युवाहरुले व्यक्तित्व विकास सँगै समाजमा उदाहरणीय कामहरु गर्न सुझाए । नवनिर्वाचित समितिलाई बधाई तथा शुभकामना दिदैँ उनले नगरपालिका सहकार्य गरेर अगाडि बढन तयार रहेको बताए ।

विशिष्ठ अतिथि जीतपुरसीमरा उप-महानगरपालिकाका उप प्रमुख भोला प्रसाद अधिकारीले रोट्रयाक्ट क्लव अफ सिमरा बारालाई नजिक रहेको बताउँदै यस क्लवले प्रशंसनीय कार्य गरेको बताए । उनले यस वर्षपनि आवश्यक सहकार्यका लागि आफु सदैव तयार रहेको प्रतिबद्धता जनाए ।

जोन ३ का जेडआरआर संदीप राज ओझाले जोन ३ अन्तर्गत रहेको रोट्रयाक्ट सिमरा बारा रोट्रयाक्टमा छुट्टै पहिचान बनाएको बताए । उनले आगामी दिनमा समेत योजनाहरुलाई कार्यान्वय गर्दै क्लवको उचाईलाई माथि पुर्याउनु पर्नेमा जोड दिए ।

कार्यक्रममा जेसीआई सिमराका अध्यक्ष पुरुषोत्तम अधिकारी, रोट्रयाक्ट क्लव अफ सिमरा बाराका सल्लाहकार सुदीप लामा, रोट्रयाक्ट डिष्ट्रिक ३२९२ का पब्लिक ईमेज चेयर दिपु कुमार वर्णवाल, डिष्ट्रिक पब्लिक रिलेशन अफिसर रजीश कलवार, रोटरी नेपाल लिटरेसी मिसन चेयर आयुष गुप्ता र रोट्रयाक्ट क्लवका विभिन्न अध्यक्ष लगायतकाे उपस्थिति रहेको थियो ।

अपहरण तथा कर्तव्य ज्यान मुद्दाका फरार श्रीमान, श्रीमती पक्राउ

0

वीरगंज । जिल्ला प्रहरी कार्यालय पर्साले शनिबार वीरगंजबाट अपहरण तथा कर्तव्य ज्यान मुद्दाका दुई जना फरार प्रतिवादीलाई पक्राउ गरेकाे छ ।

राैतहटकाे इस्नाथ नगरपालिका वडा नं‍‍. ४ निवासी ४३ बर्षिय प्रमेश्वर महताे र साेही ठाउँ निवासी निजकी श्रीमती ३० बर्षिय संगिता देवीलाई पक्राउ गरिएकाे जिल्ला प्रहरी कार्यालय पर्साका प्रवक्ता प्रहरी नायब निरिक्षक प्रल्हाद कार्कीले जानकारी दिए ।

अपहरण तथा कर्तव्य ज्यान मुद्दाका फरार दुबै जनालाई वीरग‌ज महानगरपालिकाकाे वडा नं. ११ श्रीपुरबाट शनिबार दिउसाे २ बजे पक्राउ गरिएकाे प्रवक्ता कार्कीले वताए । जिल्ला प्रहरी कार्यालय पर्साकाे क्राइम शाखाले दुबै जनालाई नियन्त्रण लिएकाे हाे ।

यसैगरी साेही मुद्दाका फरार प्रतिवादी एक जनालाई काठमाडाैंबाट पनि प्रहरीले नियन्त्रण लिएकाे छ । राैतहट कै इस्नाथ नगरपालिका वडा नं‍‍. ४ निवासी ४५ बर्षिय इन्दल महताे काेइरीलाई प्रहरीले पक्राउ गरेकाे हाे ।

भारत विहार राज्य, जिल्ला पूर्वी चम्पारण पाेष्ट कवैइया थाना झराैखर ग्राम प‌ंचायत कवैईया वडा न‌ं‍. २ निवासी २९ बर्षिय रंजु देवीकाे अपहरण तथा कर्तव्य ज्यान मुद्दा फारर तिनै जनालाई प्रहरीले पक्राउ गरेकाे वताइएकाे छ । २०७५ सालमा रंजुकी आमा अनुपी देवीले दिएकाे किटानी जाहेरी प्रहरीले दर्ता गरेकाे थियाे ।

अनुपीले दिएकी जाहेरीका अनुसार पक्राउ परेका मध्येका प्रमेश्वरसंग २०६४  बैशाख २४ गते रंजुकाे विहे भएकाे थियाे । दाइजाे नदिएकाे निहुमा र सन्तान नभएकाे निहुमा केही समय पछि प्रमेश्वरले पक्राउ परेकी संगितसंग अक्राे विहे गरेका थिए ।

त्यसपछि र‌ंजुले दिएकी अंशकाे मुद्दा बिचारधिन अवस्थामा रहेकाे क्रममा अंश नदिनकाे लागि रंजुकाे अपहरण गरी भारतमा लगेर हत्या गरेकाे आराेपसहित उनकी आमाले जाहेरी दर्ता गराएकी थिइन ।  

समाजवादी प्रेस संगठन बाराकाे प्रथम अधिवेशन सम्पन्न

0

कलैया । समाजवादी प्रेस संगठन नेपाल बारा शाखाको प्रथम जिल्ला अधिवेशन शनिबार सम्पन्न भएकाे छ । बाराको सदरमुकाम कलैयामा सम्पन्न अधिवेशनले अजय साहकाे अध्यक्षतामा १५ सदस्यीय जिल्ला कार्य समिति निर्विराेध निर्वाचित भएका छन् । 

समितिकाे उपाध्यक्षमा शारदा पोखरेल, सचिवमा नरेश गुप्ता, सह सचिवमा अफरोज आलम, कोषाध्यक्षमा सावित्री शर्मा, सदस्यहरुमा पवन विक, बिजय कुमार, अरुण मेहता, अनिल मण्डल, जितेन्द्र कुशवाहा, निरज गुप्ता लगायत निर्वाचित भएका छन् ।

उद्याेग वाणिज्य संघकाे सभा हलमा भएकाे अधिवेशनकाे उद्घाटन संगठनका केन्द्रिय वरिष्ठ उपाध्यक्ष विश्वमणि सुवेदीले गरेका थिए ।

अधिवेशन उद्घाटन सत्रमा नेपाल कम्युनिष्ट पार्टी (एकीकृत समाजवादी) बाराका अध्यक्ष एवं मधेस प्रदेशका सांसद सुन्दर विश्वकर्मा, मधेस प्रदेशका सांसद सीता गुरुङ, संगठनका उप महासचिव रामकुमार एलन, सचिव एवम् मधेश प्रदेशका इन्चार्ज सुभाष साह, मधेस प्रदेशका संयाेजक वृजलाल पासवान, केन्द्रीय सदस्य एवं पार्टी जिल्ला कमिटी प्रचार विभाग प्रमुख रमेश सुवेदी, केन्द्रीय सदस्य जीतलाल श्रेष्ठ, एकीकृत समाजवादी बाराका सचिव विक्रम ठाकुर, सह सचिव धुर्व यादव लगायतकाे उपस्थिती रहेको थियो ।

यता समाजवादी प्रेस संगठन पर्सा शाखाकाे प्रथम जिल्ला अधिवेशन यही साउन १८ गते हुने भएकाे छ । वीरग‌ंजकाे आदर्शनगरस्थित नगर सभा गृहमा अधिवेशन हुने संगठन पर्साका अध्यक्ष मनाेज पटेलले जानकारी दिए । 

पाेखरियामा विपद ब्यवस्थापन सम्बन्धि दुई दिने तालिम सुरु

0

वीरग‌ज । पर्साको पोखरिया नगरपालीकामा जनप्रतिनिधिहरुकाे लागि दुई दिने विपद ब्यवस्थापन तथा जोखिम न्युनिकरण सम्बन्धि  क्षमता अभिबृधी तालिम सुरु भएको छ । पाेखरिया नगरपालिकाकाे बैठक कक्षमा सुरु भएकाे तालिमकाे उद्घाट पाेखरिया नगरपालिकाका मेयर प्रदुमन प्रसाद चौहानले गरेका थिए ।

तालिम उद्घाट गर्दै मेयर चौहानले नगर क्षेत्रमा विपदकाे जोखिम न्युनिकरण गर्न आफ्नाे ध्यानाकर्षण भएको बताए । उनले वर्षायाममा बाढी, पहिरो र जाडोमा बृधबृधा, बालबालिका, एकल महिला, दलित, जनजाती, पिछडा वर्ग लगायत अन्य वर्गका मानिसहरु जो गरिब छन् उनिहरुलाई पनि प्राभमिकतामा राखेर तयारी थाल्ने वताए ।

आईओएम र युएसएआईडि एकसनएडको सहयोगमा सुरु भएको तालिममा सहभागी जनप्रतिनिधिलाई प्रकृतिक विपद आउनु अघि जोखिम न्युनिकरण गर्न कसरी तयार रहने बिषयमा प्रशिक्षक सोनाली सिँह पटेल र छबिरमन भटराईले प्रशिक्षण दिइरहेका छन् ।

पोखरिया नगरपालीकाको विपद ब्यवस्थापन शाखा प्रमुख राजेशवर प्रसाद कुर्मीको सभापतित्वमा भएकाे तालिममा प्रमोद गिरी, केदार महतो, रामप्रवेश प्रसाद चौहान, महेन्द्र महतो चाई, प्रमान्नद पटेल, किशाेरी साह तेली, नौसाद आलम, नेपाल रेडक्रस सोसाईटी उपशाखा पोखरियाको सभापती भगवान प्रसाद कुर्मी, सशस्त्र प्रहरी बेस क्याम्प पोखरियाको प्रहरी निरिक्षक हरिकृष्ण ढकाल लगायतकाे सहभागिता रहेकाे छ ।

जन्मदिनमा “जन्मदिनको लागि रूखहरू” कार्यक्रम

0

वीरगंज । रोट्रयाक्ट क्लब अफ वीरगंज मेट्रोपोलिसले पुर्व अध्यक्ष सलोनी रौनियारको जन्मदिनको अवसरमा “जन्मदिनको लागि रूखहरू” नामक कार्यक्रम गरेको छ।

सामाजिक र ब्यक्तीत्व बिकाश कार्यमा क्रियासिल रोट्रयाक्ट क्लब अफ वीरगंज मेट्रोपोलिसले पृथ्वीलाई हावा शुद्ध गर्न र वायुमण्डलबाट कार्बन अवशोषित गर्न, माटोलाई स्थिर बनाउन, पानीको संरक्षण गर्ने उदेश्यले कार्यक्रम गरिएको जनाएकाे छ ।

रोट्रयाक्ट क्लबले पछिल्लो समय नया संस्कारको बिकाश गर्दै आएको छ र जन्मदिनको अवसरमा रोट्रयाक्ट क्लब अफ वीरगंज मेट्रोपोलिसका युवाहरूले आफुले सकेसम्म सामाजसेवा जस्ता क्रियाकलापहरु गर्न र गराउन जोड दिदै आएकाे क्लबका अध्यक्ष रबिन श्रेष्ठले जानकारी दिए ।

रोट्रयाक्ट कल्वका पुर्व अध्यक्ष सलोनी रौनियारको समन्वयमा भएकाे कायक्रममा पुर्व अध्यक्ष प्रकाश कर्णले बृक्षारोपण गरेर कार्यक्रमकाे उद्घाटन गरेका थिए । उनले कार्यक्रमकाे उद्घाटन गर्दै युवाहरुमा जन्मदिनको उत्सवको नौलो बिकाश भएको वताए ।

कार्यक्रमको सहजिकरण क्लबका प्रशासनीक निर्देशक रोट्रयाक्ट रिचा सर्राफले गरेका थिए ।

कार्यक्रममा क्लबका निखिल गप्ता, अन्जली गर्ग, रेसु अग्रवाल, स्वेता साह, बिना प्रजापति, आलोक ठाकुर र निकीता उपाध्याय लगायतको सहभागिता रहेको क्लव का स-सचिव रामबिनय यादबले जानकारी दिए ।