Date
मङ्ल, मंसिर १, २०८३
Tue, November 17, 2026
Home Blog Page 650

एटीएम मेसिन फोडेर पैसा चोरी गर्न खोज्ने दुई जना पक्राउ

0

वीरगंज । वीरगञ्जको लिंक रोडमा रहेको माछापुच्छ्रे र एनआईसी एसिया बैंकको एटीएम मेसिन फोडेर पैसा चोरीगर्न लागेको अवस्थामा प्रहरीले २ जनालाई पक्राउ गरेको छ । पैसा चोर्ने उद्धेश्यले आइतबार राती करिब ११ बजेतिर एटीएम मेसिन फोडिरहेको अवस्थामा २ जनालाई वडा प्रहरी कार्यालय श्रीपुरकाे टाेलीले पक्राउ गरेकाे हाे ।

पक्राउ पर्नेमा बाराको जितपुर सिमरा उपमहानगरपालिका ५ का अजय चौधरी र कलैया उपमहानगरपालिकाका राजकपुर चौधरी रहेका छन् । पक्राउ परेका दुवैलाई जिल्ला अदालतबाट ७ दिनको म्याद लिएर अनुसन्धान अघि बढाउनुका साथै चोरी सम्बन्धी कसूरमा मुद्धा चलाइएको जिल्ला प्रहरी कार्यालय पर्साले जनाएको छ ।

एटिएम मेशिनमा सामान्य क्षति भएकोे छ । वीरगञ्जमा एटिएम मेशिन फोड्ने घटना पहिलो भएको प्रहरीले जनाएको छ । यस प्रकारको घटनाले सुरक्षा चुनौती थपिएको बैंकरहरूले बताएका छन् । रातभरि खुल्ने एटिएम मेशिनमा चोरहरूको आँखा लागेपछि वीरगञ्जका बैंकहरू चिन्तित भएका छन् ।

माछापुच्छ्रे बैंकको एटिएम सोही बैंकको भवनमा रहेको तथा त्यहाँ रातभरि निजी सुरक्षागार्ड तैनाथ रहन्छन् । केही दिन अघि काठमाण्डौमा पनि एटीएम मेसिन फोडेर पैसा चोरी गर्ने प्रयास गरेका २ जनालाई प्रहरीले पक्राउ गरेको थियो ।

‘ताल संरक्षणलाई उच्च प्राथमिकतामा राखेको छु’ : मन्त्री यादव

0

काठमाडौँ । सङ्घीय सरकारका वन तथा वातावरण मन्त्री प्रदीप यादवले ताल, तलैया कुण्ड, नदी र खोला संरक्षणको लागि आफूले उच्च प्राथमिकतामा राखेको बताउनुभएको छ ।

सोमबार ताल संरक्षण समिमतीले आयोजना गरेको ब्रिफीङ्गलाई सम्बोधन गर्दै वन मन्त्री यादवले ताल, तलैया, कुण्ड, नदी र खोला पर्यटन र वातावरणका दुवैका लागि महत्वपूर्ण भएको हुँदा यसको संरक्षणलाई आफूले उच्च प्राथमिकतामा राखेको बताउनुभयो ।

भूमिगत वाटर रिचार्ज गर्नेदेखि विभिन्न मानव र वन्यजन्तुको लागि पानीको प्रमुख स्रोत भएको हुँदा यसको संरक्षणमा अझै प्रभावकारी तरिकाले लाग्नुपर्ने उहाँको भनाई थियो । उहाँले ताल संरक्षण समितिले गरिरहेको कामको प्रशंसा गर्दै आगामी समितिको गतिविधिलाई बढाउन मन्त्रालयले थप बजेटको व्यवस्थापन गर्ने आश्वासन पनि दिनुभयो ।

‘सिमितिसँग थोरै बजेट रहेछ, राम्रो काम गर्ने यती पैसाले पुग्दैन । अर्थ मन्त्रालयसँग आवश्यक समन्वय गरेर समितिको लागि थप बजेटको व्यवस्थापन गर्ने म यहाँहरुलाई विश्वाव दिलाउन चाहन्छु । प्रधामन्त्रीसँग लडेर भएपनि म यहाँहरुको समितिका लागि बजेट ल्याउँछु ।’

मन्त्री यादवले मात्रात्मक भन्दा पनि गुणात्मक कामलाई प्राथमिकता दिनुपर्नेमा जोड दिनुभयो । ‘सिमित स्रोत, बजेट र जनशक्तिबाट हामीले बढी ताल संरक्षणको लक्ष्य लिनुभन्दा आफ्नो क्षमता बुझेर कम काम गर्ने तर गुणात्मक काम गर्ने लक्ष्य लिनुपर्दछ,’ मन्त्री यादवले भन्नुभयो, ‘यसरी काम गर्दा हामी आफ्नो लक्ष्य सहजै हासिल गर्छौं ।’

समितिले हालसम्म नेपालका १० वटा ताललाई रामसारा साइटमा सूचिकृत गराएको छ भने अझै केही पोखरीहरु उक्त साइटमा सूचिकृत गराउने गृहकार्य भइरहेको सिमितिकी कार्यकारी निर्देशक सिता शाहीले जानकारी दिनुभयो । शाहीले नेपालमा ५ हजार ३ सय ५८ वटा ताल रहेको समेत जानकारी दिनुभयो ।

समितिका अध्यक्ष धुर्व उप्रेतीको अध्यक्षतामा भएको कार्यक्रममा वन तथा वातावरण मन्त्रालयका सचिव डा. पेम नारायण कँडेलको पनि उपस्थिति रहेको मन्त्री यादवका स्वकीय सचिव निखिल बरनवालले बताउनुभयो ।

वीरगंजकाे एलएस न्युरो हस्पिटल आफनै भवनमा संचालन

0

वीरगंज । एलएस न्युरो एन्ड जेनरल हस्पिटल वीरगंजले आफ्नो सम्पुर्ण सेवाहरु अब आफनै नयाँ भवनमा सुरु गरेकाे छ । बाराको परवानीपुर गाउँपालिका वाडा नम्बर ५ स्थित वीरगंजदेखि कलैया जाने बाटाेमा नवनिर्मित आधुनिक भवनमा सेवाहरु सुचारु गरेकाे हाे ।  

नयाँ भवनमा सेवा सुचारु गर्नु अघि शनिबार हस्पिटलमा कार्यरत डाक्टर र कर्मचारीहरुलाई भेला गराई आ-आफनो जिम्मेवारी ईमान्दारिता पुर्वक निर्वाह गर्न हस्पिटलका अध्यक्ष वरिष्ठ न्युरो सर्जन डाक्टर श्याम बाबू प्रसाद पटेलले निर्देशन दिएका थिए ।

भेलामा हस्पिटलमा कार्यरत डाक्टर तथा कर्मचारीहरुकाे जिम्मेवारीको बारेमा जानकारी गराइएकाे थियाे ।

अस्पिटलले ठूलाे लगानीकाे नवनिर्मित आधुनिक भवनमा आफ्नाे सेवाहरु सुचारु गरेपनि सेवा शुल्क पुरानै राखेकाे छ । हस्पिटलले ओपिडी टिकेट रु ५ सय कायम राखेकाे छ भने ईमर्जेन्सी टिकट रु ३२५ रुपैया राखेको छ । जुन अहिले वीरगंजकाे अन्य अस्पतालकाे तुलनामा न्युन शुल्क भएकाे हस्पिटलले जनाएकाे छ ।

हस्पिटलका संचालक एवम् वरिष्ठ न्युरो सर्जन डाक्टर पटेलले काठमाडौस्थित उपेन्द्र देवकोटा मेमोरियल होस्पिटलमा बिगत ८ बर्ष सम्म काम गरेका डाक्टर हुन् । डाक्टर उपेन्द्र देवकोटाका बिश्वास पात्र मानिएका डा. पटेलले उपेन्द्र देवकोटा मेमोरियल होस्पिटल मा आफ्नो एउटा छुट्टै पहिचान स्थापित गरेका थिए ।

काठमाडौपछि वीरगंजकाे नेशनल मेडिकल कलेजमा वरिष्ठ न्युरो सर्जनको रुपमा डा. पटेल ८ महिना जति काम गरे । त्यसपछि वीरगंजको पानी टंकीमास्थित सर्बोतम अस्पताल लिजमा लि आफै एलएस न्युरो एन्ड जेनरल हस्पिटल संचालन गर्दै आएका थिए ।

वीरगंजकाे प्रतिमा चोकदेखि बाराको कलैया जाने सडकखण्डमा पर्ने ऋषभ आयल नीर आफनै नवनिर्मित भवनमा आइतबारदेखि संचालमा आएकाे हस्पिटलमा गाईने वाड, एनआईसियु वाड,अर्थोपेडिक वाड लगाएत सम्पुर्ण सेवाहरु सुरु भएकाे जनाइएकाे छ ।

जसपाकाे चियापान तथा अन्तरक्रिया कार्यक्रम सम्पन्न

0

वीरगंज । जनता समाजवादी पार्टी (जसपा) निकट युवाहरुले आयोजना गरेकाे चियापान तथा अन्तरक्रिया कार्यक्रम सम्पन्न भएकाे छ । वीरगंजकाे राणिसति धर्मशालामा भएकाे कार्यक्रम सम्पन्न भएकाे हाे ।

डा. अमिर आलमकाे अध्यक्षता एवम् वीरगंज महानगरपालिकाका मेयर राजेशमान सिंहकाे प्रमुख आतिथ्यतामा भएकाे कार्यक्रममा जसपा पर्साका जिल्ला अध्यक्ष रामनरेश यादव, प्रदेश समिति सदस्य गौरीशंकर साह, जिल्ला समन्वय समिति पर्साका पूर्व प्रमुख नेक महम्मद अंसारी, जसपा पर्साका जिल्ला सचिव एवम् भुमि आयाेग पर्साका अध्यक्ष तबरेज अहम लगायतका पार्टीका नेता एवम्कार्यकर्ताको उपस्थिति रहेकाे थियो ।

बाल सल्लाहकार समितिको क्षमता विकास कार्यशाला सम्पन्न

0

वीरगंज । काठमाडौँमा बाल सहभागितामा कार्यरत संस्थाहरुको साझा समुह कन्सोर्टियम नेपालका बाल सल्लाहकार समितिको क्षमता विकास सम्बन्धी कार्यशाला आइतबार सम्पन्न भएको छ ।

सेभ दी चिल्ड्रेनकाे सहयोग र कन्सोर्टियम नेपालकाे आयाेजनामा काठमाडौं महानगरपालिकाकाे वडा नं. ९ सिनामंगलस्थित होटल एयरपोर्टमा भएकाे कार्यशाला सम्पन्न भएकाे हाे ।

कन्सोर्टियम नेपालका अध्यक्ष मोहन डंगोलको अध्यक्षतमा भएको कार्यशालामा निर्वतमान अध्यक्ष किरण थापा, उपाध्यक्ष सन्तोष महर्जन, महासचिव प्रदीप कुमार लामिछाने, सदस्य अनिता पाण्डेय लगायतले मन्तब्य ब्यक्त गरेका थिए । किरण थापा र सन्तोष महर्जनले सहजकर्ताकाे भूमिका निर्वाह गरेका थिए ।

कार्यक्रम संचालन कन्सोर्टियम नेपालका कार्यक्रम संयोजक गौरव केसीले गरेका थिए भने रोशन डंगोल र उषा कार्कीले प्राविधिक सहजीकरण गरेका थिए ।

बाल सल्लाहकार समितिसँगको क्षमता विकास सम्बन्धी कार्यशालामा सातै प्रदेशबाट प्रतिनिधीत्व रहेको थियो ।

प्रदेश नं १ बाट प्रवीण लिम्बू, क्रिस्टिना निरौला, मधेश प्रदेशबाट अर्जुन शाह, स्नेह ठाकुर, बागमती प्रदेशबाट स्वस्तिका पाठक, दीक्षित न्यौपाने, गण्डकीबाट निर्देश सुवेदी, आस्था अधिकारी, लुम्बिनीबाट मुना गिरी, दीपेन्द्र रजाली, कर्णालीबाट विशाल परियार, रेशम छेपाङ र सुदुरपस्चिमबाट भूमिका शाही, खगेश्वरी सहभागि थिए ।

चार वर्षीया वालिकाकाे हत्या अभियोगमा ३ जना पक्राउ

0

वीरगंज । चार वर्षीया वालिकामाथि करणी तथा हत्या गर्ने अभियोगमा प्रहरीले ३ जनालाई पक्राउ गरेकाे छ । एक १२ वर्षीय वालकसहित वीरगंज महानगरपालिकाकाे वडा नं.२ बस्ने वर्ष १९ को जफ्रुदीन भन्ने सलमान खान र वीरगंज महानगरपालिका कै वडा नं.१६ बस्ने वर्ष १८ को सलमान खानलाई प्रहरीले पक्राउ गरेकाे हाे । 

प्रहरीका अनुसार साउन ०५ गते वेलुका ७ बजेदेखि ४ वर्षीया वालिका हराइरहेको भन्ने निवेदन बालिकाको हजुरबुवाले जिल्ला प्रहरी कार्यालय पर्सामा दिएका थिए । खाेजतलाश गर्ने क्रममा साउत ७ गते विहान ७:० बजे वीरगंज महानगरपालिकाकाे वडा नं.२ छप्कैयास्थित खाली जग्गाको झाडीमा उक्त हराइरहेकी ४ वर्षीया वालिकाको मृत शव फेला परेको थियाे ।

अनुसन्धानको क्रममा १२ वर्षीय वालक संलग्न रहेको भन्ने खुलेको र निजसंग प्रारम्भिक सोधपुछको क्रममा निज वालक तथा अन्य ३ जना समेतको संलग्नतामा उक्त हराएकी वालिकालाई सामूहीक जबरजस्ती करणी पश्चात कर्तव्य गरी मारेको भनी खुलेकाे जिल्ला प्रहरी कार्यालय पर्साले जनाएकाे छ ।

अन्य सलंग्न ३ जनाको खोजतलास गर्ने क्रममा जफ्रुदिनलाई वीरगंज महानगरपालिकाकाे वडा नं.२ घुसुकपुरस्थितबाट र वीरगंज महानगरपालिकाकाे वडा नं. १६ बस्ने वर्ष १८ को सलमान खानलाई वीरगञ्ज महानगरपालिका वडा नं.१६ नगवास्थित सडकखण्डबाट पक्राउ गरीएकाे जिल्ला प्रहरी कार्यालय पर्साका प्रवक्ता प्रहरी नायब उपरिक्षक प्रल्हाद कार्कीले जानकारी दिए ।

मृतक ४ वर्षीया वालिकाको शव पोष्टमार्टम पश्चात सदगतको लागि परिवारको जिम्मा लगाइ पठाइएको र पक्राउ परेका आरोपितहरू विरुद्द जबरजस्ती करणी तथा ज्यान सम्बन्धी कसूरमा आइतबार पर्सा जिल्ला अदालतबाट ५ दिन म्याद लिई अनुसन्धान भइरहेकाे प्रवक्ता कार्कीले वताए ।

उक्त घटनामा संलग्न फरार आरोपित व्यक्तिको पहिचान भैसकेको र निजलाई तदारुक्ताका साथ खोजतलास भइरहेकाे समेत उनले जानकारी गराए ।

वीरगंज ३० लालपर्सामा बैष्णवी पार्क निमार्ण

0

वीरगंज । वीरगंज महानगरपालिकाकाे वडा नम्बर ३० लालपर्सामा बैष्णवी पार्क निमार्ण भएको छ । मधेश प्रदेशका सर्शत अनुदानको बजेटबाट सो पार्क निमार्ण भएको वीरगंज ३० लालपर्साका वडाध्यक्ष मनोज यादवले बताए ।

पर्सा क्षेत्रनम्बर १ को (क) प्रदेश सभा सदस्य जन्नत अंसारीको संसदिय विकास काेषबाट ४० लाखको लागतमा पार्क निमार्ण भएको वडाध्यक्ष यादवले जानकारी गराए । पार्कमा पोखरी, बृक्षारोपण, गोलघर, सोलार, बोंरिङ, पोखरी, धारा र भरयांग निमार्ण भएको समेत यादवले बताए ।

वीरगंज महानगरपालिकाको ग्रामिण ईलाकामा पर्ने वडा नम्बर ३० लालपर्सालाई आकर्षक र मनमोहक बनाउने लक्ष्य रहेको यादवको भनाई छ । वडाध्यक्ष यादवका अनुसार ३ करोडको लागतमा गाउको पुर्बपटि रहेको खोलामा पुल निमार्णका लागी पनि केन्द्रिय बजेटबाट पास गराएको र अब अबिलम्ब पुल बन्ने बताए ।

सोही ठाउँमा निर्बाचन कार्यालय पर्साको लागी पनि जग्गा दिने बताउँदै वीरगंज महानगरको ३२ वटा वडा मध्ये वडा नम्बर ३० लालपर्सा पर्साको नमुनाको रुपमा चिनाउने उदेश्यसहित काम गरिरहेको उनकाे भनाई थियाे ।

वनका कारण अवरोध विकास निर्माण अगाडि बढ्छ : मन्त्री यादव

0

वीरगंज । वन तथा वातावरण मन्त्री प्रदीप यादवले भरतपुर महानगरले लिएको विकासको तिव्रता अरु पालिकाले पनि अनुसरण गर्नुपर्ने बताएका छन् ।

भरतपुर महानगरपालिकाको कार्यालयमा महानगरकी प्रमुख रेणु दाहाल, चितवनका प्रमुख जिल्ला अधिकारी आसमान तामाङ् लगायतसँगको छलफलका क्रममा मन्त्री यादवले भरतपुर महानरपालिकाले अपनाएको विकासको मोडल देशकै लागि नमूना भएको बताएका हुन् ।

पछिल्लो पाँच वर्षमा भरतपुरमा अप्रत्यासित ढङ्गले भएको विकासले सबै आश्चर्यचकित भएको बताउँदै मन्त्री यादवले यसबाट अरु स्थानीय तहले पनि पाठ सिक्नुपर्ने उनको भनाई छ ।

महिला प्रमुख भएर उदाहरणीय एवम् नमुना काम गरेकै परिणामस्वरुप दोस्रो पटक पनि अत्यधिक मतका साथ भरतपुरका जनताले दाहाललाई जिताएको मन्त्री यादवको भनाई छ । उनले भने, “उहाँ मेयर बन्नुको पछाडी उहाँका बुबा प्रचण्डजीको कुनै आशिर्वाद थिएन, उहाँको निडर स्वभाव, दीर्घ इच्छा शक्ति र महानगरको विकासका लागि उहाँले देखेको सपना र डिजाईनका कारण महानगरबासीले उहाँलाई जिताएका हुन् ।” मन्त्री यादवले थप्नुभयो, “रेणुजीले गरेका कामले उहाँलाई अब मेयर मात्रै हैन प्रधानमन्त्री पनि बनाउने छ भन्नेमा म विश्वस्त छु ।”

यसअघि माडी र हुलाकी सडकको अनुगमन गरेको स्मरण गर्दै मन्त्री यादवले हुलाकी सडक बिस्तारमा वनबाट भएका अवरोधलाई हटाएर चितवन र पर्सालाई जोड्ने हुलाकी सडक निर्माणको गतिलाई तिव्रता दिनुपर्ने बताए ।

वन मन्त्रालयबाट अनुमती नपाएर अगाडि बढ्न नसकेका सम्पूर्ण काम आवश्यक अध्ययन र प्रक्रिया पश्चात फास्टट्र्याकमा गर्दै विकास निर्माणको काममा भएका वाधाहरूको समाधान गर्न मन्त्रालयका कर्मचारीहरुलाई मन्त्री यादवले निर्देशन पनि दिए ।

हुलाकी सडक निर्माण भएसँगै पर्सा राष्ट्रिय निकुञ्ज भएर ठोरीसम्म पुग्ने पर्यटकहरुको संख्यामा बृद्धि हुने र यसले पर्यटन व्यवसाय गर्नेहरुलाई रोजगारीको सृजना गर्ने मन्त्री यादवको विश्वास छ । मन्त्री यादवले भरतपुर महानगरसहित समग्र चितवन जिल्लाको समृद्धिका लागि वन मन्त्रालयबाट आवश्यक सहयोग र समन्वय गर्ने प्रतिबद्धता पनि व्यक्त गरे ।

भरतपुरकी मेयर रेणु दाहालले भरतपुरमा रहेको नगर वनको स्वामित्व महानगरपालिकालाई दिनुपर्ने प्रस्ताव राखे । नगर वनलाई अन्तराष्ट्रिय स्तरको पार्क बनाउने आफ्नो योजना रहेको बताए । त्यस्तै उनले भरतपुरको भविष्यसँग जोडिएको ट्र्याल सेन्टरसहित यातायात कार्यालय स्थापनाको काम पनि वन मन्त्रालयमार्फत काम अगाडि बढाउन अनुरोध गरे ।

कार्यक्रममा वन तथा वातावरण मन्त्रालयका सचिव डा. पेम नारायण कँडेल, राष्ट्रिय निकुञ्ज तथा वन्यजन्तु संरक्षण विभागका महानिर्देशक डा. रामचन्द्र कँडेल, भरतपुर महानगरपालिकाका प्रमुख प्रशासकीय अधिकृत रामवन्धु सुवेदीलगायतको उपस्थिति रहेको थियो ।

गैर सरकारी संस्था महासंघ पर्सा शाखाकाे भवन निर्माण हुने

0

वीरगंज । गैर सरकारी संस्था महासंघ नेपाल पर्सा शाखाकाे भवन निर्माण हुने भएकाे छ । वीरगंज महानगरपालिकाकाे वडा नम्बर ३० लालपर्सामा महासंघ पर्सा शाखाकाे भवन निमार्ण हुने भएकाे हाे ।

भवन निर्माणकाे लागि आइतबार महासंघ पर्साका अध्यक्ष छठु साह, गैरसरकारी संस्था महासंघ नेपाल मधेश प्रदेश समिति सदस्य नरेश जयसवाल र वीरगंज महानगरपालिका वडा नम्बर ३० लालपर्साका वडाध्यक्ष मनोज यादवले जग्गा अवलाेकन तथा निरिक्षण गरेका छन् ।

अवलाेकन तथा निरिक्षणकाे क्रममा महासंघ पर्सा शाखाकाे भवन निर्माणकाे लागि चाहिने जति जग्गा उपलब्ध गराउने वडाध्यक्ष यादवले प्रतिबद्धता जनाएकाेले भवन निमार्ण हुने पक्का भएको महासंघ पर्साका अध्यक्ष साहले जानकारी दिए ।

उनले भने “भवन निर्माणकाे लागी हामी बर्षाेदेखी जग्गाकाे खोजतलासमा थियाैं, जग्गा उपलब्ध हुन नसक्दा भवन निर्माणकाे लागि गैरसरकारी संस्था महासंघकाे केन्द्रिय कार्यालयले सहयोग गर्ने रकम अलपत्र पर्दै आएको थियो । अब जग्गा पाउने भएपछि, भवन निमार्ण हुने पक्का भएकाे छ ।”

भवन निर्माणकाे लागि जग्गा पाउने भएपछि आजै केन्द्रिय कार्यालय र मधेश प्रदेशकी सहईन्चार्ज रहेकी स्वेता सरितलाई जानकारी गराईएको अध्यक्ष साहले बताए । उनले पर्सा शाखाकाे भवनमा भवन निर्माणकाे साथै अब केन्द्र र प्रदेश कमिटी समक्ष मधेश प्रदेशका भवन पनि वीरगंज ३० लालपर्सा मै निमार्ण गराउन पहल थालिने वताए । 

जनप्रतिनिधिले आफ्नाे धर्म निर्वाह गर्नु पर्छ : नेता रिजाल

0
वीरगंज । नेपाली कांग्रेस मधेश प्रदेश कार्य समितिकाे आयाेजनामा आइतबार महाेतरीकाे बर्दीबासमा स्थानिय तह निर्वाचन २०७९ मा निर्वाचित जनप्रतिनिधिरुकाे सम्मान, बधाई तथा शुभकामना एवम् अभिमुखिकरण कार्यक्रम सम्पन्न भएकाे छ ।
 
नेपाली कांग्रेस मधेश प्रदेश समितिका सभापति  श्रीकृष्ण यादवको सभापतित्वमा भएकाे कार्यक्रमकाे उद्घाटन नेपाली कांग्रेसका उप सभापति पुर्ण बहादुर खड्काले गरेका थिए ।
 
कार्यक्रमका विशिष्ट अतिथी नेपाली कांग्रेसका केन्द्रिय सदस्य रमेश रिजालले नेपाली कांग्रेसलाई अगाडी बढाउन नवनिर्वाचित जनप्रतिनिधिहरुले भुमिका खेल्नु पर्ने वताए । उनले याे पालिकाकाे निर्वाचनमा कांग्रेसबाट धेरै युवाहरु निर्वाचित भएकाेले राम्राे काम गरेर पार्टीलाई अगाडी बढाउनु पर्ने वताए ।
 
कार्यक्रममा वाेल्दै नेता रिजालले युवा जनप्रतिनिधिले राम्राे काम गरेर देखाए अगामी निर्वाचनमा अझै बढी युवाहरुलाई पार्टीले अवसर प्रदान गर्ने वताए । उनले जनप्रतिनिधिले पैसाको पछाडि मात्र कुदने नभई जनप्रतिनिधिकाे धर्म निर्वाह गर्नु पर्ने वताए ।
 
नेता रिजालले जितमा म आफै जिते, हारमा अरुको कारणले हारे भनेर हुँदैन, जित हारकाे आत्मसमिक्षा जरुरी रहेकाे समेत वताए ।
 
कार्यक्रममा प्रदेश अन्तर्गतका ८ जिल्लाका नवनिर्वाचित पालिका प्रमुख, उप प्रमुख र वडाध्यक्षहरुलाई सम्मान गरिएकाे कांग्रेसका युवा नेता राकेश यादवले जानकारी दिए ।