वीरगंज । पर्सा निर्वाचन क्षेत्र नं. ३ अन्तर्गत पर्ने विभिन्न पालिकाका एक सय जना भन्दा बढी नेता कार्यकर्ता एमाले प्रवेश गर्न काठमाडौं पुगेका छन् ।
- Advertisement -
पार्टी कार्यालय च्यासलमा एमालेले स्थायी कमिटी बैठकपश्चात् पार्टी प्रवेश गराउने भएका छन् ।
पकाहा मैनपुर गाउँपालिका पूर्व अध्यक्ष जसपाका विजय चौरसिया, पकहा मैनपुरकै ३ नम्बरका पूर्व वडाध्यक्ष मदन साह कानु, बिन्दबासिनी गाउँपालिका पूर्वअध्यक्ष जसपाका श्रीलाल साह कानु (मोदी), बिन्दबासिनी कै पूर्व उप प्रमुख कांग्रेसकी किरणदेवी गुप्ता लगायतकाले पार्टी प्रवेश गर्न लागेका हुन् ।
यस्तै, नेपाल सुशासन पार्टीको तर्फबाट उपाध्यक्ष उमेदवार श्रीमती अदायादेवी मेहता लगायत २०० जना कांग्रेस, एकीकृत सामाजवादी, जसपा र नेपाल सुशासन पार्टीका नेता कार्यकर्ता एमाले प्रवेश गर्न लागेको वताईएको छ ।
