Date
मङ्ल, मंसिर १, २०८३
Tue, November 17, 2026
Home Blog Page 634

धनगढी घोषणा पत्रसहित मुक्त हलिया भूमि अधिकार क्याराभान २०७९ को समापन गरिने

0
kalikatimes

वीरगंज । डोटीको सिलगढी र शिखर नगरपालिकामा शनिबार भूमिहिन दलित र मुक्त हलिया सवालमा छलफल भई सुदूरपश्चिम प्रदेशका ७ जिल्लाका सहभागीहरु डडेल्धुराको तुफानडाडामा बिभीन्न राजनितिक दलका नेताहरुको सहभागितामा एक बिशेष कार्यक्रमको सम्पन्न भएकाे छ ।

भदाै १९ गते साेमबार बिहान ८ः०० बजे बाजागाजा सहित धनगढीको चौराहाबाट रयाली सहित १४ औं मुक्त हलिया दिवशको सन्दर्भमा भूमिहिन दलित तथा मुक्त हलिया पुनस्र्थापनाको सवाल र राज्यको दायित्व बिषयक सुदूरपश्चिम प्रदेश स्तरीय अन्तरक्रिया कार्यक्रम गरि धनगढी घोषणा पत्र सहित भूमिहिन दलित तथा मुक्त हलिया भूमि अधिकार क्याराभान २०७९ को समापन गरिनेछ ।

सम विकास केन्द्र डाेटीका अध्यक्ष अधिराज बि.सी., दलित भुमि अधिकार युनियनका महासचिव श्याम सुनारले संयुक्त रुपमा शनिबार प्रेस विज्ञप्ती जारी गर्दै क्याराभान २०७९ बारे जानकारी गराएका छन् ।

यस अघि भाद्र १७ गतेका दिन बेलुका सृदूरपश्चिम प्रदेशका ५ वटा जिल्लाहरु दार्चुला, बैतडी, बझाङ्ग, अछाम र बाजुरा सदरमुकामबाट कोणसभाको आयोजना गरिएकाे थियाे ।

भाद्र १५ गतेका दिन सुदूरपश्चिम प्रदेशका ९ वटा जिल्लाका १८ वटा पालिकाहरुमा गठन भएका भूमिहिन दलित तथा मुक्त हलिया जनसंगठन मार्फत बिभीन्न माग राखि स्थानिय सरकारलाई एकै समयमा ज्ञापनपत्र पेश गरिएकाे थियाे ।

त्यसैगरि भाद्र ११ देखि १४ सम्म स्थानिय स्तरका भूमिहिन दलित तथा मुक्त हलिया जनसंगठनहरुका बैठक मार्फत क्याराभानका लागि सहभागि छनोट गरि अभिमुखिकरण कार्यक्रम संचालन गरिएको थियो ।

नेपालको संविधानको धारा २९ शोषणविरुद्धको हक अन्तरगत उपधारा (३) मा कसैलाई पनि बेचविखन गर्न, दास वा बाँधा बनाउन पाइैन छैन र उपधारा (४) मा कसैलाई पनि निजको इच्छा विरुद्ध काममा लगाउन पाईने छैन भने धारा ४० को उपधारा (५) र (६) मा दलितहरुलाई एक पटक जमिन र आवास उपलब्ध गराउने मौलिक हकको व्यवस्था गरेको छ ।

यसकासाथै सबैका लागि प्रयाप्त आवासको अधिकार नेपालको संविधानले पहिलो पटक सुनिश्चित गरेको नेपाली जनताको मौलिक अधिकार हो । यसकासाथै मानवअधिकार सम्बन्धी विश्वव्यापी घोषणा पत्र १९४८ ले आवासको अधिकारलाई प्रयाप्त जीवनस्तरको अधिकारको मान्यता दिएको छ ।

राज्यले सामाजिक न्याय तथा समावेशीकरण सम्बन्धी नीतिमा मुक्त हलियाको पहिचान गरी बसोवासका लागि घरघडेरी तथा जीविकोपार्जनका लागि कृषियोग्य जमिन र रोजगारीका लागि स्पष्ट गरेको छ । सुदूरपश्चिम र कर्णालीका सबै जिल्लाहरुमा बधुवा श्रमिकको रुपमा हलिया प्रथा विद्यमान रहेको कुरा विधितै रहेकाे जारी  प्रेस विज्ञप्तीमा उल्लेख गरिएकाे छ ।

साहुबाट बाध्यतावश एउटा पुस्ताले ऋण लिएर त्यसको व्याज र साहुको जग्गाको सानो टुक्रा उपभोग गरे बापत साहुले अह्राएका सम्पूर्ण काम पुस्तौं पुस्तादेखि गर्ने प्रथा नै हलिया प्रथा हो । साहुको खेतीपाती लगाउने, हलो जोत्ने, भारी बोक्ने, दाउरा चिर्ने, मल फाल्ने, बस्तुभाउ स्याहार्ने तथा दैनिक रुपमा गरिने कामहरू बिना ज्यालामा गरिदिनुपर्ने बाध्यकारी अवस्था हो ।

यसै तथ्यलाई मध्यनजर गर्दै १४ औं मुक्त हलिया दिवसको सन्दर्भमा राष्ट्रिय दलित नेटवर्क र सम विकास केन्द्र डोटीको संयूूक्त आयोजना तथा दलित भूमिअधिकार यूनियनसंगको सहकार्यमा नेपालको संबिधानको धारा ४० को उपधारा (५) र ६) मा दलितको भूमिअधिकार सम्बन्धी प्रावधानलाई कार्यान्वयन गराउनका लागि २०७९ भाद्र १० गतेका दिन सुदूरपश्चिम प्रदेशका ९ वटा जिल्लाका १८ पालिकामा भूमिहिन दलित तथा मुक्त हलियाका लागिः भूमि अधिकार क्याराभान २०७९ बारे जानकारी गराईएको थियो ।

क्याराभानको मुख्य उद्देश्य आगामी प्रदेश र संघीय तहको निर्वाचनमा बिभीन्न राजनितिक दलहरुको घोषणापत्रहरुमा दलित भूमिहिन र मुक्त हलियाहरुको सवाल सम्बोधन गराउनका लागि आम रुपमा जागरण अभियान संचालन गर्ने, नेपालको संबिधानको धारा ४० को उपधारा ५ र ६ मा भएको प्रावधानलाई कार्यान्वयन गराउनका लागि दबाव श्रृजना गर्ने र सुदूरपश्चिम प्रदेशका ९ वटा जिल्लाका बिभीन्न राजनितक दलहरु, सरकारी कार्यालयहरु, स्थानिय सरकार, नागरिक समाज, पत्रकार र अन्य सरोकारवाला निकायसंग समन्वय कायम गर्दै भूमिहिन दलित र मुक्त हलियाका लागिः भूमि अधिकार क्याराभान २०७९ मा ऐक्यबद्धता कायम गराउने रहेको विज्ञप्ती मार्फत जानकारी गराइएकाे छ ।

वीरगंज १५ मा नेकपा एसकाे कमिटी गठन

0

वीरगंज । नेकपा एकीकृत समाजबादी वीरगंज महानगरपालिका वडा नं. १५ को भेला सम्पन्न भएको छ । सम्पन्न भेलाले धिरेन्द्र कुमार गुप्ताको अध्यक्षतामा २१ सदस्यीय वडा कमिटी गठन गरेको छ ।

नव गठित कमिटीको उपाध्यक्षमा अजय शुक्ला, सचिवमा जयशंकर यादव, सह सचीवमा बजर्ङ्गी पटेल र कोषाध्यक्षमा सुनिल तिवारी लगायत रहेका छन् ।

अकाश पटेलको अध्यक्षतामा भएकाे भेलामा वीरगंज महानगर कमिटीका अध्यक्ष मनोज चौधरी, सचिव बृजलाल पासवान, पार्टी प्रदेस कमिटीका सदस्य जोग माया तामाङ, जिल्ला कमिटी सदस्य राजकुमार सिंह, दलित मुक्ती संगठन पर्साका अध्यक्ष सुशील हजरा, युवा संघ नगर कमिटी अध्यक्ष बिरेन्द्र कन्ठ लागायतले मन्तव्य ब्यक्त गरेका थिए ।

बहुअरीमा मेला समिति गठन

0
kalikatimes

परवानीपुर । बाराको परवानीपुर गाउँपालिका वडा नं. ५ बहुअरी टोलमा शनिबार मेला समिति गठन भएको छ । हरेक वर्ष झै यस वर्ष पनि असोज १५ गते शनिबारका दिन महावीरी झण्डा लाग्न गइरहेको र सोको लागि श्यामबाबु (लोहा सिंह) पटेलको अध्यक्षतामा ९ सदस्यीय मेला समिति गठन गरिएको हो ।

जुन समितिकाे सचिवमा अखिल पटेल, कोषाध्यक्षमा सागर (लालू) पटेल, सदस्यहरुमा दिनेश पटेल, सन्दिप पटेल, रामकुमार पटेल, जटाशंकर पटेल, सुजीत पटेल, सनी साह लगायतका रहेका छन ।

मेलामा ठकरा, ढोल तासा, खेल तमासा, झाक्री, देश विदेशका पहलवानहरुबिच लडाई, नाच लगायतका मनोरन्जनात्मक सामग्रीहरूको व्यवस्था मिलाइने समितिका अध्यक्ष श्यामबाबु पटेलले बताए । यस पालिको मेला विगतको भन्दा फरक तरिकाले गर्ने र टोलका जेष्ठ नागरिकलाई सम्मान समेत गर्ने समितिका सचिव अखिल पटेलले जानकरी दिए ।

परवानीपुर गाउँपालिका वडा नं ५ का वडाध्यक्ष रामेश्वर साहको अध्यक्षतामा बसेकाे बैठकमा वडा सदस्य दारा सिंह पटेल, रामेश्वर पटेल, भोला पटेल लगायत स्थानियहरुको उपस्थिति रहेको थियो ।

पर्सा क्षेत्र नं. १ बाट वनमन्त्री यादवको एकल नाम सिफारिस

0

वीरगंज ।  जनता समाजवादी पार्टी (जसपा) नेपालले पर्सा क्षेत्र नम्बर १ बाट प्रत्यक्षमा प्रतिनिधि सभा सदस्य उम्मेदवारकाे लागि वन तथा वातावरण मन्त्री प्रदीप यादवकाे एकल नाम सिफारिस गरेको छ ।

शनिबार वीरगंजमा बसेको जसपा प्रतिनिधि सभा पर्सा क्षेत्र नम्बर १ को क्षेत्रीय समितिको बैठकले सर्व सहमतिबाट २०७९ को प्रतिनिधि  सभाकाे उम्मेदवारकाे लागि वनमन्त्री यादवको एकल नाम सिफारिस गरेको हो । यादव २०७४ सालको निर्वाचनमा तत्कालिन सङ्घीय समाजवादी फोरम नेपालबाट सोही क्षेत्रबाट निर्वाचित प्रतिनिधि सभा सदस्य हुन् ।

उनले संविधान सभा सदस्य एवम् नेपाली काङ्ग्रेस उम्मेदवार अनिल रुङ्गटा र संविधान सभा सदस्य तथा नेकपा एमालेका उम्मेदवार विचारी यादवलाई ठूलो मतान्तरले पराजित गरेका थिए ।

बैठकले क्षेत्र नम्बर १ को ‘ख’ बाट मधेश प्रदेशका मुख्यमन्त्री लालबाबु राउतको नाम सिफारिस गरेको छ । राउत पनि २०७४ को निर्वाचनमा यसै क्षेत्रबाट निर्वाचित प्रदेश सभा सदस्य हुन ।

त्यसैगरी बैठकले सो क्षेत्रबाट प्रतिनिधि सभाका लागी समानुपातिक तर्फ जमुना यादव, नसीम अख्तर र इमामूल अन्सारीको नाम सिफारिस गरेको छ ।

त्यसतै १ को ‘ख’ प्रदेश सभामा समानुपातिक तर्फ भिमा यादव, जमिला खातुन, शशी गुप्ता, प्रेमा कुमारी सिंह क्षेत्री, राम दरश प्रसाद, सलाउदिन मियाँ अन्सारी, अयुब मियाँ, वीरेन्द्र यादव, लालदेव प्रसाद यादव, नुरुल होदा फकिर, ईश्वर चन्द्र यादव र श्याम बाबु प्रसाद चौरसियाको नाम सिफारिस भएको छ ।

क्षेत्रीय समितिको बैठकमा पार्टीका केन्द्रीय सदस्य एवम् प्रदेश सभा सदस्य करिमा बेगम, जनार्दन यादव, समाजवादी मुस्लिम सङ्घका राष्ट्रिय अध्यक्ष मौलाना नुरुल होदा, वीरगंज महानगरपालिकाका मेयर राजेशमान सिंह लगायत पार्टीका नेताहरुको उपस्थिति रहेको थियो ।

वनमन्त्री यादवद्वारा वीरगंजमा मन्दिर र विवाह भवनको उद्घाटन

0

वीरगंज । वन तथा वातावरणमन्त्री प्रदीप यादवले स्थानीय पूर्वाधार विकास साझेदारी कार्यक्रम अन्तर्गत निर्मित मन्दिर र विवाह भवनको उद्घाटन गरेका छन् ।

शनिबार गृहनगर वीरगंज आउनु भएका वनमन्त्री यादवले वीरगंज-१५ स्थित भिस्वामा निर्मित शितलामाई मन्दिरको उद्घाटन गरेका हुन् । त्यसैगरी मन्त्री यादवले सोही वडाको भिषवा र भेडियाहीमा निर्मित विवाह भवनको पनि उद्घाटन गरेका थिए ।

निर्माण पश्चात मन्दिरको सुन्दरता बढ्नुका साथै त्यहाँ पुग्ने श्रद्धालुहरुलाई पूजाअर्चनामा सहजता हुने मन्त्री यादवको विश्वास छ । त्यसैगरी विवाह भवनले स्थानीयहरुलाई विवाह लगायतका धार्मिक, सांस्कृति र पारम्परिक कार्यक्रमहरु गर्न सहयोग उनले आश गरे ।

मन्त्री यादवको संसदीय कोषको १५ लाख रुपैयाँको लागतमा मन्दिर र ३०/३० लाख रुपैयाँको लागतमा विवाह भवन निर्माण भएको उनका स्वकीय सचिव घनश्याम बाबु गुप्ताले जानकारी दिए ।

उद्घाटन कार्यक्रममा जिल्ला समन्वय समिति पर्साका प्रमुख निरञ्जन साह सोनार (अजय), वीरगंज महानगरपालिकाका नगर प्रमुख राजेशमान सिंह, जिल्ला समन्वय समिति पर्साका पूर्व सभापति एवम् जनता समाजवादी पार्टीका नेता नेक महोम्मद मियाँ, वडा नम्बर १५ का वडाध्यक्ष रमेश यादव लगायत स्थानीय, बुद्धिजीवी, नेता तथा कार्यकर्ताज्यूहरुको सहभागिता रहेको थियो ।

भरपेट भोजनालयकाे एक वर्ष पुरा, बार्षिकाेत्सव मनाइयाे

0

वीरगंज । भरपेट भोजनालयले स्थापनाको एक वर्ष पुरा गरेकाे अवसरमा खुशियाली मनाएकाे छ । वीरगंजकाे मुर्लीस्थित ५० रुपैयामा भरपेट भोजन उपलब्ध गराउने उदेश्यले गत २०७८ साउन ३१ गतेबाट सुरु भएको भोजनालयले स्थापनाको एक वर्ष मनाएको हो ।

एक बर्ष पुरा गरेकाे अवसरमा भोजनालयले शनिवार वार्षिकोत्सव समारोह तथा ईट फर च्यारिटी कार्यक्रम आयाेजना गरेकाे थियाे ।

भोजनालय सञ्चालनको १ वर्षमा ७७ हजार भन्दा बढी छाक खाना वितरण भएको सानाे पाइलाले जनाएकाे छ । १ वर्षमा भोजनालयको आम्दानी कुल ३८ लाख ९ हजार ८ सय १६ रुपैंया र खर्च ५९ लाख ६ हजार ९ सय ६२ रुपैया रहेकाे जनाएकाे हाे ।

जस अनुसार कुल २० लाख ९७ हजार १ सय ४६ रुपैंयाको घाटामा भोजनालय सञ्चालन भएकाे सानाे पाइलाले दाबी गरेकाे छ । ५० रुपैयामा विक्री हुँदै आएको खाना बनाउन प्रति प्लेट नै ७७.५५ रुपैया पर्ने गरेको जनाइएकाे छ ।

कार्यक्रमका प्रमुख अतिथी संविधानसभा सदस्य अनिल रुंगटाले भरपेट जस्ता जनमुखी कार्यहरुको प्रोत्साहन आजको प्रमुख आवश्यक्ता भएको बताए । यो भोजनालयबाट समुदायले प्रत्यक्ष लाभ लिएको चर्चा गर्नुहुँदै उनले यस्तो पुनित कार्यमा सबैको साझा सहयोगका लागि अपिल समेत गरे ।

नेपाली कांग्रेसका युवा नेता एवं सामुदायिक संस्था सानो पाइलाका संस्थापक कञ्चन झाले सुखी सानो पाइलाले वीरगंजमा सञ्चालन गरिरहेको भरपेट भोजनालय नमूना परियोजनाका रूपमा बधाई दिँदै प्रगतीको कामना गरे । 

भोजनालयका परिकल्पनाकार समेत रहेका नेता झाले भरपेट भागनालयका निरन्तरता र विस्तारका लागि योगदान गरिरहनुभएका सबै सहयोगी मनहरूप्रति कृतज्ञता व्यक्त गर्नुभएको थियो ।

 भोजनालयमा नियमित भोजन गरिरहेका रिक्शा चालक अक्षयलाल महतोको सभापतित्वमा भएकाे कार्यक्रममा वीरगंज महानगरपालिकाका उपमेयर इम्तियाज आलम, वीरगंज उद्योग वाणिज्य संघका वरिष्ठ उपाध्यक्ष अनिल कुमार अग्रवाल, नेपाली कांग्रेसका नेता प्रकाश उपाध्याय, लाेसपाका युवा नेता ओमप्रकाश सर्राफ, भरपेट भोजनालयका नियमित ग्राहक श्रवण व्याहृत कलवारलगायतकाले मन्तव्य राखेका थिए ।

कार्यक्रममा प्रहरी नायव उपरिक्षक निर्मल बुढाथोकी, वीरगञ्ज उद्योग वाणिज्य संघका उपाध्यक्ष माधव राजपाल, नेपाली कांग्रेसकी नेतृ रम्भा मिश्र, वीरगञ्ज महानगरपालिकाकी कार्यपालिका सदस्य कनिका कौशिक, जीराभवानी गाउँपालिकाका कार्यपालिका सदस्य सरोज चौरसिया, वडा प्रहरी कार्यालय विर्ताका प्रहरी निरिक्षक विशाल मल्ल, वडा प्रहरी कार्यालय श्रीपुरका प्रहरी निरिक्षक डिल्ली राज सापकोटा, सशस्त्र प्रहरीका प्रहरी निरिक्षक रविन्द्र भट्ट, सामाजिक अभियान्ता प्रकाश थारु, मानवसेवा आश्रम मधेश प्रदेशका संयोजक देवेश मानवसेवालगायतकाको उपस्थिती रहेको थियो ।

रहबर केयरद्वारा निशुल्क स्वास्थ्य शिविर सम्पन्न

0

वीरगंज । वीरगंज महानगरपालिका वडा नं. ३२ चोर्नीमा रहबर केयरकाे आयाेजनामा निशुल्क स्वास्थ्य शिविर सम्पन्न भएको छ ।
श्री नेपाल राष्ट्रिय नि.मा.वि. चोर्नीको प्राङ्गणमा भएकाे शिविरमा शिविरमा ३ सय जनाले स्वास्थ्य परिक्षण गराएका थिए ।

शिविरमा चोर्नी, कोनिहा, लक्ष्मीपुर,परसवा लगायतका स्थानीय वासीकाे उल्लेखनीय सहभागिताको रहेको थियो । शिविरकाे उद्घाटन नेकपा (माओवादी केन्द्र)का केन्द्रीय सदस्य रहबर अंसारीले गरेका थिए ।

शिविरमा उपचार गरिएको विरामीहरुलाई 0निःशुल्क औषधी समेत वितरण गरिएको स्थानीय नेता राजु यादव बताए । त्यो क्षेत्रमा पहिलो पटक शिविरमा निशुल्क औषधि वितरण गरिएको आयाेजकले दाबी गरेकाे छ ।

नेता यादवको विशेष पहलमा गण्डक होस्पिटल वीरगंजका डक्टरहरुद्वारा शिविरमा निशुल्क शिविर आयाेजना गरिएकाे थियाे ।

शिविरमा फिजिसियन डा. प्रशान्त साह, स्त्री तथा प्रसुति रोग विशेषज्ञ डा.रवी साह, बाल रोग विशेषज्ञ डा.आनन्द रौनियार, स्त्री तथा प्रसुति रोग विशेषज्ञ डा. मन्जु राई, डा. मनोज पटेल, डा.अखतर आलम तथा गण्डक होस्पिटलका प्रशासक प्रमुख सौकत आलम, सदाम हुसेन, महमद हसन लगायतका सहभागिता रहेको थियो ।

फाेटाे पत्रकार महासंघ पर्साकाे तेस्राे अधिवेशन सम्पन्न, नयाँ कार्य समिति चयन

0

वीरगंज । नेपाल फाेटाे पत्रकार महासंघ पर्साकाे तेस्राे अधिवेशन सम्पन्न भएकाे छ । नेपाल पत्रकार महासंघ पर्साकाे सभा हलमा भएकाे अधिवेशनले सफल खतिवडाकाे अध्यक्षतामा ११ सदस्यीय नयाँ कार्य समिति सर्वसहमत चयन गरेकाे छ ।

जुन समितिकाे उपाध्यक्षमा माधुरी महताे, सचिवमा श्रवण कुमार साह, काेषाध्यक्षमा शम्भु कुमार सुमन, सदस्यहरुमा प्रणय साह, राजन श्रीवास्तव, विनाेद पटेल, प्रमाेद यादव, चिरन्जीवी यादव, राहुल गुप्ता, आराेहण साह लगायतका रहेका छन् ।

निर्वतमान अध्यक्ष विजय चाैहानकाे अध्यक्षतामा भएकाे अधिवेशनकाे उद्घाटन वीरगंज महानगरपालिकाका मेयर राजेशमान सिंहले गरेका थिए ।

अधिवेशन उद्घाटन सत्रलाई सम्बाेधन गर्दै मेयर सिंहले सहीलाई सही र गलतलाई गलत लेख्न सक्नु पर्नेमा जोड दिए । नेपाल फोटो उनले पत्रकारको कलमले गलत सही जे हो त्यही लेख्न सक्नु पर्नेमा जोड दिए ।

हतियारमा भन्दा कलममा तागत धेरै हुने भएकाले पत्रकारले चलाउने कलम निष्पक्ष भएर चल्नु पर्ने उनले बताए । अहिले फोटो पत्रकारीतातर्फ युवाहरुको प्रवेश उल्लासमय नरहेको देखिएको भन्दै उनले पत्रकारिता त्यसमा पनि फोटो पत्रकारहरुको उन्नयनमा महानगर सँधै साथमा रहेको स्पष्ट पारे ।

वीरगंजकाे मात्रै नभई समग्र पर्सा जिल्लाको पत्रकारितामा महानगरले गर्न सक्ने सहयोग गर्न सँधै तयार रहेको पनि उनले बताए ।

कार्यक्रममा मधेश विश्वविद्यालयका नवनियुक्त उपकुलपति प्रा.डा.दिपक शाक्यले वीरगञ्जमा विश्वविद्यालय स्थापना हुनु यहाँका लागि गर्वको कुरा भएको बताए ।

अधिवेशन उद्घाटन कार्यक्रममा नेपला पत्रकार महासंघका केन्द्रीय सचिव दिपेन्द चौहान, केन्द्रीय सदस्य केशी लामिछाने, मधेस प्रदेश महासचिव श्याम बन्जारा, पर्सा शाखाका अध्यक्ष अनुप तिवारी, फोटो पत्रकार महासंघका मधेश प्रदेशका अध्यक्ष पंकज श्रेष्ठ, राम सर्राफ, नेपाल प्रेस युनियनका केन्द्रीय सदस्य निलिमा पौडेल, वीरगंज उद्योग वाणिज्य संघका उपाध्यक्ष अनिल पटवारी लगायतकाले शुभकामना मन्तव्य राखेका थिए ।

जसपा पर्सा क्षेत्र नं. ३ काे (क) बाट ४ जनाकाे नाम सिफारिस

0

वीरगंज । जनता समाजवादी पार्टी (जसपा) नेपाल प्रदेश सभा समन्वय समिति पर्सा क्षेत्र नं. ३ काे (क) ले प्रत्यक्षबाट प्रदेश सभा सदस्यकाे उम्मेदवारकाे लागि ४ जनाकाे नाम सिफारिस गरेकाे छ ।

प्रदेश सभा क्षेत्रिय समन्वय समितिका अध्यक्ष उपेन्द्र यादवकाे अध्यक्षतामा बसेकाे क्षेत्रिय समितिकाे बैठकले प्रत्येक्ष तर्फ पर्सा क्षेत्र नं. ३ (क) काे प्रदेश सभा सदस्यकाे उम्मेदवारकाे लागि शिव कुमार साह, प्रमाेद कुमार जयसवाल, मन्जुर अन्सारी र अनिल राउत कुर्मीकाे नाम सिफारिस गरेकाे क्षेत्रिय सचिव जवाहर प्रसाद काेइरीले वताए । अन्सारी बर्तमान प्रदेश सभा सदस्य हुन् । 

यसैगरी प्रदेश सभा सदस्यकाे समानुपातिक उम्मेदवारकाे लागि १५ जनाकाे नाम सिफारिस गरिएकाे उनले जाकारी दिए ।

उनका अनुसार प्रदेश सभा सदस्यकाे समानुपातिक बन्दसुचिकाे लागि हफिन खातुन, अमिन खातुन, पुनित देवी गिरी, रबि नेशा खातुन, शिव साह तेली, नागेन्द्र प्रसाद यादव, श्रीराम गिरी, गाैरीशंकर मण्डल, रामदिनेश पंडित, गणेश महरा, रामबालक महरा, सिकेन्द्र प्रसाद सहनी, माेताब मियाँ धाेबी, उमेश राउत कमकर र सलिम मियाँकाे नाम सिफारिस भएकाे छ ।