Date
मङ्ल, मंसिर १, २०८३
Tue, November 17, 2026
Home Blog Page 633

साहारा दैनिकले आफ्नाे २० औं बार्षिकाेत्सव आश्रममा मनायाे

0

वीरगंज । वीरगंजबाट प्रकाशित हुँदै आएको राष्ट्रिय सहारा दैनिक पत्रिकाले आफ्नो २० औं बार्षिकाेत्सव मानव सेवा आश्रममा मनाएकाे छ ।  पत्रिकाले २० बर्ष पुरा गरी २१ औं बर्षमा प्रबेश गरेकाे अवसरमा मानव सेवा आश्रम वीरगंज मै पुगी आश्रमलाई खाद्य समाग्री सहयोग गर्दै त्यँही केक काटेर बार्षिकाेत्सव मनाएको हाे ।

आश्रममा आयोजित कार्यक्रममा पत्रिकाका प्रकाशक एवं संचालक चन्द्रभुषण साहले आश्रमका संरक्षक डा. दिपक शाक्यलाई ५ बोरा चामल, ३० किलो दाल, १० लि. खाने तेल, एक पाकेट आयो नुन र २५ किलो आलु, प्याज हस्तनातरण गरेका हुन् ।

कार्यक्रममा वाेल्दै आश्रमका संरक्षक एवम् मधेश विश्व विद्यालयका उपकुलपति डा. दिपक शाक्यले सेवा र सहयाेगकाे भावनाले मनाउने उत्सवले मानव सेवा औचित्य चिनाउने वताए । उनले पहिला होटेलमा लाखौ खर्च गरेर मनाइने बार्षिकाेत्वस अहिले आएर आश्रममा मनाउने चलन सकारात्मक रहेकाे वताए ।

उनले भने “अति नै पबित्र स्थल मानव सेवा आश्रम हो, यहाँ गाँस, बास मात्र दिदैनौ, माया पनि दिन्छौ । याे सेवा भावनाले मात्र सम्भाव छ ।” आश्रममा सब भन्दा बढी खर्च औषधीमा हुने गरेकाे डा. शाक्ले वताउँदै आश्रममा हाल सम्म औषधिको अभाव अभाव मात्र हुने गरेकाे वताए । उनले औषधीकाे लागि सहयोग गर्नु पर्ने आग्रह समेत गरे ।

पत्रिकाका प्रकाशक चन्द्रभुषण साहको सभापतित्वमा भएको कार्यक्रममा नेकपा (एकिकृत समाजवादी) का वीरगंज महानगर अध्यक्ष मनोज चौधरी, समाजवादी प्रेस संगठन नेपालका केन्द्रिय सदस्य एवं पत्रिकाका सम्पादक बृजलाल पासवान, समाजवादी प्रेस संगठन नेपला पर्साका अध्यक्ष मनोज पटेल, दलित मुक्ति समाज पर्साका अध्यक्ष सुशिल हजरा, पत्रिकाका बिकास राैनियार, नेपाल पत्रकार महासंघ पर्साका सदस्य नरेश सर्राफ लगायत, मानव आश्रम वीरगंज शाखा संयाेजक शानु गुरुङ लगायतकाे उपस्थिती रहेको थियो ।

कार्यक्रमको संचालन समाजवादी प्रेस संगठन पर्साका उपाध्यक्ष एवं फोटो पत्रकार महासंघ पर्साका कोषाध्यक्ष शम्भु कुमार सुमनले गरेका थिए । 

नेपाल फाेटाे पत्रकार महासंघ पर्साकाे पहिलाे बैठक सम्पन्न

0

वीरगंज । नेपाल फाेटाे पत्रकार महासंघ पर्साकाे तेस्राे अधिवेशबाट निर्वाचित नयाँ कार्य समितिकाे पहिलाे बैठक साेमबार सम्पन्न भएकाे छ ।  नेपाल पत्रकार महासंघ पर्सा शाखाकाे भवनमा बसेकाे बैठकले निर्वतमान अध्यक्ष विजय चाैहान नेतृत्वकाे कार्य समितिलाई धन्यावाद ज्ञापन गरेकाे छ ।

जिल्ला शाखाका अध्यक्ष सफल खतिवडाकाे अध्यक्षतामा बसेकाे बैठकले भदाै २९ देखि ३१ सम्म चितवनमा हुने केन्द्रिय दाेस्राे महाधिवेशकाे प्रतिनिधि पर्साबाट तेस्राे जिल्ला अधिवेशले चयन गरे अनुसार राम सर्राफ, पंकज श्रेष्ठ, विजय चाैहान र क्रान्ति साहकाे नाम पठाउने सर्वसहमतिबाट निर्णय गरेकाे छ ।

बैठकले केन्द्रिय महाधिवेशनमा पर्साबाट सहभागि हुन तयारीकाे सम्पूर्ण जिम्मेवारी जिल्ला कार्य समितिका पदाधिकारीलाई दिएकाे छ । 

साथै बैठकले नयाँ कार्य समितिका अध्यक्ष खतिवडा र काेषाध्यक्ष शम्भु कुमार सुमनको नामले महासंघकाे आर्थिक काराेबार संचालनकाे लागि नेपाल इन्भेष्टमेन्ट बैंकमा रहेकाे खाता संचालक परिवर्तन गर्ने पनि निर्णय गरेकाे महासंघ पर्साका सचिव श्रवण साहले जानकारी दिए ।

नेपाल पत्रकार महासंघ पर्साका उपाध्यक्ष युवराज खड्काकाे विशेष उपस्थितीमा भएकाे बैठकमा फाेटाे पत्रकार महासंघ पर्साका सदस्यहरु एसएम जहान गस्त, राजन रौनियार, विनाेद पटेल, प्रणय साह, आराेहण साह, राहुल गुप्ता लगायतकाे उपस्थिती रहेकाे थियाे ।

विद्यालयकाे समस्या समाधान गर्न गापा अध्यक्ष मेहताकाे निर्देशन

0

वीरगंज । पर्साको पकहामैनपुर गाउँपालिका वडा नम्बर ३ पकहामा रहेको श्री रामचरित्र माध्यमिक बिद्यालयकाे शैक्षिक अवस्थामा सुधार गर्न गाउँपालिका अध्यक्ष सुरेश प्रसादले आइतबार बिद्यालय मै पुगी प्रधनाध्यापकसहित शिक्षकहरुलाई निर्देशन दिएका छन् ।

गाउँपालिका अध्यक्ष सुरेश मेहताकाे नेतृत्वको टोलीले बिधालयको अनुगमन गरी बिभिन्न किसिम्मका निर्देशन दिइएपछि आजैदेखी शैक्षिक वातावरणमा सुधार आएको शिक्षा शाखाका दामोदर दुबेले बताए ।

अध्यक्ष मेहताले कक्षा १ देखी ५ सम्मका लागी एक जना शिक्षकले संयोजक रुपमा जिम्मेवारी निर्वाह गर्ने, कक्षा ६ देखी १० कक्षा सम्म एक जनाले संयोजनको जिम्माले लिने र प्लस २ को एक जना संयोजक तोक्ने गरी निर्देशन दिएका थिए । साे निर्देशन आइतबारदेखि नै लागु भएको दामोदर दुबेले बताए ।

यसैगरी विद्यालयमा छात्र/छात्राहरुको संख्या धेरै रहेकोले बिभिन्न सेक्सनमा बाडफाड गरी कक्षा नियमित र ब्यवस्थित गरिएको छ ।

कक्षाकोठा हुँदाहुँदै अब्यवस्थित रहेकोले आइतबारदेखी नै बेन्च, डेक्स ब्यवस्थित गरी कक्षाकोठा सरसफाई गराई अध्ययन अध्यापन सुचारु गरिएको थियो । गाउँपालिका अध्यक्ष मेहतासहित प्रमुख प्रशासकिय अधिकृत रमेश सुबेदी, वडाध्यक्ष संजय चौहान, पालिका अध्यक्षका स्वकिय सचिव बिनोद मेहता, पालिकाका शिक्षा हेर्ने जिम्मेवार ब्यक्ति दामोदर दुबे लगायतकाे सहभागिता सहभागीता रहेको रहेकाे टाेली विद्यालयमा पुगेकाे थियाे ।

विद्यालयमा बिहानै पुगेका टोलीले बिधालयको हरेक कक्षाकोठाको अवलोकन, बेन्चडेक्स, भौतिक संरचना, शैक्षिक सामग्री, शिक्षकको पदपुर्ती, अभाव, बिधार्थी संख्याको अनुगमन गरी प्रध्यानाध्यापक छोटेलाल प्रसाद सहित शिक्षकहरु संग बिद्यालय कै कार्यालयमा बैठक बसी समस्याको सामाधान गरिएकाे गाउँपालिका अध्यक्षका स्वकिय सचिव बिनोद मेहताले बताए ।

बैठक पश्चात शिक्षाको सुधारका लागी जुनसुकै मुल्य चुकाउन आफुसहित आफ्नाे टिम पछाडी नहटने गाउँपालिका अध्यक्ष मेहताले वताए । उनले बिद्यालयमा समस्या आए पहिला शिक्षक, त्यस पछि प्रधानाध्यपक, त्यस पछि पालिकाका शिक्षा हेर्ने ब्यक्ति हुँदै म कहाँ पुग्नु पर्ने सबैलाई निर्देशन समेत दिए ।

वास्तविक समस्या जुनवेला पनि सामाधान हुने तर कृत्रिम समस्या सामाधान नहुने उनकाे भनाई छ । शिक्षामा राजनिती नगर्न आग्रह उनले सबैसंग गरे । गाउँपालिका अध्यक्षकाे एक्सनपछि सो बिद्यालयका बिधार्थी तथा शिक्षकहरुको हौसला बढेको एक शिक्षकले वताए ।

राष्ट्रिय फुल्कन्टयाक्ट कराटे छनौट खेलकुद प्रतियोगी सम्पन्न

0

परवानीपुर । ९ औं राष्ट्रिय फुल्कन्टयाक्ट कराटे छनौट खेलकुद प्रतियोगी आइतबार बाराको परवानीपुर गाउँपालिका वडा नं ४ चैनपुरमा सम्पन्न भएको छ । राष्ट्रिय खेलकुद परिषद बाराका संयोजक भिखारी साहको अध्यक्षतामा सम्पन्न भएको प्रतियागतिमा जिल्ला भरिका खेलाडीहरूको सहभागिता रहेको थियो ।

कार्यक्रमका प्रमुख अतिथी जनता समाजवादी पार्टी (जसपा) नेपालका युवा नेता तथा गाउँपालिका अध्यक्षका प्रत्यासी संजु साहले प्रतियोगिताको उद्घाटन गरेका थिए । उनले प्रतियोगितको सफलताको कामना गर्दै राम्रो खेलाडी छनोट हुनेमा आफू विश्वस्त रहेको बताए ।

उनले स्वास्थको लागि खेलकुद अति नै आवस्यक रहेको हुनाले यस्ता प्रतियोगिताहरू नियमित रूपमा गर्न आयोजकलाई आग्रह गरे । नेता साहले खेलाडी नै देशको गहना भएको हुनाले तिनै तहको सरकारले यसमा बढी भन्दा बढी लगानी गरी खेलाडीहरूको मनोबल बढाउन आग्रह गरे ।

उनले खेलाडीहरूको मनोबललाई बढाउन आफ्नो निरन्तर साथ र सहयोग रहने प्रतिबद्धता जनाए ।

सो अवसरमा परवानीपुर गाउँपालिका वडा नं. ४ का वडाध्यक्ष गम्भीरा राउत कुर्मी, वडा सचिव सन्तोष नेपाली, स्वच्छ समाज युवा क्लबका उपाध्यक्ष उमेश साह, सदस्य प्रमोद यादव, प्राध्यापक सरोज यादव, बारा जिल्लाबाट आएका खेलाडी, आयोजका पदाधिकारी लगायत स्थानियहरुको उपस्थिति रहेको थियो ।

डाँका र प्रहरी बिच गाेली हानाहान, दुई जना पक्राउ

0
कलैया । बाराकाे जीतपुरसिमरा उपमहानगरपालिकाकाे वडा नं.२३ भलुहीमा शनिबार राति डाँकाहरु र प्रहरी गाेली हानाहान भएकाे छ । भलुहीस्थित एरोटेक प्रा.लि.मा  डकैती गर्न पुगेका डाँकाहरु र प्रहरी बिच गाेली हानाहान भएकाे हाे ।
 
शनिबार राती १२ बजेको समयमा एरोटेक प्रा.लि.मा १०/१२ जना डाँकाहरु हात-हतियार सहित प्रवेश गरी धनमाल लुटि रहेका छन् भन्ने सूचना प्राप्त हुनासाथ ईलाका प्रहरी कार्यालय जीतपुरबाट प्रहरी बरिष्ठ नायब निरिक्षक कलम बहादुर शाहीको कमाण्डमा प्रहरी टोली घटनास्थल पुगेकाे थियाे ।
 
प्रहरीका अनुसार घटना स्थल पुग्दा १०/१२ जनाको समुहमा हतियारधारी डाँकाहरुले सो प्रा.लि.को स्टोर कोठामा राखिएको सिलिण्डर बनाउने कार्यमा प्रयोग हुने पित्तलको भल्भ, जिंक बायर, बुस बनाउने डण्डी तथा मजदुरहरुको साथमा रहेको नगद तथा मोवाईल समेत डाँका गरी भाग्दै थिए ।
 
भाग्दै गरेकाे अवस्थामा प्रहरी टोलीले देखी निजहरुलाई नियन्त्रण लिन खोज्दा डाँकाहरुले बोकि राखेको बन्दुकबाट प्रहरी टोलीलाई लक्षित गरी १ राउण्ड गोली फायर गर्दा प्रहरी टोलीले आफ्नो प्रतिरक्षा स्वरुप आफ्नो साथमा रहेको ३०३ नट राईफलबाट ३ राउण्ड गोली फायर गरी डाँकाहरु मध्येका दुई जनालाई नियन्त्रणमा लिएकाे जिल्ला प्रहरी कार्यालय बाराले जनाएकाे छ ।
 
बाराकाे जितपुरसिमरा उपमहानगरपालिका वडा नं. ९ बस्ने वर्ष ३५ को जयराम पासवान र साेही उपमहानगरपालिकाकाे वडा नं. १० बस्ने वर्ष ४० को जवाहिर महताेलाई पक्राउ गरिएकाे जिल्ला प्रहरी कार्यालय बाराका प्रहरी निरिक्षक रामकाजी थापाले वताए ।
 
उनीहरुकाे साथबाट १ राउण्ड गोली लोड गरी सोको राउण्ड २ सहित कटुवा बन्दुक-१ र भरूवा बन्दुक १ थान बरामद समेत भएकाे प्रहरी निरिक्षक थापाले जानकारी दिए ।
 
घटनास्थलमा डाँकाहरूलाई नियन्त्रणमा लिने क्रममा खटिएको प्रहरी टोलीमाथी कटुवा पेस्तोलबाट १ राउण्ड फायर समेत गरी सँगै बोकी ल्याएको फलामे रड प्रहार गर्दा प्रहरी बरिष्ठ नायब निरिक्षक कलम बहादुर शाहीको टाउँकोमा चोट समेत लागेकाे उनले जानकारी गराए । घाइते शाहीकाे उपचारकाे लागि वीरगंज हेल्थ केयरमा भर्ना गरिएको जनाइएकाे छ ।
 
साथै घटनास्थलमा तत्काल जिल्ला प्रहरी कार्यालय बारा र इलाका प्रहरी कार्यालय सिमरा बारा समेतबाट खटिएको प्रहरी टोलीले स्थिति नियन्त्रणमा लिई फरार व्यक्तिहरूको खोजतलास तथा थप अनुसन्धान भइरहेको जिल्ला प्रहरी कार्यालय बाराले जनाएकाे छ ।
 
पक्राउ परेकाहरुलाई प्रहरी हिरासतमा राखि डाँका, हातहतियार खरखजाना तथा ज्यान मार्ने उद्योग मुद्दामा थप अनुसन्धान कार्य भइ रहेको प्रहरी निरिक्षक थापाले जानकारी गराएका छन् ।

कांग्रेस पर्सा क्षेत्र नं. ४ काे भेला सम्पन्न, सर्वसहमत नेता रिजालकाे एकल नाम सिफारिस

0

वीरगंज । नेपाली कांग्रेसबाट पर्सा क्षेत्र नं. ४ काे प्रत्यक्ष तर्फ प्रतिनिधिसभा सदस्यकाे उम्मेदवारकाे लागि पार्टीकाे केन्द्रिय सदस्य रमेश रिजालकाे एकल नाम सिफारिस भएकाे छ । जिराभवानी गाउँपालिकाको वडा नमबर ३ जितपुरको विवाह भवनमा आइतबार भएकाे क्षेत्रिय भेलाले नेता रिजालको एकल नाम सिफारिस गरेको हाे ।

प्रतिनिधिसभा क्षेत्रिय कार्य समितिका पदाधिकारी, सदस्य, महाधिवेशन प्रतिनिधि, प्रदेश सभा ४ काे (क) र (ख) का प्रदेश महाधिवेशन प्रतिनिधि, प्रदेश सभा क्षेत्रिय समितिका पदाधिकारी, सदस्य, गाउँ तथा वडा समितिका सभापति लगायतकाे उपस्थिती रहेकाे भेलाले मधेश प्रदेशका संयोजक समेत रहेका नेता रिजालको एकल नाम सर्वसम्मत रुपले माथिलाे तहमा सिफारिस गर्ने निर्णय भएकाे प्रतिनिधि सभा क्षेत्रिय सचिव बलिस्टर अहम्मदले बताए ।

क्षेत्रिय सभापति श्रीकान्त यादवको सभापतित्वमा भएको क्षेत्रिय भेलामा वाेल्ने वक्ताहरुले रमेश रिजालको बिकल्प नरहेको र वहालाई उम्मेदवार बनाई जिताए पछि मंत्री बन्ने पक्का रहेको बताएका थिए ।

नेता रिजालले जहिले पनि फोन रिसिभ गर्ने, जनता माझ सदैव तत्पर रहने, फोन रिसिभ नभए पछि फेरी फर्काउने, हरेक महिला, युवा तथा प्राैढसंग मेलमिलाप राख्ने, निडर, अनुभवी जस्ता स्वभावले गर्दा र हामी माझ वहाको बिकल्पमा अर्काे नेता हाल सम्म नरहेकोले क्षेत्रबाट एकल रुपमा नाम सिफारिस गर्न नहिचकिचाउन चारै तिरबाट आएपछि एकल रुपमै नाम सिफारिस गर्ने भेलाले निर्णय गरेकाे थियाे ।

पर्सा क्षेत्र नमबर ४ मा ३३ वटा वडा र ६ वटा पालिका रहेको छ । ६ वटा पालिकाका सभापतिहरु, ३३ वडाका सभापतिहरु, महाधिवेशन प्रतिनिधीहरुका साथै महिला सहभागी भएका हरेकको मनमा रमेश रिजाल नै उम्मेदवारको हल्ला गुन्जेको थियो र सो आवाज बुलन्द भई सिफरिस भएको पार्टीका कालिकामाई गाउँपालिकाका सभापति छठु साहले वताए ।

भेलामा डा. कृपा सिन्धु चौधरीले आफनो नाम पनि सिफारिस गर्न आग्रह गर्दा सहभागी सम्मपुर्ण वक्ताहरुले अब आउने समयमा जनताको काम काज सक्रिय रुपमा गर्न आग्रह गरेका थिए । आउने ५ बर्ष पछि डा. साहबको नाम पठाउने वक्ताहरुको आश्वासन थियाे ।

यस पाली नेता रिजालको बिकल्प नरहेको बताउँदै महावल रिजाल तिर एकत्रित भएको थियो । महाधिवेशन प्रतिनिधी सहरुम राउत गदीले रिजालको नाम नै सिफारिस गर्नु पर्ने र आफनो नाम प्रदेश सभा ४ काे (क) बाट समानुपातिमा पठाउन आग्रह गरेका थिए ।

प्रदेशका लागी पनि यस्तै सार्वजनिक रुपमा भेला भई नाम सिफारिस हुनु पर्ने तर त्यस्तो नभएकोले महाधिवेशन प्रतिनिधी गदीले दुखेसो पोखेका थिए । त्यसैगरी महाधिवेशन प्रतिनिधी रामदेव चौहानले नेता रिजालको नाम समर्थन जनाउँदै आफनो नाम पनि प्रदेश सभा ४ काे (क) बाट सामानुपातिकमा पठाउन आग्रह गरे ।

कार्यक्रममा प्रमुख अथितीको रुपमा रहनु भएका पर्सा जिल्ला कमिटीका प्रवक्ता रमेश पाण्डेले रमेश रिजालको डरले होईन वहाको कामले हरेक जनताको मनमा बस्नु भएका कारण एकल नाम सिफारिस गर्न सबैको मुखबाट आएको जिकिर गरेका थिए ।

नेता रिजाल पार्टीको चुनावको बेला क्षेत्रिय कमिटी देखी महाधिवेशन प्रतिनिधी सम्म सर्वसम्त गराउन सफल भएको वताए । उनले स्थानिय चुनावमा गल्ती गरेका क्षेत्र नम्बर ४ का कार्यकर्तालाई कार्यवाही नगर्न नेता रिजाल कै आग्रह कारण कारवाही पक्रिया अगाडी नबढेको अनुसान समितिका सभापति समेत रहेका प्रवक्ता पाण्डेले वताए ।

उनले मंसिर ४ गते हुने प्रतिनिधी सभा र प्रदेश सभाको निर्वाचमा सुधार गर्न आग्रह गरे । 

जिल्ला समितिका सह सचिव नविन सिंहले यसपालिकाकाे निर्वाचनका कांग्रेसलाई जिताउनुकाे विकल्प नरहेकाे वताए । उनले सिंहले यस अघिकाे निर्वाचनमा पर्सा क्षेत्र नं. ४ बाट जितेका सांसदले आफ्नाे कार्यकालमा देखाई समेत नदिएकाे वताउँदै त्यस्ताे नेताकाे याे पालि बिदाई गर्नु पर्ने वताए । उनले सधै जनता माझ रहने नेपाली कांग्रेसका नेता रमेश रिजाललाई याे पालिकाे निर्वाचनमा जिताउनु पर्नेमा जाेड दिए ।

यस अघि नै पर्सा क्षेत्र नं. ४ काे (क) र (ख) बाट प्रत्यक्ष र समानुपातिक तर्फका उम्मेदवारहरुकाे नाम सिफारिस भइसकेकाे वताइएकाे छ । 

पर्सा क्षेत्र नं. ४ काे (क) बाट प्रत्यक्ष तर्फ प्रदेशसभा सदस्यका उम्मेदवारका लागि बर्तमान प्रदेशसभा सदस्य शंकर चाैधरीकाे एकल नाम सिफारिस भएकाे पर्सा क्षेत्र नं. ४ का काेषाध्यक्ष विनय द्विवेदीले वताए । समानुपातिक तर्फ मधेश प्रदेशका महामन्त्री बृहस्पती कृष्ण श्रेष्ठ, महाधिवेश प्रतिनिधि रामदेव चौहान लगायतकाे ३ जनाकाे नाम सिफारिस भएकाे छ ।

यसैगरी पर्सा क्षेत्र नं. ४ काे (ख) बाट प्रत्यक्ष तर्फ प्रदेशसभा सदस्यमा किशाेर प्रसाद जयसवालकाे एक नाम सिफारिस भएकाे क्षेत्रिय सभापति दिपेन्द्र सिंहले वताए । समानुपतिक तर्फ कांग्रेस पर्साका प्रवक्ता रमेश पाण्डेकाे एकल नाम मात्र सिफारसिस भएकाे वताइएकाे छ ।

एमालेबाट पर्सा क्षेत्र नं. ४ काे प्रतिनिधिसभामा ३ जनाकाे सिफारिस

0

वीरगंज । नेकपा एमालेबाट पर्सा क्षेत्र नं. ४ काे प्रतिनिधिसभा सदस्यकाे प्रत्यक्ष तर्फका उम्मेदवारका लागि ३ जनाकाे नाम सिफारिस भएकाे छ । प्रतिनिधिसभा क्षेत्रिय समन्वय समितिकाे बैठकले आफ्नाे नामसहित ३ जनाकाे नाम सिफारिस गरेकाे एमालेका जिल्ला अध्यक्ष जय प्रकाश थारुलेेेेेेे जानकारी दिए ।

जिराभवानी गाउँपालिकाकाे वडा नं. ४ गंजभवानीपुरस्थित रामजानकी मन्दिरकाे प्राङ्गणमा बसेकाे बैठकले प्रतिनिधिसभा सदस्यकाे उम्मेदवारकाे लागि जय प्रकाश थारु, जालिम मियाँ र खगेन्द्र बहादुर श्रेष्ठकाे नाम सिफारिस गरेकाे हाे ।

यसैगरी पर्सा क्षेत्र नं. ४ काे (क) बाट प्रदेशसभा सदस्यकाे प्रत्यक्ष तर्फका उम्मेदवारकाे लागि ५ जनाकाे नाम सिफारिस भएकाे जिल्ला अध्यक्ष थारुले वताए । उनका अनुसार प्रतिनिधिसभा सदस्यमा पनि सिफारसिस भएका जयप्रकाश थारु, जालिम मियाँ, खगेन्द्र बहादुर श्रेष्ठसहित ५ जनाकाे नाम सिफारिस भएकाे हाे । अन्य दुई जनामा ठाकुर प्रसाद न्याैपाने र लेखमन थापा रहेका छन् ।

यसैगरी पर्सा क्षेत्र नं. ४ काे (ख) बाट प्रदेशसभा सदस्यकाे प्रत्यक्ष तर्फकाे उम्मेदवारकाे लागि ६ जनाकाे नाम सिफारिस भएकाे जिल्ला अध्यक्ष थारुले वताए । अध्यक्ष थारुका अनुसार बलिराम साह, सुरेश पटेल, पहलाद गुप्ता, पवन तिवारी, हरिन्द्र हाजारा, एकबाली यादवकाे नाम क्षेत्रिय समन्वय समितिले सिफारिस गरेकाे छ । 

मंसिर ४ काे निर्वाचनमा कांग्रेसकाे विकल्प छैन : नविन सिंह

0

वीरगंज । नेपाली कांग्रेस पर्साका सह चिव नविन सिंहले मंसिर ४ गते हुने निर्वाचनमा कांग्रेसकाे विकल्प नरहेकाे वताएका छन् । नेपाली कांग्रेस पर्सा क्षेत्र नं. ४ प्रतिनिधि सभा क्षेत्रिय समितिले आयाेजना गरेकाे भेलालाई सम्बाेधन गर्दै नेता सिंहले याे पालिकाे निर्वाचनमा कांग्रेसलाई जिताउनुकाे विकल्प नरहेकाे वताए ।

जिराभवानी गाउँपालिकाकाे वडा नं. ३ जितपुरस्थित विवाह भवनमा भएकाे भेलामा वाेल्दै सिंहले यस अघिकाे निर्वाचनमा पर्सा क्षेत्र नं. ४ बाट जितेका सांसदले आफ्नाे कार्यकालमा देखाई समेत नदिएकाे वताउँदै त्यस्ताे नेताकाे याे पालि बिदाई गर्नु पर्ने वताए । उनले सधै जनता माझ रहने नेपाली कांग्रेसका नेता रमेश रिजाललाई याे पालिकाे निर्वाचनमा जिताउनु पर्ने वताए ।

पार्टी भित्र केही असन्तुष्टि भए रहेपनि त्यसलाई निर्वाचन सम्म थाती राखेर भएपनि याे पालिकाकाे निर्वाचनमा कांग्रेस र कांग्रेसका उम्मेदवारलाई विजयी गराउनु पर्ने नेता सिंहकाे भनाई थियाे ।