Date
मङ्ल, मंसिर १, २०८३
Tue, November 17, 2026
Home Blog Page 628

मधेश दृष्टि पत्रिकासंग आवद्ध पत्रकारहरुको प्रशिक्षण सुरु

0

वीरगंज । मधेश दृष्टि दैनिक पत्रिकामा आवद्ध पत्रकारहरुको दुई दिने प्रशिक्षण कार्यक्रम मंगलबार देखि वीरगंजमा सुरु भएको छ । वीरगंजस्थित पुजन होटलमा सुरु भएको प्रशिक्षण कार्यक्रमको उद्घाटन वीरगंज महानगरपालिकाका मेयर राजेशमान सिंहले गरेका थिए ।

प्रशिक्षण कार्यक्रमको उद्घाटन गर्दै मेयर सिंहले जुन सुकै कामको लागि टिम वर्क महत्त्वपूर्ण भएको वताए । उनले टिम वर्क भएको जुन सुकै कामले सफलता हासिल गर्ने वताए । पत्रिकाले वीरगंजकाे पहिचान गराउन विश्वास समेत ब्यक्त गरे ।

पत्रिकाका निर्देशक धुर्व साहको अध्यक्षतामा भएको उद्घाटन सत्रमा मधेश विश्व विद्यालयका उप कुलपति डा. दिपक शाक्य, पत्रिकाका सम्पादक बिश्वमणी पोखरेल, पत्रिकाका ब्यवस्थापक अर्जुन मण्डल लगायतकाले शुभकामना मन्तव्य राखेका थिए भने कार्यक्रमको संचालन रेडियाे वीरगंजका समाचार प्रमुख ध्रुव अधिकारीले गरेका थिए ।

पत्रिका असोज महिनाको पहिलो सत्तादेखी नै निकाल्ने तयारी रहेको छ ।

प्रदेशसभा सदस्यमा स्वतन्त्र चुनाव लडने सुनिल गुप्ताकाे घोषणा

0

वीरगंज । राजनीतिक दलहरुबाट जनता आजीत भइसकेको भन्दै युवा नेता सुनिल प्रसाद गुप्ताले सर्लाही निर्वाचन क्षेत्र नं. ३ (ख) बाट मधेश प्रदेशसभा सदस्यका लागि स्वतन्त्र उम्मेद्वारी घोषणा गरेका छन् ।

युवा नेता गुप्ताले जनताको चाहना अनुसार नै आफू मधेश प्रदेशसभा सदस्यका लागि स्वतन्त्रबाट उम्मेद्वारीको घोषणा गरेको वताए ।

उनले भने, ‘म विद्यार्थीकालदेखि नै मधेशको राजनीतिमा सक्रिय भएको हुँ । विभिन्न मधेशवादाी दलहरुमा लागेर मधेशको मुद्दाहरु उठाउँदै आएको थिँए । तर ती दलहरुले मुद्दा छोडिसकेकाले स्वतन्त्र रुप मै लड्ने निर्णयमा पुगेको हुँ ।’

कुनै दलले तपाइँलाई टिकट नदिने भएपछि स्वतन्त्रमा उम्मेद्वारी घोषणा गर्नुभएको हो भन्ने प्रश्नमा गुप्ताले भने, ‘मलाई अहिले पनि विभिन्न पार्टीबाट टिकटका लागि अफर आइरहेकाे छ । तर म स्वतन्त्ररुपमा मै उम्मेद्वारी दिनेछु र जित्नेछु भन्ने मलाई विश्वास छ ।’

देशभरि अहिले स्वतन्त्र उम्मेद्वारको अभियान चलेको पनि आफू स्वतन्त्र रुपमा नै जाने उनले बताए । गत स्थानीय चुनावमा बालेन साह, हर्क साम्पाङ जस्ता स्वतन्त्र उम्मेदवारहरु जितेकोले सोबाट प्रभावित भएर स्वतन्त्र उम्मेदवारी घोषणा गरेको उनले वताए ।

केही समय पहिला गुप्ता लगायतका युवा नेताहरुले मधेशी जनता पार्टी पनि गठन गरेका थिए । तर सो पार्टीलाई निरन्तरता दिन सकेनन् । उनले आफू यदि जिते भने मधेशी जनता पार्टीलाई पुनः जीवित गर्ने बताएका छन् ।

खाना पकाउने स्वच्छ विद्युतीय उर्जाको प्रवर्धन विषयमा छलफल

0

वीरगंज । राष्ट्रिय योजना आयोग र क्लीन कुकिंग एलायन्स (सीसीए) को संयुक्त आयोजनामा मंगलबार वीरगंजमा खाना पकाउने स्वच्छ विद्युतीय उर्जाको प्रवर्धन विषयक छलफल कार्यक्रम सम्पन्न भएकाे छ ।

स्वच्छ उर्जा अभियान कार्यक्रम अन्तरगत पालिका स्तरिय स्वच्छ उर्जा कार्यक्रम संचालन गर्न लागेको जानकारी गराउँदै अभियानले स्वच्छ उर्जा प्रयोगमा सचेतना लगाउनुको साथै संघिय र स्थानीय सरकारहरुको नीति तथा कार्यक्रममा उल्लेख भए बमोजिम एलपी ग्यासको खपत घटाइ स्वदेशमा उत्पादित विद्युतको खपत बढाउने उद्देश्य रहेको सीसीएकी नेपाल कन्ट्री मेनेजर करुणा बज्राचार्यले वताइन ।

वीरगंजस्थित भिस्वा हाेटलमा भएकाे कार्यक्रममा वाेल्दै वीरगंज महानगरपालिकाका मेयर राजेशमान सिंहले विधुतीय चुल्हाे (इन्डक्सन चुल्हाे) काे प्रयाेग बढाउन सबैभन्दा पहिले विधुत आपूर्तिमा विद्यमान समस्या सामधान गर्नु पर्ने बताए ।

उनले भने,जब सम्म छिन छिनमा लाइन कट्ने समस्याबाट मुक्ति पाइदैन तब सम्म विद्युतीय चुल्हाेकाे प्रयाेग बढाउन सकिँदैन ।

उनले वीरगंजमा अहिले पनि छिन छिनमा लाइन कट्ने समस्या विद्यमान नै रहेकाे बताए । याे समस्या सामधानका लागि आफुले विद्युत प्राधिकरणका कार्यकारी निर्देशक कुलमान घिसिङलाई नै भेटेर ध्यानाकर्षण गराइसकेकाे भएपनि वीरगंजमा अझै विद्युत आपूर्तिमा रहेकाे समस्या पूर्णरूपमा समाधान नभएकाे उनले बताए ।

नेपाल सरकारले २० युनिट विद्युत निशुल्क गरेकाे र वीरगन्ज महानरपालिकाले साउन देखि ३० युनिट विद्युत निशुल्क गरेकाले वीरगंजका उपभोक्ताले महिनामा ५० प्रतिशत विद्युत निशुल्क पाइरहेकाले विद्युतीय चुल्हाेकाे प्रयाेग बढाउने अभियानलाइ केही हदसम्म सहज हुने उनले बताए ।

विद्युतीय चुल्हाेकाे प्रयाेग बढाउने अभियानलाई वीरगंज महानगरपालिकाले आफनाे तर्फबाट सक्दाे सहयाेग गर्ने प्रतिबद्धता पनि मेयर सिंहले जनाए ।

कार्यक्रममा नीति तथा उर्जा विज्ञ माेहन दास मानन्धरले सरकारले अनुदान दिन्छ भनेर कुर्नु भन्दा नागरिक आफैले विद्युतीय चुल्हाे किनेर प्रयाेग गर्नुपर्ने बताए । उनले एलपीजी ग्याँस भन्दा विद्युतीय चुल्हाेकाे प्रयाेग गर्दा धेरै फाइदा हुने भएकाले यसकाे प्रयाेग गर्न सुझाव दिए ।

विद्युतीय चुल्होकाे प्रयाेग गर्दा एलपिजी ग्याँसकाे भन्दा कम खर्च लाग्ने, स्वास्थ्यमा समेत हानी नपुग्ने, इन्धन आयातमा विदेशीने मुद्रा पनि कम गर्न सकिने उनले बताए । उनले अहिले नेपालमा विद्युतकाे उत्पादन पनि बढ्दै गइरहेकाले विद्युतीय चुल्हाेकाे प्रयाेग बढाउदा उर्जाकाे संकट नहुने उनले बताए ।

जिल्ला समन्वय समिति पर्साका उपाध्यक्ष पुरन कुर्मीकाे अध्यक्षता एंव राष्ट्रिय याेजना आयाेगका सदस्य सुरेन्द्र लाल कर्णकाे प्रमुख आतिथ्यमा भएकाे कार्यक्रममा वीरगंज महानगरपालिकाका प्रमुख प्रशासकीय अधिकृत लक्ष्मी पाैडेल, नेपाल पत्रकार महासंघ पर्साका अध्यक्ष अनुप तिवारी, गैर सरकारी संस्था महासंघ नेपाल पर्साका अध्यक्ष छठु साह, हस्क पावर नेपाल प्रालिका निर्देशक मनाेज गुप्ता लगायतकाले मन्तव्य राखेका थिए ।

बाल दिवसकाे अवसरमा वक्तृत्वकला प्रतियाेगिता

0

वीरगंज । हन्ड्रेडस ग्रुप पर्साकाे आयाेजनामा मंगलबार वीरगंजमा “विद्यार्थी जिवनमा सामाजिक संजाल” विषयक विद्यालय स्तरिय वक्तृत्वकला प्रतियाेगिता सम्पन्न भएकाे छ ।

बाल दिवसकाे अवसरमा भएकाे प्रतियाेगितामा श्री त्रिजुद्ध महावीर प्रसाद रगुवीर राम माविका श्रेया राय प्रथम, सुर्जी देवी मावि  संदेश वास्तु द्वितिय र त्रिजुद्ध मावि कै दिपक कुमार यादव तृतिय भएकाे आयाेजक संस्था हन्ड्रेडस ग्रुप पर्साका संयाेजक बिक्की सर्राफले जानकारी दिए ।

वीरगंज पब्लिक कलेजकाे पुरानाे भवनमा भएकाे प्रतियाेगितामा प्रथम, द्वितिय र तृतिय हुनेलाई क्रमश रु ५ हजार, ३ हजार र एक हजार नगदसहित पुरस्कृत समेत गरिएकाे संयाेजक सर्राफले वताए । सन्तावना पुरस्कार सुर्जी देवी माविकी संध्या साहलाई प्रदान गरिएकाे थियाे ।

हन्ड्रेडस ग्रुपका संयाेजक सर्राफकाे अध्यक्षता र जिल्ला प्रशासन कार्यालय पर्साका सहायक प्रमुख जिल्ला अधिकारी भिमकान्त पाैडेकाे प्रमुख आतिथ्यतामा भएकाे प्रतियाेगितामा नेपाली कांग्रेसकी नेतृ एवम् प्रध्यापक डा. सुस्मा तिवारी, पाेखरिया नगरपालिकाकी पूर्व उप मेयर सल्लमा खातुन, वडा प्रहरी कार्यालय विर्ताका प्रहरी निरिक्षक विकाश मल्ल, दिलिप राज कार्की, राजन श्रीवास्तव, दिवेश गुप्ता लगायतकाे उपस्थिती रहेकाे थियाे ।

ऐश्वर्या श्रेष्ठले जितिन मिस ग्रान्ड नेपाल

0

वीरगंज । २५ बर्षीय ऐश्वर्या श्रेष्ठले मिस ग्रान्ड नेपाल २०२२ को उपाधि जितेकी छन् र उनी मिस ग्रान्ड इन्टरनेशनलको दशौं संस्करणमा नेपालको प्रतिनिधित्व गर्दै छिन् ।

वर्षा भंडारी र रक्षा उप्रेती क्रमशः फस्ट र दोस्रो रनरअप भए । कार्यक्रममा अभिनेता/मोडल अनुप विक्रम शाही, र्‍यापर आशिष राना (लाउरे), मिस नेपाल अर्थ २०१८ प्रिया सिग्देल, छिरिङ वाङ्दी, सुरेश तामाङ र निशु झा निर्णायक थिए ।

कार्यक्रमको कोरियोग्राफी सुजित बस्यालले गरेका थिए । ग्राण्ड नेपालको मुख्य विषय युद्ध र हिंसा रोकिने छ । अन्तर्राष्ट्रिय प्रतियोगिताले विश्वभर शान्ति निर्माण र युद्ध र हिंसाको अन्त्यका लागि वकालत गर्ने आश्वासन दिन्छ ।

त्यसैगरी मिस पपुलर तन्नु शाक्यले, मिस पर्सनालिटी वर्षा भण्डारी, मिस बेस्ट इन स्विमसुट वर्षा भण्डारी, मिस कन्फिडेन्स समना कार्की, मिस फोटोजेनिक स्वस्तिका मगर र मिस कन्जेनियालिटी सुदेष्णा महर्जनले जिते ।

कार्यक्रम लाजिम्पाटको शंकर होटलमा आयोजना गरिएको थियो । कार्यक्रमको संचालन पूर्व मिस ग्रान्ड उरुषा जोशीले गरेकी थिइन । कार्यक्रम ३६५ एवेन्ट्सद्वारा लागू गरिएको थियो।

जसपाकी प्रदेश सांसद डा. अन्जु यादव एमाले प्रबेश

0

वीरगंज । जनता समाजवादी पार्टी (जसपा) नेपालकी प्रदेश सभा सदस्य डा. अन्जु यादव नेकपा एमाले प्रवेश गरेकी छिन । साेमबार जनकपुरमा आयोजित पार्टी प्रवेश कार्यक्रममा जसपाकी केन्द्रिय सदस्य समेत रहेकी यादव एमाले प्रवेश गरिकी हुन ।

यादवलाई पुर्व प्रधानमन्त्री एवं एमालेका अध्यक्ष केपी शर्मा ओलीले फुलमाला लगाई पार्टीमा स्वागत गरेका थिए । यादव तत्कालिन राजपाबाट समानुपातिकमा प्रदेश सभा सदस्य बनेकी थिईन । राजपा र संघिय समाजवादी फोरम एकिकरण भई जसपा पार्टी निर्माण भई पुनः पार्टी बिभाजन हुँदा यादव जसपामै बसेकि थिइन ।

कार्यक्रममा एमालेका केन्द्रीय सचिव एवम् मधेस प्रदेश ईन्चार्ज रघुबिर महाशेठ र जिल्ला कमिटी अध्यक्ष राजकिशोर यादवले ओलीलाई २०५ किलोको माला लगाएर स्वागत समेत गरेका थिए ।

उक्त कार्यक्रममा पोलिटब्यूरो सदस्य जुली महतो, ज्वाला साह, अछुत मैनाली, केन्द्रीय सदस्य राजकुमार गुप्ता, प्रभु हाजरा, प्रदेश सह सचिव आरती भन्डारी लगायत स्थानिय नेता तथा कार्यकर्ताहरुको सहभागिता रहेको थियो ।

ओलीलाई कालाे झन्डा देखाउने ११ जना पक्राउ

यसैबिच एमाले अध्यक्ष ओलीलाई जनकपुरमा कालो झण्डा देखाउने ११ जनालाई प्रहरीले प्रक्राउ गरेकाे थियाे । नागरिकता विहीन युवाहरूले ओलीलाई कालो झण्डा देखाउने प्रयास गरेको थियो । ओली सोमबार जनकपुर आउँदा क्याम्पस चोकमा नागरिकताविहीन युवाहरुले कालो भण्डा देखाएका थिए ।

जनकपुर विमानस्थलबाट कार्यक्रमस्थल तिरुहुतिया गाछी जान लागेका बेला क्याम्पस चोकमा जम्मा भएका नागरिकताविहीन युवाले कालो झण्डा देखाएका थिए । जिल्ला प्रहरी कार्यालय धनुषाका प्रहरी उपरीक्षक वसन्त रजौरेले पूर्व प्रधानमन्त्री ओली सवार सवारी अवरुद्ध र कालो झण्डा देखाउने योजना बनाएको आरोपमा ११ जनालाई पक्राउ गरिएको बताए ।

नागरिकताविहीन संघर्ष समिति मिथिला नगरपालिकाका अध्यक्ष कर्मवीर महतोले नागरिकता विधेयक पारित गर्न नेकपा एमालेका अध्यक्ष ओली सहयोग नगरेको र राष्ट्रपति विद्यादेवी भण्डारीले नागरिकता विधेयक प्रमाणीकरण गर्न नमानेको विरोध कालो झण्डा देखाउने प्रयास गरिएको बताए । 

निर्वाचनपछि एमालेको नेतृत्वमा सरकार बन्छ : अध्यक्ष ओली

एमाले अध्यक्ष केपी शर्मा ओलीले आगामी निर्वाचनपछि आफ्नो पार्टीको नेतृत्वमा सरकार बन्ने दावी गरेका छन् । उनले नयाँ सरकार बनेपछि विकास र समृद्धिको अभियान ल्याउने बताएका हुन् ।

नेपाल वुद्धिजीवी परिषद्को प्रथम मधेश प्रदेश अधिवेशनको साेमबार जनकपुरधाममा सम्बोधन गर्दै अध्यक्ष ओलीले भने, “मङ्सिर ४ गते हुने प्रतिनिधिसभा निर्वाचनपछि एमालेले अत्यधिक बहुमत ल्याउँछ, सरकार बनाउँछ ।”

एमाले सरकारमा जानका लागि नभइ मुलुकलाई बर्वादीबाट जोगाउन आफ्नो पार्टीले जित्नै पर्ने जिकिर गर्दै उनले जनताको सद्भाव र एकताका लागि निर्वाचनमा गएको बताए । सबैले मिलेर सबैका लागि ‘समृद्ध नेपाल र सुखी नेपाली’ बनाउने अठोटका साथ आफ्नो पार्टी निर्वाचनमा जान लागेको उनको भनाइ छ ।

सेनाकाे नि:शुल्क आँखा परिक्षण

0

परवानीपुर । क्रियाशिल युवा पत्रकार मञ्च नेपालको आयोजनामा साेमबार निःशूल्क आँखा शिविर सम्पन्न भएको छ । ‘पारदर्शीता, निष्ठा र निर्भिकता–हाम्रो साझा प्रतिबद्धता’ भन्ने ध्येयका साथ स्थापित क्रियाशील युवा पत्रकार मञ्च नेपालद्वारा आयोजित शिविरमा १६ महिला सहित २ सय २५ जनाले आँखा परीक्षण गराएका छन् ।

श्री श्रीजंग गण पर्साको सहकार्यमा सम्पन्न शिविरमा वीरगंज सामुदायिक आँखा अस्पतालका अप्टोमेटिट्स प्रभात चौरसिया नेतृत्वको नेत्र चिकित्सकको टोलीले परीक्षण गरेको थियो । श्री श्रीजंग गणका प्रमुख डायमण्ड कार्कीले आफ्नो आँखा परिक्षण गराई कार्यक्रमको शुभारम्भ गरेका थिए l

मञ्चका अध्यक्ष प्रणय कुमार साहको अध्यक्षतामा सम्पन्न शिविरमा परीक्षण गराएका २ सय २५ जना मध्ये कसैमा पनि मोतियाबिन्दु फेला नपरेको मञ्चका उपाध्यक्ष आनन्द पटेलले जानकारी दिए । शिविरमा उषा कुमाल, अरूणा रायमाझी, लक्ष्मी बरै, निरा पौडेल, कृष्ण तिवारी, प्रमेन्द्र कुमार पासवान, कल्याण प्रसाद घिमिरे, सिताराम थापा लगायतले आँखा परीक्षण गराएका पटेलले वताए ।

आँखा परीक्षणसँगै औषधीसमेत वितरण गरिएको मञ्चका महासचिव बिरेन्द्र साहले वताए । शिविरमा मंचका कोषाध्यक्ष उपेन्द्र बरै, सदस्यहरु ओमप्रकाश बर्णवाल, निलम चौधरी, कन्हैयालाल वर्णवाल लगायतको उपस्थिती रहेको थियो ।

पटेर्वा सुगौलीकाे भलुवाही खोलामा पक्की बाध निर्माण हुने

0

वीरगंज । पर्सा जिल्लाको पटेर्वा सुगौली गाउँपालिका पर्ने भलुवाही खोलामा पक्की बाध निर्माण हुने भएको छ । मधेस प्रदेश सरकारको लागत रु.१६ करोड ४३ लाखको लागतमा निर्माण हुने पक्की बान्धको अनुगमन तथा स्थलगत निरीक्षण गरिएकाे छ ।

जिल्ला सिंचाई योजनाका प्रमुख सुरेन्द्र जैसवालको नेतृत्वमा गएको प्रतिनिधि मण्डलको टोलीले निरिक्षण गरेको हो । टाेली बाँध निर्माण स्थल निरिक्षककाे क्रममा स्थानीय किसानहरु संग छलफल समेत गरेकाे जनता समाजवादी पार्टी (जसपा) मधेश प्रदेश परिषद सदस्य शिव कुमार साहले वताए ।

निरिक्षणका क्रममा जसपा मधेस प्रदेश सदस्य दिपक यादव, मधेश प्रदेश परिषद सदस्य शिव कुमार साह, क्षेत्र नं.३ का अध्यक्ष नागेन्द्र यादव, रमेश साह तेली, बाध समिति अध्यक्ष शिव चौधरी लगायत किसानहरुको उपस्थिती रहेकाे थियाे ।

प्रहरी चौकीलाई फायर सिलिन्डर र मोटर सहयाेग

0

वीरगंज । जनता समाजवादी पार्टी (जसपा) नेपालका मधेस प्रदेश परिषद सदस्य एवं युवा नेता शिव कुमार साहले प्रहरी चौकी महुवनलाई फायर सिलिन्डर र पानी तान्ने बिधुत मोटर सहयाेग गरेका छ्न ।

स्थानीय स्तरमा सबैको घरमा गैस सिलिन्डर भएको र अस्वधानीका कारण आगो लिक भएको अवस्थामा फायर सिलिन्डर नभएर स्थानीयलाई कठिनाइ भएको हुँदा प्रहरी चौकीबाट सेवा प्रदानको निमित्त सहयोग गरिएको नेता साहले बताए ।

कार्यक्रममा प्रहरी चौकी महुवनका इन्चार्ज प्रहरी सहायक निरीक्षक कृष्णनन्दान ठाकुर, सखुवा प्रसाैनी गाउँपालिका वडा नं. ५  लखनपुरका वडाध्यक्ष मुना राउत कमकर, जसपा पर्सा क्षेत्र नं.३ का अध्यक्ष नागेन्द्र यादव, क्षेत्र नं.३ (क) उपाध्यक्ष सिकेन्द्र सहनी, महुवनका पुर्व वडाध्यक्ष रुपलाल यादव, रामबाबु साह तेलि लगायतकाे सहभागिता रहेकाे थियो ।