[real3dflipbook id=”394″]
लालपर्साबाट “मेयर घरदैलो स्वास्थ्य कार्यक्रम” सुभारम्भ
वीरगंज । वीरगंज महानगरवासी स्वस्थ्य रहुँन, निरोगी रहुँन भन्ने उद्देश्यले आइतबारदेखि वीरगञ्जमा मेयर घरदैलो स्वास्थ्य कार्यक्रम सञ्चालनमा आएको छ ।
वीरगंज महानगरपालिकाको वडा नम्बर ३० लालपर्साबाट सुरु गरिएको स्वास्थ्य कार्यक्रममा गर्भवती महिलाको परीक्षण, प्याथोलोजी ल्याब, गर्भवती महिलाको लागि भिडियो एक्सरे, जेनरल परीक्षण, ईसिजी सेवा सहित निशुल्क औषधी समेत वितरण गरिने मेयर राजेशमान सिंहले बताए ।
आइतबार मेयर स्वास्थ्य घरदैलो कार्यक्रमको औपचारिक उद्घाटन गर्दै मेयर सिंहले यो कार्यक्रम यसअघि गाउँघरमा सञ्चालन हुँदै आएका एक दिने शिविर भन्दा फरक र विशेष प्रकारको भएको बताए ।
उनले भने, ‘एउटा वडामा यो शिविर पाँच दिनसम्म चल्छ, डाक्टरले सुरुमा बिरामीको स्वस्थ्य जाँच गर्छन्, आवश्यक परे ल्याब टेष्ट पनि गरिन्छ, रोग पत्ता लगाएर औषधि दिएपछि मात्रै बिरामीलाई घर पठाइन्छ ।’
हरेक नगरवासीको घरदैलोमै स्वास्थ्य उपचारको सेवा पुगोस् भन्ने उद्देश्यले आफूले यो कार्यक्रम सञ्चालन गरेको उनले बताए ।
मेयर सिंहले भने, ‘महानगरका ३२ मध्ये १६ वटा वडा ग्रामीण भेगमा छन्, यो भेगमा सहरको जस्तो सुविधा सम्पन्न स्वास्थ्य संस्था छैनन्, उपचारका लागि सहर नै धाउनुपर्ने बाध्यता छ, त्यसैले पहिलो चरणमा ग्रामीण भेगका जनतालाई लक्षित गरी यो कार्यक्रम सुरु गरिएको हो ।’
उनले आफनो चुनावी घोषणापत्रमा पनि नागरिकको घरदैलोमै सहज रूपमा स्वास्थ्य सेवा उपलब्ध गराउने उल्लेख गरेको स्मरण गर्दै त्यही वाचा पूरा गर्न पनि यो कार्यक्रम सुरु गरेको बताए ।
सिंहले भने, ‘यो कार्यक्रम एउटा वडाका लागि मात्र नभइ महानगरका ३२ वटै वडामा सञ्चालन गरिने छ।
महानगरका प्रमुख प्रशासकीय अधिकृत लक्ष्मी पौडेलले वीरगन्ज महानगरले सस्तो लोकप्रियताका लागि नभइ देशका अन्य ७५२ पालिकाले पनि अनुसरण गरुन् भनेर नागरिकको घरदैलोमै स्वास्थ्य सेवा प्रदान गर्ने कार्यक्रम सुरु गरेको बताए ।
चुनावताका जनतासामु गरेका वाचा पूरा गर्न वीरगन्ज महानगरपालिकाका मेयर राजेशमान सिंहले नगरवासीको घरदैलोमै स्वास्थ्यकर्मी पठाएर स्वास्थ्य उपचार सेवा दिन थालेका छन्।
मेयर सिंहको निर्देशनमा महानगरपालिकाले वडावडामै विशेषज्ञ चिकित्सक सहितका स्वास्थ्यकर्मीलाई टोली पठाएर स्वास्थ्य उपचार सेवा प्रदान गर्न थालेको हो।
पहिलो चरणमा वीरगंज महानगरका ग्रामीण भेगका १६ वटा वडालाई लक्षित गरी कार्यक्रम सञ्चालन गरिएको हो ।
यसमा विशेषज्ञ चिकित्सक (मेडिकल अफिसर) तीन जनासहित स्टार्फ नर्स, हेल्थ असिस्टटेण्ट, अनमी गरी २५ जना स्वास्थ्यकर्मी खटाइएको छ ।
एउटा वडामा पाँच दिनसम्म सञ्चालन गरिने स्वास्थ्य शिविरमा बिरामीको स्वास्थ्य जाँच गरिनुका साथै ल्याब टेष्ट (रगत, दिशा, पिसाब, खकार इत्यादिको जाँच), इसिजी, भिडियो एक्सरे लगायतका सेवा पनि प्रदान गरिएको महानगरका स्वास्थ्य महाशाखा प्रमुख रितेश जयसवालले बताए ।
बिरामीको जाँच र ल्याब टेष्टसँगै औषधि पनि निःशुल्क वितरण गरिएको उनले जनाए । जयसवालले भने, ‘यो शिविरमा बिरामीलाई नेपाल सरकारले निःशुल्क उपलब्ध गराएको ९८ प्रकारका औषधिबाहेक उच्च रक्तचाप, मधुमेह र थाइराइडको औषधि पनि निःशुल्क वितरण गरिरहेका छौं ।’
वडा अध्यक्ष मनोज यादवको अध्यक्षतामा भएको शीवीरको उद्घाटन कार्यक्रममा पर्सा क्षेत्र नम्बर १ (क ) का प्रदेश सभा सदस्य जन्नत अन्सारी, जसपाका वीरगंज महानगर अध्यक्ष इश्वरचन्द्र यादव, मेयर सिंहका राजनीतिक सल्लाहकार उमेश सहनी, जसपा नेता प्रेमबाबु पटेल, लालपर्सा स्वास्थ्य चौकीका स्वास्थ्यकर्मी अनिषकान्त कुशवाहा लगायतको उपस्थिती रहेकाे थियो ।
पपुलर मेकअप आर्टिस्ट अवार्डबाट सजना खतिवडा सम्मानित
काठमाडौ । पुरानालाई सम्मान, नयालाई प्रोत्साहन भन्ने नाराका साथ नेपाली फेसन एंव मनोरञ्जन क्षेत्रको अवार्ड सम्मान कार्यक्रम नेपाल फेसन एण्ड इन्टरटेन्मेन्ट अवार्ड २०२२ सम्पन्न भएको छ । हिमालयन मुभिज प्रोडक्सन हाउसको आयोजनामा ¥याडिसन होटलमा सम्पन्न भएको सो कार्यक्रममा दर्जनौ सेलिव्रेटीसंगै सौन्दर्य विधाका ब्याक्तित्वहरुलाई अवार्ड तथा सम्मान दिइएको थियो ।
कार्यक्रममा विशेष बिधा अन्तर्गत पपुलर सिने स्टार अवार्डबाट अभिनेत्री स्वस्तिमा खड्कालाई सम्मान दिइएको थियो । त्यस्तै मोसन पिक्चर्स एक्टिङ स्टार अवार्डबाट अभिनेता सरोज खनाल र मोसन पिक्चर्स क्विन अफ एक्टिङ अवार्डबाट अभिनेत्री गौरी मल्ललाई सम्मान गरिएकाे थियो । क्रमशः आइकोनिक पपुलर मोडल अवार्डबाट मोडल तथा अभिनेता दिक्पाल कार्की, पपुलर ड्रेस डिजाइनर अफ इन्टरटेन्मेन्ट इन्ड्रस्ट्रि अवार्डबाट सुक्निता चौलागाईलाई सम्मान गरिएकाे थियो ।
त्यस्तै एभरग्रिन मेलोडी भोकल स्टार अवार्डबाट गायक आनन्द कार्की, क्विन अफ एभरग्रिन भ्वाईस अवार्डबाट गायिका अन्जु पन्त, आइकोनिक पप स्टार अवार्डबाट गायक धिरज राईलाई सम्मान गरिएको थियो ।
त्यस्तै क्रमशः स्नेहा राना आइकोनिक मेकअप आर्टिस्ट, तेन्जिङ भुटिया आइकोनिक फेसन डिजाइनर, रोजिन शाक्य आईकोनिक फेसन कोरियोग्राफर अवार्डबाट सम्मानित भएका थिए । त्यस्तै स्पेसल हिरो अवार्डबाट धर्म बहादुर बानिया, प्रभावशाली समाजिक अभियान्ता अवार्डबाट साबित्री शाह, आइकोनिक लोक गायिका अवार्डबाट राधा हमाल बानिया, सोसियल वेलफेर वर्कर अवार्डबाट मनु बान्ता मगर सम्मानित भएका थिए । सम्मानित सबैलाई ट्रिव्युटपनि कार्यक्रममा दिइएको थियो ।
त्यस्तै इमर्जिङ तथा एस्पायरिङ विधा अन्तर्गत इमर्जिङ फेसन डिजाइन् सरस्वती अधिकारी, इमर्जिङ मेकअप आर्टिस्ट निशा थापा, एस्पायरिङ मेकअप आर्टिस्ट तबिता राई, पपुलर टाइटल बिजेता मिस केञ्जल योङहाङ, पपुलर टाइटल विनर मिसेस समुदाय विधा अन्तर्गत भिश्मा नेम्बाङ, पपुलर पेजेन्ट मेकअप आर्टिस्ट पवित्रा सुब्बा तामाङ, पपुलर मेकअप आर्टिस्ट अवार्ड सजना खतिवडाले जितेका थिए ।
त्यस्तै प्रमुख विधा अन्तर्गत बेस्ट टाइटल विनर मिसेस् निता लिंदेन, बेस्ट इभेन्ट मेकअप आर्टिस्ट सबिना तामाङ, बेस्ट फेसन मोडल निङ्ग्मा लमु शेर्पा, बेस्ट फेसन मोडल टिन, जेनिभा मर्हजन, बेस्ट पेजेन्ट मेकअप आर्टिस्ट गिता राई र बेस्ट टाइटल विनर प्रोफेसन विधामा मञ्जु थापाले अवार्ड उचालेका थिए ।
कार्यक्रमको सुरुवातमै गायक धिरज राईले हिमालयन मुभिज प्रोडक्सन हाउसकी प्रवन्ध निर्देशक हिमानी सुब्बाको कोरियोग्राफीमा धमाकेदार प्रस्तुती दिएका थिए । हिमानीले धिरजको प्रस्तुतीसंगै ¥याम्प वकमा सुन्दरीहरुलाई हिडाएकी थिइन् ।
कार्यक्रमको बारेमा बोल्दै प्रवन्ध निर्देशक हिमानी सुब्बाले नेपाली चलचित्र, साङ्गीतिक क्षेत्रसंगै फेसन एंव मोडलिङ क्षेत्रको व्याक्तित्वहरुलाई सम्मान गर्ने उद्देश्य पुरा भएको बताइन् । इभेन्ट म्यानेजर कोमलनाथ खतिवडाले यो कार्यक्रमालाई निरन्तर गरिरहने हौसला यस कार्यक्रमबाट पाएको बताए । आयोजक संस्था हिमालयन मुभिज नेपाली फेसन क्षेत्रमा चर्चित नाम हो । जसले धेरै फेसन शो, सौन्दर्य प्रतियोगिताहरु आयोजना गर्दै आइरहेको छ ।
हुण्डी कारोबारीकाे आराेपमा पाेखरियाका आलम पक्राउ
वीरगंज । स्राेत नखुलेकाे ७ लाख त्रिपन्न हजार रकमसहित हुण्डी कारोबारकाे आराेपमा एक जनालाई प्रहरीले पक्राउ गरेकाे छ । वीरगञ्ज म.न.पा.वडा नं.२ श्रीराम सिनेमा हल पछाडीबाट पर्साकाे पोखरिया नगरपालिका वडा नं.९ बैरिया विर्ता बस्ने वर्ष ३५ को महम्द रिजवान आलमलाई प्रहरीले पक्राउ गरेकाे हाे ।
आइतबार दिउसाे १:३० बजे विषेश सूचनाको आधारमा जिल्ला प्रहरी कार्यालयका प्रहरी निरिक्षक प्रज्वल थपलियाको कमाण्डमा खटिएको टोलीले वीरगंज महानगरपालिकाकाे वडा नं. २ श्रीराम सिनेमा हल पछाडि गोरेटो सडक खण्डबाट आलमलाई पक्राउ गरिएकाे प्रहरीले जनाएकाे छ ।
उक्त सडकखण्डमा प्रदेश २-३-०१२ प २०४६ नम्बरको प्लाटिना मोटरसाईकल रोकी चेकजाँच गर्दा आलमले लगाएको जिन्सपाइन्टको खल्तीमा लुकाई छिपाई राखेको श्रोत नखुलेको नेपाली रू.७ लाख ५३ हजार ३ सय फेला परेको जिल्ला प्रहरी कार्यालय पर्साले जनाएकाे छ ।
उक्त रकम बरामद गरी उल्लेखित मोटरसाइक सहित आलमलाई नियन्त्रणमा लिई जिल्ला प्रहरी कार्यालयमा ल्याई बैंक तथा वित्तीय संस्था सम्बन्धी ऐन, २०७३ बिरूद्वको कसूरमा अनुसन्धान भइरहेकाे जिल्ला प्रहरी कार्यालय पर्साका प्रवक्ता प्रहरी नायब उपरिक्षक दिपक गिरीले जानकारी दिए ।
हयाण्ड पम्प जडान गर्ने क्रममा करेन्ट लागेर मिस्त्रीकाे मृत्यु
वीरगंज । हयाण्ड पम्प जडान गर्ने क्रममा करेन्ट लागेर मिस्त्रीकाे मृत्यु भएकाे छ । वीरगंज महानगरपालिकाकाे वडा नं. १३ राधेमाईस्थित फुल महमद अन्सारीको घरमा हयाण्ड पम्प जडान गर्ने क्रममा सखुवा प्रसौनी गाउँपालिका वडा नं. .६ लखनपुर बस्ने बर्ष २७ को ईसराईल मियाँ (मिस्त्री) काे मृत्यु भएकाे प्रहरीले जनाएकाे छ ।
आइतबार विहान ०७:०० बजेको समयमा मिस्त्रीलाई करेन्ट लागी गम्भिर घाईते भएको जानकारी प्राप्त हुनसाथ तत्कालै वडा प्रहरी कार्यालय श्रीपुरबाट प्रहरी निरिक्षक डिल्लीराज सापकोटाको कमाण्डमा खटिएको टोलीले घाइतेलाई तत्कालै उपचारको लागि तराई हस्पिटल वीरगंज पठाइएको थियाे ।
घाईते मिस्त्रीकाे मृत्यु भएको चिकित्सकले घोषण गरे पश्चात मृतककाे घटनास्थल तथा लास जाँच प्रकृती मुचुल्का लगायतको अनुसन्धान कार्य सम्पन्न गरी थप अनुसन्धान कार्य भइरहेकाे जिल्ला प्रहरी कार्यालय पर्साका प्रवक्ता प्रहरी नायब उपरिक्षक दिपक गिरीले जानकारी दिए ।
१० वर्षपछि एकैपटक ३ वटा बच्चा
वीरगंज । पर्सामा एक दम्पतीले १० वर्षपछि एकैपटक ३ वटा बच्चा पाएकी छन् । प्रभु हस्पिटलमा उपचाररत पर्सा जिल्लाको पर्सागढी नगरपलिका वडा नं. ९ का वृज चौधरी थारु र ललिता देवि थरुनी दम्पतीले एकैपटक ३ वटा छोरा पाएका हुन् ।
१० वर्षदेखि विभिन्न अस्पताल चहार्दा चहार्दै उपचार नभएपछि आईभिएफ प्रविधि अपनाएर गर्भ बसेको थियो । आर्थिक अवस्था कमजोर भएका थरुनीलाई प्रभु हस्प्टिलका स्त्री तथा प्रसुति रोग विशेषज्ञ डा. लक्ष्मी थापाको टिमले शल्यकृया गरेर तीनवटै बच्चा पाउन सफल भएको हो ।
निकै जोखिम मानिएको अप्रेसनमा प्रभु हस्पिटलका एनेथेसियाका डा. सन्देश यादव, शिशु तथा बाल रोग विशेषज्ञ डा. नविन झा, नर्स स्टाफ रमिता गिरी, अनिल पटेल, मेनुका घिमिरे, पचिया खातुन, कृष्णा ठाकुर लगायतको सहयोगमा सफल भएको थियो ।
व्याथा लागेपछि विभिन्न अस्पतालमा लग्दा अन्यत्र लैजान सल्लाह दिएपनि प्रभु हस्पिटलले जोखिम मोलेर शल्यक्रिया गरेकाे अस्पतालले जनाएकाे छ । हाल आमा तथा तीनवटै बच्चा सकुसल रहेका छन् ।
रहबर केयरमा नि:शुल्क स्वास्थ्य शिविर सम्पन्न
वीरगंज । वीरगंज महानगरपालिकाकाे वडा नं. ३१ स्थित मिलन चाैकमा रहेकाे रहबर केयर सेन्टरमा शनिबार निशुल्क स्वास्थ्य शिविर सम्पन्न भएकाे छ ।
गौतम स्कूल, माट्रीका फाउन्डेसन तथा रहबर फाउन्डेसनको संयुक्त आयोजनामा भएकाे शिविरमा आँखा रोग, स्त्री रोग, बालरोग, हाडजोर्नी लगायत अन्य रोगहरुबाट ग्रसित विरामीहरुकाे चेक जाँच भएकाे थियाे ।
शिविरमा विभिन्न राेगका एक हजार भन्दा बढी बिरामीले आफ्नाे स्वास्थ्य परिक्षण गराएकाे रहबर केयरका जुबेर आलामले जानकारी दिए । शिविरमा गण्डक हस्पिटलका डा. संजय गुप्ता, डा. मन्जु राय लगायतका चिकित्सका तथा स्वास्थ्यकर्मीहरुले बिरामीहरुकाे स्वास्थ्य परिक्षण गरेकाे उनले वताए ।
शिविरमा बिरामीहरुलाई निशुल्क औषधी समेत वितरण गरिएकाे रहबर केयरका संचालक कुन्द्रनयन अन्सारीले वताए ।
रहबर केयरका निर्देशक रहबर अन्सारीकाे अध्यक्षता र माट्रिका फाउन्डेसनका संचालक डा. किशाेर प्रधानकाे प्रमुख आतिथ्यतामा भएकाे शिविरमा गाैतम स्कुलका संचालक साेनम लामा, वीरगंज ३१ का वडाध्यक्ष जितेन्द्र यादव लगायतकाे उपस्थिती रहेकाे थियाे ।
शिविरमा गाैतम स्कुलका छात्र/छात्राहरुले स्वयंसेवककाे भुमिका निर्वाह गरेका थिए ।
अनेरास्ववियु पर्साको अध्यक्षमा रेयाज अन्सारी
वीरगंज । नेकपा एमाले निकट जनवर्गीय संगठन अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) पर्साको १६ औं जिल्ला अधिवेशन शनिबार सम्पन्न भएको छ । वीरगंजकाे होटेल सिटि प्यालेसमा अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु ) पर्साको १६ औं जिल्ला अधिवेशन सम्पन्न भएको हो ।
अधिबेशनले रेयाज अन्सारीको अध्यक्षतामा २१ सदस्यीय नयाँ जिल्ला कमिटी चयन गरेको छ । कमिटीको उपाध्यक्षमा अजित साह, सचिवमा पवन यादव, सहसचिवमा सोनी सरार्फ, पुकार सुवेदी, रामकुमार पटेल र कोषाध्यक्षमा जयन्ती चौधरी चयन भएका छन ।
रेयाज अन्सारीको अध्यक्षतामा भएको कार्यक्रममा अनेरास्ववियुका केन्द्रिय उपाध्यक्ष उमेश आचार्य, स्थायी कमिटी सदस्य त्रिलोक सिंह ठकुरी, मधेस प्रदेश संयोजक अन्जना सिवाकोटी, केन्द्रिय सदस्य मेराजुल हवारी, नेकपा एमाले पर्साका इन्चार्ज प्रभु हाजरा, एमाले नेता एवं वीरगंज महानगरपालिकाका पुर्व मेयर वीजय सरावगी, मधेस प्रदेश सदस्य शम्भु गुप्ता, वीरगंज महानगरपालिकाका सचीव सुन्दर कुर्मी, एमालेका युवा नेता रामकिशोर सिंह (पराग), जिल्ला सदस्यहरु शिवजी गुप्ता, ओमप्रकाश गुप्ता, अकलेश साह, नेपाल पत्रकार महासंघ पर्साका उपाध्यक्ष युवराज खड्का, नेकपा खेलकुद महासंघक सचिव सन्दीप बस्नेत, विद्यार्थी नेता आसिफ अहमद, जेयाद अन्सारी, सुजित मण्डल, भक्ती अग्रवाल लगायतका नेताहरु सहभागी थिए ।
भ्रष्टाचार मुद्दामा वीरगंज १६ का निवर्तमान वडाध्यक्षलाई ३ महिना कैद
वीरगंज । विशेष अदालतले भ्रष्टाचार मुद्दामा वीरगंज महानगरपालिका वडा नं. १६ का निवर्तमान वडाध्यक्ष श्यामबाबु प्रसाद चाैरसियालाई सजाय सुनाएको छ । अख्तियार दुरुपयोग अनुसन्धान आयोगले प्रतिवादी बनाएका दुई जनालाई भने जरिवाना सुनाइएको हो ।
न्यायाधीशत्रय रमेश कुमार पोखरेल, शालिग्राम कोइराला र बलभद्र बास्तोलाको इजलासले बिहीबार फैसला गर्दै वडाध्यक्ष चौरसियालाई रु १० हजार रुपैयाँ जरिवाना र ३ महिना कैद सजाय सुनाइएको अदालत स्राेतले जनाएकाे छ ।
यसैगरी जग्गा बिक्री गर्ने जहराती मियाँ धुनियाँलाई रु ८० हजार र जग्गा खरिदकर्ता ग्यान्ती देवीलाई रु ९० हजार रुपैयाँभन्दा बढी जरिवाना भराउने फैसला भएको छ । वीरगंज १६ का निवर्तमान वडाध्यक्ष चौरसियाले आफ्नो वडामा पर्ने धुनियाको जग्गा न्यून मूल्यांकन गरी सरकारलाई हानी नोक्सानी पुर्याएको आरोप अख्तियारको थियो ।
जग्गा विक्रेता धुनिया र खरिदकर्ता ग्यान्ती देवीलाई पनि प्रतिवादी बनाएको थियो ।
चौरसियाले प्रतिकठ्ठा ६० लाख पर्ने जग्गालाई जग्गाको थैली रकम कम राखेको अख्तियारको अनुसन्धानले देखाएको हो । ११ धुर जग्गाको खरिद विक्रिका क्रममा थैली रकम कम राख्दा सरकारलाई रजिष्ट्रेसन वापत झन्डै ९५ हजार र पुँजीगत लाभकर बापत साढे ८२ हजार रुपैयाँ नोक्सान भएको देखिएको थियो ।












