Date
मङ्ल, मंसिर १, २०८३
Tue, November 17, 2026
Home Blog Page 627

वीरगंजकाे ट्राफिक ब्यवस्था फित्लाे, ट्राफिक प्रहरीकाे ध्यान रकम असुल्नमा

0

वीरगंज । ट्राफिक प्रहरीले आइतबार नियन्त्रणमा लिएकाे आधि जति सवारी साधान कारवाही विना नै छाडेकाे आराेप लागेकाे छ । जिल्ला ट्राफिक प्रहरी कार्यालय पर्साबाट आइतबार दिउसाे वीरगंजस्थित शंकराचार्य गेटमा खटिएकाे टाेलीले कागज पत्र र सवारी चालक अनुमती पत्र नभएकाे एक सय भन्दा बढी सवारी साधन नियन्त्रणमा लिएकाे थियाे ।

त्यस मध्ये केहीसंग एक हजारकाे दरले जरिवान गरि छाडेकाे थियाे भने केहीसंग ५ सयकाे दरले जरिवाना तिराएर छाडेकाे थियाे । केहीलाई जरिवाना विना नै छाडिएकाे प्रत्यक्षदर्शीले वताएका छन् । खास गरेर भारतिय नम्बरकाे सावरी साधन चालकहरुसंग मनपरी तरिकाले ट्राफिक प्रहरीले रकम असुलेकाे वताइएकाे छ ।

जिल्ला प्रहरी कार्यालय पर्साले साेमबार ८५ सवारी सधानलाई कारवाही गरेकाे ट्राफिक प्रहरीले जनाएकाे छ । वीरगंजस्थित शंकराचार्यद्वारमा खटेकाे टाेलीले ६० वटा सवारी साधनलाई जरिवाना र २५ वटा सवारी साधनकाे कागज पत्र नियन्त्रणमा लिएकाे जिल्ला ट्राफिक प्रहरी कार्यालय पर्साका प्रहरी नायब निरिक्षक राम सुन्दर आर्यले जानकारी दिए ।

सवारी चालक अनुमती पत्र नभएकाहरुलाई रु एक हजारकाे दरले र सावरी साधनकाे काकगजात नभएकाहरुलाई रु ५ सयकाे दरले ६० सवारी चालकलाई गरिएकाे जरिवानाबाट रु ३२ हजार ५ सय संकलन भएकाे उनले वताए । केही सवारी साधनकाे कागज पत्र नियन्त्रणमा लिएर सवारी साधान छाेडिएकाे आर्यले वताए ।

रसिद विना रकम लिएर सवारी साधन छाेडिकाे आराेप बारे बुझ्दा आराेप लगाउनेहरुसंग नै बुझ्न उनले जवाफ दिए ।

नेपालीहरुकाे महान चाँड दशैं नजिकदै जाँदा वीरगंजमा ट्राफिक प्रहरी वीरगंजकाे विभिन्न ठाउँमा चेकजाँच गर्न थालेकाे छ । मेनराेडमा एक देखि दुई घण्टा सम्म गरिने चेकजाँचकाे क्रममा थुप्रै सवारी साधानहरु नियन्त्रणमा लिने गरेकाे हुन्छ । तर ति सवारी साधनबाट अशुल हुनु पर्ने भन्दा धेरै कम रकम असुल हुने गरेकाे देखिन्छ । 

विभिन्न काम बिशेषले घरबाट गन्तब्य तर्फ निस्कने गरेका सर्वसाधारणलाई विभिन्न बहानामा घण्टाे सम्म कुराएर ट्राफिक प्रहरीले दु:ख दिने गरेकाे वताइन्छ । वीरगंजकाे ट्राफिक व्यवस्था फित्लाे भएपनि त्यस तर्फ ट्राफिक प्रहरी ध्यान पुग्न नसकेकाे स्थानियहरु वताउँछन् । 

अहिले झन जिल्ला ट्राफिक प्रहरी कार्यालय पर्साका प्रमुख प्रहरी निरिक्षक ध्रुव दहाल विदामा भएकाे माेकामा पर्साका केही ट्राफिक प्रहरीहरु कमाउ धन्दामा लागेका छन् । वीरगंजकाे ड्राइपाेर्ट, पावर हाउस, गण्डक चाैक लगायतका ठाउँमा खटिने ट्राफिक प्रहरीले विभिन्न बहानामा सवारी साधन चालकहरुसंग खुल्यामा रकम असुल्ने गरेका छन् ।

तर निमित ट्राफिक प्रहरी प्रमुखकाे जिम्मेवारीमा रहेका बरिष्ठ प्रहरी नायब निरिक्षक राजेन्द्र गैरेको त्यस तर्फ ध्यान पुग्न सकेकाे छैन् ।

मेघा ब्लड डोनेसन अन्तर्गत पर्सामा ४२३ जनाद्वारा रक्तदान

0

परवानीपुर । तेरापंथ युवक परिषद वीरगंजकाे आयाेजनामा शनिबार भएकाे मेघा ब्लड डोनेसन २०२२ मा ५० महिलासहित ४२३ जनाले रक्तदान गरेका छन् ।

मेघा ब्लड डाेनेसन अन्तर्गत नै रहबर केयरकाे समन्वयमा भएकाे कार्यक्रममा ३ महिलासहित ६० जनाले रक्तदान गरेका छन ।

रहबर केयर फाउन्डेसनका संचालक तथा नेकपा माओवदी केन्द्रका केन्द्रीय सदस्य रहबर अंसारीले रक्तदान गरी उद्घाट गरेकाे कार्यक्रममा अनुरुद यादव, ओमप्रकाश पटेल, अरविन्द साह, गुडिया पटेल, तमन्ना खातुन, सुनिता पासवान, महम्मद हसन, जुबैर आलम, मुनिलाल यादव, इजराइल अन्सारी, समसेद अन्सारी लगायतले रक्तदान गरेका थिए ।

नेता अन्सारीले रक्तदान सबै भन्दा ठुलो समाजीक कार्य भएको बताउँदै याे अभियानमा सहभागी हुन सबैलाई आग्रह समेत गरे । उनले महिलाहरुलाई नै बढी रगतको आवश्यक्ता पर्ने हुनाले खासगरी महिला साथीहरुलाई बढी भन्दा बडी सहभागीता जनाउन आग्रह गरेका थिए ।

रहबर केयर बहुवरी वीरगंज सेन्टरमा भएको कार्यक्रममा मेघा ब्लड डोनर्सका नरेश भन्साली, पारस जैन लगायतको उपस्तिथी रहेको थियो ।

यसैगरी मेघा ब्लड डाेनेसन अन्तर्गत नै घडिअर्वा पोखरीमा भएकाे कार्यक्रममा ५ महिलासहित ५० जना, त्रीवेणी स्पिनिङमा भएकाे कार्यक्रममा २९ महिलासहित १३४ जना, जैन भवनमा भएकाे कार्यक्रममा १३ महिलासहित १४२ जना र हिप्को इन्फा- ३७ जनाले रक्तदान गरेकाे रक्त संचार केन्द्र वीरगंजका प्रमुख सराैभ राज पाण्डेले जानकारी दिए ।

कालिकामाईकाे गाउँ सभा सम्पन्न, रु ४२ कराेड ६६ लाख बराबरकाे बजेट प्रस्तुत

0

वीरगंज । पर्साको कालिकामाई गाँउपालिकाको ८ औँ गाउँ सभा शुक्रबार सम्पन्न भएको छ । गाउँपालिका अध्यक्ष बशिष्ठ कुमार गुप्ताको अध्यक्षतामा भएको गाउँ सभाकाे तेस्राे बैठकले आ.व. २०७९/०८० को नीति, कार्याक्रम तथा बजेट बहुमतले पारित गरेको छ ।

श्री ने.रा. आधारभुत विद्यालय हरिहरपुर विर्तामा भएको सभामा गाउँपालिका अध्यक्ष गुप्ताले रु ४२ करोड़ ६६ लाख ४० हजार २ सय ९२ काे बजेट प्रस्तुत गरेका थिए ।

प्रस्तुत बजेटमा सम्पुरक काेष एक कराेड, विपद व्यवस्थापन काेष ४० लाख, ट्याक्टर र सेप्टी टयांकी खरिद २० लाख, सडक बत्ती खरिद तथा जडान २० लाख, अव्यवस्थित पाेलहरु व्यवस्थीत गर्न १० लाख, बायाेमेट्रीक जडान १० लाख, गाउँपालिकाका सम्पूर्ण वडा कार्यालयहरुलाई अत्याधुनिक बनाई व्यवस्थापन गर्न १० लाख, गाउँपालिकाकाे सम्पुर्ण स्वास्थ्य चाैकीहरुलाई अत्याधुनिक बनाई व्यवस्थापन गर्न १५ लाख लगायतका याेजनाहरु रहेका छन् ।

सभामा आर्थिक विधेयक, विनियोजन विधेयकसहित गाउँपालिकाको आवश्यक एनहरुको विधेयकहरु समेत पारित भएको गाउँपालिकाले जनाएको छ ।

गाउँ सभामा प्रमुख प्रशासकीय अधिकृत अमित कुमार गिरि, वडाध्यक्षहरु लालबाबु चौरसिया, संजय पटेल, जयनारायण प्रसाद कुर्मी लगायत गाउँ सभा सदस्यहरुको सहभागिता रहेको थियो ।

यश अघि धेरै पटेक गाउँ सभाको बैठक बोलाईए पनि बहुमत नपुगेर हुन सकेको थिएन । गाउँ सभा विषय मै असार ३१ गते दुई पक्ष बिच झडप हुँदा एक दुबै पक्षका एक दर्जन भन्दा बढी ब्यक्तीहरु घाईते समेत भएका थिए ।

फोटो पत्रकार महासंघकाे अध्यक्षमा रेग्मी, पर्साबाट केसमा चौहान

0

वीरगंज । नेपाल फाेटाे पत्रकार महासंघकाे केन्द्रिय अध्यक्षमा हरि प्रसाद रेग्मी निर्विराेध निर्वाचित भएका छन् । चितवनकाे साैराहामा जारी दाेस्राे महाधिवेशनबाट रेग्मीकाे अध्यक्षतामा २५ सदस्यीय केन्द्रिय समिति निर्विराेध निर्वाचित भएका हुन् ।

केन्द्रिय समितिकाे बरिष्ठ उपाध्यक्षमा सागर श्रेष्ठ, उपाध्यक्षमा दिपक ज्ञवाली, महासचिवमा नरेश कुमार श्रेष्ठ, सचिवमा खुल्ला तर्फ गजेन्द्र राई, हरिहर सिंह राठाेर, सराैभ यादव, प्रभात कुमार झा, निश्चल चपागाई, भरत ढकाल, काेमल चन्द्र सुढी, बाबुराम भण्डारी, बिशाल सुनार, सह सचिव समावेशी निश्चल साेनार, विवेक नागरी र काेषाध्यक्ष किरण कुमार पन्त सर्वसहमत चयन भएका छन् ।

केन्द्रिय सदस्यमा प्रदेश १ बाट राजेश पराजुली, मधेश प्रदेशबाट विजय चाैहा, बागमती प्रदेशबाट प्रविण बराल, गण्डकी प्रदेशबाट दिपक गुरुङ, लुम्बनी प्रदेशबाट ताराचन्द बर्मा, सुदुर पश्चिम प्रदेशबाट बिरेन्द्र साह, कर्णाली प्रदेशबाट सुरेश अचार्य, खुल्ला तर्फ चित्र बहादुर कार्की र बद्री अर्यालय निर्वाचित भएका हुन् ।   

फाेटाे पत्रकार महासंघकाे महाधिवेशनमा पर्साका ५ जना सम्मानित

0

वीरगंज ।  नेपाल फोटो पत्रकार महासंघकाे दाेस्राे केन्द्रिय महाधिवेशनमा पर्साबाट ५ जना पत्रकार सम्मानित भएका छन् । चितवनकाे सराैहामा जारी महाधिवेशनकाे उद्घाटन सत्रमा फाेटाे पत्रकार महासंघ पर्साका निर्वतमान अध्यक्षसहित ५ जना सम्मानित भएका हुन् ।

सम्मानित हुनेमा नेपाल पत्रकार महासंघका केन्द्रिय सचिव दिपेन्द्र चाैहान, मधेश प्रदेशका महासचिव श्याम बंजारा, फाेटाे पत्रकार महासंघका पूर्व केन्द्रिय उपाध्यक्ष राम सर्राफ, मधेश प्रदेशका अध्यक्ष पंकज श्रेष्ठ र निर्वतमान पर्सा जिल्ला अध्यक्ष विजय चाैहान रहेका छन् ।

नेपाल फाेटाे पत्रकार महासंघका केन्द्रिय अध्यक्ष ध्रुव आलेकाे अध्यक्षतामा भएकाे उद्घाटन समाराेहमा प्रमुख अतिथी बागमती प्रदेशका आन्तरिक मामिला तथा कानुन मन्त्री कृष्ण प्रसाद खनालले फाेटाे पत्रकार महासंघका पूर्व केन्द्रिय उपाध्यक्ष सर्राफ, मधेश प्रदेशका अध्यक्ष श्रेष्ठ र पर्सा जिल्लाका निर्वतमान अध्यक्ष चाैहानलाई दाेसला ओढाएर कदर पत्रले सम्मान गरेका थिए ।

कार्यक्रममा पत्रकार महासंघका केन्द्रिय सचिव चाैहान र मधेश प्रदेशका महासचिव बंजारा उपस्थित नभएकाले दुबै जनाका प्रतिनिधिहरुलाई कदर पत्र हस्तान्तरण गरिएकाे थियाे ।

थारु सांस्कृतिक भवन साैराहामा भएकाे महाधिवेशन उद्घाटन समाराेहमा नेपाल पत्रकार महासंघका सचिव सृजना अर्याल, विभिन्न राजनीतिक दलका प्रतिनिधिहरु, नेपाल फोटो पत्रकार महासंघका सातै प्रदेशका अध्यक्षहरु लगायतकाले शुभकामना मन्तव्य राखेका थिए । त्यस अघि बिहिबार विहान प्रभात फेरि समेत निकालिएको थियो । 

बालदिवसको अवसरमा वक्तृत्वकाला प्रतियोगिता सम्पन्न

0

वीरगंज । श्री कालिका एकाडेमी बाेर्डिङ्ग स्कुल भेडिहारीमा बुधबार दाइजाेप्रथा विषयक वक्तृत्वकला प्रतियाेगिता सम्पन्न भएकाे छ । बालदिवसकाे अवसरमा भएकाे प्रतियाेगितामा भेडिहारीका दिपराज चाैरसिया प्रथम, सबैठवाका अमित यादव द्वितिय र बलुवाका राजाबाबु कलवार तृतिय भएका थिए ।

कार्यक्रमलाई सम्बाेधन गर्दै कालिका टाईम्सका प्रबन्ध निर्देशक छठु साहले विद्यार्थीहरुलाई पढाईकाे साथ साथै अतिरिक्त क्रियाकलाप पनि जरुरी रहेकाे वताए । उनले कालिका एकाडेमीले विभिन्न समयमा विभिन्न किसिमकाे अतिरिक्त क्रियाकलाप संचालन गर्दै आएकाे कार्य सराहनिय भएकाे वताए ।

कार्यक्रमका प्रमुख अतिथी समेत रहेका निर्देशक साहले आफु सक्षम भएपछि विवाह गरे दाइजाेप्रथामा अन्त्य हुने वताए ।

स्कुलका निर्देशक जयप्रकाश चाैरसियाकाकाे अध्यक्षतामा भएकाे कार्यक्रममा वडा सदस्य विजय सहनी, संजय ठाकुर लाेहार, विद्यालयका प्रिन्सपल लक्षमण ठाकुर लगायतकाले मन्तव्य राखेका थिए ।  

वीरगंजमा चिडियाखाना स्थापना गर्न सरकारले दियो अनुमति

0

वीरगंज । वीरगंजमा मधेश प्रदेशकै पहिलो प्राकृतिक चिडियाखाना स्थापना हुने भएको छ । सोमबार बसेको मन्त्रिपरिषद्को बैठकले वन तथा वातावरणमन्त्री प्रदीप यादवले गरेको प्रस्तावलाई पारित गरेसँगै वीरगंजमा मधेश प्रदेशकै पहिलो प्राकृतिक चिडियाखाना स्थापना हुने भएको हो ।

वन तथा वातावरणमन्त्री प्रदीप यादवले चिडीयाखाना निर्माणका लागि मन्त्रिपरिषदमा चिडियाखाना स्थापनाका लागि प्रस्ताव पेश गर्नु भएको थियो । आफू मन्त्री नियुक्त हुनु भएदेखि मन्त्री यादवले वीरगंजमा चिडीया खाना निर्माणका लागि पहल थाल्दै आउनु भएको थियो । मन्त्री यादवले पेश गर्नु भएको प्रस्तावलाई सोमबार बसेको मन्त्रिपरिषद्को बैठकले चिडीया खाना निर्माणका लागि अनुमति दिएको छ ।

पर्सा वासीको आयस्तरमा बृद्धि गर्न तथा पर्यटन प्रवर्द्धनका लागि वीरञ्जमा चिडीया खाना निर्माण गर्ने आफ्नो वर्षौं पहिलेदेखिको सपना अहिले आएर साकार भएको मन्त्री यादवले बताउनुभयो । उहाँले भन्नुभयो, “पर्यटन प्रबद्धन तथा आर्थिक समृद्धिका लागि अगाडी बढीरहेको छु, वीरगञ्जमा निर्माण हुने चिडीयाखानाले पर्यटन प्रवर्द्धन सहित त्यहाँका नागरिकको आर्थिक स्तरमा बृद्धि गर्ने मैले अपेक्षा लिएको छु ।”

वीरगंजमा चिडीया खानाका लागि लोमो समयदेखि पहल भएपनि निर्माणका लागि अनुमति प्राप्त हुन सकेको थिएन । पर्सा र बारा जिल्लाको बिचमा निर्माण गरिने उक्त चिडीया खाना अवलोकन गर्न नेपाल तथा भारतका पर्यटकहरु आउने भएकाले त्यहाँको पर्यटन प्रवर्द्धन तथा आर्थिक समृद्धि हुने अपेक्षा लिइएको मन्त्री यादवले बताउनुभयो ।

उक्त चिडीया खाना एक अर्ब एक करोड सात लाख रुपैयाँको लागतमा निर्माण गरीने भएको मन्त्रालयले जनाएको छ । चिडीया खाना निर्माणका लागि राष्ट्रिय निकुञ्ज तथा वन्यजन्तु संरक्षण विभागका उप महानिर्देशक अजय कार्कीको संयोजगत्वमा आठ सदस्यीय एक कार्यदल समिति गठन भई उक्त कार्यदल समितिले आफ्नो प्रतिवेदन समेत पेश गरीसकेको छ ।

वीरगञ्ज महानगरपालिकाको वडा नम्बर ३१ को सोलखपुर वडा नम्बर ३२ को रामवनमा प्राकृतिक चिडीयाखाना स्थापना गरीए यहाँ आन्तरिक तथा बाह्यि पर्यटक भित्रयाउन सकिने भन्दै चिडीया खाना निर्माणका लागि उपयुक्त स्थान भएको प्रतिबेदनमा उल्लेख गरिएको छ । प्रस्तावित चिडीयाखानाको क्षेत्रलभत्र पर्ने ३.१ हेकटर अतिक्रमण हटाई त्यस क्षेत्रसँग जोडिएको सबै साझेदारी वन क्षेत्रको सिमानामा तारबार गरेर मात्र स्थापना गर्नु पुर्ने, प्रस्तावित चिडीया खाना स्थापना गर्दा प्राकृतिक चिडीया खानाको साथै वन्यजन्तु उद्धार केन्द्र वन्यजन्तु प्रजनन केन्द्र, वन्यजन्तुका लागि आवश्यक पूर्वाधार तथा उचित रोकथाम, पर्यटक व्यवस्थापनमा ध्यान दिनु पर्ने एवम् जैविक विविधता शिक्षा प्रवद्धन तथा वन्यजन्तको कल्याण समेतलाई मध्यनजर गरी अन्तराष्ट्रिय मापदण्ड अनुसारको चिडिया खाना स्थापना र सञ्चालनका लागि मानवीय, प्राविधिक तथा आर्थिक स्रोतको शुनिश्चित हुने गरी प्रस्तावित चिडीया खाना स्थापना र सञ्चालन गर्नु पर्ने उक्त अध्ययन प्रतिवेदनको राय रहेको छ ।

प्रस्तावित चिडियाखाना स्थापनाको लागि वीरगञ्ज महानगरपालिकाको वडा नम्बर ३१ को सोलखपुर वडा नम्बर ३२ को रामवन क्षेत्र मध्ये वीरगञ्ज महानगरपालिका वडा नम्बर ३२ को रामवन क्षेत्रमा पर्ने सवैया साझेदारी वन उपभोक्ता समूहलेसमेत आफ्नो साझेदारी वन क्षेत्रमा प्रस्तावित चिडीया खाना स्थापनाका लागि सहमति दिएको छ । सवैया साझेदारी वनको पूर्व सिमानामा पर्ने प्रस्तावित चिडीया खानाको क्षेत्रफल ५० हेकटर रहेको जसमा घास बुट्यान क्षेत्रले ३९.४ हेकटर, सघन क्षेत्रले ७.५ र अतिक्रमण क्षेत्रले ३.१ हेक्टर ओगटेको छ ।

उष्ण साल वन क्षेत्र रहेको उक्त वन क्षेत्रमा मख्य प्रजाति साल, कर्मा रहेको छ भने कहिँले कही घुमन्ते बाघ देखिने त्यसक्षेत्रमा अन्य वन्यजन्तुमा चित्तल, खरायो, दुम्सि, वन बिरालो, पुट्के बँदेल, चौँका, सुगाँ, मैना, गरुड र सारस पनि पाइने र उक्त क्षेत्रमा घर्सने जनावरमा कोब्रा, अण्डा खाने सर्प र मुसा खाने सर्प पनि रहने गरेकाले यहाँका चिडीया खाना बनाउन उपयुक्त रहेको मन्त्री यादवले बताउनुभयो ।

आफ्नो गृह जिल्लामा चिडीया खाना निर्माण हुने तथा पर्यटक भित्रिएर यहाँका नागरिकको आयस्तरमा बृद्धि हुने भन्दै अहिले पर्सा र वीरगञ्जका नागरिक निकै खुशी हुनुका साथै मन्त्री यादवलाई धन्यवाद समेत दिन थालेका छन् ।