वीरगंज । ठाकुर राम बहुमुखी क्याम्पसकाे कर्मचारी संघ ईकाई समितिकाे निर्वाचनमा प्रगतिशिल कर्मचारी संगठन प्यानलसहित विजयी भएकाे छ । संघकाे अध्यक्षमा प्रगतिशिल संगठनका किशाेरी प्रसाद चाैधरी विजयी भएका छन् ।
चाैधरीले प्रजातान्त्रिक समुहका गिता श्रेष्ठलाई हराउँदै विजयी भएका हुन् । नेकपा (एकीकृत समाजवादी) पर्सा जिल्ला कमिटी सदस्य समेत रहेका चाैधरी यस अघि पनि संघकाे अध्यक्ष भएका थिए । उनी संघकाे उपाध्यक्ष हुँदै केन्द्रिय सदस्य समेत भइसकेका व्यक्ति हुन् ।
संघकाे उपसभापतिमा प्रगतिशिल संगठन कै रामआशिष बैठा, सचिवमा मनिषा कुमारी दनुवार, सह सचिवमा मदन पंडीत, कोषाध्यक्षमा विष्णुहरी क्षेत्री, सदस्यमा रुपा झा (मिश्रा), शिला देवी साह, चौठी राय यादव, पार्वती देवी मैनाली, सुनिल महतो कंहार, प्रजातान्त्रिक समुहका विनाेद कुमार पटेल विजयी भएका छन् ।
