वीरगंज । पर्सामा साेमबार विहान चट्याङ लागेर एक जनाकाे मृत्यु र ३ जना घाइते भएका छन् । वीरगंज महानगरपालिका वडा नं. २ ईदगाह चोकस्थित छठिमाई पोखरीको नजिकमा मेघ गर्जन सहितको चट्याङ लागी स्थानिय १५ बर्षिय सिद्दान्त उपाध्यायकाे मृत्यु भएकाे प्रहरीले जनाएकाे छ ।
चट्याङ लागेर घाईते भएकाहरुलाई तत्कालै नारायणी अस्पताल पुर्याउदा अस्पतालले उपाध्यायलाई मृत घोषणा गरेको र अन्य २ जनाको उपचार भइरहेकाे जिल्ला प्रहरी कार्यालय पर्साले जनाएकाे छ ।
साेही ठाउँ निवासी घाइते साविर हुसेनकी श्रीमती वर्ष २९ की कुलनेसा खातुनकाे नारायणी अस्पताल मै उपचार भइरहेकाे छ । खातुनकाे अवस्था मध्यम रहेकाे छ । गम्भिर घाईते घाइते वीरगंज महानगरपालिका कै वडा नं. ४ बस्ने भिखारी राउतको छोरा वर्ष १३ को अर्जुन राउतको थप उपचारको लागि नेशनल मेडिकल कलेजमा रिफर गरिएको छ ।
त्यसैगरी साेमबार विहान नै ०६:३० बजेको समयमा पर्साकाे विन्दवासिनी गाउँपालिका वडा नं. ४ अमरपट्टि्मा पनि चट्याक लागेर एक जना घाइते भएकाे प्रहरीले जनाएकाे छ ।
साेही ठाउँ निवासी वर्ष २६ का कुन्दन दास शौचालय जाने क्रममा चट्याङ लागी घाईते भएका हुन् । घाइते दासकाे नारायणी अस्पताल वीरगंजमा उपचार भइरहेकाे जिल्ला प्रहरी कार्यालय पर्साका प्रवक्ता प्रहरी नायब उपरिक्षक दिपक गिरीले वताए । उनकाे अवस्था मध्यम रहेकाे प्रवक्ता गिरीले जानकारी दिए ।
