प्रतिबन्धित २८ लाख भारतीय नोट सहित ३ महिला पक्राउ
जसपाले टिकट नदिएपछि नेसुपाबाट उम्मेदवार
वीरगंज । जनता समाजवादी पार्टी (जसपा) नेपालले टिकट नदिएपछि पर्साका दुई जना युवा नेताले नेपाल सुशासन पार्टी (नेसुपा)बाट उम्मेदवारी दिएका छन् ।
पर्साकाे क्षेत्र नं. ३ काे (क) बाट प्रदेशसभा सदस्यमा शिव कुमार साह र क्षेत्र नं. ३ कै (ख) बाट प्रदेशसभा सदस्यमा गाैरीशंकर साहले उम्मेदवारी दिएका हुन् । दुबै जना जसपाबाट साेही क्षेत्रकाे प्रदेशसभा सदस्य उम्मेदवारकाे आकांक्षी थिए । तर जसपाले टिकट नदिएपछि दुबै जना नेसुपाबाट उम्मेदवारी दिएका हुन् ।
जसपाले एमालेसंग गठबन्धन गरेपछि क्षेत्र नं. ३ काे प्रतिनिधिसभा एमालेकाे भागमा परेकाे छ । एमालेले राजकुमार गुप्तालाई उम्मेदवार बनाएकाे छ । प्रदेशसभा क्षेत्र नं. ३ काे (क) पनि एमाले कै भागमा परेकाे छ भने ३ काे (ख) जसपाकाे भागमा परेकाे छ ।
३ काे (क) मा एमालेले बर्तमान प्रदेशसभा सदस्य मंजुर अन्सारीलाई उम्मेदवार बनाएकाे छ । २०७४ काे निर्वाचनमा तत्कालिन संघिय समाजवादी फाेरम हालकाे जसपबाट निर्वाचित अन्सारीलाई जसपाले टिकट नदिने भएपछि केही समय पहिला मात्र एमाले प्रबेश गरेका थिए ।
जसपाले क्षेत्र नं. ३ काे (ख) मा डा. मधु गुप्तालाई उम्मेदवार बनाएकाे छ । डा. गुप्ता क्षेत्र नं. ३ काे प्रतिनिधि सभा सदस्य उम्मेदवारकाे आकांक्षी थिइन । उनी साेही क्षेत्रका निलम्वित प्रतिनिधिसभा सदस्य हरिनारायण राैनियारका छाेरी र डा. महेश्वर कुर्मीकी श्रीमती हुन् ।
साे क्षेत्रकाे प्रतिनिधिसभा सदस्यमा नेसुपाबाट राजकुमार यादव उम्मेदवारी दिएका छन् । यसअघिकाे २०७४ निर्वाचनमा पनि यादव क्षेत्र नं. ३ बाट प्रतिनिधिसभा सदस्यमा चुनाव लडेका थिए ।
यस क्षेत्रमा सत्तारुढ गठबन्धनबाट प्रतिनिधिसभा सदस्यमा कांग्रेसका सुरेन्द्र प्रसाद चाैधरी, प्रदेशसभा क्षेत्र नं. ३ काे (क) मा माओवादी केन्द्रका छाेटेलाल यादव, ३ काे (ख) मा कांग्रेसबाट जनार्दन सिंह क्षेत्री र नेकपा एसबाट प्रहलाद गिरीले उम्मेदवारी दिएका छन् ।
प्रदेश सभा क्षेत्र ३ काे (क) मा प्रमाेद जयसवाल, निर गिरी लगायतकाले स्वतन्त्र उम्मेदवारी पनि दिएका छन् । प्रदेशसभा सदस्य उम्मेदवारकाे जसपाबाट जयसवाल र एमालेबाट गिरी दाबेदार थिए । तर दुबै दलले दुबै जनालाई टिकट नदिए पछि स्वतन्त्र उम्मेदवारी दिएका हुन् । दुबै जना सखुवा प्रसाैनी गाउँपालिका वडा नं. ५ महुवन निवासी नै हुन् ।
माओवादीले टिकट नदिए पनि शाक्य र यादवकाे उम्मेदवारी दर्ता
वीरगंज । टिकटकाे लागि नेकपा माओवादी केन्द्र प्रबेश गरेका टेक बहादुर शाक्य र बिरेन्द्र यादवलाई पार्टीले टिकट नदिए पनि उम्मेदवारी दर्ता गराएका छन् ।
केही दिन पहिला मात्र जनता समाजवादी पार्टी परित्याग गरि माओवादी केन्द्र प्रबेश गरेका शाक्यले राष्ट्रिय स्वतन्त्र पार्टीबाट पर्सा क्षेत्र नं. ४ काे प्रतिनिधिसभा सदस्यमा उम्मेदवारी दिएका छन् भने यादवले स्वतन्त्रबाट प्रदेशसभा क्षेत्र नं. ४ काे (क) मा उम्मेदवारी दर्ता गराएका छन् ।
शाक्यले पर्सा क्षेत्र नं. ४ कै प्रतिनिधिसभा सदस्य र यादवले पर्सा क्षेत्र नं ४ कै (क) बाट प्रदेशसभा सदस्यकाे टिकट पाउने आशमा माओवादी केन्द्र प्रबेश गरेका थिए । तर साे क्षेत्रहरु गठबन्धनका कांग्रेसकाे भागमा परेपछि प्रतिनिधिसभा सदस्यमा रमेश रिजाल र प्रदेशसभा सदस्य शंकर चाैधरीले उम्मेदवारी दर्ता गराएका छन् ।
पर्सा क्षेत्र नं. ४ काे (ख) माओवादी केन्द्रकाे भागमा परेपनि त्यस क्षेत्रमा माओवादीले शेखचान्द तारालाई उम्मेदवार बनाएकाे छ ।
स्थापना दिवसको अवसरमा प्रभु हस्पिटलमा ५० प्रतिशत छुट
वीरगंज । प्रभु हस्पिटलले आफनो तेस्रो स्थापना दिवसको अवसरमा ५० प्रतिशत ओपिडि छुट सहितको साता व्यापी कार्यक्रमहरु गर्न लागेको छ । वीरगंजको पानीटंकीमा रहेको प्रभु हस्पिटलले वृक्षा रोपण, शैक्षिक सामाग्री वितरण, पाठेघर क्यान्सरको जचेतना सहित रक्तदान कार्यक्रम लगायतको कार्यक्रमहरु गर्न लागेको हाे ।
हस्पिटलले स्थापना दिवसको अवसरमा आइतबार वृक्षारोपण कार्यक्रम गरेकाे छ । त्यसैगरी सोमबार न्यूरो ओपिडी, मंगलबार अर्थो, बुधबार पेडिया डेन्टिरस, विहिबार फिजिसियन कार्डो, शुक्रबार गाईनो र सर्जन ओपिडिमा ५० प्रतिशतको छुट सहितको सुविधा विरामीहरुका लागी दिन लागेको हस्पिटलले जनाएकाे छ ।
हस्पिटलको स्थापना दिवसको अवसरमा पाठेघरको क्यान्सर र असन्तुलित हर्मोन सम्बन्धी जनचेतनाको साथै चाडपर्व र डेङ्गु रोगको प्रकोपलाई लक्ष्ति गर्दै शनिवार वृहत रक्तदान कार्यक्रम गर्न लागेको हस्पिटलका संचालक डा. मनोज गुप्ताले जानकारी दिए ।
खासमा उमेर बढेसंग महिलामा हुने असन्तुलित हर्मोनको कमि र पाठेघरको क्यान्सरबारे मधेश प्रदेशमै जनचेतनाको कमि भएकाले त्यसबारे जानकारीका लागी जनचेतना लगायतको कार्यक्रम गर्न लागेको हस्पिटलकी बरिष्ठ स्त्री तथा प्रसुति रोग विशेषज्ञ डा. लक्ष्मी थापाले जानकारी दिइन ।

स्थापना दिवसको अवसरमा आज हस्पिटल अगाडी भएको वृक्षारोपण कार्यक्रममा वडा नं. ८ का पुर्व वडाध्यक्ष राजकिशोर गुप्ता, हालका वडा सदस्य गफार अन्सारी, टोल सुधार समितिका अध्यक्ष संजय श्रीवास्तव, मिना बजार सामुदायिक प्रहरी सेवा केन्द्रका अध्यक्ष बासु सहनि, उपाध्यक्ष प्रवेज सरार्फ, कोषाध्यक्ष रामाधार सरार्फ, हस्पिटलका संचालकद्वय डा. मनोज गुप्ता, डा. लक्ष्मी थापा गुप्ता, सामाजिक अभियन्ता दिलिप राज कार्की लगायतको उपस्थिति रहेको थियो ।
वीरगंजमा जसपाको क्षेत्रीय सम्पर्क कार्यालय स्थापना, वनमन्त्री यादवद्वारा उद्घाटन
वीरगंज । आगामी प्रतिनिधिसभा तथा प्रदेशसभा सदस्यको निर्वाचनलाई लक्षित गर्दै जनता समाजवादी पार्टी (जसपा) पर्साले आफ्ना गतिविधि अगाडि बढाएको छ । आइतबार मनोनयन दर्ता सम्पन्न भए लगतै जसपाले वीरगंजमा पार्टीको सम्पर्क तथा क्षेत्रीय कार्यालय स्थापना गरेर निर्वाचन लक्षित गतिविधिहरु अगाडि बढाएको हो ।
सोमबार नेपाल सरकारका वन तथा वातावरणमन्त्री प्रदीप यादवले वीरगंजमा क्षेत्रीय सम्पर्क कार्यालयको उद्घाटन गरेका छन् । वनमन्त्री यादव पर्सा क्षेत्र नम्बर १ बाट प्रतिनिधिसभा सदस्यका लागि उम्मेदवार हुन् ।
वीरगंजकाे मुर्ली टोलमा स्थापित कार्यालयको यादवले रिबन काटेर उद्घाटन गरेको थिए । क्षेत्रीय सम्पर्क कार्यालयबाट आगामी निर्वाचनसँग सम्बन्धित गतिविधिहरु सञ्चालन हुने पार्टीले जनाएको छ ।
क्षेत्रीय सम्पर्क कार्यालय उद्घाटन गर्दै यादवले आगामी निर्वाचनमा आफू निर्विकल्प भएको बताए । पाँच वर्षसम्म जनताको सेवामा निरन्तर खटेर आफूले क्षेत्रमा विकासको लहर ल्याएको दावी गर्दै जनताले आफ्नो कामको मूल्यांकन गरेर पुन: निर्वाचित गराउने बताए । यादव यसअघि पनि यसै क्षेत्रबाट निर्वाचित प्रतिनिधिसभा सदस्य हुन् ।
उद्घाटनमा मधेश प्रदेशका मुख्यमन्त्री लालबाबु राउत, जिल्ला समन्वय समिति पर्साका सभापति अजय सोनार, पूर्व सभापति नेक मोहम्मद मियाँ अन्सारी लगायतको उपस्थिति रहेको थियो ।
पर्सामा दुई गठबन्धनका उम्मेदवार बिच कडा प्रतिस्पर्धा
वीरगंज । पर्साकाे चार वटै निर्वाचन क्षेत्रमा दुई गठबन्धन बिच कडा प्रतिस्पर्धा हुने भएकाे छ । नेपाली कांग्रेस, नेकपा माओवादी केन्द्र, नेकपा एकीकृत समाजवादी, लाेकतान्त्रिक समाजवादीसहितकाे पांच दलिय सत्तारुढ गठबन्धन र नेकपा एमाले-जनता समाजवादीकाे गठबन्धन बिच प्रतिस्पर्धा देखिएकाे हाे ।
दुबै गठबन्धनबाट आइतबार पर्साकाे चार वटा प्रतिनिधिसभा निर्वाचन क्षेत्र र ८ वटा प्रदेशसभा निर्वाचन क्षेत्रमा उम्मेदवारी दर्ता भएकाे छ ।
सत्तारुढ गठबन्धनबाट पर्सा निर्वाचन क्षेत्र नं. १ काे प्रतिनिधिसभामा लाेसपाका लक्षमण लाल कर्णले उम्मेदवारी दिएका छन् । प्रदेशसभा निर्वाचन क्षेत्र नं. १ काे (क) मा माओवादी केन्द्रका रहबर अन्सारी र १ काे (ख) मा कांग्रेसका रामनारायण कुर्मीले उम्मेदवारी दर्ता गराएका छन् ।
एमाले-जसपा गठबन्धनबाट क्षेत्र नं. १ कै प्रतिनिधिसभा सदस्यमा संघिय सरकारका वन तथा बाताबरण मन्त्री जसपाका प्रदिप यादवले उम्मेदवारी दिएका छन् । प्रदेशसभा क्षेत्र नं. १ को (क)मा एमालेका बिचारी यादव र १ को (ख) मा जसपाका मधेश प्रदेशका मुख्यमन्त्री लालबाबु राउत गद्दीले उम्मेदवारी दिएका छन् ।
क्षेत्र नं. १ काे प्रतिनिधिसभा सदस्यमा कांग्रेसका अजय कुमार द्विवेदीले स्वतन्त्र उम्मेदवारी दर्ता गराएका छन । प्रदेशसभा क्षेत्र नं. १ काे (ख) मा लाेसपाका ओमप्रकाश सर्राफ पनि स्वतन्त्रबाट उम्मेदवारी दिएका छन् ।
त्यसैगरी पर्सा निर्वाचन क्षेत्र नं. २ काे प्रदेशसभा सदस्यमा सत्तारुढ गठबन्धनबाट कांग्रेसका अजय चाैरसियाले उम्मेदवारी दिएका छन् । प्रदेशसभा निर्वाचन क्षेत्र नं. २ काे (क) मा कांग्रेस कै श्याम पटेल र २ काे (ख) मा लाेसपाका रमेश कुर्मीले उम्मेदवारी दिएका छन् ।
यसअघिकाे २०७४ काे निर्वाचनमा प्रदेशसभा निर्वाचन क्षेत्र नं. २ काे (क) बाट कांग्रेसका राजेश्वर साह विजयी भएपनि यसपालिकाे निर्वाचनमा कांग्रेसले उनलाई टिकट दिएन ।
एमाले-जसपा गठबन्धनबाट क्षेत्र नं. २ काे प्रतिनिधिसभा सदस्यमा जसपाका सुरेन्द्र कुर्मीले उम्मेदवारी दिएका छन् । प्रदेशसभा क्षेत्र नं. २ काे (क) मा जसपाका रामनरेश यादव र २ काे (ख) एमालेका हरेराम पटेलले उम्मेदवारी दिएका छन् ।
क्षेत्र नं. २ काे (ख) मा प्रदेशसभा सदस्यमा जसपा कै करिमा बेग्म, मुकेश द्विवेदी, लाेसपाका शशिकपुर मियाँ लगायतकाले स्वतन्त्र उम्मेदवारी पनि दिएका छन् ।
यसैगरी पर्सा कै निर्वाचन क्षेत्र नं. ३ काे प्रतिनिधिसभा सदस्यमा सत्तारुठ गठबन्धनबाट कांग्रेसका सुरेन्द्र प्रसाद चाैधरीले उम्मेदवारी दर्ता गराएका छन् । प्रदेशसभा निर्वाचन क्षेत्र नं. ३ काे (क) मा माओवादी केन्द्रबाट छाेटेलाल यादव र ३ काे (ख) मा कांग्रेसबाट जनार्दन सिंह क्षेत्री र एकीकृत समाजवादीबाट प्रहलाद गिरीले उम्मेदवारी दर्ता गराएका छन् ।
प्रतिपक्षि एमाले-जसपा गठबन्धनबाट क्षेत्र नं. ३ काे प्रतिनिधिसभा सदस्यमा एमालेबाट राजकुमार गुप्ताले उम्मेदवारी दिएका छन् । प्रदेशसभा निर्वाचन क्षेत्र नं. ३ काे (क) मा एमालेबाट मंजुर अन्सारी, ३ काे (ख) मा जसपाकी डा. मधु गुप्ताले उम्मेदवारी दर्ता गराएका छन् ।
क्षेत्र नं. ३ काे प्रतिनिधिसभा सदस्य मै नेपाल सुशासन पार्टीबाट राजकुमार यादव, प्रदेशसभा क्षेत्र नं. ३ काे (क) शिव कुमार साह र ३ काे (ख) मा गाैरीशंकर साहले उम्मेदवारी दर्ता गराएका छन् । जसपाबाट प्रदेशसभा सदस्यकाे अकांक्षी रहेका शिव र गाैरीशंकलाई जसपाले टिकट नदिएपछि दुबै जना नेपाल सुशासन पार्टीबाट उम्मेदवारी दिएका हुन् ।
प्रदेशसभा निर्वाचन क्षेत्र नं. ३ काे (क) मा प्रमाेद जयसवाल र निर गिरी लगायतकाले स्वतन्त्र उम्मेदवारी दर्ता गराएका छन् । जयसवाल जसपाबाट र गिरी एमालेबाट प्रदेशसभा सदस्यका आकांक्षी थिए । दुबै जनालाई दुबै दलले टिकट नदिएपछि स्वतन्त्र उम्मेदवारी दिएका हुन् । दुबै जना सखुवा प्रसाैनी गाउँपालिका वडा नं. ६ महुवनका हुन् ।
यसैगरी पर्सा क्षेत्र नं. ४ काे प्रतिनिधिसभा सदस्य सत्तारुढ गठबन्धनबाट कांग्रेसका रमेश रिजालले उम्मेदवारी दिएका छन् । गठबन्धन कै तर्फबाट प्रदेशसभा निर्वाचन क्षेत्र नं. ४ काे (क) मा कांग्रेस कै बर्तमान प्रदेशसभा सदस्य शंकर चाैधरी र ४ काे (ख) मा माओवादी केन्द्रकी शेखचान्द ताराले उम्मेदवारी दिएका छन् ।
प्रतिपक्षि गठबन्धनबाट प्रतिनिधिसभा सदस्यमा एमालेबाट जालिम मियाँले उम्मेदवारी दिएका छन् । प्रदेशसभा निर्वाचन क्षेत्र नं. ४ काे (क) मा एमाले कै जयप्रकाश थारु र ४ काे (ख) मा जसपाका बर्तमान प्रदेशसभा सदस्य सिंघासन साह कलवारले उम्मेदवारी दिएका छन् ।
पर्सा ४ मा सत्तारुढ गठबन्धनबाट रिजाल, चाैधरी र तारा उम्मेदवार
वीरगंज । पर्सा निर्वाचन क्षेत्र नं. ४ काे प्रतिनिधिसभा सदस्यमा सत्तारुढ गठबन्धनबाट नेपाली कांग्रेसका रमेश रिजालले उम्मेदवारी दिएका छन् । कांग्रेसका केन्द्रिय सदस्य समेत रहेका नेता रिजाले आइतबार दिउसाे मुख्य निर्वाचन अधिकृतकाे कार्यालय लंगडीमा पुगेर आफ्नाे मनाेनयन पत्र दर्ता गराएका हुन् ।
मनाेनयन पत्र दर्ता गराएपछि नेता रिजालले संचारकर्मीहरुसंग कुरा गर्दै अब आफु जनतामा जाने र जनताले दिएकाे आदेशकाे पालना गर्ने वताए । उनले आफु जनताकाे सेवक भएकाे वताउँदै जनताले आफुलाई जिताउनेमा विश्वस्त रहेकाे वताए ।
उनले आफ्नाे मुख्य एजेन्डा गरिबी भएकाे वताउँदै गरिबीकाे विरुद्धमा लडनु पर्ने अहिलेकाे अवश्यकता रहेकाे वताए ।
गठबन्धन कै तर्फबाट प्रदेशसभा निर्वाचन क्षेत्र नं. ४ काे (क) मा कांग्रेस कै बर्तमान प्रदेशसभा सदस्य शंकर चाैधरी र ४ काे (ख) मा नेकपा माओवादी केन्द्रकी शेखचान्द ताराले उम्मेदवारी दिएका छन् ।
पर्सामा एउटै क्षेत्रमा सत्तारुढ गठबन्धनबाट दुई जना उम्मेदवार
वीरगंज । पर्सा निर्वाचन क्षेत्र नं. ३ काे (ख) मा सत्तारुढ गठबन्धनबाट दुई जना उम्मेदवारी दर्ता गराएका छन् । ५ दलिय सत्तारुढ गठबन्धनका नेपाली कांग्रेसबाट जनार्दन सिंह क्षेत्री र नेकपा (एकीकृत समाजवादी) बाट प्रहलाद गिरी उम्मेदवारी दिएका हुन् ।
प्रदेशसभा सदस्यमा उम्मेदवारी दिएका क्षेत्री कांग्रेस पर्साका जिल्ला सभापति हुन् भने गिरी बर्तमान प्रदेशसभा सदस्य हुन् ।
पर्सा निर्वाचन क्षेत्र नं. ३ काे प्रतिनिधिसभा सदस्यमा सत्तारुढ गठबन्धनबाट कांग्रेस कै सुरेन्द्र प्रसाद चाैधरीले उम्मेदवारी दिएका छन् । प्रदेशसभा निर्वाचन क्षेत्र नं. ३ काे (क) मा नेकपा माओवादी केन्द्रबाट छाेटेलाल प्रसाद यादवले उम्मेदवारी दर्ता गराएका छन् ।
प्रतिनिधिसभा र प्रदेशसभा ३ काे (क) मा उम्मेदवारकाे टुङ्गाे लागेपनि ३ काे (ख) मा कांग्रेस र एकीकृत समाजवादी दुबैकाे दाबी देखिएकाे छ ।
यस क्षेत्रमा कांग्रेसबाट जिल्ला सभापति क्षेत्री स्वयम् आकांक्षी रहेका कारण कांग्रेस पर्साले छाडन मानेका छैनन् भने एकीकृत समाजवादी पर्सामा कमसेकम एउटा पनि सिट पाउनु पर्ने अडान कारण टुंगाे लाग्न नसकेकाे हाे ।
सिटबाँडफाडकाे समझाैता पत्रमा समेत साे क्षेत्रमा दुबै दलकाे नाम लेखिएका कारण दुबै दलले उम्मेदवारी दिएकाे बुझिएकाे छ ।
यस अघिकाे २०७४ काे निर्वाचनमा पनि गिरी र क्षेत्री बिच नै प्रतिस्पर्धा भएकाे थियाे । गिरी तत्कालिन संघिय समाजवादी फाेरमबाट चुनाव लडेका थिए भने क्षेत्री कांग्रेसबाट नै चुनाव लडेका थिए ।
अजय द्विवेदीले दिए स्वतन्त्र उम्मेदवारी
वीरगंज । नेपाली काँग्रेस पर्साका पूर्व सभापति अजय द्विवेदीले प्रतिनिधीसभा सदस्यमा स्वतन्त्र उम्मेदवारी दिएका छन् ।संविधानसभा सदस्य समेत रहेका द्विवेदीले पर्साको निर्वाचन क्षेत्र नम्बर १ बाट प्रतिनिधीसभामा स्वतन्त्रबाट उम्मेदवारी दर्ता गराएका हुन् ।
द्विवेदी, अन्तिम समय सम्म पार्टीबाट नै टिकट पाउनु पर्ने अडानमा थिए । तर शनिबार राति सत्तागठबन्धनमा रहेको काँग्रेस र लोसपा बिच चुनावी तालमेल गर्ने सहमति भएपछि पर्साा क्षेत्र नम्बर १ लाोसपाको भागमा परेको थियो ।
त्यसपछि द्धिवेदीले आइतबार दिउँसो वीरगंजस्थित मुख्य निर्वाचन अधिकृतको कार्यालयमा पुगेर मनोनयन दर्ता गराएका हुन् ।
इसअघि पनि द्विवेदीले पार्टीबाट टिकट नपाए आफु स्वतन्त्रवाट भएपनि चुनाव जसरी पनि लड्ने घोषणा गरेका थिए । त्यहि बिचमा उनि, एमालेबाट पनि चुनाव लड्न सक्ने चर्चा चलेको थियो ।
मनोनयन दर्ता गराएपछि प्रतिक्रिया दिदै शुरु मै द्विवेलीले भने ,‘ मेरो उम्मेदवारी विभेदको खिलाफ विद्रोह हो, अन्यायको खिलाफ विद्रोह हो ।
उनले अहिले दलहरु बिच गरिएको गठबन्धनलाइ ठगबन्धनको संज्ञा पनि दिए । गठबन्धनको जालोमा परेर पार्टीले आफुलाइ टिकट नदिएपनि आम काँग्रेसी नेता कार्यकर्ता र क्षेत्रका मतदाताको चाहनना अनुसार उम्मेदवारी दिएको उनले बताए ।
सत्तागठबन्धन र लोसपा बिच भएको चुनावी तालमेलको सहमतिमा पर्सा १ लोसपाले पाएको छ । लोसपाबाट यो क्षेत्रमा नेता लक्ष्मणलाल कर्णले उम्मेदवारी दिएका छन् ।
२०५४ सालको स्थानिय निकायको निर्वाचनमा तत्कालीन वीरगंज उपमहानगरपालिकाको उपमेयरमा निर्वाचित द्विवेदी २०६४को पहिलो संविधान निर्वाचनमा पर्सा २ बाट निर्वाचित भएका थिए । २०७४ को स्थानीय तहको निर्वाचनमा उनि वीरगंज महानगरको मेयरमा पराजित भएका थिए ।












