Date
मङ्ल, मंसिर १, २०८३
Tue, November 17, 2026
Home Blog Page 618

पर्सा क्षेत्र नं. ४ बाट दुई जनाकाे उम्मेदवारी फिर्ता

0

वीरगंज । पर्सा निर्वाचन क्षेत्र नं. ४ बाट प्रतिनिधिसभा सदस्य पदमा उम्मेदवारी दर्ता गराएका दुई जनाले आफ्नाे उम्मेदवारी फिर्ता लिएका छन् ।

प्रतिनिधिसभा सदस्यमा राष्ट्रिय स्वतन्तत्र पार्टीबाट मनाेनयन पत्र दर्ता गराएका टेक बहादुर शाक्य र स्वतन्त्र मनाेनयन पत्र दर्ता गराएका महमद कलिम मंसुरीले आफ्नाे नाम फिर्ता लिएकाे निर्वाचन अधिकृतकाे कार्यालय पर्सा क्षेत्र नं. ४ ले जनाएकाे छ ।

निर्वाचन अधिकृतको कार्यालय क्षेत्र नं. ४ लंगडी पर्सामा निज उम्मेदवारहरुले आफै उपस्थित भई निवेदन पेश गरेको हुँदा प्रतिनिधि सभा सदस्य निर्वाचन ऐन, २०७४ को दफा २५ को उपदफा (४) बमोजिम निजको नाम उम्मेदवारको सूचीबाट हटाईएकाे निर्वाचन अधिकृत रमेश श्रेष्ठले जानकारी दिए ।

उम्मेदवारी फिर्ता लिने मध्येका शाक्य नेकपा माओवादी केन्द्रका केन्द्रिय सदस्य हुन् । उनी केहि दिन पहिला मात्र जसपा परित्याग गरि माओवादी केन्द्रमा प्रबेश गरेका थिए । उनी माओवादी केन्द्रबाट प्रतिनिधिसभा सदस्यकाे टिकटकाे लागि आकांक्षी थिए । तर गठबन्धनका कारण साे क्षेत्र नेपाली कांग्रेसकाे भागमा परेपछि उनी राष्ट्रिय स्वतन्त्र पार्टी उम्मेदवारी दर्ता गराएका थिए ।

जिराभवानीबाट लागु औषध गाँजा सहित दुई जना पक्राउ

0

वीरग‌ज ।  पर्साकाे जिराभावानी गाउँपालिका वडा नं. १ जगतियाबाट प्रहरीले लागु औषध गाँजासहित दुई जनालाई पक्राउ गरेकाे छ । ईलाका प्रहरी कार्यालय सेढवाबाट खटिएको प्रहरी टोलीले पर्सा धोबिनी गा.पा.वडा नं. ५ निवासी ४५ बर्षिय नन्दलाल दास र छिपहरमाई गाउँपालिका वडा नं. ३ निवासी ३३ बर्षिय बाघा यादवलाई पक्राउ गरेकाे हाे ।

मंगलबार विहान १०:२० बजे जगतिया चौक स्थित खटिएको प्रहरी टोलीले बिभिन्न सवारी साधन तथा पैदल यात्रीहरु समेतलाई चेकजाँच गर्ने क्रम्मा विजयवस्तीबाट वीरगंज तर्फ जादै गरेको बिआर २२ के २१८० नम्बरको हिरो होण्डा स्प्लेंडर मोटरसाइकल रोकी कानूनी रीत पुर्‍याई चेकजाँच गर्दा उक्त मोटरसाइकलको डिकी भित्र र माेटरसाइकल चालक नन्दलाल दासले पिठ्युमा भिरेको झोला भित्र अवैध लागु पदार्थ (गाँजा) फेला परेको प्रहरीले जनाएकाे छ ।

सो सम्बन्धमा सोधपुछ गर्दा उक्त लागु औषध निजकै साथी बाघा यादवले दिएको खुल्न आएकाे जिल्ला प्रहरी कार्यालय पर्साले जनाएकाे छ । सोही समयमा निज बाघा यादव समेत सो स्थानमा आई पुगेकोले निजसंग सोधपुछ गर्दा हामी दुवै जना मिली ल्याएको हो प्रारम्भिक अनुसन्धानमा बुझिएको जिल्ला प्रहरी कार्यालय पर्साका प्रवक्ता प्रहरी नायब उपरिक्षक दिपक गिरीले वताए ।

उक्त अवैध लागु औषध (गाँजा) वसार पसारमा संलग्नता देखिएको दुवै जनालाई कानुनी रीत पुर्‍याई लागु औषध बोक्न प्रयोग रहेको उल्लेखीत मोटरसाइकल र बरामद गाँजा तथा निजहरूलाई पक्राउ गरी थप अनुसन्धान भैरहेको प्रवक्ता गिरीले जानकारी दिए ।

सशस्त्र प्रहरीले भन्सार छलिकाे सामान बाेकेकाे ३ ट्रक नियन्त्रणमा लिएर राअका बुझायाे

0

वीरगंज । सशस्त्र प्रहरीले रु. एक करोड १३ लाख ४८ हजार ८ सय ५८ बराबरको ३ वटा ट्रक सहितको सामान नियन्त्रणमा लिई राजश्व अनुसन्धान कार्यालय पथलैयामा बुझाईएको छ ।

साेमबार राति ११:३० बजेको समयमा विरगंज महानगरपालिकाकाे वडा नं. २४ स्थित रामगढवामा वि.ओ.पि. ड्राईपोर्ट र वि.ओ.पि. सिर्सियाबाट खटिएको संयुक्त टोलिले क्यारियर्समा विलमा उल्लेख भए भन्दा बढि सामान लोड भएकोना ३ ख १००९, ना ६ ख ७१ र ना ६ ख १८७८ नम्बरकाे ट्रक नियन्त्रणमा लिएकाे हाे ।

विशेष सुचनाको आधारमा मूल्य रु ९० लाख बराबरको ३ वटा ट्रक र उक्त ट्रकहरुमा लोड भएको रु. २३ लाख ४८ हजार ८ सय ५८ बराबरको कस्मेटीक सामान, लेडिज जुत्ता, स्टेसनरीको सामान, ईलेक्ट्रिक सामानहरु नियन्त्रणमा लिइएकाे सशस्त्र प्रहरी बल नं. १३ गण पर्साका सुचना अधिकारी सशस्त्र प्रहरी नायब उपरिक्षक सन्ताेष बस्नेले जानकारी दिए ।

जम्मा मुल्य रु. १ कराेड १३ लाख ४८ हजार ८ सय ५८ बराबरको सामान सहितकाे ३ वटा ट्रक नियन्त्रणमा लिई आवश्यक कारवाहिको लागि राजश्व अनुसन्धान कार्यालय पथलैयामा बुझाईएको सुचना अधिकारी बस्नेतले जानकारी गराए ।

जय माँ दुर्गा रोड क्यारियर्सबाट लोड भएको ना ३ ख १००९ नम्बर ट्रककाे सामानको मुल्य रु. १० लाख ५४ हजार ६ सय ३६, श्री दुर्गा रोड क्यारियर्सबाट लोड भएको ना ६ ख ७१ नम्बरकाे ट्रककाे सामानको मुल्य रु ९ लाख ३२ हजार ६ सय ८० र श्री दुर्गा रोड क्यारियर्सबाट लोड भएको ना ६ ख १८७८ नम्बरकाे ट्रककाे सामानको मुल्य रु. ३ लाख ६१ हजार ५ सय ३७ रहेकाे सशस्त्र प्रहरीले जनाएकाे छ ।

पर्सामा करेन्ट लागेर दुई जनाकाे मृत्यु

0
सांकेतिक तस्बिर

वीरगंज । पर्सामा करेन्ट लागेर एकै दिन दुई जनाकाे मृत्यु भएकाे छ । धोबिनी गाउँपालिकाकाे वडा नं. ३ हरिहरपुर निवासी ३० बर्षिय सैफुल्ला अंसारी र वीरगंज महानगरपालिकाकाे वडा नं.९ रानिघाट निवासी ६० बर्षिय धुर्ब प्रसाद साहकाे मृत्यु भएकाे प्रहरीले जनाएकाे छ । 

वीरगंज महानगरपालिकाकाे वडा नं. २६ स्थित रामकिशोर प्रसाद कुर्मीको घरको दोस्रो तल्लामा प्लास्टर गर्ने क्रममा साेमबार सांझ ६:३० बजेको समयमा सैफुल्ला अंसारीलाई विधुतको पोलको तारमा अचानक करेन्ट लागी मृत्यु भएको जिल्ला प्रहरी कार्यालय पर्साले जनाएकाे छ ।

ईलाका प्रहरी कार्यालय सुगौली विर्ताबाट खटि गएको प्रहरी टोलीले मृतक सैफुल्ला अंसारीको घटनास्थल तथा लास जाँच प्रकृती मुचुल्का लगायतको अनुसन्धान कार्य सम्पन्न गरी थप अनुसन्धान कार्य गरिरहेकाे जिल्ला प्रहरी कार्यालय पर्साका प्रवक्ता प्रहरी नायब उपरिक्षक दिपक गिरीले वताए ।

त्यसैगरी साेमबार दिउसाे १२:२५ बजेको समयमा वीरगंज महानगरपालिका कै वडा नं.०८ बसपार्कस्थित शत्रुधन सराफको घरको छाना सफा गर्ने क्रम्मा ज्यालादारीमा काम गर्ने वीरगंज महानगरपालिका कै वडा नं. ९ रानिघाट निवासी बर्ष ६० को धुर्ब प्रसाद साहलाई विधुतिय तारमा अचानक करेन्टलागी भुईमा लडी घाइते भएका थिए । 

घाइते साहलाई तत्कालै उपचारको लागि आसाराम अस्पतालमा वीरगंज पठाइएकोमा घाईतेको मृत्यु भएको चिकित्सकले घोषण गरे पश्चात मृतक धुर्ब प्रसाद साहको घटनास्थल तथा लास जाँच प्रकृती मुचुल्का लगायतको अनुसन्धान कार्य सम्पन्न गरी थप अनुसन्धान कार्य भैरहेको प्रवक्ता गिरीले जानकारी दिए ।

पर्सामा एक महिलाले जन्माइन तिम्ल्या बच्चा

0

वीरगंज । पर्साकी एकजना महिलाले तिम्ल्या बच्चालाई जन्म दिएकी छन् । वीरगंजकाे विर्तास्थित नारायणी सेन्टरल अस्पतालमा पर्साको कालिकामाई गाउँपालिका वडा नम्बर ९ हरियरपुरकी कविता देवीले तिम्ल्या बच्चालाई जन्म दिएकी हुन् ।

कविताले २ छोरा र १ छोरी गरेर ३ जना बच्चालाई जन्म दिएको नारायणी सेन्टरल अस्पतालले जनाएको छ । प्रसव पिडा पछि अस्पताल भर्ना भएकी कविताले सोमबार शल्यक्रिया मार्फत बच्चा जन्माइएको अस्पताले जनाएकाे छ । 

जन्मेका बच्चाहरुको स्वास्थ्य अवस्था सामान्य रहेको र अहिले उनीहरुलाई आमासहित चिकित्सकको निगरानीमा राखिएको अस्पतालका निर्देशक प्रा. डा. प्रमोद कुमार सर्राफले जानकारी दिए ।

कविताको अस्पतालकी स्त्री तथा प्रसुती रोग विशेषज्ञ डा. प्रियंका चौधरीले शल्यक्रिया गरेकी थिइन भने बच्चाहरुको उपचार डा. विकाश शाह र डा. भुनेश कुमार बादलले गरिरहेका छन् ।

गण्डक अस्पतालले सशस्त्र प्रहरीकाे उपचारमा छुट उपलब्ध गराउने

0

वीरगंज । गण्डक अस्पतालले सशस्त्र प्रहरी बल नेपालमा बहालवाला सशस्त्र प्रहरी कर्मचारीहरु तथा पूर्व सशस्त्र प्रहरी कर्मचारीहरु र निजका परिवारका विभिन्न रोगका बिरामीहरुलाई स्वास्थ्य उपचार सेवामा शुल्क छुट सुविधा उपलब्ध गराउने भएकाे छ ।

सशस्त्र प्रहरी बल, नेपाल नं. १२ गण हे. क्वा. बाराकाे समन्वयमा सशस्त्र प्रहरी बल नेपाल नेपाल नं. २ छिन्नमस्ता बाहिनी मुख्यालय महोत्तरी र गण्डक अस्पताल प्रा.लि.बीच छुट उपलब्ध गराउन साेमबार सम्झौता भएकाे छ ।

दुईपक्षिय सम्झाैता अनुसार ओपिडी सेवामा २० प्रतिशत, साधारण प्याथोलोजी जाँच, ल्यावको स्पेशल टेष्टहरुमा, रेडियोलोजी जाँचहरु र साधारण बेड चार्जमा लाग्ने दस्तुरमा २५ प्रतिशत, आई.सि.यू., एन.आई.सी.यू. र.ए.सी. वार्डको बेड चार्जमा २५ प्रतिशत, एम.आर.आई. र सि.टि. स्क्यानमा १५ प्रतिशत, ओटी सेवामा चिकित्सक पारिश्रमिक बाहेक १५ प्रतिशत लगायतकाे सेवामा अस्पतालले छुट उपलब्ध गराउने छ ।

यसका साथै विशेष परिस्थितिमा उल्लेखित सेवाग्राहीहरुको पारिवारिक आर्थिक अवस्था नाजुक रहेको पाईएमा दुबै पक्षको आपसी सहमतिमा छुट सुविधा बाहेक अन्य थप सुविधा समेत उपलब्ध गराउन सकिने अस्पतालका संचालक रहबर अन्सारीले वताए ।

छुट सुविधा प्राप्तिको लागि उपचार अवधि भित्रमा बहालवाला सशस्त्र प्रहरी कर्मचारीहरूले सशस्त प्रहरी बल, नेपालबाट जारी भएको परिचय पत्र पेश गर्नुपर्नेछ । 

समझाैता पत्रमा सशस्त्र प्रहरी बल नेपालकाे तर्फबाट सशस्त्र प्रहरी बल नेपाल नेपाल नं. २ छिन्नमस्ता बाहिनीका सशस्त्र प्रहरी नयाब महानिरिक्षक गणेश बहादुर ठाडा मगर र गण्डक अस्पतालकाे तर्फबाट अस्पतालका प्रबन्ध निर्देशक डा.ए.इ. अन्सारीले हस्ताक्षर गरेका छन् ।

समझाैताकाे साक्षीमा सशस्त्र प्रहरीकाे तर्फबाट सशस्त्र प्रहरी उपरिक्षक राजेन्द्र थापा र अस्पतालकाे तर्फबाटअस्पतालका संचालक रहबर अन्सारीले हस्ताक्षर गरेका छन् ।

बागी उम्मेदवारी फिर्ता लिन जसपा-एमाले गठबन्धनको आग्रह, कारवाहीको चेतावनी

0

वीरगंज । गठबन्धनको निर्णय विपरित बागी उम्मेदवारी दिएकाहरुलाई जसपा-एमाले गठबन्धनले उम्मेदवारी फिर्ता लिन आग्रह गरेको छ । 

वृहत लक्ष्यका साथ चुनावी गठबन्धन गरेको जसपा-एमाले बागी उम्मेदवारी दिएका जुनसुकै नेताले तोकिएको समयभित्र उम्मेदवारी फिर्ता नलिएमा कारवाही गर्ने चेतावनीसमेत दिएको छ ।

सोमबार वीरगञ्जमा बसेको जसपा-एमालेको बैठकले पार्टीबाट बाघी भई उम्मेदवारी दिनेहरुलाई आ-आफ्नो उम्मेदवारी फिर्ता लिन लगाउने र नलिएका खण्डमा कारवाही गर्ने निर्णय गरेको हो ।

आगामी मङ्सिर ४ गते हुने प्रतिनिधिसभा तथा प्रदेशसभा निर्वाचनका लागि आइतबार उम्मेदवारी दर्ता गराउने क्रममा जसपा र एमालेका केही नेताहरुले बाघी उम्मेदवारी दर्ता गराएका छन् । 

वन तथा वातावरणमन्त्री प्रदीप यादवले गठबन्धनका आधिकारिक उम्मेदवारविरुद्ध मनोनयन दर्ता गराएका सबैलाई मङ्गलबारसम्म फिर्ता लिन आग्रह गरिएको जानकारी दिए ।  उनले भने, ‘केही साथीहरूलाई चित्त नबुझेको अथवा तलमाथि भएको भन्ने परेको हुन सक्छ, उहाँहरूलाई कहीँ न कहीँ व्यवस्थापन गर्ने विषयमा दुवै पार्टीले सोचेको छ । पार्टीको सिपाही भएका नाताले उहाँहरूले उम्मेदवारी फिर्ता लिनुहुन्छ र गठबन्धनका साझा उम्मेदवारहरुलाई निर्वाचित गराउन लाग्नु हुन्छ भन्ने विश्वास लिएका छौँ ।’

त्यस्तै बैठकले गठबन्धनका संयुक्त उम्मेदवारहरुलाई जिताउनका निमित्त एउटा दुवै पार्टीका जिल्ला अध्यक्षको संयुक्त संयोजकत्वमा एउटा निर्देशन समिति पनि गठन गरेको छ । समितिमा जसपाको तर्फबाट बालकिशोर यादव, रामनरेश यादव, निरञ्‍जन साह सोनार (अजय), नेक मोहम्मद मियाँ, तबरेज अहमद, इश्वरचन्द्र यादव रहेका छन् भने नेकपा एमालेको तर्फबाट प्रभु हजरा, निर्मला देवकोटा, प्रद्युमन चौहान, जयप्रकाश थारु र मनोज गुप्ता रहेका छन् ।

बैठकले जसपा र एमाले पार्टीका संयुक्त उम्मेदवारहरुलाई जिताउनका निमित्त जिल्लासँगै स्थानीय स्तरसम्ममा संयुक्त निर्वाचन परिचालन समिति गठन गर्न र पार्टीको निर्णय विपरित गतिविधि गर्ने दुवै पार्टीका नेता तथा कार्यकर्ताहरुलाई आवश्यकता अनुसार सचेत गराउने निर्णय पनि गरेको छ । सचेत गराउँदासमेत गठबन्धन विपरित गतिविधि गरेको पाइएमा कारवाहीको प्रक्रिया अगाडि बढाउने बैठकले निर्णय भएको वनमन्त्री यादवले बताए । 

बैठकमा नेपाल सरकारका वन तथा वातावरणमन्त्रि तथा जसपाका केन्द्रीय राजनीतिक समिति सदस्य प्रदीप यादव, मधेश प्रदेशका मुख्यमन्त्री तथा जसपाका केन्द्रीय कार्यकारिणी सदस्य लालबाबु राउत, जसपाका केन्द्रीय तथा संसदीय बोर्ड सदस्य बालकिशोर यादव, वीरगञ्जका मेयर एवम् जसपाका केन्द्रीय सदस्य राजेशमान सिंह, नेकपा एमालेका केन्द्रीय सदस्य प्रभु हजरा, निर्मला देवकोटा, एमालेका प्रदेश सदस्य विचारी यादव, जसपाका पर्सा जिल्ला अध्यक्ष रामनरेश यादव, नेकपा एमालेका पर्सा जिल्ला अध्यक्ष जयप्रकाश थारु, एमालेका जिल्ला सचिव मनोज गुप्ता र जसपा वीरगञ्ज महानगर कमिटिका अध्यक्ष इश्वरचन्द्र यादवको उपस्थिति रहेको थियो ।

इजलासमा सन्दीपको दाबी : जाहेरवाला नाबालिग होइनन्

0

काठमाडौं । प्रहरी हिरासतमा रहेका सन्दीप लामिछानेले आफूविरुद्ध बलात्कारको आरोप लगाएकी किशोरी नाबालिग नभएको दाबी गरेका छन् ।

२० असोजमा पक्राउ परेका क्रिकेटर लामिछानेलाई प्रहरीले म्याद थपका लागि सोमबार जिल्ला अदालत, काठमाडौंमा उपस्थित गराएको थियो । त्यसक्रममा न्यायाधीशले सन्दीपलाई घटनाबारे सोधेका थिए ।

त्यसक्रममा लामिछानेले जाहेरवालाकै आग्रहमा भेटेको र उनी नाबालिग नभएको दाबी गरेका छन् । सन्दीपका वकिल सरोजकृष्ण घिमिरेले भने, ‘जाहेरवालीले म १९ वर्षको भएँ भनेकी इजलास समक्ष राख्नु भएको छ ।’

अर्का अधिवक्ता सुधा रिजालले भने सन्दीपलाई फसाउनकै लागि नाबालिका देखिने गरी जन्मदर्ता बनाएको दाबी गरिन् । जाहेरवालाको दुई वटा जन्मदर्ता भेटिएको भन्दै उनले भनिन्, ‘अहिलेको जन्मदर्तामा म्याचुअर्ड छ उहाँ नाबालिग हुनुहुन्न । जो मान्छेहरुले फसाउन खोजेको छ, त्यसले उहाँलाई परिचालन गरेको आशंका छ ।’

अधिवक्ता सरोजकृष्णका अनुसार इजलासमा सन्दीपले आफ्नो गोपनीयता भंग भएको भन्दै त्यसको कानुनी उपचारबारे चासो राखेका थिए । जवाफमा न्यायाधीशले मुद्दाका सुनुवाइका क्रममा यो विषय उठाउन सुझाएका छन् ।