Date
मङ्ल, मंसिर १, २०८३
Tue, November 17, 2026
Home Blog Page 614

बिन्दवासिनी ५ का पूर्व वडाध्यक्ष यादव एमाले प्रबेश

0

वीरगंज । पर्साकाे बिन्दबासिनी गाउँपालिका वडा नं ५ का पूर्व वडाध्यक्ष एवम् नेपाली कांग्रेसका स्थानिय नेता सुकदेव राउत अहिर नेकपा एमालेमा प्रबेश गरेका छन् । 

पोखरिया नगरपालिकाको वडा नं ७ रानीगंजस्थित घरदैलो कार्यक्रममा यादवलाई नेकपा एमालेका केन्द्रिय सदस्य एवंम क्षेत्र नं ३ का प्रतिनीधि सभा सदस्यमा पदका उम्मेदवार राजकुमार गुप्ताले गम्छा र अबिरकाे टिकाई लगाई पार्टीमा स्वागत गरेका थिए । यादवसंगै पूर्व वडा सदस्य मठा चमार लगायतका व्यक्तिहरु समेत एमाले प्रबेश गरेकाे वताइएकाे छ ।

उक्त कार्यक्रममा नकेपा एमालेका नेता शिव पटेल, हनीफ अंसारी, संजिव मिश्र, मोहमद निजाम, कृष्णा कुशवाहा, धीरज चौरसिया, प्रमोद कुशवाहा, विधाचल ठाकुर, बबलू गुप्ता, विकास पाण्डेय लगायतको उपस्थिति रहेको थियो ।

वीरगंजमा प्रदीप र विचारीको संयूक्त रोड शो

0

वीरगंज । पर्सा क्षेत्र नम्बर १ काे १ मा जसपा–एमाले गठबन्धनले चुनावी प्रचार प्रसारलाई तिब्रता दिएको छ । मतदाताको घरघरै पुगेर दुवै दलका उम्मेदवारले जसपा–एमाले गठबन्धनको पक्षमा मतदान गर्न आग्रह गरिरहेका छन् ।

पर्सा क्षेत्र नम्बर १ मा प्रतिनिधीसभा सदस्यमा जसपाका उम्मेदवार पूर्वमन्त्री प्रदीप यादव र १ को (१) मा प्रदेशसभा सदस्यको उम्मेदवार एमालेका विचारी यादव छन् । सोमबार जसपा–एमाले गठबन्धनले पर्सा १ को (१) मा पर्ने वीरगंज महानगरको ग्रामणि भेगका विभिन्न वडामा चुनावी रोड शो गरेकाे हाे ।

प्रतिनिधीसभा सदस्यका उम्मेदवार प्रदीप यादवको नेतृत्वमा वीरगंज महानगरपालिकाका वडा नम्बर १८, २०, २२ र २३ मा रोड शो गरिएको जसपा निखिल बर्णवालले वताए । वडा नम्बर १८ भवानीपुरबाट शुरु भएको रोड शो सौराहा, इनरवा, वडा नम्बर २० को हरपतगञ्ज, अपौनी, वडा नम्बर २२ को मनियारी, जगरनाथपुर , वडा नम्बर २३ को सबैठवा हुदै प्रसौनीमा पुगेर समापन भएको बर्णवालले जानकारी दिए ।

प्रदेशसभा सदस्य उम्मेदवार विचारी यादवको पनि सहभागीता रहेको रोड शोका क्रममा स्थानीय मतदाताले दुवै उम्मेदवारलाई भव्य स्वागत गरेका थिए । मतदाताहरुले दुवै उम्मेदवार यस क्षेत्रको विकास र समृद्धिका लागि निरन्तर लागिपरेकाले यसपालि दुवै उम्मेदवारको जित सुनिश्चित भएको प्रतिक्रिया समेत जनाएकाे वताइएकाे छ ।

रोड शोका क्रममा स्थानीय मतदातासँग कुरा गर्दै जसपाबाट प्रतिनिधीसभाका उम्मेदवार एवम् पूर्वमन्त्री प्रदीप यादवले मंसिर ४ को निर्वाचनमा जसपा–एमाले गठबन्धनका उम्मेदवारलाई मतदान गर्न आग्रह गरे । आफुहरु केवल चुनावका बेला मात्र जनताको घरदैलोमा झुल्किने नेता नभई पदमा रहदा नरहदा पनि सधै जनताको माझमा रहेर सुखदुखमा साथ दिदै आएको यथार्थ जनता माझ छर्लङ रहेको उनले बताए ।

त्यस कारण मंसिर ४ को निर्वाचनमा जसपा–एमाले गठबन्धनको पक्षमा मातदान गर्न उनले आग्रह गरे । यस्तै एमालेबाट प्रदेशसभा सदस्य उम्मेदवार विचारी यादवले पनि जसपा–एमाले गठबन्धनका उम्मेदवारलाई नै मत दिन आग्रह गरेका थिए ।

समावेशी शिक्षा संजाल सम्बन्धि कार्यशाला गाेष्ठि सम्पन्न

0

वीरगंज । किशाेरी सशक्तिकरणकाे लागि शिक्षा कार्यक्रम अन्तर्गत बालिका तथा समावेशी शिक्षा संजाल सम्बन्धि कार्यशाला गाेष्ठि साेमबार वीरगंजमा सम्पन्न भएकाे छ ।

भिएसाे नेपाल, एचआई र दिव्य युवा क्लबकाे साझेदारीमा संचालित कार्यक्रम अन्तर्गत पर्साकाे जगरनाथपुर गाउँपालिका र धाेबिनी गाउँपालिका स्तर र विद्यालय स्तरमा गठन भएकाे बालिका तथा समावेशी शिक्षा संजाल विषयगत कार्यशाला गाेष्ठि सम्पन्न भएकाे हाे ।

दिव्य युवा क्लबका कार्यकारी निर्देशक रामकान्त पटेलकाे अध्यक्षतामा भएकाे कार्यक्रमकाे उद्घाटन ठाेरी गाउँपालिकाका अध्यक्ष लालबहादुर श्रेष्ठले गरेका थिए ।

कार्यक्रममा परियाेजनाकाे प्रगति बारे र बालिका तथा समावेशी शिक्षा संजालकाे अभ्यासकाे बारेमा दिव्य युवा क्लबका परियाेजना संयाेजक गणेश ठकुरी र भिएसाे नेपाल राष्ट्रिय स्वमसेवक श्रीचन्दन जयसवाले प्रस्तुति राखेका थिए । विद्यालय स्तरमा हुने हिंसा, समाजिक हिंसालाई न्युनिकरण गर्नकाे लागि गुनासाे सुनवाई संयन्त्रलाई क्रियाशिल बनाउन, विद्यालयमा शैक्षिक बातावरण श्रीजना गर्नकाे लागि बालिका तथा समावेशि शिक्षा संजालले प्रमुख भुमिका खेल्ने गरेकाे अभ्यासहरुलाई अन्य पालिकाहरुले पनि औल्मबन गर्नु पर्ने प्रस्तुतीकाे क्रममा परियाेजा संयाेजक ठकुरीले सुझाए ।

भिस्वा हाेटलमा भएकाे कार्यक्रममा जगरनाथपुर गाउँपालिकाका अध्यक्ष श्रीकान्त प्रसाद यादव, सखुवा प्रसाैनी गाउँपालिकाका अध्यक्ष जसवन्त यादव, मधेश प्रदेशका समाजिक विकास मन्त्रलायका सचिव लक्ष्मी प्रसाद भट्टराई, उप सचिव दिलिप कुमार ठाकुर, मधेश प्रदेश शिक्षा निर्देशनालयका सह सचिव चुणामणी फुयाल, बागमती प्रदेश शिक्षा महाशाखा प्रमुख रुद्र हरि भण्डारी लगायतकाले मन्तव्य राखेका थिए ।

कार्यक्रममा बहुदरमाई नगरपालिकाकी उप मेयर सुस्मा कुशवाहा, पर्सागढी नगरपालिकाकी उप मेयर पुजा चाैधरी, बिन्दवासिनी गाउँपालिकाकी उप प्रमुख ज्याेति चाैरसिया, धाेबिनी गाउँपालिकाकी उप प्रमुख मंजु देवी, छिपहरमाई गाउँपालिकाकी उप प्रमुख लिलावती देवी, पकहा मैनपुर गाउँपालिकाकी उप प्रमुख सरफुन नेसा  लगायतकाे सहभागिता रहेकाे थियाे । 

आफुलाई चुनाव जिताउन मुठिदान गर्न उम्मेदवार सर्राफकाे आग्रह

0

वीरगंज । प्रदेशसभा निर्वाचन क्षेत्र नं. १ काे (२) का उम्मेदवार ओमप्रकाश सर्राफले चुनावी भेटघाट कार्यक्रमलाई तिब्रता दिएका छन् । प्रदेशसभा सदस्यका उम्मेदवार सर्राफले साेमबार वीरगंज महानगरपालिकाकाे वडा नं. १६ इनार्वामा भेटघाट गरेका छन् ।

लाैराै चुनाव चिन्ह लिएर चुनावी मैदानमा रहेका सर्राफले आफ्नाे निर्वाचन क्षेत्र अन्तर्गतकाे इनार्वामा मतदाताहरुसंग भेटघाट गर्दै आफुलाई मतादन गर्न आग्रह गरेका हुन् । उनले आफु सधै जनताकाे सेवा गरेकाे र जनताकाे सुख, दु:खमा साथमा रहेकाेले आफ्नाे चुनाव चिन्ह लाैराेमा मतदान गर्न आग्रह गरेका हुन् ।

भेटघाटकाे क्रममा मतदाताहरुले आफुलाई मतदान गर्न एकदम उत्साहित देखिएकाे उम्मेदवार सर्राफले वताए । यस क्षेत्रमा यसअघिकाे निर्वाचनमा निर्वाचित मुख्यमन्त्री लालबाबु राउतले भ्रष्टाचारकाे अलावा केही नगरेकाे आराेप लगाउँदै सर्राफले आफु निर्वाचित भए भ्रष्टाचारहीकाे ठेगान लगाउने वताए ।

उम्मेदवार सर्राफले भेटघाटकाे क्रममा आफ्नाे जिवन समाज सेवा र संघर्षमा समर्पण गरेकाेले आफुसंग अरु उम्मेदवारकाे सरह आर्थिक खर्च गर्ने अवस्था नरहेकाे वताउँदै मुठिदान गरेर भएपनि चुनाव जिताउन आग्रह गरेका हुन् । 

यसअघि आइतबार पनि उम्मेदवार सर्राफले वीरगंज महानगरपालिकाकाे वडा नं. १५ भेडिहायीमा मतदाता भेटघाट गरेका थिए । त्यहाँ पनि भेटघाटकाे क्रममा आफुलाई मतदान गर्न मतदाता उत्साहित देखिएकाे उम्मेदवार सर्राफले वताए ।

भेटघाटमा इन्जिनियर गजेन्द्र दास, समाजसेवी जगदिश साह, युवा नेताहरू संजय पटेल, भागिरिथ साह, सत्युग साह, समाजिक अभियन्ता किसन कुमार, ओम साह, अभियन्ता चन्दन साह लगायतकाे पनि सहभागिता रहेकाे थियाे ।

जिल्ला प्रशासन कार्यालय पर्सामा अख्तियारको छापा, एक कर्मचारी पक्राउ

0

वीरगंज । अख्तियार दुरुपयोग अनुसन्धान आयाेगको टोलिले जिल्ला प्रशासन कार्यालय पर्सामा छापा मारेकाे छ ।

अख्तियार दुरुपयोग अनुसन्धान आयाेग हेटाैडाका डिएसपि हेम बहादुर केसि नेतृत्वको टोलिले छापा मारी गरि घुस लिरहेका एक जना कर्मचारीलाई रंगे हात पक्राउ गरेको छ ।

टाेलीले जिल्ला प्रशासन कार्यालयको मुद्दा फाँटमा छापामारी गरि कम्प्युटर अपरेटर सञ्जय प्रसाद यादवलाई रु ५ हजार घुस रकम सहित पक्राउ गरेकाे हाे ।

अहिले टोलिले घटना स्थलको मुचुल्का उठाउने कार्य गरिरहेकोले थप विवर आउन वाकी रहेको छ ।

शिक्षा समुह सञ्चालन कार्यविधि २०७९ सम्बन्धी दुई दिने तालिम सुरु

0

वीरगंज । मधेस प्रदेश शिक्षा समुहको आयोजनामा दुई दिने विपद् पूर्व तयारी तथा प्रतिकार्य का लागि नेपाल शिक्षा समुह सञ्चालन कार्यविधि २०७९ सम्बन्धी स्थानिय तहको क्षमता अभिवृद्धि तालिम बाराकाे सिमरामा सुरु भएकाे छ ।

होटेल श्रेष्ठ रेसिडेन्स सिमरामा सुरु भएकाे तालिममा विपद् जोखिम,न्यूनीकरण तथा त्यसको व्यवस्थापनका अवधारणा, नेपालमा शिक्षा र विपद् जोखिम न्यूनीकरण तथा व्यवस्थापन सम्बन्धी नीतिगत र कानुनी व्यवस्था, बृहत विद्यालय सुरक्षा, आपतकालीन शिक्षा र अन्तर्निकाय सञ्चालन, तथा आधारभूत मानवीय मापदण्ड तथा शिक्षा को लागि न्यूनतम मापदण्ड र विपद् प्रतिकार्यका लागि विषयगत समुहहरु र समन्वयको बारेमा छल्फल तथा अन्तरक्रिया गर्ने कार्यक्रम रहेको आयाेजक संस्थाका मित्रदेव यादवले जानकारी दिए ।

शिक्षा समुहको संयोजक नरेश साहको अध्यक्षतामा आइतबार भएकाे तालिम उद्घाटन सत्रमा पोखरीया नगारपालिकाका मेयर प्रदुमन चौहान, शिक्षा विकास समन्वय इकाई पर्साका प्रमुख फत बहादुर श्रेष्ठ, एनएसईटीका शुशिल पण्डित लगायतकाले मन्तव्य राखेका थिए ।

तालिममा प्रशिक्षक शुशिल पण्डित, राम माझी, कमल कुमार विश्वकर्माले प्रशिक्षण दिइरहेका छन् ।

ईयुकाे आर्थिक सहयोग तथा नेपाल सरकार शिक्षा विज्ञान तथा प्रविधि मन्त्रालयको प्राविधिक सहयोग र एनएसईटी नेपालको सहजीकरणमा संचालित सपाेर्टीङ द रिसपाेन्स टु द काेभिड १९ क्रिसिस क्षन द एडुकेशन सेक्टर कार्यक्रम सञ्चालनमा रहेको स्थानिय तहहरुको सहभागितामा रहेको छ ।

पर्सा क्षेत्र नं. ४ मा कांग्रेसको चुनावी कार्यक्रम तिब्र

0

वीरगंज । नेपाली कांग्रेस पर्साले क्षेत्र नम्बर ४ मा चुनावी अभियान तिब्र पारेको छ । आइतबार मात्रै क्षेत्रमा रहेका २ वटा गाउँपालिकाले कार्यकर्ता परिचालन गर्न छुट्टाछुट्टै चुनावी कार्यक्रम गरेको छ ।

आफ्ना उम्मेदवार विजयी बनाउन कुनै कसर बाँकी नराख्ने लक्ष्यका साथ क्षेत्रीय कमिटी, पालिका कमिटीका साथै वडा कमिटी र गाउँकमिटीलाई सक्रिय बनाएर चुनावी अभियान अघि बढाइएको कांग्रेस प्रदेशसभा ४ काे (क) क्षेत्रिय सभापति जीवनकृष्ण सापकोटाले जानकारी दिए ।

आइतबार जिराभवानी गाउँपालिकाको सेढवामा र जगरनाथपुर गाउँपालिकाको मसिहानीमा कार्यक्रम भएको थियो । २ वटै पालिकामा आयोजित कार्यकर्ता भेटघाट तथा चुनावी कार्यक्रमलाई कांग्रेसका केन्द्रीय सदस्य एवं प्रतिनिधिसभा सदस्यका उम्मेदवार रमेश रिजालले सम्बोधन गर्दै अहिलेको लडाई व्यक्तिगत नभई संविधानको रक्षाका लागि भएको बताए ।

संविधान विरोधी र संविधान रक्षार्थ रहेकाहरुबीचको लडाई रहेको भन्दै उनले लोकतान्त्रिक बाम गठबन्धनका उम्मेदवारलाई विजयी बनाउने गरी अभियानमा लाग्न आग्रह गरे ।

उनले दुई तिहाईको सरकारको नेतृत्व गरेको केपी ओलीले संसद नै विघटन गरेर संविधान समाप्त पार्न खोजेको स्मरण गराउँदै त्यसबेला कांग्रेसले संसद व्युताएर संविधानको रक्षा गरेको उल्लेख गरे । त्यसैले अहिले जनताले संविधान विरोधीलाई ठेगान लगाउने उनले विश्वास व्यक्त गरे ।

कार्यक्रममा प्रदेश सभा सदस्यका उम्मेदवार शंकर चौधरी, जिराभवानी गाउँपालिकाका अध्यक्ष अनोज चौधरी, जगरनाथपुर गाउँपालिकाका अध्यक्ष श्रीकान्त यादव, उपाध्यक्षहरु बबिता सिंह, रेखा चौधरी, युवा नेता राकेश यादव लगायत नेता कार्यकर्ताको उपस्थित रहेकोे थियो ।

वडाध्यक्षका प्रत्यासी पटेल जसपा प्रबेश

0

वीरगंज । नेपाल कम्युनिस्ट पार्टी (एकीकृत समाजवादी) बाट गत स्थानीय तह निर्वाचनमा वडाध्यक्षका उम्मेदवार भएका दिनेश पटेलले जनता समाजवादी पार्टी (जसपा) नेपालमा प्रवेश गरेका छन् ।

वीरगंज महानगरपालिकाकाे वडा नम्बर १८ मा नेकपा एसबाट वडाध्यक्षमा चुनाव लडेका पटेललाई पूर्वमन्त्री प्रदीप यादवले जसपा प्रवेश गराएका हुन् । पटेललाई यादवले फुलमाला र टिका लगाएर पार्टीमा स्वागत गरेका थिए ।

लामो समयदेखि राजनीतिमा सक्रिय रहेका पटेलको प्रतिनिधि तथा प्रदेशसभाको निर्वाचनको मुखमा जसपा प्रवेश गरेपछि नेकपा एस र समग्रमा सत्ता गठबन्धनलाई ठूलो झट्का लागेको छ भने जसपालाई फाइदा हुने देखिएको छ ।

पटेल उक्त क्षेत्रमा राम्रो पकड भएका नेता हुन् । वीरगंज-१८ मा निर्वाचित वडा अध्यक्ष उमा शंकर तिवारी जसपाकै हुन् । पटेलले पनि जसपा रोजेसँगै उक्त वडामा पार्टीको पकड राम्राे भएकाे जसपाका निखिल बर्णवालले वताए ।

प्रदेशसभा पर्सा १ काे (क) मा चार उम्मेदवार बिच प्रतिस्पर्धा

0

वीरगंज । प्रदेशसभा पर्सा निर्वाचन क्षेत्र नं. १ काे (क) मा १८ जना उम्मेदवार रहेपनि चार जना बिच प्रतिस्पर्धा हुने भएकाे छ । प्रदेशसभा सदस्यमा यस क्षेत्रमा विभिन्न दलबाट ६ जना र स्वतन्त्र १२ जना उम्मेदवार छन् ।

एमाले-जसपा गठबन्धनबाट एमालेका बिचारी यादव, सत्ता गठबन्धनबाट नेकपा माओवादी केन्द्रका रहबर अन्सारी, राष्ट्रिय प्रजातन्त्र पार्टीबाट अनिल कुमार कुशवाहा, नेपाल लाेकतान्त्रिक पार्टीबाट अमानुल्लाह अन्सारी, जनमत पार्टीबाट वाजुलहक अंसारी, नेपाल संघिय समाजवादी पार्टीबाट साेएब अंसारी उम्मेदवार छन् । 

यसैगरी स्वतन्त्रबाट अब्दुल बरकाल अंसारी, किशाेर प्रसाद यादव, कृष्ण प्रसाद कुर्मी, जनत अंसारी, नसुरलाह अंसारी, मठु राउत अहिर, मुकेश कुमार यादव, रवि प्रसाद गुप्ता, राज कुमार यादव, रामनारयण राउत, समीम अख्तर अंसारी र सुधिर पटेल उम्मेदवार छन् ।

जस मध्ये एमालेका बिचारी यादव, माओवादी केन्द्रका रहबर अंसारी, स्वतन्त्र जनत अंसारी र सुधिर पटेल बिच प्रतिस्पर्धा हुने स्थानिय मतदाताकाे भनाई छ ।

बिचारी एमालेका मधेश प्रदेश कमिटीका सदस्य हुन् । उनी संविधान सभा सदस्य समेत हुन् । रहबर माओवादी केन्द्रका केन्द्रिय सदस्य हुन् । उनी गण्डक हस्पिटलका र रहबर केयरका संचालक समेत हुन् ।

जनत बर्तमान प्रदेशसभा सदस्य हुन् । उनी यस अघिकाे २०७४ काे निर्वाचनमा तत्कालिन संघिय समाजवादी फाेरम नेपाल र हालका जसपाबाट निर्वाचित भएका थिए । जसपाले टिकट नदिएपछि उनी स्वतन्त्र उम्मेदवारी दिएका हुन् । सुधिर नेवि संघका पूर्व केन्द्रिय सदस्य हुन् । उनी नेपाली कांग्रेसबाट प्रदेशसभा सदस्य उम्मेदवार हुन टिकटकाे आकांक्षी थिए तर कांग्रेसले टिकट नदिएपछि स्वतन्त्र उम्मेदवार भएका हुन् । 

उम्मेदवारी दर्तापछि हुने चुनावी चर्चामा यी चार उम्मेदवारहरु बिच नै प्रतिस्पर्धा हुने अधिकांशकाे भनाई रहेकाे छ ।