Date
मङ्ल, मंसिर १, २०८३
Tue, November 17, 2026
Home Blog Page 615

सहरी मन्त्री चौधरीद्वारा बाढी पीडितलाई १३ लाख बराबरकाे खाद्यान्न सहयोग

0

वीरगंज । सहरी विकास मन्त्री मेटमणि चौधरीले शनिबार देउखुरीका चार पालिकाका बाढी पीडितका लागि करिब १३ लाख बराबरको खाद्यान्न सहयोग गरेका छन् ।

डुबान क्षेत्रको अवलोकनपछि जनतालाई पहिलो चरणको सहयोग पुर्याउने उद्देश्यले देउखुरीका राप्ती, गढवा, राजपुर र लमही पालिकालाई ५० क्विन्टलका दरले चामल उपलब्ध गराएको मन्त्री चौधरीको वताए ।

‘यो ०१८ साल पछिकै ठुलो बाढी हो । यसले निकै ठुलो क्षती पुर्याएको छ । थोरै भएपनि जनतालाई सहायोग होस् भन्ने चाहेको छु । यो पालिका प्रमुख मार्फत एक द्वार प्रणालीबाट वितरण हुनेछ ।’ मन्त्री चौधरीको भनाई थियो ।

दुःखमा परेका जनताले राज्य छ, स्थानीय सरकार छ भन्ने महसुस गर्नुपर्छ भन्दै सहरी मन्त्री चौधरीले क्षतिको विवरण संकलन लगत्तै स्थानीय, प्रदेश र संघीय सरकारबाट पर्याप्त राहत उपलब्ध गराइने बताए ।

निर्माण व्यवसायी संघ पर्साकाे निर्वाचनमा सुरेश प्यानल विजयी

0

वीरगंज । नेपाल निर्माण व्यवसायी संघ पर्साकाे अध्यक्षमा सुरेश प्रसाद कुर्मी विजयी भएका छन् । अध्यक्षका अर्का उम्मेदवार दिवाकर प्रसादलाई २२७ मतले हराउदै सुरेश विजयी भएका हुन् । शनिबार भएकाे निर्वाचनकाे आइतबार विहान सम्पन्न अन्तिम मतगणनाकाे मतपरिणाम अनुसार दिवकारले ५८ मत पाउँदा सुरेशले २८५ मत पाएका छन् ।

संघकाे प्रथम उपाध्यक्षमा ज्ञानेन्द्र मिश्र २३९ मत ल्याएर विजयी भएका छन् । उनका प्रतिस्पर्धी हिरालाल प्रसाद कुर्मीले १०३ मत मात्र पाएका छन् । द्वितिय उपाध्यक्षमा अच्चेलाल प्रसाद चाैरसिया २२९ मत ल्याएर विजयी भएका छन् । उनका प्रतिस्पर्धी रामबाबु प्रसाद कुर्मीले १०० मत मात्र पाएका छन् ।

सचिवमा शनि यादव  १५८ मत ल्याएर विजयी भएका छन् । उनका प्रतिस्पर्धीहरु मुकेश प्रसाद कुर्मी १२३ मत र प्रदिप कुमार पटेलले ३३ मत मात्र पाएका छन् । सह सचिवमा संजयक कुमार कुर्मी  १४२ मत ल्याएर विजयी भएका छन् । उनका प्रतिस्पर्धीहरु राेशन कुमार सिंह ११० मत र धुरेन्द्र प्रसाद कुर्मीले ७४ मत मात्र पाएका छन् ।

काेषाध्यक्षमा राजेश्वर प्रसाद राैनियार २०१ मत ल्याएर विजयी भएका छन् । उनका प्रतिस्पर्धी महताब अहमद ११६ मत मात्र पाएका छन् । सह काेषाध्यक्षमा सदाम हुसेन २०९ मत ल्याएर विजयी भएका छन् । उनका प्रतिस्पर्धी राजु प्रसाद पटेलले १०३ मत मात्र पाएका छन् ।

संघकाे सदस्यहरुमा अमाेद कुमार पटेल १८० मत, पुरुषाेत्म प्रसाद पटेल १८५ मत, विकास कुमार साह १६६ मत, विरेन्द्र प्रसाद कुर्मी २१६ मत, मनाेज कुमार साह १५७ मत, बृजेश कुमार यादव १८० मत, पारस ठाकुर २०० मत, दिपेन्द्र प्रसाद साेनार १७५ मत र सतिश कुमार चाैरसिया १५४ मत ल्याएर विजयी भएका हुन् ।

यस अघि नै दुई जना महिला सदस्यमा प्रिया पाण्डे र आशा देवी निर्विराेध निर्वाचित भइसकेकाे जनाइएकाे छ ।  

रमेश रिजाललाई जिताउन विभिन्न समितिहरु गठन

0

वीरगंज । नेपाली कांग्रेसले पर्सा क्षेत्र नम्बर ४ मा प्रतिनिधिसभा सदस्यका उम्मेदवार रमेश रिजाल र प्रदेशसभा सदस्यका उम्मेदवार शंकर चाैधरीलाई जिताउने अभियान अन्तर्गत विभिन्न चुनावी समितिहरु गठन भएकाे छ ।

पर्सा क्षेत्र नम्बर ४ मा शनिबार बसेकाे काँग्रेस क्षेत्रीय कार्य समितिकाे बैठकले विभिन्न समितिहरु गठन गर्दै चुनावी गतिविधि र प्रचार प्रसार अभियानलाई अझ तिब्र बनाउने निर्णय पनि गरेकाे छ ।

काँग्रेस क्षेत्रीय सभापति श्रीकान्त प्रसाद यादवको अध्यक्षता तथा केन्द्रीय सदस्य समेत रहेका उम्मेदवारिजालकाे प्रमुख आतिथ्यतामा सम्पन्न बैठकमा काँग्रेसका मधेस प्रदेश महामन्त्री बृहस्पति कृष्ण श्रेष्ठ, महाधिवेशन प्रतिनिधि वशिष्ठ नारायण कुर्मी, प्रदेशसभा सदस्यका उम्मेदवार शंकर चौधरी, पार्टीका जिल्ला सह सचिव नवीन सिंह, कोषाध्यक्ष प्रेम थापा, युवा नेता राकेश यादव, प्रदेश सभापति जीवन कृष्ण सापकोटा, दिपेन्द्र सिंह, क्षेत्रीय सदस्य, महाधिवेशन प्रतिनिधिहरु, गाउँपालिका र वडा सभापति लगायतका नेता कार्यकर्ताहरुको सहभागिता रहेकाे थियाे ।

कार्यक्रमकाे सहजिकरण क्षेत्रिय सचिव बालिस्टर अहमदले गरेका थिए । 

पर्सा १ मा मुख्य प्रतिस्पर्धी यादव र द्विवेदी

0

वीरगंज । पर्साकाे निर्वाचन क्षेत्र नं १ काे प्रतिनिधिसभा सदस्यमा २० जना उम्मेदवार भए पनि मुख्य प्रतिस्पर्धा जनता समाजवादी पार्टी (जसपा) का प्रदिप यादव र स्वतन्त्र उम्मेदवार अजय द्विवेदी बिच हुने देखिएकाे छ ।

यादव एमाले-जसपा गठबन्धनका उम्मेदवार हुन् । उनी पूर्व मन्त्री एवम् जसपाका केन्द्रिय सदस्य समेत हुन् । द्विवेदी नेपाली कांग्रेस पर्साकाे पूर्व जिल्ला सभापति हुन् । उनी कांग्रेसले टिकट नदिएपछि स्वतन्त्र उम्मेदवारी दिएका हुन् । 

यसैगरी सत्ता गठबन्धनबाट लाेकतान्त्रिक समाजवादी पार्टीका लक्ष्मण लाल कर्ण उम्मेदवार छन् । उनी यस अघिकाे निर्वाचनमा पर्सा क्षेत्र नं ४ बाट प्रतिनिधिसभा सदस्यमा निर्वाचित भएका थिए । 

त्यसैगरी राष्ट्रिय प्रजातन्त्र पार्टीबाट किरणमान डंगाेल, नेपाल सुशासन पार्टीबाट अजय कुमार रिजाल, नेपाल मजदुर किशान पार्टीबाट मुकेश कुशवाहा, नेपाल लाेकतान्त्रिक पार्टीबाट सुन्दर साह कानु, नेपाल जनता पार्टीबाट सुरेश प्रसाद साह, राष्ट्रिय जनमुक्ति पार्टी हसिबुर रहमान अंसारी, नेपाल कम्युनिष्ट पार्टी मार्कसवादी (पुष्पलाल) बाट शंकर प्रसाद चाैरसिया लगायतका उम्मेदवार छन् ।

याे क्षेत्रकाे प्रतिधिनिसभामा विभिन्न दलबाट ९ जना उम्मेदवार छन् भने स्वतन्त्र उम्मेदवार ११ जना छन् । उम्मेदवारी दर्तापछि सुरु भएकाे चुनावी चर्चाकाे क्रममा अधिकांशले पर्सा क्षेत्र नं. १ काे प्रतिनिधिसभामा प्रदिप यादव र अजय द्विवेदी बिच नै रहेकाे वताउने गरेका छन् ।

यादव यसअघिकाे निर्वाचनमा यसै क्षेत्रबाट निर्वाचित प्रतिनिधिसभा सदस्य एवम् लाेकप्रिय उम्मेदवार भएकाेले जाे सुकैकाे उनीसंगै प्रतिनिस्पर्धा हुने स्थानियहरुकाे भनाई छ । यस क्षेत्रमा कांग्रेसकाे पकड पनि बलियाे रहेकाे र कांग्रेसबाट काेई उम्मेदवार नभएका कारण द्विवेदी पनि बलियाे प्रतिस्पर्धीकाे रुपमा देखिएका छन् । 

अर्का उम्मेदवार लक्ष्मण लाल कर्णकाे खासै चर्चा सुनिएकाे छैन् । उनी यस अघि निर्वाचित क्षेत्रमा पनि खासै काम नगरेका कारण र याे पालि चुनाव लडेकाे क्षेत्रमा लाेसपाकाे संगठन बलियाे नरहेकाेले उनी कम्मजाेर उम्मेदवारकाे रुपमा देखिएका छन् ।  

कांग्रेस, माओवादी केन्द्र, नेकपा एस, लाेसपासहितकाे पांच दलिय गठबन्धनका उम्मेदवार कर्ण भएपनि गठबन्धनकाे प्रभावकारिता देखिएकाे छैन् ।

कांग्रेसकाे बागी उम्मेदवारकाे रुपमा स्वतन्त्र द्विवेदी चुनावी प्रतिस्पर्धामा रहेकाेले कांग्रेसकाे अधिकांश मत द्विवेदीकाे पक्षमा जाने स्थानियकाे आंकलन छन् । एमालेका असन्तुष्ट पक्षकाे मत पनि द्विवेदीकाे पक्षमा जाने धेरैकाे अनुमानले उनी बलियाे उम्मेदवार मानिएका हुन् ।

मुख्यमन्त्रीलाई हराउन म सक्षम छुं : स्वतन्त्र उम्मेदवार सर्राफ

0

वीरगंज । प्रदेशसभा निर्वाचन क्षेत्र नं. १ काे (ख) का स्वतन्त्र उम्मेदवार ओमप्रकाश सर्राफले मुख्यमन्त्री लालबाबु राउतलाई हराउने आफु सक्षम उम्मेदवार भएकाे वताएका छन् ।

वीरगंजस्थित हाेटल आदर्श आयाेजित चुनावी कार्यक्रमलाई सम्बाेधन गर्दै प्रदेशसभा सदस्यका उम्मेदवार सर्राफले यस क्षेत्रका जनताहरुले चाहे आफु मुख्यमन्त्रीलाई हराउन सक्षम उम्मेदवार भएकाे वताए । उनले भने “विभिन्न भ्रष्टाचार मुद्दामा मुछिएका मुख्यमन्त्री राउतलाई यसपालि हराउन जरुरी छ । उनलाई हराउन म सक्षम छु, त्यही भएर यसपालिकाकाे निर्वाचनमा मलाई जिताएर काठमाडाैंकाे जनता जस्तै यहाँकाे जनताले पनि इतिहास रच्नु पर्छ ।”

उनले यसपालिकाकाे निर्वाचनमा आफु चुनाव हारे सबै युवाकाे हार हुने वताउँदै स्वतन्त्र सक्षम युवा उम्मेदवारलाई जिताएर सचेत मतदाताकाे परिचय दिनु पर्ने धारणा राखे ।

उनले भने “म कुनै गठबन्धनकाे उम्मेदवार हाेइन, मेराे गठबन्धन यहाँकाे जनतासंग छ, यहाँकाे युवासंग छ, यहाँकाे महिलासंग छ । त्यँही भएर नेता/नेता विच भएकाे अपवित्र गठबन्धनलाई हराएर स्वतन्त्र र सक्षम उम्मेदवारलाई जिताउनु पर्छ । आफु सधै जनता माझ रहेकाे र जनताकाे सेवा गरेकाे वताउँदै उनले आफ्नाे बालबच्चाकाे भविष्यकाे ख्याल गरेर भए पनि आफुलाई चुनाव जिताउनु पर्ने अपिल गरे ।

उनले वीरगंजकाे मतबाट जितेर मुख्यमन्त्री बनेका व्यक्तिले वीरगंजसंग घात गरेकाे कुरा सबैलाई थाहा भएकाे वताउँदै त्यसकाे जवाफ अहिले निर्वाचनबाट दिनु पर्ने पनि सुझाए । उम्मेदवार सर्राफले अर्का गठबन्धनका उम्मेदवार अर्काे क्षेत्रकाे भएकाेले त्यसकाे विकल्प आफु नै भएकाे दाबी गरे ।  

कार्यक्रममा प्रोफेसर बिजय महासेठ, समाजिक अभियन्ता प्रकाश थारु, गुड्डी जोशी, दर्गा श्रेष्ठ, जलेश्वर सर्राफ, मनोज साह, दीपक सर्राफ, ई.गजेन्द्र दास लगायत युवाहरुकाे उल्लेख्य सहभागिता रहेकाे थियाे ।   

तेस्राे स्थापना दिवसकाे अवसरमा प्रभु अस्पतालमा रक्तदान

0
वीरगंज । प्रभु हस्पिटल वीरगंजकाे तेस्रो स्थापना दिवसको अवसरमा शनिबार वीरगंजमा रक्तदान कार्यक्रम सम्पन्न भएकाे छ । डेङ्गी रोगी तथा चाडपर्वमा हुने रगत अभाव परिपुर्तिका लागी आयाेजना गरिएकाे कार्यक्रममा १३ महिला सहित ५४ जनाले रक्तदान गरेकाे रेडक्रस पर्साका राजन श्रीवास्तावले वताए ।
 
हस्पिटल परिसर मै भएकाे कार्यक्रममा रक्तदान गर्नेमा जेनिसा कार्की,श्रीकिसन साह, रिन्कु कुमार, अस्मिता खनाल, कृष्ण पन्डित, जमिल अखतर, रन्जित चौरासीया, अनिल गुप्ता, जगदीश सहनि, सन्दिप मन्डल, राहुल चौधरी, पवन साह कानु, सुनिल कुमार ठाकुर, अमृत महतो, सुरज मन्डल, शनि मन्डल, सुरज भगत माली, लगायतले रक्तदान गरेका हुन ।
 
प्रभु हस्पिटलका संचालक डा. मनाेज गुप्ताकाे अध्यक्षता र पर्साका प्रमुख जिल्ला अधिकारी उमेश कुमार ढकालकाे प्रमुख आतिथ्यतामा भएकाे कार्यक्रममा अस्पतालकी डा. लक्ष्मी थापा, दिलिप राज कार्की, रेडक्रसका राजन श्रीवास्तव, भाेजपुरी गायक सुनिल पण्डित लगायतकाे पनि उपस्थिती रहेकाे थियाे ।

त्यसैगरि बारा जिल्लाको कलैया वडा नं. ६ को कार्यालय भरत चौकमा र वीरगंज सिटी राेयल युवा क्लबकाे आयाेजनामा वीरगंजकाे श्रीपुरमा पनि शनिबार रक्तदान कार्यक्रम सम्पन्न भएकाे छ । कलैयामा भएकाे कार्यक्रममा ६० जना र वीरगंजमा भएकाे कार्यक्रममा ५१ जनाले रक्तदान गरेकाे रक्त संचार केन्द्र वीरगंजले जनाएकाे छ ।

प्रभु अस्पतालमा रेडक्रस पर्साका राजन श्रीवास्तव, कलैयामा प्राबिधिक धिरेन्द्र झा र श्रीपुरमा प्राबिधिक दिलमाया घिमिरेको टोलिले प्राबिधिक सहयोग गरेका थिए ।

गठबन्धनको पक्षमा मतदान गर्न कांग्रेस नेता रिजालको अपील

0

वीरगंज । नेपाली कांग्रेसका केन्द्रीय सदस्य रमेस रिजालले कसैलाई कुनै पनि दया नगरी गठबन्धनको पक्षमा मतदान गर्न अपिल गरेका छन् ।नेपाल शिक्षक संघ पर्साले वीरगंजमा आयोजना गरेको शुभकामना आदान प्रदान कार्यक्रमलाई सम्बोधन गर्दै उनले यस्तो अपिल गरेका हुन् ।

‘अहिले जहाँबाट उम्मेद्वार भए पनि पहिला हाम्रै संगठनमा थियो उसलाई सहयोग गर्छु भन्ने दया देखाउन जरुरी छैन,’ उनले भने, ‘कांग्रेस र गठबन्धनका उम्मेद्वारलाई जिताउने गरि लाग्नु होस् ।’

अहिलेको लडाई भनेको संविधान बिरोधीसंगको लडाई रहेको भन्दै उनले संविधान विरोधी, संघीयता विरोधी अनि मधेस र मधेसी विरोधीलाई मतदानबाट जनताले ठेगान लगाउनु पर्ने बताए ।

पर्सा क्षेत्र नम्बर ४ का प्रतिनिधीसभा सदस्यका उम्मेदवार समेत रहेका रिजालले आचारसंहितालाई ख्यालमा राख्दै चुनावी अभियानमा जुट्न पनि शिक्षकहरुलाई आग्रह गरे ।

यस्तै क्षेत्र नम्बर २ का प्रतिनिधीसभा सदस्यका उम्मेदवार समेत रहेका केन्द्रीय सदस्य अजय चौरसियाले फेरि पनि पर्सा जिल्लालाई कांग्रेसको गढ बनाउने गरि चुनावी अभीयानमा जुट्न आह्वान गरे ।

शिक्षक संघ पर्साका अध्यक्ष प्रदीप जैसवारको सभापतित्वमा भएकाे कार्यक्रममा पार्टीका पर्सा जिल्ला अध्यक्ष एवं क्षेत्र नम्बर ३(ख) का उम्मेदवार जनार्दन सिंह क्षेत्री, क्षेत्र नं. १ (ख) उम्मेदवार एवम् जिल्ला उपसभापति रामनारायण कुर्मी, क्षेत्र नं. २ काे (क) का उम्मेदवार श्याम पटेल लगायतको सहभागिता रहेकाे थियो । 

संविधानमाथि तरवार झुण्डिएको छ : सहरी मन्त्री चौधरी

0

वीरगंज । नेकपा (एकीकृत समाजवादी)का पोलिट्ब्यूरो सदस्य एवं सहरी विकास मन्त्री मेटमणि चौधरीले नयाँ संविधानमाथि तरवार झुण्डिएको बताएका छन् । क्षेत्र नं १(क), दाङको लालमटियामा शुक्रबार आयोजित गठबंधन दलको कार्यकर्ता भेलालाई सम्बोधन गर्दै मन्त्री चौधरीले उक्त धारणा व्यक्त गरेका हुन् ।

संकटको बेला नेपालका दलहरु एक ठाउँमा आउने गरेको इतिहास रहेका बताउँदै मन्त्री चौधरीले भने, ‘विश्वमै उत्कृष्ट संविधान हामीले मिलेरै बनाऔँ । समाजमा पिछडिएका वर्ग र तप्काका मानिसहरुलाई राज्यको मुल धारमा ल्याउने कानुनी व्यवस्था गरियो । हरेक दृष्टिकोणले प्रगतिशील संविधान बन्यो । तर केपी ओलीलाई पचेन । जनताले खुसी मनाए तर केपी ओलीको समुहले त्यो खुुसी देख्न सकेन । त्यसैकारण यतिबेला नेपालको संविधानमाथि तरवार झुण्डिएको छ ।’

राप्ती कोरिडोर, घोराहीलाई बेस मानेर घोराही –लमही, घोराही –तुल्सीपुर, लमही–रिहारसम्म पोड वेको डिपिआरको तयारी, स्वर्गद्धारी पुग्ने केवलकार, श्रीनारायण चोकदेखि स्वर्गद्धारी जोड्ने बाटो निर्माण जस्ता महत्वपूर्ण योजनाहरु आफुले अघि सारेको बताउँदै क्षेत्र नं १ को गठबन्धनको उम्मेदवार समेत रहेका सहरी मन्त्री चौधरीले आफ्नै कारण मुलुकमा खरको छानो हटाउने राष्ट्रिय अभियान चलेको सुनाए ।

कार्यक्रममा लुम्बिनी प्रदेशका स्वास्थ्य मन्त्री इन्द्रजीत थारु, माओवादी केन्द्रका जिल्ला इन्चार्ज निर्मल आचार्य, जनमोर्चा नेपालका जिल्ला अध्यक्ष गणेश आचार्य, कांग्रेसका क्षेत्रीय अध्यक्ष भेषराज पाण्डे, एकीकृत समाजवादीका केन्द्रीय परिषद सदस्य तिलक केसी, कांग्रेसका लुम्बिनी प्रदेश सदस्य देब नारायण चौधरी लगायतले गठबन्धनका पक्षमा मतदान गर्न कार्यकर्ताहरुलाई निर्देशन दिएका थिए ।

काँग्रेस उम्मेदवार र प्रेस युनियन बिच छलफल, जिताउने प्रतिबद्धता

0

वीरगंज । पर्सामा सत्ता गठबनधनका नेपाली काँग्रेसका उम्मेदवारहरुलाई जिताउन एकजुट भएर लाग्ने नेपाल प्रेस युनियनमा आबद्ध पत्रकारहरुले प्रतिबद्धता जनाएका छन् ।

शनिबार वीरगंजमा आयोजित पर्साका काँग्रेसका उम्मेदवार र प्रेस युनियनमा आबद्ध पत्रकाहरुको भेलामा सहभागी पत्रकारहरुले लोकतन्त्रको रक्षाका लागि मियोको रुपमा रहेको काँग्रेसका उम्मेदवारहरुलाई विजयी बनाउने अभियानमा सकृयताका साथ लाग्ने प्रतिबद्धता जनाएका हुन् ।

उनिहरुले मुलुकमा आइपरेका हरेक राजनीतिक संकटबाट पार लगाउने काम काँग्रेसले नै गरेको र काँग्रेस बलियो रहे मात्र लोकतन्त्र र संविधान सुरक्षित हुने भएकाले काँग्रेसका उम्मेदवारहरुलाई जिताउने नैतिक दायित्व आफुहरुको रहेकाे बताए ।

मधेसका हरेक मुद्धा र सवालमा काँग्रेसले वकालत गर्दै आएकाले मधेसका बाँकी रहेका मुद्धा सम्बोधन गराउने दायित्व पनि काँग्रेसकै रहेको र काँग्रेसले नै त्यो काम गर्ने सक्के भेलामा वाेल्ने वक्ताहरुकाे भनाई थियो ।

कार्यक्रममा सहभागी पर्सामा काँग्रेसका उम्मेदवार र अगुवा नेताहरुले आसन्न निर्वाचनमा प्रेस युनिययनको भूमीका महत्वपूर्ण भएकाले काँग्रेसका उम्मेदवारको पक्षमा दृढ भएर लाग्न अनुरोध पनि गरे ।

कार्यक्रममा नेपाली काँग्रेसका केन्द्रिय सदस्य एंव पर्सा क्षेत्र नम्बर ४ का उम्मेदवार रमेश रिजाल, जिल्ला सभापति एंव पर्सा ३ (ख) का उम्मेदवार जनार्दन सिंह क्षेत्री, जिल्ला उपसभापति एंव पर्सा १ (ख) का उम्मेदवार रामनारायण कुर्मी, संविधानसभा सदस्य अनिल रुंगटा, जिल्ला सचिव एंव वीरगंज महानगरपालिकाका उपमेयर इम्तियाज आलम, जगरनाथपुर गाँउपालिकाका अध्यक्ष श्रीकान्त यादव लगायतको सहभागिता रहेको थियो ।

त्यसैगरी प्रैस युनियनका अग्रज एंव नेपाल पत्रकार महासंघका केन्द्रिय सचिव दिपेन्द्र चौहान, प्रेस युनियनका केन्द्रिय सचिव अशोक तिवारी, केन्द्रिय सदस्यद्वय श्रीराम रायमाझी, निलिमा पौडेल, जिल्ला अध्यक्ष रामनारायण कुर्मी, सचिव लालकिशोर सिंह लगायतको पनि सहभागिता रहेको थियो ।