Date
मङ्ल, मंसिर १, २०८३
Tue, November 17, 2026
Home Blog Page 611

वीरगंजबाट बिना भिसा नेपाल प्रवेश गरेका पोल्याण्ड नागरिक पक्राउ

0

वीरगंज । बिना भिसा नेपाल प्रवेश गरेका एक पोल्याण्ड नागरिक वीरगंजबाट पक्राउ परेका छन् । वीरगंज नाका हुँदै साेमबार भारत तर्फ जादै गरेका पासपोर्ट नं. E55350625 भएकाे पोल्याण्ड नागरिक MICHAL JERZY FIGURSKI पक्राउ परेका हुन् ।

चेकजाँचकाे क्रममा मिति २०२२ ओक्टुबर ०८ मा भारतकाे  बनवासबाट आउट स्ट्याम्प लगाई बिना भिसा नेपाल प्रवेश गरेका पाेल्याण्ड नागरिक वीरगंजमा पक्राउ परेकाे अध्यागमन कार्यालय वीरगंजले जनाएकाे छ ।

उनी नेपालका विभिन्न ठाउँमा १४ दिन भ्रमण गरेर साेमबार वीरगंज नाका हुँदै भारत जाने क्रममा पक्राउ परेका हुन् । उनी सवार मोटर साइकल नं. HP34D 2315 चेकजाँच गर्दा विना भिसा गैर कानुनी तरिकाले प्रबेश गरेकाे फेला परेकाे थियाे ।

पक्राउ पाेल्याण्ड नागरिकलाई आवश्यक कारवाही तथा अनुसन्धानका लागि अध्यागमन विभाग काठमाडाैं पठाईएकाे अध्यागमन कार्यालयले वीरगंजका प्रमुख राज कुशवाहाले जानकारी दिए ।

तेक्वान्दो स्वर्ण विजेतालाई उम्मेद्वार सिंहले गरे सम्मान

0

वीरगंज । पोखरामा जारी नवौँ राष्ट्रिय खेलकुद प्रतियोगितामा तेक्वान्दो तर्फ स्वर्ण पदक विजेता वीरगंजका म. सोयब अख्तर सम्मानित भएका छन् । पर्सा क्षेत्र नम्बर २ काे २ का स्वतन्त्र उम्मेदवार रुपेशमान सिंहले एक कार्यक्रमका बीच स्वर्ण पदक विजेता खेलाडी अख्तरलाई मायाको चिनोसहित सम्मान गरेका हुन् ।

वीरगंज ३ निवासी अख्तरले पोखरामा भएको खेलमा नेपाल प्रहरीका सुवासचन्द्र बोहोरालाई पराजित गर्दै स्वर्ण पदक हात पारेका थिए । ५८ केजी समूहतर्फ खेलेका उनले बोहोरालाई पराजित गर्दै मधेस प्रदेश कै लागि तेक्वान्दो तर्फ उक्त पदक दिलाउन सफल भएका हुन् । तेक्वान्दोमा स्वर्ण पदक जित्ने प्रदेशमै उनी मात्रै एक खेलाडी हुन् ।

अख्तरलाई सम्मान गर्दै स्वतन्त्र उम्मेदवार सिंहले वीरगंज र पर्सा जिल्लाको मात्रै नभई प्रदेशकै नाम राख्न सफल हुनु गौरबको विषय भएको बताए । उनले भने, ‘यो वीरगंज र पर्सा जिल्लाको लागि मात्रै नभई समग्र प्रदेशकै लागि गौरबको विषय हो, वीरगंजेली छोरोले अवसर पाए गरेर देखाउँछ भन्ने उदाहरण पनि हो ।’

खेलबाट आफ्नो क्षेत्र र देश चिनाउने गरी आउँदा दिनमा पनि अग्रसर रहिरहन आग्रह गर्दै उनले खेल क्षेत्रको विकासका लागि आवश्यक सहयोग गर्ने प्रतिबद्धता जनाए ।

निर्माण व्यवसायी संघ, पर्साकाे सपथ ग्रहण कार्यक्रम सम्पन्न

0

वीरगंज । नेपाल निर्माण व्यवसायी संघ, पर्साकाे नव निर्वाचित पदाधिकारी तथा सदस्यहरुकाे सपथ ग्रहण कार्यक्रम शुक्रबार वीरगंजमा सम्पन्न भएकाे छ । 

वीरगंजकाे तेजारथ टाेलस्थित साह दरबार हाेटलमा भएकाे कार्यक्रममा संघकाे ११ औं अधिवेशनबाट निर्वाचित पदाधिकारी तथा सदस्यहरुले सपथ ग्रहरण गरेका हुन् । संघका नवनिर्वाचित अध्यक्ष सुरेश प्रसाद पटेललाई प्रमुख निर्वाचन अधिकृत संताेष कुमार श्रीवास्तवले सपथ ग्रहण गराएका थिए ।

त्यसपछि वाकी नवनिर्वाचित पदाधिकारी तथा सदस्यहरुलाई अध्यक्ष पटेलले सपथ खुवाएका थिए ।  

अध्यक्ष पटेलबाट प्रथम उपाध्यक्ष ज्ञानेन्द्र मिश्र, द्वितिय उपाध्यक्ष अच्छेलाल प्रसाद चाैरसिया,  सचिव शनी यादव, सह सचिव संजय कुमा कुर्मी, काेषाध्यक्ष राजेश्वर प्रसाद राैनियार, सह काेषाध्यक्ष सदाम हुसेन, सदस्यहरु बिरेन्द्र प्रसाद कुर्मी, पारस ठाकुर हजाम, पुरुषाेत्म प्रसाद पटेल, अमाेद प्रसाद पटेल, बृजेश प्रसाद यादव, दिपेन्द्र प्रसाद साह साेनार, विकास कुमार साह, मनाेज कुमार साह, सतिश कुमार चाैरसियाले सथप ग्रहण गरेका थिए ।

निर्विराेध निर्वाचित भएका महिला सदस्यहरु प्रिया कुमारी पाण्डे र आशा कुमारी गुप्ता कार्यक्रममा उपस्थित नभएका कारण सपथ ग्रहण गरेनन् ।

संघका निर्वतमान अध्यक्ष रामाकान्त प्रसाद चाैरसियाकाे अध्यक्षतामा भएकाे सपथ ग्रहण कार्यक्रममा निर्माण व्यवसायी महासंघका अध्यक्ष रवि सिंह, महासचिव राेशन दाहाल, काेषाध्यक्ष हिरण कुमार श्रेष्ठ, मधेश प्रदेशका महासचिव राेहित खड्का, संघका संस्थापक अध्यक्ष एवम् सल्लाहकार सविर अंसारी लगायतले शुभकामना मन्तव्य राखेका थिए भने कार्यक्रमकाे संचालन संचारकर्मी निलिमा पाैडेलले गरेकी थिइन ।

प्रदेशसभा सदस्यका उम्मेदवार सर्राफ प्रति मतदाता उत्साहित

0

वीरगंज । प्रदेशसभा पर्सा क्षेत्र नं. १ काे २ का उम्मेदवार ओमप्रकाश सर्राफले मतदाता भेटाघाट कार्यक्रमलाई निरन्तारता दिएका छन् । प्रदेशसभा सदस्यका उम्मेदवार सर्राफले शुक्रबार वीरगंज महानगरपालिकाकाे वडा नम्बर-२ छपकैयामा भेटघाट गरेका हुन् ।

भेटघाटकाे क्रममा मतदातामा आफु प्रतिदेखिकाे उत्साह र समर्थनले आत्मबल बढएकाे उम्मेदवार सर्राफले वताए । यस पालिकाकाे निर्वाचनमा यस क्षेत्रकाे मतदाता आफुलाई जिताएर इतिहास रच्न आतुर रहेकाे सर्राफकाे भनाई छ ।

लाैराे चुनाव चिन्ह रहेकाे उम्मेदवार सर्राफ मधेश प्रदेशका मुख्यमन्त्री लालबाबु राउतका प्रतिस्पर्धी हुन् । मुख्यमन्त्री राउतले वीरगंजबाट निर्वाचित भएर वीरगंजलाई दाेखा दिएकाे र वीरगंजकाे लागि केही नगरेका कारण यस पालिकाे निर्वाचनमा मतदाता आफुलाई मतदान गरेर विजयी गराउनमा उम्मेदवार सर्राफ विश्वस्त छन् ।

समाजिक अभियान्ता समेत रहेका उम्मेदवार सर्राफले परिर्वतन र रास्ट्र निर्माणको अभियानमा सहयाेग गर्न लौरो छापमा मतदान गर्न आग्रह समेत गरेका हुन् ।

उम्मेदवार सर्राफकाे मतदाता भेटघाट कार्यक्रममा वीरगंजदेखि दिल्ली सम्मका पैदल यात्री शैख मुन्ना, जगदीश सरार्फ, संजय पटेल , आकाश चौरसिया, शेख अरसद, सहनवाज लगायतकाे सहभागि रहेकाे थियाे ।

प्रदीप यादवकाे समर्थन जुटाउन जसपा नेतृहरु पनि घरदैलोमा

0

वीरगंज । पर्सा क्षेत्र नम्बर १ का प्रतिनिधीसभा सदस्यमका उम्मेदवार प्रदीप यादवलाई जिताउन समाजवादी महिला संघले पनि प्रचार प्रसार अभियानलाई निरन्तरता दिएकाे छ ।

समाजवादी महिला संघमा आबद्ध महिला नेतृहरुले मतदाताको घरघरमा पुगेर प्रतिनिधीसभा सदस्यका उम्मेदवार यादवको पक्षमा मतदान गर्न आग्रह गरिरहेका छन् ।

यसैक्रममा उनिहरुले शुक्रबार पनि वीरगंज महानगरपालिकाकाे वडा नम्बर २१ पटेलनगरमा पुगेर घरदैलो कार्यक्रम गरेका छन् ।

मतदातासँगको भेटघाटका क्रममा जसपाका महिला नेता कार्यकर्ताहरुले काम गर्ने नेतालाई नै फेरि अवसर दिए महिलाको सशक्तिकरण हुने र क्षेत्रको विकास पनि हुने बताए ।

घरदैलोका क्रममा खासगरि महिला मतदाताहरुले सांसदमा जितेर मन्त्रीसमेत भएका यादवले क्षेत्रको समृद्धि र विकासमा नमूनाम काम गर्नुका साथै युवती र गृहिणी महिलालाई आत्मनिर्भर बनाउने विभिन्न योजना पनि सञ्चालन गरेकाले आफुहरुको यसपालिको पनि रोजाई यादव नै भएको प्रतिक्रिया दिएको घरदैलोमा सहभागी समाजवादी महिला संघकी नेतृ प्रेरणा श्रेष्ठले जानकारी दिइन् ।

समाजवादी महिला संघ मधेस प्रदेश संघ मधेश प्रदेश समितिकी उपाध्यक्ष पिंकी यादवको नेतृत्वमा शुक्रबार भएको घरदैलो कार्यक्रममा नेतृहरु अन्नपूर्णा मानन्धर, सुनिता साह, लालसा चौधरी लगायतको सहभागीता थियो ।

स्वतन्त्र उम्मेदवार सिंह मतदातासंग भेटघाट गर्दै मत माग्दै

0

वीरगंज । पर्सा क्षेत्र नम्बर २ काे २ का स्वतन्त्र उम्मेदवार रुपेशमान सिंहले मतदातासँगको भेटघाटलाई शुक्रबार पनि निरन्तरता दिएका छन् ।

सिंहले शुक्रबार क्षेत्र अन्तर्गकाे वीरगंज महानगरपालिका वडा नम्बर २४ का मतदातालाई भेट गरेर आफ्ना एजेण्डा राख्दै आउदो निर्वाचनमा सहयोग गर्न आग्रह गरेका हुन् । मतदाताहरुले अब स्वतन्त्रलाई नै अघि सार्ने भन्दै योग्य, सक्षम उम्मेदवार सिंह बाहेक अन्य नदेखिएकाले उनकै पक्षमा मतदान गर्ने प्रतिकृया दिए ।

स्थानीय मुकेस साहले दलीय उम्मेद्वारका साथै केही स्वतन्त्र भन्दै हिँडेका उम्मेदारबाट क्षेत्रको समग्र विकास हुन नसक्ने आफूले देखेको भन्दै त्यसका लागि सिंह एक मात्रै विकल्प रहेको बताए ।

उनले भने, ‘पहिले जितेर गएकाहरुको काम पनि हामीले हेरिसकेका छौँ, उनको भुलभुलैया गफमा हामी पर्दैनौँ, तपाईलाई जिताउने अभियानमा हामी सँगसँगै हिँड्न तयार छौँ ।’

रोड, नाला भन्ने कुरा विकासको चरणमा हुँदै जाने कुरा भएको भन्दै उनले समग्र विकासका कुरा गर्ने उम्मेदवार सिंह मात्रै देखेकाले सबैले उनलाई साथ दिनुपर्ने बताए ।

‘रोड, नाला जस्ता भौतिक निर्माण भन्ने कुरा त विकासको चरणमा हुँदै जाने कुरा हो, तर त्यस ठाउँको शिक्षा, स्वास्थ्य तथा स्वरोजगारको सवालमा के काम भयो त भन्ने कुरा महत्वपूर्ण हो,’ उनले भने, ‘यो समग्र विकासको एजेण्डासहित आएका उम्मेदवार सिंहको पक्षमा सबैले मतदान गरौँ ।’

स्थानीय मतदाताको सुझाव र सल्लाह बमोजिम नै आफू अघि बढ्ने भन्दै उम्मेदवार सिंहले त्यसका लागि अहिले चुनावमा साथ दिएर सहयोग गर्न सबैलाई आह्वान गरे ।

पाँचौं दिन पनि प्रदिपकाे रोड शो, ठाउँठाउँमा मतदाताले गरे स्वागत

0

वीरगंज । पर्सा क्षेत्र नम्बर १ को शहरी क्षेत्रमा पर्ने वीरगंज महानगरपालिकाकाे विभिन्न वडाहरुमा शुक्रबार पनि जसपाले चुनावी रोड शो कार्यक्रमलाई निरन्तरता दिएको छ ।

जसपा–एमाले गठबन्धनले चुनावी प्रचार प्रसार अन्तर्गत शुक्रबार वीरगंज महानगरका तीन वटा वडामा गरेको रोड शो का क्रममा पूर्वमन्त्री यादवलाई मतदाताहरुले स्वागत गर्दै आफुहरुले यादवलाई अत्याधिक मतले विजयी बनाउने वताएका हुन् ।

वीरगंज महानगरपालिकाको वडा नम्बर ११ श्रीपुर, नयाँ टोल , वडा नम्बर १२ को मुर्ली र वडा नम्बर १५ को लक्ष्मणवा र भेडियाहीमा शुक्रबार मुख्यमन्त्री एवम् प्रदेशसभा सदस्य उम्मेदवार लालबाबु राउतसँगै रोड शो गरेका यादवलाई मतदाताले ठाँउ ठाँउमा स्वागत गरेका थिए ।

त्यसक्रममा मतदाताहरुले पर्सा १ मा प्रदीप यादवले विकास निर्माणसंगै राष्ट्रिय रुपमा पहिचान दिलाउने गरि गरेका कामहरुका कारण क्षेत्रवासीले फेरि एक पटक उनलाई अवसर दिने सोचमा रहेको बताए ।

पर्सा १ का जनता नाम र अनुहार नभई आफनो क्षेत्रमा काम गरेका नेताको पक्षमा रहेको भन्दै उनिहरुले यादवले गरेका कामहरुकै कारण यसपालि फेरि यादवलाई नै जिताउने मुडमा रहेको पनि बताए । त्यसक्रममा प्रतिनिधीसभा सदस्यका उम्मेदवार यादवले पनि कामको मुल्यांकन गरेर आफना जनप्रतिनिधी चुन्न मतदाताहरुसंग अनुरोध गरे ।

मतदाताको चाहना र भरोसा पुरा गर्न नै आफु राजनीतिमा लागेको भन्दै यादवले मतदाताहरुसंग भने, ‘तपाइहरुको सद्भाव र साथले म मा अझ उर्जा थपिएको छ, तपाइहरुको भरोसामा म सदैव खरो उत्रिनेछु, ढुक्क रहनु होला ।’

शुक्रबारको चुनावी रोड शो मा जसपा र एमालेका नेता कार्यकर्ताहरुसंगै स्थानीय मतदाता पनि सहभागी भएका थिए ।

त्रिवेणी स्पिनिङ्गमा प्रहरी र मजदुर बीच झडप, एक प्रहरीसहित दर्जन भन्दा बढी घाइते

0

वीरगंज । बाराकाे जितपुर सिमरा उपमहानगरपालिका वडा नं. ९ छाता पिपरामा रहेकाे त्रिवेणी स्पिनिङ्ग मिल्स प्रालिमा बिहिबार दिउसाे मजदुर र प्रहरी बीच झडप भएकाे छ ।

कर्मचारी बाेनसकाे विषयलाई लिएर भएकाे झडपमा एक प्रहरीसहित दर्जन भन्दा बढी मजदुरहरु घाइते भएका छन् । प्रहरीले स्थिती नियन्त्रणमा लिन एक राउन्ड हवाई फायर र दर्जनाैं शेल आशु ग्यास फायरिङ गरेकाे थियाे ।

कम्पनीका संचालकले विगतकाे बर्षमा कर्मचारीलाई उपलब्ध गराउँदै आएकाे वाेनस उपलब्ध नगराएपछि बुधबारदेखि कामदारहरु आन्दाेलित थिए । आन्दाेलन कै क्रममा कामदारहरुले बुधबार दिउसाेदेखि नै कम्पनीका सिइयाे अशाेक शर्मालाई उनकै कार्यकक्षमा थुनेर कम्पनी मै बसेका थिए ।

समस्या समाधानकाे लागि बिहिबार दिउसाे कम्पनी मै कम्पनी संचालक र मदुर पक्ष बिच बर्ता भइरहेकाे थियाे । साेही क्रममा पुगेका जिल्ला प्रहरी कार्यालय बाराका प्रहरी उपरिक्षक होबिन्द्र बोगटी र आन्दाेलित मजदुर बिच विवाद हुँदा झडप हुन पुग्याे ।

प्रहरी उपरिक्षक बाेगटीसंगै कम्पनीकाे कार्यालयमा प्रबेश गर्ने क्रममा एक प्रहरी जवानले महिला कमादारलाई हातपात गर्दै दुर्व्यहार गरेपछि आक्राेशित कमादारहरु मिल्समा धागाे बेर्ने पाइपाहरु चलाउन थालेपछि स्थित तनाव पूर्ण बनेकाे थियाे । त्यसकाे केही बेर सम्म दुबै पक्ष बिच बारम्बार झडप भइरहयाे ।

प्रहरीले कामदारहरुले थुनेका कम्पनीका सिईयाे शर्मालाई उद्दार गराउन कमदारमाथी बल प्रयाेग गरेकाे थियाे । त्यस क्रममा एक प्रहरी जवानसहित एक दर्जन भन्दा बढी मजदुरहरु घाइते भएका हुन् । प्रहरीले बर्तामा बसेका केही मजदुर नेतासहित ७ जनालाई नियन्त्रणमा समेत लिएकाे छ ।

विगत १५ वर्षदेखि मजदुरहरुले वर्षेनी दशैं तिहारमा बोनस प्राप्त गर्दै आएकोमा विगत ३ वर्षदेखि उद्योग प्रशासन पक्षले मजदुरहरुलाई बोनस दिन आनाकानी गर्दै आएको मजदुरहरुको आरोप छ ।

कोरोना संक्रमण महामारीको बखत उद्योग संचालन नभए पश्चात मजदुरहरुले बोनस पाएका थिएनन्, त्यस यता गत वर्षको दशैंमा उद्योग प्रशासनले मजदुहरुलाई १० देखि १२ हजारको दरले बोनस दिएको थियो । यस वर्ष उद्योग राम्ररी संचालन भइरहेको अवस्थामा उद्योग पक्षले अचानक बोनस नदिने भनेपछि आफुहरु विरोधमा उत्रेकाे मजदुहरुले वताएका छन ।

उद्योग पक्षले पैसाको आडमा प्रहरीलाई बोलाई बल प्रयोग गरि मजदुरहरुमाथि दमन गराएको अखिल नेपाल औधाेगिक मजदुर संघका सचिव लुटेन्द्र मिश्रले वताए । पुरुष प्रहरीले महिला श्रमिकमाथि हात हालेको, दुव्र्यवहार गरेको, कम्मरमा हात समाई लछार पछार गरेको मजदुरहरुकाे आराेप छ ।