वीरगंज । वीरगञ्ज महानगरपालिका वडा नम्बर ११ को वडाध्यक्षका प्रत्यासी पवन कुमार ठाकुर जनता समाजवादी पार्टी (जसपा) प्रवेश गरेका छन् ।
गत स्थानीय तहको निर्वाचनमा जनमत पार्टीबाट स्थानीय तहको निर्वाचनमा वडाध्यक्षका उम्मेदवार भएका ठाकुर जसपा प्रवेश गरेका हुन् । ठाकुरलाई जसपाका राजनीति समिति सदस्य एवं पर्सा क्षेत्र नं. १ का प्रतिनिधिसभा सदस्यका उम्मेदवार प्रदीप यादवले पार्टीमा स्वागत गरेका थिए ।
पूर्वमन्त्रीसमेत रहेका यादवले ठाकुरलाई मंगलबार वीरगञ्जमा एक अनौपचारिक कार्यक्रम बीच फूलमाला र टिका लगाएर पार्टीमा भित्र्याएका हुन् ।
पार्टी प्रवेश गर्दै ठाकुरले जसपाले मात्र देशमा विकास र समृद्धि ल्याउन सक्ने भएकोले आफूले जनमत पार्टी त्यागेर जसपा रोजेको बताए ।
