वीरगंज । पर्सा प्रहरीले जुवाखालमा छापामारी गरि १ लाख १८ हजार बढि रकम सहित ४ जना जुवाडेलाई पक्राउ गरेको छ ।
- Advertisement -
पक्राउ पर्नेमा वीरगंज महानगरपालिका १७ अलौं बस्ने २८ वर्षीय लक्ष्मी सहनी, ३० वर्षीय अनिल प्रसाद साह, ४० वर्षीय मुकेश गुप्ता र ३९ वर्षीय जाकिर मिया रहेका छन् ।
सोमबार राति करिब पौने ११ बजेको समयमा वीरगंज महानगरपालिका वडा नं १७ अलौ स्थित जुवा भइरहेको सूचनाको आधारमा पर्सा प्रहरीले छापामारी गरि नगद रकम सहित ४ जना जुवाडेलाई पक्राउ गरेको हो ।
वडा प्रहरी कार्यालय श्रीपुर र प्रहरी चौकी सिर्सियाबाट खटिएको टोलीले नगद सहित जुवाडेहरुलाई पक्राउ गरेको जिल्ला प्रहरी कार्यालय पर्साले जनाएको छ ।
जुवाको खालबाट नगद १ लाख १८ हजार १९० रुपैयाँ र एक सेट कौडा समेत बरामद भएको जिल्ला प्रहरी कार्यालय पर्साका प्रवक्ता प्रहरी नायब उपरीक्षक दिपक गिरीले जानकारी दिए ।
