Date
मङ्ल, मंसिर १, २०८३
Tue, November 17, 2026
Home Blog Page 594

समाजवादी प्रेस संगठनले मंसिर २४ गते श्रद्धाञ्जली सभा गर्ने

0

वीरगंज । समाजवादी प्रेस संगठन पर्सा शाखाकाे बैठक सम्पन्न भएकाे छ । संगठनकाे सम्पर्क कार्यालय वीरगंजमा बसेकाे बैठकले संगठनका सदस्य स्व. नरेश सर्राफकाे आत्माको चिर शान्तिको लागि शोक प्रस्ताव पारित गर्दै श्रद्धाञ्जली व्यक्त गरेको छ ।

साथै बैठकले स्व. सर्राफकाे १० औं दिनकाे पुण्य तिथीमा मंसिर २४ गते शनिबारका दिन वीरगंज मै शाेक सभा समेत गर्ने निर्णय गरेकाे संगठन पर्साका सह सचिव विनाेद पटेलले जानकारी दिए ।

संगठनका संस्थापक सदस्य समेत रहेका पत्रकार सर्राफकाे निधनले मधेश प्रदेशकाे पत्रकारिता क्षेत्रकाे साथ साथै संगठनकाे लागि  ठूलाे क्षति पुगेकाे बैठककाे निष्कर्ष छ ।   

नेपाल पत्रकार महासंघ पर्सा शाखाका जिल्ला कार्य समिति सदस्य समेत रहेका ३८ बर्षिय पत्रकार सर्राफकाे मंसिर १५ गते विहान व्ययाम गरिरहेको अवस्थामा हृदयघात भएर निधन भएका थिए ।    

संगठन पर्साका अध्यक्ष मनाेज पटेलकाे अध्यक्षतामा बसेकाे बैठकमा उपाध्यक्ष शम्भु कुमार सुमन, सचिव अजय चाैरसिया लगायत कार्य समिति सदस्यहरु उपस्थिती रहेकाे थियाे ।

रेडक्रस पर्साले कोभिड १९ विरुद्धकाे खोप अभियान संचालन गर्दै

0

वीरगंज । नेपाल रेडक्रस सोसाईटी पर्सा शाखा वीरगंजकाे आयोजनामा बुधबार कोभिड १९ पूर्व तयारी तथा प्रतिकार्य कोभिड १९ बिरुद्धको खोप अभियान कार्यक्रम सम्बन्धि जिल्ला स्तरीय समन्वय बैठक सम्पन भएको छ ।

रेडक्रस पर्सा शाखाका सभापति बिरेन्द्र राज कडेलको सभापतित्व र रेडक्रस मधेश प्रदेशका सभापति फुलमहम्मद मियाको प्रमुख आतिथ्यमा सम्पन बैठकले पर्साका दुई वटा पालिकामा खोप लिने संख्यमा सत प्रतिशत पुर्याउने अभियान चलाउने निर्णय गरेको छ ।

पर्साको पकहामैनपुर गाउँपालिका र बिन्दवासिनी गाउँपालिकामा जनचेतनामुलक काम गर्ने र विद्यालयमा पनि अभियान संचालन गर्ने समेत निर्णय गरेको कार्यक्रम संयोजक अजय यादवले बताए ।

खोप लिनेको संख्यामा सब भन्दा कम पर्सा जिल्ला रहेकाे र पर्सा जिल्लामा पनि सबै भन्दा कम लिनेको संख्या पकहामैनुर, बिन्दवासिनी र सखुवा प्रसाैनी गाउँपालिका रहेकोले खोप लिनेको संख्यामा बृद्धि गराउन तथा सत प्रतिशत नै पुर्याउन अभियान नै चलाउनु परेको रेडक्रस पर्साका सभापति बिरेन्द्र राज कडेलले बताए ।

कडेलका अनुसार बर्तमानमा दुईटा पालिका पकहा मैनपुर र बिन्दवासिनीलाई कार्यक्षेत्र बनाएकाे छ । बिन्दवासिनी गाउँपालिकामा ५ बर्ष देखी ११ बर्ष उमेरका १२ हजार ८ सय ९१ जनालाई र १२ बर्ष देखी १७ बर्ष सम्मका ४ सय ६४ जना र १८ बर्ष भन्दा माथीका १२ हजार ३ सय ५१ जनालाई खोप लागेको छ भने ५ बर्ष देखी ११ बर्षका तीन हजार ७ सय २६ जना, १२ देखी १७ बर्षका २ हजार ८ सय ५४ जना र १८ बर्ष माथी ६ हजार ९ सय ४८ जनालाई खोप दिन बाकी रहेको रहेकाे छ ।

यसैगरी पकहा मैनपुर गाउँपालिकामा ५ देखी ११ बर्ष उमेरका १३ हजार ४ सय ७६ जना, १२ बर्ष देखी १७ बर्षका दुई हजार ८२ जनाले र १८ बर्ष भन्दा माथीकाहरु १० हजार ७ सय ७७ जनालाई खोप लागेको छ भने ५ बर्ष देखी ११ सम्मका ५ हजार ७ सय ७८ जना, १२ बर्ष देखी १७ बर्षका ७ सय ४३ जना र १८ बर्ष भन्दा माथीका ५ हजार ६ सय ५२ जनालाई खोप लगाउन वाकी रहेकाे छ ।

खोप नलिएकाहरु पनि के‍हीले खोप कार्ड बनाइसकेको सर्बे गर्दा फेला परेको वताइएकाे छ ।

रेडक्रस पर्साका सभाहलमा बसेकाे बैठकमा पकहा मैनपुर गाउँपालिकाका अध्यक्ष सुरेश मेहता, बिन्दवासिनी गाउँपालिकाका प्रमुख प्रशासकिय अधिकृत राजु साह, जनस्वास्थ्य कार्यालय पर्सा निमित प्रमुख बिनोद झा, जिल्ला प्रशासन कार्यालय पर्साका गौरीशंकर प्रसाद, गैरसरकारी संस्था महासंघ पर्साका अध्यक्ष छठु साह रेडक्रसका अधिकृत बिरशमशेर कुर्मी लगायतको उपस्थिती रहेको थियो ।

पत्रकार सर्राफकाे निधनले अपूरणीय क्षति : वक्ताहरु

0

वीरगंज । हिन्दु स्वमसेवक संघ पर्साकाे आयाेजनामा आज पत्रकार स्व. नरेश सर्राफकाे श्रद्धाञ्जली सभा सम्पन्न भएकाे छ । संघकाे कार्यालय केशव धाम वीरगंजमा भएकाे श्रद्धाञ्जली सभामा वाेल्ने वक्ताहरुले पत्रकार सर्राफकाे असामयिक निधनले पत्रकारिता क्षेत्रकाे साथ साथै हिन्दु स्वयम् सेवक संघकाे लागि ठूलाे क्षति पुगेकाे वताएका छन् । 

पत्रकार सर्राफकाे जिवनको बारेमा बर्णन गर्दै वक्ताहरुले उनी असल, सालिन र इमान्दार व्यक्ति भएकाे वताए । पत्रकारिता क्षेत्रमा अलग पहिचान बनाएका सर्राफले धर्म रक्षा र संरक्षणकाे लागि पनि अतुल्निय काम गरेकाे वताए । उनकाे निधनले मधेश प्रदेश कै पत्रकारिता क्षेत्रमा क्षति पुगे जस्ताे संघकाे  लागि पनि ठूलाे क्षति पुगेकाे वक्ताहरुकाे भनाई थियाे ।

नेपाल पत्रकार महासंघ पर्साका जिल्ला कार्य समिति सदस्य समेत रहेका ३८ बर्षिय पत्रकार सर्राफकाे मंसिर १५ गते विहान व्ययाम गरिरहेको अवस्थामा हृदयघात भएर निधन भएका थिए । उनी हिन्दु स्वमसेवक संघ पर्साका जिल्ला प्रचार प्रमुख समेत थिए । 

विभाग संघचालक ललन द्विवेदीकाे अध्यक्षतामा भएकाे श्रद्धाञ्जली सभामा समाजवादी प्रेस संगठन पर्साका अध्यक्ष मनाेज कुमार पटेल, उपाध्यक्ष शम्भु कुमार सुमन, पत्रकार एसके चाैरसिया, युवा नेता राकेश यादवले स्व. पत्रकार सर्राफकाे जिवनको बारेमा बर्णन गरेका थिए भने कार्यक्रमकाे संचालन संघका जिल्ला कार्यवाह कृष्ण चौरसियाले गरेका थिए ।

कार्यक्रममा सहभागि जगरनाथपुर गाउँपालिकाका अध्यक्ष श्रीकान्त प्रसाद यादव, वडाध्यक्ष बैजु स्वर्णकार, विश्व हिन्दु परिषद नेपालका मार्ग दर्शक मण्डलका सदस्य सराैभनाथ बाबा, हिन्दु स्वयम् सेवक संघका संभाग कार्यवाहक रंजित साह, स्व. सर्राफका काका सुरेन्द्र सर्राफ, ओमप्रकाश सर्राफ लगायतकाले श्रद्धान्जली दिएका थिए । 

पर्सा क्षेत्र नं. ४ मा कुन उम्मेदवारले कहाँ कति मत पाए ?

0

वीरगंज । पर्सा निर्वाच क्षेत्र नं. ४ का एक दर्जन जति उम्मेदवारले एक सय मत पनि कटाउन सकेका छैनन् । मंसिर ४ गते सम्पन्न निर्वाचनमा प्रतिनिधि सभा तथा प्रदेश सभा सदस्यका उम्मेदवारहरु मध्ये ११ जना उम्मेदवारले एक सय भन्दा कम मत पाएका छन् ।

यस क्षेत्रकाे प्रतिनिधि सभा सदस्यमा नेपाली कांग्रेसका रमेश रिजाल विजयी भएका छन् । कांग्रेसका उम्मेदवार रिजालले ३१ हजार १४२ मत ल्याएर विजयी हुँदा उनका निकटतम् प्रतिद्वन्दी नेकपा एमालेका उम्मेदवार जालिम मियाँले २५ हजार ६ सय १२ मत पाएका थिए 

त्यसैगरी प्रतिनिधि सभा सदस्य कै उम्मेदवार राष्ट्रिय प्रजातन्त्र पार्टीका अवधेश प्रसाद गाैराे एक हजार २८३ मत, जनमत पार्टीका अजय कुमार यादव ९४१ मत, नेपाली जनता दलका रामशिष महताे काेइरी ६८२ मत,  नेपाल मजदुर किशान पार्टीका राज कुमार बनमाला ८८ मत, स्वतन्त्र उम्मेदवार महेन्द्र कुमार चाैधरी १२० मत, हेतुला मियाँअंसारी ५७ मत, हरिओम साह कानु ३५ मत र अजय अमहद १५ मत मात्र पाएका थिए ।

प्रदेश सभा क्षेत्र नं. ४ (१) मा  कांग्रेस कै शंकर चाैधरी दाेस्राे पटक विजयी भएका छन् । प्रदेश सभा सदस्यमा कांग्रेसका चाैधरी १२ हजार १५४ मत ल्याएर विजयी हुँदा उनका निकटतम् प्रतिद्वन्दी एमालेका जयप्रकाश थारुले १० हजार ४३८ मत पाएका थिए ।

यसैगरी प्रदेश सभा सदस्य कै स्वतन्त्र उम्मेदवार विरेन्द्र प्रसाद यादव ३ हजार २३१ मत, जरी लामा थिङ ८८७ मत, राप्रपाका शान्त कुमार जाेशी ७७२ मत, जनसमाजवादी पार्टीका राजेन्द्र प्रसाद साह ४८७ मत, जनमत पार्टीका शेषनाथ महताे नुनिया ४७४ मत, नेपालका लागि नेपाली पार्टीका राम गाेविन्द प्रसाद चाैहान ९८ मत, नेमकिपाका हकिम अंसारी ५१ मत र स्वतन्त्र शम्भु महताे थारु २१ मत पाएका थिए ।

प्रदेश सभा क्षेत्र नं. ४(२) मा जसपाका सिंगासन सा कलवार दाेस्राे पटक विजयी भएका छन् । प्रदेश सभा सदस्यमा जसपाका कलवार १५ हजार ३८५ मत ल्याएर विजयी हुँदा उनका निकटतम् प्रतिद्वन्दी स्वतन्त्र उम्मेदवार प्रहलाद सा कानुले १२ हजार ६४१  मत पाएका थिए ।

प्रदेश सभा सदस्य कै उम्मेदवार नेकपा माओवादी केन्द्रकी शेख चाँदा ताराले एक हजार ७६५ मत, राप्रका नागा हजारा दुसाद एक हजार ११४ मत, नेपाली जनता दलका सेमराज राउत अहिर ३१९ मत, नेपाल सुशासन पार्टीका बलराम तिवारी २१६ मत, नेमकिपाका साहव मियाँ तेली १६७ मत, स्वतन्त्र विरेन्द्र महताे चाई ५१ मत, विरेन्द्र ठाकुर हजाम ४५ मत, लखु साह तेली र हाफिज हवारी ९/९ मत पाएका थिए । 

 यस क्षेत्रकाे प्रतिनिधि सभा तर्फ ४.०४ प्रतिशत मत बदर भएकाे थियाे । प्रतिनिधि सभा सदस्यमा ६२ हजार ४९६ मत खसेकाेमा त्यस मध्ये २ हजार ५२८ मत बदर भएकाे निर्वाचन अधिकृतकाे कार्यालयले जनाएकाे छ ।

त्यसैगरी प्रदेश सभा क्षेत्र नं. ४(१) मा ३.६६ प्रतिशत मत बदर भएकाे थियाे । प्रदेश सभा क्षेत्र भरीमा २९ हजार ६९६ मत खसेकाेमा त्यस मध्ये एक हजार ८९ मत बदर भएकाे थियाे । प्रदेश सभा क्षेत्र नं. ४(२) मा सबै भन्दा कम २.६८ प्रतिशत मत बदर भएकाे थियाे । ३२ हजार ५९३ खसेकाे मत मध्ये ८७६ मत मात्र बदर भएकाे थियाे ।

प्रतिनिधि सभा तथा प्रदेश सभा सदस्यमा मुख्य प्रतिस्पर्धी उम्मेदवारले कुन ठाउँमा कति मत पाएका थिए त्यसकाे विवरण तल उल्लेख गरेका छाैं । 

प्रतिनिधि सभा 
     स्थान       जालिम मियाँ (एमाले)   रमेश रिजाल (कांग्रेस)
जगरनाथपुर  १               ११०७                     ७६१
जगरनाथपुर  २              ११३४                     ९११
जगरनाथपुर  ३               ७३९                      ७२२
जगरनाथपुर  ४              १६९१                     १०९७
जगरनाथपुर ५               ५८८                      १८७१

जिराभवानी  १                 ११२७                     १३८४
जिराभवानी  २                  ६०६                      ७५४
जिराभवानी  ३                  ७१७                     १०४३
जिराभवानी  ४                  ८२०                      ६६५
जिराभवानी  ५                  ७२१                      ८३१

ठाेरी  १                             ४८९                      ५२८
ठाेरी  २                             ५३२                      ८२४
ठाेरी  ३                             ५५६                     १०६२
ठाेरी  ४                             ८१९                      १६२४
ठाेरी  ५                             ५३०                       ८६५

छिपहरमाई १                    ६८५                      ९२२
छिपहरमाई २                   १००२                     १६६४
छिपहरमाई ३                     ८०४                     ११६३
छिपहरमाई ४                    ७३९                      ८६७
छिपहरमाई ५                    ८४२                      ९४९

धाेबिनी १                            ३९५                      ५२०
धाेबिनी २                            ९७०                      ८८३
धाेबिनी ३                           १०२७                     ८५९
धाेबिनी ४                            ५८८                      ८७६
धाेबिनी ५                           १०५०                      ६२९

पकहा मैनपुर ५                  ५९४                        ९२२

कालिकामाई १                    ११४२                      १४०२
कालिकामाई २                     ८०२                      १२६०
कालिकामाई ३                     ७०४                       ६६८
कालिकामाई ४                     ६७२                       ६७०
कालिकामाई ५                     ४५४                       ९१६

पाेखरिया ३                          ८६६                       १०३०
       जम्मा                         २५६१२                  ३११४२

प्रदेश सभा क्षेत्र नं. ४ (१)
     स्थान         जयप्रका थारु   शंकर चाैधरी  बिरेन्द्र यादव 
                            (एमाले)         (कांग्रेस)     (स्वतन्त्र)
जगरनाथपुर १         ८८७             ५६९               ३३०                             
जगरनाथपुर २        ६९६              ६७०              ५९४
जगरनाथपुर ३         ३४०              ३५२               ७४६
जगरनाथपुर ४       १४३४              ८३०                २६६
जगरनाथपुर ५        ४८७             १५७८               २४४

जिराभवानी १         ११०५             १११९               २५८
जिराभवानी २          ५९४             ७०५                 १३२
जिराभवानी ३           ७४३             ८३०                 २८४
जिराभवानी ४           ८८२            ५४४                   ७४
जिराभवानी ५           ६०५             ६८५                 ११०

ठाेरी  १                      ४९०            ४७७                    १
ठाेरी  २                     ५४६             ७६१                  २२
ठाेरी  ३                      ८८५             ९५८                 ५२
ठाेरी  ४                      ७१५            १४७७                ४९
ठाेरी  ५                       ३२९               ६९                 ६९
जम्मा                    १०४३८          १२१५४           ३२३१

प्रदेश सभा क्षेत्र नं. ४ (२)
   स्थान       शेख चाँद तारा   सिंगासन साह   प्रहलाद साह 
                    (माओवादी)        (जसपा)        (स्वतन्त्र)
छपहरमाई १     ३४                  १२३५               ४४१    
छपहरमाई २    १५९                  १३५३              १२३३
छपहरमाई ३     २४२                   ९५७              ८६८
छपहरमाई ४       ५५                   ८६४              ७५५
छपहरमाई ५       ७५                 ११५३                ५२९

धाेबिनी १               २१                    ५२२              ३८८
धाेबिनी २             १०५                    ११४२            ५६७
धाेबिनी ३              ५७                     ९२७             ८४०
धाेबिनी ४              ३१                     ६८६             ७२०
धाेबिनी ५            १५३                      ६६०            ९१०

पकहा मैनपुर ५    ३०२                      ६६३           ५९१

कालिकामाई १       ४३                     १२३४         १३२०
कालिकामाई २       ११०                    ८९८          १००६
कालिकामाई ३         ५०                   ८१०          ५४४
कालिकामाई ४         २६                   ६०३          ६९७
कालिकामाई ५          २०                  ६३३          ६८३

पाेखरिया ३              २८२               १०४५         ५४९
     जम्मा              १७६५           १५३८५           १२६४१

प्रधानमन्त्रीमा माओवादीकाे दाबी स्वभाविक : देव गुरुङ

0

काठमाडाैं । नेकपा (माओवादी केन्द्र)का महासचिव देव गुरुङले आगामी सरकारको नेतृत्वका लागि आफ्नो पार्टीको दाबी रहने बताएका छन्।

केन्द्रीय कार्यालय, पेरिशडाँमा आयोजित पदाधिकारी बैठकपछि सञ्चारकर्मीसँग कुराकानी गर्दै महासचिव गुरुङले सरकारको नेतृत्वमा माओवादीको दाबी स्वभाविक भएको बताएका हुन्। गुरुङले भने, “विगतदेखि भन्दै आएकाले स्वभाविक ढंगले त्यो कुरा उठाउने विषय स्वतः भयो।”

अहिलेको परिवर्तनको बाहक भएको नाताले पनि नेतृत्वको दाबी गर्न स्वभाविक हुने उनको भनाइ थियो। “संविधान निर्माण खेलेको भूमिका, अहिलेको परिवर्तनको मूल बाहकका रुपमा सरकारको नेतृत्व (प्रधानमन्त्री) को दाबी हुने नै भयो,” गुरुङले भने।

यससँगै अहिले त्रिशंकु संसद् भएकाले दलहरूको सहमति आवश्यक हुने उनको भनाइ थियो। महासचिव गुरुङले भने, “अहिले त्रिशंकु संसद् रहेको अवस्थामा आपसी समझदारीबाट जानुको विकल्प देखिँदैन।”

त्यस्तै, माओवादीले अहिले नै गठबन्धनको विकल्पका रुपमा नसोचेको उनले बताए। पदाधिकारी बैठकमा निर्वाचनको समीक्षा भए पनि गठबन्धन र सरकार गठनका विषयमा निर्णय नभएको उनको भनाइ थियो। “गठबन्धन तोड्न पर्छ, फेर्नुपर्छ भन्ने अवस्थामा पुगेको होइन,” गुरुङले भने।

गठबन्धनको बैठक बसेर यस विषयमा छलफल हुने बताए। त्यसपछि मात्रै अरु विषयमा पार्टीभित्र छलफल हुने उनको भनाइ थियो।

एमालेसँगको तालमेल चुनावसँगै सकियो : उपेन्द्र यादव

0
upendra-yadav_kalikatimes

विराटनगर । जनता समाजवादी पार्टी (जसपा) नेपालका अध्यक्ष उपेन्द्र यादवले एमालेसँग चुनावी तालमेलका लागि गरिएको सहकार्य निर्वाचनपछि सकिएको बताएका छन् ।  विराटनगर विमानस्थलमा सञ्चारकर्मीसँग कुरा गर्दै यादवले तत्कालीन हिसावले गरिएका सहकार्य चुनाव सकिएसँगै अन्त्य भएको प्रतिक्रिया दिएका हुन् ।

‘हामीले तत्कालका लागि केही सिटमा तालमेल गरेका हौं । हाम्रो मोर्चाबन्दी र तालमेल होइन । हामीले केही सिटमा सहयोग गर्यौं, उहाँहरूले केहीमा गर्नुभयो । त्यो चुनावसँगै सकियो,’ यादवले भने, ‘अब नयाँ धरातलमा नयाँ ढंगले कसरी जाने भन्ने विषयमा छलफल हुन्छ ।’

यादवले आफ्नो पार्टी निर्णायक नभएको र अब आफूहरूले उठाउँदै आएको मुद्दामा केन्द्रित हुन जनताले म्यान्डेट दिएको पनि बताए । ‘हाम्रो पार्टी निर्णायक होइन । चुनावबाट काँग्रेस र एमालेलाई निर्णायक बनायो । हाम्रो पार्टी भनेको यो चुनाव पछि एउटा मुद्दामा राष्ट्रिय सवालमा हामीले जुन विगतदेखि उठाइरहेका छौं । त्यो उठाउने जनादेश आयो,’ यादवले भने ।

अहिलेको निर्वाचनमा केही महिना अगाडि स्थापना भएको राष्ट्रिय स्वतन्त्र पार्टीले धमाका दिएको, मधेस नेपाल नै होइन भन्ने जनमत पार्टीले म्यान्डेट पाएको र राजतन्त्र फर्काउने एजेन्डा लिएको राप्रपाले धेरै मत पाएको विषयमा अध्ययन हुनुपर्ने पनि बताए ।

‘घण्टी छाप आएको छ । चुनावभन्दा अगाडि आएको राष्ट्रिय स्वतन्त्र पार्टीले यत्रो धमाका दियो । जनमत पार्टीले मधेशै अलग बनाउँछु भनेर आएको पार्टी हो । उसको मूल स्लोगन नै मधेश इज नट नेपाल थियो । त्यसो भनेर आएको पार्टीले म्यान्डेट पायो,’ अहिले आएको जनमतलाई कसरी लिनुभएको छ भन्ने प्रश्नमा यादवले भने, ‘अहिलेको परिवर्तन होइन पहिलेकैमा जानुपर्छ भन्ने राप्रपा अगाडि आयो । यो अध्ययनको विषय हो । पुराना पार्टी र नेताहरुले गरेको कामबाट अलिक फस्टेट भएर नेगेटिभ भोटबाट आएको हो कि ?’ 

यादवले डेमोक्रेटिक रेभुलेसनले ल्याएको उपलब्धी र संघीय लोकतान्त्रिक गणतन्त्रलाई जोगाउनका लागि त्यसका पक्षपातीहरु एकताबद्ध हुनुपर्नेमा जोड दिए । ‘जसले परिवर्तन ल्याए ति क्रान्तिकारी शक्तिहरु पछि परेका छन् । जुन मक्सदका लागि ज्यान दिएका आन्दोलनहरु भए त्यो हाँसीमजाक जस्तो भएको छ, त्यो दुर्भाग्यपूर्ण भयो,’ यादवको भनाइ छ, ‘नेतृत्व गर्नेको कमजोरी भएको भएपनि यो मुलुकको क्यारेक्टर त्यस्तै खालको भएको छ । जुन पहिले पनि नेपालले भोगेको हो र अहिले पनि त्यही देखिरहेको छ ।’

आँखा चिम्लेर समर्थन गर्दैनौं

​यादवले अहिले सत्तापक्ष र प्रतिपक्षको कित्तामा उभिने निर्णय गरिनसकेको बताए । ‘प्रतिपक्षी कि सत्तापक्ष भन्ने विषय हामीले तय गरेका छैनौं । सबै चुनावी परिणाम आइसकेपछि हामी कार्यकारिणी समितिको बैठक बस्छौं । त्यसपछि सरकार बनाउने पार्टीले के का लागि सरकार बनाउने हो । हामीले उठाएको मुद्दा के हुन्छन् लगायतका कुरा बुझेर हामी निर्णय गर्छौं,’ यादवले भने, ‘सरकारमा बस्ने कि जाने भन्ने विषयमा हामीलाई अहिले हतार छैनौं । हतार त काँग्रेस, एमाले त्यो भन्दा बढी माओवादीका साथीहरुलाई देख्छु ।’

यादवले संविधानमा उल्लेखित निर्वाचन प्रणाली, शासकीय स्वरुप, न्यायीक प्रणाली, समावेशीकरण, पहिचानका सवाल र प्रदेशका अधिकार सम्पन्न बनाउने कुराहरु संशोधन नगर्ने हो भने सिस्टम नै कोल्याप्स हुनसक्ने बताए । यस्तै अहिले मुलुक आर्थिक रुपमाले निक्कै तल गएको पनि उनको भनाइ थियो ।

‘मुलुकमा आर्थिक संकटका लक्षणहरु देखा परेका छन् । कतिपय आर्थिक मामिलाका विज्ञहरुले नेपाल आर्थिक रुपले दिवालिया हुने अवस्था आउन सक्ने बताएका छन् । त्यसलाई कसरी हल गर्ने भन्ने विषयमा योजना नआएसम्म हामीले आँखा चिम्लेर कसैलाई समर्थन गर्ने भन्ने आउँदैन’, उनले भने ।

वीरगंजमा हुने नेपथ्य लाइभ कन्सर्टको सम्पुर्ण तयारी पूरा

0

वीरगंज । मानव सेवा आश्रमले यही मंसिर १९ गते वीरगंजमा आयाेजना गर्न लागेकाे नेपथ्य लाइभ कन्सर्टको सम्पुर्ण तयारी पूरा भएको छ । शनिवार आश्रमकाे वीरगंज शाखाले पत्रकार सम्मेलन गर्दै वीरगंजमा हुने कन्सर्टको सम्पुर्ण तयारी पूरा भएको जानकारी गराएकाे हाे । 

‘मानवताका लागि सङ्गीत’ भन्ने नाराका साथ मानव सेवा आश्रमले मेचीदेखि महाकालीसम्मका १० ठूला शहरमा नेपथ्य लाइभ कन्सर्ट गर्न लागेको मानव सेवा आश्रमका केन्द्रीय सदस्य एवम् मधेश प्रदेश संयोजक देवेश गुप्ताले जानकारी दिए । १६ गते बिराटनगरबाट शुरु भएको सङ्गीत यात्रा पुष १६ गते अङ्ग्रेजी नयाँ वर्षको पूर्व सन्ध्यामा काठमाण्डौस्थित भृकुटीमण्डपमा पुगेर समापन हुने मानव सेवा आश्रमका केन्द्रीय अध्यक्ष रामजी अधिकारीले जानकारी दिए । 

मानवताको प्रवर्धनसँगै मानव सेवा आश्रमको भवन निर्माण तथा अक्षयकोष स्थापनाका लागि सहयोग पुग्ने अभिप्रायले नेपथ्य लाइभ कन्सर्टको आयोजना गरिएको आश्रमका संरक्षक एवम् अभिभावक तथा मधेश विश्वविद्यालयका उपकुलपति प्राध्यापक डा. दीपक शाक्यले बताए ।

उनका अनुसार १८ वर्षपछि वीरगंजमा नेपथ्यको कन्सर्ट हुन लागेको हो । सांगितिक मनोरञ्जनसँगै मानव सेवा आश्रमको भवन निर्माण गर्ने मानवीय कार्यमा सहयोग गर्न शाक्यले आग्रह पनि गरे । आश्रम मात्रै नभएर प्रशिक्षणस्थलको रुपमा विकास गरी मानवताको प्रबर्धन गर्ने मानव सेवा आश्रमको लक्ष्यमा ईट्टा थप्न उनको आग्रह थियाे । 

वीरगंजस्थित आदर्शनगर रंगशालामा १९ गते साँझ ४ बजेदेखि शुरु हुने कन्सर्टमा कम्तिमा ५ हजार दर्शक उपस्थित गराउने लक्ष्य आयोजकले लिएको छ । कन्सर्टलाई शान्तीपुर्ण ढंगले सम्पन्न गर्न सुरक्षा व्यवस्थासमेत मिलाइसकिएको कार्यक्रम संयोजक एवम् बरिष्ठ उद्योगी गणेश प्रसाद लाठले बताए ।

वीरगंज जस्तो औद्योगिक शहरसँगै विशेष गरी भोजपुरी समुदायको बाहुल्यता रहेको यस क्षेत्रमा नेपथ्यको कन्सर्ट चुनौतीपुर्ण भएपनि यसलाई अवसरको रुपमा लिएर कन्सर्ट गर्ने दुस्साहस गरेको उद्योग वाणिज्य महासंघ मधेश प्रदेशका अध्यक्षसमेत रहेका लाठको भनाई छ ।

उनले भने, ‘यहाँ नेपथ्य जस्तो अन्तर्राष्ट्रिय रुपमा ख्याती प्राप्त समुहलाई ल्याएर कन्सर्ट गराउनु आफैमा चुनौतीपुर्ण त छ नै, तर हामीले अवसरको रुपमा लिएर कार्यक्रम गर्ने आँट गरेका छौँ ।’

अन्तर्राष्ट्रियस्तरको सांगीतिक समूहलाई वीरगंजमा ल्याउन सक्नु पनि वीरगंजबासीका लागि गौरवको विषय भएको आश्रमकी अभिभावक एवम् जीवन ज्योती माविकी सञ्चालिका मिनाक्षी गुप्ताले बताइन् । मानव सेवा आश्रम वीरगंजकी संयोजक सानुमाया गुरुङ्का अनुसार नेपथ्यका प्रमुख गायक अमृत गुरुङ्ले झण्डै २ दर्जनभन्दा धेरै गीतहरु प्रस्तुत गरेर दर्शकहरुलाई मनोरञ्जन दिलाउने छन् । 

खाद्य सँस्थान वीरगंजकाे लापरवाहीले किसानहरु मर्कामा

0

वीरगंज । पर्सामा किसानहरुले धान काटेर भित्र्याई सकेको अवस्थामा नेपाल सरकारको समर्थन मूल्यमा विक्री नहुँदा पर्साका किसानहरु मर्कामा परेका छन् । उब्जाएको धान समयमा विक्री नहुँदा र नेपाल सरकारले तोकेको समर्थन मूल्य समेत नपाउँदा पर्सेली किसानहरु मर्कामा परेका हुन् ।  

खाद्य गुणस्तर तथा व्यापार कम्पनी लि. शाखा कार्यालय वीरगंजले हालसम्म धान किन्ने कार्य शुरु नगरेको कारण किसानहरु मर्कामा परेकाे किसान हकहित संघर्ष समिती पर्साले जनाएकाे छ । मल, खाद, वीउ जसो तसो जोहो गरेर धान उब्जाएका किसानहरु नेपाल सरकारले निर्धारण गरेकाे मुल्यमा धान बिक्री गर्न नपाउँदा मर्कामा परेको किसान हकहित संघर्ष समिती पर्साका अध्यक्ष सहरुम राउत गद्दीले वताए । ।

हाम्रो मुलुक कृषिप्रधान भएता पनि खेतीमा विउ, मल सिचाइको अभावमा कृषकले सधै दुख कठिनाइ भोग्नु परेको र खेतीमा बढी लागत लाग्ने गरेपनि खाद्य गुणस्तर तथा व्यापार कम्पनी लि. शाखा कार्यालयले धान खरिद नगर्दा किसानहरु बिचाैलिया मार्फत कम मुल्यमा धान खरिद गर्न बाध्य भएकाे अध्यक्ष गद्दीले वताए ।   

प्रत्येक बर्ष झै यस वर्ष पनि नेपाल सरकारले धानको मुल्य प्रतिक्विन्टल रु. ३ हजार १६८ निर्धारण गरेपनि किसानहरु बिचाैलीया मार्फत प्रति क्विन्टल रु २ हजार ४ सयमा बिक्री गर्न बाध्य भएकाे उनले जानकारी दिए ।

खाध तथा व्यवस्थापन विभाग लिमिटेडले धान खरीद कार्य सुरु गर्न माग गर्दै शुक्रबार किसान हकहित संघर्ष समितिले पर्साका प्रमुख जिल्ला अधिकारी मार्फत बाणिज्य तथा आपुर्ति मन्त्रीलाई ज्ञापन पत्र समेत बुझाएकाे वताए । 

उनले ज्ञापन पत्र मार्फत नेपाल सरकारले निर्धारण गरेकाे मुल्यमा धान खरिदको कार्य प्रारम्भ गर्न कडा निर्देशन खाध तथा व्यवस्थापन विभाग लिमिटेड, पर्सालाई दिईनुको साथै सिधा सोझा किसानलाई विचौलिया व्यपारीले निर्धारीत मुल्य नदिई कम मुल्यमा धान खरीद गर्न लागेको कार्य अविलम्व राेकन पनि माग गरिएकाे वताए ।

यसका साथै संघर्ष समितिले धान खरिद गर्दा धरम काटाले तौल गर्न पनि व्यवस्था मिलाउन माग गरेकाे अध्यक्ष गद्दीले जानकारी दिए ।

अहमदिया संघद्वारा रक्तदान कार्यक्रम सम्पन्न

0
वीरगंज । सबैलाई प्रेम गर, कसैलाई घृणा नगर’भन्ने नारा सहित शनिबार विन्दावासिनी गाउँपालिकाकाे वडा नं. ५ प्रसौनी भाठामा रक्तदान कार्यक्रम सम्पन्न भएको छ । अहमदिया संघ नेपालकाे आयाेजनामा भएकाे कार्यक्रममा ३० जनाले रक्तदान गरेकाे रक्त संचार केन्द्रले जनाएकाे छ ।
 
अहमदिया संघ नेपालका अध्यक्ष कमरुल होदा अन्सारी अध्यक्षता र विन्दवासिनी गाउँपालिकाका अध्यक्ष प्रमोद तिवारीको प्रमुख आतिथ्यमा रक्तदान कार्यक्रम भएकाे थियाे ।
 
रक्तदान कार्यक्रममा विन्दवासनी गाउँपालिका वडा नम्बर ५ का वडाध्यक्ष मोहन राउत अहिर, अहमदिया संघ नेपालका पर्सा ईन्चार्ज हासिम अहमद लगायतकाे उपस्थिती रहेकाे थियाे । बिगत लामो समय देखि यस्ता बिभिन्न समाजिक कार्यहरु अममदिया संघले  गर्दै आएको छ । 

पकहा मैनपुरका अध्यक्ष मेहताद्वारा भारतमा मंदिरको शिलान्यास

0

वीरगंज । पर्साको पकहामैनपुर गाउँपालिकाका अध्यक्ष सुरेश मेहताले भारतमा मन्दिरकाे शिलान्यास गरेका छन् । गाउँपालिका अध्यक्ष मेहताले शुक्रबार एक कार्यक्रमका बिच भारत बिहारको पश्चिमी चम्पारणमा पर्ने कठियामठिया ग्राम पंचायत वडा नम्बर ११ सिधवलियामा दुर्गा भवानी मंदिरको शिलान्यास गरेका हुन् ।

लगभग ६ धुर जग्गामा एक करोडको लागतमा साे मन्दिर निर्माण हुने जनाइएकाे छ । मन्दिर गाउँको चन्दा, ग्रामपंचायतको सहयोग र नेपालका जनप्रतिनिधि  गाउँपालिका अध्यक्ष मेहताको सहयोगले निमार्ण हुने सिधवलिया निवासीहरु बताएका छन ।

शिलान्यास कार्यक्रममा सोही कठियामठिया ग्रामपंचायतका मुखिया तबरेज आलम, पकहा मैनपुर गाउँपालिकाका कर्मचारी हरिमोहन महतो, अध्यक्षका स्वकिय सचिव बिनोद मेहता, रमेश मेहता, सतिश मेहता, प्रमाेद साह गोढ लगायत सिधवलिया गाउँका महिला, पुरुष, भदरभलादमी, समाजसेवी, अगुवाहरुको उल्लेखनिय सहभागीता रहेको थियो ।

यसैगरी गाउँपालिका अध्यक्ष मेहताले भारत कै पश्चिमी चम्मपरणमा पर्ने भेडिहरर्वामा शंकर भोलेनाथको मंदिर, भारत कै ईनारर्वामा बजरंगबलीको मंदिर निमार्ण गराउनु भएको छ भने भारतकै बसनपुर यज्ञमा पनि योग्यदान गर्नु भएको छ ।

साथै आफनै पालिकाको वडा नमबर ५ सबैठवाको गदियानी पोखरीयामा पनि ११ लाखको लागतमा बौद्धीमाई मंदिरको निमार्ण गर्नु भएको छ । गाउँपालिका अध्यक्ष मेहताले हरेक पर्व त्यौहारमा साडी, मिठाईका साथै गेहु, चाामल, धान र नगद पनि बितरण गर्ने गरेको स्थानिय छतिस मेहताले बताए ।

पालिका वा पालिका बाहिरका जो कोईको पनि बिमारी, विवाह, त्यौहार वा अन्य कुनै पनि किसिम्मको आवश्यक परेमा आमजनतालाई सहयोग गर्दै आएको परम्परा अपनाउनु भएको स्थानियहरु बताउँछन । अध्यक्ष मेहताले समाजिक दायित्व बुझेर आफुले असहाय, गरीब र पिडीतहरुलाई सहयोग गर्दै आएको र आउने दिनमा पनि गर्ने बताए ।