Date
मङ्ल, मंसिर १, २०८३
Tue, November 17, 2026
Home Blog Page 593

फ्रेन्डली क्रिकेट प्रतियाेगतामा विशाल मार्केट विजयी

0

वीरगंज । वीरगंजमा शुक्रबार फ्रेन्डली क्रिकेट प्रतियाेगता सम्पन्न भएकाे छ । वीरगंजकाे घण्टाघर नजिक रहेकाे विशाल मार्केट र सिटी मार्केट बिच फ्रेन्डली क्रिकेट प्रतियाेगता भएकाे हाे ।

वीरगंजस्थित नारायणी रंगशालामा भएकाे प्रतियाेगितामा बिशाल मार्केट विजयी भएकाे मुन्ना कुमार सुमनले जानकारी दिए । सुरुमा टस जितेर बिशाल मार्केटले फिलडिङ राेजेकाे थियाे । ब्याटिङ गरेकाे सिटी मार्केटले १६ ओभरकाे खेलमा सबै विकेट गुमाउँदै ८१ रन बनाएकाे थियाे ।

त्यसपछि ८२ रनकाे लक्ष्यसहित जवाफी ब्याटिङमा उत्रेकाे बिशाल मार्केटले १२ ओभर ३ बल मै ८ विकेटकाे नाेक्सानीमा लक्ष्य पुरा गर्दै जित हासिल गरेकाे सुमनले जानकारी गराए ।

पर्साका अधिकांश पालिकाहरुले भु-उपयाेग क्षेत्र वर्गिकरण गरेनन्

0

वीरगंज । पर्साका स्थानिय तहहरुले भु-उपयाेग क्षेत्र वर्गिकरण नगर्दा कित्ताकाटकाे समस्या समाधान हुन सकेकाे छैन् । नेपाल सरकारले भु-उपयाेग क्षेत्र वर्गिकरण अन्तर्गत मंसिर २३ गतेसम्म प्रत्येक पालिकाले आफ्नाे क्षेत्र भित्र पर्ने सम्पुर्ण जग्गालाई गैर कृषि क्षेत्र र कृषि क्षेत्रमा वर्गीकरण गर्नुपर्ने निर्देशन दिएकाे थियाे । तैपनि पर्सा जिल्लाका अधिकांश पालिकाले यस्तो संवेदनशिल कार्य शुक्रबार अन्तिम दिनसम्म पनि गर्न सकेका छैनन् ।

सखुवा प्रसाैनि गाउँपालिका र पकहा मैनपुर गाउँपालिकाले मंसिर २१ गते बुधबार भु-उपयाेग क्षेत्र वर्गीकरणकाे निर्णय गरेकाे छ ।भूउपयोग क्षेत्र निर्धारण सम्बन्धमा भूमि व्यवस्था, सहकारी तथा गरिबी निवारण मन्त्रालयले साउन ३१ गते नै प्रेस विज्ञप्ती जारी गर्दै प्रत्येक स्थानीय तहले आफ्नो कार्यक्षेत्र भित्रको जग्गालाई २०७९।८।२३ गते भित्र कम्तीमा कृषि क्षेत्र र गैर कृषि क्षेत्रमा छुट्टयाउनु पर्ने व्यवस्था गर्न भनेकाे थियाे । तर त्याे निर्देशनलाई पर्साका अधिकांश स्थानिय तहले अटेरी गरेकाे पाइएकाे छ । जस कारण कित्ताकाटकाे समस्या समाधान नहुने भएकाे छ ।

कृषियोग्य जग्गाको संरक्षण, खण्डीकरण नियन्त्रण, चक्लाबन्दी कार्यक्रम मार्फत कृषि उत्पादन वृद्धि खाद्यसुरक्षाको प्रत्याभूति, दीगो पूर्वाधार बिकास, व्यवस्थित शहरीकरण र सुरक्षित आवास, प्राकृतिक श्रोत साधनको समुचित व्यवस्थापन, विपद जोखिम न्यूनीकरण लगायत उद्देश्य राखी नेपाल सरकारले भूउपयोग नीति २०७२ जारी गरेको थियाे ।

सो नीति कार्यन्वयनका लागि सार्वभौम संसदबाट भूउपयोग ऐन २०७६ र नेपाल सरकारवाट भूउपयोग नियमावली २०७९ लागू भैसकेको छ । उक्त नीति, ऐन तथा नियममा स्थानीय तहलाई भूमिको वर्गिकरण, भूउपयोग योजना तर्जुमा र कार्यान्वयन गर्ने अधिकार तोकिएका छन । नियमावलीको अनुसूची १ मा भूउपयोग क्षेत्र निर्धारण गर्ने आधारहरु र मापदण्डको व्यवस्था समेत गरिएको छ ।

यी नीति र कानून कार्यन्वयनमा तत्काल सहजीकरण गर्न भूमि व्यवस्था, सहकारी तथा गरिवी निवारण मन्त्रालयबाट मिति २०७९/०२ / २७ गते परिपत्र जारी गरि कित्ताकाट राेकिएकाे थियाे ।  

स्थानीय तहहरूले प्रचलित नीति, ऐन तथा नियमावली र मन्त्रालयवाट जारी परिपत्रको भावना र मर्म आत्मसात हुने गरी तत्कालकोलागि स्थानीय भूउपयोग परिषदवाट निर्णय गरी भूउपयोग क्षेत्र (मिति २०७९।८।२३ भित्र कम्तीमा कृषि क्षेत्र र गैर कृषि क्षेत्र) छुटयाउनु पर्ने हुन्छ र तत् पश्चात सम्बन्धित तहको भूउपयोग क्षेत्र वर्गीकरण, भूउपयोग योजना तर्जुमा र कार्यान्वयन सम्बन्धी कार्य गर्नुपर्ने हुन्छ । जारी विज्ञप्तीमा उल्लेख गरिएकाे थियाे ।

नापी विभागले ७५३ वटै स्थानीय तहको भूउपयोग नक्सा, सोको विद्युतीय अभिलेख वा तथ्याङ्क तयार गरी सम्बन्धित स्थानीय तहलाई हस्तान्तरण गरिसकेको छ । स्थानीय तहद्वारा सो नक्सा तथा डाटाको प्रयोग गरी वा सो नक्सालाई अद्यावधिक गरी भूउपयोग क्षेत्र छुट्टयाउन सकिनेछ । यसको लागी स्थानीय तहलाई प्राविधिक सहयोग आवश्यक भएमा नापी विभागमा सम्पर्क राख्न सकिनेछ ।

नापी विभागले यस कार्यको लागि आवश्यक दक्ष प्राविधिक जनशक्तिको व्यवस्था गरि सकेको हुँदा विभागसँग आवश्यक सहकार्य र समन्वय गरी भूउपयोग क्षेत्र छुट्टयाउने कार्य गर्न गराउन सम्बन्धित सबै पालिकाहरूको जानकारीसहित विज्ञप्ती मार्फत अनुराेध गरेपनि त्यसकाे पालना नभएकाे देखिएकाे छ ।

पाँच वर्ष सम्म देउवा नै प्रधानमन्त्री : सांसद रिजाल

0

वीरगंज । नेपाली कांग्रेसका नेता एवं पर्सा ४ का नवनिर्वाचित सांसद रमेश रिजालले समानुपातिकतर्फको पुरुष सांसद पूर्व पदाधिकारीलाई बनाउने कि पदाधिकारीलाई बनाउने भन्ने मापदण्ड नबनेको बताएका छन् ।

‘कांग्रेसले समानुपातिकमा ३२ सिट पाएको छ । त्यसमा तीन जना मात्र पुरुषले पाउनुहुन्छ । महाभारत भए पनि रामायण भए पनि छान्नैपर्‍यो । गोपालमान श्रेष्ठ, विमलेन्द्र निधि, प्रकाशशरण महत सबै योग्य छ । जीवन परियार, फर्मुल्लाह मन्सुरको दाबी पनि उचित हो । अहिले मेरो, तपाईंको अनुमान मात्र हो । पार्टीको बैठक नबसीकन कसरी भन्न सकिन्छ ? हामीले चाहेर मात्र हुँदैन । बहुमतले जे तय गर्छ, त्यही हुन्छ,’ नेपाली रेडियो नेटवर्क (एनआरएन) को कार्यक्रम ‘नेपाली बहस’का लागि पत्रकार ऋषि धमलासँग कुरा गर्दै रिजालले भने ।

उनले गठबन्धनको बहुमत पुग्ने र शेरबहादुर देउवा फेरि प्रधानमन्त्री बन्ने ठोकुवा गरे । रिजालले थपे, ‘गठबन्धनको बहुमत पुग्छ । जसपा, जनमत र केही स्वतन्त्रहरु गठबन्धनमा आउँछन् । प्रधानमन्त्रीमा तत्काल शेरबहादुर देउवाको विकल्प छैन । मलाई आलोपालोको ज्ञान भएन । जनतालाई स्थिर सरकार दिन्छु भन्ने अनि ६, ६ महिनामा प्रधानमन्त्री आलोपालो गरिरहने ? पाँच वर्षको प्रधानमन्त्री देउवा नै हो ।’ प्रधानमन्त्रीका निम्ति गठबन्धन तोडिने कल्पना नगरेको पनि रिजालले बताए ।

कांग्रेसमा रामचन्द्र पौडेल, गगन थापा, प्रकाशमान सिंहको दाबी छ नि भन्ने पत्रकार धमलाको प्रश्नमा उनले भने, ‘गगनको समय आइसकेको छैन । पछि पछिका लागि भूमिका बनाउनुभएको हो । संसदीय दलमा उहाँले देउवालाई हराउन सक्नुहुन्न । रामचन्द्र पौडेलले बन्छु भनेर मात्र हुँदैन, आफ्नो शक्ति पनि हुनुपर्छ । अब देउवालाई रामचन्द्र, प्रकाशमानले पनि सहयोग गर्नुपर्छ । पछि पालो आउँछ ।’

मधेस प्रदेशमा कांग्रेस हुनुपर्ने जति बलियो नदेखिएको पनि रिजालले स्वीकारे । उनले भने, ‘कांग्रेसको कन्जबिजोग भएको छैन । एमाले हामीभन्दा ठूलो पार्टी भएको सत्य हो । मधेस प्रदेशमा गठबन्धनकै सरकार बन्ने सम्भावना छ । मुख्यमन्त्री को बन्ने तय भएको छैन ।’ अहिले नै मुख्यमन्त्री पाउने जनमत पार्टीको हैसियत नभएको पनि उनले औंल्याए ।

पर्सा मिलन केन्द्रले पर्सामा विभिन्न कार्यक्रम गर्दै

0

वीरगंज । पर्सा मिलन केन्द्र  काठमाडाैंले बिहिबार वीरगंजमा पत्रकार सम्मेलन गर्दै विभिन्न कार्यक्रम गर्न लागेकाे जनाएकाे छ । मिलन केन्द्रले अन्तरक्रिया कार्यक्रम र निशुल्क आँखा शिविरकाे आयाेजना गर्न लागेकाे संस्थाका महासचिव ललन प्रसाद साहले जानकारी दिए । 

मंसिर २३ गते शुक्रबार वीरगंजस्थित राेयल पार्टी प्यालेसमा जनप्रतिनिधिहरुसंग अन्तरक्रिया कार्यक्रम, मंसिर २४ गते शनिबारका दिन वीरगंज महानगरपालिकाकाे अलाैंस्थित श्री द्वारदेवी माविमा निशुल्क माेतिया विन्दुकाे अपरेशन जाँच शिविर र मंसिर २५ गते अलाैं मै बाल विवाह तथा मर्यादित महिनवारी बारे अन्तक्रिया कार्यक्रम गर्न लागिएकाे महासचिव साहले वताए ।  

उपत्यकामा पेशा, व्यवसाय, अध्यन, अध्यापन, श्रम वा रोजगारिको सिलसिलामा स्थाई/अस्थाई रुपमा बसोबास गर्दै आएका पर्साबासिहरुको भेटघाट, आपसी सद्भाव र सहयागको लागि वि.स. २०४७ सालमा एक समाजिक संस्था रुपमा पर्सा मिलन केन्द्र, काठमाडौ स्थापना भएकाे संस्थाका अध्यक्ष ई. उमेश कुमार गुप्ताले वताए ।

विगत २५ वर्ष देखि पर्सा मिलन केन्द्रले ‘पर्सा दिवस समारोह” को रुपमा मनाउदै आएको पत्रकार सम्मेलनमा वताउँदै यस वर्षको कार्तिक २६ गते शनिवारका दिन काठमाडौमा सम्पन्न ‘पर्सा दिवस समारोहमा पर्सा तथा देश विकासको विभिन्न क्षेत्रमा विशेष योगदान पुयाउने १९ जना पर्सावासीहरुलाई अभिनन्दन, सम्मान एवम् कदर पत्रद्वारा विभोषित गरिएकाे समेत जनाकारी गराए ।

यसका साथ पर्सा तथा काठमाडौमा नियमित निःशुल्क विशेषज्ञ एवम् मोतियाँ विन्दुको अपरेशन शिविर, अनाथ बाल-बालिका तथा बुढाहरुलाई न्यानो कपडा लगायत खाद्यान एवम् फलफुल वितरण, रक्तदान, भुइकम्प एवम् कोभिडमा विशेष सहयोग, बाल-बिबाह तथा दाइजो उन्मुलन अभियान नेपालीको विशेष चाड पर्वमा शुभकामना आदान-प्रदान र पिकनिक कार्यक्रम गर्दै आइरहेको उनले जानकारी गराए ।

संस्थाका अध्यक्ष गुप्ताकाे अध्यक्षता र नेपाल पत्रकार महासंघ मधेश प्रदेशका महासचिव श्याम बन्जाराकाे प्रमुख आतिथ्यतामा भएकाे नेपाल पत्रकार महासंघ पर्साकाे सभा हलमा भएकाे पत्रकार सम्मेलनमा वडाध्यक्ष संजु छतुकुली, नेपाल पत्रकार महासंघ पर्साका उपाध्यक्ष युवराज खड्का, वानका मधेश प्रदेश अध्यक्ष आशिक अंसारी लगायतले मन्तव्य राखेका थिए । 

पत्रकार स्व. सर्राफकाे श्रद्धान्जली सभा सम्पन्न

0
वीरगंज । क्रियाशील युवा पत्रकार मंच पर्साकाे आयाेजनामा वीरगंजका पत्रकार स्वर्गीय नरेश सरार्फको श्रद्धान्जली सभा बिहिबार सम्पन्न भएकाे छ । हृदयघातबाट अल्पायुमै निधन भएका पत्रकार सर्राफकाे याेगदानलाई कहिले पनि बिर्सिन नसकिने वक्ताहरुले वताएका छन् ।
 
श्रद्धाञ्जली सभामा वाेल्ने वक्ताहरुले सर्राफको व्यक्तित्वको बारेमा चर्चा गर्दै पर्सा जिल्लाको पत्रकारितामा उनको छुट्टै योगदान रहेका बताएका थिए । नेपाल पत्रकार महासंघ मधेस प्रदेशका महासचिव श्याम बन्जाराले स्वर्गीय सर्राफको सद्गुण, स्वभाव र आचरणलाई अनुकरण गर्नु पर्नेमा जोड दिए ।
 
निष्ठाको पत्रकारिता गर्ने सर्राफ व्यवसायिक पत्रकार भएको बताउँदै उनले भने, “उनी एक असल पत्रकार थिए, असल मान्छे कसैको हुँदैन, सबैको हुन्छ । अब हामीले पनि व्यवसायिक पत्रकारिता गरेर समाजलाई सकारात्मक बाटोतर्फ डो¥याउने काम गरेपछि मात्रै उनको आत्माले पनि शान्ति पाउनेछ ।”
 
मञ्चका अध्यक्ष प्रणय कुमार साहको अध्यक्षतामा सम्पन्न श्रद्धाञ्जली सभालाई नेपाल पत्रकार महासंघ पर्साका अध्यक्ष अनुप तिवारी, वीरगञ्ज उद्योग वाणिज्य संघका बरिष्ठ उपाध्यक्ष अनिल पटवारी, समाजवादी प्रेस संगठन पर्साका अध्यक्ष मनोज पटेल, प्रेस चौतारी पर्साका सह–संयोजक तुलसी भण्डारीले स्व.पत्रकार सर्राफले देखाएको बाटोमा हिडन सके मात्र उनीप्रती सच्चा श्रद्धाञ्जली हुने बताए ।
श्रद्धाञ्जली सभामा सहभागी पत्रकार तथा विभिन्न संघसंस्थका प्रतिनिधिहरुले स्वर्गीय सर्राफको तस्वीरमा माल्यार्पण गर्दै उनीप्रति भावपूर्ण श्रद्धाञ्जली अर्पण गरेका थिए । कार्यक्रमको सहजीकरण क्रियाशील युवा पत्रकार मञ्चका आंनद पटेलले गरेका थिए ।
 
नेपाल पत्रकार महासंघ पर्साका जिल्ला कार्य समिति सदस्य समेत रहेका ३८ बर्षिय पत्रकार सर्राफको मंसिर १५ गते निधन भएको थियो ।

गैसस महासंघ पर्साकाे अधिवेशन पुष २ गते गर्ने निर्णय

0

वीरगंज । गैरसरकारी संस्था महासंघ नेपाल पर्सा शाखाकाे ८ औं जिल्ला अधिवेशन यही पुष २ गते हुने भएकाे छ । महासंघ पर्सा शाखाकाे बिहिबार बसेकाे बैठकले यहि पुष २ गते शनिबार जिल्लाकाे सदरमुकाम वीरगंजमा अधिवेशन गर्ने निर्णय गरेको हाे ।

महासंघ पर्सा शाखाका अध्यक्ष छठु साहको अध्यक्षतामा बसेको बैठकले अधिवेशनकाे उद्घाटन समाराेहमा समाजिक क्षेत्रमा योगदान गरेको र समाजिक क्षेत्रबाट जनप्रतिधिनिमा निर्वाचित भएका ७ जनालाई सम्मान गर्ने पनि निर्णय गरेको छ ।

साथै बैठकले यही मंसिर १५ गते असामयिक निधन भएका वीरगंजका क्रियाशिल युवा पत्रकार स्व. नरेश सरार्फ प्रति हार्दिक श्रद्धान्जली अपर्ण गर्दै शाेक प्रस्ताव समेत पारित गरेकाे छ । बैठकले एउटा पर्सा जिल्लाले एउटा असल पत्रकार गुमाएकाेमा दु:ख व्यक्त गर्दै शाेक सन्तप्त परिवारजनमा धैर्यधारण गर्न संवेदना समेत प्रकट गरेकाे छ ।

महासंघ पर्सा शाखाकाे सम्पर्क कार्यालय वीरगंज ८ पानीटंकीमा बसेकाे बैठकमा वीरगंज महानगरपालिकाकाे वडा नम्बर ३० का वडाध्यक्ष मनोज यादव, संचारकर्मी माधुरी महतो, जयनारायण चौधरी, सुरज पंडित लगायत कार्यसमितीका पदाधिकारी तथा सदस्यहरुकाे उपस्थिती रहेको थियो ।

रेडियो वीरगंजले यस बर्ष पनि बार्षिकाेत्सवमा बृहत रक्तदान गर्ने

0

वीरगंज । मध्य तराईको पहिलो रेडियो ‘रेडियो वीरगंज ९९ मेघाहर्ज’ ले आफ्नो बार्षिकोत्सवको अवसरमा वृहत्त रक्तदान कार्यक्रमको आयोजना गर्ने भएको छ । रेडियोले यही २६ गते २० औं वर्ष पुरा गरि २१ औं वर्षमा प्रवेश गरेको अवसरमा मंसिर २४ गते रेडियो परिसरमै वृहत्त रक्तदान कार्यक्रमको आयोजना गर्ने भएको रेडियोका कार्यकारी अध्यक्ष धु्रव साहले जानकारी दिए ।

बार्षिकोत्सवको अवसरमा आयोजना गरिने वृहत्त रक्तदान कार्यक्रममा सहभागी हुन रेडियो श्रोता, सुभचिन्तक एवं सञ्चारकर्मीहरुलाई अध्यक्ष साहले आग्रह समेत गरे । रेडियो वीरगंजले यस पटक सार्वजनिक रुपमा रक्तदान कार्यक्रमको आयोजना गर्नुका साथै पूर्व सहकर्मी एवं सहयोगी पत्रकार स्व. नरेश सर्राफलको यही मंसिर १५ गते भएको असामयिक निधनको कारण वृहत्त साँस्कृत्तिक कार्यक्रम गर्ने योजना यस वर्षको लागि स्थगित गरिएको अध्यक्ष साहले जानकारी दिए ।

उनका अनुसार वीरगंजका क्रियाशील पत्रकार नरेश सर्राफ तथा मधेश मिडिया काउन्सिलका अध्यक्ष एवं नेपाल पत्रकार महासंघ सप्तरी शाखाका सँस्थापक अध्यक्ष शिवहरि भट्राईको निधन भएकोले सञ्चार जगतमा ठुलो क्षति भएको कारण प्रत्येक वर्ष भव्यताका साथ गरिँदै आएको साँस्कृत्तिक कार्यक्रम स्थगित गरिएपनि आन्तरिक रुपमा अन्य कार्यक्रमको आयोजना गरि बार्षिकोत्सव भव्य रुपमा मनाउने तय गरिएको बताए ।

यसका साथै रेडियो वीरगंज र समाजवादी प्रेस संगठन पर्साको संयुक्त आयोजनामा यही मंसिर २५ गते विहान ८ बजे स्व. पत्रकार नरेश सर्राफको स्मृत्तिमा श्रद्धान्जलीसभाको समेत आयोजना गरिने अध्यक्ष साहले वताए । उनका अनुसार सर्राफले पर्सेली समाजप्रति पु¥याएको योगदानलाई कदर गर्दै उनले छाडेर गएका अधुरा कार्यहरुलाई पुरा गर्नुका साथै उनका परिवारलाई रेडियो वीरगंज एवं समाजवादी प्रेस संगठनको तर्फबाट केही आर्थिक सहयोग पनि हस्तान्तरण गरिने बताए ।

क्यान पर्साको नयाँ कार्य समिति चयन, अध्यक्षमा प्रशान्त

0
वीरगंज । सूचना र प्रविधिको क्षेत्रमा काम गर्ने संस्था कम्प्युटर एशोसिएशन नेपाल (क्यान) महासंघ पर्साको पाँचौ साधारण सभा तथा तेस्रो अधिवेशन बुधवार सम्पन्न भएको छ । महासंघ पर्साका अध्यक्ष दिपक साहको अध्यक्षतामा वीरगञ्जस्थित होटल अन्नपुर्णामा अधिवेशन तथा साधारण सभा सम्पन्न भएको हो ।
 
अधिवेशनले प्रशान्त कुमारको अध्यक्षतामा ९ सदस्यीय नयाँ कार्यसमिति सर्वसहमती रुपमा चयन गरेको छ । नयाँ कार्यसमितिको उपाध्यक्षमा संजय सकसेना, सचिवमा जीवन प्रकाश गुप्ता, कोषाध्यक्षमा सुरज बाबु पटेल चयन भएका छन् ।
 
सदस्यहरुमा राहुल कुमार साह, राकेश कुमार साह, अर्जुन कुमार अधिकारी, विक्रम जैन र अर्जुन कुमार साह रहेका छन् । नयाँ कार्यसमितिलाई आजै प्रमुख निर्वाचन अधिकृत प्रमोद साहले प्रमाण पत्रसमेत प्रदान गरेका थिए ।
 
अधिवेशनलाई सम्बोधन गर्दै प्रमुख निर्वाचन अधिकृत एवम् अधिवक्ता प्रमोद साहले प्रविधिको प्रयोग बढ्दै गएको हुँदा यसको महत्व पनि बढेको बताए । हरेक क्षेत्र प्रविधिमैत्री बन्दै गएको अवस्थामा आईटी क्षेत्रको महत्व बढेको हुँदा यस क्षेत्रमा आवद्ध व्यवसायीहरु एकबद्ध हुनुपर्नेमा उनले जोड दिए ।
 
क्यान महासंघका केन्द्रीय सचिव भुपाल दास श्रेष्ठ, महासंघ मधेश प्रदेशका अध्यक्ष आलोक कुमार चौरसिया, मधेश प्रदेशका कोषाध्यक्ष बिनोद गुप्ता, बाराका अध्यक्ष सञ्जय केशरी, पूर्व अध्यक्ष गणेश कुमार शर्मा, निर्वाचन अधिकृत राम सर्राफ, इमामुल अहमद लगायतले क्यानको आवश्यक्तासँगै आईटीको उपयोगिता र महत्वका बारेमा आआफ्नो धारणा राखेका थिए ।
 
कार्यक्रममा महासंघ पर्साका सचिव जीवन प्रकाश गुप्ताले वार्षिक प्रतिवेदन प्रस्तुत गरेका थिए । यस कार्यकालले गरेका कार्य प्रगतिका बारेमा गुप्ताले प्रकाश पारेका थिए । कार्यक्रमको सहजीकरण क्यान महासंघ पर्साका सदस्य राहुल कुमार साहले गरेका थिए । 

पकहा मैनपुर कार्यपालिकाद्वारा जग्गा बर्गीकरण गर्ने निर्णय

0

वीरगंज । पर्साको पकहा मैनपुर गाउँपालिकाको भुमि आयाेग समिती तथा कार्यपालिकाको बैठले जग्गा बर्गीकरण गर्ने निर्णय गरेको छ । गाउँपालिका अध्यक्ष सुरेश मेहताको अध्यक्षतामा बसेको बैठकले जग्गा बर्गीकरण गर्ने निर्णय गरेको योजना शाखा प्रमुख संतोष साह सोनारले बताए ।

गाउँपालिकाको वडा नम्बर १ देखी ५ सम्ममा रहेको जग्गाहरुको कृर्षि क्षेत्र र गैर कृर्षि क्षेत्र भित्रको जग्गा बर्गीकरण गर्ने निर्णय गरेको प्रमुख साेनारले जानकारी दिए । बैठकले बिभिन्न किसिम्मबाट मुल्यांकन गरी बर्गिकरण गर्ने निर्णय गरिएको गाउँपालिका अध्यक्ष मेहताले बताए । निर्णय गरिएको प्रतिलिपी सम्बन्धीत निकायमा बिहिबार नै पठाउने जनाइएको छ ।

बहुक्षेत्रिय पोषण योजना कार्यक्रमकाे अभिमुखिकरण

यसैगरी युनिसेफको सहयोगमा र पकहा मैनपुर गाउँपालिकाको आयोजनामा बुधबार बहुक्षेत्रिय पोषण योजना कार्यक्रमकाे पालिका स्तरिय पोषण तथा खाद्य सुरक्षा निर्देशक समितीको एक दिने अभिमुखिकरण सम्पन भएको छ ।

गाउँपालिका अध्यक्ष तथा पोषण कार्यक्रमका अध्यक्ष सुरेश मेहताको अध्यक्षतामा भएको कार्यक्रममा आर्थिक बर्ष ०७९।०८० को बार्षिक कार्ययोजना पालिकाले स्वीकृत गरेको छ । कार्यक्रममा पोषण मैत्री स्थानिय शासनको ७६ वटा सुचक बारे जानकारी समेत गराइएको पोषण संयोजक गणेश रामले बताए ।

अभिमुखिकरण कार्यक्रममा गाउँपालिकाकी उपाध्यक्ष सरफुन नेशा, वडा नम्बर १ देखी ५ सम्मका वडाअध्यक्षहरु, कार्यपालिका सदस्यहरु सहभागिता रहेकाे थियाे भने गाउँपालिका स्वास्थ्य संयोजक संजय परसादले सहजीकरण गरेका थिए ।

दुर्घटनाका घाईते ट्राफिक प्रहरी चाैरसियाकाे निधन

0

वीरगंज । मोटरसाइकल दुर्घटनामा परी घाईते भएका ट्राफिक प्रहरी सहायक हवल्दार शशीकान्त चौरसियाको उपचारका क्रममा निधन भएको छ ।

पथलैयास्थित नेपाल प्रहरी राजमार्ग सुरक्षा तथा ट्राफिक व्यवस्थापन कार्यालयमा कार्यरत चौरसियाको उपचारको क्रममा नेपाल प्रहरी अस्पताल महाराजगंज काठमाण्डौमा निधन भएको हो ।

चौरसिया मंसिर १० गते मोटरसाईकल दुर्घटनामा परेका थिए । कार्यालयबाट वीरगंज तर्फ जाने क्रममा चौरसियाले चलाएको मोटरसाईकल दुर्घटनामा परेको थियो ।

दुर्घटनामा परी घाईते भएका चौरसियाको उपचारकाे क्रममा मंगलबार नेपाल प्रहरी अस्पताल महाराजगंज काठमाण्डौमा  निधन भएको ट्राफिक प्रहरी कार्यालय पथलैया बाराका प्रहरी उपरीक्षक नामजीराज गुरुङले जानकारी दिए ।