वीरगंज । मोटरसाइकल दुर्घटनामा परी घाईते भएका ट्राफिक प्रहरी सहायक हवल्दार शशीकान्त चौरसियाको उपचारका क्रममा निधन भएको छ ।
पथलैयास्थित नेपाल प्रहरी राजमार्ग सुरक्षा तथा ट्राफिक व्यवस्थापन कार्यालयमा कार्यरत चौरसियाको उपचारको क्रममा नेपाल प्रहरी अस्पताल महाराजगंज काठमाण्डौमा निधन भएको हो ।
चौरसिया मंसिर १० गते मोटरसाईकल दुर्घटनामा परेका थिए । कार्यालयबाट वीरगंज तर्फ जाने क्रममा चौरसियाले चलाएको मोटरसाईकल दुर्घटनामा परेको थियो ।
दुर्घटनामा परी घाईते भएका चौरसियाको उपचारकाे क्रममा मंगलबार नेपाल प्रहरी अस्पताल महाराजगंज काठमाण्डौमा निधन भएको ट्राफिक प्रहरी कार्यालय पथलैया बाराका प्रहरी उपरीक्षक नामजीराज गुरुङले जानकारी दिए ।
