Date
मङ्ल, मंसिर १, २०८३
Tue, November 17, 2026
Home Blog Page 586

वीरगंजकाे १२ औँ नगरपरिषद : असार मसान्तसम्म नक्सा पास गर्नेलाई जरिवाना छुट

0

वीरगंज । वीरगंज महानगरपालिकाले इजाजत बेगर निर्माण भएका भौतिक संरचनाको नक्सा पास गर्न चालु आर्थिक वर्षको असार मसान्तसम्म जरिवानामा छुट दिने भएको छ । शुक्रबार आयोजित महानगरको १२ औँ नगर अधिवेनमा पेश भएको संशोधित आर्थिक ऐन २०७९ ले यस्तो व्यवस्था गरेको हो ।

नगरसभाबाट पारित संशोधित ऐनले विगतमा नक्सा पास नगरी इजाजत बेगर निर्माण भएका संचरना चालु आर्थिक वर्षको असार मसान्त भित्र अनुमतिका लागि आएमा नक्सा पास दस्तुरमा लाग्ने सम्पूर्ण जरिवाना छुट दिई नियमित गर्ने व्यवस्था थप गरेको हो ।

यस्तै पछि थपिएका वडाहरु वडा नम्वर १७ देखि ३२ मा निर्माण गरिएका संरचनाहरु अनुमतिका लागि आएमा जरिवाना छुटका साथै भवनको नक्सा डिजाईन गर्न पनि महानगरले प्राविधिक सहायता उपलब्ध गराउने व्यवस्था गरेको छ । महानगरले सबैलाई नक्सा पासको दायरामा ल्याउन जरिवाना छुट सुविधा असारसम्म लम्ब्याएको हो ।

यस्तै नगर परिषदले आदर्शनगर रंगशालामा कार्यक्रम आयोजना गर्न लाग्ने शुल्क पनि संशोधन गरेको छ । विगतमा टिकट नलाग्ने कार्यक्रम निशुल्क हुने गरेकोमा अब भने प्रति दिन १ हजार रुपैयाँ सेवा शुल्क र सरसफाई वापत थप ५ सय रुपैयाँ सरसफाई शुल्क लाग्ने व्यवस्था थप भएको छ ।

स्टल बुकिङ सहितको टिकट लाग्ने कार्यक्रम रहेमा भने दैनिक ६ हजार रुपैयाँ सेवा शुल्क र २ हजार रुपैयाँ सरसफाई शुल्कको प्रावधान थपिएको छ ।

यस्तै औद्योगिक व्यापार मेला सहितको जादु सरकास आदि मनोरन्जनात्मक कार्यक्रम गरेमा भने दैनिक १५ हजार ५ सय सेवा शुल्क र २ हजार रुपैयाँ सरसफाई शुल्क लाग्ने प्रावधान थपिएको छ ।

यस्तै परिषदले विनियोजन ऐन २०७९ मा चालु आर्थिक वर्षको बजेट ३ अर्ब ३३ करोड ६३ लाख २६ हजार रहेकोमा यसमा थप आम्दानीलाई स्वीकार गर्दै ४ अर्ब ७८ लाख ८३ हजार पुर्याएको छ । जसमा सडक बोर्ड तर्फ १ करोड ६५ लाख, आन्तरिक आय तर्फ २ करोड ६० लाख र गत वर्षको नगद मौज्दात ६२ करोड ९० लाख रहेकाले चालु बजेट बृद्धि हुन पुगेको हो ।

संसोधित आर्थिक ऐन प्रस्तुत गर्दै महानगरपालिकाका प्रमुख प्रशासकीय अधिकृत लक्ष्मि प्रसाद पौडेलले काम हुन नसकेका र आवश्यक रहेका केही कार्यक्रमहरुमा बजेट रकमान्तर गरिएको पनि जानकारी दिए ।

यस्तै महानगरपालिकाको आमसञ्चार माध्यम प्रवर्धन तथा नियमन समितिको ऐन २०७८ पनि संशोधन गरेको छ । नगर परिषदमा महानगरपालिकाका उपप्रमुख इम्तियाज आलमले न्यायिक समितिको प्रतिवेदन पेश गरेका थिए ।

महानगरप्रमुख राजेशमान सिंहको अध्यक्षतामा भएको परिषदमा पेश भएका प्रतिवेदनहरु सर्वसम्मत पारित भएका हुन् ।

देशलाई अगाडी बढाउन अग्रगामी पार्टी आवश्यक : अध्यक्ष साह

0

वीरगंज । आम जनता पार्टीका राष्ट्रिय अध्यक्ष प्रभु साहले देशलाई जिम्मेवार व्यक्तिहरुले हस्तक्षेप नगर्ने हाे भने देश असफलताकाे दिशामा अनमुख रहेकाे वताएका छन् । वीरगंजमा आयाेजित पार्टीकाे मधेश प्रदेश कमिटी बैठककाे उद्घाटन समाराेहलाई सम्बाेधन गर्दै अध्यक्ष साहले देश संकटपूर्ण अवस्थाबाट गुजरिरहेकाेले हस्तक्षेप गर्न जरुरी रहेकाे वताए ।

पूर्व मन्त्री समेत रहेका अध्यक्ष साहले अहिलेकाे समकालिन राजनीतिक दलले देश र जनताका लागि भन्दा पनि सत्ता र कुर्सीकाे लागि अगाडी बढेकाे वताए । उनले भने “कुनै बेला यस्ताे थियाे, जुन बेला देश र जनताकाे लागि अग्रगामनकाे लागि ति पार्टीहरु लडथे तर अहिले आएर आफ्नाे निहित स्वार्थकाे लागि लडिरहेका छन् ।” त्यसैले उनले अबका देशलाई अगाडी बढाउन, अग्रगामनकाे बाटाेमा अगाडी बढाउन आम जनता पार्टीकाे अवश्यकता परेकाे वताए ।

अध्यक्ष साहले देशमा बदलाव र परिवर्तन चाहने सबैलाई आम जनता पार्टीमा लाग्ने आग्रह समेत गरे । उनले देश र जनताकाे लागि साेच्न र देश र जनताकाे लागि काम गर्न अग्रगामी पार्टीकाे रुपमा आम जनता पार्टीकाे गठन भएकाे वताए । देशलाई अग्रगमनकाे बाटाे अगाडी बढाउ नयाँ बाटाे अख्तियार गर्नु पर्ने उनकाे भनाई थियाे । 

उनले भने “तपाईसंग दुईटा बाटाे छ, एउटा स्वार्थ र एउटा त्यागकाे बाटाे रहेकाे छ । जहिले पनि त्याग सफल भएकाे छ, स्वार्थ असफल भएकाे छ ।” अहिलेकाे समकालिन पार्टीले इस्थिर्ता दिन नसक्ने वताउँदै उनले इस्थिर्ता र देशलाई समृद्ध बनाउ रिक्स जरुरी रहेकाे वताए । अध्यक्ष साहले देशलाई बलियाे बनाउ स्वाधिन र निस्वार्थ टिमकाे अवश्यकता समेत औंल्याए ।

पार्टीका मधेश प्रदेश कमिटी अध्यक्ष श्रीचन मुखियाकाे अध्यक्षतामा भएकाे बैठकमा पार्टीका केन्द्रिय सदस्य बदरी न्याैपाने, उपेन्द्र साह, कुन्दन कुशवाहा, रामप्रित राम, रीता देवी, केशव चाैधरी, आरडी अजाद, श्रीलाल महासेठ, इशलाम हवारी, अशाेक कुमार लामा, कान्ति देवी महताे, सुधिर यादव, धर्मेन्द्र पटेल, प्रदिप पटेल, कदम रसुल, बाबुराम काैशिक लगायतकाे सहभागिता रहेकाे थियाे ।    

सडकमा जथाभावी फोहोर फाल्नेलाई जरिवाना

0

वीरगंज । जथाभावी फोहोर फाल्नेलाई वीरगंज महानगरपालिकाले कारबाही अभियान अघि बढाएको छ । महानगरलाई सफा, सुन्दर बनाउनका लागि जथाभावी फोहोर फाल्ने बानी हटाउन कारबाही स्वरुप महानगरले जरिवाना गर्न लागेको हो ।

महानगरले बिहीबार २ वटा पसललाई कारबाही स्वरुप जरीवाना तिराएको छ । घण्टाघरको विनोद मोबाइल हबले सडक पेटीमा जथाभावी फोहोर फालेको भेटिएपछि जरिवाना गरिएको महानगरका सरसफाई शाखा प्रमुख सरफुद्धिन मियाँले जानकारी दिए ।

यस्तै विर्तामा रहेको संस्कार मेडिकोलाई पनि जरिवाना तिराईको छ । पहिलो पटकलाई ५ सय रुपैयाँ जरिवाना तिराइएको र पुनः फोहोर फ्याँकेको भेटिए थप जरिवाना गरिने मियाँले बताए ।

महानगरले नगर हरियाली र सफा बनाई राख्न अहिले सडक, नाला तथा फुटपाथमा राखिएका निर्माण सामग्री तथा भौतिक संरचना हटाउने र फोहोर व्यवस्थापन गर्ने अभियान नै चलाईरहेको छ ।

वीरगञ्जलाई सफा, स्वच्छ र हराभरा बनाउन सबैको सहभागितामा मात्रै संभव रहेकाले यसलाई अटेर गर्दै फोहोर गर्नेलाई कारबाही गरिने महानगरले चेतावनी दिएको छ ।

सडकमा जथाभावी फोहोर गरेको भेटिए जो कोहीलाई पनि कारबाही गरिने गरी संयन्त्र परिचालन गरिएको छ । महानगरपालिकाका नगरप्रमुख राजेशमान सिंह निर्वाचित भएर आएसँगै नगर हरियाली र सरसफाईलाई प्राथमिकता दिँदै अभियान चलाइरहेका छन् ।

औषधी लाेड रहेकाे ट्रकमा अबैध मदिराकाे तस्करी भइरहेकाे फेला

0

वीरगंज । पर्सा प्रहरीले अवैध घरेलु मदिरा लाेड रहेकाे ट्रक र चालक नियन्त्रणमा लिएकाे छ । जिल्ला प्रहरी कार्यालय पर्साबाट खटिएकाे प्रहरी टाेलीले वीरगंज महानगरपालिका वडा नं.२ श्रीराम पछाडी खाली चौरबाट चालकसहित ना ६ ख ७२६ नम्बरको मालवाहक ट्रकमा नियन्त्रणमा लिएकाे हाे ।

 प्रहरीले विहिबार विहान ०७:४५ बजेको समयमा नियन्त्रणमा लिएकाे उक्त मालवाहक ट्रकमा अवैध घरेलु मदिरा ३९ पोकामा प्रति पोका १० लिटरका दरले जम्मा ३९० लिटर लोड रहेको रहेकाे अवस्थामा फेला परेकाे जिल्ला प्रहरी कार्यालय पर्साले जनाएकाे छ ।  सो कन्टेनर ट्रकमा अन्य त्रिभुवन विमानस्थल काठमाण्डौबाट पैठारी प्रज्ञापनपत्र अनुसार रु एक करोड १४ लाख ४९ हजार ७ सय २५ बराबरको विभिन्न औषधीहरू समेत लोड रहेको प्रहरीले जनाएकाे छ ।

पक्राउ पर्ने ट्रक चालक वीरगंज महानगरपालिकाकाे वडा नं. ३० प्रसौतीपुर बस्ने वर्ष २८ को सदाम हुसेन रहेकाे जिल्ला प्रहरी कार्यालय पर्साका प्रवक्ता प्रहरी नायब उपरिक्षक दिपक गिरीले जानकारी दिए ।

ट्रक र सो मा लोड रहेको अं.३९० लिटर घरेलु मदिरा तथा बिभिन्न किसिमका औषधीहरू नियन्त्रणमा लिई सो ट्रकमा लोड रहेको मदिरा, औषधी र गाडी अं.मू.रू.२० लाख मुल्यांकन गरी जम्मा रू एक करोड ३४ लाख ४९ हजार ७ सय २५ बराबरको ट्रक र सो भित्र लोड रहेको औषधी तथा घरेलु मदिरा थप अनुसन्धान तथा आवश्यक कारवाहीको लागि बुधबार नै आन्तरिक राजश्व अनुसन्धान कार्यालय वीरगंज पर्सामा पठाइएको प्रवक्ता गिरीले जानकारी गराए ।

बार्षिकोत्सवको अवसरमा फलफूल र शैक्षिक सामग्री वितरण

0

वीरगंज । नेकपा माओवादी केन्द्र निकटको कर्मचारी संगठन नेपाल राष्ट्रिय कर्मचारी संगठन (राष्ट्रिय बाणिज्य बैंक) मधेस प्रदेशको १७ औं बार्षिकोत्सव बिहीबार सम्पन्न भएको छ । संगठनले बार्षिकोत्सवको अवसरमा आदर्शनगर स्थित आमाको माया छात्रवासमा रहेका विद्यार्थीहरुलाई फलफूल र शैक्षिक सामग्री वितरण गरेको छ ।

संगठनका मधेस प्रदेश अध्यक्ष दरो रामको अध्यक्षतामा भएको कार्यक्रममा राष्ट्रिय वाणिज्य बैंक प्रादेशिक कार्यालय वीरगन्जका प्रमुख कमलेश ठाकुर, प्रेस सेण्टर नेपालका केन्द्रीय सदस्य नीरज पिठाकोटे, पर्सा अध्यक्ष दीपक गौतम, नेपाल राष्ट्रिय कर्मचारी संगठन (कृषि विकास बैंक) का केन्द्रीय सदस्य अध्यक्ष गुरुदेव उपाध्याय, अखिल क्रान्तिकारीका विदेश विभाग उपप्रमुख शिवम साह, नेपाल राष्ट्रिय कर्मचारी संगठन निजामतिका पर्सा अध्यक्ष सुनिल कुर्मी, नेपाल राष्ट्रिय प्रगतीशील जनस्वास्थ्यकर्मी संगठनका पर्सा इन्चार्ज रुपलाल साह, अध्यक्ष शिवहरि तिवारी, नेपाल निजामति कर्मचारी संघका राहुल ओझा लगायतले शुभकामना मन्तव्य व्यक्त गरेका थिए ।

कार्यक्रमको सञ्चालन नेपाल राष्ट्रिय कर्मचारी संगठन (राष्ट्रिय बाणिज्य बैंक) मधेस प्रदेशका सचिव आलोक कुमार कर्णले गरेका थिए भने नेपाल राष्ट्रिय कर्मचारी संगठन (राष्ट्रिय बाणिज्य बैंक) का दिवस पौडेलले स्वागत मन्तव्य व्यक्त गरेका थिए ।

आम जनता पार्टी मधेस प्रदेशकाे विस्तारित बैठक वीरगंजमा बस्दै

0

वीरगंज । आम जनता पार्टी मधेस प्रदेशकाे विस्तारित बैठक शुक्रवार वीरगंजमा हुने भएको छ । पार्टीका केन्द्रीय अध्यक्ष एवं पुर्व मन्त्री प्रभु शाहको प्रमुख आतीथ्यतामा हुने विस्तारीत वैठककाे सम्पूर्ण तयारी पुरा भएकाे जनाइएकाे छ ।

वीरगंजको ओम पार्टी प्यालेसमा बस्ने बैठकले पार्टीको संगठन विस्तार, आगामी रणनिती र मधेस प्रदेशमा पार्टीलाई शसक्त रुपमा अघि बढाउने सम्वन्धमा ठोस कार्यनिती तय गर्ने पार्टी पर्सा जिल्ला इन्चार्ज बाबुराम कौशिकले जानकारी दिए ।

पार्टीले देशमा वास्तविक लोकतन्त्रको प्राप्ति एवं आम जनताको शासन व्यवस्थामा पुग्ने लक्ष्य सहीतको कार्यनिती अगाडी वढाउने कौशीकले बताए ।  

उखु उत्पादनमा यस बर्ष कमि, उत्पादन भएकाे उखु पनि समय मै बिक्री भएन

0

आनन्द पटेल /
परवानीपुर । नगदे बालीको रुपमा चिनिएको ‘उखु’ खेतीको उत्पादनमा यसपाली कमी आएको छ । बारा,पर्सा, रौतहत लगायतका मधेश प्रदेशमा किशानहरुले धेरै मात्रामा उखु खेती गरे पनि उखुमा किरा लागेको कारण उत्पादनमा कमी आएको उखु किशान साम महमद अंसारीले बताए ।

उनको अनुसार यसपाली खेतमै किरा लागेको कारण आफुहरुको वर्षौ देखीको मिहिनेत खेर गएको र बचेको उखु बारा जील्ला स्थित रिलायन्स सुगर मिल्समा लगेर बच्ने तयारी गरेको बताए । गत वर्षको तुल्नामा यसपाली उखु उत्पादनमा कमी आएको र उखु काटी सकेपछी आफुहरु मिलमा १० दिनदेखी उखु बेच्नका लागि आफनो पालो कुरेर बसेको अर्का किसान विश्वनाथ पटेलले बताए ।

किराले बालीमा ठुलो नोक्सानी गरेको र यसपाली आफुहरुको लगानी समेत डुब्ने अवस्था रहेकोले सरकार र मिलसंग क्षती पूत्तीको लागी बारमबार आवाज उठाए पनि त्यसको कुनै सुनुवाई नभएको किसान पटेलले बताए । बारा र पर्सामा गरी रिलायन्स मिल एकमात्र मिल रहेको कारण आफुहरु यस मिलमा वर्षौदेखी उखु बेच्दै आएको किसानहरुले बताएका छन । तर मुख्य कुरा के छ भने उखु मिलले लिए पनि नेपाल सरकारद्वारा मूल्य र्निधारण नहुँदा मिलले उखु कतिमा लिएको हो भन्ने यसको यकिन हुन नसकेको किसानहरु बताउँछन ।

गत वर्ष प्रति क्विन्टल ५९० रुपैयामा उखु बिक्री गरे पनि यसपाली सवारी भाडा र कामदारहरुको मुल्यमा वृद्धी भएकोले आफुहरुको उखु पनि गत वर्षको तुल्नामा यसपाली बढी मूल्यमा बिक्री हुनु पर्ने किसानहरुको माग रहेको छ । किसानहरु उखु बेच्नका लागि २ हप्तादेखी उखु मिलमा ल्याए पनि समयमै उखु नलिदां आफुहरु झन मर्कामा परेको दुःखेसो पोखेका छन ।

भाडामा ल्याईएका टयाक्टर पनि १० दिनदेखी लाइनमा बस्दा त्यसको भाडा पनि बढदै गएको र आफुहरु झन मर्कामा परेको किसानहरुको भनाई छ । २ हप्ता देखी लाइनमा बस्दा पनि खान र बस्ने सुबिधा नहुदा आफुहरु टयाक्टरको मुनि बसी रात बिताउन बाध्य भएको किसानहरु बताउँछन ।

अचानक चिसो बढदा खुल्ला आकाशमै रात बिताउन किसानहरु बाध्य छन । नेपाल देश कृर्षी प्रदान देश भएपनि वर्षौ देखी यहाका किसानहरु ठुलो समस्या भोगदै आएका छन । सरकारले अहिलेसम्म किन उखुको बिक्री गर्ने मुल्य निर्धारण नगरेको त ? भन्ने प्रश्नमा कृर्षी ज्ञान केन्द्र बाराका प्रमुख जीतेन्द्र यादवको अनुसार मुल्य निर्धारण गर्ने अधिकार आफ्नो हातमा नभएको बताए ।

आफुहरुले मुल्य निर्धारणकाे लागि केन्द्रिय कार्यालयमा पठाए पनि फाईल फिर्ता आएको र फेरी पठाईएको तर अहिलेसम्म माथीबाट कुनै निर्देशन नआएकोले मूल्य निर्धारणमा समस्या भएको बताए । यसरी समयमा नै किसानहरुको मस्या समाधान नहुने हो भने बिगतका जस्तै यसपाली पनि किसानहरु ठुलो समस्यमा पर्ने निश्चित छ ।

रानिघाटका ३ गाेदामहरुमा प्रहरीकाे छापा, भन्सार छलीकाे ९०५ बाेरा चामल बरामद

0

वीरगंज । प्रहरीले वीरगंज महानगरपालिकाकाे वडा नं. ११ रानिघाटस्थित ३ वटा गाेदामहरु छापामारी गरी भन्सार छली ल्याइएका चामलहरू बरामद गरेकाे छ ।

जिल्ला प्रहरी कार्यालय पर्सा, वडा प्रहरी कार्यालय विर्ता र वडा प्रहरी कार्यालय श्रीपुरबाट खटिएको संयुक्त प्रहरी टोलीले रानीघाटमा लुकाइ छिपाइ भण्डारण गरी राखिएको कृष्णा साह, सुनिल साह र देवनारायण साहको गोदामहरू छापामारी गरी १३ लाख ६० हजार ८ सय बराबरकाे भन्सार छलीकाे चामल बरामद गरेकाे हाे ।

तिनै जनाकाे गादाेमहरुमा कानून बमोजिम खानतलासी गर्दा २०/२४/२६ के.जी.का बोराहरू भएकाे ९०५ बोरा चामल बरामद भएकाे जिल्ला प्रहरी कार्यालय पर्साले जनाएकाे छ । बरामद चामलहरु थप अनुसन्धान तथा आवश्यक कारवाहीको लागि बुधबार नै वीरगंज भन्सार कार्यालयमा पठाइएको जिल्ला प्रहरी कार्यालय पर्साका प्रवक्ता प्रहरी नायब उपरिक्षक दिपक गिरीले जानकारी दिए ।

भन्सार छली चोरी पैठारी गरी वीरगंज ल्याई अनाधिकृतरूपमा भण्डारण गरी राखेको अवस्थामा बरामद चामलकाे मुल्य रु.१३ लाख ६० हजार ८ सय पर्ने प्रहरीले जनाएकाे छ  ।

प्रहरी कै मिलाेमताेमा यसरी वीरगंज पुग्छ तस्करीकाे सामग्री 

सरकारले सीमा क्षेत्रबाट हुने चोरी तस्करी, अवैध कारोवार तथा सीमा सुरक्षाको लागि सुरक्षाकर्मी परिचालन गरेको छ । सीमामा बसेको प्रहरीले अबैध कारोबारमा संलग्न व्यक्तिसँग रकम लिएर सीमा क्षेत्रबाट साइकल, मोटरसाइकल र पैदल खाद्यान्न बोकेर ल्याउनेलाई छुट दिने गरेको देखिन्छ । 

भंसार चोरी पैठारी नियन्त्रण गर्न सीमा क्षेत्रमा खटिएको प्रहरीले रकम असुल्छ र सामान छोड्छ अर्कोतर्फ त्यही प्रहरीले व्यापारीको गोदामा छापामारी गर्छ र भंसार चोरी पैठारी गरी ल्याएको चामल बरामद गरेको भनि भंसार कार्यालय पठाउँछ । तस्करी गराउन प्रोत्साहन पनि गर्ने र तस्करी भएर आएको सामान छापामारेर बहादुरी देखाउने काम प्रहरीबाट भएको देखिन्छ । यसमा सीमा क्षेत्रबाट चोरी पैठारी नियन्त्रणमा किन सुरक्षा निकाय चुक्दैछ ? यसको जबाफ कसले दिने ?

वीरगञ्जमा भन्दा भारतीय बजार रक्सौलमा खाद्यान्न सामाग्री सस्तोमा पाइने भएकोले वीरगञ्जका अधिकांश मानिसहरु चामल, दाल, चिनी लगायत खाद्यान्न सामाग्री किन्न रक्सौल जाने गर्दछन् । वीरगञ्जका केही व्यापारीहरुले सीमा क्षेत्रमा खटिने प्रहरीलाई मिलाए साइकल, मोटरसाइकलमा खाद्यान्न रक्सौलबाट ल्याई महंगोमा बेच्छन् ।

वीरगञ्जको खुला नाका बाहेक मुख्य भंसार कार्यालयको गेट भएर दैनिक सयाैंकाे संख्यामा अट्टोरिक्सा, साइकल र मोटरसाइकलमा चामल, चिनी, दाल, लसुन, आलु, प्याज, खुसार्नी ढुवानी गरेको देख्न पाइन्छ । यस्तो कार्यमा संलग्न व्यक्तिहरुले प्रहरीलाई पैसा दिएर माससामान अवैध रुपमा वीरगञ्ज बजार सम्म पु¥याउने गरेको कारोबारमा संलग्न व्यापारीहरुको भनाई छ ।

जाडाेका कारण धाेबिनी र पटेर्वा सुगाैलीका विद्यालयहरु पनि बन्द

0

वीरगंज । चिसाे बढेपछि पर्साका विद्यालयहरु बन्द भएका छन् । पर्साका अधिकांश पालिकाहरुले मंगलबारदेखि आफ्ना मातहतका विद्यालयहरुमा विदा दिएका छन् ।

वीरगंज महानगरपालिका सहितका केहि पालिकाहरुले साेमबार नै सूचना जारी गर्दै विद्यालयहरुमा विदा दिए पनि धाेबिनी गाउँपालिका र पटेर्वा सुगाैली गाउँपालिकाले मंगलबार सूचना जारी गर्दै बिदा दिएका छन् ।

धाेबिनी गाउँपालिकाले सबै सामुदायिक तथा संस्थागत विद्यालयहरुमा बुधबारदेखि शुक्रबार सम्म ३ दिनकाे विदा दिएकाे छ ।

प्रमुख प्रशासकिय अधिकृत महमद नवाज हुसैनले मंगलबार सूचना जारी गर्दै मौसम प्रतिकुलताका कारण बाल बालिकाहरुलाई नियमित बिधालयमा पठन पाठन असहज हुँदै गएकोले मिति २०७२/०९/२० गतेदेखि २०७९/०९/२२ गते सम्म हिउँदै बिदाबाट कट्टा हुने गरि विद्यालयमा पठन पाठन मात्र स्थगन गरिएको व्यहोरा सबैमा जानकारी गराएका छन् ।

साथै उनले जारी गरेकाे सूचनामा मौसम अनुकुल भए पश्चात पठन पाठन पुनः संचालन हुने व्यहोरा समेत उल्लेख गरिएकाे छ ।

त्यसैगरी पटेर्वा सुगाैली गाउँपालिकाले पनि आफ्ना मातहतका सबै विद्यालयहरुमा ४ दिनकाे जाडाे विदा दिएकाे छ । प्रमुख प्रशासकिय अधिकृत संदेश यादवले एक सूचना जारी गर्दै मौसम प्रतिकुलताका कारण अत्याधिक चिसो बढेकोले बालवालिकाहरुलाई नियमित बिधालयमा पठनपाठन गर्न असहज हुँदै गएकोले मिति २०७२/०९/१९ गतेदेखि मिति २०७९/०९/२२ गते सम्म विदा दिइएकाे जनाएका छन् । 

उनले जारी गरेकाे सूचनामा हिउँदे बिदाबाट कट्टा हुने गरी विद्यालयमा पठनपाठन स्थगित रहने र मिति २०७९/०९/ २४ गते देखि नियमित कक्षा संचालन हुने व्यहोरा उल्लेख गरिएकाे छ ।

स्वर्गीय गोपाल गिरि पत्रकारीता पुरस्कार दासलाई प्रदान गरिने

0
वीरगंज । स्वर्गीय गोपाल गिरि स्मृति क्रियाशिल पत्रकारीता पुरस्कार वीरगंजका पत्रकार महेश दासलाई प्रदान गर्ने निर्णय भएको छ । नेपाल पत्रकार महासंघ पर्साको मंगलवार बसेको बैठकले पत्रकार दासलाई स्वर्गीय गोपाल गिरि स्मृति क्रियाशिल पत्रकारीता पुरस्कार दिने निर्णय गरेको हो ।
 
विगत लामो समयदेखि वीरगंजलाई कार्यक्षेत्र बनाएर पत्रकारीता गर्दै आएका दासलाई यो पुरस्कार दिने निर्णय गरिएको नेपाल पत्रकार महासंघ पर्साका सचिव भूषण यादवले जानकारी दिए । उनका अनुसार यो पुरस्कार बर्सेनी माघ १ गते वितरण हुँदै आएको छ । पत्रकार दास एभिन्युज मधेस प्रदेशका प्रमुख छन् ।
 
यसअघि यो पुरस्कार पर्साका पत्रकारहरु गया यादव, सत्रुघन नेपाल, केसी लामिछाने, महेशचन्द्र गौतम, श्याम बन्जारा, ओमप्रकाश खनाल, ध्रुव साह, बिजय भण्डारी, प्रताप श्रेष्ठ लगायतकाले पाइसकेका छन ।
 
नेपाल पत्रकार महासंघ पर्साका अध्यक्ष अनुप तिवारीको अध्यक्षतामा बसेको बैठकमा उपाध्यक्ष युवराज खड्का, सहसचिव जियालाल साह, जितेन्द्र साह, कोषाध्यक्ष सन्जीव मिश्रा लगायत कार्यसमिति सदस्यहरुको उपस्थिति रहेकोे थियो ।