Date
मङ्ल, मंसिर १, २०८३
Tue, November 17, 2026
Home Blog Page 585

जसपा मधेश प्रदेशकाे संसदीय दलकाे नेतामा बाराका यादव चयन

0

वीरगंज । जनता समाजवादी पार्टी (जसपा) मधेश प्रदेशको संसदीय दलको नेतामा सरोज कुमार यादव सर्वसम्मतले चयन भएका छन । बारा निर्वाचन क्षेत्र नं. १ काे (२) बाट प्रदेश सभा सदस्यमा निर्वाचित यादव संसदीय दलका नेता चयन भएका हुन् ।

दलको नेता चयन गर्नका लागि निर्वाचन कार्यतालिका सार्वजनिक गरिए पछि यादवसहित दुई जनाले उम्मेदवारी दर्ता समेत गराएका थिए । निर्वाचन नहुँदै यादव एक उम्मेदवारकाे समर्थनमा दलको नेतामा चयन भएका हुन ।

दलको नेताका लागि मधेश प्रदेशका निवर्तमान सभामुखसमेत रहेका यादव र मुख्यमन्त्री लालवावु राउतले उम्मेदवारी समेत दर्ता गराएका थिए । यद्दपी दलको नेताका लागि उम्मेदवारी दर्ता गराएका मुख्यमन्त्री राउतले अन्तिम समयमा यादवको नाममा सहमति जनाएपछि उनी दलको नेतामा चयन भएको जसपा मधेश प्रदेश कार्यसमितिले जनाएको छ ।

जसपाको मधेशप्रदेश सभामा १६ जना प्रदेश सभा सदस्य छन् । अब सत्तारुढ गठबन्धनमा भएकाे सहमतीमा जसपाले पहिलाे कार्यकालमा मुख्यमन्त्री पाए यादव नै मुख्यमन्त्री बन्ने छन् ।

बागमती प्रदेशको मुख्यमन्त्रीमा माओवादीका जम्कट्टेल नियुक्त

0

हेटौंडा । नेकपा माओवादी केन्द्रका संसदीय दलका नेता शालिकराम जम्कट्टेल बागमती प्रदेशको मुख्यमन्त्रीमा नियुक्त भएका छन् ।

७० प्रदेशसभा सदस्यको समर्थनसहित दाबी पेश गरेका जम्कट्टेललाई प्रदेश प्रमुख यादवचन्द्र शर्माले मुख्यमन्त्रीमा नियुक्त गरेका हुन् । नेपालकाे संविधानकाे धारा १६८ काे उप धारा (२) बमाेजिम जमकट्टेललाई मुख्यमन्त्री पदमा नियुक्त गरेकाे प्रदेश प्रमुख शर्माले जनाएका छन् । 

उनलाई माओवादी, एमाले, राप्रपा, नेकपा एकीकृत समाजवादी र हाम्रो नेपाली पार्टीको समर्थन रहेको छ । जम्मकट्टेललाई माओवादीका २१, एमालेका २७ र राप्रपाका १३, एकीकृत समाजवादीका ७ र हाम्रो नेपाली पार्टीका २ गरि ७० प्रदेश सांसदको समर्थन गरेका हुन् ।

मुख्यमन्त्री जम्कट्टेलको हुन् ? 

२०३० साल भदौमा धादिङको साविक किराञ्चोक गाविस वडा नम्बर ९ मा जन्मेका जम्कट्टेल मुख्यमन्त्री नियुक्त भएका हुन् । उनी यसअघि डोरमणि पौडेलको नेतृत्वमा गठित प्रदेश सरकारमा आन्तरिक मामिला तथा कानुन र आर्थिक मामिला तथा योजना मन्त्री भइसकेका छन् । २०४४ सालमा अखिल छैटौंमा आबद्ध भएर विद्यार्थी राजनीति सुरु गरेका जम्कट्टेल २०५२ सालमा ललितपुरको आइरन उद्योगमा काम गर्दै गर्दा मजदुर आन्दोलनमा सहभागी भए । सोही बखत उनी माओवादी केन्द्रमा जोडिन पुगे । औद्योगिक मजदुर संगठनको ललितपुर जिल्ला कमिटी सदस्य हुँदै उनी केन्द्रीय कोषाध्यक्षसमेत भए ।

गजुरीको आदर्श माध्यमिक विद्यालयबाट एसएलसी अध्ययन गरेका उनले बी.ए., बी.एल.सम्मको अध्ययन गरेका छन् । उनी २०५२ सालमा माओवादी जनयुद्धमा होमिएका थिए । त्यस यता माओवादीमा निरन्तर क्रियाशील उनी २०६० सालबाट एक दशकभन्दा बढी समय माओवादी निकट अखिल नेपाल ट्रेड युनियन महासंघको अध्यक्ष भए । मजदुर संगठनको नेतृत्वमा आएपछि उनी राजनीतिक उचाइमा पुगेका थिए ।

आफ्नै साथीलाई अपहरण गर्ने ४ वालक पक्राउ

0

वीरगंज । वीरगंजमा आफ्नै साथीलाई अपहरण गरी शरीर बन्धक बनाउने अभियोगमा कक्षा १० मा अध्ययनरत ४ विधार्थीलाई पर्सा प्रहरीले पक्राउ गरेको छ । वीरगंजको एक सामूदायीक विद्यालय कक्षा १० मा अध्ययनरत नाम नखुलेको बालकलाई शनिबार बिहान आफ्नै घर आँगनबाट सोही कक्षामा अध्ययन गर्ने चार जना विधार्थीले अपहरण गरी शरीर बन्धक बनाएको जिल्ला प्रहरी कार्यालय पर्साले जनाएको छ ।

वीरगंज महानगरपानलिका वडा नम्बर १६ निवासी १६ वर्षीय बालक हराएको भन्दै परिवारजनले प्रहरीलाई खबर गरेका थिए । प्रहरीले खोजतलास गर्ने क्रममा बालकको मुखमा कपडा कोचेर कालो तारले दुवै हातखुट्टा बाँधेको अवस्थामा घरआगनबाट करिब ३ सय मिटर टाढा सुनसान चौरमा फेला परेको पर्साका प्रहरी नायब उपरीक्षक दिपक गिरीले जानकारी दिए ।

प्रहरीले घटनास्थलबाट रूमाल, केवलको कालो तारका टुक्राहरू, पञ्जा, गलबन्दी र कम्बल बरामद गरेका थिए ।

घटनाको अनुसन्धान गर्ने क्रममा उक्त बालक मेहेनती रहेको र कक्षामा सधै प्रथम आउने भएको हुँदा रिस र डाहको कारण केही बिद्यार्थीले आफ्नै साथीको अपहरण गर्न पुगेको प्रहरी प्रवक्ता गिरीले बताए । घटनामा संलग्न ४ जना विरुद्ध पर्सा जिल्ला अदालतबाट अपहरण तथा शरीर बन्धक कसूरमा ६ दिनको म्याद थप अनुमति प्राप्त भई अनुसन्धान भइरहेको बताए ।

सिर्सिया नदी प्रदुषण : अब फोहोर पानी फाल्ने उद्योगलाई कारवाही

0

वीरगंज । सिर्सिया नदी प्रदुषण नियन्त्रणका लागि गठित समितिले प्रदुषित पानी नदीमा मिसाउने उद्योगलाई स्पष्टिकरण सोध्ने निर्णय गरेको छ । समितिको आइतबार जितपुर सिमरा उपमहानगरपालिकाको सभाकक्षमा बसेको बैठकले यस्तो निर्णय गरेको हो ।

समितिले तीन साता लगातार नदी क्षेत्रमा रहेका उद्योगको अनुगमन गरेको र अहिलेसम्म अनुगमन गरिएका ९ वटा उद्योगमध्ये ट्रिटमेन्ट प्लान्ट निर्माण नगरी प्रदुषित पानी सोझै नदीमा मिसाउने ३ उद्योगलाई पहिलो पटक कारबाही स्वरुप स्पष्टिकरण सोध्ने निर्णय गरेको हो ।

कतिपयले ट्रिटमेन्ट प्लान्ट भएर पनि संचालन नगरेको भेटिएको र तीनलाई पनि कारबाहीको दायरामा ल्याइने समितिले निर्णय गरेको छ । अनुगमनका क्रममा मरियम लेदर, मारुती पेपर र दुर्गा पल्प एण्ड पेपरले प्रदुषित फोहोर पानी नदीमा फाल्ने गरेको भेटिएकाले तीनै वटा उद्योगलाई स्पष्टिकरण सोध्ने निर्णय गरेको छ ।

वीरगञ्ज महानगरपालिकाका मेयर राजेशमान सिंहले निर्वाचनका बेला जनतासमक्ष गरेको बाचा बमोजिम नदी प्रदुषण नियन्त्रणका लागि समिति नै बनाएका हुन् । महानगरका उपप्रमुख इम्तियाज आलम संयोजक रहने गरी बनाइएको सिर्सिया नदी प्रदुषण नियन्त्रण समितिमा जितपुर सिमरा उपमहानगरपालिका, यहाँका उद्योगी व्यवसायी, स्थानीय प्रशासन र सुरक्षा संयन्त्रलाई समेटिएको छ ।

‘सिर्सिया प्रदुषण नियन्त्रण एउटाको प्रयासले मात्रै संभव हुँदैन,’ मेयर सिंहले भने, ‘त्यसैले सबैलाई समेटेर बारा पर्सा हुँदै बग्ने सिर्सिया नदी प्रदुषण नियन्त्रणको महाअभियान अघि बढाइएको हो ।’

यस्तै बैठकले सिर्सिया नदीको आधार क्षेत्र (राइट अफ वे) छुट्याउन नापी कार्यालयको नेतृत्वमा तत्काल काम सुरु गर्ने निर्णय गरेको समितिका संयोजक रहेका उपप्रमुख इम्तियाज आलमले जानकारी दिए ।

‘सिर्सिया नदी जितपुर सिमरा उपमहानगरपालिका हुँदै वीरगञ्ज महानगर भएर बग्ने भएकाले दुबैको समन्वयमा नदीको आधार क्षेत्र छुट्याउनुका साथै प्रदुषण नियन्त्रणको पहल हुनेछ,’ संयोजक आलम भन्छन्, ‘नदीको क्षेत्रमा पर्ने परवानीपुर गाउँपालिकालाई पनि अर्को बैठकदेखि साथमा लिएर हिँड्ने निर्णय गरेका छौँ ।’

सिर्सिया नदीमा उद्योगीहरुको मनपरीका कारण प्रदुषण भइरहेकाले यसलाई नियन्त्रणमा लिन कडाइका साथ समिति लाग्नु पर्ने बैठकले निर्णय गरेको छ ।

‘हामीले जसरी पनि सिर्सियालाई प्रदुषण मुक्त बनाउनु छ,’ वीरगञ्जका मेयर सिंहले भने, ‘त्यसका लागि उद्योगीहरु सच्चिन जरुरी छ, होइन भने अब कारबाहीको प्रकृया अघि बढाउनुको उपाय हुँदैन ।’

यस्तै जितपुर सिमरा उपमहानगरपालिकाका प्रमुख राजन पौडेलले प्रदुषण नियन्त्रणको सवालमा एक कार्यविधि बनाएर आवश्यक कानुनी प्रकृयामा अघि बढ्नु पर्नेमा जोड दिए । साथै सबैको सहयोगमा सिर्सिया प्रदुषण मुक्त हुने भएकाले अनुगमन, कारबाहीका साथै सचेतना अभियान पनि सँगसँगै चलाउनु पर्नेमा उनको जोड थियो ।

वीरगञ्ज उद्योग वाणिज्य संघका वरिष्ठ उपाध्यक्ष अनिल अग्रवालले भने उद्योगीहरुलाई ट्रिटमेन्ट प्लान्ट निर्माणका लागि अझै केही समय दिन पर्ने भन्दै त्यसका लागि स्थानीय सरकारले आवश्यक सहयोग गर्नु पर्ने बताए ।

बारा, पर्सा दुबैका स्थानीय तह, सुरक्षा संयन्त्र, उद्योगी व्यवसायी सम्मिलित टोलीले अहिले पहिलो पटक सिर्सिया नदी प्रदुषण नियन्त्रणका लागि पहल थालेको हो ।

आइतबारको बैठकमा वीरगञ्ज महानगरपालिकाका मेयर राजेशमान सिंह, उपमेयर इम्तियाज आलम, जितपुर सिमरा उपमहानगरपालिकाका मेयर राजन पौडेल, उपमेयर भोला अधिकारी, नापी कार्यालय पर्साका प्रमुख नारायण श्रेष्ठ, नारायणी सिंचाईका डिभिजन इन्जिनियर अकलाख सिद्धिकी, उद्योग वाणिज्य संघ वीरगञ्जका वरिष्ठ उपाध्यक्ष अनिल अग्रवाल, इलाका प्रहरी कार्यालय सिमराका प्रहरी नायव उपरीक्षक युवराज तिमल्सिना, वीरगञ्ज महानगरका वन तथा वातावरण महाशाखा प्रमुख देवेन्द्र चौधरी, वातावरण निरीक्षक प्रदिप साह लगायतको सहभागिता रहेको थियो ।

गएको कात्तिक २३ गते गठन भएको समितिले हरेक साताको मंगलबार उद्योगहरुको अनुगमन गर्दै आएको छ ।

चाेरीकाे बुलेट माेटरसाइकलसहित २० बर्षिय चाैधरी पक्राउ

0

वीरगंज । पर्सा प्रहरीले एकजना मोटरसाइकल चोरलाई पक्राउ गरेको छ । जिल्ला प्रहरी कार्यालय पर्साबाट खटिएको टोलीले वीरगंज महानगरपालिका वडा नं. १२ स्थित सडकखण्डबाट मोटरसाइकल चोर्दाचोर्दैको अवस्थामा एक जना युवकलाई पक्राउ गरेको हो ।

पक्राउ पर्नेमा बारा जिल्लाको कोल्हवी नगरपालिका वडा नं. ७ निवासी २० वर्षीय भुवन चौधरी रहेका छन् । निजले पार्किङ्ग गरि राखेको बुलेट मोटरसाइकलको लक तोडी डो¥याएर लैजाँदै गरेको अवस्थामा स्थानीय एवं सवारीधनीले होहल्ला गरेपछि प्रहरीले मोटरसाइकल सहित चोरलाई नियन्त्रणमा लिएको पर्साका प्रहरी नायब उपरीक्षक दिपक गिरीले जानकारी दिए ।

उनका अनुसार वीरगंज महानगरपालिका वडा नम्बर १२ स्थित सडक खण्डबाट जिल्ला प्रहरी कार्यालय पर्सा र मातहतका कार्यालयबाट खटिएको प्रहरीको टोलीले चोरीको मोटरसाइकल सहित चौधरीलाई पक्राउ गरेको हो ।

रौतहट जिल्लाको वृन्दावन नगरपालिका वडा नम्बर १ घर भई हाल वीरगंज महानगरपालिका वडा नम्बर १२ बस्ने ३६ वर्षीय अजय कुमार यादवको नाममा दर्ता रहेको प्र.२–०३–०१२ प २६३८ नम्बरको खैरो रंगको ३ सय ५० सिसीको बुलेट मोटरसाइकल चोर्दै गरेको अवस्थामा पक्राउ गरिएको प्रनाउ परीक्षक गिरीले जानकारी दिए ।

पक्राउ परेका चौधरी विरुद्ध चोरी सम्बन्धी कसूरमा आवश्यक अनुसन्धान भइरहेको जिल्ला प्रहरी कार्यालय पर्साले जनाएको छ ।

१९ महिलासहित ९३ जनाद्वारा रक्तदान

0

वीरगंज । बाराकाे जीतपुरसिमरा उपमहानगरपालिका–२१ अमलेखगंजस्थित तमु क्लबको आयोजनामा शनिवार रक्तदान कार्यक्रम सम्पन्न भएकाे छ । सागर चाेक अमलेखगंजमा भएकाे कार्यक्रममा १९ महिलासहित ९३ जनाले रक्तदान गरेको रक्तसञ्चार केन्द्र, वीरगंजका प्राविधिक प्रमुख सौरभराज पाण्डेले बताए ।

कार्यक्रममा जंग बहादुर तमाङ, पार्वती बरई, कोपिला गुरुङ, राजकुमार गुरुङ, बमबहादुर मोक्तान, लक्ष्मी बल, नीरमाया गुरुङ, जाकिर हुसैन, विक्रान्त साह, शान्ति तामाङ, सुनसरी थिङ, हिरालाल राउत, देवमाया गुरुङ, मुना श्रेष्ठ, रामकुमार पाख्रिन, अनिश राणा, डिबी गुरुङ, दिपेश धिताल, रियाज अन्सारी लगायतले रक्तदान गरेको प्रFविधिक प्रमुख पाण्डेले बताए ।

जीतपुरसिमरा उपमहानगरपालिकाकाे २१ नं. वडा कार्यालयकाे सहयाेगमा तमु ल्हाेसारकाे अवसरमा रक्तदान कार्यक्रम भएकाे थियाे ।

श्री उपलब्धी बचतकाे १० औं साधारण सभा सम्पन्न

0

परवानीपुर । बाराको प्रसौनी गाउँपालीका वडा नं २ मा रहेको श्री उपलब्धी बचत तथा ऋण सहकारी संस्था लिमीटेडको १० औं वार्षिक साधारण सभा समपन्न भएको छ । संस्थाका अध्यक्ष अमित कुमारको अध्यक्षतामा भएको साधारण सभाकाे उद्घाटन प्रमुख अतिथी बिनोद प्रसाद जैसवालले गरेका थिए ।

साधारण सभाकाे उद्घाटन गर्दै उनले संस्था १० वर्ष पुरा गरी ११ औं बर्षमा प्रबेश गरेकाेमा शुभकामना दिएका थिए । उनले सहकारीले संस्थाले आम नागरिकाको जीवनमा एउटा अहम भुमीका खेलेको बताए । प्रमुख अतिथी जैसवालले अगामी दिनमा पनि संस्थाले आम जनताकाे आशा र भरोसामा काम गर्दै अगाडी बढनेमा विश्वास व्यक्त गरे ।

कार्यक्रममा संस्थाका सदस्य बिनोद कुमार कानु, रमेसचन्द्र सुडी, बलीराम महतो, शेयर धनी, संस्थाका कोषा अध्यक्ष रत्नेश कुमार गुप्ता लगायतको सहभागिता रहेको संस्थाका सचिव प्रितम कुमारले जानकारी दिए ।

मनवा बचतकाे १२ औं साधारण सभा सम्पन्न

0

वीरगंज । पर्साकाे पर्सागढी नगरपालिका वडा नं. १ मनवा बजारमा रहेकाे मनवा बचत तथा ऋण सहकारी संस्थाकाे १२ औं बार्षिक साधारण सभा सम्पन्न भएकाे छ ।

काेइलाभारमाई मन्दिर प्राङ्गणमा भएकाे साधारण सभामा सहकारी संस्थाकाे अध्यक्षमा पुन:  गिरि राज कडेल निर्विराेध निर्वाचित भएका छन् । कडेल दाेस्राे कार्यकालकाे लागि सहकारी संस्थाकाे अध्यक्षमा निर्विराेध निर्वाचित भएका हुन् ।

त्यसैगरी संस्थाकाे उपाध्यक्ष फलेस्टर राय, सचिबमा आत्मराम अधिकारी, कोषाध्यक्षमा रामजनम चौधरी, सदस्यहरुमा गायत्री देबि ठाकुर, सुनिल ठाकुर, जयनारायण ठाकुर पनि निर्विराेध चुनिएकाे नवनिर्वाचित अध्यक्ष कडेलले जानकारी दिए ।

उनका अनुसार साधारण सभाले लेखा सुपरिवेक्षण समितीकाे संयाेजकमा कृष्ण प्रसाद तिवारीलाई चयन गरेकाे छ । जुन समितिकाे सदस्यमा तारा देबि तिवारी र ॠदिनाथ अधिकारि सर्वसहमत चुनिएका छन् ।

पर्सागढी नगरपालिकाका नगर प्रमुख गोकर्ण पाठककाे प्रमुख आतिथ्यतामा भएकाे साधारण सभामा पूर्व नगर प्रमुख लोक नारायण यादव, वडा न.१ का वडाध्यक्ष राजकुमार खवास, समजसेबी दुर्गा प्रसाद लामिछाने, भरत श्रेष्ठ लगायतकाले शुभकामना मन्तव्य राखेका थिए ।

साधारणसभामा संस्थाले पर्सागढी नगरपालिका अन्तर्गत नवनिर्वाचित जनप्रतिनिधि तथा उत्कृष्ट सदस्यलाई सम्मान समेत गरेको छ !

सम्मानित हुनेमा नवनिर्वाचित जनप्रतिनिधिसहित उत्कृष्ट बचतकर्ता फुल कुमार सहनी, उत्कृष्ट शेयर सदस्य उषा देबि बस्नेत र असल ॠणि-बिना देबि थरुनी रहेका छन् ।

जगरनाथपुरमा निःशुल्क लोक सेवा तयारी कक्षा सञ्चालन

0

वीरगंज । पर्साको जगरनाथपुर गाउँपालिकामा निःशुल्क लोक सेवा आयोगको तयारी कक्षा सञ्चालन भएकाे छ । जगरनाथपुर गाउँपालिकाको सभाहलमा संचालन गरिएकाे कक्षाकाे शनिबार एक कार्यक्रमका बीच गाउँपालिका अध्यक्ष श्रीकान्त यादवले उदघाटन गरेका हुन् ।

उद्घाटन कार्यक्रम वाेल्दै गाउँपालिका अध्यक्ष यादवले गाउँपालिका अन्तर्गतका गरिब र मध्य परिवारका विद्यार्थीकाे लागि कक्षा बढी फलदायी हुने वताए । उनले गाउँपालिका मै निशुल्क रुपमै संचालन गरिएकाे कक्षाकाे फाइदा उठाएर सरकारी कर्मचारी बन्ने अवसरकाे फाइदा उठाउन आग्रह गरे ।

नायब सुब्बा, खरिदार, नेपाल प्रहरीको निशुल्क लोक सेवा तयारीकाे लागि कक्षा संचालन गरिएकाे प्रमुख प्रशासकिय अधिकृत कृष्णनन्दन रायले जानकारी दिए । उनका अनुसार गाउँपालिका मै ४५ दिन सक्सेश स्किल डेभलपमेन्ट फर्म वीरगंजले कक्षा संचालन गर्ने र त्यसपछि ति विद्यार्थीहरुले वीरगंजस्थित सक्सेस इन्सच्युटमा असार सम्म निशुल्क रुपै पढन पाउने छन् ।

उद्घाटन कार्यक्रममा बागमती प्रदेश यातायात मान्त्रालयका सचिव सुरेश राउत, लोकसेवा आयोग कक्षाका प्रशिक्षक राष्ट्र बैंकका अधिकृत नरेश सर्राफ लगायतले मन्तव्या राखेका थिए ।

गुणस्तरहीन घ्यु सहित श्री गणपती उद्योगका संचालक पक्राउ

0

वीरगंज । पर्सा प्रहरीले गुणस्तरहीन घ्यु सहित एक जनालाई पक्राउ गरेको छ । विशेष सुचनाको आधामा जिल्ला प्रहरी कार्यालय पर्सा र मातहत कार्यालय समेतबाट खटेको प्रहरी टोलीले सर्लाहीको विष्णु गा.पा.वडा नं.८ बत्रौलका ४४ वर्षिय राजेश कुमार रायलाई पक्राउ गरेको हो ।

रायले वीरगंज महानगरपालिकाकाे वडा नं. १६ स्थित आफ्नै घरमा संचालन गरेको श्री गणपती रिपैकिङ उद्योग, गणपती पूजा समाग्री रिपैकिङबाट मिसावट गरी तयार पारिएको घ्युहरु बरामद गरिएको जिल्ल्ल प्रहरी कार्यालय पर्साले जनाएको छ ।

प्रहरी टोलीले गुणस्तरहीन घ्यु सहित रायलाई नियन्त्रणमा लिइ नापतौल तथा गुणस्तर कार्यालय वीरगंज र जिल्ला प्रशासन कार्यालय पर्सासंग समन्वय गरी थप अनुसन्धान कार्य गरिरहेको जनाइएको छ ।

प्रहरीले रायको घरबाट २० किलो तौलमा प्याकिङ गरिएका डाल्डा घ्यू २ हजार २ सय ६० लिटर र बिभिन्न तौलमा प्याकिङ गरिएको मिसावट घ्यू ६ सय १३ लिटर बरामद गरेको जिल्ला प्रहरी कार्यालय पर्साका प्रवक्ता प्रहरि नायब उपरीक्षक दिपक गिरीले जानकारी दिए ।