Date
मङ्ल, मंसिर १, २०८३
Tue, November 17, 2026
Home Blog Page 580

हाेटल दियालाे नियम विपरित उपभाेक्ता ठग्दै

0

वीरगंज । नियम विपरित वीरगंजका एक ठुला हाेटलले पनि उपभाेक्ता ठगिरहेकाे फेला परेकाे छ । मूल्य अभिवृद्धि कर नियमावली–०५३ काे विपरित वीरगंजकाे आदर्शनगरस्थित रहेको हाेटल दियालाेले उपभाेक्ता ठगिरहेकाे फेला परेकाे हाे ।

नियमावली विपरित हाेटलका उपभाेक्ताहरुले ‘मेनु प्राइस’ बाहेककाे अन्य शुल्क पनि भुक्तानी गर्नु परेकाे छ । नियमावली अनुसार मेनु बाहेककाे कुनै पनि शुल्क भुक्तानी गर्नुपर्दैन तर हाेटल दियालाेमा ‘मेनु प्राइस’ बाहेकको रकम तिर्नु परेकाे छ ।

हाेटलले मेनुमा उल्लेख नगरेकाे सर्भिस जार्ज १० प्रतिशत र भ्याट १३ प्रतिशत बिलमा थपेर लिइरहेकाे छ । जुन नियम विपरित रहेकाे छ ।   

एक उपभाेक्ताले हाेटलमा मेनुअनुसार २० हजार ९ सय ७३ रुपैयाँको बिल दिनुपर्नेमा थप १० प्रतिशत सर्भिस चार्ज २ हजार ९७ र थप १३ प्रतिशत भ्याट २ हजार ९८४ जोडेर २५ हजार ९ सय ४५ रुपैयाँ असुल गरेको भेटिएको छ । हाेटलकाे मेनुकाे खानाकाे परिकारहरुकाे मुल्य मात्र उल्लेख गरिए पनि पछि बिल लिने बेलमा अन्य शुल्ककाे नाममा थप २३ प्रतिशत जाेडेर लिएकाे देखिन्छ । 

कालिका टाईम्सलाई प्राप्त साे बिलका अनुसार एक उपभाेक्ताले नियम विपरितकाे ५ हजार थप तिर्नु परेकाे छ । यसरी अनुमानित हिसाब गर्दा एक दिनमा यस्ताे दर्जनाैं उपभाेक्तासंग हाेटलले नियम विपरित लाखाैं रकम ठगि रहेकाे देखिन्छ ।  

यी बिल उदाहरण मात्रै हुन् । यस्ता हाेटलमा आउने सबै उपभाेक्ताहरुलाई ठगिनु परेकाे छ । एक उपभाेक्ताले भने एउटा त हाेटल महंगाे, त्यसमा पनि अतिरिक्त शुल्ककाे नाम थप रकम तिर्नु परेकाे छ । उनले थपे याे भएन, देशका ठुला हाेटलहरु पनि नियम कानुन मानदैनन् भने कसरी हुन्छ ? उनले प्रशन गर्दै दुखेसाे समेत पाेखे ।

‘मूल्य भनेको सर्भिससहित सबै लागत जोडेर मेनुमा उल्लेख गर्ने हो । ऐन, कानुन र अदालतका आदेशहरूमा यो विषय प्रस्ट उल्लेख हुँदा पनि उपभोक्ता ठगिइरहेका छन् । तर सम्बन्धित निकायकाे ध्यान पुग्न सकेकाे छैन ।

प्रतिनिधि सभाको सभामुखमा एमालेका देवराज घिमिरे निर्वाचित

0

काठमाडौं । प्रतिनिधि सभाको सभामुखमा देवराज घिमिरे निर्वाचित भएका छन् । बिहीबारको प्रतिनिधि सभा बैठकमा एमाले सांसद सुवास नेम्वाङले घिमिरेलाई निर्वाचित गरियोस् भन्ने प्रस्ताव राखेका थिए । सो प्रस्तावमाथि छलफल र निर्वाचन भएपछि घिमिरे निर्वाचित भएका हुन् ।

घिमिरेलाई निर्वाचित गरियोस् भन्ने प्रस्तावको पक्षमा १६७ मत परेको थियो । उनको विपक्षमा १०० मत परेको थियो । मत दिन्नँ भन्नेमा १ मत परेको थियो । मतदानमा उपस्थित सांसदको संख्या २६८ रहेको थियो ।

उम्मेदवारी दर्ताको पहिलो क्रममै रहेका घिमिरे निर्वाचित भएपछि अर्की उम्मेदवार ईश्वरी न्यौपानेलाई निर्वाचित गरियोस् भन्ने प्रस्तावमाथि मतदान गर्नुपरेन् ।

ज्येष्ठ सदस्यका रुपमा सभा सञ्चालन गरिरहेका पशुपति शमशेर जबराले घिमिरे सभामुखमा निर्वाचित भएको घोषणा गरेका हुन् ।

एमालेका स्थायी कमिटी सदस्य समेत रहेका घिमिरे मंसिर ४ को निर्वाचनमा झापा-२ बाट निर्वाचित भएका थिए । उम्मेदवारी दर्तापछि दिएको प्रतिक्रियामा उनले विगतका सभामुखबाट शिक्षा लिएर आफूले जिम्मेवारी निर्वाह गर्ने बताएका छन् ।

पर्साकाे पाेखरिया र वीरगंजमा मनाइयाे बलिदानी दिवस

0

वीरगंज । मधेस आन्दोलनका शहिदहरुकाे सम्झनामा मनाइने बलिदानी दिवस बिहीबार पर्साको पोखरियामा पनि मनाइएको छ ।पोखरीया बजार स्थित शहिद चन्दन पटेलको शालीकमा फुलमाला अर्पण गरि बलिदानी दिवस मनाइएको हो ।

जनता समाजवादी पार्टी (जसपा)) को पोखरिया नगर समितिले श्रद्धाञ्जली सभाको आयोजना गरि बलिदानी दिवस मनाएको जसपा पाेखरिया नगर समितिका अध्यक्ष राजु साहले जानकारी दिए । 

श्रद्धान्जलीसभामा बोल्दै वक्ताहरुले मधेस आन्दोलन र मधेसी शहिदको बलिदानीबाट नै संघीयता, समावेशीता जस्ता राजनीतिक उपलब्धिहरु प्राप्त भएकाले शहिदको त्याग र आहूतीलाई भुल्न नहुनेमा जोड दिए ।

कार्यक्रममा जसपाकी केन्द्रिय सदस्य नेतृ सल्मा खातनु, जसपाका केन्द्रीय सल्लाहकार खलील मिया, शहिद चन्दन पटेलका काका मनोज पटेल, जसपाका क्षेत्रीय अध्यक्ष पवन कुमार सिंह, नेतृ डा.मधु गुप्ता, मुख्तार मियाँ, हरिन्द्र साह, देवेन्द्र साह, जग मुखिया लगायतका नेता कार्यकर्ताको पनि सहभागीता थियो ।

बलिदानी दिवसमा बिहिबार मधेस प्रदेश सरकारले प्रदेशमा सार्वजनिक विदा समेत दिएकाे छ ।

यसैगरी वीरगंजमा पनि बलिदानी दिवस मनाइएको छ । बलिदानी दिवसकाे अवसरमा वीरगंजकाे घण्टाघर चाेक नजिकैकाे मधेसी सहिद पार्कमा बिहिबार जनता समाजवादी पार्टी (जसपा) पर्साका नेता तथा कार्यकर्ताले शहिदका शालिकमा फुलमाला चढाएर श्रद्धाञ्जली अर्पण गरेका हुन् ।

त्यस क्रममा उनिहरुले मधेस आन्दोलन र मधेसी शहिदहरुकै त्याग र बलिदानीका कारण मधेसीले पहिचान, संघीयता, समावेशीता लगायतका अधिकार पाउन सफल भएकाे बताए । अझै पनि मधेस आन्दोलनका केही मुद्दा सम्बाेधन हुन बाँकी नै रहेकाे भन्दै जसपाका नेताहरूले त्यसका लागि आफुहरुकाे संघर्ष जारी नै रहेकाे जिकिर गरे ।

जसपा पर्साका अध्यक्ष रामनरेश प्रसाद यादवकाे अध्यक्षता तथा प्रदेशसभा सदस्य प्रमाेद जयसवालकाे प्रमुख आतिथ्यतामा भएकाे कार्यक्रममा जसपाका केन्द्रिय सदस्य फिरोज मन्सुर, केन्द्रिय परिषद सदस्य शिवजी सोनी, जसपा मधेस प्रदेश उपाध्यक्ष बृजमोहन तिवारी, जिल्ला सचिव तबरेज अहमद, युवा नेता सरोज यादव, अमित यादव, सफ्रोज आलम, विद्यार्थी नेताहरु एजाजबाबु रान्की, हरेन्द्र साह, सागिर आलम, नैमोदिन आलम, फरिद आलम, आबिद समानी लगमयतकाे सहभागीता थियाे ।

प्याब्सन अन्तर विद्यालय नकआउट क्रिकेट प्रतियोगिता सुरु

0

वीरगंज । निजी तथा आवासीय विद्यालय अर्गनाइजेसन (प्याब्सन) पर्साको आयोजनामा बिहीबारबाट सातौँ संस्करणको प्याब्सन अन्तर विद्यालय नकआउट क्रिकेट प्रतियोगिता वीरगंजमा सुरु भएको छ ।

आदर्शनगर रंगशालामा सुरु भएको प्रतियोगिताको वीरगंज महानगरपालिकाका मेयर राजेशमान सिंहले उद्घाटन गरेका हुन् ।
प्रतियोगिताको उद्घाटन गर्दै मेयर सिंहले वीरगंजकाे पहिचान उच्च बनाउने गरी खेलाडीहरुको उत्पादन गर्नु पर्ने आवश्यकता रहेको बताउँदै त्यसका लागि विद्यालय स्तरबाटै हुने खेलले महत्वपूर्ण भूमिका खेल्ने विश्वास व्यक्त गरे ।

उनले खेलाडीहरुको प्रतिभालाई उजागर गराउन खेलकुद प्रतियोगिताहरुको आयोजनालाई बृद्धि गर्नु पर्ने बताउँदै त्यसका लागि महानगरले आवश्यक सहयोग उपलब्ध गराउने घोषणा समेत गरे ।

यस्तै मधेस विश्व विद्यालयका उपकुलपति डा. दिपक शाक्यले शैक्षिक पाठ्यक्रमका साथै अतिरिक्त कृयाकलापलाई पनि सँगै अघि बढाउँदा विद्यार्थीको सर्वाङ्गिण विकाशमा सहयोग पुग्ने बताए । उनले खेलकुद तथा अन्य अतिरिक्त कृयाकलाप सिकाईकै माध्यम रहेको बताउँदै यसलाई निरन्तरता दिन विद्यालयहरुलाई आग्रह गरे ।

कार्यक्रममा वीरगंज उद्योग वाणिज्य संघका अध्यक्ष सुबोध गुप्ताले खेलाडीले खेलबाटै जीविकोपार्जन गर्न सक्ने अवस्था बनाउनु पर्नेमा जोड दिए । कुनै विद्यालय सहभागि हुने कुनै नहुने भन्दा पनि खेलमा सबै विद्यालयलाई सहभागिता जनाउन सक्ने गरी आवश्यक सेवा सुविधा उपलब्ध गराउने वातावरण बनाउन सरोकारवालाहरुलाई उनले आग्रह समेत गरे । त्यसका लागि आवश्यक सहयोग गर्न उद्योग वाणिज्य संघ सँधै तयार रहेको पनि अध्यक्ष गुप्ताले बताए ।

प्याब्सन पर्साका अध्यक्ष पुरण प्रधानको सभापतित्वमा भएकाे उद्घाटन कार्यक्रममा वीरगंज महानगरपालिकाका उप प्रमुख इम्तियाज आलम, प्रमुख प्रशासकीय अधिकृत लक्ष्मीप्रसाद पौडेल, ठाकुर राम बहुमुखी क्याम्पस वीरगंजका प्रमुख उमेश चौरसिया, नेपाल पत्रकार महासंघ पर्साका उपाध्यक्ष युवराज खड्का, हरिदेब खरेल लगायतको सहभागिता रहेको थियो ।

उद्घाटन कार्यक्रममा प्रतियोगितामा सहभागि विद्यालयहरुले मार्च पास गरेका थिए । मार्चपासमा मस्कट एकेडेमी प्रथम हुन सफल भएको छ । सेन्ट जेभियर्स दोस्रो र एमइएस एकेडेमी तृतीय स्थान हात पारेको छ ।

१४ गतेसम्म संचालन हुने प्रतियोगितामा वीरगंजका २५ वटा विद्यालयले सहभागिता जनाएको आयोजकले जानकारी दिएको छ । प्रतियोगितामा विजयी हुने टिमले शिल्ड तथा प्रमाणपत्र प्राप्त गर्ने छन् ।

प्रतियोगिताको वीरगंज महानगरपालिकाका प्रमुख राजेशमान सिंहले बलिङ र उपप्रमुख इम्तियाज आलमले ब्याटिङग गरेर खेल सुरु गरेका हुन् । प्रतियोगिताको उद्घाटन खेल मनकामना मा.वि. र चिल्ड्रेन वल्र्डबीच भएको छ ।

प्रतिबन्धित भारतीय नोटसहित वीरगंजका जटाशंकर पक्राउ

0

वीरगंज । प्रहरीले वीरगंजबाट प्रतिवन्धति भारतिय नाेटसहित एक जनालाई पक्राउ गरेकाे छ । प्रहरी चौकी ईनर्वा पर्साबाट खटिएको चेकिङ टोलीले वीरगंज महानगरपालिकाकाे वडा नं.१ छपकैया निवासी २१ बर्षिय जटाशंकर साह सोनारलाई पक्राउ गरेकाे हाे ।

माघ ३ गते मंगलबार दिउँसो ३ बजेको समयमा खटिएको चेकिङ टोलीले वीरगंज महानगरपालिका वडा नं.१६ शंकराचार्य गेटस्थित सडकखण्डमा भारतको रक्सौलबाट वीरगंज तर्फ आउदै गरेका सवारी साधन तथा पैदल यात्रीहरूलाई नियमितरूपमा चेकजाँच गर्ने क्रममा साेनारलाई नियन्त्रणमा लिइएकाे प्रहरीले जनाएकाे छ ।

संकास्पदरूपमा आउदै गरेको साेनारकाे खानतलासी गर्दा निजले लगाएको पाइन्टको खल्तीबाट श्रोत नखुलेको भारतीय प्रतिबन्धित रू. ५ सय दरको नोट २ सय थान रू एक लाख फेला परेको जिल्ला प्रहरी कार्यालय पर्साले जनाएकाे छ ।

बरामद प्रतिबन्धित भारतिय नाेटसहित निजलाई पक्राउ गरी आवश्यक कारवाहीको लागि बुधबार राजश्व अनुसन्धान कार्यालय पथलैया, बारामा बुझाइएको जिल्ला प्रहरी कार्यालय पर्साका प्रवक्ता दिपक गिरीले जानकारी दिए ।

राष्ट्रिय वाणिज्य बैंकको वार्षिकोत्सवमा रक्तदान

0

वीरगंज । राष्ट्रिय वाणिज्य बैंक लिमिटेडको ५८ औं वार्षिकोत्सवको अवसरमा बुधबार वीरगंजमा रक्तदान कार्यक्रम सम्पन्न भएकाे छ । वीरगंजकाे आदर्शनगरस्थित बैंकको मधेश प्रदेशकाे प्रादेशिक कार्यालय परिसरमा भएकाे कार्यक्रममा ८ महिलासहित ४१ जनाले रक्तदान गरेकाे बैंकका कर्मचारी आलाेक कर्णले जानकारी दिए ।

कार्यक्रममा बैंकका कर्मचारी राहुल कुमार ओझा, आदित्य साह, प्रेम राउत कुर्मी, सुरेन्द्र कुमार उप्रेती, रमेश साह कानु, दिलिप कुमार गुप्ता, आरती राैनियार, मुकेश राउत, अजय साह कानु, शिला मनान्धर, ओमप्रकाश साह कानु, श्याम क्षेत्री निर्माला बिष्ट, साेनी सर्राफ, मेघा सिंह, काजल ठाकुर, लक्ष्मण दास लगायतकाले रक्तदान गरेकाे राष्ट्रिय बाणिज्य बैंकले जनाएकाे छ ।

बैंक प्रदेश उप प्रमुख सन्ध्या सिंह र ब्लड बैंकका अरविन्द सिंहले रक्तदातालाई ब्लड ब्याग हस्तान्तरण गरी रक्तदान कार्यक्रमकाे शुभारम्भ गरेका थिए । प्रदेश कार्यलयका विवेक श्रीवास्तवको संयोजकत्वमा भएको कार्यक्रममा बैंकका कर्मचारीहरु, ट्रेड युनियनका प्रादेशिक अध्यक्षहरु, शाखा प्रबन्धकहरु लगायत कर्मचारीहरुको उपस्थिति रहेको थियो ।

बैंकको ५८ औं वार्षिकोत्सवको अवसरमा विभिन्न खेलकुद प्रतियोगिता, स्वास्थ्य परीक्षण, प्रभातफेरी कार्यक्रम पनि आयोजना भइरहेकाे बैंकका प्रादेशिक प्रबन्धक कमलेश ठाकुरले जानकारी गराए ।

आगामी माघ १० गते बैंक ५७ वर्ष पूरा गरी ५८ औं वर्षमा प्रवेश गर्दै छ । बैंकको हाल ७ प्रदेश, ७७ जिल्लाका सबै सदरमुकाममा सहित २६५ वटा शाखा कार्यालय, ४६ वटा एक्सटेन्सन काउन्टर, २६८ वटा एटिएम र १०२ वटा शाखा रहित बैंकिङ्ग रहेका छन् ।

रक्त संचार केन्द्र वीरगंजकाे प्राविधिक सहयाेगमा रक्तदान कार्यक्रम भएकाे थियाे ।

सचिव चाैहानलाई पितृ शाेक

0

वीरगंज । नेपाल शिक्षक महासंघका केन्द्रिय सदस्य एवम् गैर सरकारी संस्था महासंघ नेपाल पर्साका सचिव चन्देश चौहानलाई पितृ शाेक परेकाे छ । चाैहानका ७७ बर्षिय बुवा नर्सिङ चौहानको बुधबार दिउसाे उपचारको क्रममा निधन भएकाे हाे ।

पर्साकाे पकहा मैनपुर गाउँपालिकाकाे वडा नं. ३ पकहा मैनपुर निवासी उनकाे काठमाडौंस्थित वीर अस्पतालमा निधन भएको परिवारिक स्राेतले जनाएकाे छ । बुवाकाे निज निवास पकहा मैनपुरमा ल्याइसकिएकाे र आजै (बिहिबार) विहान १० बजेदेखि गाउँ कै आर्यघाट अन्त्येष्टि गरिने छाेरा चाैहानले जानकारी दिए ।

जसपा संसदीय दलको बैठक बुधबार पुनः बस्ने

0

वीरगंज । जनता समाजवादी पार्टी (जसपा) नेपालको संसदीय दलको बैठक मंगलबार बसेकाे थियाे । पार्टी कार्यालयमा बसेकाे  बैठकमा पार्टीलाई मन्त्रीमण्डलमा सन्तुलित र न्यायोचित सहभागिता गराउन नचाहेको विषयमा छलफल भएकाे थियाे ।

संसदीय दलको बैठक बुधबार दिनको १ बजे सिंहदरबारमा पुन: बस्ने र समसामयिक विषयमा आफ्नो धारणा बनाउने जसपा प्रचार विभाग प्रमुख पूर्ण बस्नेतले जानकारी दिए ।

मधेश प्रदेशको सभामुखमा एमालेका रामचन्द्र र उपसभामुखमा जनमतकी बबिता निर्वाचित

0

वीरगंज । मधेश प्रदेशको सभामुखमा नेकपा एमालेका रामचन्द्र मण्डल निर्वाचित भएका छन् ।

मंगलबार प्रदेशसभामा भएको सभामुखको निर्वाचनमा मण्डल निर्वाचित भएका हुन् । मत विभाजन एवं हस्ताक्षर मार्फत भएको निर्वाचनमा मण्डलको पक्षमा ७४ मत र विपक्षमा २९ मत परेको छ । मङ्गलबार सदनमा एकसय ३ सांसद उपस्थित थिए ।

मण्डल निर्वाचित भएको सभाका अध्यक्षता गरेका जेष्ठ सदस्य गोबिन्दबहादुर न्यौपानेले घोषणा गरेका हुन् ।

मण्डललाई सत्ता गठबन्धन घटक दल नेकपा एमाले, जनता समाजवादी पार्टी (जसपा), जनमत पार्टी, लोकतान्त्रिक समाजवादी पार्टी, नेकपा माओवादी केन्द्र, राष्ट्रिय प्रजातन्त्र पार्टी, नेपाल संघीय समाजावादी र दुई स्वतन्त्र सांसदले पक्षमा मतदान गरेका हुन् ।

मण्डल धनुषा क्षेत्र नं. १ (ख)बाट दोश्रोपटक निर्वाचित सांसद हुन् । विपक्षमा कांग्रेस र नेकपा एकीकृत समाजवादी पार्टीका सांसदले मतदान गरेका थिए ।

नेपाली कांग्रेसबाट सभामुखमा जंगीलाल राय उम्मेदवार थिए । प्रदेश सभामा एमालेका २३, कांग्रेस २२, जसपा १६, जनमत १३, लोकतान्त्रिक समाजवादी पार्टी (लोसपा) र माओवादी केन्द्रका ९/९, एकीकृत समाजवादीका सात सांसद छन् भने नेपाल संघीय समाजवादी पार्टी, राष्ट्रिय प्रजातन्त्र पार्टी र नागरिक उन्मुक्ति पार्टीका एक/एक जना सांसद छन् । यस्तै पाँचजना स्वतन्त्र सांसद छन् ।

यसैगरी मधेस प्रदेशको उपसभामुखमा सत्तारूढ गठबन्धनकी बबिता कुमारी राउत ईशर निर्वाचित भएकी छन् ।

समानुपातिक प्रणालीबाट प्रदेशसभा सदस्य भएकी ईशर मंगलबार भएको मत विभाजनबाट उपसभामुखमा चयन भएकी हुन् । मधेस प्रदेशसभा कार्यसञ्चालन नियमावली, २०७५ को नियम ९ र ७ को उपनियम ४ बमोजिम उपसभामुख चयन गरिएको हो । 

नेकपा एमाले संसदीय दलका नेता सरोजकुमार यादवले जनमत पार्टीकी समानुपातिका सांसद राउतलाई उपसभामुखमा निर्वाचित गरियोस् भनेर प्रदेशसभामा पेश गरेको प्रस्तावको पक्षमा ७२ मत परेसँगै उनी उपसभामुखमा चयन भएकी हुन् । प्रस्तावको विपक्षमा २९ मत खसेको थियो।

उपसभामुखको निर्वाचनमा १०१ जना सांसद उपस्थित भएका थिए । राउतलाई नेकपा एमालेका २३, जसपाका १६, जनमतका १३, लोसपाका ९, माओवादी केन्द्रका ७, नागरिक उन्मुक्ति पार्टीका १, नेपाल संघीय समाजवादी पार्टीका १, राप्रपाका १ र ५ जना स्वतन्त्र प्रदेशसभा सदस्यले मतदान गरेका हुन् ।

यसअघि कांग्रेसको समर्थन प्राप्त गर्दै उपसभामुखमा उम्मेदवारी दिएकी नेकपा (एकीकृत समाजवादी)पार्टीकी प्रदेशसभा सदस्य बेची लुंगेलीलाई प्रदेशसभा सदस्य रतनेश्वर गोइत यादवले निर्वाचित गरियोस् भन्ने पेश गरेको प्रस्ताव बहुमतले अस्वीकृत भएको थियो ।

जिराभवानीमा दुई दाजुभाईलाई निर्घात कुटपिट, ३ जना पक्राउ

0

वीरगंज । पर्साकाे जिराभवानी गाउँपालिकामा एक जनालाई निर्घात कुटपिट भएकाे छ । बाटाे अवरुद्ध गरेको बिषयलाई लिएर जिराभवानी गाउँपालिकाकाे वडा नं.१ महादेवपट्टी निवासी दुई दाजुभाईलाई कुटपिट गरेकाे आराेपमा प्रहरीले ३ जनालाई नियन्त्रणमा समेत लिएकाे छ ।

प्रहरीले जिराभवानी गाउँपालिका नं.१ महादेवपट्टी निवासी ४५ बर्षिय हिरालाल मुखिया विन, साेही ठाउँ निवासी २१ बर्षिय विनोद मुखिया विन र १९ बर्षिय ललन मुखिया विनलाई पक्राउ गरेकाे हाे । 

साेमबार राती ११:४५ बजेको समयमा जिराभवानी गाउँपालिका वडा नं. १ महादेवपट्टी बस्ने वर्ष ३२ को कैलाश दास तत्वालाई निजकै छिमेकीहरूले बाटो अवरुद्ध गरेको बिषयलाई लिएर ११ जना एकजुट भई कैलाश दास तत्वा तथा निजको भाई प्रभु प्रमेश्वर दास तत्वालाई निर्घात कुटपिट गरेकाे प्रहरीले जनाएकाे छ ।

तत्वा दाजुभाईलाई घरेलु हतियार तथा लाठ्ठी भाठ्ठाले निर्घात कुटपिट गरी ज्यान मार्ने उदेश्यले गम्भीर घाईते बनाइ फाली फरार भएको हुँदा ज्यान मार्ने उद्योग कसूरमा कारवाही र सजाय गरी पाँउ भनी कैलाश दास तत्वाको किटानी जाहेरी दरखास्त आधारमा प्रकाउ गरिएकाे जिल्ला प्रहरीले जनाएकाे छ ।

वारदातमा संलग्न भएका अभियुक्तहरूको खोज तलासको क्रममा मंगलबार विहान पक्राउ परेका तीनै जना अभियुक्तहरू ज्यान मार्ने उद्योग कसूरमा मंगलबार नै पर्सा जिल्ला अदालतबाट ५ दिनकाे म्याद थप अनुमति लिई अनुसन्धान कार्य भइरहेकाे जिल्ला प्रहरी कार्यालय पर्साका प्रवक्ता प्रहरी नायब उपरिक्षक दिपक गिरीले जानकारी दिए ।