वीरगंज । नेपाल शिक्षक महासंघका केन्द्रिय सदस्य एवम् गैर सरकारी संस्था महासंघ नेपाल पर्साका सचिव चन्देश चौहानलाई पितृ शाेक परेकाे छ । चाैहानका ७७ बर्षिय बुवा नर्सिङ चौहानको बुधबार दिउसाे उपचारको क्रममा निधन भएकाे हाे ।
पर्साकाे पकहा मैनपुर गाउँपालिकाकाे वडा नं. ३ पकहा मैनपुर निवासी उनकाे काठमाडौंस्थित वीर अस्पतालमा निधन भएको परिवारिक स्राेतले जनाएकाे छ । बुवाकाे निज निवास पकहा मैनपुरमा ल्याइसकिएकाे र आजै (बिहिबार) विहान १० बजेदेखि गाउँ कै आर्यघाट अन्त्येष्टि गरिने छाेरा चाैहानले जानकारी दिए ।
