Date
मङ्ल, मंसिर १, २०८३
Tue, November 17, 2026
Home Blog Page 581

प्रतिबन्धित लागु औषध सहित वीरगंजबाट ३ जना पक्राउ

0

 वीरगंज । पर्सा प्रहरीले प्रतिबन्धित लागु औषध सहित ३ जनालाई पक्राउ गरेकाे छ । प्रहरीले लागु औषध फेन्सडिल सहित दुई जनालाई र नाईट्राभेट ट्याब्लेट सहित एक जनालाई पक्राउ गरेकाे हाे ।

वडा प्रहरी कार्यालय श्रीपुरबाट खटिएकाे नियमित चेकिङ टोलीले साेमबार राती ०८:१० बजेको समयमा वीरगंज महानगरपालिकाकाे वडा नं. १७ कोनियाबाट दुई जनालाई पक्राउ गरेकाे जिल्ला प्रहरी कार्यालय पर्साले जनाएकाे छ ।

बिआर २२एजे २३३० नम्बरको भारतिय मोटरसाइकलमा सवार पर्सागढी नगरपालिकाकाे वडा नं. ६ निवासी ४० बर्षिय बिजय कुमार गुप्ता र बहुदरमाई नगरपालिकाकाे वडा नं.४ डकैला निवासी ३२ बर्षिय सतिष कुमार सिंहलाई पक्राउ गरिएकाे जिल्ला प्रहरी कार्यालय पर्साका प्रवक्ता प्रहरी नायब उपरिक्षक दिपक गिरीले जानकारी दिए ।

दुबै जनाकाे साथबाट फेन्सडिल १०० एमएलको १२ बोतल बरामद भएकाे प्रवक्ता गिरीले वताए । पक्राउ परेका मध्येका विजय पर्सागढी नगरपालिकाका वडा नं. ६ का वडाध्यक्ष नवलकिशाेर गुप्ताका दाई हुन् ।  

यसैगरी प्रतिबन्धित लागु औषध सहित वीरगंज महानगरपालिकाकाे वडा नं. -१६ स्थित शंकराचार्यबाट पनि एक जनालाई प्रहरीले पक्राउ गरेकाे छ ।

वडा प्रहरी कार्यालय विर्ताबाट खटिएकाे प्रहरी टाेलीले बारा जितपुर सिमरा उपहमानगरपालिकाकाे वडा नं. -१८ निवासी २५ बर्षिय जनक प्रसाद घिमिरेलाई पक्राउ गरेकाे हाे । पक्राउ परेका घिमिरेकाे साथबाट नाईट्राभेट ट्याब्लेट ६६ पिस बरामद भएकाे प्रहरीले जनाएकाे छ ।

तीनै जनालई लागु औषध सम्बन्धि कसूरमा जिल्ला अदालत पर्साबाट ७ दिन म्याद लिई थप अनुसन्धान कार्य भइरहेकाे जिल्ला प्रहरी कार्यालय पर्साले जनाएकाे छ ।

पर्सागढीबाट जुवा खेलिरहेका एक वडाध्यक्षसहित १० जना पक्राउ

0

वीरगंज । पर्साको पर्सागढी नगरपालिकाबाट प्रहरीले जुवातास खेलिरहेका १० जनालाई पक्राउ गरेको छ । विशेष सूचनाकाे आधारमा इलाका प्रहरी कार्यालय पटेर्वा सुगाैलीबाट खटिएकाे प्रहरी टाेलीले जुवा खेली रहेकाहरुलाई नियन्त्रमा लिएकाे हाे ।

पर्सागढी नगरपालिकाकाे वडा नं. ३ बढनियार स्थित भागवत साहको घरमा साेमबार दिउसाे प्रहरीले छापामारी गरी जुवातास खेल्दै गरेको अवस्थामा रु एक लाख २८ हजार १ सय ४० नगद र चार बुक तास सहित १० जनालाई पक्राउ गरिएकाे जिल्ला प्रहरी कार्यालय पर्साका प्रवक्ता प्रहरी नायब उपरिक्षक दिपक गिरीले जानकारी दिए ।

पक्राउ पर्ने पर्सागढी नगरपालिका वडा नं. २ वगवानाका पूर्व वडाध्यक्ष वेदमन दास थारु, पर्सागढी कै वडा नं. ३ बढनिहार माथि टाेल निवासी मावि पकडिया बढनियारका शिक्षक मुक्ति पाठक, पर्सागढी कै वडा नं. ८ हरपुर निवासी श्री नेरा आधारभुत विद्यालय हरपुरका प्रधानाध्यापक विन्दा दास थारु, पर्सागढी कै वडा नं. ९ हरपुर बडेर्वा निवासी बडेर्वा माविका शिक्षक गौरीशंकर गाैराे, सखुवा प्रसाैनी गाउँपालिका वडा नं. १ दाेहरी निवासी पटेर्वा सुगाैली गाउँपालिकामा कार्यरत स्वास्थ्यकर्मी दिपनारायण चाैधरी, वीरगंज महानगरपालिकाकाे वडा नं. ३० बसडिलवाका वडाध्यक्ष धर्मेन्द्र महताे, निर्माण व्यवसायी ठेक्दार लक्ष्मण साह लगायतका रहेका छन् ।

लामाे समयदेखी पर्सागढीमा गाेप्य रुपमा जुवातास भइरहेकाे स्थानियहरुले वताएका छन् । 

चार दिन पहिला पक्राउ परेकाे भारतिय ट्याक्टर छुटाउन बाग्रेनिङ

0

वीरगंज । वडा प्रहरी कार्यालय श्रीपुरले चार दिन पहिला पक्राउ गरेकाे अवैध सामग्री सहितकाे ट्याक्टर छुटाउन बार्ग्रेनिङ भइरहेकाे समाचार प्राप्त भएकाे छ । 

शुक्रबार पक्राउ गरिएकाे भन्सार छलिकाे कपडाकाे पाेका लगायतका सामग्री लाेड रहेकाे ट्याक्टर छुटाउन बाग्रेनिङ भइरहेकाे बुझिएकाे हाे । सामग्री पक्राउ परे कै दिन अथवा त्यसकाे भाेली पल्ट साे बारे प्रेस विज्ञप्ती मार्फत इमेलकाे माध्यमले सार्वजनिक गर्दै आएकाे जिल्ला प्रहरी कार्यालय पर्साले पनि हाल सम्म सार्वजनिक नगर्दा थप शंकाकाे विषय बनेकाे छ । 

प्रहरीले शुक्रबार विहान वीरगंजकाे ड्राइपाेर्टबाट भन्सार छलीकाे कपडा लगायतकाे सामग्री लाेड रहेकाे बि.आर.०५.जि सि0२१५ नम्बरकाे भारतिय ट्याक्टर पक्राउ गरेकाे थियाे । साे ट्याक्टर वडा प्रहरी कार्यालय श्रीपुर मै ल्याएर राखिएकाे थियाे । 

पक्राउ परेकाे भारतिय नम्बरकाे ट्याक्टर बारे शनिबार वडा प्रहरी कार्यालय श्रीपुरका प्रहरी निरिक्षक दिलीराज सापकाेटासंग फाेनमा सम्पर्क गर्दा फाेन उठन सकेन । त्यसपछि जिल्ला प्रहरी कार्यालय पर्साका प्रवक्ता प्रहरी नायब उपरिक्षक दिपक गिरीलाई फाेन मार्फत सम्पर्क गर्दा बुझाएपछि एकैपटक सार्वजिक गर्ने गरेकाे भन्दै साे बारे वताएनन् । 

त्यसकाे दुई दिन पछि साेमबार पुन: साे बारे बुझ्न वडा प्रहरी कार्यालय विर्ताका प्रहरी निरिक्षक सापकाेटालाई फाेनमा सम्पर्क गर्दा फाेन नउठेका कारण सम्पर्क हुन सकेन । त्यसपछि पुन: जिल्ला प्रहरी कार्यालयका प्रवक्ता गिरीलाई फाेनमा सम्पर्क गर्दा फाेन नलागेका कारण सम्पर्क हुन सकेन ।

अवैध सामानहरु पक्राउ परेकाे बारे पर्सा प्रहरीले चार दिन सम्म सार्वजिक नहुनु र साे बारे पत्रकारले बुझ्न चाहदा पनि वताउन नचाहने प्रहरीकाे कार्यशैली प्रति शंका उत्पन्न हुन थालेकाे छ । यस विषयमा सम्बन्धित निकायकाे ध्यान जान जरुरी देखिन्छ । 

आदर्शनगरस्थित पाथिभरा ट्रान्सपोर्टमा प्रहरीकाे छापा, ट्रान्सपाेर्ट सिल

0

वीरगंज । वडा प्रहरी कार्यालय विर्ताले वीरगंजकाे आदर्शनगरस्थित एक ट्रान्सपाेर्टकाे गाेदाममा छापामारी गरेकाे छ ।

वडा प्रहरी कार्यालय विर्ताका प्रहरी निरिक्षक विशाल मल्ल नेतृत्वकाे विशेष प्रहरी टाेलीले वीरगंज महानगरपालिकाकाे वडा नं. १० आदर्शनगरस्थित राजेश मल्लिकले संचालन गरेको श्री पाथिभरा ट्रान्सपोर्टमा छापामारी गरि अवैध रुपमा भन्सार छली ल्याइएकाे कपडाको पोका सहितका अन्य सामग्रीहरु बरामद गरेकाे छ ।

माघ १ गते आइतबार राती १:०० बजे आदर्शनगरस्थित उक्त ट्रान्सपोर्टबाट अवैध रुपमा भन्सार छली गरि ल्याइएका सामानहरु लोड गरि लैजादै गरेका छन् भन्ने सुचनाको आधारमा खटिएको विशेष प्रहरी टोलीले उक्त ट्रान्सपोर्टको गोदाममा चेकजांच गरि हेर्दा विलविजकबिनाका कपडाको पोका तथा अन्य शंकास्पद सामग्रीहरु बरामद भएकाे वडा प्रहरी कार्यालय विर्ताले जनाएकाे छ ।

रु ३ लाख भन्दा बढीकाे विल नभएकाे सामग्रीहरु र शंकास्पद बिलबिजक भएका हार्डवेयर, लत्ताकपडा तथा चकलेटका सामानहरु फेला परेको वडा प्रहरी कार्यालय विर्ताका प्रहरी निरिक्षक बिशाल मल्लले जानकारी दिए । हाल उक्त ट्रान्सपाेर्ट सिल गरि थप अनुसन्धान भइरहेकाे प्रहरी निरिक्षक मल्लले वताए । 

पर्सामा माघी (खिचडी) पर्व धुमधामकाे साथ मनाइयाे

0
वीरगंज । पर्सामा माघी( खिचडी) पर्व आइतबार धुमधामकाे साथ मनाइएकाे छ । पर्सा सदरमुकाम वीरगंजसहित विभिन्न स्थानमा विभिन्न कार्यक्रमकाे आयाेजना गरी माघी पर्व धुमधामकाे साथ मनाइएकाे हाे ।
 
वीरगंजकाे आदर्शनगरमा रहेको पुरानो बसपार्कमा थारु सम्बत २६४७ काे अवसरमा माघी महाेत्सव आयाेजना गरिएकाे थियाे । माघी (खिचडी) मुल समाराेह समितिकाे आयाेजनामा भएकाे महोत्सवमा विभिन्न सांस्कृतिक नृत्य र कला सस्कृति झल्कने घाटो नाच , सामाचकेवा, झम्टा, थारु पुर्बी नाच थारु कलाकारद्वारा कला प्रदर्शन गरिएकाे थियाे ।
 
हरेक वर्ष माघ १ गते वीरगंजकाे आदर्शनगरस्थित स्विमिङ्ग पुलमा थारु समुदायले एकल माघी (खिचडी) महोत्सव आयोजना गर्दै आएकोमा यसपालि भने आइतबार थारु समुदाय संगै मारवाडी, नेवारी, भोजपुरी र मैथीली समुदायले वीरगंजकाे पुरानाे बसपार्कस्थित एकै ठाउँमा खिचडी महोत्सव मनाएकाे हाे ।  महोत्सवमा थारु, मारवाडी, नेवार, भोजपु्री, मैथीली समुदायका खानाका परिकारहरुको स्टल पनि राखियो थियो ।
 
थारु समुदायको स्टलमा घोङगी, केकरा, माछा, परेवा, हास र कुखुराको मासुका परिकार राखिएको थियो भने भोजपुरी समुदायको स्टलमा तिल र भुजाको लड्डु, मैथीलीको स्टलमा खिंचडी र नेवार समुदायको स्टलमा यमरी लगायतका परिकार राखिएका थिए ।
 
त्यसैगरि सास्कृतिक झल्कने विभिन्न समुदायको पोशाक, घरमा प्रयोग हुने सामान, जिविकोपार्जनका साधनहरु प्रर्दशनीमा राखिएको थियो । त्यसैगरि महोत्सव स्थल मै रक्तदान कार्यक्रमको पनि आयोजना गरिएको थियो ।
 
समाजसेवी लक्ष्मी चौधरीको प्रमुख आतिथ्यता र राम सुन्दर चौधरीको सन्योजकत्वमा भएको कार्यक्रममा मधेस विश्वविद्यालयका उपकुलपति प्राध्यापक डा. दिपक शाक्य, नेपाल पत्रकार महासंघका केन्द्रिय सचिव दिपेन्द्र चौहान, सदस्य केसि लामिछाने, प्रदेश महासचिव श्याम बन्जरा, समाजसेबि सुरेश रुङ्गटा, महिला नेतृ रम्भा मिश्रा, वीरगंज उद्योग वाणिज्य संघका अध्यक्ष डा. सुबोध गुप्ता, उपाध्यक्ष हरि गौतम लगायतकाे उपस्थिति रहेको थियो । कार्यक्रमकाे संचालन दिपेन्द्र चौधरी र बिजया ओझैयाले गरेका थिए ।
 

यसैगरी पर्साको जिराभवानी र पटेर्वासुगौली गाउँपालिकामा पनि आइतबार माघी (खिचडी) महोत्सव एवम् साँस्कृतिक कार्यक्रम सम्पन्न भएको छ ।

जिराभवानी गाँउपालिकाको सहयोग र थारू संस्कृति तथा उत्थान मञ्च शंकरसरैयाको आयाेजनामा जिराभवानीमा गाउँपालिकाकाे वडा नं. ५ मा भएकाे माघी महोत्सव तथा सांस्कृतिक कार्यक्रम सम्पन्न भएकाे हाे । कार्यक्रममा थारुको परम्परागत पहिरन, पौराणिक कालदेखि प्रयोग गर्दै आए बिभिन्न सामग्रीहरुको प्रदर्शन गरिएका थिए ।

यसका साथसाथै कार्यक्रममा थारु संस्कृति अन्तर्गत लोप हुँदै गएका झमटा, घाटो लगायतका गित प्रदर्शश गरिएकाे थियाे । कार्यक्रममा थारु समुदायका परिकार माछा, घोगी, हासको मासु, परेवाको मासु, केखडा (गगटा) लगायतका खानाका परिकारहरुले स्टल लगाईएका थिए ।

जिराभवानी गाउँपालिका वडा नं ५ को वडाध्यक्ष दारा सिंह राउत थारुको अध्यक्षता र प्रदेश सभा सदस्य शंकर चौधरीको प्रमुख आतिथ्यमा भएकाे कार्यक्रममा जिराभवानी गाउँपालिका अध्यक्ष अनोज चौधरी, उपाध्यक्ष रेखा चौधरी, वडाध्यक्ष रामशरण खवास, महादेव महतो, सुरज राय थारु, राजेश्वर दास थारु लगायतको सहभागिता रहेका थिए । कार्यक्रम राष्ट्रिय थारु गायक खेम चौधरी, अन्जु कुस्मी, अस्मिता चौधरी प्रस्तुति दिएका थिए ।

यसैगरी पटेर्वा सुगौली गाँपालिका़मा पनि दोस्रो माघी खिचडी महोत्सव तथा सांस्कृतिक कार्यक्रम सम्पन्न भएकाे छ । गाउँपालिकाको सहयोग तथा माघी मूल समारोह समितिकाे आयोजनामा कार्यक्रम सम्पन्न भएका हाे ।

गाँउपालिका अध्यक्ष दिनेश चौधरीको अध्यक्षता र नेपाली कांग्रेसका नेता एवम् पूर्व मन्त्री सुरेन्द्र प्रसाद चौधरीको प्रमुख आतिथ्यमा भएकाे कार्यक्रममा गाउँपालिकाकी उपाध्यक्ष ममता महतो, वडाध्यक्ष बिजय गैरे, बिपिन मुखिया, फरमान मियाँ, माधव राउत थारु, बासु पंजियार, परमेश्वर महतो, मचकेश गौरो लगायतले शुभकामना मन्तव्य व्यक्त गरेका थिए ।

कार्यक्रममा कलाकार बीर चौधरी, समु चौधरी, बिरु चौधरी, मुस्कान चौधरी र नेपाली निरहुवाले गित तथा नृत्य प्रस्तुत गरेका थिए ।

स्व. गोपाल गिरि स्मृति पत्रकारिता पुरस्कार महेश दासलाई प्रदान

0
वीरगंज । स्वर्गीय गोपाल गिरी स्मृति क्रियाशिल पत्रकारीता पुरस्कार पत्रकार महेश दासलाई प्रदान गरिएको छ । वीरगंजका पूर्व मेयर एंव नेपाल पत्रकार महासंघ पर्साका पुर्व अध्यक्ष समेत रहेका स्वर्गीय गोपाल गिरिको स्मृतिमा नेपाल पत्रकार महासंघ पर्सा शाखाले स्थापना गरेको पुरस्कार यस बर्ष दासलाई प्रदान गरिएको हाे ।
 
नेपाल पत्रकार महासंघ पर्साको सभाकक्षमा आइतबार आयोजित पुरस्कार बितरण कार्यक्रममा वीरगंज महानगरपालिकाका मेयर राजेशमान सिंहले दासलाई नगद र सम्मानपत्र सहित पुरस्कृत गरेका थिए । गत पुस १९ मा बसेको पत्रकार महासंघ पर्साको बैठकले लामो समयदेखि वीरगंजलाई कार्यक्षेत्र बनाएर पत्रकारीता गर्दै आएका दासलाई पुरस्कृत गर्ने निर्णय गरेको थियो । पुरस्कृत दास वीरगंज महानगरका मेयर सिंहका प्रेस सल्लाहकार पनि हुन् ।
 
पत्रकार महासंघ पर्सा शाखाका अध्यक्ष अनुप तिवारीको अध्यक्षतामा भएकाे पुरस्कार वितरण कार्यक्रममा नेपाल पत्रकार महासंघका केन्द्रिय सचिव दिपेन्द्र चौहान, स्वर्गीय गोपाल गिरीका छोरा गिरिश गिरि, क्षितिज गिरि, पर्साका प्रमुख जिल्ला अधिकारी उमेश कुमार ढकाल,  प्रहरी नायब उपरीक्षक दिपक गिरि लगायतकाे उपस्थिती रहेको थियो ।

विमान दुर्घटनामा ६८ जनाको मृत्यु भएको पुष्टि, ११ जनाको सनाखत

0

काठमाडौं । पोखरामा भएको यती एयरलाइन्सको विमान दुर्घटनामा ६८ जनाको मृत्यु भएको पुष्टि भएको छ ।

आइतबार विहान भएको दुर्घटनामा हालसम्म ६८ जनाको मृत्यु पुष्टि भएको नेपाल नागरिक उड्डयन प्राधिकरणले जानकारी दिएको छ । विमानमा ४ जना चालक दलका सदस्यसहित ७२ जना रहेका थिए । जसमा २५ जना महिला, ३७ जना पुरुष, बालक ३ जना र शिशु ३ जना रहेका प्राधिकरणले जानकारी दिएको छ ।

विमान दुर्घटनामा ज्यान गुमाउने ११ जनाको सनाखत भएको छ । पोखराको गण्डकी अस्पतालले दिएको विवरण अनुसार १ विदेशीसहित ११ जनाको सनाखत भएको हो ।

सनाखत हुनेहरुमा निशान्त आचार्य, संगीता शाही, डा. सुशील श्रेष्ठ, डा. सेना दिवाकर, १० महिनाका रियान पौडेल, अदाकत अलिमिया,  लक्ष्मी पौडेल,  प्रसिद्धी पौडेल, अरुण पौडेल, पूर्णकुमार गुरुङ रहेका छन् ।

यस्तै कोरियन नागरिक यू क्यानगुलको पनि सनाखत भएको अस्पताल प्रशासनले जनाएको छ ।

मृतकको शव साेमबार परिवारलाई बुझाइने

विमान दुर्घटनामा मृत्यु भएका र संकलन भएका सबै शव पोखरा स्वास्थ्य विज्ञान प्रतिष्ठानमा राखिने भएको छ ।

पहिचान भएका शव भोलि सोमबार आफन्तलाई जिम्मा लगाउने कास्कीका सहायक प्रमुख जिल्ला अधिकारी अनिलकुमार शाहीले जानकारी दिए । शाहीका अनुसार पहिचान नभएका शवको डीएनए परीक्षण गरिने छ । त्यसका लागि शवको डीएनए भोलि नै काठमाडौं पठाइने उनले बताए ।

उच्चस्तरीय जाँचबुझ आयोग गठन, सोमबार सार्वजनिक विदा

0
काठमाडौं । काठमाडौंबाट यात्रु लिएर पोखराका लागि उडेको यती एयरलाइन्सको एएनसी एटीआर ७२ जहाज दुर्घटनामा परेपछि बसेको मन्त्रिपरिषदको आकस्मिक बैठक सकिएको छ ।
 
प्रधानमन्त्री निवास बालुवाटारमा बसेको आकस्मिक बैठकले घटनाप्रति गहिरो दु:ख व्यक्त गर्दै मृतकहरूप्रति भावपूर्ण श्रद्धाञ्जलीका साथै शोकसन्तप्त परिवारजनमा समवेदना प्रकट गरेको छ ।
 
बैठकले घाइतेहरूको शीघ्र स्वास्थ्य लाभको कामना गर्दै उद्दार कार्यलाई प्रभावकारी बनाउन सरकारका सबै संयन्त्रहरूलाई निर्देशित गरेको छ । बैठकले माघ २ गते सोमबारलाई राष्ट्रिय शोकका रूपमा सार्वजनिक विदा दिने निर्णय पनि गरेको छ ।
 
मन्त्रिपरिषद बैठकले पूर्वसचिव नागेन्द्र घिमिरेको संयोजकत्वमा दुर्घटना जाँच आयोग गठनसमेत गरेको छ । आयोगलाई ४५ दिनभित्र प्रतिवेदन पेश गर्न समयसीमा तोकिएको छ ।
 
बैठकले घटनाबारे मृतकका आफन्तहरूलाई सही सूचना दिन विमानस्थलमा कल सेन्टर स्थापना गर्ने निर्णय गरेको छ । पार्थीव शरीर बुझ्न र लैजान सरकारको तर्फबाट सहयोग र सहजीकरण गर्ने निर्णय पनि गरेको छ ।
 
साथै सबै हवाइजहाजहरूको प्राविधिक परीक्षण अनिवार्य गर्नसमेत बैठकले निर्देशन दिएको छ । त्यसको अनुगमनको जिम्मेवारी नागरिक उड्डयन प्राधिकरणलाई तोकेकोसमेत बैठकले जनाएको छ।

हस्क पावर व्यसायिक चुल्हाे ग्यास भन्दा धेरै सस्ताे : प्रबन्धक गुप्ता

0

वीरगंज । हस्क पावर नेपाल प्रा.लि. वीरगंजकाे आयाेजनामा एसईसिएफ/एनआरईपि स्टार्टप प्राेग्राम सम्पन्न भएकाे छ । सस्टनेबल इनर्जी चायलेन्ज फन्ड  (एसईसिएफ)/नेपाल रिनेबल एनर्जी प्राेग्राम (एनआरईपि) काे समन्वयमा तथा युकेएआइडीकाे सहयाेगमा भएकाे कार्यक्रम सम्पन्न भएकाे हाे ।

वीरगंज महानगरपालिकाकाे वडा नं. २१ पटेलनगरस्थित कम्पनीकाे प्राङ्गणमा भएकाे कार्यक्रमकाे उद्घाटन कम्पनीका कार्यकारी प्रबन्धक मनाेज गुप्ताले गरेका थिए ।

कार्यक्रमकाे उद्घाटन गर्दै प्रबन्धक गुप्ताले हस्क पावर व्यसायिक चुल्हाे उद्याेग, हाेटल, घरेलु  विवाह, ब्रतबन्धमा प्रयाेग गर्न सस्ताे पर्ने वताए । उनले रु २ सय १० काे लागतमा एक सिलिन्डर ग्यास भन्दा बढीकाे काम गर्ने दाबी समेत गरे ।

कम विधुत खप्त र विकेटबाट संचालन हुने हस्क पासवर चुल्हाेबाट कम लगानीमा बढी फाइदा लिन सकिने प्रबन्धक गुप्ताकाे भनाई छ । ठुलाे परिवार र बढी मानिसकाे खाना पकाउन पनि याे चुल्हाे प्रयाेग गर्न सकिने उनले जानकारी गराए ।

पाेखरियामा नेवि संघकाे समिति गठन

0

वीरगंज । पर्साकाे पाेखरिया नगरपालिकामा नेपाल विद्यार्थी (नेवि) संघकाे समिति गठन भएकाे छ । पोखरिया नगरपालिकाकाे वडा नम्बर ५ स्थित नेपाली कांग्रेसको सम्पर्क कार्यालयमा भएकाे नेवि संघकाे भेलाले जय प्रकाश ठाकुर अध्यक्षतामा समिति गठन गरेकाे नेवि संघ पर्साका सचिव फिरोज अन्सारीले जानकारी दिए ।

नवगठित समितिकाे वरिष्ठ उपाध्यक्षमा बिकास यादव, उपाध्यक्षमा रुपेस चौहान, वरिष्ठ सचिव मनोहर साह, सचिव दिलिप रौनियार, सह सचिव दिनेस मण्डल, राकेस मिश्रा, मजबुल्लाह मिया तेलि, कोषाध्यक्ष रिना दास, सदस्य पानालाल महतो, दिनेश पासवान, प्रवेज आलम, सुरज पटेल लगायतका चयन भएकाे जिल्ला सचिव अन्सारीले वताए ।

नेबि संघ पर्साका अध्यक्ष रमेश यादवको सभापतित्व र पोखरिया नगरपालिकाका पूर्व मेयर तथा नेपाली कांग्रेसका नेता दिप नारायण प्रसाद रौनियारकाे प्रमुख आतिथ्यता भएकाे भेलामा नेपाली कांग्रेसका रिजवान अन्सारी, राजु गिरि, सुरेन्द्र सिंह लगायतकाे विशेष उपस्थिती रहेकाे थियाे ।