वीरगंज । सरकारले एकैपटक ७० जना प्रमुख जिल्ला अधिकारीहरुको सरुवा गरेको छ । गृहमन्त्रालयले विभिन्न जिल्लाका सीडीओ, सहायक सीडीओसहित ७० जनाको काज सरूवा गरेको हो ।
आज बसेको उपप्रधान तथा गृहमन्त्रीस्तरीय निर्णयानुसार राजपत्रांकित प्रथम (सहसचिव) र द्वितीय श्रेणी (उपसचिव)समेतका प्रमुख जिल्ला अधिकारी, सहायक प्रमुख जिल्ला अधिकारी लगायतका कर्मचारीहरुको सरुवा गरिएको मन्त्रालयले विज्ञप्तिमार्फत जनाएको छ ।
मन्त्रालयका अनुसार पर्साका प्रजिअ उमेश कुमार ढकाललाई गृह मन्त्रालयमा सरुवा भएकाे छ । पर्साकाे नयाँ प्रजिअमा हिरालाल रेग्मीलाई पठाइएको छ । उनी हाल दाङको प्रमुख जिल्ला अधिकारी थिए ।
यस्तै, सहायक प्रमुख जिल्ला अधिकारीमा वेदनिधी खनाललाई पठाइएको गृह मन्त्रालयको विज्ञप्तिमा उल्लेख छ ।
