Date
मङ्ल, मंसिर १, २०८३
Tue, November 17, 2026
Home Blog Page 569

पत्रकार महासंघ पर्साको आयोजनामा सौराहामा ३ दिने तालिम सुरु

0

वीरगंज । चितवनको सौराहामा आम संचारकर्मीहरुको दक्षता अभिवृद्धि सम्बन्धी तीन दिने तालिम आजदेखि सुरु भएको छ ।

नेपाल पत्रकार महासंघ पर्सा शाखाको आयोजना र वीरगन्ज महानगरपालिकाको आर्थिक सहयोगमा तीन दिने तालिम सुरु भएको हो ।

तीन दिने तालिमको उद्घाटन नेपाल पत्रकार महासंघका पुर्व मध्यमान्चल संयोजक एवं वीरगन्ज महानगरपालिकाका प्रेस सल्लाहकार महेश दासले गरेका थिए ।

तालिमको उद्घाटन गर्दै दासले नेपाल पत्रकार महासंघ पर्सा शाखाको ईतिहासमा पहिलो पटक जिल्ला बाहिर तालिमको व्यवस्था गरीएकाले यसलाई अवसरको रुपमा लिन सुझाव दिए ।

साथै उनले तिन दिने तालिमलाई सिकेका कुरालाई प्रभावकारी रुपमा व्यवहारमा लागु गर्न सबै पत्रकारहरुलाई आग्रह गरेका थिए ।

नेपाल पत्रकार महासंघ पर्साका अध्यक्ष अनुप तिवारीको अध्यक्षतामा भएको उद्घाटन कार्यक्रममा नेपाल पत्रकार महासंघका केन्द्रिय परिषद सदस्य महेश चन्द्र गौतम, प्रेस युनियन नेपालका केन्द्रिय सदस्य निलिमा पौडेल, प्रेस सेन्टरका केन्द्रिय सदस्य कृष्णाउदास खनाल, प्रेस चौतारी नेपाल पर्साका उपाध्यक्ष विजय भण्डारी, समाजवादी प्रेस संगठन नेपाल पर्साका उपाध्यक्ष शम्भु कुमार सुमन सहितका पत्रकारहरु सहभागीता रहेको छ ।

शुक्रबारको तालिममा नेपाल पत्रकार महासंघका पुर्व अध्यक्ष डा.महेन्द्र बिष्टले प्रशिक्षण दिने छन । तिन दिने तालिममा पर्साका करिब ३५ जना पत्रकारहरु सहभागी भएका छन ।

उपकार सेवाद्वारा सामुदायिक विद्यालयमा वाटर फिल्टर जडान

0

वीरगंज । उपकार सेवा नेपाल सामाजिक संस्थाले एक सामुदायिक विद्यालयमा चार थान वाटर फिल्टर जडान गरेकाे छ । उपकार संस्थाले बारा जिल्लाको गंजभवानीपुर स्थित रहेको श्री भोला माध्यमिक विद्यालयका चार थान वाटर फिल्टर जडान गराएको संस्थाकी अध्यक्ष पुजा सरावगीले जानकारी दिए ।

जडान गरिएको वाटर फिल्टर विद्यालय परिसरमा एक कार्यक्रम गरि विद्यालयका प्रधानाध्यापक रामाकान्त गुप्तालाई संस्थाकी अध्यक्ष सहितका पदाधिकारीहरुले हस्तान्तरण गरेका हुन । समाज बनाउन र भविष्यका कर्णधार तयार भइरहेको संस्थालाई आफूहरु सहयोग गर्न पाउदा निकै राम्रो लागि रहेको र आउने दिनहरूमा पनि यस्ता गतिविधि निरन्तर जारी राख्ने सरावगीले बताइन् ।

विद्यालय मै पुगेको सामाजिक संस्थाको टोलीलाई विद्यालयका प्रधानाध्यापक गुप्ताले सहयोगका लागि धन्यवाद व्यक्त गर्दै भविष्यमा पनि चाहिने सहयोगका लागि आशावादी रहेको जानकारी गराए । हस्तान्तरण कार्यक्रममा संस्थाकी अध्यक्ष सरावगी, सज्जन अग्रवाल, हेमन्त सरार्फ, विनय गुप्ता लगायतको उपस्थिति रहेको थियो ।

हरवा चरवाको पुन: स्थापनाको माग

0

वीरगंज । राष्ट्रिय हरवा चरवा अधिकार मंचले विभिन्न माग राखी मधेस प्रदेशका मुख्यमन्त्रमन्त्री सरोज यादवलाई ज्ञापन पत्र बुझाएको छ । मंचका अध्यक्ष दशन मण्डलको नेतृत्वमा गएको टोलि मुख्यमन्त्री यादवको कार्यालय पुगि हरवा चरवाको पुन: स्थापनाको माग सहित ज्ञापन पत्र बुझाएको हो ।

अध्यक्ष मण्डलद्वारा प्रेसित ज्ञापन पत्रमा हरवाचरवाको पुनरस्थापनाको लागि बिस्तृत कार्ययोजना र कार्य विधि तत्काल प्रदेश मन्त्रीपरिषदबाट अविलम्व पारित गरी हरवाचरवालाई जीविकाको लागि पर्याप्त जोतिखाने भूमि, शिक्षा, स्वास्थ्य, रोजगारी, सामाजिक सुरक्षा र समावेशीकरणसहितको एकीकृत प्याकेज घोषणा गरियोस उल्लेख छ ।

बैकल्पिक रोजगारीमा लाग्न इच्छुक रोजगारीबिहीन हरवाचरवालाई ६ महीनाभन्दा लामो दीर्घकालीन प्रकारको सीपको तालिम, रु.१ लाखको बीउ पुँजी र आवश्यक औजार प्रदान गरियोस समेत माग गरिएको छ ।

ज्ञापन पत्रमा मधेश प्रदेशमा सबैभन्दा गरिव तथा भूमिहीन हरवाचरवा मात्र भएकाले बहुआयामिक गरिबी निवारण कार्यक्रम सर्बप्रथम हरवाचरवाको बस्तीमा अविलम्व थालियोस भनिएको छ । साथै प्रदेश सरकार र स्थानीय तहलाई निर्देशित र परिचालित गरेर तुरुन्तै सुरु हुने गरी हरवाचरवाको लगत गरियोस र सोको लागि एक अधिकार सम्पन्न हरवाचरवा पुनःस्थापना समिति गठन गरियोस माग गरिएको छ ।

त्यस्तै विगत परम्परादेखि जमिन्दारहरुले आफनो खेति तथा कृषि कामका लागि ऋण दिएर वा विभिन्न रुपमा सपरिवार हरवाचरवाको बस्ति बसाएका थिए । सरकारी नापी हुंदा जमिन्दारहरुका जग्गा नापि भएपनि हरवाचरवाका जमिनहरु उनीहरुको नाममा नापी हुन सकेनन् र भुमिहिन भए ।

जमिन तथा बसाइको प्रमाण नभएका कारण आधाभन्दा बढी हरवाचरवाहरु नागरिकताबाट बंचित भए । नागरिकता नभएकै कारण उनीहरु राज्यबाट प्रदान हुने सामाजिक सुरक्षा तथा अवसरहरुबाट बन्चित हुंदै गए । आफनो नाममा जमिन नहुनु, नागरिकता लगायतका परिचयपत्र नभएकै कारण आज समय क्रममा जमिनको मूल्य बढ्दै जाँदा विकासको वहानामा उनीहरुलाई विस्थापित गरिदैछ ।

त्यस कार्यलाई तत्काल रोकि बैकल्पिक व्यवस्था गर्न आवश्यक रहेको जनाइएको छ । ज्ञापन पत्रमा मधेश प्रदेशमा मात्र रहेको यो विशिष्ट समस्यालाई संघीयताको पक्षधर यस प्रदेशले सबैभन्दा पहिलो प्राथमिकतामा राखेर समाधान गरियोस यसको लागि आगामी नीति तथा कार्यक्रम र बजेटले हरवाचरवाको पुनःस्थापनाका लागि प्रायाप्त बजेट विनियोजन गरियोस भनी माग गरिएको छ ।

उक्त ज्ञापन पत्र बुझाउने टोलिमा रास्ट्रिय दलित नेटवोर्क नेपालका अध्यक्ष गणेश बिक, फ्रीडम फन्डका कानुनी सल्लाहकार बालाराम भट्टराई, फ्रीडम फन्डका सल्लाहकार ब्रह्मदेव महरा लगायतको उपस्थिति रहेको थियो ।

वीरगंज १९ मा १६ विगहा सार्वजनिक जग्गा अतिक्रमण हटाईयो

0

वीरगंज । वीरगंज महानगरपालिकाले १६ विगहा अतिक्रमित सार्वजनिक जग्गा खोजि गरि नक्शाङ्गन गरेको छ ।

सोमबार वीरगंज महानगरपालिकाकाे वडा नम्बर १९ मा ५ विघा ७ कट्ठा जग्गा, मंगलबार ७ विघा जग्गा गरि १२ बिगहा ७ कठ्ठा अतिक्रमित सार्बजनिक जग्गा आफ्नो नियन्त्रणमा ल्याएको थियो र बुधबार ४ बिगहा थप अतिक्रमित जग्गाको पहिचान भएको प्रमुख प्रशासकीय अधिकृत लक्ष्मीप्रसाद पौडेलले जानकारी दिए । अतिक्रमित जग्गाको थप खोजी गर्न प्राविधिकको समूह खटाएर पहिचान गर्ने र त्यसको घेरा गरि संरक्षण गरिने पौडेलले बताए ।

बुधबार वीरगंज महानगरपालिकाको नगर प्रमुख राजेशमान सिंहले अतिक्रमित जग्गाको स्थलगत अनुगमन गरेका छन् । सिंहले अतिक्रमित जग्गाको अनुगमन पछि GPS प्रबिधिबाट नाप नक्शा छुट्टयाइ घेरा गर्ने र थप अतिक्रमित जग्गाको खोजी निरन्तर गरिने बताए । उनले वीरगंजकाे आइ सि पी को पश्चिम पट्टि को यो जग्गामा चाडै सार्वजनिक उपयोगमा ल्याउने बताए ।

स्थानीय केही व्यक्तिले अतिक्रमण गरेर कब्जामा राखेको जग्गा महानगरले धमाधम आफ्नो नियन्त्रणमा ल्याउने क्रमलाई जारी राखेको छ ।

बुधबार वीरगंज महानगरपालिकाको नगर प्रमुख राजेश मान सिंह, प्रमुख प्रशासकीय अधिकृत लक्ष्मीप्रसाद पौडेल, वडा नम्वर १९ का वडाध्यक्ष मुकेश कुमार चौरसिया, वडा न १७ का वडाध्यक्ष सन्जु छतकुली, प्रेस सल्लाहकार महेश दास, मेयरको सचिवालयका हरि पोखरेल, सत्यराज घिमिरे सहित प्राविधिकहरुको टोलीले अनुगमन गरेको छ ।

महानगरको टोलीले नापचाँज गरेर सार्वजनिक र निजी जग्गा छुट्याएर तारबारका लागि खन्ने काम समेत गरेको छ ।

सार्वजनिक तथा ऐलानी जग्गा अतिक्रण गरी निजी प्रयोजनमा प्रयोग गर्दै आएको जग्गा खोजी गर्न महानगरको टोली नक्सा लिएरै संभावित स्थानमा पुगेको हो ।

अतिक्रमण गरेको सार्वजनिक जग्गा छुट्याउन दिनभर नापजाँच गरेर छुट्याउनुका साथै डोजर लगाएर सीमा छुट्याउने काम गरिएको छ ।

दोस्रो परवानीपुर गोल्डकप : वीरगंज युनाईटेड क्लब फाईनलमा प्रवेश

0

वीरगंज । कृष्णा फाउन्डेसन दोस्रो परवानीपुर गोल्डकप २०७९ को पहिलो सेमिफाईनल खेलमा वीरगंज युनाईटेड क्लब वीरगंज जित निकाल्दै फाईनलमा प्रवेश गरेको छ । परवानीपुर खेल मैदानमा आयोजक परवानीपुर युथ क्लब परवानीपुरलाई हराउँदै वीरगंज युनाईटेड क्लब वीरगंज फाईनलमा प्रवेश गरेको हो ।

प्रतियोगिता अन्तर्गत बुधबार भएको खेलमा परवानीपुर युथ क्लबलाई १–३ गोल अन्तरले पराजित गर्दै वीरगंज युनाईटेड फाईनलमा प्रवेश गरेको आयोजक क्लबका उपाध्यक्ष रवि रामले जानकारी दिए । खेलको म्यान अफ दि म्याच परवानीपुर युथ क्लब परवानीपुरका जर्सी नम्बर ८ का खेलाडी मुन्ना चौधरीले पाएका थिए । उनलाई आयोजक क्लबका पदाधिकारी र सदस्यहरुले नगद ५ हजार र ट्रफि प्रदान गरेका थिए ।

९० मिनेटको निर्धारित समयको पहिलो हाफ सम्ममा दुवै टिमले विना गोलको बराबरी खेलेका थिए । सुरुदेखि नै रोमान्चक भएको खेलमा गोल हुन सकेपछि खेल टाईब्रेकरमा धकेलिएको थियो । दोस्रो सेमिफाईनल खेलमा गोरखा फुटबल क्लब सर्लाही र जनकपुर स्पोर्ट क्लब जनकपुर भिड्ने छन ।

प्रतियोगितामा मधेश प्रदेशका ६ वटा र बागमती प्रदेशका दुई वटा गरी ८ टिमको सहभागी थिए । प्रतियोगिता चैत ४ गतेसम्म संचालन हुनेछ । प्रतियोगितामा प्रथम हुनेलाई १ लाख ५० हजार, दोस्रो हुनेलाई ७५ हजार नगद शिल्ड तथा मेडल प्रदान गरिने आयोजक परवानीपुर युथ क्लबले जनाएको छ ।

जगरनाथपुरमा राष्ट्रपति रनिङ सिल्ड प्रतियाेगिता सम्पन्न

0

वीरगंज । पर्साकाे जगरनाथपुर गाउँपालिकामा राष्ट्रपति रनिङ सिल्ड प्रतियाेगिता मंगलबार सम्पन्न भएकाे छ । गाउँ कार्यपालिका कार्यालय जगरनाथपुरकाे आयाेजनामा आइतबारदेखि सुरु भएकाे प्रतियाेगिता मंगलबार सम्पन्न भएकाे हाे ।

प्रतियाेगितामा सबैभन्दा बढी स्वर्णपदक श्री नेपाल राष्ट्रिय माध्यमिक विद्यालय मसिहानीले जितेकाे छ । त्यसपछि दाेस्राे स्थानमा श्री नेपाल राष्ट्रिय माध्यमिक विद्यालय जगरनाथपुर सिरा, तेस्राे स्थान श्री नेपाल राष्ट्रिय माध्यमिक विद्यालय सन्ठी र चाैथाे स्थान श्री नेपाल राष्ट्रिय आधारभुत विद्यालय साेहपुर साेहरीले हासिल गरेकाे गाउँपालिकाले जनाएकाे छ ।

प्रथम भएका नेरा मावि मसिहानीले १६ स्वर्ण पदक, ५ रजत पदक र ३ कांस्य पदक जितेकाे छ । त्यसैगरी द्वितिय स्थान हासिल गरेका नेरा मावि जगरनाथपुर सिराले ३ स्वर्ण पदक, १३ रजत पदक र १० कांस्य पदक जितेका हुन् ।

त्यसैगरी तृतिय स्थान हासिल गरेकाे नेरा मावि सन्ठीले २ स्वर्ण पदक, ७ रजत पदक र १२ कांस्य पदक जितेका हुन् । 

गाउँपालिका अन्तर्गतका २२ वटा प्राथमिक, आधारभुत र माध्यमिक विद्यालय सहभागि रहेकाे प्रतियाेगितामा लामाे र छाेटाे दुरीकाे दाैड, कबडी, हाइ जम्प, लंग जम्प, जैभलिङ थ्राे, स्वर्टपुट खेल भएकाे गाउँपालिकाका प्रमुख प्रशासकिय अधिकृत कृष्णनन्दन रायले जानकारी दिए । 

प्रतियाेगिताकाे विजेताहरुलाई गाउँपालिका अध्यक्ष श्रीकान्त प्रसाद यादवले मेडल वितरण गर्नुकाे साथै पुरस्कृत समेत गरेका थिए

शिक्षा शाखा प्रमुख लालदेव प्रसाद यादवकाे अध्यक्षता र गाउँपालिका अध्यक्ष श्रीकान्त प्रसाद यादवकाे प्रमुख आतिथ्यतामा भएकाे प्रतियाेगिता समापन्न समाराेहमा  वडाध्यक्ष नेपाली प्रसाद कुशवाहा, प्रमुख प्रशासकिय अधिकृत कृष्णनन्दन राय, लेखापाल सन्देश कुशवाहा, बलिष्टर अहमद लगायतकाकाे उपस्थिती रहेकाे थियाे ।

राष्ट्रिय वाणिज्य बैंककाे विभागिय क्रिकेट प्रेक्टिस सुरु

0

वीरगंज । राष्ट्रिय वाणिज्य बैंकले आफ्नाे विभागिय क्रिकेट टिमकाे लागि मंगलबारदेखि नेट प्रेक्टिस सुरु गरेकाे छ । राष्ट्रिय वाणिज्य बैंककाे श्रीपुर, वीरगंज शाखाले सुरु गरेकाे प्रेक्टिसकाे उद्घाटन राष्ट्रिय वाणिज्य बैंकका निमित प्रदेश प्रमुख सन्धया सिंह र वीरगंज शाखाका प्रबन्धक नृसिङ नारायण यादवले गरेका थिए ।

प्रदेश प्रमुख सिंहले ब्याटिङ र वीरगंज शाखाका प्रबन्धक यादवले बवलिङ गर्दै क्रिकेट प्रेक्टिस खेलकाे उद्घाट गरेका थिए भने प्रदेश प्रमुख सिंह र श्रीपुर शाखाका प्रबन्धक ओमप्रकाश साहले संयुक्त रुपमा रिविन काटेर प्रतियाेगिताकाे उद्घाटन गरेका थिए ।

प्रेक्टिस खेलमा राष्ट्रिय वाणिज्य बैंक प्रदेश, श्रीपुर शाखा, वीरगंज शाखाका कर्मचारीहरुकाे सहभागिता रहेकाे श्रीपुर शाखाका यतेन्द्र राउतले जानकारी दिए । 

 

हृदयघातबाट वीरगंज वितरण केन्द्रका प्रमुख अमाेद यादवकाे निधन

0

वीरगंज । नेपाल विधुत प्राधिकरण वीरगंज वितरण केन्द्रका प्रमुख अमाेद कुमार यादवकाे अल्पायु मै निधन भएकाे छ । ४० वर्षिय अमोद यादवकाे हृदयघातबाट मंगलबार विहान निधन भएकाे हाे ।

मंगलबार विहान ब्याडमिन्टन खेल्ने क्रममा अचेत भएका यदावकाे उपचारकाे लागि वीरगंजस्थित तराई अस्पताल लगिएकाे थियाे । अस्पतालमा चिकित्सकले चेकजाँच गरेपछि मृत घाेषणा गरेका थिए । 

प्रमुख यादवकाे असमायिक निधनले मंगलबार दिनभरी विधुत प्राधिकरण वीरगंज वितरण केन्द्र शाेकमै रह्याे । सिराहा निवासी प्रमुख यादवकाे ४ बर्षिय र ६ बर्षिय दुईटा छाेरी रहेकाे बुझिएकाे छ ।   

वीरगंजमा छाडा कुकुरको बन्ध्याकरण सुरु

0

वीरगंज । वीरगंज महानगरपालिकाले सामुदायिक कुकुरहरुमा बन्ध्याकरण तथा रेबिज रोग नियन्त्रण कार्यक्रम वीरगंजमा शुरु गरेको छ । वीरगंजमा छाडा कुकुरहरुको संख्या वृद्धि नियन्त्रण गर्न यो अभियान सुरु गरिएको वीरगंज महानगरपालिकाका नगर प्रमुख राजेश मान सिंहले जानकारी दिए ।

छाडा कुकुरहरूलाई दैनिक संकलन गरि नेशनल ट्रेडिङमा बन्ध्याकरण गरिने गरिएको द जेन गुडअल ईन्स्टिच्युट नेपालका प्रशासकीय अधिकृत रमेश सापकोटाले जानकारी दिए । मंगलबार ४० वटा छाडा कुकुरको बन्ध्याकरण र रेबीज खोप लगाइएको उनले बताए । पहिलो चरणमा करीब १ हजार कुकुर को बन्ध्याकरण गरिने वताइएकाे छ ।

प्रतियोगिताले दुबै देशको सम्बन्ध मजबुत बनाउँछ : मेयर सिंह

0

वीरगंज । वीरगंजकाे आदर्शनगर रंगशालामा आजदेखि नेपाल भारत मैत्री पुरुष महिला क्रिकेट प्रतियोगिता सुरु भएको छ ।प्रतियोगिताको वीरगंज महानगरपालिकाका मेयर राजेशमान सिंहले उद्घाटन गरेका थिए ।

प्रतियोगिताको उद्घाटन गर्दै उनले नेपाल भारत बीचको सम्बन्ध अझै प्रगाढ बनाउन खेलले महत्वपूर्ण भूमिका निर्वाह गर्ने विश्वास व्यक्त गरे । खेलमा हारजित सामान्य भएको भन्दै उनले अनुशासित भएर खेल प्रदर्शन गर्न खेलाडीहरुलाई आग्रह पनि गरे ।

आउँदो चैत ४ गतेसम्म चल्ने प्रतियोगितामा नेपाल र भारतका विभिन्न ९ वटा महिला पुरुष टिमको सहभागिता रहेको आयोजक पशुपति आदर्श क्लबका अध्यक्ष सन्तोष कुमार गुप्ताले जानकारी दिए ।

प्रतियोगितामा सहभागी हुन भारतको झारखण्ड, राजस्थान, युपी र जम्मु कश्मीरको टिम वीरगंज आएका छन् ।