वीरगंज । नेपाल विधुत प्राधिकरण वीरगंज वितरण केन्द्रका प्रमुख अमाेद कुमार यादवकाे अल्पायु मै निधन भएकाे छ । ४० वर्षिय अमोद यादवकाे हृदयघातबाट मंगलबार विहान निधन भएकाे हाे ।
मंगलबार विहान ब्याडमिन्टन खेल्ने क्रममा अचेत भएका यदावकाे उपचारकाे लागि वीरगंजस्थित तराई अस्पताल लगिएकाे थियाे । अस्पतालमा चिकित्सकले चेकजाँच गरेपछि मृत घाेषणा गरेका थिए ।
प्रमुख यादवकाे असमायिक निधनले मंगलबार दिनभरी विधुत प्राधिकरण वीरगंज वितरण केन्द्र शाेकमै रह्याे । सिराहा निवासी प्रमुख यादवकाे ४ बर्षिय र ६ बर्षिय दुईटा छाेरी रहेकाे बुझिएकाे छ ।
