Date
सोम, कार्तिक ३०, २०८३
Mon, November 16, 2026
Home Blog Page 534

बिन्दवासनी गाउँपालिकाद्वारा पत्रकार महासंघलाई एक लाख सहयोग

0

वीरगंज । बिन्दवासनी गाउँपालिकाले नेपाल पत्रकार महासंघ पर्सा शाखाको भवन निर्माणमा एक लाखको सहयोग गरेको छ । आईतवार बिन्दवासनी गाउँपालिका अध्यक्ष प्रमोद तिवारीले महासंघका अध्यक्ष अनुप तिवारीलाई एक लाखको चेक हस्तान्तरण गर्नु भएको हाे ।

सो अवसरमा बिन्दवासनी गाउँपालिकाका प्रमुख प्रशासकिय अधिकृत राजु साह, नेपाल पत्रकार महासंघका कोषाध्यक्ष संजिव मिश्राको उपस्थिति रहेको रहेको थियो । बिन्दवासनी गाउँपालिका अध्यक्ष तिवारीले संचारकर्मीहरूको साझा संस्थाको पुर्वाधार तथा प्रविधीको विकाशमा आफु सदैव सकारात्मक रहेको बताए ।

महासंघ पत्रकारहरूको संरक्षण, दक्षता र भौतिकपूर्धारको क्षेत्रमा राम्रोसँग काम गरेकोमा खुशी व्यक्त गर्दै अध्यक्ष तिवारीले आउदो बजेटमा पनि पत्रकार महासंघको लागि आवश्यक योजना छुट्याउने बताए ।

नेपाल पत्रकार महासंघ पर्साको तेश्रो तल्ला निर्माणको क्रममा रहेको छ । त्यसैगरि भुई तल्लामा लाईब्रेरी, आधुनिक प्रविधियुक्त डेस्क तथा राउन्ड टेबल मिटिंग हलको निर्माण भईरहेको छ ।

पकहाँ मैनपुर गाउँपालिकाद्वारा अगामी बजेटको लागि सुझाव माग

0

वीरगंज । पर्साकाे पकहाँ मैनपुर गाउँपालिकाले आ.व. २०८०/८१ को बार्षिक नीति, कार्यक्रम तथा बजेटको विषयमा सुझाव मागेकाे छ | सबल स्वच्छ सम्मुनत पकाहामैनपुरको नारा सहित अगामी बार्षिक बजेट तथा कार्यक्रमको लागि योजना छनौटको क्रममा गाउँपालिका रहेकोले आइतबार एक सूचना जारी गर्दै सुझाव माग गरेकाे हाे ।

२०८० असार १० गते गाउँ सभामा समेत बजेट तथा कार्यक्रम पेश गर्नुपर्ने भएकोले यस गाउँपालिकाको सम्मुनतिको लागि २०८०/०२/२५ गते सम्म बजेट तथा कार्यक्रमको बिषयमा रचनात्मक, कार्यन्वयन योग्य, समावेशी, सबै क्षेत्र (आर्थिक, सामाजिक, राजनीतिक प्रशासनिक तथा जलवायु तथा अन्य क्षेत्र) मा सुझाब तथा सल्लाहको लागि आग्रह गरिएकाे गाउँपालिका अध्यक्ष सुरेश मेहताले वताए ।

प्रमुख प्रशासकिय अधिकृत राज कुशवाहाद्वारा जारी सूचनामा सुझाब तथा सल्लाहको लागि सरकारी तथा गैरसरकारी संग संस्था, फर्म, बुद्धिजीवी, विज्ञ, राजनैतिक दल, ब्यवसायी, सामाजसेवी, पेशाकर्मी, कर्मचारी, पत्रकार, स्वदेश तथा विदेशमा रहनुहुने गाउँवासी आमा, बुबा, दाजुभाई, दिदि बहिनि तथा सम्पूर्ण सरोकारवालाहरुमा अनुरोध गरिएकाे छ ।

राय/सुझाब पठाउने बिधि इमेल : pakahamainpurmun@gmail.com, वाटसप : ९८५५०१६३४७, योजना शाखा : सुधान्सु शेखर प्रसाद (९८०६८७४०६२), आइटी शाखा : जे पी यादव (९८१४२८८७२३) समेत सार्वजनिक गरेकाे छ । 

सिर्सिया नदी प्रदुषणमुक्त अभियानमा पर्साका सांसदकाे ऐक्यबद्धता

0

वीरगंज । वीरगंजकाे सिर्सिया नदीको प्रदुषण र अतिक्रमण नियन्त्रणको माग राख्दै काठमाडौंको माइतीघर मण्डलामा धर्नामा बसेका अभियन्ताहरुलाई भेटेर पर्सा क्षेत्र नम्बर १ का प्रतिनिधीसभा सदस्य प्रदीप यादवले उनिहरुको माग प्रति ऐक्यबद्धता जनाएका छन् ।

आइतबार अपरान्ह ४ बजेतिर धर्नास्थलमै पुगेर जसपाका प्रमुख सचेतक समेत रहेका यादवले धर्नामा बसेकाहरुसंग भेटेर उनिहरुको मागप्रति आफनो समर्थन र ऐक्यबद्धता जनाएका हुन् । त्यसक्रममा धर्नामा बसेका चुरे तथा वनजंगल संरक्षण अभियानका संरक्षक सरोज राय, संयोजक सुनिल यादवसहितका अभियन्ताहरुले सांसद यादवलाई आफुहरुको मागसहितको ज्ञापनपत्रपनि बुझाएका थिए ।

सांसद यादवले “वीरगंजकाे सिर्सिया नदिको प्रदूषित पानी बोकेर पदयात्रा गर्दै काठमाडौँस्थित माइतीघर मण्डलामा धर्ना दिइरहनु भएका चुरे तथा वनजंगल संरक्षण अभियानका साथीहरुसंग भेटघाट गर्दै उहाँहरुको मागपत्र बुझेको छु । उहाँहरुको धर्नामा मेरो ऐक्यबद्धता छ । संघीय सरकारको उदासिनताका कारण दसकौंदेखि प्रदूषण र अतिक्रमणको चपेटामा परेको सिर्सिया नदिलाई प्रदूषणमुक्त बनाउन सकिएको छैन ।” समाजिक संजाल फेसबुकमा लेखेका छन् ।

धर्नामा बसेका अभियन्ताहरुसंग कुरा गर्दै सांसद यादवले सिर्सिया नदिलाई प्रदूषित बनाउने उद्योगहरुलाई कारवाही गर्न सरकार र सम्बन्धित मन्त्रालयले कदम अगाडि बढाउनुपर्नेमा जोड दिए । यस अभियान बारे आफुले यसअघिनै संसद मार्फत सरकारको ध्यानाकर्षण गराइसकेको बताउँदै सांसद यादवले अब फेरिपनि ययसबारे सरकारलाई दबाब दिने वाचापनि गरेका हुन् ।

यसैगरी पर्सा क्षेत्र नं. २ का प्रतिनिधि सभा सदस्य अजय कुमार चाैरसिया र पर्सा क्षेत्र नं. ३ का प्रतिनिधि सभा सदस्य राजकुमार गुप्ताले पनि धर्नामा बसेका अभियान्ताहरुसंग भेटेका छन् । धर्ना स्थल मै पुगेर सांसदद्वय चाैरसिया र गुप्ताले आफुहरुसंग भेटघाट गर्दै माग प्रति एवबद्धता जनाउनु भएकाे अभियान्ता सराेज रायले वताए ।

धर्ना स्थल पुगेका सांसदहरुलाई अभियान्ताहरुले आफ्नाे मागसहितकाे ज्ञापन पत्र समेत बुझाएका थिए ।  

सिर्सिया नदी सफाई अभियान्ताहरुकाे मन्त्रीसंग अडान, लिखित प्रतिबद्धता चाहियाे

0

वीरगंज । वीरगंजकाे सरिस्वा (सिर्सिया) नदीको प्रदूषण र अतिक्रमण नियन्त्रणको माग राख्दै काठमाडौंको माइतीघर मण्डलामा धर्नामा बसेका अभियन्तासँग उद्योग वाणिज्य तथा आपूर्तिमन्त्री रमेश रिजालले भेटेघाट गरेका छन् । 

आइतबार अपरान्ह धर्नास्थलमै पुगेर उद्योगमन्त्री रिजालले धर्नामा बसेकाहरुसँग भेटेर उनिहरुको माग बारे जानकारी लिएका थिए । त्यसक्रममा धर्नामा बसेका चुरे तथा वनजंगल संरक्षण अभियानका अभियन्ताहरुले मन्त्रीलाई लिखित रुपममा ज्ञापनपत्रपनि बुझाए । 

ज्ञापनपत्र बुझ्दै मन्त्री रिजालले नदिलाई प्रदूषणण र अतिक्रमणमुक्त बनाउने अभियानको माग सम्बोधनका लागि आफू सकरात्मक रहेकाले धर्ना स्थगित गर्न आग्रह गरेका थिए । तर, मन्त्री रिजालको उक्त आग्रह आफूहरुले अस्वीकार गरेको धर्नामा बसेका अभियानका संरक्षक सरोज रायले बताए । 

रायले भने, ‘नदिलाई प्रदूषण र अतिक्रमणमुक्त बनाउनका लागि सरकारले नदि प्रदूषणण नियन्त्रण बोर्ड गठन गरोस् भन्ने हाम्रो मुख्य माग हो । यो माग बारे सरकारले लिखित रुपमा प्रतिबद्धता नजाएसम्म हामीले धर्ना फिर्ता लिँदैनौ भन्ने जवाफ हामीले मन्त्रीज्यूलाई दिएका छौँ ।’ 

सरकारले माग सम्बोधन नगरेसम्म आफूहरुले माइततीघर मण्डलाको धर्ना जारी राख्ने रायले स्पष्ट पारे । उनले सम्भवत मंगलबारका दिन प्रधानमन्त्री पुष्पकमल दाहाल प्रचण्डलाई भेटेर वीरगंजकाे सिर्सिया नदिबाट ल्याइएको प्रदूषित पानी उपहारका रुपमा दिने कार्यक्रम रहेको जानकारी गराए । 

झण्डै तीन दशकदेखि प्रदूषित वीरगंजकाे सिर्सिया नदिलाई प्रदूषण र अतिक्रमण मुक्त बनाउनका लागि सरकारलाई दबाब दिन वीरगंजदेखि पैदलयात्रा गरी काठमाडौँ पुगेका अभियन्ताहरुले माइतीघर मण्डलामा धर्ना सुरु गरेका हुन् ।

जेठ ४ गते वीरगंजस्थित सिर्सिया नदिनको दूषित पानी बोत्तलमा भरेर त्यहिँ दिनदेखि पैदल यात्रा थालेका अभियन्ताहरुले आइतबार ११ औँ दिन काठमाडौँ पुगेर माइतीघर मण्डलामा धर्ना दिएका हुन् । चुरे तथा वनजंगल संरक्षण अभियानको अगुवाईमा आइतबार काठमाडौँ पुगेका करिब २५ जना अभियन्ताहरु दिउँसो १ बजेदेखि धर्नामा बसेको अभियानका संरक्षक रायले जानकारी दिए ।

रेडियाे वीरगंजकाे आयाेजनामा आधारभुत पत्रकारिता तालिम सुरु

0

वीरगंज । रेडियाे वीरगंजले एक हप्ते उदघाेषक तथा आधारभुत पत्रकारिता तालिम सञ्चालन गरेकाे छ । वीरगंजस्थित हाेटल पुजनमा आइतबारदेखि सञ्चालित तालिमको वीरगंज महानगरपालिकाका मेयर राजेशमान सिंहले उद्घाटन गरेका हुन् ।

उद्घाटन समाराेहलाई सम्बाेधन गर्दै मेयर सिंहले आफ्नो याे कार्यकालमा यहाँका सबै पत्रकारहरु एकढिक्का भएर अगाडि बढेकाे हेर्न चाहेकाे बताए । वीरगंजका पत्रकारहरुलाई लक्षित गर्दै उनले भने, यदि मेरा कमिकमजाेरि भए निर्धक्क भएर लेख्नु हाेस्, मलाई कुनै आपत्ति छैन, त्यसले मलाई सच्चिने अवसर दिन्छ । तर यदि राम्रो काम गरेकाे छु भने त्यसबारे पनि निष्पक्ष भएर  लेख्न आग्रह गर्छु ।’

वीरगंजकाे पत्रकारितामा पनि केही सुधारकाे आवश्यकता रहेकाेले यसमा ध्यान दिन पत्रकार सम्बद्ध संघ/संगठनका अगुवाहरुकाे ध्यानाकर्षण पनि उनले गराए ।

नेपाल पत्रकार महासंघका केन्द्रीय सचिव दिपेन्द्र चाैहानले मुलुकमा आर्थिक मन्दीसंगै मिडिया क्षेत्र पनि संकटमा परेकाे बताए । पत्रकारिता क्षेत्रमा पनि केही विकृति भित्रीएकाेमा चिन्ता व्यक्त गर्दै उनले यसमा शुद्धीकरणकाे अपरिहार्यता रहेकाे बताए । पित्त पत्रकारिता नगर्न आग्रह गर्दै उनले भने, ‘पत्रकारिता क्षेत्रमा भविष्य छ, त्यसका लागि समुदायका लागि पत्रकारिता गर्नुपर्छ ।’

तालिमका मुख्य प्रशिक्षक डाक्टर नवराज लम्सालले जागिरकाे लागि मात्रै पत्रकारिता नगर्न वा याे क्षेत्रमा नआउन तालिममा सहभागी प्रशिक्षार्थीहरुलाई आग्रह गरे । उनले रेडियाे र रेडियाे कर्मीहरु खतराकाे माेडमा रहेकाे वताउँदै खतराबाट बच्न नयाँ दखल र प्रयासमा लाग्नु पर्ने वताए ।

रेडियाे वीरगंजका अध्यक्ष ध्रुब साहले वीरगंजका सञ्चार गृहमा अहिले जनशक्ति अभाव भएकाे बताए । त्यसैलाई मध्यनजर गरि तालिमकाे आयाेजना गरिएको बताउँदै उनले तालिममा सहभागि १५ जना प्रशिक्षार्थीहरु मध्ये ६ जनालाई रेडियोमा राेजगारी दिने याेजना रहेकाे वताए ।

साहकै अध्यक्षतामा भएकाे तालिम उद्घाटन कार्यक्रममा वीरगंज उद्योग वाणिज्य संघका अध्यक्ष अनिल कुमार अग्रवाल, बानका पूर्व मधेस प्रदेश महासचिव आर सी यादव, समाजवादी प्रेस संगठन पर्साका अध्यक्ष मनाेज पटेल, नेपाल प्रेस युनियन पर्साका निर्वतमान अध्यक्ष रामनारायण कुर्मी, उपाध्यक्ष क्रान्ति शाह,  मेयर राजेशमान सिंहका प्रेस सल्लाहकार महेश दास, जनसम्पर्क सल्लाहकार नवराज फुयाँल, मधेसदृष्टी पत्रिकाका प्रधान सम्पादक रामकुमार एलन, रेडियाे पाेखरियाका अध्यक्ष छठु साह लगायतकाे पनि उपस्थिति रहेकाे थियाे । कार्यक्रमकाे सहजिकरण संचारकर्मी ध्रुब अधिकारीले गरेका थिए ।

लागु औषध चरेशसहित कालिकामाईका पासवान पक्राउ

0

वीरगंज । प्रहरीले पर्साकाे कालिकामाई गाउँपालिका वडा नं. १ स्थित नहर सडक खण्डबाट लागु औषध चरेश सहित एक जनालाई पक्राउ गरेकाे छ । पक्राउ पर्नेमा कालिकामाई गाउँपालिका वडा नं. १ मुडली निवासी २१ बर्षिय अनिल पासवान रहेका छन् ।

प्रहरी चौकी आशवारीबाट खटिएको नियमित चेकिङ्ग टोलीले शंकास्पदरूपमा आएका बिआर२२एटि ८४९८ नम्बरको मोटरसाइकल रोकी माेटरसाइकलमा सवार पासवानलाई चेकजाँच गर्दा उनकाे साथबाट लागु औषध चरेश बरामद भएपछि नियन्त्रणमा लिइएकाे जिल्ला प्रहरी कार्यालय पर्साले जनाएकाे छ ।

निजले ढाडमा पछाडी भिरेको झोला भित्र लुकाई छिपाई राखिएको लागु औषध चरेश २० प्याकेट प्रति प्याकेट ५०० ग्रामका दरले जम्मा १० के.जी.लागु औषध चरेश फेला परेको जिल्ला प्रहरी कार्यालय पर्साका प्रवक्ता प्रहरी नायब उपरिक्षक दिपक गिरीले जानकारी दिए ।

लागु औषध तथा माेटरसाइकल बरामद गरी निजलाई नियन्त्रणमा लिई ईलाका प्रहरी कार्यालय पोखरिया पर्सामा ल्याइ थप अनुसन्धान भइरहेकाे उनले वताए ।

जिल्ला विपद् ब्यवस्थापन समिती पर्साको बैठक सम्पन्न

0

वीरगंज । जिल्ला विपद् ब्यवस्थापन समिती पर्साको बैठक शुक्रबार सम्पन्न भएकाे छ । जिल्ला प्रशासन कार्यालय पर्सामा बसेकाे बैठकले ४ महत्वपूर्ण निर्णय गर्दै सम्पन भएको हाे ।

जिल्ला विपद् ब्यवस्थापन समितीका अध्यक्ष समेत रहेका प्रमुख जिल्ला अधिकारी हिरालाल रेग्मीको अध्यक्षतामा बसेको बैठकले बिगतका निर्णयहरु समिक्षा गर्दै अगामी दिनकाे विपद् जाेखिमलाई ध्यानमा राखेर सम्बद्ध निकायलाई तयारी अवस्थामा रहन निर्णय गरेकाे छ ।

यस बर्षको लागी विवरण अधावधि गरी तयार गरिएको मनसुन पुर्ब तयारी तथा प्रतिकार्य योजना २०८० लाई पनि बैठकले स्वीकृत गरेको छ । यस बर्षमा सम्मपुर्ण निकायले मन्सुन अन्य विपद् जस्तै डुबान, बाढी जस्ता विपद् खोज तथा उद्दार र राहत यसै योजना बमोजिम गर्ने गराउने गरी पनि निर्णय गरेको छ ।

मनसुन पुर्ब तयारी तथा प्रतिकार्य योजना किटानी गरे अनुसार सबै स्थानिय तहहरु, सुरक्षा निकाय लगायतका आफनो जिम्मेवारी निर्वाह गर्ने, जनशक्ति, उपकरण एवम् स्राेत साधनको यथोचित ब्यवस्थापन गर्ने निर्णय गरेको छ ।

यसैगरी बैठकले नेपाली शेना श्रीजंग गणले यहि १४ गते आईतबार देखी २० गते सम्म संचालन हुने विपद् न्युनिकरण तथा अभ्यास मनसुन सम्बन्धी कार्यक्रमको बारेमा जानकारी गराउनुका साथै सबै सुरक्षानिकायं एवम् सरोकार वालाहरुलाई गणद्वारा आयोजित कार्यक्रममा सहभागी हुन समेत आग्रह गरेको छ ।

बैठकमा जिल्ला समन्वय समिती पर्साका प्रमुख अजय सर्राफ, बहुदरमाई नगरपालिकाका मेयर सिंहासन साह तेली, सहायक प्रमुख जिल्ला अधिकारी भिमकान्त पौडयाल, शिव लाम्साल, गैरसरकारी संस्था महासंघ नेपाल पर्साका अध्यक्ष छठु साह, नेपाल पत्रकार महासंघ पर्साका उपाध्यक्ष युवराज खड्का, उधोग बाणिज्य संघ पर्साका अध्यक्ष अनिल अग्रवाल, बिभिन्न राजनितीक दलका प्रतिनिधीहरु, सरकारी तथा गैरसरकारी संस्थाका प्रतिनिधीहरुको सहभागीता रहेको थियो ।

बैठकमा पर्सा १४ वटा पालिका प्रमुखलाई निमन्त्रण गरिए पनि एक मात्र पालिका प्रमुख आएको र १३ वटा पालिका प्रमुख अनुपस्थित रहेका थिए ।

केपी ओली संघियता खारेज गर्ने खेलमा सक्रिय : अध्यक्ष श्रेष्ठ

0

वीरगंज । समाजवादी प्रेस संगठन नेपालका केन्द्रिय अध्यक्ष शम्भु श्रेष्ठले प्रतिगमनको खतरा अझै नटरेकाे बताएका छन् । वीरगंजमा शुक्रबार बसेकाे समाजवादी प्रेस संगठन नेपाल जिल्ला शाखा पर्साको बैठकलाई सम्बोधन गर्दै अध्यक्ष श्रेष्ठले यस्ताे वताएका हुन् ।

उनले एमाले उठाएकाे प्रदेश खारेजीकाे कुरा संघियता खारेजीकाे माग भएकाे वताए । उनले भने “संविधान जारी भएपछि प्रदेश सभाकाे दुई वटा निर्वाचन सम्पन्न भएकाे छ । प्रदेशलाई बलियाे बनाउन भुमिका खेल्नु पर्नेमा एमालेले प्रदेश खारेजीकाे माग गर्नु अराजक्ता हाे ।”

नेकपा एमालेलको बजेट अधिवेशनलाई फेल गर्ने रणनिती रहेको बताउँदै उनले देशमा अस्थिरता सृजना गरी संघियतालाई खारेज गर्ने खेलमा एमालेमा अध्यक्ष केपी ओली लागेको बताए । एमालेको दोस्रो तहका नेताहरुले संघियता खारेज गर्नु पर्छ बोलेको बोली ओली कै रहेको उनकाे भनाई थियाे ।

देशलाई अस्थिर बनाएर संघियतालाई धरापमा पर्ने ओलीको रणनिति रहेको वताउँदै उनले यसको लागि अगामी प्रधानमन्त्रीको रुपमा एमाले अध्यक्ष ओलीले जनता समाजवादी पार्टीका अध्यक्ष उपेन्द्र यादवलाई अगाडी सर्ने तयारीमा रहेको दाबी गरे ।

संगठनकाे केन्द्रिय महाधिवेशन तयारीकाे क्रममा वीरगंज पुगेका अध्यक्ष श्रेष्ठले संगठन गतिशिल बनाउनु पर्नेमा जाेड दिए ।

समावादी प्रेस संगठन पर्साका अध्यक्ष मनोज पटेलको अध्यक्षतामा बसेको बैठकमा संगठनका केन्द्रिय उप महासचिव रामकुमार ऐलन, केन्द्रिय सदस्य बृजलाल पासवान, प्रदेश सचिव रमेश सुवेदी, नेकपा एकिकृत समाजवादी पार्टीका बीरगंज महानगर कमिटि अध्यक्ष मनोज चौधरी, संगठन पर्साका सल्लाहकार चन्द्रभुषण साह लगायतको उपस्थिती रहेको थियो ।

वीरगंजस्थित मधुशाला रेस्टुरेन्टमा बसेकाे बैठको सहजिकरण संगठन पर्साका उपाध्यक्ष शम्भु कुमार सुमनले गरेका थिए ।

जसपाको प्रमुख सचेतकमा प्रदीप यादव नियुक्त

0

वीरगंज । प्रतिनिधिसभा सदस्य प्रदीप यादव जनता समाजवादी पार्टी नेपाल (जसपा) को प्रमुख सचेतक नियुक्त भएका छन् ।

पर्सा निर्वाचन क्षेत्र नम्बर १ बाट निर्वाचित प्रतिनिधिसभा सदस्य यादवलाई जसपाका अध्यक्ष उपेन्द्र यादवले पार्टीको तर्फबाट संघीय संसदको संसदीय दलको प्रमुख सचेतकमा नियुक्त गरेका हुन् ।

जसपा अध्यक्ष उपेन्द्र यादवले पूर्व वन तथा वातावरणमन्त्री समेत रहेका यादवलाई प्रमुख सचेतकमा नियुक्त गरिएको जानकारी संघीय संसद सचिवालयलाई शुक्रबार जानकारी दिएका छन् ।

संघीय सांसद्का पदाधिकारी तथा सदस्यहरुको पारिश्रमिक र सुविधा सम्बन्धी ऐन तथा नियमानुसार पाउने सुविधा उपलब्ध गराइदिने व्यवस्थाका लागि अध्यक्ष यादवले संघीय संसद सचिवालायलाई आग्रह गरेका छन् ।

अनलाइन मार्फत जुवा/सट्टावाजी गर्ने चार जना पक्राउ

0

वीरगंज । अनलाइन मार्फत आइपिएल २०२३ काे जुवा/सट्टावाजी गर्ने ४ जनालाई प्रहरीले पक्राउ गरेकाे छ । विशेष सूचनाको आधारमा जिल्ला प्रहरी कार्यालयबाट खटिएको प्रहरी टोलीले वीरगंज महानगरपालिका वडा नं.१५ स्थित संजय श्रीवास्तवको तिन तल्ले पकी घरबाट एक भारतियसहित ४ जनालाई नियन्त्रणमा लिएकाे हाे । 

बाराकाे कलैया उपमहानगरपालिका वडा नं. ४ निवासी ३१ बर्षिय सरोज साह, सर्लाहीकाे रामनगर गाउँपालिका वडा नं.६ निवासी ३५ बर्षिय सन्तोष कुमार यादव, पर्साकाे वीरगंज महानगरपालिका वडा नं.२४ निवासी ३४ बर्षिय धुरेन्द्र प्रसाद यादव र भारतकाे उत्तर प्रदेश गोरखपुर देवरिया निवासी ५२ बर्षिय मुन्ना भन्ने धर्मनाथ प्रसाद जैसवाललाई पक्राउ गरिएकाे जिल्ला प्रहरी कार्यालय पर्साले जनाएकाे छ ।

श्रीवास्तवको तिन तल्ले पकी घरको माथिल्लो तल्लाको उत्तर पट्टीको कोठामा अनलाइन मार्फत Mumbai Indians VS Lucknow Super Giants टिमको सट्टाबाजी गरिरहेको अवस्थामा बुधबार विहान ११:४५ बजेकाे समयमा चारै जनालाई पक्राउ गरिएकाे जिल्ला प्रहरी कार्यालय पर्साका प्रवक्ता प्रहरी नायब उपरिक्षक दिपक गिरीले जानकारी दिए ।

प्रहरी टोलीले उक्त घरको कानूनी रीत पुर्‍याई खानतलासी गर्दा पक्राउ परेकाहरुले संचालन गरेको सट्टाबाजीमा प्रयोग भएको विभिन्न प्रकारका मोबाईल, ल्यापटप तथा नेपाली नगद रू. ३ लाख ९० हजार ५ सय, भारतीय नगद रू. १५ हजार ७ सय ७५  र खेलको लाइभ हेर्न प्रयोग भएको आइडिया कम्पनीको ३२ इन्चकाे एलईडि टिभि समेत फेला परेको प्रवक्ता गिरीले वताए ।

 पक्राउ परेकाहरु विरुद्द अनलाइन सट्टाबाजी सम्बन्धी कसूरमा बिहिबार जिल्ला प्रशासन कार्यालय पर्साबाट म्याद थप गरी  थप अनुसन्धान कार्य भैरहेको उनले जानकारी गराए ।