Date
सोम, कार्तिक ३०, २०८३
Mon, November 16, 2026
Home Blog Page 530

समाजमा भ्रष्टाचारको नांगो रूप देखिन थाल्यो : माधव नेपाल

0

वीरगंज । नेकपा (एकीकृत समाजवादी) का अध्यक्ष माधवकुमार नेपालले नेपाली समाजमा भ्रष्टाचारको नांगो रूप देखिएको टिप्पणी गरेका छन् ।

शुक्रबार काठमाडौंमा भएको पार्टी निकट समाजवादी प्रेस संगठनको पहिलो केन्द्रीय अधिवेशनलाई सम्बोधन गर्दै उनले नेपाली राजनीतिमा सबैभन्दा चर्को रूपमा भ्रष्टाचारको प्रवृत्ति देखिएको बताएका हुन् ।

पूरै राजनीति विकृत हुनुको पछाडि भ्रष्टाचार रहेको भन्दै उनले नेपालमा बिनापैसाको कुनै काम नहुने अवस्था आएको बताए । जनतालाई पीडा दिने र शोसक सामन्तहरू र दलाल पुँजीहरू हाबी हुन पुग्ने, इमान्दार र असल मानिस पाखा लाग्नुपर्ने स्थिति सिर्जना भएको उनले बताए ।

सबैठवा र जगरनाथपुरमा पनि अतिक्रमित संरचना हटाइयो

0

वीरगंज । वीरगंज महानगरपालिकाले वडा नम्वर २२ र २३ का विभिन्न स्थानमा सार्वजनिक ऐलानी जग्गा अतिक्रमण गरेर निर्माण गरेको संरचना शुक्रबार डोजर लगाएर हटाएको छ ।

महानगरले वडा नम्वर २२ जगरनाथपुरमा सार्वजनिक जग्गा अतिक्रमण गरि बनाइएको संरचना हटाउँदै हटाइएको जग्गामा सडक निर्माणको कार्य अघि बढाएको छ । सडकको जग्गा मिचेर बनाएको संरचना हटाउँदै सडक फराकिलो बनाइएको महानगरको भौतिक संरचना अतिक्रमण नियन्त्रण समितिका संयोजक समेत रहेका वडा नम्वर ५ का वडाध्यक्ष प्रदीप चौरसियाले बताए ।

यस्तै आजै वडा नम्वर २३ सबैठवामा पनि अतिक्रमण गरेर निर्माण गरिएको संरचना हटाइएको छ । महानगर प्रमुख राजेशमान सिंहको निर्देशनमा अहिले ३२ वटै वडामा सार्वजनिक ऐलानी जग्गा खोजी तथा अतिक्रमण गरि निर्माण गरिएको संरचना हटाउने अभियान नै चलेको छ । सोही अनुसार आज एकै दिन २ वटा वडामा अतिक्रण गरेर निर्माण गरिएको संरचना हटाइएको हो ।

अतिक्रमण हटाउन नापजाँच गरेर पटक पटक आग्रह गर्दा पनि अटेर गरेपछि शुक्रबार महानगरको टोलीले आफैं डोजर लगाएर अतिक्रमण हटाएको हो ।

अतिक्रमण हटाउन महानगरको भौतिक संरचना अतिक्रमण नियन्त्रण समितिका संयोजक समेत रहेका वडाध्यक्ष चौरसिया, सचिवालय सल्लाहकार हरि पोखरेल, जनसम्पर्क सल्लाहकार नवराज फुयाँल, नगर प्रहरी प्रमुख हरि भुषाल लगायतको सहभागीता थियो ।

ओडिसा ट्रेन दुर्घटनामा परि पर्साकाे एक किशाेर घाइते भएकाे फेला

0

वीरगंज । भारतको पूर्वी क्षेत्रमा अवस्थित ओडिसा राज्यको बालासोर जिल्लामा भएकाे ट्रेन दुर्घटनामा परि पर्साकाे एक किशाेर गम्भिर घाइते भएकाे खुलेकाे छ ।

पकहाँ मैनपुर गाउँपालिका वडा नं. ३ मानिपुर निवासी १५ बर्षिय प्रेमानन्द पासवानी घाइते भएका हुन् । उनकाे एस‍.सि.बि. मेडिकल कलेजकाे ट्रमा आइसियु बेडमा उपचार भइरहेकाे छ । 

घाइते किशाेर भारतकाे ओडिसा अध्ययनकाे शिलशिलामा गएका थिए । उनी जेठ १९ गते शुक्रबार ओडिसामा भएकाे ट्रेन दुर्घटनामा परेकाे परिवारजनालाई जानकारी भएपनि अवस्था बारे खाेजि कार्यमा थिए ।

साेही क्रममा बुधबार भारतिय एमबिसि वीरगंज मार्फत पकहाँ मैनपुर गाउँपालिकाका प्रमुख प्रशासकिय अधिकृत राज कुशवाहा समक्ष जानकारी पुगेपछि उनले परिवारजनलाई जानकारी गराएका हुन् ।

ओडिसामा भएकाे रेल दुर्घटनामा दुई सय ६० जनाको मृत्यु भएको र एक हजार भन्दा बढी घाइते भएका छन् ।

नगवामा कृषि बजारकाे सांसद यादवद्वारा शिलान्यास

0

वीरगंज । वीरगंज महानगरपालिकाकाे वडा नम्बर १६ नगवामा कृषि बजार निर्माण कार्य सुरु भएकाे छ ।

पर्सा क्षेत्र नम्बर १ का प्रतिनिधि सभा सदस्य (सांसद) प्रदीप यादव र वीरगंज महानगरपालिकाका मेयर राजेशमान सिंहकाे पहलमा किसानहरुले उत्पादन गर्ने कृषि उपज बिक्री वितरणका लागि नगवामा थाेक कृषि बजार निर्माण गर्न थालिएको हाे ।

बुधबार पुर्व वन तथा वातावरण मन्त्रीसमेत रहेका सांसद यादवले कृषि बजारकाे शिलान्यास गरेका हुन् । त्यस अवसरमा वीरगंज महानगरका मेयर सिंह, वडा नम्बर १६ का वडाध्यक्ष परशुराम चाैरसिया लगायतकाे पनि उपस्थिति थियाे ।

पुर्वमन्त्री यादव र मेयर सिंहकाे पहलमा मधेस प्रदेश सरकारले उपलब्ध गराएकाे ३ कराेड रुपैयाँको लागतमा कृषि बजार निर्माण गर्न लागिएको मेयर सिंहका स्वकीय सचिव सत्यराज घिमिरले जानकारी दिए ।

कृषि बजार निर्माणकार्यकाे ठेक्का दीप तामाकाेशअं कन्ट्रक्शन प्रालि भक्तपुरले सकारेकाे छ । आगामी असार मसान्तभित्र निर्माणकार्य सम्पन्न गरिसक्नुपर्ने सम्झाैतामा उल्लेख छ ।

कृषि बजारमा कृषि सेड, कंक्रिट पेभर, शाैचालय लगायतका संरचना निर्माण गरिने घिमिरेले जानकारी दिए ।

बेलवामा पनि हटाइयो ऐलानी जग्गाकाे अतिक्रमण

0

वीरगंज । वीरगंज महानगरपालिकाकाे वडा नम्बर ३१ बेलवामा पनि ऐलानी जग्गा अतिक्रमण गरि निर्माण गरिएका संरचनाहरु वीरगंज महानगरपालिकाले हटाएको छ ।

बेलवामा रहेकाे ४ कठ्ठा १० धुर ऐलानी जग्गामा अतिक्रमण गरि बनाइएका घरटहरा बुधबार महानगरकाे टाेलीले डाेजरले भत्काएर खाली गराएकाे हाे ।

यसअघि अतिक्रम हटाउन वीरगंज महानगरपालिकाले पटक पटक आग्रह गर्दा पनि अटेर गरिएपछि बुधबार महानगरकाे टाेलीले आफैं डोजर लगाएर ऐलानी जग्गा अतिक्रमण मुक्त गराएकाे हो ।

अतिक्रमण हटाउन गएकाे महानगरको टाेलीमा महानगरकाे भौतिक संरचना अतिक्रमण नियन्त्रण समितिका संयोजक समेत रहेका वडा नम्वर ५ का वडाध्यक्ष प्रदीप चौरसिया, सचिवालय सल्लाहकार हरि पोखरेल, नगर प्रहरी प्रमुख हरि भुषाल लगायतको सहभागीता थियो ।

उपयाेगविहिन जग्गामा सामुहिक तरकारी खेती गर्ने तयारी

0

वीरगंज । वीरगंज महानगरपालिकाले वडा नम्बर ३१ लक्ष्मीपुरमा रहेकाे ऐलानी जग्गामा सामुहिक तरकारी खेतीका लागि आवश्यक प्रकृया अगाडि बढाएकाे छ ।

बुधबार महानगरबाट खटिएको जनप्रतिनिधी र कर्मचारी सहितकाे टाेलीले लक्ष्मीपुरमा उपयाेगविहिन रहेकाे ३३ बिघा ४ कठ्ठा १० धुर ऐलानी जग्गा सामुहिक तरकारी खेतीका लागि छुट्टयाएकाे छ ।

तरकारीबाली पकेट विकास कार्यक्रम अन्तर्गत उक्त जग्गा स्थानीय स्तरमा कृषि समूह गठन गरि तरकारी खेतीका लागि जिम्मा लगाइने महानगरपालिकाकाे कृषि शाखाकी कृषि अधिकृत राेशनी यादवले बताइन् ।

बेराेजगार रहेका स्थानियलाई कृषि कर्ममा आकर्षित गरि आत्मनिर्भर बनाउन र किसानहरुकाे आयआर्जन बढाउने उदेश्यले उपयाेगविहिन रहेकाे खेतीयोग्य ऐलानी जग्गामा सामुहिक तरकारी खेती गर्नका लागि महानगरले तयारी अगाडि बढाएकाे महानगरका मेयर राजेशमान सिंहले बताए ।

बुधबार जग्गा छुट्टाउन गएकाे टाेलीमा महानगरकाे भाैतिक संरचना नियन्त्रण समितका संयाेजक प्रदीप चाैरसिया, मेयर सिंहकाे सचिवालय सल्लाहकार हरि पाेखरेल, महानगरकाे आर्थिक विकास महाशाखाकी अधिकृत प्रतिज्ञा वैद्य, नगर प्रहरी प्रमुख हरि भुषाल, अमिन देवलाल साह लगायतकाे सहभागीता थियाे ।

लाइन कटने समस्या समाधान गर्न नेकपा एसकाे माग

0
वीरगंज । नेकपा (एकीकृत समाजवादी) वीरगंज महागर कमिटीले बुधबार नेपाल विधुत प्राधिकरण, वीरगंज वितरण केन्द्र, वीरगंजमा ज्ञापन पत्र बुझाएकाे छ । छिनछिनमा लाइन कटने समस्या समाधानकाे माग गर्दै महानगर कमिटीले वीरगंज वितरण केन्द्रका प्रमुख अवधेश कुमार दुवेलाई ज्ञापन पत्र बुझाएकाे हाे ।
 
तराईमा केहि देखि बढदो चर्को गर्मीका कारण जनजीवन कष्ठकर बन्दै गएको जनाउँदै नेकपा एसले एकाथरी चर्को गर्मीको पिडा र अर्को तर्फ वीरगंज वितरण केन्द्रले गर्ने गरेको अघोषित लोडसेडिङ्गका कारण जनजीवन थप कष्ठकर बनेको प्रति प्रमुख दुवेकाे ध्यानाकषर्ण गराएकाे छ ।
 
दिनभरी गर्मीमा जसो जसो आफ्नो जागिर, व्यापार व्यसाय गरी राती घर फर्किदा रातभरी लाइन छिनछिनमा आउँने जाने गरेको कारण आम जनता गर्मीले सुत्न समेत नपाएको कारण वीरगंजलाई यथासिध्र लोडसेडिङ्ग मुक्त गर्न वीरगंज वितरण केन्द्रसँग नेकपा एस वीरगंज महानगर कमिटीले ज्ञापन पत्र मार्फत माँग गरेकाे छ ।
 
नेकपा एसका वीरगंज महानगर अध्यक्ष मनाेज चाैधरीद्वारा हस्ताक्षरित ज्ञापन पत्रमा आफ्नो व्यस्थापन पदलाई सुधार गर्दै सेवा सुविधा चुस्त दुरुस्त नबनाए नेपाल बिधुत प्राधिकरण वीरगंज वितरण केन्द्र, वीरगंज बिरुद्ध पार्टी चरणबद्ध आन्दोलनमा उत्रिन बाध्य हुने उल्लेख गरिएकाे छ ।
ज्ञापन पत्र बुझाउन नेकपा एस वीरगंज महानगर कमिटीका सचिव बृजलाल पासवान, सह सचिव मनाेज पटेल, दलित मुक्ति माेर्चा पर्साका अध्यक्ष शुशिल हाजरा लगायतका वीरगंज वितरण केन्द्रमा पुगेका थिए ।
 
ज्ञापन पत्र बुझ्दै वीरगंज वितरण केन्द्रका प्रमुख दुवेले ठाउँ ठाउँमा हुने आगलागीका कारण लाइन कटने गरेकाे वताए । उनले वीरगंजका केही ठाउँका ट्रान्सफरम समेत फर्ने पर्ने भएकाेले फेर्न नसकेर ससमस्या हुने गरेकाे वताए ।
 
ट्रान्सफाँर्मर फेर्ने कामहरु भइरहेकाे वताउँदै प्रमुख दुवेले केही दिन लाइन कटने समस्या समाधान हुने जानकारी गराए ।

सिद्धार्थ माविकाे व्यवस्थापन समिति गुपचुप गठन

0

वीरगंज । वीरगंज महानगरपालिकाकाे वडा नं. १५ पिपरा स्थित श्री सिद्धार्थ माध्यमिक बिद्यालयका प्रधानाध्यापक राजेश्वर पाण्डे र वीरगंज महानगरपालिका शिक्षा महाशाखाका प्रतिनिधि हरि राउत कुर्मीले बिद्यालयमा मनोपरी गरेको अभिभावकहरुले आरोप लगाएका छन् ।

विद्यालयकाे जेठ २१ गते नयाँ व्यवस्थापन समिति गठनको लागि अभिभावक भेला वोलाइएकोमा भेलामा बिवाद भएपछि २३ गते छलफल गरी निर्णय गर्ने सहमती बनेको थियो । तर २३ गते बिवान ८ बजे अभिभावकहरु एक समुह स्कुल पुग्दा व्यवस्थापन समिति गठन भइसकेको जानकारी पाएपछि अभिभावकहरु आचर्यमा परेका छन् ।

स्कुलका प्रधानाध्यापक पाण्डे, वडाअध्यक्ष महबुब एलाही र वीरगंज महानगरपालिका शिक्षा महाशाखाका प्रतिनिधि कुर्मीको एकल मिलोमतोमा अभिभावकलाई जानकारी नै नदिई २२ गते राती गुपचुप तरिकाले २१ गतेकै मितिमा माइनेटिङ्ग किर्ते गरी चार जना सदस्यहरुको नाम थप गरी बिरेन्द्र सघाईको अध्यक्षतामा व्यवस्थापन समितिलाई पुर्णता दिइएको अभिभावहरुको भनाई छ ।

२१ गते भएको अभिभावक भेलामा सघाई बाहेक सबै सदस्यहरुको नाममा बिवाद सृजना भएपछि अर्को भेला २३ गते गर्ने र सो भेलाबाट समितिलाई पुर्णता दिने सहमती बनेको थियो ।

लाखाैं आम्दनी रहेकाे राधाकृ्ष्ण मठ व्यवस्थापन अभावमा जिर्ण

0

वीरगंज । पर्साको पकहाँ मैनपुर गाउँपालिकाको वडा नम्बर २ मा रहेको राधाकृष्ण मठ सुर्जाहा कट्टीमा लाखौको आम्दानी रहेता पनि ब्यवस्थापन बिना मठ नै जिर्ण बनेको छ । बिगत सयौं बर्ष अगाडी देखी निर्माण भएको राधाकृष्ण मठको अवस्था एकदमै दैनिय रहेको स्थानियहरु गुनासो गरेका छन ।

मठको आफनो स्वामित्वमा ६७ बिगहा जग्गा रहेको छ । सो मध्ये २५ बिगहाको बालीको २२ लाख रकम र ७ बिगहामा रहेको पोखरीको टेन्डरपाटाबाट ५ बर्षमा ६२ लाख रकम आम्दानी रहेको छ । बाली र पोखरीबाट बार्षिक २२ देखी २५ लाख आम्दानी आउने गरेको छ ।

सोही मठमा रहेको पकहाँ मैनपुर गाउँपालिकाको वडा नम्बर १ धोरेमा ८ बिगहा, वडा नम्बर ४ लहावरथकरीमा ३ बिगहा, सुर्जाहा २ मा २ बिगहा, कालिकामाई गाउँपालिकाको वडा नम्बर ४ प्रशुरामपुर बलुवामा ३ बिगहा, जगरनाथपुर गाउँपालिकाको वडा नम्बर ६ सन्ठी औराहामा ५ बिगहा, धोबिनी गाउँपालिकाको गुलरिया टोलमा डेढ बिगहा र पोखरीया नगरपालिकाको सतवरिया टोलमा १ बिगहा गरी लगभग ४० बिगहाको बालीबाट आम्दानीको रुपमा मठलाई शुन्य आउँछ ।

सयौं क्वीन्टल धान आम्दानी हुनु पर्नेमा शुन्य अवस्थामा रहेकोले ब्यवस्थापन पक्ष तथा निती, नियम, कानुन र राजनिती कुर्कताले धार्मिक स्थालमा सो ठाउका स्थानियहरु मठमा पुजाआजाका लागी जान नमानेको स्थानिय श्रीकान्त बैठाले बताए । ६७ बिगहा मध्ये रहेको २५ बिगहा जग्गाको बाली र ७ बिगहाको पोखरीको आम्दानी सिधै गुठी संस्थान कार्यालय बिरगंज पर्सामा जम्मा हुने गरेको छ ।

आम्दानी मात्रै लिने गरेको गुठीले जिर्ण रहेको मठको संरचना भत्कने गर्दा पनि मरम्मत नगरेको स्थानियको आरोप छ । केही दिन अगाडी माओवादी द्धन्दकालमा माआ्वादीका जनसरकारले सोही जग्गाका बालीबाट चुही रहेको छत ढलान तथा मरम्मत संभार गराउनुका साथै रंगरोगन समेत गराएको स्मरण स्थानिय तथा मठका चौकीदार अवधेश बैठाको रहेको छ ।

स्थानिय श्रीकान्त बैठका अनुसार पोखरीको आम्दानी, बगैचाको आम्दानी, खेतीपाती, गाईभैसीबाट आउने आम्दानी नियमित आईदियो भने यस्तो जिर्ण हुने अवस्था हुने थिएन । मठकै जग्गामा प्रहरी केम्पको स्थापना पनि छ । बर्तमान अवस्थामा जगरनाथपुर गाउँपालिकाका सन्ठी निवासी मनिष पाण्डे १५ हजारको तलबबाट पुजाआजा गर्दै आएका छन ।

एक भारतीय नागरिक भारत बिहारको पश्चिमी चम्पारणमा पर्ने चनपटिया निवासी बिनय मिश्रा भन्डारीको रुपमा ६ हजारको तलबमा कार्यरत छन भने मठको रेखदेखका लागी स्थानिय सुर्जाहा निवासी अवधेश बैठाले बार्षिक ३५ मन धान लिएर काम गर्दै आएका छन । तीनै जनाको तलब गुठी संस्थान वीरगंजले दिइएको पुजारी मनिष पाण्डेले बताए ।

मठकै जग्गामा विश्व विद्यालयका लागी अवलोकन भएको छ भने गाउँपालिकाको परिषदले पारित गर्दै बिश्वबिधालय संचालनका लागी सिफारिस तथा अपिल पनि गरिसकेको प्रमुख प्रशासकिय अधिकृत राज कुश्वाहाले बताए ।

कुश्वाहका अनुसार पालिका अध्यक्ष सुरेश मेहता सहितका टोलीले मठको अवलोकन र अनुगमन गर्दै आर्थिक बर्ष २०८०।०८१ को बजेटमा केही बिनियोजन गर्ने बताएका छन् ।

अने किसान महासंघकाे प्रदेश अधिवेशन वीरगंजमा हुँदै

0

वीरगंज । अखिल नेपाल किसान महासंघ मधेश प्रदेश कमिटीको प्रथम अधिबेशनको तयारी सम्बन्धी बैठक सोमबार सम्पन्न भएको छ । महासंघका केन्द्रीय सचिव तथा मधेश प्रदेश इन्चार्ज उमेश गुप्ताको अध्यक्षतामा सम्पन्न बैठकमा भोली माङलबार वीरगञ्जको रानीसती अथिती सदनको हुने प्रथम अधिवेशनको तयारी पूरा भएको जनाइएकाे छ ।

साथै उक्त अधिवेशन भब्यताका साथ सम्पन्न गर्ने निर्णय पनि भएको छ । भोलिको अधिवेशनको समुद्घाटन नेकपा एमाले पार्टीका केन्द्रिय सचिव तथा पूर्व उपप्रधानमन्त्री रघुबिर महासेठले  गर्ने कार्यक्रम रहेकाे महासंघ इन्चार्ज गुप्ताले जानकारी दिए ।

कार्यक्रममा मधेश प्रदेशबाट करिब २०० जनाको सहभागिता रहने महासंघका केन्द्रीय महासचिव बाबुराम थापाले जानकारी दिए । साथै भोलिको अधिवेशनले नयाँ कार्यसमिति चयन गर्ने र सो कमिटीले यस प्रदेशमा रहेका किशानको मुख्य समस्याको रूपमा रहेको खाद, मल, सिंचाई, बिउ, उत्पादनका मूल्य लगायतका समस्याहरूलाई जोरदार रूपमा उठाउने महासचिव थापाले जानकारी दिए ।

बैठकमा महसंघका केन्द्रीय अध्यक्ष प्रेम दुङ्गाल, उपाध्यक्ष राजकुमार उप्रेती, नेकपा एमाले पार्टीका पर्सा जिल्ला संयोजक डा. विशम्बर शर्मा, एमाले वीरगंज महानगर सचिव सुन्दर कुर्मी, खेलकुद महासंघका केन्द्रीय सचिव शिवजी गुप्ता, स्थाई कमिटी सदस्य भोला यादव, राजाराम यादव, कमला खरेल उप्रेती , केन्द्रीय सदस्यहरु अमल यादव, मनोज कुशवाहा, सरिता गिरी, शोभा लामा लगायतको उपस्थिति रहेको थियो ।