वीरगंज । भारतको पूर्वी क्षेत्रमा अवस्थित ओडिसा राज्यको बालासोर जिल्लामा भएकाे ट्रेन दुर्घटनामा परि पर्साकाे एक किशाेर गम्भिर घाइते भएकाे खुलेकाे छ ।
पकहाँ मैनपुर गाउँपालिका वडा नं. ३ मानिपुर निवासी १५ बर्षिय प्रेमानन्द पासवानी घाइते भएका हुन् । उनकाे एस.सि.बि. मेडिकल कलेजकाे ट्रमा आइसियु बेडमा उपचार भइरहेकाे छ ।
घाइते किशाेर भारतकाे ओडिसा अध्ययनकाे शिलशिलामा गएका थिए । उनी जेठ १९ गते शुक्रबार ओडिसामा भएकाे ट्रेन दुर्घटनामा परेकाे परिवारजनालाई जानकारी भएपनि अवस्था बारे खाेजि कार्यमा थिए ।
साेही क्रममा बुधबार भारतिय एमबिसि वीरगंज मार्फत पकहाँ मैनपुर गाउँपालिकाका प्रमुख प्रशासकिय अधिकृत राज कुशवाहा समक्ष जानकारी पुगेपछि उनले परिवारजनलाई जानकारी गराएका हुन् ।
ओडिसामा भएकाे रेल दुर्घटनामा दुई सय ६० जनाको मृत्यु भएको र एक हजार भन्दा बढी घाइते भएका छन् ।
