Date
सोम, कार्तिक ३०, २०८३
Mon, November 16, 2026
Home Blog Page 528

स्वास्थ्यकर्मी संघ वीरगंजकाे प्रथम अधिवेशन सम्पन्न

0

वीरगंज । नेपाल स्वास्थ्यकर्मी संघ वीरगंज महानगरपालिकाकाे प्रथम अधिवेशन सम्पन्न भएको छ । नेपाल ट्रेड युनियन कांग्रेससंग आवद्ध रहेको नेपाल स्वास्थ्यकर्मी संघकाे अधिवेशनबाट निर्वाचित पदाधिकारी तथा सदस्यहरुकाे सपथ ग्रहण तथा प्रमाण पत्र वितरण कार्यक्रम शुक्रबार सम्पन्न भएकाे हाे ।

उक्त कार्यक्रमको प्रमुख अतिथि वीरगंज महानगरपालिकाका उप-प्रमुख इम्तियाज आलमले प्रमाणपत्र वितरण गरेका थिए । सपथ ग्रहण तथा सम्मान कार्यक्रमलाई सम्बाेधन गर्दै उपप्रमुख आलमले स्वास्थ क्षेत्रमा खटिएका स्वास्थ्यकर्मीहरु भगवानको दोस्रो रुप मानिने गरेकाे वताए ।

स्वास्थ्यकर्मीहरुको कदर गरि उचित मुल्यांकन हुनु आवश्यक रहेकाे वताउँदै उनले आउने दिनमा म संग हुने सहयोग गर्ने प्रतिबद्धता जनाए । 

नेपाल स्वास्थ्यकर्मी संघ जिल्ला कार्य समिति पर्साका अध्यक्ष श्रीजना चौधरीकाे अध्यक्षतामा भएकाे कार्यक्रममा नेपाली कांग्रेस पर्सा प्रदेश सभा क्षेत्र नम्बर १ को २ को सभापति अनिल सिंह, ट्रेड युनियन पर्साका जिल्ला सभापति छाेटेलाल साह, नेपाली कांग्रेसका पोखरीया नगरपालिकाका नगर सचीव धर्मराज यादव, उप प्रमुखका प्रेस सल्लाहकार महमद सदाब लगायतकाे सहभागिता रहेकाे थियाे ।

गोल्डेन फ्युचरले मैनेजमेन्टकाे कक्षा संचालन गर्दै

0

वीरगंज । वीरगंज महानगरपालिकाकाे वडा नं. ११ श्रीपुरमा रहेको गोल्डेन फ्युचर कलेजले मैनेजमेन्टकाे कक्षा संचालन गर्ने भएको छ । कलेजले शुक्रबार पत्रकार सम्मेलन आयाेजना गरेर प्लस २ काे मैनेजमेन्टकाे कक्षा स‌ंचालन गर्न लागिएकाे जनाएकाे हाे ।

कलेजका संचालक डा. उमेश चौरसियाले वीरगंजको निरासापुर्ण शैक्षिक अवस्थालाई बदली शैक्षिक हबको रुपमा बिकाश गर्न प्रयोगात्मक, शिपमुलक, अनुसन्धानमुलक शिक्षा दिने उद्देश्यले कलेज स्थापना गरिएको जानकारी दिए ।

ठाकुर राम कलेजका पूर्व क्याम्पस प्रमुख समेत रहेका चाैरसियाले दक्ष अनुभवी शिक्षक शिक्षिकाको टिमबाट अध्यापनको व्यवस्था, हप्तामा एक दिन बुक फ्रि बनाई बिद्यार्थीहरुलाई प्रयोगात्मक पठन पाठन लगायतको व्यवस्था गरिएको जानकारी दिए ।

वीरगंजका १० स्थानमा फ्री वाइफाई सुरु

0

वीरगंज । वीरगंज महानगरपालिकाले महानगरभित्रका विभिन्न सार्वजनिक स्थल एवं भिडभाड हुने सरकारी कार्यालय क्षेत्रमा निशुल्क वाइफाई (फ्री वाईफाई) सेवा सुरु गरेको छ । पहिलो चरणमा महानगरका १० ठाउँमा यस्तो सेवा उपलब्ध गराइएको हो ।

महानगरले इन्टरनेट सेवा प्रदायक कम्पनी वल्र्डलिंकसँगको सहकार्यमा घण्टाघर चोक, माइस्थान चोक, जिल्ला प्रशासन कार्यालय, मालपोत कार्यालय, जिल्ला अदालत, यातायात, नारायणी अस्पताल, विद्युत प्राधिकरण, भन्सार कार्यालय र महानगर कार्यालय क्षेत्रमा फ्री वाईफाई सेवा सुरु भएकाे जनाएकाे छ ।

महानगरमा शुक्रबार औपचारिक कार्यक्रम गरि सेवा सञ्चालनको सुरुवात गरिएको हो । महानगर प्रमुख राजेशमान सिंहले फ्री वाईफाईको सुरुवात गर्दै महानगरवासीलाई समयानुकूल प्रविधिमैत्री सेवा विस्तार गरी वीरगंजलाई डिजिटल सहरको रुपमा अघि बढाउन यस्तो सेवा सुरु गरिएको बताए ।

महानगरलाई आईटी हब बनाउने आफूहरुको घोषित नीति नै रहेकाले त्यसलाई कार्यान्वयन गर्न आफूहरु लागि परेको पनि उनले वताए । हाललाई हरेक स्थानमा २ एमबीपीएस क्षमताको इन्टरनेट सुरु गरिएको र प्रयोगकर्ताको चाँपको आधारमा यसलाई बढाउँदै लगिने महानगरले जनाएको छ ।

आफूहरुले चुस्त सेवा दिने गरि महानगरसँग तीन वर्षका लागि सम्झौता गरेको वल्र्डलिंक कम्युनिकेशन्स लिमिटेड वीरगंज शाखाका ब्रान्च म्यानेजर अरफात देवानले जानकारी दिए ।

विपीएस प्लस २ कलेजमा निःशुल्क दन्त शिविर सम्पन्न

0

वीरगंज । वीरगंजस्थित विपीएस प्लस २ कलेजको आयोजनामा शुक्रबार निःशुल्क दन्त शिविर सम्पन्न भएको छ । कलेजमा अध्ययनरत कक्षा १२ का विद्यार्थीहरूको लागि निःशुल्क रूपमा आयोजना गरिएको शिविरमा २९० जना विद्यार्थीहरूको दाँत चेकअप गरिएको थियो ।

एमबी केडिया डेन्टल कलेजको विशेष सहयोगमा सो शिविर सम्पन्न भएको हो । डेन्टल कलेजका प्रधानाध्यापक डा. मनोज उपाध्याय, डा. सुधीर दास लगायतको टिमले विद्यार्थीहरूको दात चेकअप गरेका थिए ।

बिपीएस कलेजका सञ्चाक मुकेश गुप्ताको अध्यक्षतामा सम्पन्न शिविरमा कलेजका शिक्षक, शिक्षिका, विद्यार्थी, लगायतहरुको उपस्थिति रहेको थियो ।

कार्यक्रममा डा. मनोज उपाध्यायले यस कलेजसंग मिलेर काम गर्न पाउदा खुशी लागेको बताए । साथै बिपिएस +२ कलेगका फाउन्डर मुकेश गुप्ताले डा. उपाध्यायको सम्पूर्ण टिमलाई सम्मन्न समेत गरेका थिए ।

ठोरीकाे एक वर्षमा सवारी मर्मतमा साढे २४ लाख खर्च

0
वीरगंज । पर्साकाे ठोरी गाउँपालिकाले एक वर्षको अवधिमा सवारीसाधन मर्मतमा मात्रै साढे २४ लाख रुपैयाँ खर्च गरेको छ ।
 
महालेखा परीक्षकको कार्यलायले सार्वजनिक गरेको ठोरी गाउँपालिकाको आर्थिक वर्ष २०७८/७९ को वार्षिक लेखापरिक्षणको प्रतिवेदन अनुसार, ठोरी गाउँपालिकाले एक वर्षको अवधिमा सवारीसाधन मर्मतमा मात्रै २४ लाख ४० हजार ७ सय ९ रुपैयाँ खर्च गरेको हो ।
 
कर्मचारीले प्रयोग गर्ने १२ थान मोटरसाइकल, दुई थान ट्रीपर, एक एक थान एक्साभेटर, ब्याकलोडर, रोलर, ट्याक्टर र चार पाङ्ग्रे टाटा गाडी लगायत ३६ वटा सवारीसाधन मर्मतका लागि ठोरी गाउँपालिका कार्यालयले उक्त रकम खर्च गरेको प्रतिवेदनमा उल्लेख छ । गाउँपालिकाले यसरी औसतमा एउटा सवारीसाधन मार्फत गर्न झन्डै एक लाख रुपैयाँ खर्च गरेको देखिन्छ ।
 
‘पालिकाले उपलब्ध गराएको विवरण अनुसार ३६ सवारीसाधनको लागि मर्मत खर्च २४ लाख ४० हजार ७०९ गरे वापत एभरेजमा एउटा सवारीको लागि ९७ हजार ६२८ रुपैयाँ मर्मत खर्च भएको देखिएको छ’ महालेखाको वार्षिक प्रतिवेदनमा उल्लेख छ ।
 
आर्थिक कार्यविधि तथा वित्तीय उत्तरदायित्व नियमवाली, २०७७ बमोजिम सरकारी जिन्सी मालसामान हानी नोक्सानी नहुने गरी संरक्षण गर्ने र तिनीहरुको राम्रो सम्भार गरी वा चालू अवस्थामा राख्ने उत्तरदायित्व सम्बन्धित कार्यालय प्रमुखको हुन्छ ।
 
सोही बमोजिम कार्यालयमा रहेका चल्ती जिन्सी मालसामान मर्मत गर्नुपर्ने भएमा कार्यालय प्रमुखबाट मर्मत आदेश स्विर्कित गराइ मर्मत गरी खर्च लेख्ने र सोको मर्मत अभिलेख तयार गरी राख्नुपर्दछ । तर, ठोरी गाउँपालिकाका प्रमुख प्रशासकीय अधिकृत कृष्णलाल श्रेष्ठ र अन्य कर्मचारीले समेत नियम पालना गरेको देखिँदैन ।
 
ठोरी गाउँपालिकाले गरेको यस्तो अव्यवस्थित खर्चलाई नियन्त्रण गर्न महालेखा परीक्षकको कार्यालयले सुझाव  दिएको छ ।

प्रहरीले दु:ख दिएकाे ट्रान्सपोर्ट एसोसिएसनकाे आराेप

0

वीरगंज । ट्रान्सपोर्ट एसोसिएसन संघ वीरगंजले पछिल्लो समय प्रहरीले चेकजाँचको नाममा ट्रान्सपोर्टको माल समान रोकेर दु:ख दिएकाे आराेप लगाएका छन् । ट्रान्सपोर्टबाट गाडी ढुवानीको माल समान लोड गरेर गन्तव्य तर्फ निस्किदा प्रहरीले अनावश्यक रूपमा पक्राउ गरेर दु:ख दिएको भन्दै उनीहरूकाे आराेप छ ।

नेपाल पत्रकार महासंघ पर्साको सभाहलमा शुक्रबार पत्रकार सम्मेलनको आयोजना गरेर एसोसिएसन संघले प्रहरीले चेकजाँचको नाममा अनावश्यक रूपमा दिदै आएको दु:खलाई नरोके ढुवानी ठप्प पार्ने चेतावनी दिएका हुन । पत्रकार सम्मेलन अगाडि एसोसिएसन संघले पर्साका प्रमुख जिल्ला अधिकारी मार्फत प्रधानमन्त्रीलाई पनि ज्ञापनपत्र बुझाउदै तीन दिन भित्र प्रहरीले यस्ता गतिविधि नरोके ढुवानी रोक्ने चेतावनी दिएका थिए ।

उनीहरूले प्रहरीलाई ट्रान्सपोर्टबाट रकम माग गरेको तर नदिए गाडी रोकेर दु:ख दिदै आएको संघका सचीव नवराज अधिकारीले बताए । उनका अनुसार नेपाली माल समान लोड गर्दा पनि प्रहरीले गाडीलाई रोकेर चेकजाँच गरेर गाडीलाई होल्ड गरेर ढुवानी ब्यवसायीलाई समस्या पारेको छ ।

प्रहरीले घुमुवा पठाएर रकम माग गर्न लगाएको र नदिएपछि दु:ख दिने नियतले पक्राउ गर्न लगाएको उनको आरोप छ । पत्रकार सम्मेलनमा एसोसिएसन संघका उपाध्यक्ष प्रवीण कर्णको अध्यक्षतामा भएको पत्रकार सम्मेलनमा एसोसिएसन संघका कोषाध्यक्ष जिवेश मिश्र लगायतकाको सहभागीता रहेको थियो ।

गाउँपालिका अध्यक्षद्वारा आगलागी पीडितलाई सहयोग

0

वीरगंज । पर्साकाे जगरनाथपुर गाउँपालिकाका अध्यक्ष श्रीकान्त प्रसाद यादवले बिहिबार आगलागी पीडितलाई राहत सामग्री सहयोग गरेका छन् ।

गाउँपालिकाका अध्यक्ष यादवले आगलागी पिडित वडा नं. २ पान्डेपुर निवासी मन्जु महतो नुनिया र बिसुनपुरवा निवासी हिम्मतलाललाई राहत स्वरुप ब्यक्तिगत रुपमा नगद रु. ५ हजार र रेडक्रसको साझा सहयोगमा चामल, दाल, त्रिपाल, बाल्टि तथा भाडा बर्तन समेत पीडितलाई भेटी सहयोग गरेका हुन् ।
 
उक्त राहत सामग्री सहयोग गर्न गाउँपालिका अध्यक्षसहित वडाध्यक्ष लक्ष्मी साह तेली, नेपाली कुशवाहा, बिहारी प्रसाद नुनिया, नेता सुरेन्द्र सिंह क्षेत्री लगायत स्थानीय अगुवा तथा भद्र भलादमीको आगलागी स्थल मै पुगेका थिए ।

पकहाँ मैनपुरमा पाेषण सम्बन्धि अभिमुखिकरण सम्पन्न

0

वीरगंज । पर्साकाे पकहाँ मैनपुर गाउँपालिका वडा नं. ४ लहावरथकरीमा वडा स्तरिय अभिमुखिकरण र पाेषण मैत्री नमुना मुसहर बस्ती वा वडा घाेषणाकाे लागि कार्ययाेजना निर्माण सम्बन्धि एक दिने अभिमुखिकरण कार्यक्रम सम्पन्न भएकाे छ ।

सबैकाे लागि पाेषण र सधैका लागि पाेषण नाराकाे साथ बहुक्षेत्रिय पाेषण याेजना कार्यक्रम अन्तर्गत भएकाे पकहाँ मैनपुर गाउँपालिकाकाे आयाेजनामा भएकाे कार्यक्रमकाे सहजिकरण पाेष्ण सहजकर्ता गणेश राम, संजय कुमार, रामदेव साह लगायतले गरेका थिए । 

वडाध्यक्ष ढेडी यादवकाे अध्यक्षता र उपाध्यक्ष सर्फुन नेसाकाे प्रमुख आतिथ्यतामा भएकाे कार्यक्रममा प्रमुख प्रशासकिय अधिकृत राज कुशवाहा, कार्यपालिका सदस्य लालपरी देवी, वडा सदस्य पप्पु गिरी, इद्रिस मियाँ र संजु देवी लगायतकाे सहभागिता रहेकाे थियाे । 

वीरगंज मुख्य सडक विस्तार मुद्दाको सुनुवाइ फेरि सर्यो

0

वीरगंज । सर्वोच्च अदालतमा विचाराधीन रहेको वीरगंज महानगरपालिकाको मुख्य सडक विस्तारको मुद्दाको सुनुवाइ फेरि सरेको छ । बुधबार हेर्न नभ्याइनेमा राखिएको मुद्दामाको अर्को पेशी तिन महिना पछि असोज २२ गतेका लागि तोकिएको छ ।

त्रिभूवन राजपथअन्तर्गत वीरगंज महानगरपालिकाको गण्डक चोकदेखि पावर हाउस चोक, घण्टाघर, आदर्शनगर, रजतजयन्ति चोक हुँदै मितेरीपुलसम्मको सडक दाँयाबाँया २५/२५ मिटर फराकिलो गर्ने मुद्दाको बुधबार राखिएको पेशी हेर्न नभ्याएको भन्दै अर्को पेशी तोकिएको हो ।

मुद्दा सर्वोच्च अदालतका न्यायधिशद्वय विश्वम्भरप्रसाद श्रेष्ठ र तिलप्रसाद श्रेष्ठको संयुक्त इजलासमा मुद्दा क्रम सङ्ख्या ६, ७ र १७ नम्बरमा परेको थियो । तर सर्वोच्व अदालतले उक्त मुद्दाको सुनुवाई फेरि हेर्न नभ्याइनेमा राखेपछि २२ औं पटक उक्त मुद्दाको पेसी सरेको होे । बुधबार दिउँसो खाजापछि पेशी हेर्ने भनिएपनि खाजापछि अन्य मुद्दा पनि हेर्न बाँकी रहेको भन्दै हेर्न नभ्याइनेमा राखिएको थियो ।

लगभग तीन वर्षअघि वीरगंज मेनरोड अतिक्रमण सडक विभागले हटाउने सूचना जारी गरेपछि मेनरोडवासीहरूले सोविरुद्ध सङ्घर्ष समिति बनाएर सर्वोच्च अदालतमा मुद्दा दायर गरेका थिए । सडक विभागले विगत तीस वर्षदेखि वीरगंज मेनरोडको अतिक्रमण हटाउने भनेर सूचना जारी गर्दा पनि अतिक्रमण हटाउन सकेको छैन ।

पछिल्लो समयमा अन्तिमपटक सूचना भनेर ३५ दिने सूचना जारी गरेको सडक विभागविरुद्ध मेनरोडका बासिन्दाहरूले सर्वोच्च अदालतमा मुद्दा दायर गरेका थिए । अहिलेसम्म मुद्दाको पेशी हुन सकेको छैन । कैयौंपटक पेशी सूचीमा चढे पनि समय अभाव भन्दै पेसी सर्दै आएको छ । 

पैसाकाे कारण वीरगंजबासी पढाईबाट बन्चित हुँदैन् : मेयर सिंह

0
वीरगंज । पैसाको अभावमा कुनै पनि वीरगंजबासी पढन पाउने अधिकारबाट बन्चित नहुने वीरगंज महानगरपालिकाका मेयर राजेशमान सिंहले वताएका छन् ।
 
रेडियाे वीरगंजले बुधबार आयाेजना गरेकाे नयाँ पुरस्तासंग मेयर संवाद कार्यक्रममा वाेल्दै मेयर सिंहले पैसाका कारण कुनै पनि वीरगंजबासी पढाईबाट बन्चित हुने आवस्था आउन नदिने प्रतिबद्धता जनाए ।
 
सबै थोक पैसा नभएको बताउँदै उनले पैसाको कारण मात्र पढाईमा कुनै किसिमकाे रोकावट नआउने धारण  समेत राखे । उनले भने “लक्ष्य अनुसार अगाडि बढनु पर्छ । एउटा सोच बनाएर अगाडि बढियाे भने एकदिन ना एकदिन अवश्य सफलता पाइन्छ ।”
 
सहभागिहरुकाे जिज्ञासा मिटाउँदै उनले सबै सामुदायिक विद्यालयहरुमा विषयगत शिक्षकको ब्यवस्थामा महानगर लागेको वताए । केही समय भित्रै महानगरकाे सबै सामुदायिक विद्यालयमा विषयगत शिक्षक हुने मेयर सिंहकाे भनाई थियाे ।
 
उनले निश्पच्छ  प्रतिस्पर्धा र याेग्यताकाे आधारमा महानगरले शिक्षक र कम्युटर अपरेटर छनौट गर्ने वताए । 
 
वीरगंज महानगरले एक बर्षमा भित्र गरेको कामको अनुगमन गर्नु पर्ने समेत वताए । काठमाडौ र वीरगंजकाे परिबेश फरक रहेको वताउँदै बजेट पनि काठमाडाैंकाे तुल्नामा धेरै कम भएकाेले साेचे जस्ताे काम गर्न गाह्राे भएकाे वताए ।
 
एक बर्षमा मात्र फोहर गर्नेहरुबाट १२ लाख संकलन गरिएको वताउँदै उनले त्यसले पनि वीरगंजबासीमा परिवर्तनकाे खाँचाे रहेकाे वताए । उनले नारायणी अस्पतालको सरसफाइको सम्पुर्ण जिम्मेवारी महानगरले लिने र २०८० मा स्वास्थ्य क्षेत्रमा ठूलो परिवर्तन देखिन सकिने वताए ।
 
वीरगंजस्थित मकालु हाेटलमा भएकाे कार्यक्रमकाे सहजिकरण रेडियाे वीरगंजका अध्यक्ष ध्रुव साहले गरेका थिए ।