Date
सोम, कार्तिक ३०, २०८३
Mon, November 16, 2026
Home Blog Page 527

वीरगंजमा पहिलाे पटक रथ यात्रा निकालिदै

0

वीरगंज । गहवामाई मन्दिरको ११ औं वार्षिकोत्सवको अवसरमा वीरगंजमा रथ यात्रा निकालिने भएको छ । यही असार ५ गते गहवामाई मन्दिर परिसरबाट विहान ६ बजे रथ यात्रा निकालिने आयोजक समितिले जनाएको छ ।

गहवामाई मन्दिर परिसमा आइतबार आयोजना गरिएको पत्रकार सम्मेलनमा रथ निर्माणको काम सम्पन्न भएको र रथ यात्राको तयारी समेत पुरा भएको जनाइएको हाे । गहवामाई मन्दिर अगाडि नै निर्माण गरिएको काठको रथ आइतबार एकैछिन गुडाएर परीक्षण समेत गरिएको थियो ।

रथको रंगरोगन बाहेक निर्माणको अन्य काम पुरा भएको गहवामाई रथ यात्रा समितिका अध्यक्ष श्याम पोखरेलले बताए । रथलाई गहवामाई मन्दिरको आकृतिसँग मिल्दोजुल्दो गरी बनाईएको छ ।

नेपाल र भारतका ख्याति प्राप्त कालीगढहरुले निर्माण गरेको हिन्दुहरुको आस्था गहवामाईको सो रथयात्रामा ३० देखि ३५ हजार भक्तजनहरु सहभागी हुने अनुमान गरिएको समितिका अध्यक्ष पोखरेलले बताए ।

कार्यक्रमलाई भब्य र सभ्य पार्न बारा, पर्सा र रौतहटका भक्तजनहरुलाई धेरै भन्दा धेरै उपस्थित भएर सोभा बढाउन अपिल उनले गरे । गहवामाई मन्दिरको ११ औँ वर्षको उत्सवमा पहिलोपटक रथ यात्रा नकाल्न लागिएकाे हाे ।

गहवामाई मन्दिर समितिले अव देखि हरेक बर्ष स्थापना दिवसको अवसर पारेर रथ यात्रा निकाल्ने निर्णय गरेको अध्यक्ष पोखरेलले जानकारी दिए ।

गहवामाईको रथ निर्माणमा करिब ४ सय घनफिट काठ प्रयोग गरिएको रथयात्रा समितिले जनाएको छ । रथको डिजाईन र निर्माण गर्ने कारिगर नेपालकै रहेका छन् । रथ निमार्ण २० देखि २५ लाख खर्च लाग्ने अनुमान गरिएको छ । स्थानीय सरकार र विभिन्न चन्दातादाहरुको सयोगमा रथ निर्माणको काम भएको अध्यक्ष पोखरेलले बताए ।

रथयात्रा यहि ५ गते बिहान ६ बजे गहवामाई मन्दिरको प्राङगणबाट निकालेर रेलवे रोड हुँदै रामटोल, रेशमकोठी, विर्तामन्दिरबाट मेनरोड हुँदै अलखियामठ, आदर्शनगर, माईस्थान भएर पुन गहमावमाई मन्दिरमा पुगेर समापन गरिने आयाेजक समितिले जनाएकाे छ । ५ गते रथ यात्रा सम्पन्न भएपछि ६ गते महाप्रसादको कार्यक्रम राखिएको गहवामाई मन्दिर समितिले जनाएको छ ।

मुख्य नालाको अतिक्रमण हटाउन मेयर सिंहको निर्देशन

0

वीरगंज । वीरगंजकाे मुख्य नालामाथी निर्माण भएको घर र नालाको अतिक्रमणले मुख्य नालाको सफाइमा बाधक बनेको छ । वर्षायाम लाग्न अधि वीरगंजकाे मुख्य नालाहरु सफा गर्ने क्रममा नालामाथी बनेको घर र संरचनाले सफाई अभियानमा बाधा परेकाे हाे ।

आदर्शनगरस्थित कर्पोरेट डेभलपमेन्ट बैंक रहेको घर, क्लासिक होटल रहेको घर, हरिखेतान कलेज सहितको घरहरु नालामाथी बनेको छ । वर्षौदेखी सफा हुन नसकेको मुख्य नाला अहिले वीरगंज महानगरपालिकाले चेन स्काभेटर र सरसफाइ कर्मचारीले सफाई गर्न सुरु गरेको छ ।

यसैबिच वीरगंज महानगरपालिकाका मेयर राजेशमान सिंहले मुख्य नाला सफाईको अनुगमन गरेका छन् । अनुगमनकाे क्रममा नालामाथिको अवैध र अतिक्रमीत संरचना हटाउन र नाला सफाई नरोक्न मेयर सिंहले निर्देशन समेत दिएका हुन् ।

नालामाथी बनेको केही घरको कारण सफाइ हुन नसकेको देखिएको मेयर सिंहले बताए । नालामाथी बनेको घर र संरचनाले वर्षायाममा पुरै बजार डुवानमा पर्ने गरेको छ । एकैछिनको वर्षाले जलमग्न हुने जिल्ला प्रशासन कार्यालय पर्सा (सिडिओ अफिस) नजिकको नाला दुई दशकपछी सफा भएको छ ।

नाला सफा गर्नका लागि सिडिओ अफिस बाहिरको पर्खालसमेत भत्काउनु परेको महानगरपालिकाको सरसफाई शाखा प्रमुख सर्फुदिन मियाँले बताए । नाला सफा गरिएसँगै डुबानको जोखिम कम भएको र भएपनि विगतको जस्तो नहुने मियाँको विश्वास छ ।

समाजवादी प्रेस संगठनले भन्यो : शुद्धिकरणका नाममा पूर्वाग्रही गतिविधि रोकियोस्

0

 काठमाडौं । समाजवादी प्रेस संगठन नेपालले पत्रकार महासंघले चलाएको सदस्यता शुद्धिकरण अभियान पूर्वाग्रह प्रेरित भएकोमा आपत्ति जनाएको छ । संगठनका अध्यक्ष विश्वमणि सुवेदीद्वारा जारी प्रेस विज्ञप्तिमा भनिएको छ, ‘शुद्धिकरणको विषय र उद्देश्य सकारात्मक हुँदाहुँदै पनि विभिन्न जिल्ला शाखाले सदस्यता नवीकरणका सिलसिलामा पूर्वाग्रहवस काम गरेको पाइएको छ ।

बिना आधार र तर्क सदस्यको सूचीबाट ‘शुद्धिकरणमा पारिएको’ सन्दर्भमा यस संगठनको गम्भीर ध्यानाकर्षण भएको छ ।’ शुद्धिकरणका क्रममा महासंघका विभिन्न जिल्ला शाखाले आफूखुशी मापदण्ड तय गर्ने, फरक संगठन वा समूहमा आवद्ध भएकै नाममा ‘शुद्धिकरण गरियो’ भन्नेजस्ता मनोमानीपूर्ण काम भएकोमा उक्त संगठनले आपत्ति जनाएको हो ।

विज्ञप्तिमा भनिएको छ, ‘कतिपय पत्रकारहरु राजनीतिक दल वा अन्य संस्थाको सदस्य भए पनि कार्यकारी भूमिकामा नरहँदा ‘शुद्धिकरण’ नगर्ने पूर्वसहमति उल्लंघन भइरहेका छन् ।’ उक्त संगठनका महासचिव रामकुमार एलन, संस्थापक चमिना भट्टराईसहित थुप्रै पत्रकार पूर्वाग्रही मापदण्डको शिकार भएको विज्ञप्तिमा उल्लेख छ ।

नयाँ सदस्यता आवेदन गर्ने सो संगठनका केन्द्रीय सदस्य एवं माउण्टेन टेलिभिजनका बाँके संवाददाता कुशल दलामीसहितका पत्रकारहरु समाजवादी प्रेस संगठनमा आवद्ध भएकै नाममा महासंघको सदस्य हुनबाट बञ्चित हुने स्थितिको संगठनले विरोध गरेको छ ।

उक्त संगठन शुद्धिकरण पक्षधर हुँदाहुँदै पनि पूर्वाग्रही भूमिका र मापदण्डको शिकार भई सदस्यता सूचीबाट नाम हटाइएकोप्रति घोर आपत्ति जनाउँदै ‘शुद्धिकरण’ को विषयलाई दुरुपयोग गर्दै पूर्वाग्रही गतिविधि तत्काल रोक्न महासंघ नेतृत्वसमक्ष हामी जोडदार माग गरेको छ ।

साथै, शुद्धिकरणसम्बन्धी मापदण्डको एकरुपता कायम गरी देशभरि एउटै मापदण्ड सहित यस अभियानलाई अगाडि बढाउन पनि माग गरिएको छ । संगठनले यस विषयका सम्पूर्ण पीडितहरुलाई समयभित्रै महासंघको प्रदेश र केन्द्रमा उजुरी गर्न पनि आग्रह गरेको छ ।

परवानीपुरमा दलित समुदायसंग छुवाछूतको भेदभाव कायमै

0

आनन्द पटेल/
परवानीपुर । बाराको परवानीपुर गाउँपालिका देशकै सब भन्दा सानो गाउँपालिका हो । जसको कुल जनसंख्या २२ हजार ७ सय ८७ रहेको छ । यो गाउँपालिकामा ५ वटा वडाहरू रहेको छ । यस गाउँपालिकामा विभिन्न जातीका मानिसहरूको बसोबास रहेको छ ।

यस गाउँपालिकामा हिन्दु, मुस्लिम, दलित लगायत अरुपनि जातीय समुदायका मानिसहरूको बसोबास रहेको छ । खासगरी दलीत समुदायका मानिसहरूले सबै जातका समुदायहरूसंग मिलेर साथ, सहयोग र सहकार्य गर्दै आएको पाइन्छ । तर उनीहरूसँग ती जातका मानिसहरू अहिले पनि छुवाछूतको दृष्टिले हेर्ने गरेको सत्य कुरा हाम्राे अगाडी रहेकाे छ ।

यो सब ब्यवहार मानौं दलितहरुको लागि अभीश्राप जस्तै भएको छ । आज यो संसार विज्ञानको मदतले धेरै अगाडि बढेको भए पनि अमानवीय ब्यवहारको कारण समाजमा बिकृती पनि फैलीएको छ । आजको यूगमा पनि मानिस मानिसबीच राम्रो समबन्ध नहुँदा समाजमा निक्कै समस्या उत्पन हुने गरेको छ ।

आज समाजा बिभिन्न बिकृती फैलीनुको प्रमुख कारण नै दलितहरु माथी गरिएको अमानवीय व्यवहार नै हो । हाम्रो देशको खासगरी मधेश प्रदेशको अधिकांश जिल्लाहरूमा दलितहरुको समस्या निक्कै पीडादायीक रहेको छ ।

परवानीपुर गाउँपालिकामा दलितहरु छुवाछूतको शिकार बन्दै गएका छन । चाहे त्यो धर्म सांस्कृतिकका कार्य होस, चाहे सामूहिक पूजापाठको कार्य नै किन नहोस दलितहरु जहिले पनि दुःख पाएकै छन ।

यस गाउँपालिकामा वडा नं ५ बहुअरी बस्ने हरिन्दर हजराले दलीत भएकै कारण आफूहरु सामाजिक कार्यहरूमा वञ्चित हुँदै आएको दुःखेसो पोखे । “ १० वर्ष अगाडि आफ्नै गाउँमा महायज्ञ हुँदा हामी दलितहरूलाई त्यसमा पूजा पाठ गर्नबाट वञ्चित गराईएको उनले स्मरण गरे “ ।

अर्का स्थानीय निर्वाचित दलीत महिला उषा देवी महराले भनिन “एउटा जनप्रतिनिधिको रूपमा आफू अपहेलित हुनु परेको बताइन् । उनले भनिन“ जनताले मलाई यति ठूलो बहुमतले जीताएको तर दलीत भएकै कारणले आफू जनताकाे लागि खासै केही गर्न नसकेको दुःखेसो पोखिन“ ।

यो परम्परालाई कसले तोडने, कहिले अन्त्य हुने चिन्ता सबैमा छ । यसैगरी अर्का स्थानीय महन्थ हजराले हामी दलीत समुदायका मानिसहरू सदियौं देखी हेपिदै आएको बताए । उनले अहिले पनि हामीले छोएको पानी ठूला समुदायका मानिसहरूले खान नमानेको बताए ।

यती मात्र होइन उनीहरूको घरमा जादा अलग नै बस्नु पर्ने नियम अहिले पनि यो समाजमा कायम रहेको र भाडाकुडा समेत अछुत हुने गरेको बताए । चाहे समाजमा कुनै समाजिक कार्य होस, वा कुनै ठूला वडा कार्यक्रमहरु नै किन नहोस त्यसमा दलितलाई समावेश गराईदैन ।

देशमा सरकारले यत्रो ठूलो नियम कानुन बनाए पनि समाजका ठूला अगुवाहरूले त्यसलाई पालना नगरेको र उनीहरूले आफ्नो वर्चस्व कायम गर्ने गरेको पाइन्छ । खासगरी बारा, पर्सा, रौतहट, र पूर्वका जिल्लाहरूमा यस्ता किसिमको घटनाहरू महिनौ पीछे घटदै गएको पाइन्छ ।

जातीय छुवाछूतको अपहेलना सम्बन्धी मुद्दामा धेरै मानिसहरू कानुनको फन्दामा परी सजाय भोगिरहेको तथ्यांक छ । तर छुवाछूतको समस्या अहिले पनि निर्मूल हुन सकेको छैन । खासगरी स्थानीय तहको सरकारले दलित समुदायको समस्या र सामाधानको उपाय पहिचानगरी कडाइका साथ कार्यान्वयन गर्न जरुरी रहेको देखिन्छ ।

यसमा अरु समुदायका मानिसहरूको पनि साथ र सहयोगको निक्कै जरुरी देखिन्छ । हामी मानिस होऔं हामी मानिस जस्तै बस्नुपर्छ । जातीय छुवाछूतको समस्यालाई सबै मिली अन्त्य गर्नुपर्छ भन्ने अहिलेको आवश्यकता हो । यस गाउँपालिकामा जातीय छुवाछूतको समस्या, बेरोजगारी, शिक्षा, बस्नको लागि बास स्थान लागायतका समस्याहरू बढी छन ।

अर्का एकजना युवाले आफू दलित भएको कारणले आफ्नै टोलका युवाहरुसँग खेल्न नहुने, संगै घुम्न नसक्ने लगायत विभिन्न अवसरहरुबाट वञ्चित हुनु परेको दुःखेसो पोखे । यस्ता रितीरिवाजलाई बन्द गर्न सके मात्र समाजमा एकरुपता आउने स्थानीय जतन महराले बताए । यो लडाईलाई जीत्न राजनीतिक दलहरुको ठुलो भुमीका हुने, उनीहरुको बुझाई रहेको छ ।

स्व. कलवार र कानुकाे श्रद्धाञ्जली सभा सम्पन्न

0

वीरगंज । कानु समाज नेपाल जिल्ला कार्य समिति पर्साकाे आयाेजनामा शनिबार स्व. विवेक कलवार र रंजनबाबु कानुकाे श्रद्धाञ्जली सभा सम्पन्न भएकाे छ ।

वीरगंजकाे घडिअर्वा, अशाेकवाटिकास्थित शिवपार्वती धर्मशालामा भएकाे सभामा सहभागिहरुले अल्पायु मै निधन भएका स्व. कलवार र स्व. कानुलाई श्रद्धाञ्जली दिएका थिए ।

भारतकाे केदारनार्थ तर्थ यात्राबाट फर्कने क्रमा सवारी दुर्घटनामा परि दुबै जनाकाे मृत्यु भएकाे थियाे । 

कानु समाज नेपाल पर्साका अध्यक्ष लक्ष्मण साह कानुकाे अध्यक्षता भएकाे कार्यक्रममा नेपाली कांग्रेसका नेता किशाेरी साह, कानु समाज पर्साका सचिव श्रवण प्रसाद साह, सह सचिव सुरेन्द्र साह कानु लगायतकाे सहभागिता रहेकाे थियाे ।

वीरगंजमा नि:शुल्क पानी बितरण

0

वीरगंज । इन्ट्रेक्ट क्लब अफ गौतम स्कुलले नि:शुल्क पानी बितरण गरेकाे छ । वीरगंजकाे घन्टाघर, माइस्थान, संक्रचार्य गेट सम्म पन्द्र सय भन्दा बढीलाई नि:शुल्क पानी बितरण गरिएकाे इन्ट्रेक्ट क्लब अफ गौतम स्कुलका अध्यक्ष आलोक यादवले जानकारी दिए ।

केही दिन यता लगातार बढेको तापक्रमका कारण देशभरको जनजीवन प्रभावित भएकोले हरेक प्राणीका लागि पानी अत्यावश्यक भए पनि विभिन्न ठाँउ चापा कलहरु सुकेका कारण सहज रुपमा पानी नपाउने भएकाले निःशुल्क पानी वितरणको अभियान थालिएको उनले बताए ।

पानी वितरण कार्यक्रममा प्रकाश डान्स स्टुडियोका अध्यक्ष प्रकाश कर्णले आर्थिक सहयोग गरेका थियो भने क्लबका मेम्बर साथीहरू कृष्ण मिश्र, आनिश गुप्ता, निखिल बर्णवाल, शुर्तिका मान्सि, दिपाशा रौनियार, दिभयान्का चौरासीया, अनुग्या गर्गले भोलिन्टियरमा सहयोग गरेका थिए ।

स्व. कलवारकाे सम्झनामा रक्तदान कार्यक्रम सम्पन्न

0

वीरगंज । सानवी फाउन्डेसन अफ नेपालकाे आयाेजना शनिबार वीरगंजमा रक्तदान कार्यक्रम सम्पन्न भएकाे छ । वीरगंजकाे आदर्शनगरस्थित मधुशाला फेमिली रेष्टुरेन्टमा भएकाे कार्यक्रममा एक महिलासहित ३१ जनाले रगतदान गरेका हुन् ।

रगतदान गर्नेहरुमा विवेक कुमार झा, विवेक साह, सशांक सिंह, युवराज गुप्ता, मल्बिन्दर कौर, ओमप्रकाश गुप्ता, अमरदिप साह, गोविन्द रौनियार लगायतका रहेकाे नेपाल रेडक्रस साेसाइटी पर्साका राजन श्रीवास्तवले जानकारी दिए ।

सानवी फाउन्डेसन अफ नेपालकी अध्यक्ष सानु गुप्ताको अध्यक्षतामा भएको रक्तदान कार्यक्रममा रक्तसञ्चार केन्द्र वीरगन्जले प्राविधिक सहयाेग गरेकाे थियाे ।

वीरगंजका युवा अभियन्ता स्वर्गीय विवेक कलवारकाे सम्झनामा रक्तदान कार्यक्रम गरिएको फाउन्डेसनकी अध्यक्ष गुप्ताले बताईन् । स्व. कलवारकाे केदारनाथकाे तिर्थ यात्राबाट फर्कने क्रममा सवारी दुर्घटनामा मृत्यु भएकाे थियाे । 

रौतहटमा करेन्ट लागेर दुई युवकको मृत्यु

0
सांकेतिक तस्बिर

वीरगंज । रौतहटको बौधीमाई नगरपालिका–५ कोपवा टोलमा करेन्ट लागेर शुक्रबार राति दुई जना युवाको मृत्यु भएको छ । करेन्ट लागी घाइते भएका उनीहरूको उपचारका क्रममा सदरमुकाम गौरस्थित प्रादेशिक अस्पतालमा मृत्यु भएको हो ।

कोपवाटोलका ३० वर्षीय अरुणकुमार साह र २८ वर्षीय पण्डित कुम्हालको धारामा पानी थाप्ने क्रममा करेन्ट लागेर मृत्यु भएको इलाका प्रहरी कोपवाले जनाएकाे छ ।

मृतक अरुणको किराना र पण्डितको पान पसल छ । अरुणको घरको धारामा जडान भएको विद्युतीय मोटरमा पानी थाप्न गएका बेला अचानक करेन्ट प्रवाह भएको थियाे । 

दुवै जना धारामा पानी थाप्न लाग्दा करेन्ट लागेर घाइते भएको इलाका प्रहरी कार्यालय काेपवाले जनाएको छ ।

साहिब दरबारकाे कार्यक्रममा १ सय ५५ जनाद्वारा रक्तदान

0

वीरगंज । साहिब दरबार वीरगंजकाे आयोजनामा शनिबार रक्तदान कार्यक्रम सम्पन्न भएकाे छ ।  वीरगंजस्थित जैन धर्मशालामा भएको कार्यक्रममा ८ जना महिलासहित १ सय ५५ जनाले रक्तदान गरेका हुन् ।

कार्यक्रमका प्रमुख अतिथि वीरगंज महानगरपालिकाका मेयर राजेशमान सिंहले शरिरको रगत तीन/तीन महिनामा त्यत्तिकै खेर जाने भएकोले रक्तदान गरि पुण्य कमाउन आग्रह गरे । रक्तदान गर्ने रक्तदाताहरुलाई मेयर सिंहले प्रमाणपत्र हस्तान्तरण समेत गरेका थिए ।

अत्याधिक गर्मीका कारण रक्तदान कार्यक्रममा कमी आउँदा केही समय यता वीरगंजमा रगतको कमि सृजना भएको रक्तसञ्चार केन्द्र वीरगंजले जनाएकाे छ । रगत अभावमा यहाँका डेढ दर्जन अस्पतालमा भर्ना भएका बिरामीहरुको उपचारमा समस्या आउन थालेपछि साहिब दरबारले रगतको अभावलाई पूर्ति गर्न रक्तदान कार्यक्रम आयोजना गरेकाे संस्थाका अध्यक्ष उमेशलाल सहनीले बताए ।

रक्तदान कार्यक्रममा साहिब दरबारका संस्थापक सदस्य एवं समाजसेवी अन्नपूर्ण मानन्धर, वडा नम्बर ३ का वडाध्यक्ष बैजुलाल स्वर्णकार, संस्थाकी कोषाध्यक्ष प्रेरणा श्रेष्ठ, प्रतिमा सिंह लगायतको सहभागिता रहेको थियो ।

वीरगंजका सरकारी स्कुलमा ५ गतेसम्म बिदा थप, निजि आइतबारदेखि खुल्ने

0

वीरगंज । दिनहुँ बढ्दै गइरहेको गर्मी कम नभएपछि वीरगंज महानगरपालिकाले सामूदायिक विद्यालयहरुमा थप ३ दिनका लागि विदा दिएको छ ।

यसअघि बढ्दो गर्मीका कारण बालबालिकाहरुको स्वास्थ्यमा प्रतिकुल प्रभाव परेको भन्दै सुरुमा जेष्ठ १९ गतेदेखि जेष्ठ २६ गतेसम्म र त्यसपछि जेष्ठ २८ देखि असार १ गतेसम्मका लागि बालविकास देखि कक्षा १२ सम्मको पठनपाठन हुने सबै सामुदायिक र संस्थागत विद्यालयहरु बन्द गरेको थियो ।

तर यसबीच पनि गर्मी कम नभएपछि शुक्रबार एक सूचना जारी गरेर वीरगंज महानगरपालिकाले महानगरमा रहेका सबै सामूदायिक विद्यालयहरु थप ३ दिन अर्थात अषाढ ३ गतेदेखि अषाढ ५ गतेसम्मका लागि बन्द गर्ने निर्णय गरिएको जनाएको छ ।

तापक्रम घट्नुको सट्टा झन् बढ्दो अवस्थामा रहेकाले वर्षे विदामा कट्टा हुने गरि थप ३ दिन अर्थात अषाढ ५ गतेसम्मका लागि विद्यालयहरु बन्द गर्ने निर्णय गरिएको महानगरपालिकाका शैक्षिक प्रशासन महाशाखाका अधिकृत हरि राउतले शुक्रबार जारी गरेको सूचनामा उल्लेख छ ।

संस्थागत विद्यालय भने आइतबारदेखि खुल्ने छन् । ५ गते मंगलबार गहवामाई (माईस्थान मन्दिर) रथयात्रा रहेकाले एक दिनका दिनका लागि संस्थागत विद्यालय पनि बन्द रहने छन् ।

पर्सा, बारा लगायत मध्यतराईका जिल्लाहरुमा पछिल्लो तीन सातायता गर्मी अत्याधिक बढिरहेको छ । यसक्षेत्रमा तापक्रम बढेर अधिकतम ४५ डिग्रि सेल्सियससम्म पुगेको छ । शुक्रबार वीरगंज र यसआसपासको क्षेत्रमा अधिकतम तापक्रम ४५ डिग्रि सेल्सियस मापन गरिएको थियो ।