Date
सोम, कार्तिक ३०, २०८३
Mon, November 16, 2026
Home Blog Page 521

लागु औषध गाँजासहित कालिकामाईका पासवान पक्राउ

0

वीरगंज । पर्साकाे पोखरिया नगरपालिका वडा नं. ९ सेमरवारीबाट लागु औषध गाँजासहित एक जना पक्राउ परेका छन् ।

ईलाका प्रहरी कार्यालय पोखरियाबाट खटिएको चेकिङ टोलीले कालिकामाई गाउँपालिका वडा नं. ५ निवासी ३२ बर्षिय बृज किसोर पासवानलाई पक्राउ गरेकाे हाे । 

आइतबार दिउसाे ०४:०० बजेको समयमा पासवानलाई रोकी निजको तलासी लिदा निजले बोकेको झोला भित्र लागु औषध गाँजा १२ के.जी. फेला परेको जिल्ला प्रहरी कार्यालय पर्साका प्रवक्ता प्रहरी नायब उपरिक्षक दिपक गिरीले जानकारी दिए ।

उल्लेखित परिमाणको लागु औषध सहित निज पासवानलाई नियन्त्रणमा लिइ थप अनुसन्धान भैरहेको उनले वताए ।

यसैगरी बाराबाट पनि १०५ किलो अवैध लागू औषध गाँजा सहित ट्रक बरामद  भएकाे छ । जिल्ला प्रहरी कार्यालय बारा र ईलाका प्रहरी कार्यालय अमलेखगंज बाराबाट संयुक्त रुपमा खटिएको प्रहरी टोलीले ना.१.क.३२०५ नम्बरको ट्रकमा लागू औषध गाँजा बरामद गरेकाे हाे ।

मंगलबार बिहान ७ बजेको समयमा ट्रकमा लुकाई छिपाई ल्याई रहेको भनी बिशेष सुचनाको आधारमा उक्त नं.को ट्रक खोज तलास गर्दै जाने क्रममा बिहान ०७:२० बजेको समयमा बाराकाे जितपुरसिमरा उपमहानगरपालिकाकाे वडा नं.२२ पुर्ब पश्चिम लोक राजमार्ग सडक खण्डको चुरिया माई मन्दिर नजिक सडकको पुर्ब साईडको नालामा ट्रक पल्टिएको अबस्थामा फेला परेकाे थियाे ।

सो ट्रकमा चालक तथा सह-चालक समेत नभएकोले उक्त नम्बरको ट्रक चेक जाँच गर्दा सामान लोड गर्ने पछाडीको भागमा फल्स डब्बा भित्र प्लास्टिकको ५ वटा बोरामा लुकाई छिपाई राखेको अवस्थामा लागु औषध गाँजा एक सय ५ किलो बरामद भएको जिल्ला प्रहरी कार्यालय बाराले जनाएकाे छ ।

बरामद लागु औषध गाँजा सहित ट्रक नियन्त्रणमा लिई ईलाका प्रहरी कार्यालय सिमरामा ल्याई राखिएको र ट्रक चालक लगायत उक्त घटनामा संलग्न रहेका व्यक्तिहरुको खोत तलास लगायतको अनुसन्धान कार्य भई रहेको जिल्ला प्रहरी कार्यालय बाराका प्रवक्ता प्रहरी निरिक्षक रुपेश साहले जानकारी दिए ।

आयाेजककाे लापरवाहीले नारायणी रंगशाला प्रदुषित बन्दै

0

आनन्द पटेल /

परवानीपुर । पर्साकाे एकमात्र नारायणी क्रिकेट रङ्गशाला व्यवस्थापन नहुँदा अहिले निकै प्रदुषित र फोहोर भएको छ । सो रङ्गशालामा अहिले असार १७ गते देखी “डे नाइट” क्रिकेट प्रतियोगिता चलिरहेको छ । यो प्रतयोगिता अरू भन्दा निक्कै महङ्गो रूपमा रहेको छ । किन कि यसमा आयोजकको बढी लगानी रहेको हुन्छ । तर यस्तो लागानी हुँदा पनि व्यवस्थापक र रङ्गशालालाई हेर्ने निकायको गैर जिम्मेवारीले गर्दा यो रङ्गशाला अहिले निकै प्रदुषित र फोहोर भएको छ ।

यति मात्र होइन सम्बन्धित निकायको गैर जिम्मेवारका कारण रङ्गशाला दिन प्रतिदिन बिग्रिँदै गएको छ । कुनै दिन राष्ट्रिय स्तरको क्रिकेट प्रतियोगिता सञ्चालन गरेको यो रङ्गशाला अहिले जीर्ण हुँदै गएको छ । अहिले यो रङ्गशाला विभिन्न प्रतियोगिताको नाउमा कमाईको एउटा माध्यम भएको छ ।

अहिले विरगंज महानगपालिकाले स्वच्छ महानगर अभियान नै चलाएको छ । जस अन्तर्गत फोहोर गर्ने दर्जनाैं पसल, बैंक, संघ संस्था कारवाहीमा पनि परेका छन । तर यो ”डे नाइट” क्रिकेट प्रतियोगिताले महानगरको यो अभियानलाई नजर अन्दाज गरेको प्रस्ट देख्न सकिन्छ ।

वीरगंज बजारभरी महानगरका नगर प्रहरी फोहोर गर्नेहरुलाई कारवाही गर्दै जाँदा पनि यतातिर अहिलेसम्म महानगरको आँखा पर्न सकेको छैन । फोहोर रङ्गशाला देखेर दिनहु क्रिकेट अभ्यासमा आउने खेलाडीहरूको संख्या घटदै गएको छ ।

राष्ट्रिय स्तरको यो रङ्गशालाको यो अवस्था देखेर बाहिरबाट आउने दर्शक पनि निरास भएका छन । तसर्थ समयमा नै सम्बन्धित निकायले यस्ता गतिविधि रोक्न जरुरी देखिन्छ ।

दुर्घटनामा परि ठाकुर रामको विद्यार्थीको मृत्यु भएको विरोधमा प्रदर्शन

0

वीरगंज । बाराकाे सिमराबाट परिक्षा दिएर फर्कने क्रममा ठाकुरराम बहुमुखी क्याम्पसका एक विद्यार्थीकाे सडक दुर्घटनामा परि मृत्यु भएकाे छ ।

मृत्यु हुनेमा विविएस तेस्राे बर्षमा अध्ययनरत पर्साकाे बहुदरमाई नगरपालिका वडा नम्बर ९ निवासी २३ वर्षिय विजय कुमार शर्मा रहेका छन् ।

सिमरामा परिक्षा केन्द्रबाट फर्किरहेका शर्मा सवार प्रदेश २–०३–०१८ प ९६० नम्बरको मोटरसाइकल जितपुर सिमरा उपमहानगरपालिका–२३ भलुहीस्थित सडकमा अनियन्त्रित भई दुर्घटना हुँदा मृत्यु भएकाे हाे ।

विद्यार्थीको मृत्यु भएको विषयलाई लिएर ठाकुरराम क्याम्पसका विद्यार्थीले विरोध प्रदर्शन गरेका छन् ।
क्याम्पसमा अध्ययनरत शर्माको मोटरसाइकल दुर्घटनामा परी मृत्यु भएको विषयलाई लिएर विद्यार्थीले वीरगंजमा सोमबार साँझ विरोध प्रदर्शन गरेका हुन्।

क्याम्पसमा अध्ययनरत विद्यार्थीले वीरगञ्ज बजार परिक्रमा गर्दै ठाकुरराम क्याम्पसका प्रमुखविरुद्ध नाराबाजी गर्दै विरोध प्रदर्शन गरेका थिए ।

उनीहरूले क्याम्पसको लापारवाहीका कारण विद्यार्थी शर्माको मृत्यु भएको भन्दै विरोध प्रदर्शन गरेका हुन् । विरोध प्रदर्शनमा सहभागी विद्यार्थीले ठाकुरराम क्याम्पस प्रमुखको राजीनामा माग गरेका थिए ।

विद्यालयमा अनुपस्थित ४ शिक्षकसँग स्पष्टिकरण माग

0

वीरगंज । वीरगंजकाे सुरजी देवी माध्यमिक विद्यालयका ४ शिक्षक कारबाहिमा परेका छन् । अनुगमनका क्रममा जानकारी बिना नै अनुपस्थित भेटिएका ४ जना शिक्षकलाई कारबाहि स्वरुप स्पष्टिकरण माग गरिएको हाे ।

सामुदायिक (सरकारी) विद्यालयहरुको पठन पाठन चुस्त पार्न महानगरले अनुगमनलाई तिब्र पारेको छ । विद्यालयका प्रधानाध्यापक रामनारायण मिश्रलाई अनुपस्थित भएका शिक्षकहरुसँग स्पष्टिकरण लिएर २४ घण्टा भित्र महाशाखामा पेश गर्न निर्देशन दिइएको शिक्षा महाशाखा प्रमुख अरविन्दलाल कर्णले जानकारी दिए । 

विद्यालयको पठन पाठन अवलोकन गर्न महानगर प्रमुख राजेशमान सिंह आफै विद्यालय पुगेका थिए । उनले विना जानकारी अनुपस्थित हुने शिक्षकलाई पहिलो पटक स्पष्टिकरण माग गर्ने र पटक पटक अनुपस्थित भए सुविधा कट्टाका साथै निलम्बन गर्ने सम्मको कारबाही गर्न महाशाखा प्रमुखलाई निर्देशन समेत दिए ।

अनुगमनका क्रममा विद्यालयको भौतिक संरचनाका साथै बेवारिसे रहेको कम्प्युटर ल्याब तत्काल संचालनमा ल्याएर विद्यार्थीहरुलाई गुणस्तरीय शिक्षा प्रदान गर्न पनि उनले विद्यालयका प्रधानाध्यापक तथा शिक्षकहरुलाई निर्देशन दिएकाे मेयर सिंहकाे सचिवालयले जनाएकाे छ ।

स्वतन्त्र मानवअधिकार समाजकाे कार्यालय उद्घाटन

0

वीरगंज । स्वतन्त्र मानवअधिकार समाजकाे साेमबार शपथ ग्रहण तथा कार्यालय उद्घाटन कार्यक्रम सम्पन्न भएकाे छ । समाजकाे ‍वीरगंज १६ स्थित रेल्बे राेड, अमर चाैकमा संचालनमा आएकाे कार्यालयकाे उद्घाटन पर्साका प्रमुख जिल्ला अधिकारी हिरालाल रेग्मीले गरेका हुन् ।

समाजका सभापति कृष्ण कुमार खनालकाे अध्यक्षतामा भएकाे कार्यालय उद्घाटन तथा सपथ ग्रहण कार्यक्रममा वीरगंज माहानगरपालिका प्रमुख प्रशासकिय अधिकृत लक्ष्मी प्रसाद पौडेल, पर्साका सहायक प्रमुख जिल्ला अधिकारी भिमकान्त पौडेल, सशस्त्र प्रहरी गण १३ नम्बरका प्रहरी उपरीक्षक सुमन थपलिया, नेपाल पत्रकार माहासंघका केन्द्रीय सदस्य केसि लामिछाने, मधेश प्रदेशका माहासचिव श्याम बन्जारा, लाेसपाका नेता निजामुद्विन समानी लगायतले शुभकामना मन्तव्य व्यक्त गरेका थिए ।

कार्यक्रममा समाजका सभापति खनाललाई प्रमुख जिल्ला अधिकारी रेग्मीले शपथ गराएका थिए भने सभापति खनालले समाजका पदाधिकारी तथा सदस्यहरुलाई शपथ ग्रहण गराएका थिए ।

सभापति खनालले समाजका उप-सभापति नन्दकिशोर यादव, माहासचिव दिपक साह कानु, कोषाध्यक्ष उर्मिला कुमारी कुशवाहा, सचिव आशिष कुमार, केन्द्रिय सदस्य नन्दनि गुप्ता, निर्मला कुशवाहा, सीता उप्रेती, डा अस्मिता उपाध्याय, आशा देवि, बृजेश अग्रवाल, साेनालाल गुप्ता, बिक्कि सिंह, शयाम कुमार निधि, जय प्रकाश गुप्ता, सराेज साह, तिलक साह लगायतलाई शपथ खुवाएका थिए ।

सपथ ग्रहण तथा कार्यालय उद्घाटन कार्यक्रममा  माहानगरपालिकाका प्रखुख प्रशासकिय अधिकृत लक्ष्मी प्रसाद पौडेललाई सम्मान पत्र र समाजका काेषाध्यक्ष उर्मिला कुमारी कुशवाहालाई प्रशंसा पत्रले सम्मानित गरिएको थियो ।

कार्यक्रममा स्वागत भाषण केन्द्रिय सदस्य संदिप चौरसियाले गरेका थिए भने कार्यक्रमकाे संचालन सन्तोष कुमार खनालले गरेका थिए ।

युवाको एकताले नै समाज रुपान्तरण हुन्छ : सांसद यादव

0

वीरगंज । पर्सा क्षेत्र नम्बर १ का प्रतिनिधी सभा सदस्य प्रदीप यादवले ज्येष्ठ नागरिकको अनुभव र आशिर्वादले युवा पुस्ताले समाज परिवर्तन गर्नुपर्ने बताएका छन् ।

वीरगंज महानगरपालिकाकाे वडा नम्बर २० मा अपौनी युथ क्लबले आयोजना गरेको क्लबको कार्यालय उद्घाटन तथा ज्येष्ठ नागरिक सम्मान कार्यक्रमलाई सम्बोधन गर्दै सांसद यादवले समाज रुपान्तरणका लागि ज्येष्ठ नागरिकको अनुभव र मार्गनिर्देशको आवश्यक्ता औँल्याए ।

जसपाका प्रमुख सचेतकसमेत रहेका यादवले क्लबमा आवद्ध भएर युवाहरुले सामाजिक कार्यमा देखाएको सक्रियता अनुकरणयोग्य रहेको बताए । क्लबले गर्ने हरेक सामाजिक कार्यमा आफुले सहयोग गर्ने प्रतिबद्धता पनि जनाएका छन् । क्लबको कार्यालयको उद्घाटन गर्दै पूर्व मन्त्रीसमेत रहेका यादवले विवाह भवन निर्माणसँगै टावर लाइट जडान गर्ने बताएका छन् ।

समाजलाई सबल, सक्षम र समृद्ध बनाउनका लागि जोश र जाँगरसहितका युवाहरुको अहम भुमिका रहेको हुँदा क्लबमार्फत जिम्मेवारी बहन गर्ने विश्वास उनले व्यक्त गरेका छन् ।

कार्यक्रममा वीरगंज महानगरपालिकाका वडा नम्बर २० का वडाध्यक्ष रामकिशोर सिंह पराग, वडा नम्बर २६ का वडाध्यक्ष शम्भु मिश्रा लगायतले शुभकामना मन्तव्य व्यक्त गरेका थिए ।

क्लबका अध्यक्ष साजन कुमार रायको अध्यक्षतामा भएको कार्यक्रमका अवसरमा गाउँभरीका ज्येष्ठ नागरिकलाई दोसल्ला ओढाएर सम्मान गरिएको थियो ।

गाउँमै प्रयोगबिहिन अवस्थामा रहेको धर्मशालाको भवनलाई क्लबले कार्यालय भवनको रुपमा उद्घाटन गरेको क्लबका अध्यक्ष साजन कुमार रायले बताए । उनकाअनुसार क्लबमार्फत सामाजिक कार्य गर्ने योजना छ । आगामी दिनमा क्लबलाई सशक्त बनाउने उनले बताए ।

सल्लाहकार सन्दिप पुरीले स्वागत मन्तव्य व्यक्त गरेको कार्यक्रमको सहजीकरण क्लबका सल्लाहकार चन्द्रीका प्रसाद चौरसियाले गरेका थिए ।

जसपा पर्साकाे सपथ ग्रहण सम्पन्न

0

वीरगंज । जनता समाजवादी पार्टी (जसपा) नेपाल पर्साका पदाधिकारी र सदस्यहरुकाे सपथ ग्रहण कार्यक्रम साेमबार सम्पन्न भएकाे छ । जिल्ला अध्यक्ष रामनरेश प्रसाद यादवको अध्यक्षतामा कुर्मी सेवा सदनमा भएकाे कार्यक्रम सम्पन्न भएकाे हाे ।

कार्यक्रमका प्रमुख अतिथि जसपाका राजनीतिक समिति सदस्य सुरेन्द्र प्रसाद कुर्मिले जिल्ला पदाधिकारी तथा सदस्यहरुलाई पद तथा गोपनियताको सपथ ग्रहण गराएका हुन् ।

उनले जेष्ठ १५ गते मनोनयन गरिएका ३ उपाध्यक्ष क्रमश अजय प्रसाद चौरसीया, नागेन्द्र प्रसाद यादव, मिथिलेश सिंह, उपसचिव २ जना क्रमशः नुर आलम अन्सारी, सुनिल कुशवाहा र एक कोषाध्यक्ष गरि कुल ७५ जना पदाधिकारी एवम् सदस्यहरुलाई पद तथा गोपनियता शपथ ग्रहण गराएका हुन् ।

कार्यक्रममा मनोनीत गरिएका पदाधिकारी एवम् सदस्यहरुलाइ गमछा र टीका लगाइ सम्मान पनि गरिएको जसपा पर्साका जिल्ला सचीव तबरेज अहमदले जानकारी दिए ।

कार्यक्रमका प्रमुख अतिथिले आजको कार्यक्रमले नेता र कार्यकर्तामा थप उत्साह ल्याउने दाबी गर्नु गरे । उनले अब यो समितिलाइ गाउँ गाउँ र टोल टोल पुगि संगठनलाई थप चुस्त दुरुस्त बनाउने निर्देशन समेत दिए ।

जिल्ला अध्यक्ष यादवले कार्यक्रम समापन गर्दै अब हामी आफुलाइ समय सापेक्ष परिवर्तन गरि संगठनको काममा लाग्ने र छिटोभन्दा छिटो कार्यकारिणी समितिको बैठक बसि विभिन्न आयोगहरु समेत गठन गरि अगाडी बढ्ने जानकारी गराए ।

कार्यक्रममा केन्द्रिय सदस्य रेखा साह, संघीय शिक्षक फोरमका केन्द्रिय सदस्य हरेन्द्र चौरासीया, शेख खुर्सेद, जयनारायण पटेल, प्रदिप जयसवाल लगायतकाले शुभकामना मन्तव्य व्यक्त गरेका थिए ।

कार्यक्रममा स्वागत मन्तव्य जसपा पर्साका जिल्ला कोषाध्यक्ष एवम् सखुवाप्रसौनीका उप मेयर शार्मिला महतो बिष्टले गरेकी थिइन भने कार्यक्रमकाे संचालन जिल्ला सचिव अहमदले गरेका थिए ।

बचतकर्ताको समस्या समाधान गर्न सानो पाइला सहकारीलाई महानगरको निर्देशन

0

वीरगंज । वीरगंज महानगरपालिकाले यहाँ स्थित सानोपाइला बचत तथा ऋण सहकारी संस्थामा देखिएको समस्या तत्काल समाधान गर्न संचालकलाई निर्देशन दिएको छ ।

सहकारीको समस्या तत्काल समाधान गर्दै बचतकर्ताको बचत निक्षेप फिर्ता गर्न महानगरले संचालकलाई निर्देशन दिएको हो । 

आइतबार संस्थाका संस्थापक जी.वी. राईलाई झिकाएर महानगर प्रमुख राजेशमान सिंहले बचतकर्ताको बचत तत्काल फिर्ता गरि संस्थामा देखिएको समस्या समाधान गर्न निर्देशन दिनु भएको हो ।

आफ्ना बचतकर्ताको बचत निक्षेप लामो समयदेखि फिर्ता नगरी दुःख मात्रै दिएको भन्दै समस्या समाधान गरिदिन माग गर्दै बचतकर्ताले महानगरमा निवेदन दिएका थिए ।

बचतकर्ताको बचत लामो समयदेखि फिर्ता नगरेको र पटक पटक समस्या समाधानका लागि ताकेता गर्दा पनि समाधान नभएपछि महागनरले सहकारीलाई कालो सूचीमा राख्ने तयारी गर्दै संस्थाका संचालकलाई झिकाएको हो ।

आइतबार संस्थाका सस्थापक जी.वी. राई, कोषाध्यक्ष कुमार रम्तेल, वीरगंज स्थित कार्यालयका व्यवस्थापक असरफ अलीलाई महानगरमा झिकाएर नगर प्रमुख सिंहले बचतकर्ताको कुनै पनि गुनासो नआउने गरि समस्या समाधान गर्न निर्देशन दिनु भएको हो ।

यसका साथै बचतकर्ताको बचत निक्षेपको विवरण र ऋण लगानी गरेकाहरुको रकम खुल्ने गरि विवरण तीन दिन भित्र महानगरमा बुझाउन, बचतकर्ताको वित्तीय हितलाई मध्यनजर गर्दै १ लाख रुपैयाँभन्दा कम निक्षेप रहेका बचतकर्ताहरुको निक्षेप तत्कालै क्रमबद्ध रुपमा फिर्ता गर्न पनि पनि उहाँले निर्देशन दिनुभएको छ ।

यस्तै आफ्नो वित्तीय स्थिति खुल्ने श्वेत पत्र साउन १५ भित्र तयार गरि सार्वजनिक गर्न र सोको विवरण महानगरलाई बुझाउन पनि उहाँले निर्देशन दिनुभएको छ । महानगर प्रमुखले सिंहले दिनुभएको निर्देशनमा संस्थाका संचालकलाई लिखित सहमति गराइएको छ ।

बचतकर्ताको समस्या सम्बोधन नभए सहकारीलाई कालो सूचिमा राखेर थप कारवाही अघि बढाउने भन्दै महानगर प्रमुख सिंहले समस्या समाधानमा ध्यान दिन आग्रह गर्नुभयो ।

संस्थाका संस्थापक जी.वी. राईले आफूहरु महानगरको निर्देशन र बचतकर्ताको हित अनुसार काम गर्न तयार रहेको प्रतिबद्धता जनाएका छन् ।

समय सिमा विताएर गरिएकाे पक्षपाती निर्णय प्रति तीन प्रत्रकार संगठनकाे आपती

0

वीरगंज । नेपाल पत्रकार महासंघ पर्सा शाखाले गरेकाे सदस्यता शुद्धीकरणकाे निर्णय प्रति तीन प्रत्रकार संगठनले आपती जनाएका छन् । 

प्रेस युनियन, प्रेस सेन्टर र समाजवादी प्रेस संगठले नेपाल पत्रकार महासंघ केन्द्रीय समितिको निर्णयले सदस्यता शुद्धीकरणका लागि मापदण्ड बनाएर देशभर शुद्धिकरण, नविकरण र नयाँ सदस्यताको लागि आवेदन खुला गरेको भएपनि पत्रकार महासंघ पर्सा शाखाले अहिलेसम्म त्यसको कुनै आधिकारिक सार्वजनीकरण नगरेकोप्रति गम्भीर ध्यानकर्षण भएको जनाएका छन् ।

तीनै संगठनले नेपाल पत्रकार महासंघ मधेश प्रदेशका महासचिव श्याम बन्जारालाई ध्यानाकर्षण पत्र बुझाउँदै
विधि, प्रकृया, नीति, सिद्धान्त कुनै प्रकृया नमिलाई पठाएको शुद्धिकरणको सूची अमान्य घोषणा गर्न आग्रह गरेका हुन् ।

महासंघ केन्द्रीय समितिको निर्णय अनुसार वैशाख २५ गतेसम्म आफ्नो सबै सदस्यहरुको नामावली शुद्धिकरणका लागि प्रदेश समितिका महासचिव अनिवार्य रहने समिति तत्काल गठन गरी नम्बर सहितको विवरण सहितको नामावली उपलब्ध गराउनुपर्ने थियाे ।

शाखा समितिले जेठ २५ गते भित्र महासंघको सञ्चार माध्यममा आवद्धताको पूर्ण विवरण शाखाले प्रदेश समितिलाई पठाउनु पर्ने र प्रदेश समितिले उपलब्ध विवरण अद्यावधिक गरेर जेठ ३० गतेसम्म केन्द्रीय कार्यालयमा पठाउनुपर्ने निर्देशन भएको र उपलब्ध नाममा चित्त नबुझेमा उजुरी गर्नका लागि असार १० गते सम्मको समय निर्धारण समेत गरिएकाे थियाे ।

तर समय सीमा पार गरिसकेपछि पनि शुद्धिकरण र नविकरणसम्बन्धमा पत्रकार महासंघ पर्सा शाखाले कुनैपनि आधिकारिक विवरणहरु सार्वजनिक नगरेर केन्द्रीय निर्देशनलाई अवज्ञा गरेको हाम्राे ठहर रहेकाे प्रेस युनियन पर्साका अध्यक्ष विजय चाैहानले वताए ।

विधिको शासनको मुख्य वकालत गर्ने संस्थाको रुपमा स्थापित नेपाल पत्रकार महासंघ मातहतकै पर्सा शाखाले गैर जिम्मेवार, अनुशासनहिन र पक्षपाती रवैया देखाई महासंघको गरिमामा गम्भीर आँच पुयाएको तीन संगठनले निष्कर्ष निकाल्दै पर्सा शाखाले उपलब्ध गराएको सूचीको वैधानिकता गुमाईसकेको बुझाइएकाे ध्यानाकर्षण पत्रमा उल्लेख गरिएकाे छ । 

प्रेस युनियन पर्साका सभापति चाैहान, प्रेस सेन्टर पर्साका अध्यक्ष दिपक गाैतम र समाजवादी प्रेस संगठन पर्साका अध्यक्ष मनाेज पटेलद्वारा हस्ताक्षरित ध्यानाकर्षण पत्र मार्फत उक्त सूचीलाई अमान्य गरी शुद्धिकरणको प्रकृयालाई पुन: सबै विचारधारका पत्रकार संघसंगठनहरुसंगको छलफल, सहकार्य र सहमतिमा नै गर्न आग्रह समेत गरिएकाे छ ।

त्यस्तै प्राप्त उजुरीको आधारमा समितिले आवश्यक छानविन गरी केन्द्रीय कार्यालयलाई असार २५ गतेसम्ममा जानकारी गराउनुपर्ने निर्णय भए बमोजिम हुनुपर्नेमा अहिलेसम्म पनि कुनै आधिकारिक विवरणहरु जिल्लाको कार्यालयमा टास नगरेको, सामाजिक सञ्जालहरुमा सार्वजनिक नभएको, जेठ ३० गतेसम्म प्रदेश समितिले अद्यावधिक गरेर केन्द्रमा पठाउनुपर्ने भएपनि अहिलेसम्म कुनै विधि प्रकृयाको अवलम्बन नगरेको तीन संगठले जनाएका छन् ।

 न्यायको मूल सिद्धान्त समेतलाई ख्याल नगरी सफाईको अवसरबाट समेत बञ्चित गरी नियतवश निर्धारित समयपछि मात्रै शुद्धिकरण सूची तयार गरिएको पत्रकार संगठनहरुकाे ठहर रहेकाे छ ।

साे ध्यानाकर्षण पत्र नेपाल पत्रकार महासंघ केन्द्रिय कार्यालय र पर्सा शाखालाई समेत बोधार्थ गरिएकाे थियाे ।

साथै तीनवटै संगठनले पत्रकार महासंघ पर्साले गरेको निर्णय आधिकारिक रुपमा सार्वजनिक नभई व्यक्तिले कुनै अमुक सूचना मार्फत सार्वजनिक गरेको प्रतिपनि गम्भीर ध्यानकर्षण भएको जनाउदै कारवाहीको माग गरेको छ ।

उनीहरुले पत्रकार महासंघ पर्साले गरेको सांगठनिक निर्णयको संस्थागत रुपमा जानकारी हुनुपर्ने वा सार्वजनिक गर्नुपर्नेमा संगठनको गोपनीयता नै भंग गर्ने खालको व्यक्ति मार्फत बैठकको निर्णय पुस्तिकामा भएका निर्णयहरु नै अमुक माध्यमबाट सार्वजनिक हुनुले संस्थाको गोपनीयतामाथि नै गम्भीर प्रश्न उठेको र निर्णय सार्वजनिक गर्ने अनाधिकृत व्यक्तिको पहिचान गरी कारवाही गर्न माग समेत गरेको छ ।

शिक्षक महासंघ पर्साकाे अध्यक्षमा पुन: यादव निर्वाचित

0
वीरगंज । नेपाल शिक्षक महासंघ पर्साकाे अध्यक्षमा पुन: तिर्थराज यादव चयन भएका छन् । वीरगंजमा शनिबार सम्पन्न महासंघकाे दाेश्राे अधिवेशनबाट पुन: यादव अध्यक्षतामा नयाँ कार्यसमिति सर्वसहमत चयन भएकाे हाे ।
 
महासंघकाे सहअध्यक्षमा हरेन्द्र प्रसाद कुर्मी, महिला उपाध्यक्षमा मञ्जु मिश्र, उपाध्यक्षमा रमेश प्रसाद चाैधरी, सचिवमा विनाेद गिरि, सहसचिवमा राकेश मिश्र, रचना सिंह र रामबालक यादव तथा संस्थागत सहसचिवमा अशाेक कुमार केवट, पिताचन्द्र ढुंगेल, रमेश कुशवाहा, रामेश्वर साह, राखी शर्मा, चन्द्रमाेहन चाैरसिया र याेगेश्वर मिश्र चयन भएका हुन् ।
 
तिर्थराज यादवकाे अध्यक्षतामा सात जना पदेन सदस्य सहित सैतिस सदस्यीय कार्यसमिति निर्विराेध निर्वाचित भएकाे निर्वाचन अधिकृत राम कुमार अधिकारीले जानकारी दिए । मधेश प्रदेश मै निर्विराेध जिल्ला अधिबेशन पर्सामा सम्पन्न भएकाे वताइएकाे छ ।
 
अधिवेश उद्घाटन समाराेहमा एमाले पर्सका जिल्ला संयाेजक डा. बिशम्भर शर्मा, जनता समाजवादी पार्टी पर्साका जिल्ला सँयाेजक रामनरेश यादव, नेपाली कांग्रेस पर्साका जिल्ला उपसभापति रामनारायण कुर्मी,  वीरगंज महानगरका शिक्षा शाखा प्रमुख अरबिन्द लाल कर्ण, नेपाल शिक्षक महासँघका वीरगंज महानगर अध्यक्ष बिनाेद मेहता, नेपाल प्रेश युनियन पर्साका पुर्व अध्यक्ष एवम् अधिवक्ता रामनारायण कुर्मी लगायतकाे उपस्थिती रहेकाे थियाे ।
 
शनिबार नै नव निर्वाचित पदाधिकारीहरूकाे पदास्थापन तथा सपथग्रहण गराइएकाे थियाे ।
 
सपथ ग्रहण पछि दाेस्राे कार्यकालकाे लागि नवनिर्वाचित अध्यक्ष तिर्थराज यादवले शिक्षकहरूकाे हकहितकाे विगत कार्यकाल भन्दै अझै सशक्त रुपमा लाग्ने वताए । उनले शिक्षककाे हकहित बिपरित कार्य गर्ने जाे काेहि पनि महासंघकाे शत्रु हुने वताउँदै त्यस्ताेसँग महासंघ सहमति वा सहकार्य कहिले नगर्ने प्रतिवद्धता जनाए ।