Date
सोम, कार्तिक ३०, २०८३
Mon, November 16, 2026
Home Blog Page 519

महानगरको नाममा ठगी गर्ने इन्स्टिच्युट सिल, सञ्चालक पक्राउ

0

वीरगंज । वीरगंज महानगरपालिकाको नाम लिएर छात्रवृत्ति दिलाई दिने भन्दै ठगी गर्ने एक जनालाई महानगरका मेयर राजेशमान सिंहले नियन्त्रणमा लिएर प्रहरीकाे जिम्मा लगाएका छन् ।

वीरगंज महानगरपालिकाकाे वडा नं. ५ स्थित सञ्चालित मोदी इन्स्टिच्युट एंड ट्रेनिङ्ग सेन्टरका सञ्चालक राहुल मोदीलाई मेयर सिंहले नियन्त्रणमा लिएर प्रहरीको जिम्मा लगाएका हुन् ।

माेदीले महानगरपालिकाकाे सिफारिसमा छात्रवृत्ति दिलाइदिने भन्दै विद्यार्थीहरुलाई ठगेकाे गुनासाे आएपछि मेयर सिंहले उनलाई आफ्नोे कार्यकक्षमा झिकाएर सोधपुछ गरि थप कानुनी कारबाहीको लागि जिल्ला प्रहरी कार्यालय पर्सामा बुझाएका हुन् ।

इन्स्टीच्युटका सञ्चालक मोदीले एसईई उत्तीर्ण गरेका विद्यार्थीहरुको लागि वीरगंज महानगरपालिकाले कक्षा ११ र १२ मा अध्ययनका लागि उपलब्ध गराउँदै आएको छात्रवृत्तिकाे परिक्षामा पास गराइदिने प्रलाेभन दिएर विद्यार्थीहरुबाट झण्डै एक लाख रुपैयाँ माग्दै गरेको गुनासाे आएको थियो ।

छात्रवृत्तिका लागि महानगरको शैक्षिकल महाशाखालाई ५० हजार, विद्यार्थीले रोजेको विद्यालयलाई ३० हजार र आफूले २० हजार लिने गरी प्रत्येक विद्यार्थीहरुसँग एक/एक लाख रुपैयाँ माग्ने गरेको अडियो रेकर्ड सार्वजनिक भएकाे थियाे ।

त्यसपछि वीरगंज महाागरका मेयर सिंहले मंगलबार बिहान मोदीलाई आफ्नो कार्यालयमा झिकाई सोधपुछ गरि आवश्यक कानुनी कारबाहीको लागि जिल्ला प्रहरी कार्यालय पर्सामा पठाएको मेयर सिंहकाे सचिवालयले जनाएको छ ।

यसैबिच इन्स्टिच्युटलाई वीरगंज महानगरपालिकाले सिल गरेको छ । इन्स्टिच्युटले आवश्यक सम्पूर्ण अनुमतिहरू नलिएको पाएपछि सिल गरिएको वीरगंज महानगरपालिकाका शैक्षिक प्रशासन महाशाखाका प्रमुख अरविन्द लाल कर्णले जानकारी दिए ।

इन्स्टिच्युटका सञ्चालक राहुलकुमार मोदीले महानगरपालिकाले लिने छात्रवृत्ति परीक्षामा पास गराइदिन्छु भन्दै विद्यार्थीहरूसँग पैसा मागेको खुलेपछि उनलाई झिकाएर वीरगंजका मेयर सिंहले केरकार गरेका थिए ।
 
केरकार गर्ने क्रममा उनीसँग इन्स्टिच्युट सञ्चालन गर्न आवश्यक कागजातसमेत नरहेको पाएपछि सिल गरिएको शैक्षिक प्रशासन महाशाखाका प्रमुख कर्णले बताए ।

मुख्य नालामाथी बनेको क्लासिक होटलमा पनि चल्यो डोजर

0

वीरगंज । वीरगंज महानगरपालिकाले मुख्य नालामाथि बनेको क्लासिक होटलको भवन हटाउन डोजर लगाएको छ । होटलको संरचना मुख्य नालामाथी निर्माण हुँदा नाला सफाईमा अवरोध भएकाले निर्माण गरिएका संरचना हटाउन महानगरले डोजर प्रयोग गरेको हो ।

नालामाथि बनेको संरचना हटाउन पटक पटक सूचना जारी गर्दा पनि अटेर गरेर नहटाएपछि महानगर प्रमुख राजेशमान सिंहको निर्देशनमा महानगरको टोलीले डोजर लगाएर हटाउन सुरु गरेको हो ।

महानगरले नालामाथि बनेको हरिखेतानको बाँकी संचरना हटाएर क्लासिक होटलको संरचना हटाउन सुरु गरेको हो । नालामाथि बनेको हरिखेतानको संरचना गएको असार २५ गते डोजर लगाएर हटाएको थियो ।

क्याम्पसको केही संरचना अझै पनि बाँकी रहेकाले मंगलबार पनि डोजर लगाएर हटाइएको हो । क्लासिक होटल नालामाथि नै रहेकाले त्यसलाई हटाउन मंगलबारबाट डोजर चलाइएको महानगरका प्रशासन महाशाखा प्रमुख राजकृष्ण ताम्राकारले जानकारी दिए ।

क्लासिक होटलको सामुन्ने रहेको कर्पोरेट डेभलपमेन्ट बैंक रहेको भवन हटाउन पनि पहिले नै सूचना दिएको भए पनि अझै सम्म नहटएकाले त्यसलाई पनि डोजर लगाएर हटाइने उनले बताए ।

महानगरले अहिले मुख्य नाला सफाईलाई तिब्रता दिएको छ । जिल्ला हुलाक कार्यालयदेखी मुख्य नाला सफाई गर्दै आएको महानगरले नाला अतिक्रमण गरेर निर्माण गरिएका संरचना हटाउँदै सफाईलाई निरन्तरता दिँदै आएको छ ।

क्लासिक होटलको उत्तरतर्फ र कर्पोरेट बैंकको दक्षिणतर्फ रहेको मुख्य नाला पूर्ण रुपमा सफाई हुँदा पनि ती दुबै भवन नहट्दा मुख्य नाला सफाईमा अवरोध पुगेको छ ।

यसअघि मुख्य नालामा पर्ने एक दर्जन संरचना हटाइ सकिएको छ । वीरगजका मुख्य सडकको नाला र श्रीपुर क्षेत्रबाट आउने अर्काे नाला जोडिएर बनेको मुख्य नाला जिल्ला प्रशासन कार्यालय पर्साको छेउ हुँदै दक्षिणतिर बगेको छ ।

गीता मन्दीरदेखि आदर्शनगर हरिखेतान क्याम्पस सम्मको क्षेत्रमा मुख्य नालाको दुबै तर्फ अतिक्रमण गरेर संरचना बनेका छन् ।

वर्षौँदेखि मुख्य नाला सफाई नहुँदा वीरगंज वर्षातको समयमा डुबानमा पर्दै आएको छ । यस पटक मुख्य नाला पूर्ण रुपमा सफाई गर्न महानगरले सबै उपाय अवलम्बन गरेको छ ।

वीरगंजकाे अलौंमा १६ शैयाकाे अस्पताल शिलान्यास

0

वीरगंज । वीरगंज महानगरपालिकाको वडा १७ अलौँमा १६ शैयाकाे अस्पताल शिलान्यास गरिएको छ ।महानगरका मेयर राजेशमान सिंहको उपस्थितिमा वडाध्यक्ष सन्जिब बहादुर क्षेत्रीले मंगलबार एक कार्यक्रमका बीच अस्पतालको शिलान्याश गरेका हुन् ।

महानगरले स्वास्थ्य क्षेत्र सुधारका लागि काम गरिरहेको भन्दै त्यसै अनुरुप ग्रामिण क्षेत्रमा पर्ने १७ नम्वर वडामा अस्पताल बनाउन लागिएको मेयर सिंहले बताए । ग्रामिण वडामा यसै आर्थिक वर्षदेखि विशेषज्ञ सेवा दिन सुरु गरिने भन्दै उनले त्यसका लागि चिकित्सक तथा स्वास्थ्यकर्मी भर्ना अन्तिम चरणमा पुगेको बताए ।

वडा नम्वर १७ मा सामान्य सेवा प्रदान गरिरहेको स्वास्थ्य चौकी रहेकोमा यसै वर्ष भित्र निर्माण सम्पन्न हुने गरि अस्पताल बनाउने काम सुरु गरिएको हो ।

१ करोड २० लाख रुपैयाँमा १ वर्ष भित्र निर्माण सम्पन्न गर्ने गरी काम भइरहेको वडाध्यक्ष क्षेत्रीले जानकारी दिए ।
अस्पतालमा विशेषज्ञ चिकित्सक, नर्स सहितको सुविधासम्पन्न सेवा उपलब्ध हुने छ ।

महुवनस्थित पारसनाथको मन्दिरमा जल अर्पण

0

वीरगंज । पर्साको सखुवाप्रसौनी गाउँपालिका वडा नं. ५ महुवनस्थित रहेकाे ऐतिहासिक पारसनाथ बाबाको मन्दिरमा साेमबार जल अर्पण गरिएको छ ।

पवित्र साउन महिनाकाे सोमबारकाे दिन प्रदेश सभा सदस्य प्रमाेद जयसवालसहित सयाैंकाे संख्यामा पारसनाथ बाबाको मन्दिरमा पुगेका स्थानिय महिला तथा युवाहरूले जल अर्पण गरेका हुन् । 

जल अर्पण गर्नका निम्ति निस्केकाे जल यात्रामा महुवन, बलुवा, लखनपुर, ऐकडेर्वा र सोलकपुरलगायतका स्थानीय महिला र युवाहरूको बाक्लो उपस्थिति रहेको थियो । सोही वडास्थित सोलकपुरमा पर्ने उत्तर बाहिनी नदीबाट जल भरेर जल यात्रामा सहभागि भएका श्रद्धालुहरूले जल अर्पण गरेका थिए । 

पर्सा जिल्लाको नामकरण बाबा पारसनाथको नामबाटै भएको र जिल्लालाई चिनाउन यस धार्मिक स्थलले अतुलनीय योगदान पुर्‍याएको प्रदेश सभा सदस्य जयसवालले बताए ।

मन्दिरमा विगतका वर्षहरूदेखि नै श्रद्धालुहरूद्वारा जल अर्पण हुँदै आएकोले यस वर्ष पनि श्रद्धालुहरूको घुइँचो लागेको पुजारी राजेश पण्डितको भनाई छ । 

मन्दिरमा साउनको पहिलो सोमवार जल यात्रा गरी साउनभरि भव्य रूपले पूजाअजा गरिने चलन नै रहेको छ । श्रद्धालुहरूले बाबा पारसनाथसँग मागेको सम्पूर्ण मनोकाङ्क्षा पूर्ण हुने कुरामा सर्वसाधारणको विश्वास रहेकाे छ ।

वीरगंजका सामुदायिक विद्यालयमा सिकाई केन्द्रकाे स्थापना

0

वीरगंज । वीरगंज महानगरपालिकाकाे वडा नं २० हरपतगंज स्थित श्री निरंजन साह कलवार आधारभूत विद्यालय र वीरगंज महानगरपालिका कै वडा नं १४ बहुवरी स्थित उम्मे कुल्सुम लीलबनात कन्या विद्यालयमा साेमबारबाट नविनतम सिकाई केन्द्र (Innovative Learning Center) संचालनमा आएकाे छ । 

दुबै सिकाई केन्द्रकाे मधेश प्रदेशका उद्योग, वाणिज्य तथा पर्यटन राज्यमन्त्री रहबर अंसारीले उद्घाटन गरेका हुन् । सिकाई केन्द्रहरुकाे उद्घाटन गर्दै मन्त्री अन्सारीले विद्यार्थी र शिक्षक दुवैले परम्परागत शिक्षण विधिहरू भन्दा बाहिर गएर प्रयोगात्मक शिक्षा, ह्यान्ड-अन गतिविधि, प्रविधि र अन्य नवीन उपकरणहरूको प्रयोगमा आफुलाई केन्द्रित गरी गुणस्तरीय शिक्षा हासिल गर्नु पर्ने वताए ।
 
मन्त्री अन्सारीले भने “यो त मेरो सानो प्रयासको शुरुआत हो । अगामी दिनमा ठुल ठुला कार्यहरु गर्ने छौं र शैक्षिक परिवर्तन हुने छ ।” उनले वीरगंजमा शिक्षा रुपान्तरण गर्ने मेरो प्रयासको सुरुवातदेखि नै प्राविधिक र परिचालन सहयोग प्रदान गर्दै आएको संस्था विटस् लिडरलाई धन्यवाद समेत दिए । 
 

मन्त्री अंसारीको अथक प्रयासले सामुदायिक विद्यालयहरुमा आधुनिक टेक्नोलोजी भएका सिकाई केन्द्र संचालनमा आएकाे वताइएकाे छ । मन्त्री अन्सारीले दुरदर्शी सोंचका साथ सिकाई केन्द्र संचालनमा ल्याएका हुन् । मधेश प्रदेशमा पहिलो पल्ट यस्ता आधुनिक कक्षा संचालन आएकाे दाबी गरिएकाे छ ।

विगतका समयदेखि सरकारी स्कुल तथा गाउँघरका आम जनताको पहुचभन्दा माथि रहेको सोंचलाई मुर्तरुप दिन नयाँ थालनीकाे सुरुवात गरिएकाे हाे । अहिले ठुल ठुला व्यापारी वा उच्च ओहदाका व्यक्तिहरुले आफनो बालबालिकालाई विदेशमा पैसा खर्च गरेर उनका शैक्षिक स्तर उकास्ने गरेको देखिन्छ ।

तर मन्त्री अन्सारीले नेपालको सरकारी विद्यालयमा नै त्यो विधि ल्याएको र त्यसबाट गाँउघरका गरिब, जेहेन्दार विद्यार्थीहरुले पुर्ण लाभ उठाई विदेशबाट पढेर आएका धनाढय व्यक्तिहरुका बालबालिकासँग कम्पटिशन गर्न सकोस भन्ने चाहना रहि आएकोले मैले यो आधुनिक प्राविधिक कक्षा संचालनमा ल्याएका हुन् ।

नारायणी अस्पतालकाे सरसफाइ महानगरले सुरु गर्‍याे

0

वीरगंज । नारायणी अस्पताल वीरगंजकाे सरसफाइ सोमबारदेखि वीरगंज महानगरपालिका कार्यालयले सुरु गरेको छ । साउन १ गतेदेखि अस्पतालमा गरिने सरसफाइ सम्बन्धी कार्य महानगरपालिकाले गर्ने अस्पताल प्रशासन र वीरगंज महानगरपालिका कार्यालय बिच भएकाे सम्झौता अनुसार वीरगंज महानगरपालिकाले सरसफाइ गर्न सुरु गरेको हो ।

नगर प्रमुख राजेशमान सिंहले सरसफाइको अनुगमन गर्दै नारायणी अस्पतालको सरसफाइ साेमबारदेखि महानगर पालिकाले सुरु गरेको र अस्पताल परिसर सफा स्वच्छ राख्न सबै सेवाग्राहीलाई अपिल गरे । सफाइ र व्यवस्थित पार्किङमा अटेर गर्नेलाई जरिवाना समेत गरिने मेयर सिंहले बताए ।

मेडिकल सुपरिटेन्डेन्ट डा. चित्तरञ्जन साहले वीरगंज महानगरपालिकाले अस्पतालको सरसफाइमा औपचारिक रुपमै सघाएकोमा मेयर सिंहलाई धन्यवाद दिदै अब सरसफाइमा लापरबाही गर्ने जोकोही सित पनि सम्झौता नगरिने बताए । अस्पतालको गुणस्तरीय सेवामा अगामी दिन पनि साथ र सहयोग पाउने आपेक्षा लिएको मेसु साहले बताए ।

सम्झौता अनुसार साउन १ गतेदेखि एक वर्षका लागि नारायणी अस्पतालको बाहिरी क्षेत्रको सम्पूर्ण सरसफाइ वीरगंज महानगरपालिकाले गर्ने छ । बाहिर क्षेत्र अन्तर्गत शौचालय, बरन्डा, भर्‍याङ, अस्पताल परिसर तथा प्रशासनिक भवन पर्ने सम्झौता पत्रमा उल्लेख छ । अस्पतालको शल्यक्रिया कक्ष र वार्ड भित्रको सरसफाइ तथा फोहर व्यवस्थापन अस्पताल आफैले गर्नुपर्ने हुन्छ ।

सरसफाइ गर्नका लागि महानगरपालिकाले अस्पतालसँग कुनै शुल्क लिने छैन भने सरसफाइका लागि वीरगंज महानगरपालिकाबाट खटिने सरसफाइकर्मी र नारायणी अस्पतालमा कार्यरत सम्पूर्ण सरसफाइकर्मीको अनुगमन, नियन्त्रण र हाजिरी प्रमाणित वीरगंज महानगरपालिकाले गर्नेछ ।
 
अस्पतालमा हुने सरसफाइका लागि महानगरपालिका कार्यालयले एक जना नाइकेको नेतृत्वमा ९ जना सरसफाइकर्मी परिचालन गर्ने महानगरको सरसफाइ व्यवस्थापन शाखाको प्रमुख सर्फुदिन मियाँले जानकारी दिए । अस्पताल परिसरमा जथाभाबी फोहर गर्ने उपर वीरगंज महानगरपालिकाको फोहर मैला व्यवस्थापन ऐन २०७५ बमोजिम दण्ड जरिवाना तथा कारबाही समेत गर्ने सम्झौतामा उल्लेख रहेको मियाँले बताए ।

गत वर्ष महानगरको नेतृत्व सँभालेदेखि मेयर सिंहले सरसफाइलाई प्राथमिकतामा राखेर काम अगाडि बढाएका छन् । उनले अभियान नै चलाएर वीरगंजलाई सफा र स्वच्छ बनाउने कार्यलाई तीव्रता दिएका छन् ।

श्रमिककाे पारिश्रमिक बृद्धि गर्न माग, नगरे आन्दाेलन गर्ने चेतावनी

0

वीरगंज । संयुक्त ट्रेड युनियन समन्वय केन्द्र (जेटियुसिसि) मधेश प्रदेशले सरकार तथा रोजगारदाताहरूसँग सबै श्रमिककाे पारिश्रमिक बृद्धि गर्न माग गरेकाे छ ।

जेटियुसिसिले शनिबार वीरगंजमा पत्रकार सम्मेलन गर्दै औपचारिक क्षेत्रमा काम गर्ने सबै श्रमिक तथा अनौपचारिक क्षेत्रमा काम गर्ने कृषि, चिया तथा निर्माण र दैनिक ज्याला, पिस रेट, करार तथा ठेक्कामा काम गर्ने श्रमिकका ज्याला/पारिश्रमिक बुद्धि गर्न माग गरेकाे हाे ।

साथै सडक व्यापार स्वरोजगार श्रमिकहरूका लागि व्यवसाय गर्न स्थान सुनिश्चित गर्न जेटियुसिसिकाे माग रहेकाे छ । यदि समयमै श्रमिकहरूको पारिश्रमिक वृद्धि गरिएन भने देशभरका श्रमिक आन्दोलनमा उत्रिन बाध्य हुने जेटियुसिसि मधेश प्रदेशले जानकारी समेत गराएकाे छ ।

ज्याला र श्रम, हरेक देशको सामाजिक आर्थिक परिवर्तन र श्रमिकहरुको जीवनस्तरसँग गाँसिएको विषय हुँदा विश्वव्यापी रुपमा आन्दोलनको रूप लिएको छ । जबसम्म श्रमिकहरु ज्यालाले परिवारको न्यूनतम आवश्यकता धूरा गर्न नसकेर समाजमा मर्यादित जीवन बाँच्न सक्दैनन् तबसम्म त्यो समाज वा राष्ट्र सुखी, सभ्य र समुन्नत हुन नसक्के जेटियुसिसिकाे भनाई छ ।

नेपालको संविधान २०७२ को धारा ३४ को उपधारा (१) र (२) मा “सबै श्रमिकहरुलाई उचित श्रम अभ्यास तथा उचित पारिश्रमिक, सुविधा र योगदानमा आधारित सामाजिक सुरक्षाको हक हुने छ” भनेर स्पष्टसँग उल्लेख गरिएको छ ।

श्रम ऐन २०७४ को दफा १०७ मा हरेक दुई दुई वर्षमा श्रमिकहरूको पारिश्रमिक निर्धारण गर्नु पर्ने व्यवस्था रहेको छ । तर यो व्यवस्था अनुसार हरेक दुई वर्षमा पारिश्रमिक निर्धारण हुन सकेको छैन ।

श्रमिक जनताले धान्नै नसक्ने गरी खाद्यवस्तु शैक्षिक क्षेत्र, घर भाडा, यातायात भाडा र स्वास्थ्य सेवा लगायतमा मूल्य वृद्धि भएको छ । सबै श्रमिकलाई योगदानमा आधारित सामाजिक सुरक्षा कोषमा आवद्ध गर्न नसकेको कारण महंगो स्वास्थ्य सेवामा पहुँच पुग्न नसकी उपचार खर्चको अभावमा श्रमिकहरू अकाल मृत्यु स्वीकार गर्न वा रोग पालेर बस्न बाध्य हुनु परेको जेटियुसिसि एवम् जिएफटन्टका अध्यक्ष कमलेश झाले वताए ।

उनले यिनै तथ्यलाई मध्यनजर गर्दै हामीले सरकार तथा रोजगारदाताहरूसँग सम्पूर्ण ज्यालाजीविहरूको न्यूनतम पारिश्रमिक नेपाल सरकारको प्रथम श्रेणीका कर्मचारीहरुको पारिश्रमिक बराबर बनाउने प्रस्ताव न्यूनतम पारिश्रमिक निर्धारण समिति बैठकमा जेटिएसीसीको तर्फबाट लिखित प्रस्ताव पेश गरेकाे वताए ।

संयुक्त ट्रेड युनियन समय मधेश प्रदेश सरकारलाई श्रमहरूको न्यूनतम पारिवमिक नेपाल सरकारको कार्यालयमा कार्यरत प्रथम श्रेणीका कर्मचारीहरुको पारिश्रमिक सरह वृद्धि गर्न र रोजगारदाताहरुलाई पनि आलटाल र आफ्नो गोरुको बाहै टक्का भन्ने प्रती छोडेर सहज संवादको माध्यमबाट निष्कर्षमा आउन जेटियुसिसि मधेश प्रदेशले अपिल समेत गरेकाे छ ।

नेपाल पत्रकार महासंघ पर्साकाे सभा हलमा भएकाे पत्रकार सम्मेलनमा नेपाल ट्रेड युनिय कांग्रेस मधेश प्रदेश समितिका कार्यवाहक अध्यक्ष प्रदिप कुमार जयसवाल, अखिल नेपाल ट्रेड युनियन मधेश प्रदेशका सह इन्चार्ज अर्जुन चिमरिया, पेशागत महासंघ मधेश प्रदेशका अध्यक्ष रामजि प्रसाद चौहान लगायतका ट्रेडयुनियनका नेताहरुकाे उपस्थिती रहेकाे थियाे ।

ठाकुरराम मै परीक्षा केन्द्र राख्न पर्साका राजनीतिक दलहरु पहल गर्ने

0

वीरगंज । वीरगंजस्थित ठाकुरराम बहुमुखी क्याम्पसको परीक्षा केन्द्र अन्य जिल्लामा सारिएको विषयलाई लिएर उत्पन्न समस्याका बारेमा शनिवार सर्वपक्षीय बैठक बसेर छलफल गरिएको छ ।

वीरगंजकाे होटेल मकालुमा बसेको सर्वपक्षीय बैठकले परीक्षा केन्द्र अन्य जिल्लामा सारिएको विषयलगायत ठाकुरराम बहुमुखी क्याम्पसमा देखिएको अन्य सम्पूर्ण समस्या समाधानका लागि संयुक्त पहल गर्ने निर्णय गरेको छ ।

बैठकले त्रिभुवन विश्वविद्यालयले अन्य जिल्लामा सारेको परीक्षा केन्द्र पुनः ठाकुरमा बहुमुखी क्याम्पसमै फिर्ता ल्याउन त्रिभुवन विश्वविद्यालयका केन्द्रीय प्रतिनिधिसँग छलफल गरेर निष्कर्षमा पुग्ने निर्णय गरेको बैठकमा सहभागी क्याम्पस प्रमुख रञ्जित प्रसाद यादवले जानकारी दिए ।

त्यसअघि बैठकमा भएको छलफलका क्रममा बोल्दै नेपाली काङ्ग्रेस पर्साका जिल्ला सभापति जनार्दन सिंह क्षेत्रीले नेपालकै शैक्षिक धरोहरका रूपमा रहेको ठाकुरराम बहुमुखी क्याम्पसको परीक्षा केन्द्र अन्यत्र सारेर त्रिभुवन विश्वविद्यालयले हेपाहा प्रवृत्ति देखाएको आरोप लागे । उनले कुनै एउटा कालखण्डमा भएको घटनालाई नजिर बनाएर ठाकुरराम क्याम्पसको परीक्षा केन्द्र अन्यत्र सार्नु खेदजनक भएको टिप्पणी गरे ।

बैठकमा नेकपा एकीकृत समाजवादीका जिल्ला अध्यक्ष बाल गोपाल थापाले स्नातकोत्तर तहको परीक्षा ठाकुरराम क्याम्पसमै हुने तर अन्य तहको परीक्षा अरू जिल्लाको क्याम्पसमा तोक्ने त्रिभुवन विश्वविद्यालयको कदम गलत भएको धारणा राखे । उनले परीक्षा केन्द्र अन्य जिल्लामा सारेर त्रिभुवन विश्वविद्यालयले पर्साका राजनीतिक दलहरूलाई हेपेको पुष्टि भएको बताए ।

बैठकमै सहभागी जनता समाजवादी पार्टी (जसपा) नेपालका जिल्ला अध्यक्ष राम नरेश प्रसाद यादवले पनि त्रिभुवन विश्वविद्यालयले ठाकुरराम क्याम्पस र यहाँ अध्ययनरत विद्यार्थीसँग विभेद गरेको बताए । त्यसका विरुद्धमा जिल्लास्थित राजनीतिक दलहरू एकजुट भएर अगाडि बढ्नुपर्ने आवश्यकता भएको उनले औँल्याए ।

बैठकमा नेकपा एमालेका जिल्ला संयोजक डाक्टर विश्वम्भर शर्मा, लोसपाका नेता निजामुदिन समानी, जसपाका जिल्ला सचिव तबरेज अहमद, नागरिक उन्मुक्ति पार्टीका जिल्ला सहसचिव अमित गौरो, राप्रपाका जिल्ला सचिव पन्नालाल पटेल, ठाकुरराम बहुमुखीका क्याम्पस प्रमुख रञ्जित प्रसाद यादव, सहायक क्याम्पस प्रमुख अनिल कुमार रमण लगायतको पनि सहभागिता रहेकाे अनेरास्ववियु ठाकुर राम बहुमुखी क्याम्पस कमिटी अध्यक्ष एवम् वीरगंज महानगर अध्यक्ष आशिफ अहमदले जानकारी दिए ।

वीरगंजमा एआरटी सेवा प्रभावकारी बन्दै

0

वीरगंज । एड्स हेल्थ केयर फाउन्डेसन (एएचएफ) नेपालको सहयोगमा वीरगंजकाे नारायणी अस्पतालको एआरटी सेवा प्रभावकारी रुपमा सञ्चालन भइरहेको छ । चालु आर्थिक वर्षको अन्तिम अवस्थामा एएचएफ नेपालले एक वर्षमा गरेका गतिविधिका विषयमा स्थानीय परियोजना परामर्श समितिलाई जानकारी गराएको छ ।

एएचएफ नेपालका पर्सा जिल्ला प्रतिनिधि आशिष गुरागाँइका अनुसार नारायणी अस्पतालको एआर टी सेवाबाट हाल १२ सय ८४ जनाले नियमित रुपमा सेवा लिइरहेका छन् । जसमध्ये पर्सा जिल्लाका मात्रै सबैभन्दा धेरै ७ सय ५२ जना रहेका छन् ।

बारा जिल्लाका ३ सय ४२ जना, रौतहटका ९८, सर्लाहीका ८५ जना, मकवानपुरका ४ जना र धनुषाका ३ जनाले वीरगंजस्थित नारायणी अस्पतालको एआरटी सेन्टरबाट सेवा लिइरहेको उनले बताए । वीरगंजकाे आदर्शनगरस्थित होटल लर्डस दियालोमा बसेको परियोजना परामर्श समितिको बैठकमा गुरागाईँले प्रस्तुत गरेको तथ्याङ्क अनुसार पर्सा जिल्लाका १४ वटा स्थानीय तहमध्ये सबैभन्दा बढी वीरगंज महानगरपालिकामा एचआइभी सङ्क्रमित रहेका छन् ।

महानगरपालिकामा २ सय ४८ जना सङ्क्रमितले सेवा लिँदा सबैभन्दा कम ठोरी गाउँपालिकाका १४ जनाले लिइरहेका छन् । बैठकलाई सम्बोधन गर्दै एएचएफ नेपालका कन्ट्री प्रोग्राम म्यानेजर दिब्यराज जोशीले स्थानीय तह एवम् अन्य साझेदार संस्थाहरूको सहयोगमा संस्थाले गरिरहेका कामले सकारात्मक नतिजा दिएको बताए ।

एचआइभी लागेपछि समाजले हेर्ने दृष्टिकोण बदल्नुपर्ने आवश्यकता औँल्याउँदै जोशीले हेय भन्दा पनि प्रेमको दृष्टिकोणबाट हेर्नुपर्नेमा जोड दिए । एचआइभी सङ्क्रमित आमाले जन्माएको सन्तानको परीक्षण गर्दा सङ्क्रमण नदेखिने अवस्थामा पुगेकोमा खुसी व्यक्त गर्दै उनले सहज र सरल ढङ्गले एचआइभी सङ्क्रमितले सेवा पाउनुपर्ने अवस्थाको निर्माण गर्नुपर्ने धारणा राखे ।

अन्य प्रदेशको तुलनामा मधेश प्रदेशमा एचआइभीको सङ्क्रमण धेरै देखिएको हुँदा सीमा क्षेत्रसँग जोडिएका क्षेत्रमा सचेतनाको अभियानलाई तीव्रता दिनुपर्ने जोशीको भनाई छ । एएचएफ नेपालले एचआइभीसँगै अन्य यौनरोगका क्षेत्रमा पनि काम गर्ने योजनाका साथ अघि बढी रहेको उनले बताए ।

नारायणी अस्पतालका मेडिकल सुपरिटेन्डेन्ट डा. चितरञ्जन साहले संस्थासँगको सहकार्यमा अस्पतालले कुनै कसर बाँकी नराख्ने प्रतिबद्धता व्यक्त गरे । साथै उनले एआरटी सेवाका लागि स्थान अभावको समस्या केही समयभित्रै समाधान गर्ने बताएका छन् ।

त्यस्तै वीरगंज महानगरपालिकाको स्वास्थ्य तथा सामाजिक विकास महाशाखाका संयोजक रितेश जैसवालले पनि संस्थासँग हातेमालो गरेर काम गर्ने बताए । महानगरपालिकाले सस्तो र सर्वसुलभ मूल्यमा प्रयोगशाला स्थापना गर्न लागेको जानकारी गराउँदै उनले त्यसमा एचआइभीको परीक्षण पनि गर्ने व्यवस्था मिलाइने बताए ।

एआरटी सेन्टरकी इन्चार्ज सरिता श्रेष्ठले एचआईभिको क्षेत्रका काम गर्दा चुनौती भएपनि त्यसलाई अवसरको रुपमा लिएर काम गरीरहेको बताइन् । एएचएफ नेपालको सहयोगले एआरटी सेवा प्रभावकारी रुपमा चलीरहेको बताउँदै उनले आफ्नो अवकाशपछि पनि एएचएफ नेपालको यस्तै सहयोगले निरन्तरता पाइरहने विश्वास व्यक्त गरिन् ।

नर्सिङ् प्रशासक श्रुती साहले एएचएफ नेपालकै सहयोगका कारण एआरटी सेवा प्रभावकारी भइरहेको प्रतिक्रिया दिइन् । एआरटी सेवा गुणस्तरीय एवम् विश्वसनीय बनाउनमा एएचएफ नेपालको भूमिकाको सह्राना गर्दै उनले स्वास्थ्य मन्त्रालयबाट गरिने न्यूनतम सेवा मानक मा पनि एआरटीले शतप्रतिशत अंक ल्याउन सफल भएको जानकारी गराइन् ।

कार्यक्रममा एआरटी सेन्टरका फोकल पर्सन नारायणी अस्पतालका वरिष्ठ छाला तथा चर्म रोग विशेषज्ञ डा. अतुलेश कुमार चौरसिया, वीरगंज महानगरपालिकाका स्वास्थ्य तथा सामाजिक विकास महाशाखाका जनस्वास्थ्य निरीक्षक सुमन चन्द्र ठाकुर, स्वास्थ्य कार्यालय पर्साका विनोद झालगायतको उपस्थिति रहेको थियो ।

एएचएफ नेपालका वरिष्ठ कार्यक्रम संयोजक कृष्णहरि सापकोटाले स्वागत मन्तव्य व्यक्त गरेको कार्यक्रमको सहजीकरण एएचएफ नेपालका पर्सा जिल्ला प्रतिनिधी आशिष गुरागाँईले नै गरेका थिए ।

लिटल बडी इन्टरनेशनल प्रिस्कूलद्वारा रक्तदान कार्यक्रम सम्पन्न

0

वीरगंज । वीरगंजकाे लिटल बडी इन्टरनेशनल प्रिस्कूलको आयोजनामा शनिबार रक्तदान कार्यक्रम सम्पन्न भएको छ । प्रिस्कूलका प्रधानाध्यापक विजयकुमार बलको अध्यक्षतामा भएकाे कार्यक्रममा ६ महिलासहित ४० जनाले रक्तदान गरेका हुन् ।

रोट्रयाक्ट क्लब अफ वीरगंज मेट्रोपोलिसको सहकार्यमा कार्यक्रम आयाेजना गरिएकाे प्रिस्कूलका प्रधानाध्यापक बलले बताए । कार्यक्रमलाई सम्बोधन गर्दै वीरगंज युवा समाजका संस्थापक अध्यक्ष कमल चौगाईले रक्तदान गरेर पुण्य कमाउन आग्रह गरे । बढ्दै गएको रगतको मागलाई पूर्ती गर्न सबैले रक्तदान गर्नुपर्नेमा चौगाईले जोड दिए ।

कार्यक्रममा प्याब्सन पर्साका अध्यक्ष पुरन प्रधान, केन्द्रीय सदस्य छेदूप लामा, राहुल श्रीवास्तव, सुरजबाबु पटेल, पर्सा रेफरी एसोसिएसनका अध्यक्ष अर्जनु गुप्ता, रोट्रयाक्ट क्लब अफ वीरगंज मेट्रापोलिसका अध्यक्ष रेशु अग्रवाल, अनिल जयसवाल, प्रकाश कर्ण लगायतको उपस्थिति रहेको थियो ।