Date
सोम, कार्तिक ३०, २०८३
Mon, November 16, 2026
Home Blog Page 503

आपत्कालकाे समयमा ज्यान जोगाउन सिपीआर महत्त्वपूर्ण

0

वीरगंज । भारतका प्रसिद्ध चिकित्सकहरूले वीरगंजमा कार्डियोपल्मोनरी रिसस्सिटेसन (सिपीआर) सम्बन्धी अभिमुखीकरण गरेका छन् ।

छिमेकी राष्ट्र भारतको विहार राज्यको केन्द्र पटना सहरस्थित जयप्रभा मेदान्ता सुपर स्पेस्यालिटी हस्पिटलका वरिष्ठ मुटुरोग विशेषज्ञ तथा क्लिनिकल कार्डियोलोजी एन्ड रिसर्च हार्ट इन्स्टिच्युट पटनाका निर्देशक डा. अजय सिन्हाले वीरगंजमा सिपीआर सम्बन्धी अभिमुखीकरण गरेका हुन् ।

अस्पतालसँगको सहकार्यमा नेपाल युवा उद्यमी मञ्च (एनवाइईएफ) वीरगंजले शनिवार यहाँस्थित दियालो लर्ड्स प्लाजा होटेलमा आयोजना गरेको कार्यक्रममा विभिन्न सङ्घ संस्थाबाट आमन्त्रित प्रतिनिधिलाई डा. सिन्हा र उनीसँगै आएको विशेषज्ञ चिकित्सकहरूको समूहले सिपीआर सम्बन्धी सैद्धान्तिक जानकारी गराउनुका साथै डम्मीको सहयोगले सीपीआर गर्ने तरिकाका बारेमा प्रशिक्षण गरेका थिए ।

कुनै कारण वा रोगले गर्दा अचानक मुटु चल्न बन्द भए बाहिरबाट मुटु थिचेर रगत पम्प गराउनका लागि आपत्कालमा गरिने उपायलाई सिपीआर भनिने डा. सिन्हाले बताए । मानिसको मस्तिष्कमा पर्याप्त मात्रामा रगत र अक्सिजन नपुगेको खण्डमा आपत्कालका लागि सिपीआरले मुटुको सञ्चालन गर्नुका साथै आंशिक रूपमा मस्तिष्कसम्म रगत र अक्सिजन पुर्‍याउने काम गर्ने गरेको उनले बताए ।

उनले भने, ‘मस्तिष्कमा चार मिनेटसम्म रगत नपुग्दा त्यसका कोषहरू मर्न थाल्छन् र सात मिनेटसम्म पनि नपुगेमा पूर्णरूपमा मारेर मान्छेको ज्यान समेत जान सक्छ । त्यसैले मस्तिष्कलाई बचाइराख्न र मुटुको चाल ठिक गर्न सिपीआर गरिन्छ ।’

आपत्कालको समयमा कुनै पनि व्यक्तिको ज्यान जोगाउन सिपीआर महत्त्वपूर्ण रहेको भन्दै डा. सिन्हाले प्रत्येक व्यक्तिलाई यसको बारेमा प्रशिक्षण दिन आवश्यक रहेको बताए । सिपीआर गर्न जाने बर्सेनि हजारौँ व्यक्तिलाई मृत्युको मुखबाट जोगाउन सकिने उनको भनाई थियो ।

कार्यक्रममा नारायणी अस्पतालका वरिष्ठ चिकित्सक डा. नीरज सिंह र डा. श्याम सुन्दर दासले पछिल्लो समय बढ्दै गएको डेङ्गी सङ्क्रमणबाट जोगिने उपाय र लागी हाले उपचारको प्रक्रिया बारेमा जानकारी गराएका थिए । 
 
कार्यक्रममा नेपाल उद्योग वाणिज्य महासङ्घ मधेस प्रदेशका पूर्व अध्यक्ष गणेश प्रसाद लाठ, नेपाल मेडिकल एसोसीएससन नारायणी क्षेत्रका प्रमुख डा. मनोज गुप्ता, मस्कुलोस्केलेटल डिसअर्डर र अर्थोपेडिक्स संस्थान पटनाका निर्देशक तथा वरिष्ठ परामर्शदाता डा. सन्तोषकुमार सिंह, सीटीभीएस कार्डियाक सर्जरी हार्ट इन्स्टिच्युट पटनाका निर्देशक डा. सञ्जय कुमार, न्युरोसर्जन इन्स्टिच्युट एन्ड न्युरोसाइन्सेस पटनाका निर्देशक तथा विभाग प्रमुख डा. मुकुन्द प्रसाद र मेडिकल एन्ड हेमाटो अनकोलोजी क्यान्सर इन्स्टिच्युट पटनाका डा. अमरेन्द्र अमर लगायतले आफ्नो मन्तव्य राखेका थिए ।

एनवाइईएफ वीरगंजका अध्यक्ष सन्दीप अग्रवालको सभापतित्वमा भएको कार्यक्रममा जयप्रभा मेदान्ता सुपर स्पेस्यालिटी हस्पिटल र एनवाइईएफ, वीरगंज साइकीलिङ क्लब, राउण्ड टेबल नेपाल, वुमन्स क्रिएसन र फोर जी आर समूह बिच छुट सम्बन्धी सम्झौता पनि भएको थियो । सम्झौता गरेका संस्थाका सदस्यहरूले अस्पतालमा उपचार गराउँदा विशेष छुट प्राप्त गर्ने छन् ।

अन्तर बैंक महिला फुटबल टुर्नामेन्टकाे क्वार्टर फाइनलमा ७ बैंक प्रबेश

0

वीरगंज । नेपाल राष्ट्र बैंक कर्मचारी संघ वीरगंज समितिले अन्तर–बैंक महिला फुटबल टुर्नामेन्ट २०८० आयोजना गरेकाे छ ।

हरितालिका तीजको अवसरमा भदाै २२ गतेदेखि नेपाल राष्ट्र बैंक वीरगंजकाे कम्पाउन्ड भित्र सुरु भएकाे टुर्नामेन्ट भदाै ३० गतेसम्म संचालन हुने छ । टुर्नामेन्टकाे उद्घाटन शुक्रबार राष्ट्र बैंक वीरगंजका निर्देशक अजित रेग्मीले गरेका थिए ।

नेपाल राष्ट्र बैंक कर्मचारी संघ  वीरगंज समितिका अध्यक्ष नरेश कुमार सर्राफकाे अध्यक्षतामा भएकाे उद्घाटन कार्यक्रममा कर्पाेरेट डेभलपमेन्ट बैंकका प्रमुख कार्यकारी अधिकृत विपिन राज पोखरेल, नेपाल राष्ट्र बैंक कर्मचारी संघ केन्द्रीय समितिका उपाध्यक्ष तुलसी राम बानिया लगायतकाे उपस्थिती रहेकाे थियाे । 

१८ वटा बैंक सहभागी भएको उक्त प्रतियोगिताको पहिलो दिनको ६ वटा खेलहरुमा नेपाल राष्ट्र बैंकले प्रभु बैंकलाई ३–०, नेपाल बैंकले पेनाल्टी सुटआउटमा नेपाल एस.बी.आई. बैंकलाई २–०, कुमारी बैंकले पेनाल्टी सुटआउटमा सिटिजनस् बैंकलाई २–०, नबिल बैंकले एन.आई.सी. एसिया बैंकलाई ३–०, लक्ष्मी सनराइज बैंकले सिद्धार्थ बैंकलाई २–०, प्राइम कर्मर्सियल बैंकलाई ३–० को गोल अन्तरले पराजित गरेको थियो ।

त्यसैगरी शनिबार दाेस्राे दिन भएकाे ९ वटा खेलहरुमा नेपाल राष्ट्र बैंकले पेनाल्टी सुटआउटमा सानिमा बैंकलाई २–०, नेपाल बैंकले पेनाल्टी सुटआउटमा कर्पाेरेट डेभलपमेन्ट बैंकलाई २–०, कुमारी बैंकले एन.एम.बी. बैंकलाई २–०, नबिल बैंकले ग्लोबल आइ.एम.इ. बैंकलाई ५–१, नेपाल एस.बी.आई. बैंकले हिमालयन बैंकलाई २–०, एन.आइ.सी. एसिया बैंकले प्राइम बैंकलाई ४–२, लक्ष्मी सनराइज बैंकले सिटिजन बैंकलाई २–०, एन.एम.बी. बैंकले सिद्धार्थ बैंकलाई २–० र कर्पाेरेट डेभलपमेन्ट बैंकले हिमालयन बैंकलाई ३–० को गोल अन्तरले पराजित गरेको थियो ।

हालसम्म नेपाल राष्ट्र बैंक, प्राइम कर्मर्सियल बैंक, कर्पाेरेट डेभलपमेन्ट बैंक, लक्ष्मी सनराइज बैंक, नेपाल बैंक, कुमारी बैंक र नबिल बैंक गरी हालसम्म ७ वटा बैंक क्वार्टर–फाइनलमा प्रवेश गरिसकेकाे आयाेजक कर्मचारी संघ वीरगंज समितिका अध्यक्ष सर्राफले जानकारी दिए‍  । प्रतियोगिताको बाँकी खेलहरु भदाै २९ र ३० गते हुने अध्यक्ष सर्राफले वताए ।

उक्त प्रतियोगिताको मुख्य प्रायोजक कर्पाेरेट डेभलपभेन्ट बैंक, प्रायोजक ग्लोबल आई.एम.ई. बैंक र एन.आई.सी. एसिया बैंक तथा सह–प्रायोजक लक्ष्मी सनराइज बैंक, नबिल बैंक र राष्टिय वाणिज्य बैंक रहेका छन् ।

ट्राफिक सुरक्षा नियम सम्बन्धी अभिमुखीकरण

0

वीरगंज । रोट्याक्ट क्लब ऑफ वीरगंज मेट्रोपोलिसको आयोजनामा आइतबार पनि ट्राफिक सुरक्षा नियम सम्बन्धी अभिमुखीकरण कार्यक्रम सम्पन्न भएकाे छ ।

परवानीपुरस्थित डिएभीआरभि केडिया स्कुलमा भएकाे कार्यक्रममा ट्राफिक नियम सम्बन्धि प्रशिक्षण दिइएकाे क्लबका उपाध्यक्ष एवम् कार्यक्रम संयाेजक दिपु बर्णवालले वताए । कक्षा ११ र १२ का विद्यार्थीलाई लक्षित गरेर आयोजित अभिमुखीकरण कार्यक्रममा ट्राफिक सुरक्षा नियम, ट्राफिक नियम पालनाको महत्त्व र युवाहरूमा सुरक्षा नियमहरूको पालना र कार्यान्वयनमा विद्यार्थीहरूको भूमिका लगायतका विषयका बारेमा जानकारी गराइएकाे उनले वताए ।

कार्यक्रममा जिल्ला ट्राफिक प्रहरी कार्यालय पर्साका बरिष्ट प्रहरी नायब निरिक्षक गुनानिधि खकुरेलले विद्यार्थीहरूलाई ट्राफिक नियमको पालना गर्न आग्रह गरेका थिए । उनले ट्राफिक नियम पालना नगर्दा दुर्घटना हुन सक्ने भएकाेले ट्राफिक नियमकाे पालना गर्नु पर्नेमा जाेड दिए ।

विद्यार्थीमा ट्राफिक नियम सम्बन्धी जनचेतना जगाउन कार्यक्रम आयोजना गरेकोमा स्कूलले आयोजकलाई धन्यवाद दिएको थियाे । कार्यक्रममा रोट्याक्ट क्लब ऑफ वीरगंज मेट्रोपोलिसका अध्यक्ष रेशु अग्रवाल, उपाध्यक्ष दिपु वर्णवाल, प्रगति ठाकुर, संस्थापक अध्यक्ष प्रकाश कर्ण लगायतको उपस्थिति रहेकाे थियो ।

यस अघि पनि राेट्याक्ट क्लबले वीरगंजस्थित माउन्ट मकालु स्कुलमा ट्राफिक सुरक्षा नियम सम्बन्धि कार्यक्रम गरेकाे थियाे । 

रोटर्याक्टकाे तीज मिलन तथा सम्मान कार्यक्रम सम्पन्न

0
वीरगंज । रोटर्याक्ट क्लब अफ सेन्ट्रल रुपन्देहीकाे आयाेजनामा तीज मिलन तथा सम्मान कार्यक्रममा सम्पन्न भएकाे छ । क्लबका अध्यक्ष दिवाश खनालकाे अध्यक्षतामा एशियन होटल कालिकानगरमा भएकाे कार्यक्रम सम्पन्न भएकाे हाे ।
 
उक्त कार्यक्रममा विभिन्न क्षेत्रमा रही महत्वपूर्ण योगदान पुर्याएकी प्रभावशाली महिलाहरुलाई सम्मान गरिएको थियो । कार्यक्रममा योगीकुटी प्रहरी बिटकी स्टेसन इन्चार्ज विमला विकले विगत २५ वर्षदेखि अनवरत रुपमा समाजमा शान्ति सुरक्षा कायम गर्न गरेको योगदानको उच्च कदर गर्दै उनलाई सुरक्षा विधामा सम्मान गरिएको थियो ।
 
 त्यसैगरी राष्ट्रिय गायिका दुर्गा नेपालले नेपाली लोकगीत संगीतलाई नयाँ उचाइमा लान पुर्याएको योगदानको कदर गर्दै उनलाई मनोरञ्जन विधामा सम्मान गरिएको थियो । कोहिनूर हेल्मेटकी प्रबन्ध निर्देशक सीमा बस्याललाई राष्ट्रिय अर्थतन्त्र तथा रोजगारी सिर्जनाको क्षेत्रमा ठूलो योगदान गरेकी भन्दै उनलाई उधमसिल्ता तर्फबाट सम्मान गरिएको थियो ।
 
साथै सामाजिक व्यक्ति मिनाक्षी न्यौपानेलाई सञ्चार तथा सामाजिक क्षेत्रमा पुर्याएकाे योगदानको उच्च कदर गर्दै उक्त विधामा उनलाई सम्मान गरिएको थियो ।
 
सामाजिक अभियन्ता तथा तिलोत्तमा टेलिभिजनकी सिइओ मिनेक्षी न्यौपाने प्रमुख आतिथ्यतामा भएकाे कार्यक्रममा रोट्रयाक नेपालका डिआरआर (२०२४/२५) बिक्रम क्षेत्रीले रोट्रयाकको बारेमा प्रकाश पारेका थिए ।
 
कार्यक्रममा क्लवका अध्यक्ष दिवशले बोल्दै समाजमा रहेको लैङ्गिक विविधतालाई हटाई एउटा सुन्दर समाजनिर्माण गर्नको लागि गरेको एउटा स्यानो प्रयास रहेकाे वताए ।
 
कार्यक्रममा रोटर्याक्ट क्षेत्र ५ का विभिन्न क्लबका महिला अध्यक्षहरुको सहभागिता रहेको थियो । सम्मान कार्यक्रम सँगै त्यहाँ तिजको शुभकामना आदनप्रदान तथा दरखाने कार्यक्रम पनि सम्पन्न भएकाे कार्यक्रम संयोजक योगेश ज्ञवालीले जानकारी दिए ।

राष्ट्रिय सहारा दैनिककाे २० औं बार्षिकाेत्स सम्पन्न

0

वीरगंज । वीरगंजबाट प्रकाशित राष्ट्रिय सहारा दैनिक पत्रिकाको २० औं वार्षिकाेत्सवकाे अवसरमा साना लगानीका संचार माध्यमहरुकाे प्रवर्द्धनमा स्थानिय सरकारकाे भुमिका विषयक अन्तरक्रिया कार्यक्रम सम्पन्न भएको छ ।

कार्यक्रममा वाेल्ने वक्ताहरुले साना लगानीका संचार माध्यमकाे प्रवर्द्धन जरुरी रहेकाे वताएका छन् । साना लगानीका स‌ंचार माध्यम प्रवर्द्धनमा स्थानिय सरकारकाे भुमिका महत्वपूर्ण रहेकाे वताउँदै सबै स्थानिय तहकाे अधिकार प्रयाेग गरेर संरक्षण तथा प्रवर्द्धन गर्नु पर्ने वताए ।

कार्यक्रममा प्रमुख अतिथि पूर्व मन्त्री एवम् प्रतिनिधि सभा सदस्य किसान श्रेष्ठले सरकारले पत्रकार र संचारमाध्यमकाे प्रवर्द्धनमा लगानी गर्न जरुरी रहेकाे बताए । उनले स्थानिय तहले स्थानिय संचारमाध्यमकाे प्रवर्द्धनमा ठाेस निति बनाएर सहयाेग गर्नु पर्ने वताए ।

उनले भने “स्थानिय निकायले स्थानिय संचारमाध्यमलाई विज्ञापन दिनु पर्छ, जिल्ला मै नआउने पत्रिकालाई विज्ञान र सूचना दिनु गलत हाे । कुनै पनि बहानामा त्यस्ताे हुनु हुँदैन ।” 

बारा क्षेत्र नं. ४ बाट निर्वाचित संघिय सांसद श्रेष्ठले मधेशकाे विकास बेगर नेपाल समृद्ध हुन नसक्ने धारणा राखे । उनले भने “यदि नेपाललाई समृद्ध बनाउनु छ भने मधेशकाे बिकाश हुनु आवश्यक छ ।”

सांसद श्रेष्ठले पत्रिका सह सम्पादक स्व. नरेश सर्राफकाे नाममा पत्रिकाले स्थापना गर्ने काेषमा आफ्नाे एक महिनाकाे तलब सहयाेग गर्ने घाेषणा समेत गरे । 

कार्यक्रममा पूर्व मन्त्री एवम् प्रदेश सभा सदस्य जितेन्द्र सोनलले पत्रिका लामो उतारचढावका बीच २० बर्ष पुरा गरि २१ बर्षमा प्रबेश गरेकाे बधाई तथा शुभकामना दिदै पत्रिकालाई निष्पक्ष र लोकतन्त्रको मार्यादालाई बुझेर अगाडी बढनु पर्ने सुझाव दिए ।

उनले विभिन्न आन्दाेलन स्थानिय संचार माध्यमले पुर्याएकाे याेगदानकाे स्मरण गर्दै प्राप्त उपलब्धि संस्थागत गर्न पनि कलम चलाउन जरुरी रहेकाे वताए ।

पत्रिकाका सञ्चालक चन्द्रभूषण साहको अध्यक्षतामा भएको  कार्यक्रममा वीरगंज महानगरपालिकाका उप मेयर इम्तियाज आलम, बहुदरमाई नगरपालिकाका मेयर सिंगासन साह तेली, नेपाल पत्रकार महासंघका केन्द्रिय सचिव दीपेन्द्र चौहान, केन्द्रिय सदस्य केसी लामिछाने, नेकपा एमाले पर्साका संयाेजक डा. बिश्वभर शर्मा, नेकपा एकीकृत समाजवादी पर्साका अध्यक्ष बालगाेपाल थापा, वीरगंज महानगर अध्यक्ष मनाेज चाैधरी, जनमत पार्टी पर्साका संयाेजक ओमप्रकाश सर्राफ, नेकपा माओवादी केन्द्रका प्रतिनिधि अमिताभ बचन दास, वीरगंज उद्योग वाणिज्य संघका अध्यक्ष अनिल अग्रवाल, पत्रकार महासंघ पर्साका अध्यक्ष अनुप तिवारी, नेपाल प्रेस युनियनका सचिव अशाेक तिवारी, समाजवादी प्रेस संगठन नेपालका सचिव एवम् पत्रिकाका सम्पादक बृजलाल पासवान, प्रेस सेन्टर नेपालका केन्द्रिय सदस्य निरज पिठाकाेटे मगर, पर्सा अध्यक्ष दिपक गाैतम, समाजवादी प्रेस संगठन पर्साका अध्यक्ष मनाेज पटेल लगायतकाे सहभागिता रहेकाे थियाे भने कार्यक्रम संचालन पत्रकार शम्भु कुमार सुमनले गरेका थिए ।

कार्यक्रममा केही समय पहिला अल्पायु मै निधन भएका पत्रिकाका सह सम्पादक स्व. नरेश सर्राफ प्रति एक मिनेट माैन धारण गर्नुकाे साथै उनकाे तस्बिरमा माल्यार्पण समेत गरिएकाे थियाे ।

विभिन्न कार्यक्रम गरि मधेश विश्वविद्यालयकाे प्रथम बार्षिकाेत्सव मनाइयाे

0

वीरगंज । मधेश विश्वविद्यालयले आफ्नाे प्रथम बार्षिकाेत्सवकाे अवसरमा विभिन्न कार्यक्रम सम्पन्न गरेकाे छ ।

शुक्रबार वीरगंजस्थि विश्व विद्यालय परिसरमा आयाेजित बार्षिकाेत्सव समाराेहलाई सम्बाेधन गर्दै मधेस प्रदेशका शिक्षा तथा समाज कल्याणमन्त्री महेश प्रसाद यादवले मधेस प्रदेशको शिक्षा प्रणाली जर्जर अवस्थामा पुगेको बताए ।

मधेस विश्वविद्यालयको सहकुलपतिसमेत रहेका यादवले जर्जर अवस्थामा रहेको मधेसको शिक्षा प्रणालीलाई सुधार गर्दै माथि उकास्न मधेस विश्वविद्यालयको भूमीका अहम हुने विश्वास आफुले लिएको बताए ।

उनले शिक्षा नै समाज निर्माणको मेरुदण्ड भएकाले शिक्षाको विकासलाई मधेस सरकारले मुख्य प्राथमिकता दिएकोपनि जनाए ।

मधेस प्रदेश सरकारसंग सिमित श्रोत साधन भएपनि सिमित श्रोतसाधनकै भरपुर उपयोग गरेर छोटो अवधीमै मधेस विश्वविद्यालय यो अवस्थामा आइपुग्नु गौरवको विषय भएको बताए ।

उनले अब मधेस प्रदेशको कुनैपनि व्याक्ति निरक्षर रहने उद्घोषपनि गरे । मन्त्री यादवले भने,‘ यदि हामीले निष्पक्ष रुपमा र सकरात्मक सोच राखेर काम गरयौ भने समाजको मुहार फेर्न सक्छौ । यो कुरा यस विश्वविद्यालयको प्रथम वार्षिक उत्सवलेपनि पुष्टि गरेको छ ।

मधेस विश्वविद्यालयका उपकुलपति डाक्टर दिपक शाक्यले स्थापनाको एकवर्षमै विश्वविद्यालयमा कक्षा सञ्चालनको अवस्थामा पुगेको जानकारी गराए । सुरुमा कानुन र जनप्रशासनको पठनपाठन सञ्चालन गर्न लागिएको उनले बताए ।

उनले भने,‘ अबको एक दुई हप्ताभित्रै कक्षा सञ्चालन गर्दैछौ । उनले अबको ५ वर्षभित्रमा मधेस विश्वविद्यालयलाई देशकै एउटा प्रतिष्ठीत र उत्कृष्ट विश्वविद्यालयका रुपमा स्थापित गर्ने उद्घोषपनि गरे ।

शाक्यको अध्यक्षता तथा मन्त्री यादवको प्रमुख आतिथ्यतामा भएको कार्यक्रमलाई मधेस सरकारका उर्जा, सिचाई तथा खानेपानी मन्त्री सिंहासन साह कलवार, वन तथा बाताबरण मन्त्री रमेश कुर्मी, मधेसका पूर्व मुख्यमन्त्री लालबाबु राउत, प्रदेश सभा सदस्यद्वय श्याम पटेल, प्रमोद जयसवाल, प्राध्यापक डाक्टर उपेन्द्र कोइराला, प्राध्यापक डाक्टर युवराज संग्रौला लगायतलेपनि सम्बोधन गरेका थिए ।

यस अघि मधेस विश्व विद्यालयको बार्षिकाेत्सव कै उपलक्ष्यमा वृक्षारोपण तथा स्वास्थ्य शिविर कार्यक्रम सम्पन्न भएको थियाे । 

पर्साको बहुदरामाई – २ मा रहेको मता बहुदरामाईको मन्दिरमा वृक्षारोपणसँगै विशेष पूजाका साथ स्वास्थ्य शिविरको आयोजना गरिएकाे थियाे ।

मधेस विश्वविद्यालयका उपकुलपति प्रा.डा. दीपक शाक्यको सभापतित्व एवम् मधेस प्रदेशका वतन तथा वातावरण मन्त्री रमेशप्रसाद कुर्मीको प्रमुख आतिथ्यमा सम्पन्न कार्यक्रममा बहुदरमाई मन्दिर प्राङ्गणमा विभिन्न प्रजातिको बोट बिरुवा रोपिनुका साथै स्थानीयहरूको नि:शुल्क रूपमा स्वास्थ्य परीक्षण गरिएको थियो ।

रोट्याक्टद्वारा छात्राहरुलाई महीनवारी सम्बन्धी अभिमुखीकरण

0

वीरगंज । रोट्याक्ट क्लब अफ वीरगंज मेट्रोपोलिसको आयोजनामा शुक्रवार महीनवारी सम्बन्धी अभिमुखीकरण कार्यक्रम सम्पन्न भएको छ ।

वीरगंजस्थित श्री सुन्दरमल रामकुमार कन्या उच्च माद्यामिक विद्यालयमा भएकाे कार्यक्रममा विद्यालयमा अध्ययनरत छात्राहरुलाई महीनवारी सम्बन्धि प्रशिक्षण दिइएको क्लबका उपाध्यक्ष एवम् कार्यक्रम संयोजक दिपु बर्णवालले जानकारी दिए । कक्षा ८ र ९ का विद्यार्थीलाई लक्षित गरेर अभिमुखीकरणको आयोजना गरिएको उनले वताए ।

कार्यक्रममा नेशनल मेडिकल कलेजमा डा. सोनम दास, एमबिबिएस अन्तिम वर्षमा अध्यनरत संध्या आवले, दिकयी संगमे, प्रीति सुबेदि लगायतले प्रशिक्षण दिएका थिए । प्रशिक्षणकाे क्रममा प्रशिक्षकहरुले महिनावारी सामान्य प्राकृतिक प्रक्रिया भएको हुँदा लाज मान्ने र लुकाउने प्रवृति अन्त्य गरी खुलेर कुरा गर्नुपर्ने बताए ।

कार्यक्रममा रोट्याक्ट क्लब अफ वीरगंज मेट्रोपोलिसका अध्यक्ष रेशु अग्रवाल, उपाध्यक्ष दिपु वर्णवाल, राधिका दारुका, आभा मंडल लगायतको उपस्थिति रहेको थियो ।

बेचविखनकाे लागि भारत लग्दै गरिएकाे बालिकाका उद्धार, एक युवक पक्राउ

0

वीरगंज । मानव बेचबिखन विरुद्धको एकाइ क्षेत्रीय मुख्यालय रक्सौल (एसएसबी) ले एक नेपाली बालिकालाई उद्धार गरेकाे छ । 

बाराकाे देवताल गाउँपालिका निवासी एक १७ बर्षिय नाबालिगललाई प्रेम विवाहको बहानामा पटना लैजान खोज्दा देवताल गाउँपालिका कै पिपरपाती पचरवता निवासी २३ बर्षिय मोहम्मद वारिस अली नामका व्यक्तिलाई पक्राउ गरेर नेपाली प्रहरीलाई बुझाइएकाे भारतिय प्रहरीले जनाएकाे छ ।

भारतिय प्रहरीका अनुसार मानव बेचबिखन नियन्त्रण इकाईको टोलीले एक केटा र केटीलाई अटो छोडेको देखेपछि उनीहरूमाथि शंका लाग्यो । शंकाका कारण रोकिएपछि यो युवक लामो समयदेखि युवतीसँग फरार रहेको खुलासा भयो ।

छोरी कहाँ गइन् भनेर परिवारका सदस्य निकै चिन्तित थिए ? युवतीलाई एनजीओ किनेक्टा नेपाल वीरगंजले काउन्सिलिङ गर्दा फेसबुक र साथीमार्फत उक्त व्यक्तिले नेपाली नाबालिग युवतीसँग मित्रता बनाएर ह्वाट्सएपमा च्याट गर्न थालेको र तीन महिनामै युवतीलाई आफूसँगै लैजान तयार भएको खुलासा भएको थियो ।

मोहम्मद वारिस अलीलाई चिनिने एक संदिग्ध केटीको नाम पनि खुलासा भएको छ जसले एक नाबालिग केटीलाई लभ जिहादमा फसाउन मद्दत गरिरहेको भारतिय प्रहरीकाे भनाई छ । पीडित युवतीलाई यसअघि कहिल्यै भेट भएको थियो कि भनेर सोध्दा उनले पहिले मोबाइलबाट मात्र कुराकानी हुने गरेको बताइन् ।

कुराकानीको क्रममा केटाले आफूले चिनेकी एउटी महिलासँग पनि कुरा गरेको थियो, ती महिलाले मसँग राम्रोसँग कुरा गरिन् र उनी धेरै राम्रो केटा हो र उनीसँग प्रेम विवाह गर्न पाउँदा म धेरै खुसी हुने बताइन् । केटालाई सोधपुछ गर्दा केटाले तीन चार दिन बोकेर हिडेको बताए । बिहे गर्ने सोच थिएन ।

युवतीका परिवारसँग कुरा गर्दा केटी एक केटासँग पटना (भारत) जाँदै गरेको जानकारी थिएन । बालिकाका परिवारले आफ्नी छोरीलाई जान नदिन आग्रह गरेकाे थियाे । भारतिय प्रहरीले मोहम्मद वारिस अली र केटीलाई बिहिबार इनरवा प्रहरी चाैकी वीरगंजलाई बुझाइएको हाे ।

उक्त उद्धार कार्यमा मानव बेचबिखन नियन्त्रण इकाईको इलाका मुख्यालय बेतिया कार्यालय ४७ औं कोर एस.सी.बी. रक्सौलका इन्स्पेक्टर मनोज कुमार शर्मा, सब इन्स्पेक्टर नेहा सिंह, असिस्टेन्ट सब इन्स्पेक्टर अनिल कुमार शर्मा, प्रमुख हवल्दार अरविन्द द्विवेदी एन.जी.ओ. नेपालका प्रतिनिधिहरु सहभागि थिए ।

पक्राउ परेका महम्मद वारिस अलीलाई जिल्ला प्रहरी कार्यालय पर्साकाे हिरासतमा राखिएकाे छ । पिडित पक्षलाई जिल्लामा वाेलाउँदा नआएकाे र जाहेरी समेत नआएकाे जिल्ला प्रहरी कार्यालय पर्साका प्रहरी नायब उपरिक्षक निर्मल बुढाथाेकीले वताए ।

नाबालिक किशोरीलाई भगाएर भारत लैजान लागेका युवकका परिवारको धम्कीले गर्दा किशोरीका परिवारले जाहेरी नदिएको बताइएको छ । पक्राउ परेका युवकको आफन्तले नाबालिक छोरीको चरित्र हत्या गर्ने, विवाह हुन नदिने, ज्यान मार्ने जस्ता धम्की दिएको कारण जाहेरी दिन पीडित परिवार आनाकानी गरि रहेको बताइएको छ ।

दिनहुँ माया प्रेमको विषयमा नाबालिक किशोरी, बालिक किशोरी जस्ता महिलाहरुको हत्या भइरहेको घटनाले पनि पीडकहरुको मनोबल उच्च हुँदै गएको छ । सामाजिक सञ्जाल मार्फत माया प्रेमको जालोमा फसाई भारतीय सहरमा लगेर बेचबिखन गर्ने यिनीहरुको परम्परा नै भइसकेको छ । र यस बेचबिखन कार्यमा अधिकाँश मुस्लिम समुदायका युवकहरु रहेको पाइएको छ । मानव बेचबिखन विरुद्धको एकाईको तथ्याँक अनुसार बालबालिका, किशोरी एवं महिलाहरुको बेचिबिखन कार्यमा संलग्न युवाहरुमध्ये ८५ प्रतिशत मुस्लिम समुदायका रहने गरेको पाइएको छ ।

चेलिबेटी बेचबिखन : एक वर्षमा ५५ चेलीको उद्दार

मधेशका जिल्लाहरू मानव बेचबिखनका लागि जोखिमयुक्त देखिएका छन् । खुल्ला सीमानाका कारण यी जिल्लाको बाटो हुँदै मानव बेचविखन हुने गरेको हो । विकट पहाडी क्षेत्र र ग्रामीण भेगका महिला तथा बालबालिका बढी जोखिममा पर्ने गरेका छन् । खुल्ला सिमा भएका कारण नेपालमा बालिका, किशोरी, महिलालाई विभिन्न प्रलोभन देखाई भारतमा लगेर बेचबिखन गर्ने गरिएको छ । त्यस्तै दलालहरुले बेरोजगारीमा परेकाहरुलाई रोजगारी दिने, एकल महिलालाई प्रलोभनमा पार्ने गरेका छन् ।

यस्ता प्रलोभनमा पार्ने दलालहरु नेपालका विभिन्न स्थानमा डेरा जमाएर बस्ने तथा यसमा भारतिय नागरिकहरु समेत विशेष रुपमा सक्रिय रहेका छन् । भारतमा राम्रो जागिर लगाई दिने वा भारत भई तेस्रो मुलुकमा पठाई दिने, मिठो राम्रो खान लाउन दिने लगायतका पनि प्रलोभन दलालहरुले बालिका, महिला र किशोरीहरुलाई दिने गरेका छन् । खुल्ला सिमा भएका कारणले जुनसुकै नाका प्रयोग गरेर पनि दलालहरु मानव तस्करी गरि सहजै भारत पुर्‍याउने गरेको मानव बेचबिखन तथा तस्करी विरुद्धको कार्य गर्दै आएको सामाजिक सस्थां साना हात नेपाल वीरगंजका अध्यक्ष बाबुराम क्षेत्रीले जानकारी दिए । उनले यसरी मानव बेचबिखनमा परेकाहरुले भारत अथवा तेश्रो मुलुकमा गई विभिन्न दुखहरु भोग्नु परेको बताए ।

विशेष गरि सामाजिक सञ्जालबाट झुटो प्रेम सम्बन्ध कायम गरि विवाह गर्ने आश्वासन देखाई भारत तथा तेस्रो मुलुकमा उनीहरुलाई बेच्ने गरेको क्षेत्रीले बताए । त्यस्तै उनका अनुसार घुम्न लैजाने, जागिर लगाइदिने जस्ता कारणहरुबाट पनि मानव बेचबिखनको जोखिम बढेको छ । गत आर्थिक वर्ष ०७९/०८० मा वीरगंज नाकाबाटै ५५ जनाको मानव बेचबिखनको जोखिमबाट उद्दार गरिएको छ । उद्दार गरिएकाहरुमध्ये ९ जना बालिका, १९ किशोरी र २७ जना युवती रहेको अध्यक्ष क्षेत्रीको भनाइ छ । मानव बेचबिखनको जोखिमबाट उद्दार गरिएकाहरुमा बारा, सर्लाहीका साथसाथै देशका विभिन्न क्षेत्रहरु गरि २९ वटा जिल्लाका रहेका साना हात नेपालले उपलब्ध गराएको तथ्याङकमा उल्लेख छ ।

एनप्याब्सनकै अध्यक्षकाे नाममा संचालन रहेकाे कलेजमा सिलबन्दी

0

वीरगंज । वीरगंज महानगरपालिकाले बिहीवार थप २ वटा कलेजमा सिलबन्दी गरेको छ । शैक्षिक संस्थाहरुलाई नियमन गर्न अनुगमन गर्ने क्रममा अनुमति नलिएर सञ्चालनमा रहेका २ वटा कलेजमा महानगरपालिकाले सिलबन्दी गरेको हो ।

वीरगंज महानगरपालिका वडा नम्बर ९ स्थित सत्यम पब्लिक कलेज र वीरगंज महानगरपालिका वडा नम्बर ८ स्थित पर्सा म्यानेजमेन्ट कलेजमा महानगरले सिलबन्दी गरेको महानगरद्वारा गठित नियमन समितिका संयोजक ईश्वर चन्द्र यादवले जानकारी दिए ।

वीरगंज ८ पानीट्याङ्कीस्थित एन्जल इन्टरनेशनल स्कूलले लिएको कक्षा ११ र १२ सञ्चालनको अनुमतिलाई दुरुपयोग गर्दै सत्यम कलेजको फर्जी नाममा विद्यार्थी भर्ना गरेर पठनपाठन गराइरहेको पाएपछि सिलबन्दी गरिएको नियमन समितिका संयोजक यादवले बताए ।

सत्यम कलेजले रानीघाटस्थित शुभ तारा स्कूल भएको भवनमा कक्षा सञ्चालन गरिरहेको भेटिएको हाे । एन्जल इन्टरनेशनल स्कूल एनप्याब्सन पर्साका अध्यक्ष रामराज श्रेष्ठले सञ्चालन गरीरहेका छन् । 

निजी शैक्षिक संस्थाहरुको छाता संगठन र शैक्षिक संस्थाहरु नियमअनुरुप संचालन हुनु पर्छ भनेर आवाज उठाउनेहरु नै गैर कानुनी रुपमा फर्जी कलेज संचालन गरिरहेको भेटिएको छ । एनप्याब्सनसँग आवद्ध जिम्मेवार व्यक्तिले नै आफ्नो विद्यालयले लिएको कक्षा ११ र १२ को अनुमति आर्थिक लाभका लागि अन्यलाई विक्री गरेर संचालन गरेको भेटिनु शैक्षिक क्षेत्रका लागि डरलाग्दो अवस्था रहेको शिक्षा महाशाखाका अधिकृत नारायण चापागाईँ बताए ।

महानगरले शिक्षा क्षेत्र सुधारका लागि अहिले कडा रुपमा प्रस्तुत भएर अनुगमन र कारबाही दुबैलाई सँगसँगै अघि बढाएको भन्दै उनले अब कुनै पनि बहानामा अनधिकृत रुपमा संचालनमा रहेका शैक्षिक संस्थालाई नछाडिने चेतावनी पनि दिए ।

समितिका संयोजक यादव नेतृत्वको अनुगमन टोलीले बिहीबार नै न्यू वेभ एकेडेमीले कक्षा ११ र १२ सञ्चालन गर्ने लिएको अनुमतिलाई दुरुपयोग गर्दै अन्य ठाउँमा नाम समेत परिवर्तन गरेर विद्यार्थी भर्ना गर्दै कक्षा सञ्चालन गरीरहेको पर्सा म्यानेजमेन्ट कलेजमा पनि सिलबन्दी गरेको छ ।

समितिका संयोजक यादवसँगै वडा नम्बर ८ का वडा अध्यक्ष रितेश गुप्ता, महानगर प्रमुखका जनसम्पर्क सल्लाहकार नवराज फुयाँल, शिक्षा सल्लाहकार अभिषेक तिवारी, शिक्षा अधिकृत नारायण चापागाइँ, संचारकर्मी तथा स्थानीय प्रतिनिधि लगायतको टोलीले शैक्षिक संस्थाहरुको अनुगमनलाई निरन्तरता दिएको छ ।

समितिले यस अघि मंगलबार वीरगंज महानगरपालिका वडा नम्बर ८ पानीटंकीमा रहेको प्रिन्सटन मोडेल एकेडेमी र प्रिन्सटन मोडेल एकेडेमीमा सिलबन्दी गरेको थियो ।

सोमवार अन्नपूर्ण कलेज र युनिभर्सल एकेडेमीमा सिल गरेको थियो भने त्यसअघि वीरगंज स्कुल अफ ल, इम्पेरियल कलेज र बिजि बी किड्समा सिल गरेको थियो ।

हलिया मुक्तिसंगै पुर्नस्थापनकाे सम्पुर्ण कार्य अबिलम्ब गरियोस : अध्यक्ष बिक

0

 वीरगंज । नेपाली समाजमा सामन्तवादको अवशेषका रुपमा रहेको हलिया प्रथाको अन्त्यको घोषणा भएको १५ औं वर्ष पूरा भएको अवसरमा हलिया मुक्तिको आन्दोलन र पुनःस्थापनाको कष्टपूर्ण अभियानमा लागेकाहरुलाइ दलित नेटवोर्क नेपाल ( RDN ) का अध्यक्ष गणेश बिकले बधाई एवं शुभकामना ब्यक्त गरेका छ्न् ।

बिकले एक प्रेस बिज्ञपति जारी गर्दै हलिया मुक्ति आन्दोलनमा प्रत्यक्ष/अप्रत्यक्ष सहयोग, समर्थन र ऐक्यबद्धता जनाउने नेपाल सरकार, राजनीतिक दलहरु, मानवअधिकार र नागरिक आन्दोलनका प्रतिनीधिहरु, राष्ट्रिय तथा अन्तराष्ट्रिय गैरसरकारी संस्थाहरु र हलिया आन्दोलनका सहयात्रीहरुप्रति बधाई तथा शुभकामना ब्यक्त गरेका हुन ।

बिकद्वारा जारी बिज्ञप्तिमा हलिया मुक्ति भएको १५ वर्ष वर्ष पूरा भई सक्दा समेत हलियाको पुनःस्थापनाको काम पूरा हुन बाँकी रहँदै मुक्त हलियाहरुको शिक्षा, स्वास्थ्य, रोजगारी, सामाजिक सुरक्षा, दीगो जिवीकोपार्जन, सशक्तिकरण र समावेशीकरण सम्बन्धी संघ, प्रदेश र स्थानीय सरकारहरुका नीति तथा कार्यक्रम र बजेटमा समावेश नगरिनु, मुक्त हलिया पुनःस्थापना सम्बन्धी कुनै कानून नबनाइनु, छुट हलियाका विषयमा कुनै ठोस योजना नबनाइनु, केही टक्रा जमिन र केही व्यक्तिलाई तालिम दिएको भरमा पुनःस्थापनाको काम सम्पन्न भएको निश्कर्ष निकाल्नु प्रती हाम्रो गम्भिर ध्यानाकर्षण भएको जनाइएको छ ।

सुदूरपश्चिम प्रदेशका ९ जिल्लाका तथ्याँक संकलन समेत नभएका स्थानीय तह र कर्णाली प्रदेशका हुम्ला, जाजरकोट र सुर्खेतबाहेकका जिल्लाहरुमा रहेका लाखौं मुक्त घोषित हलियाहरुको पुनःस्थापनाका विषयमा संविधान सभा सदस्य तथा नागरिक आन्दोलनका अगुवा श्याम श्रेष्ठको संयोजकत्वमा गठित मुक्त कमैया, कम्लहरी, हलिया र हरवाचरवा सम्वन्धी वस्तुस्थितिको अध्ययन प्रतिवेदन २०७९ र सो प्रतिवेदनका आधारमा निर्माण गरिएको पुनरस्थापना सम्बन्धी निर्देशीका तथा श्रम तथा रोजगार र सामाजिक सुरक्षा मन्त्रालयद्वारा मस्यौदा गरिएको एकीकृत कानून पारित गरी पुनःस्थापनाका सम्पूर्ण कार्य पूरा गर्न विज्ञप्ती मार्फत जोडदार माग समेत गरिएकाे छ ।

हलिया मुक्तिको घोषणा हुँदा शाब्दिक रुपमा संबोधन भएका हलियाजस्तै समस्या भोगिरहेका पूर्वी तराई मधेशका करिव १ लाख बढी परिवारको संख्यामा रहेका हरवाचरवाको मुक्तिको घोषणा भएको समेत १ वर्ष पूरा भइसकेको छ तर हालसम्म निजहरुको तथ्याँक संकलन गर्ने काम समेत नभएकोले नेपाल सरकारको ध्यानाकर्षण गर्दै मधेश प्रदेशका ८ वटै जिल्लामा हरवाचरवाको तथ्याँक संकलन गरी प्रभावकारी पुनःस्थापनाको एकीकृत प्याकेज सार्वजनिक गर्न बिज्ञप्ति मार्फत माग गरिएको छ ।