Date
सोम, कार्तिक ३०, २०८३
Mon, November 16, 2026
Home Blog Page 498

वीरगंजकाे खेतमा लागु औषध बरामद

0

वीरगंज । खेतमा बेवारिसे अवस्थामा छाडिएको लागु औषध प्रहरीले बरामद गरेको छ । वीरगंज महानगरपालिकाकाे वडा नं–२२ मनियारीस्थित देवेन्द्र यादवको खेतबाट प्रहरीले भारी मात्रामा लागु औषध बरामद गरको हो ।

लागु औाषध पहेलो रंगको दुईवटा बोराभित्र लुकाईछिपाई राखिएको अवस्थामा थियो । बरामद लागु औषधमा डाईजिपाम दुई हजार ३ सय ३५ एम्पुल, नुर्फिन तीन हजार १ सय ६९ र फेनारगन तीन हजार ४ सय ११ एम्पुल गरी जम्मा ८ हजार ९ सय १५ एम्पुल फेला पारेको जिल्ला प्रहरी कार्यालय पर्साका प्रवक्ता प्रहरी नायब उपरिक्षक कुमार बिक्रम थापाले जानकारी दिए ।

खेतमा रहेकाे लागु औषध बारे स्थानीयले प्रहरीलाई सुचना दिएपछि जिल्ला प्रहरी कार्यालयका प्रहरी निरिक्षक धर्मजंग थिङको कमाण्डमा प्रहरी टाेली पुगेकाे थियाे । बरामद लागु औषध विषयमा थप अनुसन्धान भईरहेको जिल्ला प्रहरी कार्यालय पर्साले जनाएको छ ।

परवानीपुरमा ७६ जनाद्वारा रक्तदान

0

आनन्द पटेल/
परवानीपुर । बाराको परवानीपुर गाउँपालिका वडा नं ४ चैनपुर चोकमा शनिबार खुल्ला रक्तदान कार्यक्रम सम्पन्न भएको छ । न्यू रायजिङ युवा क्लबको आयोजनामा भएकाे रक्तदान कार्यक्रममा ७६ जनाले रक्तदान गरेका हुन् ।

रक्तदान गर्नेहरूमा नौसद देवान, प्रमोद राम, राहुल साह, हरिन्द्र ठाकुर, धुरुप पटेल, सुबाश पटेल, अजय कुमार ठाकुर, रुषत्म हवारी, ध्रुप पटेल, अरमान मियाँ, राहुल साह, हरिन्द्र ठाकुर, विजय राम, रामबहादुर महताे लगायतका रहेका छन् ।

कार्यक्रमका प्रमुख अतिथी जसपाका युवा नेता तथा परवानीपुर गाउँपालिका अध्यक्ष प्रत्यासी सञ्जु साहले रगतको पोका दिएर कार्यक्रमको शुभारम्भ गरेका थिए । प्रमुख अतिथी साहले रक्तदान कार्यक्रमको आयोजना गरेको क्लबका सम्पूर्ण टिमलाई धन्यवाद दिँदै आउने दिनमा अझ सामाजिक कार्यमा लाग्न युवाहरुलाई आग्रह गरे ।

उनले आफू पनि प्रतेक बर्ष रक्तदान कार्यक्रमको आयोजना गर्दै आएको र यो अभियान निरन्तर जारी राख्ने प्रतिबद्धता जनाए । खासगरी अहिलेका युवाहरुलाई कुलतमा लागेर आफ्नो र आफ्नो परिवारको जीवनलाई बर्बाद गरिरहेको देख्दा आफूलाई धेरै दुःख लागेको र युवा शक्ति जहिले पनि समाजमा केहि गरेर अगाडि बढने मनसायका साथ अगाडी बढन र त्यस्तो कार्यमा आफू हरसम्भव साथ र सहयोग गर्न तयार रहेको बताए ।

कार्यक्रममा स्वच्छ समाज युवा क्लबका अध्यक्ष भूपेन्द्र पटेलले शुभकामना दिँदै सबै मिलिजुली यस पालिकामा रगतको अभावलाई कम गर्न र परेको व्यक्तिलाई सहयोग गर्न आग्रह गरे । उनले सामाजिक कार्यको लागि आफ्नो क्लब पनि सधैं साथ र सहयोग गर्न तयार रहेको प्रतिबद्धता जनाए ।

न्यू रायजिङ युवा क्लबका अध्यक्ष लक्ष्मी राउत कुर्मीको अध्यक्षतामा भएकाे कार्यक्रममा क्लबका सचिव मनिकान्त साह, कोषाध्यक्ष फारूक हवारी, स्वच्छ समाज युवा क्लबका सचिव त्रिलोक प्रताप सिंह, सदस्य सरोज यादव, प्रमोद यादव, अखिल पटेल लगायत स्थानीय युवा, सुरक्षाकर्मी, सञ्चारकर्मी, न्यू रयाजिङ युवा क्लबका सदस्यहरु लगाएतको उपस्थिति रहेको थियो ।

बारामा बोल्न नसक्ने बालिका बलत्कृत, एक जना पक्राउ

0

वीरगंज । बारा प्रहरीले बोल्न नसक्ने बालिकालाई जबरजस्ती करणी गरेको आराेपमा एक जनालाई पक्राउ गरेकाे छ ।

ईलाका प्रहरी कार्यालय निजगढ, बाराबाट खटिएकाे प्रहरी टोलीले निजगढ नगरपालिकाकाे वडा नं. १२ निवासी ६० बर्षिय राना साईला भन्ने सोम बहादुर लुम्बालाई पक्राउ गरेकाे जिल्ला प्रहरी कार्यालय बाराका सूचना अधिकारी प्रहरी नायब उपरिक्षक दधिराम न्याैपानेले वताए ।

असाेज ५ गते शुक्रबार अन्दाजी ४ बजेको समयमा निजगढ नगरपालिकाका कै वडा नं. १२ स्थित अन्दाजी ११ बर्षिय बोल्न नसक्ने (फरक क्षमता भएकी) बालिकालाई जबरजस्ती करणी भएकाे खबर प्रहरीलाई प्राप्त भएकाे थियाे ।

जबरजस्ती करणीकाे खबर प्राप्त हुनसाथ ईलाका प्रहरी कार्यालय निजगढबाट पुगेकाे प्रहरीले टाेलीले तत्कालै निज पीडितलाई उपचारको लागि कलैया प्रादेशिक अस्पतालमा पठाईएकाे थियाे ।

त्यसपश्चात घटनाको अनुसन्धानको क्रममा आराेपित लुम्बालाई खोजतलास गरी साेही दिन राति ११ बजे फेला पारी नियन्त्रणमा लिई थप अनुसन्धान कार्य भईरहेको सुचना अधिकारी न्याैपानेद्वारा जारी प्रेस विज्ञप्तीमा उल्लेख छ ।

प्रहरी कै सेटिङमा भिस्वा नाकाबाट खुलेयाम तस्करी

0

वीरगंज । पर्साकाे पश्चिमी ग्रामिण भेगमा पर्ने भिस्वा सिमानाकाबाट सशस्त्र र नेपाल प्रहरीकै संरक्षणमा खुलेयाम रूपमा तस्करी भईरहेको समाचार प्राप्त भएको छ ।

भिस्वाबाट दैनिक रुपमा चल्ने (नाइट) रात्री  बसमा भन्सार छलीका भारतीय कपडा र  बच्चाहरु पिउने पावडर दुध प्रहरीकै मिलोमतोमा बसमा हालेर  काठमाडौं, पोखरा पठाउने गरेको स्थानिय प्रत्यक्षदर्शीहरुले वताएका छन् ।

संगठनले दिएको जिम्मेवारीलाई भुलेर सशस्त्र प्रहरी बिओपी बन्जारी भिस्वाका इन्चार्ज बिस्नु हरि थापा र प्रहरी चौकी भिस्वाका इन्चार्ज वरिष्ठ सई रुद्र भट्टले अवैध कारोबार गर्नेहरुसँग साँठगाँठ गरी आर्थिक लाभ लिने गरेका छन । स्थानियहरुका अनुसार दिनमा कम रातिकाे समयमा बढी तस्करी भइरहेकाे छ ।

पर्साको पश्चिमी दक्षिणि भेगमा पर्ने भारतीय प्रसिद्ध बजार सिक्टा बजारसंँग जोडिएको भिस्वा सिमानाकाबाट नेपालतर्फ खानेतेल, चिनी, पौडर दुध, मिठा गेहु लगायतका खाद्यान्न, बोइलर कुखुरा, भैंसी पाडा, खसीबोका,  माछा र भारतीय ब्रान्डका रजनीगन्धा, गुटखा जस्ता सूर्तीजन्य पदार्थ, लत्ताकपडा, जुत्ताचप्पल, हार्डवेयर, इलेक्ट्रोनिक पार्टस, मोटर पार्टस, स्पेयर पार्टस्, प्रतिबन्धित औषधी, भाँडाकुडा, कस्मेटिक तथा खेलकूद लगायतका सामग्रीहरु मोटरसाइकल, साइकलका माध्यमबाट लाखौं लाख राजस्व छलेर दैनिक लाखौँ र मासिक करोडौं मूल्य बराबरको अवैध कारोबार खुलेआम भइरहेको स्थानियकाे दाबी रहेकाे छ ।

यस्तै बिहार सरकारले मदिरा उत्पादन तथा बिक्री बितरणमा रोक लगाएका कारण  नेपालबाट भारततर्फ घरेलु मदिरा र सिल प्याक मदिराको पनि तस्करी भइरहेको छ । डिउटीमा खटेका सशस्त्र र नेपाल प्रहरीले तस्करलाई छुट र सर्वसाधारणलाई दु:खसमेत दिने गरेकाे स्थानियहरु वताउँछन् ।

पर्साका नामुदत तस्कर मुना जैसवाललाई तस्करीको लाईन

वर्षौँदेखि तस्करीलाई नै आफ्नो व्यवसाय बनाएका पर्साको भिस्वाका किशोर जयसवाल र उनका छोरा मुन्ना जयसवालको तस्करी धन्धा पुनः सुरु भएको पाइएको छ । छिपहरमाई गाउँपालिका वडा नं. ५ भिस्वा निवासी किशोर जयसवाल र मुन्ना जयसवालले भिस्वा बजारबाट भारतको सिकटा बजारसम्म पु¥याउने तस्करीको धन्धा अहिले व्यापक बढेको पाइएको हो ।

उनीहरू नेपाल प्रहरीको भिस्वा चौकी र सशस्त्र प्रहरी बन्जारीका हाकिमहरूसँग सेटिङ मिलाएर दैनिक लाखौँ मूल्य बराबरको सुपारी, मटर (केराउ), मरीच, युनिलिभरको फेयर एण्ड लब्ली, क्लोजअप पेस्ट जस्ता कष्टमेटिक सामान र स्याउ, नस्पातीको तस्करी गर्दै छन् ।

बाबुछोरा दुवै जनाले आफ्ना नजिकका व्यक्ति रामु जयसवाल र हरि कोईरीलाई राखी सुपारी, मटर (केराउ), मरीच युनिलिभरको फेयर एण्ड लब्ली, क्लोजअप पेस्ट जस्ता कष्टमेटिक सामानहरूको तस्करी गर्दै आइरहेका छन् । उनिहरुले बजार ब्यवस्थापन समितीको नाममा समेत समान ल्याएर भारत कटाउने गरेका छन ।

नेपाल–भारत बोर्डरको दशगजा क्षेत्र नजिक भिस्वा बजार र भारतको सिक्टास्थित एक राईस मिलमा गोदाम राखी स्थानीय प्रहरी प्रशासनको मिलेमतोमा तस्करीको मालसामान आयात निर्यात गराउँदै आएको स्थानीयले बताएका छन् ।

नाम नलेख्ने सर्तमा एक जना स्थानीयले भने, ‘‘मुन्ना जयसवालले भिस्वा बजारमा नै एक गोदाम राखेका छन्, जुन भारतको सीमासँग करिब ९०/१०० मिटरको दुरीमा होला’, उनले अगाडी भने,‘ उक्त गोदामबाट रातीको समयमा स्थानीय करिब १ सय ५० जनाभन्दा बढी कामदारमार्फत प्रहरीको मिलेमतोमा दैनिक लाखौँ मूल्य बराबरको तस्करीको सामान भारत पठाउने गरेका छन् ।

यिनीहरूको माल कटाउनको लागि सिक्टाको पप्पु र भिस्वाको लड्डुले कामदारहरू ल्याई ठेक्का लिई भारततर्फ माल कटाउने गरेको बताइएको छ । उनीहरूले राती मात्र नभई दिनमा पनि २०–२५ महिलाको प्रयोग गरी आधा आधा बोरा गरेर दिउँसो पनि सामान कटाउने गरेको त्यहाँ जाने जोकोहीले देख्ने गरेका छन् ।

स्थानीय प्रहरी मात्र नभई जिल्लाका प्रहरी अधिकृतलाई समेत मिलाई उक्त ठाउँबाट ठुलो मात्रामा तस्करी हुने गरेको स्थानीय जानकारकाे दाबी छ ।

राेटरी क्लबद्वारा ४७ जनाकाे माेतियाबिंदकाे शल्यक्रिया

0

वीरगंज । रोटरी क्लब ऑफ वीरगंज मेट्रोपोलिसले माेतियाबिंदकाे समस्या भएका ४७ जनाको निशुल्क शल्यक्रिया गराएकाे छ । क्लबले वीरगंज आँखा अस्पतालकाे प्राविधिक सहयाेग शल्यक्रिया गराएकाे हाे । 

क्लबले भदाै ३० गते बिन्दवासिनी गाउँपालिकाकाे वडा नं. १ गर्दाैलमा निशुल्क आँखा शिविरमा आयाेजना गरेकाे थियाे । साेही शिविरमा ३ सय २३ आँखा परिक्षण गर्दा ७१ जनामा माेतियाबिंद फेला परेकाे थियाे ।

साेही ७१ जना मध्येका ४७ जनाकाे शनिबार वीरगंज आँखा तथा दाँत अस्पतालमा शल्यक्रिया गरिएकाे क्लबका राेटेरियन चन्दन सिंहले जानकारी दिए ।

उनले अन्य २४ जनाकाे तत्काल शल्यक्रिया गर्ने अवस्था नरहेकाेले पछि गरिने समेत वताए ।

महानगरकाे गाउँगाउँमा पुगेर गुनासो सुन्दै मेयर सिंह

0

वीरगंज । वीरगंज महानगरपालिकाका मेयर राजेशमान सिंहले गाउँगाउँ पुगेर स्थानीयसँग भेट गर्नुका साथै उनीहरुको गुनासो तत्काल सम्बोधन हुने गरि अभियान सुरु गरेका छन् ।

उनले हरेक दिन एक टोलमा पुगेर त्यहाँको समस्या सुन्नुका साथै गर्नु पर्ने कामका बारेमा स्थानीयसँग सुझाव लिने काम गरेका हुन् ।

वीरगंजको विकास हुने गरि स्थानीयकै माग अनुसार विकास निर्माण तथा स्वास्थ्य शिक्षा जस्ता विषयमा रणनीति बनाउनुका साथै सल्लाह सुझाव अनुसार काम गर्न आफू गाउँगाउँ आउन सुरु गरेको मेयर सिंहले बताए ।

शुक्रबार वडा नं. २९ मुसैलीमा स्थानीयसँग भेट गर्दै त्यहाँको समस्या सुन्नुका साथै स्थलगत रुपमा नै गाउँको अवलोकन गरि तत्काल स्थानीयको माग अनुसारको काम सुरु गर्न प्राविधिक टोलीलाई निर्देशन दिए ।

महानगरभित्रको ग्रामिण क्षेत्रको विकास आफ्नो पहिलो प्राथमिकता रहेको बताउँदै उनले त्यसका लागि बजेट छुट्याएर काम अघि बढाएको बताए ।

स्थानीयले मुसैली चोकदेखि उत्तर पूर्व सडकमा नाला निर्माण गर्न, सडक निर्माण गर्न, मन्दिर तथा स्वास्थ्य संस्थाको सेवा चुस्त पार्न आग्रह गरेका थिए ।

वडा नं. २९ का वडा अध्यक्ष धर्मेन्द्र चौधरीले आफू वडाको विकासका लागि स्थानीयको राय बमोजिम अघि बढेको भन्दै त्यसका लागि मेयरलाई आफूले झकझकाउन नछाड्ने बताए ।

कार्यक्रममा महानगरका योजना प्रमुख इन्जिनियर अवधेस कुशवाहा, प्राविधिक सल्लाहकार प्रकाश आमात्य, स्थानीय बासिन्दा तथा बुद्धिजिवीहरुको सहभागिता रहेको थियो ।

एनवाइईएफ वीरगंज र जनकपुर च्याप्टरद्वारा संयुक्त रूपमा औद्योगिक भ्रमण

0

वीरगंज । युवा उद्यमीहरूबिच व्यावसायिक र व्यक्तिगत सम्बन्ध विस्तारका लागि नेपाली युवा उद्यमी मञ्च (एनवाइईएफ) वीरगंज र जनकपुर च्याप्टरले संयुक्त रूपमा औद्योगिक भ्रमण आयोजना गरेका छन् ।

दुई वटा च्याप्टरका युवा ४० जना उद्यमीले वीरगंजका पतञ्जलि आयुर्वेद प्रा.लि. र मारुती पेपरको भ्रमण गरेका हुन् । एनवाइईएफ वीरगंजका अध्यक्ष सन्दीप अग्रवालको अध्यक्षतामा स्वागत कार्यक्रमको आयोजना भएको थियो ।

कार्यक्रममा जनकपुरका उद्यमीहरूको स्वागत गर्दै अध्यक्ष अग्रवालले उद्यमबारे नयाँ विषयवस्तुको जानकारी र वीरगंज र जनकपुर क्षेत्रमा युवा उद्यमीबिच व्यक्तिगत सुसम्बन्ध विस्तारमा भ्रमण आयोजना गरिएको बताए ।

त्यस्तै एनवाइईएफ जनकपुरका अध्यक्ष सोनु कुमारले भ्रमणबाट उद्यमका आएका नयाँ विषयको जानकारीसँगै व्यक्तिगत सम्बन्ध प्रगाढ भएको बताए ।

औद्योगिक भ्रमणका क्रममा पतञ्जलि आयुर्वेदका व्यवस्थापक युवराज सुवेदीले नेपालमा जडीबुटीको पर्याप्त उपलब्धता रहेको भन्दै त्यसको अपेक्षित उपयोग हुन नसकेको बताए । पतञ्जलिले सकभर स्थानीय स्रोतसाधनको उपयोग गर्दै उत्पादन बजारमा ल्याएको जानकारी दिए । उनले पतञ्जलिले आयुर्वेद औषधि उत्पादन गर्ने योजना बनाएको पनि बताए ।

युवा उद्यमीहरूले नेपालकै ठूलो मारुती पेपरको भ्रमण गरे । भ्रमणका क्रममा उद्योगका प्रबन्ध निर्देशक दीपेश अग्रवालले मारुती पेपर नेपालकै सबैभन्दा ठूलो पेपर उद्योग भएको जानकारी दिए । उद्योगले खेर गइरहेका पुराना कार्टुन प्रोसेसिङ गरेर क्राफ्ट पेपर उत्पादन गर्दै आएको उनले बताए । उद्योग सञ्चालनमा आएपछि अहिले यस्तो पेपरको आयात प्रतिस्थापन भएको उनको दाबी थियो ।

मारुती ग्रुपद्वारा सञ्चालित उद्योगले क्राफ्ट पेपर उत्पादन गर्नुका साथै स्वचालित प्रविधिबाट विभिन्न आकारका कार्टुन उत्पादन गर्दै आएको जानकारी प्रबन्ध निर्देशक अग्रवालले दिए ।

उद्योग भ्रमणअघि आयोजित औपचारिक कार्यक्रममा आर्थिक अभियान दैनिकका पत्रकार ओमप्रकाश खनालले युवा उद्यमीहरू नवप्रवर्तनको अवधारणाबाट उद्यममा अघि बढ्नुपर्ने बताए । कुनै पनि उद्यमका हात हाल्नुअघि त्यस्तो उद्यमको समस्या, चुनौती र त्यसको समाधानका उपायबारे राम्ररी जानकार भएर मात्रै सहभागी हुन सुझाव दिए । अध्ययनविना अघि बढ्दा कयौँ उद्योगको लगानी सङ्कटमा परेको उदाहरण उनले दिए ।

एनवाइईएफ वीरगंजका निवर्तमान अध्यक्ष राकेश साहले उद्यमीहरूले व्यावसायिक सम्बन्धलाई विस्तार गर्दै जानुपर्ने धारणा व्यक्त गरे भने पूर्व अध्यक्ष अनुप अग्रवालले युवाहरू आर्थिक रूपान्तरणका संवाहक भएको बताए । उनले आर्थिक र सामाजिक विकासको नेतृत्वमा युवाहरूको सहभागिताबाट मात्रै लक्ष्यमा राखिएको समृद्धि हात लाग्न सक्ने बताए ।

कार्यक्रममा एनवाइईएफ वीरगंजका सल्लाहकार राहुल अग्रवालले कुनै पनि उद्यम र उद्यमीको सफलताको लागि व्यावसायिक सम्बन्ध महत्त्वपूर्ण हुने बताए । कार्यक्रमको सहजीकरण एनवाइईएफ सदस्य एवम् यात्रा डेली डटकमका सञ्चालक आशुकुमार सर्राफले गरेका थिए ।

औद्योगिक भ्रमणको संयोजन मोहित गुप्ता र राहुल अग्रवालले गरेका थिए । औद्योगिक भ्रमणपछि सहभागीहरूबिच विभिन्न मनोरञ्जनात्मक खेलहरू खेलाइएको थियो । सो सेसनको सञ्चालन पङ्कज अग्रवाल र विपिन बावरीले गरेका थिए ।

हिंसात्मक घटनाकाे विराेधमा वीरगंज बन्द, विराेध प्रदर्शन

0

वीरगंज । सर्लाहीकाे सदरमुकाम मलंगवामा भएकाे घटनाकाे विराेधमा शनिबार वीरगंज बजार बन्द भएकाे छ । दोषीमाथि कारबाही माग गर्दै हिन्दु समाजले वीरगंज बजार बन्द गराएका हुन् ।  

बजार बन्द हुँदा साइकल/मोटरसाइकल बाहेकका सवारीसाधन पनि ठप्प रह्याे । हिंसात्मक घटनाकाे विराेधमा समर्थन स्वरुप बजार बन्द गरिएको वीरगंज हिन्दू समाजले जनाएको छ ।

बन्दकाे कार्यक्रम सफल बनाउन समाजका युवाहरुले वीरगंजमा प्रदर्शन समेत गरेका थिए । प्रदर्शनकारीहरुले वीरगंजकाे घण्टाघर चोकमा टायर बालेर प्रदर्शन गर्ने क्रममा प्रहरी र प्रदर्शनकारीबिच झडप समेत भएकाे थियाे ।

उनीहरुले टायर बालेर प्रदर्शन गर्न थालेपछि स्थिती नियन्त्रणमा लिने क्रममा प्रहरी बल प्रयाेग गुर्न खाेजेपछि विवाद भएको थियाे । भिडलाई तितरबितर पार्ने क्रममा प्रहरीले लाठीचार्ज समेत गरेको थियाे । त्यसकाे केही समयपछि स्थिती नियन्त्रणमा आएकाे थियाे । 

त्यसअघि वीरगंजस्थित ठाकुरराम बहुमुखी क्याम्पसबाट निकालिएको शान्तिपूर्ण जुलुस नगर परिक्रममा गरेको थियो । प्रदर्शनकारीहरुले वीरगंजकाे मुख्यसडकमा रहेका पसलदेखि लिएर गल्लीमा रहेका साना पसलहरु समेत बन्द गराएका थिए ।

उनीहरुले मुख्यमंत्री राजीनामा दे, हिन्दू राष्ट्र कायम गर, मलंगवामा मुस्लिम समुदायद्वारा गरिएको हिंसात्मक घटनाको दोषीलाई कारबाही गर, जय श्रीराम लगायतका नारा समेत लगाएका थिए ।

बिहीबार साँझ सर्लाहीकाे मलंगवामा गणेशको मूर्ति सेलाउन जाने क्रममा हिन्दु र मुस्लिम समुदाबीच झडप भएको थियो । जसमा स्थानीय रुपेश यादवमाथि छुरा प्रहार भएको थियाे । छुरा प्रहारले घाइते रुपेशकाे अवस्था गम्भीर रहेकाे छ ।

शुक्रबार सांझ पनि हिन्दु समाजका युवाहरुले वीरगंजमा प्रदर्शन गरेका थिए । उनीहरुले प्रदर्शनका क्रममा शनिबारकाे बन्द सफल बनाउन व्यापारीहरुमा आग्रम समेत गरेका थिए ।

धोबिनीमा खेलुकद महासंघकाे पालिका स्तरिय भेला सम्पन्न

0

वीरगंज । पर्साको धोबिनी गाँउपालिकामा शनिबार नेकपा एमाले निकट नेपाल खेलकुद महासंघ (नेकोस)को पालिका स्तरिय भेला सम्पन्न भएको छ । नेकपा एमालेका मेधश प्रदेश समिती सदस्य सलाउदिन अहमदको प्रमुख आतिथ्यमा भेला सम्पन्न भएको हो ।

भेलालाई सम्बोधन गर्दै प्रमुख अतिथी अहमदले मानव स्वास्थ्यका लागि खेलकुदले महत्वपूर्ण भुमिका खेलेको बताउँदै दैनिक जिवनमा शारिरिक व्यायम मान्छेका लागि अनिवार्य शर्तका रुपमा जोडिनु पर्ने कुरामा जोड दिएका थिए ।

उनले स्वास्थ्य शरीर नै मान्छेको असली सुख र आनन्द भएको र खेलकुद क्षेत्रको विकासले सामाजिक एकता र सम्मृद्धिको आधारशिला तयार हुने हुँदा खेलकुद विकासका लागि ठोस नीति र दृष्टिकोण बनाएर अगाडि बढन सरकारलाई सुझाव दिए ।

उनले खेलको माध्यमबाट विश्वमा जोडिने र देशको समेत गौरव बढ्ने हुँदा राज्यले खेलतर्फ बिशेष ध्यान दिन जरुरी रहेको बताए । अहमदले खेल मानव जीवनको महत्वपूर्ण अंग भएको र हरेक प्रकारका शारिरीक, मानसिक, मनोवैज्ञानिक र बौद्धिक स्यास्थ्यसँग खेलकुदले गहिरो सम्बन्ध राख्ने हुदा यसप्रति राज्य गम्भिर हुनुपर्ने बताए ।

नियमित खेल खेलिदा शारिरिक र मनोवैज्ञानिक कैशलतामा निखार आउने उनको दावी थियो । नेपालको हरेक भुभागमा खेलिने खेलहरु फुटबल, भलिबल, क्रिकेट, टेबलटेनिस, बास्केटबल बक्सिङ, कराँते आदि खेलहरु मानव स्वास्थ्यसँग प्रत्यक्ष जोडिएका मात्र नभई पहिचान र समृद्धिसँग पनि जोडिएकोले यि खेलको संरक्षण र प्रवद्र्धनमा सरकारले बिशेष जोडदिनुपर्ने अहमदको भनाई थियो ।

भेलाले फैयाज अहमदको अध्यक्षतामा २५ सदसिय समिति गठन गरेको छ । नवगठित समितीको उपाध्यक्षमा धिरज साह, अजय कुमार, सुरज राम, महेश ठाकुर, कोषाध्यक्षमा अभिषेक प्रसाद पटेल, सचिव विशेश्वर पटेल, उपसचिव रामप्रवेश कुमार पटेल रहेकाे छन् ।

यसैगरी समितिकाे सदस्यमा धनु पाण्डे,सुरज कुमार राम, अकलेश साह, बिकी कुमार राम, मंजित पटेल, अजयराम पाल, सुन्दर तुरहा, रफिक अंसारी, गुल्फान अंसारी, बिकी पटेल, सनि पटेल, बिकाश कुमार साह, अनिस अंसारी,कन्हैया गुप्ता, अनिल साह, रवि कुमार पटेल, अनिल साह चयन भएकाे नेकोसका केन्द्रिय सचिव शिवजि गुप्ताले जानकारी दिए ।

धाेबिनीमा भएकाे भेलामा एमालेका नेता वृजेश्वर चौधरी, कन्हैया द्विवेदी, सुनिल साह, विरेन्द्र साह, पन्नलाल पटेल, अजय पटेल लगायतको उपस्थिती थियो ।

वीरगंजलाई हरित शहर बनाउन सबैले वृक्षारोपण गरौँ : मेयर सिंह

0

वीरगंज । वीरगंज महानगरपालिकाका मेयर राजेशमान सिंहले महानगरलाई हरियाली बनाउन चोकचोक र खाली स्थानमा वृक्षारोपण गर्न सबै सँग आग्रह गरेका छन् ।

‘सफा वीरगंज, स्वच्छ वीरगंज’ बनाउने अभियानमा लागि परेको भन्दै उनले महानगरले समेत अहिले वृक्षा रोपणलाई तिब्रता दिएको र यसमा सबै क्षेत्रले साथ र सहयोग गर्नु पर्नेमा जोड दिएका हुन् ।

एलाइड युथ सोसाइटी र पहिलो पाइला नेपालको संयुक्त आयोजनामा रजत जयन्ती चोकमा आयोजित वृक्षारोपण कार्यक्रममा सहभागि हुँदै उनले युवाहरु जस्तै सबै क्षेत्रको साथ भए वीरगंजलाई वैभव बनाउन समय नलाग्ने बताए ।

कार्यक्रममा मधेश विश्वविद्यालयका उपकुलपति डा.दिपक शाक्य, ससस्त्र प्रहरी नायव उपरीक्षक देवेन्द्र सिंह, विभिन्न संघ/सस्थाका प्रतिनिधि, एलाइड युथ सोसाइटीका अध्यक्ष ओमकुमार झा, पहिलो पाइला नेपालका उपाध्यक्ष राज साह लगायतको सहभागिता रहेको थियो ।