Date
सोम, कार्तिक ३०, २०८३
Mon, November 16, 2026
Home Blog Page 491

बलात्कार आराेपमा नसिर पक्राउ

0

वीरगंज । राैतहटमा १६ वर्षीया बालिकालाई बलात्कार गरेको आरोपमा एक जनालाई प्रहरीले नियन्त्रणमा लिएकाे छ । गुजरा नगरपालिका-५ का २० वर्षीय नसिर इमामलाई इलाका प्रहरी कार्यालय चन्द्रनिगाहपुरले शनिबार गिरफ्तार गरेको हाे ।

आरोपितले पीडितलाई असोज १९ गते शुक्रबार राती बलात्कार गरेको भन्दै पीडित पक्षले आरोपित विरुद्ध असोज २० गते शनिबार इलाका प्रहरी कार्यालय चन्द्रनिगाहपुरमा उजुरी दिएका हुन् ।

आरोपित विरुद्ध असोज २१ गते जिल्ला अदालतमा जबरजस्ती करणी शीर्षकमा मुद्दा दर्ता गराउनुको साथै ७ दिनको म्याद थप गराई अनुसन्धान शुरु गरिएको जिल्ला प्रहरी कार्यालय रौतहटले जानकारी दिएकाे छ ।

पीडितको स्वास्थ्य परीक्षण असोज २० गते चन्द्रनिगाहपुर अस्पतालमा गरिएको थियाे ।  

ब्युटिसियन पुनमकाे हत्या आराेपमा छपकैया कै इमरान पक्राउ

0

वीरगंज । वीरगंज १ छपकैया निवासी ब्युटिसियन पुनम देवीकाे हत्या आराेपमा प्रहरीले छपकैया कै २५ बर्षिय ईमरान मियाँलाई पक्राउ गरेकाे छ । 

भारत विहार जिल्ला सितामढी नरहा ग्राम घर भई हाल छपकैया बस्दै आएकी गगनदेव प्रसादको श्रीमती ४० बर्षिय पुनमकाे शुक्रबार विहान हत्या भएकाे थियाे । बिहिबार राती खाना खाई आफ्नै सुत्ने कोठाको ओछ्यानमा एक्लै सुतेको अवस्थामा घर भित्र चाेरी गर्ने उद्देश्यले प्रबेश गरेका इमरानले पुनमकाे हत्या गरेकाे प्रहरीले जनाएकाे छ ।

चाेरी गर्ने उद्देश्यले घर भित्र प्रबेश गरेका इमरानले १ फिट लामो फलामको छडले बारम्बार प्रहार गरि पुनमकाे हत्या गरेकाे अनुसन्धानबाट खुलेकाे जिल्ला प्रहरी कार्यालय पर्साका प्रहरी उपरिक्षक (एसपी) काेमल साहले वताए ।

उनका अनुसार अभियुक्त इमरानकाे घरमा बिबाद भए पश्चात शुक्रबार विहान ०१:५३ बजे आफ्नो घर नजिकै रहेको वीरगंज महानगरपालिकाकाे वडा नं १ को कार्यालयमा सुत्छु भनी गेट चढेर भित्र प्रवेश गरेकोमा भित्रको मूल ढोकाबन्द रहेको कारण बाहिर निस्की नजिकै रहेको मृतक पुनमको घरतर्फ गएका थिए । 

इमरान मृतकको घरको झ्यालको मदतले घरको छतमा चढी छतमा रहेको अं.१ फिट लामो फलामको छड् उठाइ घरभित्र प्रवेश गरेको र घर भित्र प्रवेश गर्दा निज मृतक जितिया पर्बको लागि तयारी गर्न उठिसकेको अबस्थामा जम्काभेट हुँदा महिला डराएर चिच्याउँदा अभियुक्तले हाँतमा रहेको फलामको छड्ले मृतकको टाउकोमा प्रहार गरेका थिए ।

मृतक पुनम वेहोस भई ढलेको कारण इमरानले नजिकको कोठाको ओछ्यानमा लगी राखेकाे र कोठाको बत्ती बालेर हेर्दा महिलाको आँखा खुलेको देखि पुनः सोही फलामको छडले पटक पटक टाउकोमा प्रहार गरी घरको मूल ढोका खोलेर बाहिरबाट चुकुल लगाइ पूर्वतर्फ भागेका थिए ।

लागू औषध प्रयोग गर्नको लागि चोरी गर्ने उदेश्यले इमरान मृतककाे घर भित्र प्रबेश गरेकाे प्रहरीकाे भनाई छ । 

घटनाको सूचना  प्राप्त हुनसाथ पर्सा प्रहरी प्रमुख एसपी साहकाे कमाण्डमा SOCO, तालिम प्राप्त कुकुर  सहितको प्रहरी टोली घटनास्थलमा खटी गई घटनास्थल तथा लाशजाँच मुचुल्का लगायतका कार्य पुरा गरी मृतककाे लाश पोष्टमार्टमको लागि नारायणी अस्पताल बीरगंजमा पठाइएको थियाे ।

शुक्रबार नै गरिएकाे पोष्टमार्टम पश्चात मृतककाे लास सदगतको लागि मृतकको श्रीमान गगनदेवले जिम्मा बुझी लगेका थिए । 

घटना अनुसन्धानको क्रममा शनिबार अभियुक्त इमरानलाई वीरगंज १ बाट नै नियन्त्रणमा लिई आइतबार जिल्ला अदालतबाट म्याद थप गरि घटना बारे थप अनुसन्धान कार्य भइरहेको पर्सा प्रहरीका प्रवक्ता एवम् प्रहरी नायब उपरिक्षक (डिएसपी) कुमार बिक्रम थापाले वताए ।

घटनास्थलबाट पुर्ब तर्फ रहेको धान खेतमा फालेको अबस्थामा पुनमकाे हत्यामा प्रयाेग भएका फलामको छड समेत बरामद भएकाे डिएसपी थापाले वताए ।

घटनाको अनुसन्धानको सिलसिलामा सुरुमा प्रहरीले मृतक पुनमको ‘कल डिटेल्स’ को आधारमा पक्राउ गरेका सुनिल सर्राफलाई रिहा गरेको छ । पुनमको हत्यामा संलग्नता नरहेको अनुसन्धानबाट पाइएको भन्दै प्रहरीले सर्राफलाई शनिबार छाँडेको जानकारी दिएको छ ।

बिन्दवासिनी गापामा विद्यार्थीहरुकाे प्रदर्शन, समस्या समाधान गर्न अध्यक्ष तिवारीकाे प्रतिवद्धता

0

पर्सा । शिक्षक सरुवाकाे विराेधमा पर्साकाे बिन्दवासिनी गाउँपालिकामा विद्यार्थीहरु प्रदर्शन गरेका छन् । गाउँपालिका कार्यालयबाट गरिएकाे शिक्षक सरुवाकाे निर्णय फिर्ता लगायकाे माग गर्दै श्री नेपाल राष्ट्रिय माद्यमिक विद्यालय गर्दाैल र श्री राधा कृष्ण चाैरसिया माद्यमिक विद्यालय बहुअर्वा भाठ्ठाका विद्यार्थीहरु प्रदर्शन गरेका हुन् ।

गाउँपालिका कार्यालय अगाडीकाे मुल सडक समेत अवरुद्ध गरेर विद्यार्थीहरुले गरेकाे विराेध प्रदर्शनमा प्रहरीले हस्तक्षेप गरेकाे थियाे । प्रहरीले गरेकाे लाठी चार्जबाट आधा दर्जन विद्यार्थी घाइते समेत भएका छन् ।

घाइते हुनेमा विवेक कुमार कुर्मी, अरविन्द कुमार कुर्मी, खेम बहादुर गाेढ, विशाल यादव, अनुराग यादव, रुपेश कुमार रहेका छन् । घाइते मध्येका दुई जनाकाे टाउकाे फुटेकाे छ भने अन्यकाे हात खुट्टामा चाेट लागेकाे छ । घाइतेहरुकाे स्थानिय स्वास्थ्य संस्थामा उपचार गरिएपछि घर फर्केका छन् ।  

विद्यार्थीहरुले गरेकाे ढुंगामुडाबाट गाउँपालिका कार्यालयमा कार्यरत दुई कर्मचारी समेत घाइते भएका छन् । 

 विद्यार्थीहरुले गाउँपालिका कार्यालय अगाडीकाे सडक समेत जाम गरि प्रदर्शन गर्न थालेपछि सडक खुलाउन समान्य विद्यार्थीहरुकाे भिड मात्र हटाइएकाे इलाका प्रहरी कार्यालय पाेखरियाका प्रहरी निरिक्षक माेहन बिक्रम थापाले वताए ।

प्रहरीकाे लाठीबाट विद्यार्थीहरुकाे टाउकाे नफुटेकाे दाबी गर्दै उनले भाग्ने क्रममा लडेर केही विद्यार्थीहरुलाई समान्य चाेटपटक मात्र लागेकाे वताए ।

विद्यार्थीहरुले गाउँपालिकाबाट गरिएकाे शिक्षक सरुवा बदर हुनु पर्ने, नियमित कक्षा संचाल हुनु पर्ने, विद्यालयमा विज्ञान प्रयाेग शालाकाे व्यवस्था हुनु पर्ने, दिवा खाजा संचालन हुनु पर्ने, छात्रवृति वितरण हुनु पर्ने, विषयगत शिक्षककाे परिपुर्ति हुनु पर्ने लगायतका माग राख्दै प्रदर्शनमा उत्रेका थिए ।

सरुवा भएका शिक्षकहरुकाे उसकाहटमा विद्यार्थीहरु प्रदर्शनमा उत्रेकाे गाउँपालिका अध्यक्ष प्रमाेद तिवारीले वताए । उनले विद्यार्थीहरुलाई बाेलाएर समझाउँदा बुझाउँदा समस्या समाधान भएकाे वताए । विद्यार्थीहरुले राखेकाे समस्या तुरुन्तै समाधान हुने समेत अध्यक्ष तिवारीले वताए । 

श्री नेपाल राष्ट्रिय माद्यमिक विद्यालय गर्दाैलका विद्यार्थीहरु विद्यालयमा समेत ताेडफाेड गरेका छन् । विद्यार्थीहरुले कक्षा काेठामा रहेकाे केही बेन्च डेस्क र पंखाहरु ताेडफाेड गरेकाे प्रहरीले जनाएकाे छ ।

यस अघि शुक्रबार श्री रामसवरुप रामपृत चाैरसिया माद्यमिक विद्यालय झाेवाका विद्यार्थीहरु समेत प्रदर्शन गरेका थिए । उनीहरुले निमावि अंग्रेजी विषयका शिक्षिका अनुपा पटेलकाे सरुवा विराेधमा प्रदर्शन गरेका थिए ।

परवानीपुरमा जसपाको पार्टी प्रवेश कार्यक्रम सम्पन्न

0

आनन्द पटेल/
परवानीपुर ।
बाराको परवानीपुर गाउँपालिका वडा नं. ४ चैनपुर टोलमा शनिबार जनता समाजवादी पार्टी (जसपा) को पार्टी प्रवेश कार्यक्रम सम्पन्न भएको छ । कार्यक्रममा विभिन्न पार्टी परित्यागगरी ३८ जनाले जसपामा प्रवेश गरेकाे जनाइएकाे छ ।

प्रवेश गर्नेहरुमा सिकेन्द्र पटेल, सुनील पटेल, सन्दिप पटेल, सन्तोष राम, नरेश राय, भगवत यादव, फर्मुला देवान, राम विनय साह, दीपक राम, मोतीलाल राम, मनोज गुप्ता लगायत रहेका छन । उनीहरूलाई कार्यक्रमका प्रमुख अतिथी संविधान सभा सदस्य तथा पार्टीका राजनीतिक समिति सदस्य आत्माराम साहले फूलमाला लगाई पार्टीमा प्रवेश गराएका थिए ।

साथै प्रमुख अतिथी साहले नवप्रवेसीहरुलाई पार्टीमा उचित जिम्मेवारी दिने र पार्टीको काममा लाग्न सबै नेता तथा कार्यकर्ताहरुलाई आग्रह गरे ।

कार्यक्रमका विशिष्ट अतिथि पार्टीका जिल्ला अध्यक्ष रामबाबु प्रसाद यादवले नवप्रबेसी युवाहरुलाई पार्टीमा स्वागत गर्दै अब आउने स्थानीय निर्वाचनमा पार्टीले राम्रो नतिजा निकालनेमा आफू विश्वस्त रहेको बताए ।

उनले यो पार्टी प्रवेशले यस क्षेत्रमा पार्टी प्रति युवाहरुको विश्वास र लगाव बढेको हुनाले सबै मिली अब पार्टी र स्थानीय जनताको सेवा गर्न सबैलाई आग्रह गरे ।

कार्यक्रमका विशिष्ट अतिथि अधिबक्ता रामचन्द्र सिंहले शुभकामना दिँदै यो पार्टी प्रवेशले अब आउने निर्वाचनमा जीतको धेरै सम्भावना बढेर गएको बताए । उनले यूवाहरुमा देश बदल्ने शक्ति भएको हुनाले राजनीतिक रूपमा पनि सही पार्टी छान्न आग्रह गरे ।

पार्टीका मधेश प्रदेश कमिटी सदस्य ललिता देवी साहले पार्टीमा प्रवेश गर्ने सबैलाई स्वागत गर्दै सबै एकजुट भएर काम गर्न आग्रह गरिन ।

पार्टीका युवा नेता तथा गाउँपालिका प्रत्यासी सञ्जु साहले पार्टीमा प्रवेश गरेका सबैलाई स्वागत गर्दै हामी युवाहरु अब एकजुट भएर सही काम गर्न आग्रह गरे । उनले आफू पनि एक युवा भएको हुनाले यस क्षेत्रको सबै विषय वस्तु राम्ररी बुझेको र युवाहरुको साथ र सहयोग भए यस क्षेत्रमा शिक्षा, स्वास्थ, बेरोजगारी लगायतको समस्यालाई समाधान गर्न तयार रहेको प्रतिबद्धता जनाए ।

कार्यक्रममा वडा नं ५ का वडाध्यक्ष रामेश्वर साह, विद्यार्थी नेता निरञ्जन कुमार साह, पार्टीका क्षेत्रीय अध्यक्ष अनिल सहनी, उमेश साह, नरेश यादव लगायत नेता/कार्यकर्ताहरुको उपस्थिति रहेको थियो ।

प्रभु हस्पिटलको स्थापना दिवसमा कारागारमा रक्तदान तथा स्वास्थ्य परिक्षण

0

वीरगंज । प्रभु हस्पिटलकाे आयाेजनामा शनिबार वीरगंज कारागारमा रक्तदान कार्यक्रम सम्पन्न भएकाे छ ।

हस्पिटलले आफ्नाे चौथो स्थापना दिवसकाे अवसरमा कारागार परिसरभित्रै आयाेजना गरेकाे कार्यक्रममा  १ सय ५८ कैदीबन्दी सहित १ सय ६३ जनाले रक्तदान गरेका हुन् । 

कार्यक्रममा ५ जना सशस्त्र प्रहरीसहित १ सय ६३ जनाले रगतदान गरेकोमा त्यसमध्ये कैदीबन्दीको संख्या १ सय ५८ जना रहेको कारागार प्रमुख फणिन्द्र दाहालले जानकारी दिए ।

रक्तदान कार्यक्रमको उद्घाटन पर्साका प्रमुख जिल्ला अधिकारी हिरालाल रेग्मीले रगत दान गर्ने कैदीबन्दीलाई रगत संकलन गर्ने पोका दिएर गरेका थिए ।

रगतदान गरेका कैदीबन्दीहरुलाई प्रजिअ रेग्मी, सशस्त्र प्रहरी उपरीक्षक किशन कर्मचार्य, प्रहरी नायब उपरीक्षक कुमार विक्रम थापा, अस्पतालका सञ्चालकद्वय डाक्टर मनोज गुप्ता र डाक्टर लक्ष्मी थापा लगायतले रगतदान गरेको प्रमाणपत्र प्रदान गरेका थिए ।

रक्तदान कार्यक्रममा रक्त सञ्चार केन्द्र वीरगंजका प्राविधीक प्रमुख सौरभराज पाण्डे नेतृत्वको टोलीले प्राविधीक सहयोग गरेको थियो ।

शनिबार कारागारमै अस्पतालले महिला कैदीबन्दीहरुका लागि निःशुल्क स्वाास्थ्य चेकजाँच शिविर पनि आयोजना गरेको थियो । उक्त शिविरमा कारागारमा रहेका ६६ जना महिला केदीबन्दीहरुको स्वास्थ्य जाँच गरिएको थियो ।

डाक्टर लक्ष्मी थापा नेतृत्वमा रहेका चिकित्सकहरुको टोलीले उनिहरुको स्वास्थ्य जाँच गरी स्वास्थ्य समस्या देखिएका महिला कैदीबन्दीहरुलाई निःशुल्क औषधी वितरणपनि गरिएको अस्पतालका कार्यक्रम प्रमुख दिलिपराज कार्कीले जानकारी दिए ।

“अपराध नियन्त्रण तथा समाजिक शान्ति सुरक्षा” सम्बन्धि अभिमुखीकरण

0

वीरगंज । पर्साकाे पटेर्वा सुगौली गाउँपालिका वडा नं. २ रङपुर तथा पर्सागढी नगरपालिकाकाे वडा नं. १ मनवा बजारमा “अपराध नियन्त्रण तथा समाजिक शान्ति सुरक्षा” सम्बन्धि अभिमुखीकरण कार्यक्रम सम्पन्न भएको छ ।

शान्तिपुर्ण तथा सुरक्षित समाज निर्माणका लागी समुदाय प्रहरी साझेदारी अन्तर्गत भएकाे कार्यक्रममा समाजमा अपराधलाई कसरी नियन्त्रण गर्ने, शान्ति सुरक्षा कायम गर्ने बारे अभिमुखिकरण गरिएकाे ईलाका प्रहरी कार्यालय पटेर्वा सुगौलीका प्रहरी निरीक्षक राम राजा केशरीले जानकारी दिए ।

सम्बन्धित वडा कार्यालयहरुकाे ब्यवस्थापनमा भएको उक्त कार्यक्रममा उठेका प्रश्नहरुको ईलाका प्रहरी कार्यलय पटेर्वा सुगौलीका प्रहरी निरीक्षक केशरीले जवाफ दिएका थिए । 

पटेर्वा सुगौलीमा भएकाे कार्यक्रममा वडाध्यक्ष विजय गैरे, गाउँ कार्यपालिका सदस्य सजिना बि.क, वडा सदस्य सर्मा राउत थारु, राजदेव महतो उराव, सामाजिक परिचालक सबिता गिरि लगायकाे सहभागिता रहेकाे थियाे ।

वीरगंज २१ मा जनमतकाे पार्टी प्रबेश कार्यक्रम सम्पन्न

0

वीरगंज । वीरगंज महानगरपालिकाकाे वडा नम्बर २१ ताजपुरमा शनिबार जनमत पार्टीकाे पार्टी प्रबेश कार्यक्रम सम्पन्न भएकाे छ । कार्यक्रममा जसपा, लाेसपा लगायतका पार्टी परित्याग गरि एक सय भन्दा बढीले जनमत पार्टीमा प्रवेश गरेकाे जनमत पार्टीका पर्सा संयाेजक ओमप्रकाश सर्राफले जानकारी दिए ।

लाेसपाका स्थानीय नेता विष्णु कुशवाहाकाे अगुवाईमा लाेसपा, जसपा, एमाले लगायतका पार्टीका नेता कार्यकर्ता जनमत पार्टीमा प्रवेश गरेकाे संयाेजक सर्राफले वताए । नव प्रवेशी सबै जनालाई कार्यक्रममा सहभागि जनमत पार्टीका नेताहरुले अविरकाे टिका लगाएर पार्टीमा स्वागत गरेका थिए ।

उक्त कार्यक्रममै विष्णु कुशवाहाकै अध्यक्षतामा जनमत पार्टीको ४१ सदस्यीय वडा इकाई समिति गठन गरिएकाे जनमत पार्टीले जनाएकाे छ ।

पार्टी प्रबेश कार्यक्रममा जनमत पार्टीका केन्द्रीय सदस्य शशीकपुर मियाँ, सिपु तिवारी, पर्सा संयाेजक ओमप्रकाश सर्राफ, नेताहरु इन्दाैल राठाैर, विद्यानन्द साह, युवा जनमत संघका महानगर अध्यक्ष सन्जय सिंह लगायतको सहभागीता रहेकाे थियाे ।

कांग्रेस महासमितिमा मन्त्री रिजालसहित ११ जना निर्विरोध निर्वाचित

0

वीरगंज । पर्साको निर्वाचन क्षेत्र नम्बर ४ बाट नेपाली काँग्रेसको महासमिति सदस्यमा ११ जना निर्विरोध निर्वाचित भएका छन् ।

क्षेत्र नम्बर ४ बाट महासमिति सदस्यमा कांग्रेस केन्द्रिय सदस्य समेत रहेका उद्योग वाणिज्य तथा आपुर्तिमन्त्री रमेश रिजालसहित ११ जना निर्विरोध निर्वाचित भएका हुन् । महासमिति सददस्यमा रिजालसंगै बशिष्ठ नाराायण प्रसाद कुर्मी, रमेश पाण्डे, शंकर चौधरी, गोमा उपाध्याय, बृहस्पतिकृष्ण श्रेष्ठ, शैलदेवी राजपुत, शोभा शर्मा, रामदेव प्रसाद चौहान, सहरुम राउत गदी र छोटेलाल दास तत्वा निर्वाचित भएका हुन् ।

शनिबार बसेको कांग्रेसका महाधिवेशन प्रतिनिधीहरुको बैठकले ११ जनालाई महासमिति सदस्यमा सर्वसम्मत चयन गरेको कांग्रेसका क्षेत्रीय सचिव बलिष्टर अहमदले जानकारी दिए ।

बारामा बसकाे ठक्करले माेटरसाइकल चालककाे मृत्यु

0

कलैया । बाराको निजगढमा ग्यारेजबाट ट्रायलका लागि निस्केको मोटरसाइकल दुर्घटना हुँदा एक जनाको मृत्यु भएको छ । मृत्यु हुनेमा ग्यारेजका मिस्त्री कोल्हबी नगरपालिका ३ जुगवाका २० वर्षीय दिनेश चौधरी रहेका छन् ।

निजगढ ८ स्थित श्री बाबा एनकेडी ग्यारेजबाट मर्मत गरेर जाँचका लागि निस्किएको ना ६३ प ८४४७ नम्बरको मोटरसाइकललाई नारायणगढबाट धरानतर्फ जाँदै गरेको प्र १–०२००१ ख ९७९३ नम्बरको बसले ठक्कर दिएको हो । दुर्घटनामा मोटरसाइकल चालक चौधरीको घटनास्थलमै मृत्यु भएको हो ।

बसले ठक्कर दिएपछी चौधरीले चलाएको मोटरसाइकल ना ३ स ९२३७ नम्बरको इरिक्सामा ठोक्किन पुगेको थियो । मोटरसाइकलले ठक्कर दिएपछी अनियन्त्रित भएको उक्त इरिक्सा प्र २–०३–००१ ह १०६६ नम्बरको अटोसंग ठोक्किएको थियो।

रिक्साको ठक्करबाट अटो चालक निजगढ १२ लालका २४ वर्षीय सुकराम बोम्जन, अटोमा सवार त्यहि ठाँउका २२ वर्षीय सानतेन लामा र जीतपुरसिमरा १६ का २१ वर्षीय कुलबहादुर थिङ घाइते भएका छन् ।

घाइतेमध्ये लामालाई निजगढबाट थप उपचारका लागि वीरगंज लगिएको प्रहरीले जनाएको छ । प्रहरीले बस चालक सिरहा १२ का अजय ठाकुरलाई नियन्त्रणमा लिएको छ ।

पुनम हत्या प्रकरणमा पक्राउ परेका सुनिल काे हुन ?

0

वीरगंज । वीरगंज १ छपकैयाँकी पुनम देबी हत्या प्रकरणमा प्रहरीले अनुसन्धान गर्न एक जनालाई नियन्त्रणमा लिएकाे छ । स्थानिय सुनिल सर्राफलाई प्रहरीले शुक्रबार नै पक्राउ गरि अनुसन्धान अगाडी बढाएकाे छ । 

प्रहरी हिरासतमा रहेका सुनिल पनि मृतक पुनमकै वडा निवासी हुन् । सर्राफसंग पुनमको ‘कनेक्सन’ तार कसरी जोडियो ? पुनम ब्यूटिसियन हुन् ।

प्रहरी स्राेतका अनुसार पक्राउ परेका सुनिल मृतक पुनमले ब्यूटिपार्लर सञ्चालन गर्दै आएकी घर साहुकाे छाेरा हुन् । पुनमले सुनिल कै घरमा भाडा लिएर ब्युटिपार्लर सञ्चालन गरिरहेकी थिइन् ।   

सुनिलकाे पुनमसंग त्यहीँ ब्युटिपार्लरबाट हिमचिम बढ्दै गएको प्रारम्भिक अनुसन्धानमा पाइएको छ । सुनिलकाे यो हिमचिम प्रत्यक्ष भेटघाटमा मात्रै सीमित रहेन, उनको घरसम्म पुग्यो । अर्थात् सर्राफले फोन संवाद पनि बढाए ।

मृतक पुनम देबीको ‘कल डिटेल’ मा सुनिलकाे फोन नम्बरको पनि देखिएका छन् । ‘कल डिटेल्स’का अनुसार सुनिलकाे मृतक पुनमको निरन्तर सम्पर्कमा रहेको देखिन्छ ।

यसरी ‘कल डिटेल्स’ को आधारबाट सुरु भएको प्रहरी अनुसन्धानले पहिलो चरणमै सुनिललाई नियन्त्रणमा लियो । कारण–पुनमको मृत्यु हुनुभन्दा अगाडि सर्राफसंग कुरा भएको देखिन्छ । 

प्रहरी अनुसन्धान पनि यहीबाट सुरु भएको छ, तर यही आरोपित हो भनेर प्रहरी अनुसन्धान भने टुंगो लागी नसकेको अवस्था छ । किनकी, अहिलेसम्म सर्राफले ठोस बयान दिन सकेका छैनन् । 

मृतक पुनमको शुक्रबार विहान हत्या भएको थियाे । उनको टाउँकोमा प्रहार गरी हत्या गरिएको प्रहरीको प्रारम्भिक अनुसन्धानबाट खुलेको हो । टाउकाेबाट रगत बगिरहेकाे अचेत अवस्थामा भेटिएकी पुनमकाे अस्पताल पुर्याउँदा मृत्यु भएकाे थियाे ।

घटना बारै अझै अनुसन्धान भइरहेकाेले अहिले नै केही भन्न नसकिने प्रहरी अधिकारीहरुकाे भनाई छ ।