Date
सोम, कार्तिक ३०, २०८३
Mon, November 16, 2026
Home Blog Page 490

इजरायलमा ज्यान गुमाएकाकाे शाेकमा दीप प्रज्वलन

0

वीरगंज । इजरायलमा ज्यान गुमाएका नेपाली विद्यार्थीको सम्झनामा रोट्रयाक्ट क्लब अफ वीरगंज मेट्रोपोलिसले दीप प्रज्वलन गरेको छ ।

ज्यान गुमाएका नेपाली विद्यार्थीको सम्झनामा मंगलबार सांझ वीरगंज घण्टाघर चोकमा दिपप्रज्वलन गरि केहि समय मौन बसि मृतकको आत्माकाे चिर शान्तिकाे लागी श्रद्धान्जली अर्पण गरीएको रोट्रयाक्ट क्लब अफ वीरगंज मेट्रोपोलिसका उपाध्यक्ष दिपु बर्णवाले बताए ।

रोट्रयाक्ट क्लब अफ वीरगंज मेट्रोपोलिस, रोट्रयाक्ट क्लब अफ वीरगंज र इन्ट्रेक्ट क्लब अफ गौतम स्कुलकाे सहभागितामा दीप प्रज्वलन गरिएकाे हाे । 

रोट्रयाक्ट क्लब अफ वीरगंज मेट्रोपोलिसकोको अध्यक्ष रेशु अग्रवालको अध्यक्षतामा भएको कार्यक्रममा क्लबका सचीव रामबिनय यादव, सह- सचीव अञ्जली गर्ग, क्लबका सह – कोषाध्यक्ष आनन्द साह, क्लबका मेम्बर सीप डाइरेक्टर आलोक ठाकुर, क्लब सर्भिस डाइरेक्टर राधिका दारुका, रोट्रयाक्ट क्लब अफ वीरगंजको अध्यक्ष शनि सर्राफ र इन्ट्रेक्ट क्लब अफ गौतम स्कुलको अध्यक्ष आलोक यादव, रोशन गुप्ता लगायतको उपस्थिति रहेको थियो ।

शारदा माविमा प्राविधिक कक्षा संचालन गर्न आर्थिक समस्या

0

वीरगंज ।  वीरगंज महानगरपालिकाकाे वडा नं. २४ स्थित शारदा माद्यमिक विद्यालय बहुअरी सुगौलीका प्रधानाध्यापक विनोद मेहताले प्राविधिक तर्फकाे कक्षा संचालन गर्न आर्थिक समस्या देखिएकाे वताएका छन् ।

उनले विद्यालयकाे समस्या सन्दर्भमा संचारकर्मीहरुसंग कुरा गर्दै प्राविधिक तर्फकाे कक्षा संचालन गर्न शिक्षकलाई तलब समेत दिन समस्या भएकाे वताएका हुन् । उनले भने ‘शारदा माविमा सञ्चालित सीटीईभीटीअन्तर्गतका कोर्सका लागि कुनै पनि सरकारी निकाय, दाता अथवा एजेन्सीबाट सहयोग आउँदैन । विद्यार्थीहरूबाट उठेको शुल्कबाट कोर्स चल्छ । पैसा नै नपाएको खण्डमा त्यसलाई रोकेर राख्ने कुरै भएन ।’ 

सीमित विद्यार्थीहरूले पनि समयमा शुल्क नबुझाउँदा शिक्षकलाई तलब दिन समस्या परेको उनको भनाई छ । ‘विद्यार्थीको सङ्ख्या पनि थाेरै छ । उनीहरूले पनि समयमा शुल्क बुझाउँदैनन् । बुझाएकाे शुल्कबाट पनि सबै खर्च धाउने अवस्था छैन् । कुनै सरकारी निकाय वा दाताबाट सहयोग पनि आउँदैन, विद्यालयको खातामा पनि पैसा छैन,’ ‘यस्तो अवस्थामा प्राविधिक कक्षा संचालन गर्न समस्या भएकाे हाे ?’

प्राविधिक शिक्षाको कक्षाहरू नियमित रूपमा सञ्चालनमा ल्याउन विद्यालय प्रयासरत रहेको मेहताले बताए । अभिभावक, जनप्रतिनिधि, विद्यार्थी सबैसँग छलफल गरेर एउटा निक्र्यौल निकाल्ने प्रयास जारी रहेको उनले बताए । वीरगंज महानगरपालिकाले पनि यसको लागि पहल गर्नुपर्ने उनको भनाई थियो ।

केही दिन पहिला विद्यालयमा भएकाे विवादकाे सन्दर्भमा कुरा गर्दै प्राधानाध्यापक मेहताले विद्यार्थीहरु विच भएकाे विवादलाई सञ्चारमाध्यमले बङ्ग्याएको आरोप लगाए ।

शिक्षकले विद्यार्थीलाई कक्षाकोठामा थुनेर कुटेको भन्दै विभिन्न सञ्चारमाध्यमहरूमा आएका समाचारको खण्डन गर्दै प्रधानाध्यापक महेताले यस्तो आरोप लगाएका हुन् ।

नियमित पठनपाठनलगायतको विषय उठान गर्दै विरोध प्रदर्शन गरिरहेका विद्यालयका प्राविधिक सङ्काय र माविका विद्यार्थीबिच भएको विवादलाई सञ्चारमाध्यमले बङ्ग्याएर शिक्षकले विद्यार्थीलाई कक्षाकोठामा थुनेर कुटपिट गरेको भन्दै सम्प्रेषण गरेको महेताको भनाई छ ।

‘गत आइतबार विद्यालयमा कोही पनि शिक्षक नभएको बेला प्राविधिक सङ्कायका विद्यार्थीहरूले विद्यालयको मूल ढोकामा तालाबन्दी गरेका थिए । सोही बेला आएका माविका विद्यार्थी र उनीहरूबिच विवाद सुरु भयो ।

विवादका क्रममा उनीहरूबिच हातपात समेत भयो,’ महेताले भने, ‘हातपातको खबर सुन्न साथ विद्यालय पुगेका माविका शिक्षकहरूले विवादलाई समाधान गर्न पहिलो तल्लामा रहेका प्राविधिक सङ्कायका विद्यार्थीलाई माथि नै रोक्न केही समयका लागि भर्‍याङ अगाडि रहेको कैँची ढोकालाई बन्द गरिदिए । सोही दृश्यलाई कैद गरेर केही सञ्चारकर्मी साथीहरूले विषयलाई बङ्ग्याएर सम्प्रेषण गरिदिनुभयो ।’

विवाद उग्र हुँदै कसैलाई चोटपटक नलागोस् भनेर शिक्षकहरूले गरेको राम्रो कामलाई समेत सञ्चारमाध्यमले सत्य तथ्य नै नबुझी बङ्ग्याएर लेख्नु गलत भएको उनको कथन छ । विवादलाई साम्य पार्ने बाहेक शिक्षकहरूको कुनै संलग्न समेत नभएको उनको दाबी छ ।

मेहताको दाबीलाई विद्यार्थीले पनि समर्थन गरेका छन् । प्राविधिक सङ्कायमा अध्ययनरत अनिल साहले पनि विद्यार्थीबिच भएको विवादलाई साम्य पार्ने उद्देश्यका साथ शिक्षकहरूले केही समयका लागि भर्‍याङ अगाडिको कैँची ढोका बन्द गरेको स्वीकारे । 

विवादले उग्र रूप लिएपछि अन्तिम विकल्पका रूपमा शिक्षकहरूले बाध्य भएर प्राविधिक सङ्कायका विद्यार्थीलाई पहिलो तल्ला मै रोक्न भर्‍याङ अगाडिको ढोका बन्द गरेको उनले बताए । ‘विद्यार्थीबिचको विवाद उग्र बन्दै गइरहेको थियो । दुवै समूहका विद्यार्थी आक्रोशित थिए । विवादलाई थप बढ्न नदिन शिक्षकहरूद्वारा हामीलाई माथि नै रोक्न केही बेरका लागि भर्‍याङ अगाडिको कैँची ढोका बन्द गरिएको थियो,’ विद्यार्थी साहले भने, ‘सञ्चारमाध्यममा आए जस्तो हामीलाई थुन्न अथवा कुट्नको लागि होइन ।’ 

विद्यालयका प्रधानाध्यापक विनोद महेताले सञ्चारमाध्यममा लगाइएका अन्य आरोपहरूको पनि खण्डन गरे । प्राविधिक शिक्षा तथा व्यावसायिक तालिम परिषद् (सीटीईभीटी) ले पैसा पठाए पनि विद्यालयले शिक्षकहरूको तलब भत्ता रोकेको भन्दै आएका समाचारहरू पनि निराधार र तथ्यहीन भएको उनले बताए ।

राजनीतिक द्वेष र रिसिइबिका कारण विद्यालय भित्र र बाहिरका केही तत्त्वहरूले विद्यार्थीलाई उक्साएको हुनसक्ने महेताको आशङ्का छ । प्रयोगात्मक परीक्षा चलिरहेको बेला नियमित कक्षा सञ्चालन सञ्चालन नभएको भन्दै विद्यार्थीले गरेको आन्दोलनको पनि कुनै औचित्य नै नभएको उनले बताए । ‘१८ गते बिहीबारसम्म उनीहरूको प्रयोगात्मक परीक्षा थियो । अनि १४ गते नै नियमित कक्षा सञ्चालन हुनुपर्‍यो भन्दै विद्यार्थीले विरोध गर्न थाले । यो उनीहरू आफैले गरेकै होइनन् । अन्य तत्त्वहरूले उनीहरूलाई उक्साएका छन्,’ उनले भने ।

वीरगंजमा मनाइयाे विश्व मानसिक स्वास्थ्य दिवस

0

वीरगंज । विश्व मानसिक स्वास्थ्य दिवसका अवसरमा वीरगंजमा सचेतनामुलक कार्यक्रम सम्पन्न भएकाे छ । दिवसका अवसरमा वीरगंज महानगरपालिका र वीरगंज नसिंङ्ग क्याम्पसको सयुक्त आयोजनामा घण्टाघर चोकमा मानसिक स्वास्थ्य सम्बन्धमा तयार पारिएको सडक नाटक सहित सचेतनामुलक कार्यक्रम सम्पन्न भएको हो ।

पछिल्लो समय मानसिक स्वास्थ्यका बिरामीहरु बढ्दै गएको प्रति चिन्ता व्यक्त गर्दै वीरगंज महानगरपालिकाका स्वास्थ्य महाशाखा प्रमुख अनिल कुमार यादवले मानसिक स्वास्थ्यका बारेमा जनचेतना अभिबृद्धी गर्नुपर्नेमा जोड दिए । उनले मानसिक स्वास्थ्यलाई नजरअन्दाज नगर्न आग्रह गर्दै जति सक्दो आफूलाई व्यस्त राख्नुपर्ने सुझाव दिए ।

वीरगंज नर्सिङ् क्याम्पसकी प्रमुख डा. कल्पना पौडेलले मानसिक स्वास्थ्यका बारेमा सचेतना फैलाउने अभिप्रायका साथ कार्यक्रमको आयोजना गरिएको बताए । हरेक व्यक्ति मानसिक रुपमा स्वस्थ हुनुपर्ने आवश्यक्ता औँल्याउँदै उनले सामाजिक सञ्जाल, बेरोजगारी, प्रेम, कुलत लगायतका कारण मानसिक स्वास्थ्य बिग्रिन सक्ने तर्क गरिन ।

‘मानसिक स्वास्थ्य : सबैको अधिकार’ भन्ने नारासहित मनाईएको विश्व मानसिक स्वास्थ्य दिवसको अवसरमा वीरगंज नर्सिङ् क्याम्पसमा अध्ययनरत छात्रा–छात्रहरुले सन्देशमुलक नाटक पनि प्रस्तुत गरेकाे जनस्वास्थ्य निरीक्षक अनिशकान्त कुशवाहले जानकारी दिए ।

वीरगंजकाे घण्टाघरमा भएको कार्यक्रममा दिब्य युवा क्लबका कार्यकारी निर्देशक रामाकान्त पटेल, नारायणी अस्पतालको एकद्वार संकट व्यवस्थापन केन्द्र (ओसिएमसी) की इन्चार्ज हेमा थापा, बरिष्ठ मानसिक रोग विशेषज्ञ डा. रामप्रकाश साह, डा. अनुप कृष्ण गुप्ता, डा. नीतु बस्नेत, वीरगंज महानगर प्रमुखका जनसम्पर्क सल्लाहकार नवराज फुयाँल लगायतको उपस्थिती रहेको थियाे ।

भेडियाहीमा नि:शुल्क आँखा शिविर

0

वीरगंज । वीरगंज महानगरपालिकाको वडा ३१ भेडियाहीमा नि:शुल्क आँखा जाँच शिविर सम्पन्न भएको छ । वीरगंज महानगरपालिकाको सहयोग तथा साहिब दरबार वीरगंज र वीरगंज सामुदायिक आँखा अस्पतालको संयुक्त आयोजनामा शिविर सम्पन्न भएको हो ।

शिविरमा १२० जनाको आँखा तथा दाँत जाँच गरिएको साहिब दरबारका अध्यक्ष उमेशलाल सहनीले जानकारी दिए । जाँच गरिएकामध्ये ४३ जनाको मोतियाविन्दुको समस्या पाइएको उनले वताए ।

मोतियाबिन्दुको समस्या देखिएकाहरुको बुधबार अस्पतालमा नि:शुल्क सल्यकृया गरिने अस्पतालका मेडिकल अधिकृत महेश धामीले जानकारी दिए ।

साहिब दरबार र सामुदायिक आँखा अस्पतालको आयोजनामा आउँदा दिनमा पनि महानगरका विभिन्न वडामा नि:शुल्क आँखा तथा दाँत जाँच शिविर संचालन हुने पनि मेडिकल अधिकृत धामीले बताए । शिविरमा आएकाहरुको मेडिकल अधिकृत धामी र प्रेम घिमिरेले आँखा जाँच गरेका थिए ।

शिविरमा साहिब दरबारका अध्यक्ष उमेशलाल सहनी, उपाध्यक्ष प्रेमबाबु पटेल, अवधेस यादव, सुरज गुप्ता, हफिज मियाँ लगायतको सहभागिता रहेको थियो ।

वीरगंजमा दशैं लक्षित यात्रु सहायता कक्ष सञ्चालन

0

दिपु बर्णवाल /
वीरगंज । जिल्ला ट्राफिक प्रहरी कार्यालय वीरगंजले दसैँ, तिहार र छठमा यात्रुको सजिलोका लागि यात्रु सहायता कक्ष सञ्चालनमा ल्याएको छ । चाडपर्वका बेला यात्रुलाई हैरानी हुनसक्ने भन्दै वीरगंज बसपार्क, परवानीपुर चौकी र भन्सार नाका लगायतका स्थानमा यात्रु सहायता कक्ष सञ्चालनमा ल्याइएको जिल्ला ट्राफिक प्रहरी कार्यालय वीरगंजका प्रमुख भाष्कर खतिवडाले बताए ।

उनले कुनै पनि यात्रुले समस्या भोग्नुपरेमा सहायता कक्षमा सम्पर्क राख्न सक्ने बताए । चाडपर्वका बेला सवारीसाधनमा क्षमताभन्दा बढी यात्रु राख्ने, बढी भाडा लिने लगायत काम हुने भएकाले त्यसको न्यूनीकरण गर्नका लागि यात्रु सहायता कक्ष सञ्चालनमा ल्याइएको खतिवडाले जानकारी दिए ।

‘समस्यामा परेका यात्रु, चालक तथा सहचालक सबैले प्रारम्भिक जानकारी गराउने ठाउँ यात्रु सहायता कक्ष हो । प्रहरी नै सडकमा उत्रिएर यात्रुलाई सहयोग गर्न यो कार्यक्रम ल्याइएको हो,’ उनले भने । यात्रा गरिरहँदा चोरी भएमा, सवारीसाधनले वृद्धवृद्धा, महिला, अपांगता भएकालाई दिनुपर्ने सहुलियत तथा सेवा नदिएमा, गन्तव्यमा पुर्‍‍‍याउने सवारी ढिलाई गरे जस्ता समस्या समाधान गर्न सहायता कक्षले सहयाेग पुर्‍याउने प्रहरी निरिक्षक खतिवडाले वताए ।

हराएको बालिकाकाे उद्दार

0

वीरगंज । बारामा हराएकाे एक ३ बर्षिय बालिकाकाे प्रहरीले उद्दार गरेकाे छ । कलैया उपमहानगरपालिका वडा नं.२ कवलपुर निवासी श्याम बाबु यादवकी ३ बर्षिय छाेरी रागेनी यादवकाे उद्दार गरिएकाे बारा प्रहरीले जनाएकाे छ ।

कलैया बजारबाट हराएकी बालिकाकाे साेमबार विहान १०:०० बजेको समयमा उद्दार गरिएकाे जिल्ला प्रहरी कार्यालय बाराकाे प्रवक्ता प्रहरी नायब उपरिक्षक (डिएसपी) दधिराम न्याैपानेले जानकारी दिए ।

बालिका हराएकाे खबर यस कार्यालयमा प्राप्‍त हुन साथ तत्कालै अस्थाई प्रहरी पोष्‍ट बसपार्क कलैयाबाट खोज तलाश गर्न खटिईएको प्रहरी टोलीले निज बालिकालाई कलैया उप-महानगरपालिका वडा नं.१ राजदेवी मन्दिर नजिकैबाट फेला पारी उद्दार गरेकाे डिएसपी न्याैपानेले वताए ।

उद्दार गरिएकाे बालिकालाई जिल्ला प्रहरी कार्यालय बारा मार्फत निज बालिकाकी आमा चिन्ता देवी यादवलाई जिम्मा लगाई बुझाईएको उनले वताए ।

सर्वोच्चमा वीरगंजको मेनरोड विस्तार मुद्धाको पेशी फेरि सर्यो

0

वीरगंज । सर्वाेच्च अदालतमा विचाराधिन रहेको वीरगंज महानगरपालिकाको मुख्य सडक (मेनरोड) विस्तारको मुद्दाको पेशी फेरि सरेको छ ।

त्रिभुवन राजपथअन्तर्गत वीरगंज महानगरपालिकाको गण्डक चोकदेखि पावर हाउस चोक, घण्टाघर, आदर्शनगर, रजतजयन्ति चोक, शङ्कराचार्यद्वार हुँदै मितेरीपुल सम्मको मुख्य सडक विस्तारको मुद्दाको पेशी सोमबारका लागि थियो । तर सर्वोच्व अदालतले उक्त मुद्दाको सुनुवाई हेर्न नभ्याइनेमा राखेपछि २३ औं पटक उक्त मुद्दाको पेशी सरेको हो ।

वीरगंजकाे मुख्य सडक विस्तारको मुद्दाको पेशी सोमबार सर्वोच्व अदालतको पाँच नम्बर इजलाशमा परेकोमा आगामी फागुन २१ गतेका लागि सारिएको सर्वोच्च अदालतले जनाएको छ ।

सडक विभाग अन्तर्गत सडक डिभिजन कार्यालय हेटौंडा र व्यापारिक मार्ग विस्तार आयोजना कार्यालयले २०७६ सालमा छठपछि नै सडक विस्तार गर्ने तयारी गरेपनि त्यस आसपासका घरधनीहरु बाधक बन्दै आएका छन् ।

२०७६ भदौमा निकालेको १५ दिने सूचनाको म्याद सकिएपछि फेरि म्याद दिएर आयोजना कार्यालयले घरधनीलाई आफ्नो घर आफैं भत्काउन आग्रह गरेको थियो । सडक विस्तार आयोजनाले एक चरण नापीको कामसमेत सम्पन्न गरिसकेको छ ।

त्यसअघि सडक विभागले २०६९ साल भदौ १५ गते, सडक डिभिजन कार्यालय हेटौंडाले २०६९ फागुन ११ गते र २९ गते, २०७१ फागुन २ गते तथा २०७३ पुष १८ गते पनि १५ दिने सूचना जारी गरी सडक क्षेत्रमा पर्ने घर टहरा भत्काउन आग्रह गरेको थियो ।

सडकको दायाँबायाँका घरधनीहरुले जमिनको लालपूर्जा भएको, स्थानीय तहबाट घरको नक्सा पास गरेको, राज्यलाई विभिन्न कर तिरिरहेको घरजग्गा सित्तैमा लिन नपाइने, जग्गा तथा संरचना नियमाअनुसार अधिग्रहण गरेर वर्तमान मूल्यअनुसार मूआव्जा वितरण गरेर मात्रै सडक विस्तार गर्नुपर्ने बताउँदै आएका छन् ।

लक्ष्मण साह रौनियारसमेतले प्रधानमन्त्री तथा मन्त्रिपरिषद्को कार्यालय सिंहदरबार, सडक डिभिजन कार्यालय हेटौंडा, व्यापारिक मार्ग विस्तार आयोजना कार्यालय वीरगंज पथलैया, जिल्ला प्रशासन कार्यालय पर्सा लगायतलाई विपक्षी बनाएर ७ कार्तिक २०७६ मा रिट दर्ता गराएका थिए ।

त्यसअघि ११ मंसिर २०७५ मा विक्रम गुरुङले प्रधानमन्त्री तथा मन्त्रिपरिषद्को कार्यालयसहित १० वटा सरकारी कार्यालयलाई विपक्षी बनाएर मुद्दा दायर गरेका थिए ।

सर्वाेच्चमा २३ औं पटक पेशी चढे पनि मुद्दाको टुङ्गो लाग्न सकेको छैन । सर्वाेच्च अदालतले हेर्न नभ्याइने भन्दै छोड्नुका साथै कारण देखाउने, पेशी स्थगीत गर्ने, छलफलमा झिकाउने जस्ता आदेश मात्रै दिँदा सडक बिस्तारको विषय निक्र्यौलमा पुग्न सकेको छैन ।

सडक डिभिजन कार्यालय हेटौडाका डिभिजन प्रमुख राजेश यादवकाअनुसार अदालतले मुद्दामा सुनुवाइ नै नगर्दा समस्या भइरहेको छ । कानूनी प्रक्रिया र सर्वोच्च अदालतको आदेशअनुसार नै अघि बढ्ने बताउँदै उनले आफूहरुले सबै कागजात तयार गरेर सरकारी वकिललाई जिम्मा लगाइसकेको यादवले बताए ।

पेशी चढाउने तर सुनुवाइ नै नगर्ने प्रवृतिले गर्दा समस्या भएको हुँदा यो विषयलाई अदालतले निकास दिनुपर्ने यादवको भनाई छ ।

वीरगंजकाे विकासका लागि सडक फराकिलो हुनुपर्ने आवश्यक्ता औँल्याउँदै मेयर राजेशमान सिंहले अदालतको आदेश कुरेर बसेको बताए । ‘वीरगंजको मुख्य सडकमा पुराना घर जीर्ण भएर बसेका छन्, मर्मत सम्भार पनि गरिरहेका छैनन् । अदालतले अनिर्णयको बन्दी बनाएर राख्न मिल्दैन । निकास दिनुपर्छ’, उनले भने, ‘०७६ सालमा परेको मुद्दा ०८० सालसम्म पेशी चढ्दा पनि टुंगो नलाग्नु दुःखद छ ।’

वीरगंज महानगरपालिकाका पूर्व मेयर विजयकुमार सरावगीले आफ्नो कार्यकालमा वीरगंज बजारको पुरानो संरचनालाई भत्काउदा यसको ऐतिहासीक र सास्कृतिक पहिचान समेत मेटिने भन्दै मुख्य सडकबाट १५/१५ मिटर दायाँ बायाँका संरचना हटाउन नगर परिषदबाट निर्णय गराएका थिए ।

सरावगीको नेतृत्वमा रहेको महानगरपालिकाको नगरसभाले गरेको निर्णयलाई हालका मेयर राजेशमान सिंह नेतृत्वको टिमले अस्वीकार गर्दै तोकिएकै मापदण्डअनुसार ५० मिटर फराकिलो हुनुपर्ने अडान राखेको छ ।

सर्वोच्चमा वर्षाैदेखि विचाराधीन मुद्दाका कारण पछिल्लो चार वर्षयता वीरगंजकाे विकास नै अवरुद्ध भएको मेयर सिंहको भनाइ छ।

उनले भने, खासमा सडक डिभिजन कार्यालय हेटौँडा लगायतलाई प्रतिवादी बनाएर विभिन्न व्यक्तिहरूले दिएको मुद्दाले सडकको विस्तार रोकिएको हो । शहरको मध्य भागमा पर्ने मुख्य सडकको स्वरूप र चौडाइले हाम्रो शहरी विकासको दीर्घकालीन योजनालाई पनि असर पार्छ । फैसला जे जस्तो भए पनि मुद्दाको निरूपण चाँडै होस् भन्ने हाम्रो चाहना हो तर अदालतले पटक पटक पेशी सार्दै आएको छ ।

वीरगंजकाे गण्डकदेखि मितेरी पुल सम्म करिव १ हजार २ सय घरधुरी सडकको अतिक्रमण क्षेत्रमा पर्ने भएकोले त्यसको क्षतीपूर्ती नेपाल सरकारले दिन नसक्ने देखिन्छ । बाराको जितपुर र परवानीपुरमा रहेका व्यक्तिहरुको मागलाई समेत सम्वोधन गर्न नसकेको सरकारले वीरगन्जको सन्दर्भमा क्षतीपूर्ती दिने कुरालाई स्वीकार नगर्ने देखिन्छ ।

त्रिभुवन राजपथअन्तर्गत बाराको पथलैया देखि पर्साको गण्डकसम्म त्रिभुवन राजपथको अधिकार क्षेत्र भित्र सडकको केन्द्र विन्दुबाट दायाँबायाँ २५/२५ मिटर बिस्तार गरिसकेको छ । व्यापारिक मार्ग विस्तार आयोजना कार्यालयले पथलैयादेखि गण्डक चोक सम्म ६ लेन सडक निर्माणका काम अन्तिम चरणमा पुगेको जनाएको छ ।

संघीय सरकारले यसपटकको बजेट बक्तव्यमा समेत त्रिभुवन राजपथ अन्तरगत परवानीपुरदेखि गण्डक, घण्टाघर हुँदै मितेरी पुलसम्मको सडक विस्तारको काम अगाडी बढाउन बजेटको व्यवस्थापनि गरेको थियो ।

शंकराचार्यद्वारमा जडान गरिएको बत्ती चोर्ने एक जना पक्राउ

0

वीरगंज । वीरगंजको शंकराचार्यद्वारलाई उज्यालो र आकर्षक बनाउन वरिपरि जडान गरिएको बत्ति चोरी गर्ने एक जनालाई प्रहरीले पक्राउ गरेको छ ।

वीरगंज महानगरपालिकाले नेपालकै मुख्य प्रवेशद्वारको रुपमा रहेको शंकराचार्यद्वारलाई आकर्षक बनाउन जडान गरेको बत्ति गएको शुक्रबार राति चोरी भएको थियो । प्रहरी चौकी इनर्वाबाट खटिएको टोलीले बत्ति चोरी गरेर लैजाँदै गरेको अवस्थामा वीरगंज महानगरपालिका वडा नं. १ छपकैयाँका निवासी अरमान अलीलाई पक्राउ गरेको हो ।

पक्राउ परेका अलीलाई वडा प्रहरी कार्यालय विर्तामा राखेर अभद्र व्यवहार कसूरमा मुद्धा चलाइएको पर्सा प्रहरीका प्रवक्ता प्रहरी नायब उपरीक्षक (डिएसपी) कु्मार बिक्रम थापाले जानकारी दिए ।

यस अघि घण्टाघर सौन्दर्यकरणमा प्रयोग भएको बत्ति चोरी भएको थियो । सो घटनामा संलग्न भएको आरोपमा २ जनालाई प्रहरीले पक्राउ गरि कारबाही गरिसकेको छ ।

ग्रान्ड डिजाइनअन्तर्गत सङ्घीयता खारेज गराउने चलखेल भइरहेको छ : प्रदीप यादव

0

वीरगंज । जनता समाजवादी पार्टी नेपाल (जसपा) का प्रमुख सचेतक प्रदीप यादवले इजरायलको द्वन्द्वग्रस्त क्षेत्रमा फसेका नेपालीहरूको अविलम्ब उद्धार गर्न सरकारसँग माग गरेका छन् ।

आइतबार प्रतिनिधिसभाको बैठकमा बोल्दै पूर्व वन तथा वातावरण मन्त्री समेत रहेका यादवले इजरायलमा हमासको आक्रमणले असुरक्षित भई उद्धारको पर्खाइमा रहेका नेपालीहरूलाई तत्काल उद्धार गरी स्वदेशमा ल्याउनका पहल गर्न सरकारसँग माग गरेका हुन् ।

पर्सा क्षेत्र नम्बर १ का प्रतिनिधिसभा सदस्य समेत रहेका यादवले भने, ‘इजरायलको द्वन्द्वमा फसेका नेपालीहरू असुरक्षित छन् । उद्धारका लागि गुहार मागी रहेका छन् । उनीहरूलाई जसरी हुन्छ नेपाल सरकारले अविलम्ब उद्धारका लागि पहल गरिहाल्नु पर्छ ।

यस्तै बझाङमा भूकम्पबाट पीडित घाइते र घरबारविहीन भएकाहरूको उद्धार र राहतमा लाग्न पनि उनले सरकारसँग आग्रह गरे ।

फरक प्रसङ्गमा बोल्दै सांसद यादवले अहिले सङ्घीयतालाई बदनाम र कमजोर पार्ने नियतले देशका विभिन्न स्थानमा जुलुस र प्रदर्शनै भइरहेकाले त्यसलाई रोक्न सरकारसँग माग गरे । 

यादवले भने, ‘यो मुलुकमा सङ्घीयता कसैको दान वा उपहारमा आएको होइन । लाखौँ जनताको सङ्घर्ष र हजारौँको बलिदानीबाट सङ्घीयता आएको हो । त्यसका कारण सङ्घीयतालाई कमजोर पार्ने वा बदनाम गराउने तत्त्वको पहिचान गरेर सरकारले तत्काल उनीहरूविरुद्ध कानुनी कारबाही अगाडि बढाइ हाल्नु पर्छ ।’

यादवले केन्द्रीय सरकारले सङ्घीयता बलियो बनाउन नचाहेको समेत आरोप लगाए । ‘यसलाई मजबुत बनाउने सरकारको काम हो । सबै शक्ति माथि राख्ने, प्रदेशलाई नदिने अनि कसरी हुन्छ ? सरकार बदनाम हुन्छ नै । अघिल्लो सरकार पनि त्यही, अहिलेको सरकार पनि त्यही बाटोमा छ,’ उनले भने ।

सङ्घीय प्रहरी प्रशासन राखेर सङ्घीयता बलियो नहुने भन्दै उनले प्रदेश प्रहरी ऐन कार्यान्वयन गर्न माग पनि गरे ।

रात्री बजारकाे बिषयमा घरेलु तथा साना उद्याेग कार्यालयसंग छलफल

0

वीरगंज । नेपाली युवा उद्यमी मञ्च (एनवाइईएफ) वीरगंजले आइतबार वीरगंजस्थित घरेलु तथा साना उद्योग कार्यालय वीरगंजका प्रमुख धनञ्जय कुमार सिंहसँग छलफल गरेको छ ।

वीरगंजमा आयाेजना हुने रात्री बजारकाे बिषयमा भएकाे छलफलकाे क्रममा एनवाइईएफले रात्रि बजारमा लाग्ने स्टलमा स्थानीय उद्योगहरूले उत्पादन गर्ने बस्तु र उनीहरूले प्रदान गर्ने सेवालाई विशेष महत्त्व दिइने सहमती भएकाे छ ।

घरेलु तथा साना उद्योग कार्यालय वीरगंजका प्रमुख धनञ्जय कुमार सिंहले रात्री बजारमा सक्दाे सहयाेग गर्ने बताए । प्रमुख सिंहले घरेलु तथा साना उद्योग कार्यालयले २० वटा स्टलमा पर्सा जिल्लाका विभिन्न स्थानमा सञ्चालित उद्योगहरूको उत्पादनलाई प्रदर्शनीमा राख्ने प्रतिबद्धता जनाए ।

सिंहले सुरक्षाको दृष्टिकोणले रात्रि बजार चुनौतीपूर्ण हुनसक्ने बताउँदै त्यस तर्फ ध्यान पुर्‍याउन पनि आग्रह गरे । उनले रात्रिको समयसँगै दिउँसो पनि बजारलाई खुल्ला राख्दा वीरगंज बाहिरबाट आउने मानिसले पनि स्थानीय उत्पादन खरिद गर्न सक्ने बताए ।

एनवाइईएफ वीरगंजका अध्यक्ष सन्दीप अग्रवालले रात्री बजारमा घरेलु तथा साना उद्योग कार्यालयको सहयोग महत्त्वपूर्ण रहने बताए । अग्रवालले अन्य मुलुकमा उत्पादन हुने बस्तुभन्दा पनि स्वदेशी उत्पादनलाई स्टल बुकिङमा विशेष प्राथमिकता समेत दिइने बताए ।

छलफलमा एनवाइईएफको तर्फबाट दुतिय उपाध्यक्ष विश्वास प्रताप शाह, कार्यसमिति सदस्यहरू दिपल खन्ना, विकास ठाकुर, अक्षत शाह, किशन क्याल, साधारण सदस्य आशु कुमार सर्राफ, सञ्चारकर्मी शम्भु कुमार सुमन लगायतको सहभागिता थियो ।

नेपालहरूको ठूलो पर्वमध्येको एक दसैँमा वीरगंजमा आयोजना हुन लागेको पाँच दिने रात्रि बजारको तयारीकाे क्रममा सह आयाेजक समेत रहेका एनवाईएफले घरेलु तथा साना उद्याेग कार्यालयसंग छलफल गरेकाे हाे ।

वीरगंज महानगरपालिकाले स्थानीय सङ्घ संस्थाहरूसँगको सहकार्यमा आयोजना गर्न लागेको पाँच दिने रात्रि बजारको तयारी स्वरूप स्टल बुकिङदेखि सरोकारवाला निकायसँगको छलफल तीव्र पारेकाे हो ।

एनवाइईएफले नेपाली उत्पादन तथा सेवालाई प्रवर्द्धन र प्रचार प्रसारका लागि नेपाल उद्योग वाणिज्य सङ्घको महत्त्वाकाङ्क्षी परियोजना “मेड इन नेपाल” लाई प्राथमिकता दिइरहेको छ ।