Date
सोम, कार्तिक ३०, २०८३
Mon, November 16, 2026
Home Blog Page 487

अबैध सामान सहितकाे ट्रक पक्राउ

0

वीरगंज । बारा प्रहरीले वीरगंजबाट काठमाडाैं तर्फ जादै गरेकाे अबैध सामान सहितकाे ट्रक नियन्त्रणमा लिएकाे छ ।

बिशेष सूचनाको आधारमा खटिएको प्रहरी टोलीले मंगलबार राति १०:४५ बजेको समयमा बाराकाे जितपुरसिमरा उप-महानगरपालिका वडा नं.२१ अमलेखगंज चोकबाट ना.३.ख.५६७२ नम्बरकाे ट्रक नियन्त्रणमा लिएकाे हाे । 

विरगंजबाट काठमाण्डौ तर्फ जादै गरेको ट्रकलाई रोकी चेक जाँच गर्दा हार्डवेयर तथा अटो पार्टका सामानहरू बिल विजक भन्दा बढीकाे फेला परेकाेले नियन्त्रणमा लिइएकाे जिल्ला प्रहरी कार्यालय बाराले जनाएकाे छ ।

श्रोत खुलाउन नसकेको ५९ लाख १२ हजार ७ सय १७ रूपैया बराबरको सामान सहित ट्रक नियन्त्रणमा लिई आवश्यक कानूनी प्रकृया अगाडि बढाईएको जिल्ला प्रहरी कार्यालय बाराका सुचना अधिकारी प्रहरी नायब उपरिक्षक (डिएसपी) दधिराम न्याैपानेले जानकारी दिए ।

कटहरिया प्रीमियर लिगमा युनाइटेड क्रीकेट क्लब विजयी

0

वीरगंज । रौतहट जिल्लाको कटहरियामा मंगलबार सम्पन्न कटहरिया प्रीमियर लिग मेयर कप T-20 नक आउट टुर्नामेन्टमा युनाइटेड क्रीकेट क्लबले मकवानपुर क्रीकेट क्लब विरुद्ध शानदार जित निकालेको छ ।

कटहरिया खेल मैदान परिसरमा आयोजित क्रीकेट प्रतियोगितामा युनाइटेड क्रीकेट क्लबले मकवानपुर क्रिकेट क्लबलाई १४ रन पराजित गर्दै शानदार जित निकालेको हो ।

मकवानपुर क्लबले टस जितेर पहिले बलिङ गर्ने निर्णय गरेको थियो भने पहिलो ब्याटिङ गर्दै २० ओभरमा युनाइटेड क्रीकेट क्लबको ८ विकेट गुमाएर १२९ रनको लक्ष्य दिएको थियो ।

युनाइटेडको तर्फबाट इम्रान शेखले ४१ बलमा एक छक्का र ३ चौकाको सहयोगमा सर्वाधिक ४६ रन बनाए भने सन्तोष कार्किले पनि ३३ बल खेलेर दुई छक्का र एक चौकाको सहयोगमा २९ रन जोडे । मकवानपुरको बलिङका क्रममा दिएको दश व एक्स्ट्रा रन पनि युनाइटेडको जितमा सहायक बन्यो ।

मकवानपुरको तर्फबाट ब्याटिङ गर्न उत्रेका गौरभ खड्काले २६ बलमा तिन चौकाको सहयोगले २५ रन जोडे भने शुभ खन्सारले १३ बल खेलेर तिन चौकाको सहयोगमा १७ रन जोडे ।

त्यस्तै रोहित ठाकुरले २३ बलमा दुई छ्क्काको सहयोगले टिमका लागि २६ रन जोडे । अन्य ब्याटरहरूको प्रदर्शनी भने खासै सन्तोषजनक रहेन । बलिङ तर्फपनि युनाइटेडले उत्कृष्ट प्रदर्शनी गर्‍यो ।

युनाइटेडबाट सैफुल्लाह अन्सारीले ह्याटि्रक विकेट लिदै ४ ओभरमा १४ रन खर्चेर ४ विकेट लिए ।

त्यस्तै रन्जित कुमारले पनि ४ ओभरमा १७ रन खर्चेर ३ विकेट लिए भने समसाद राजाले ४ ओभरमा २४ रन खर्चेर १ विकेट लिए । उत्कृष्ट बलिङ गरेका सैफुल्लाह अन्सारीलाई प्लेयर अफ द म्याच समेत घोषित गरियो  ।

प्रतियोगितामा पर्सा क्रिकेट सङ्घका उपाध्यक्ष मुर्तुजा हवारी, युनाइटेड क्रिकेट क्लबका अध्यक्ष हासिम अन्सारी लगायतको उपस्थिति थियो  ।

जेष्ठ नागरिकलाई व्हील चेयर सहयाेग

0

वीरगंज । उपकार सेवा नेपाल नामक संस्थाले एक जना जेष्ठ नागरिकलाई व्हिल चेयर सहयाेग गरेको छ । लामो समयदेखि शारीरिक रुपले असक्त रहेका जेष्ठ नागरिकलाई संस्थाले व्हिल चेयर प्रदान गरेको हो ।

सस्थांले वीरगंज महानगरपालिका वडा नं. ३० लालपर्सा निवासी ६२ वर्षीय राजु मियाँलाई उनकाे घर मै पुगेर व्हिल चेयर सहयाेग गरेकाे समाजिक अभियान्त प्रकाश थारुले जानकारी दिए ।

लालपर्सास्थित उनकाे घर मै पुगेर मियाँलाई व्हिल चेयर हस्तान्तरण गरिएकाे सामाजिक अभियान्ता प्रकाश थारुले वताए । 

व्हील चेयर हस्तान्तरण गर्न संस्थाका अध्यक्ष विद्या कुमारी सरावगी, सदस्य सज्जन अग्रवाल, नेकपा एमालेका अरबिन्द सिंह, स्थानीय शिक्षक राधेश्याम गुप्ताको लगायतकाे समुह मियाँकाे घर पुगेकाे थियाे ।

बिन्दवासिनी गाउँपालिकाकाे शिक्षा शाखा प्रमुखमाथि दुर्व्यवहार

0

वीरगंज । पर्साको बिन्दबासिनी गाउँपालिकाका शिक्षा शाखा प्रमुख कपिल लामिक्षानेलाई वडाध्यक्षहरुले  दुर्व्यवहार गरेका छन् । गाउँपालिकाकाे वडा नं १ वडाध्यक्ष अच्छेलाल महताे र वडा नं. ३ का वडाध्यक्ष जयप्रकाश चाैरसियाले मंगलबार शिक्षा शाखा प्रमुख लामिक्षानेलाई दुर्व्यवहार गरेका हुन् ।

कर्मचारी दुर्व्यवहार गर्ने वडाध्यक्ष महतो र चौरसियालाई कारवाहीको माग गर्दै गाउँपालिकाका कर्मचारीहरु मंगलबार नै पर्साका सहायक जिल्ला अधिकारी शिव कुमार लम्साललाई ज्ञापनपत्र बुझाएका छन् ।

प्रमुख प्रशासकीय अधिकृत राकेश ओझा, लेखा प्रमुख मिथलेश कुशवाहा, शिक्षा शाखा प्रमुख कपिल लामिछाने , रामेन्द्रनाथ तिवारी लगायतको गाउँपालिकाका कर्मचारीहरुले सहायक प्रमुख जिल्ला अधिकारी लम्साललाई ज्ञापन पत्र बुझाउँदै दाेषी उपर कारवाहीकाे माग गरेका हुन् ।

कर्मचारी दुर्व्यवहार गर्ने वडाध्यक्षहरु माथि कानुन बमाेजिम कारवाही पक्रिया अगाडी नबढेसम्मकाे लागि गाउँपालिकाकाे सम्पूर्ण कामकाज बन्द रहने कर्मचारीहरुले जनाएका छन् ।

गाउँपालिकामा कार्यरत कर्मचारीहरुले सामुहिक रुपमा एक प्रेस विज्ञप्ती जारी गर्दै स्थानिय जनसमुदायसंग प्रत्यक्ष कामकाज गर्ने कर्मचारीलाई गालीगलाै गरी मनाेबल खस्काउने कार्य भएकाे भन्दै भर्तस्ना समेत गरेका छन् ।

गाउँ कार्यपालिका कार्यालयकाे सभा हलमा आसमान नेपालले आयाेजना गरेकाे कार्यक्रममा शिक्षक सरुवाकाे विषयलाई लिएर वडाध्यक्षद्वयले शिक्षा शाखा प्रमुख र केही प्रधानाध्यापकहरुलाई गालीगलौज गर्नुकाे साथै कुटपिट गर्ने धम्की समेत दिएकाे कर्मचारीहरुकाे भनाई छ । 

 यसै बिच स्थानिय तह कर्मचारी हकहित मञ्च बिन्दबासिनी गाउँपालिकाले पनि एक प्रेस विज्ञप्ती जारी गर्दै कर्मचारी दुर्व्यवहार गर्ने वडाध्यक्षहरुमाथि कारवाहीकाे माग गरेकाे छ ।

कर्मचारी हकहित मंचका अध्यक्ष रामाधार प्रसाद चाैरसियाले प्रेस विज्ञप्ती जारी गर्दै कर्मचारी दुर्व्यवहार गर्ने  वडाध्यक्षहरु माथि कारवाही पक्रिया अगाडी नबढेसम्म गाउँपालिकाकाे सम्पूर्ण सेवा बन्द रहने समेत जनाएका छन् ।

यसैगरी नेपाल शिक्षक महासंघ बिन्दवासिनी गाउँपालिका, नेपाल राष्ट्रिय शिक्षक संगठन बिन्दवासिनी गाउँपालिका, नेपाल शिक्षक संघ बिन्दवासिनी गाउँपालिका र संघिय शिक्षक फाेरम नेपाल बिन्दवासिनी गाउँपालिकाले पनि संयुक्त रुपमा प्रेस विज्ञप्ती जारी गर्दै शिक्षा अधिकृत र प्रधानाध्यापक दुर्व्यवहार गर्ने वडाध्यक्षहरुमाथि कारवाहीकाे माग गरेकाे छ ।

सामुदायिक विद्यालयहरु पनि बन्द रहने

नेपाल शिक्षक महासंघ बिन्दवासिनी गाउँपालिका र नेपाल राष्ट्रिय शिक्षक संगठन बिन्दवासिनी गाउँपालिकाका अध्यक्ष धर्मेन्द्र कुमार चाैबे, नेपाल शिक्षक संघ बिन्दवासिनी गाउँपालिकाका अध्यक्ष नन्दु प्रसाद यादव, संघिय शिक्षक फाेरम नेपाल बिन्दवासिनी गाउँपालिकाका अध्यक्ष एवम् नेपाल शिक्षक महासंघ बिन्दवासिनी गाउँपालिकाका सह अध्यक्ष मुकलेश राउत गद्दी र नेपाल शिक्षक महासंघ बिन्दवासिनी गाउँपालिका सचिव सुनिल कुमार चाैरसियाले संयुक्त रुपमा प्रेस विज्ञप्ती जारी गर्दै दाेषी उपर कारवाहीकाे माग गरेका हुन् ।

वडाध्यक्षद्वयले शिक्षा शाखा प्रमुख तथा केही प्रधानाध्यापकहरुलाई गालिगलौज गरेको र काजमा खटाईएको शिक्षकलाई विधालयमा हाजिर गराएमा कुटपिट गर्ने धम्की समेत दिएको जनाउँदै गाउँपालिका अन्तर्गत संचालित सामुदायिक विद्यालय तथा मदर्साहरु विद्यालयका सम्पूर्ण प्रधानाध्यापक तथा नेपाल शिक्षक महासंघ विन्दवासिनीको गम्भिर ध्यानाकर्षण भएकाे जारी विज्ञप्तीमा उल्लेख गरिएकाे छ । 

सामुदायिक विद्यालयमा कार्यरत प्रधानाध्यापकहरु माथि धाकधम्की देखाई मनोवैज्ञानिक त्रास दिएर विद्यालय शिक्षालाई अस्थव्यस्थ पार्न खोज्ने कार्यको उनीहरुले घाेर भर्तस्ना समेत गरेका छन् ।

साथै विद्यालय शान्ति क्षेत्र भएकोले त्यस भित्र कामकाज गर्ने प्रधानाध्यापक तथा शिक्षकहरुलाई सहज वातावरण नबनाउन्जेल पालिका भित्रका सबै सामुदायिक विद्यालय तथा मदर्साहरुको पठनपाठन बन्द गर्न वाध्य भएको जारी प्रेस विज्ञप्ती मार्फत जनाएका छन् ।

जनमत पार्टीकाे शुभकामना आदानप्रदान कार्यक्रम सम्पन्न

0

वीरगंज । जनमत पार्टी पर्साकाे आयाेजनामा मंगलबार वीरगंजमा हिन्दु धर्मावलम्बीहरुको महान चाँड दशै‌, शुभ दिपावली एवम् छठ पर्वको शुभकामना आदानप्रदान कार्यक्रम सम्पन्न भएकाे छ । 

वीरगंजस्थित क्लासिक बैंकेटमा भएकाे शुभकामना आदानप्रदान कार्यक्रममा वाेल्ने वक्ताहरुले मुलुकमा बढ्दै गएकाे भ्रष्टाचार प्रति चिन्ता ब्यक्त गरे । वक्ताहरुले यही गतीमा भ्रष्टाचार बढ्दै गए संघियता कमजाेर हुने भएकाेले भ्रष्टाचारलाई नियन्त्रण गर्नु पर्नेमा जाेड दिए ।

जनमत पर्साका जिल्ला अध्यक्ष ओमप्रकाश सरार्फको अध्यक्षतामा भएकाे कार्यक्रममा पार्टीका नेताहरु करिमा बेगम, शशीकपुर मियाँ, सिपु तिवारी, मुकेश द्विवेदी, वीरगंज उधोग वाणिज्य संघका अध्यक्ष अनिल पटवारी, नेताहरु सुधिरनाथ पाण्डे, श्याम गुप्ता, अनिता रौनियार, नजमा खातुन, बिध्यालाल प्रसाद, रामनरेश पटेल , उमाशन्कर गुप्ता, जनमत युवा संघका ई.राजुराज गिरी, संजय सिंह, विद्यार्थी नेता विवेक झा लगायत शुभकामना मन्तव्य राखेका थिए ।

कार्यक्रममा पर्साका १४ वटै पालिकाबाट नेता कार्यकर्ताहरुको उत्साहजनक सहभागीता रहेको थियाे ।

भन्सार छलीकाे ६ लाख बराबरकाे सामानहरु बरामद

0

वीरगंज । प्रहरीले भन्सार छली चोरी पैठारी गरी ल्याएको ५ लाख ८९ हजार पाँच सय नवे रुपैया बराबरकाे विभिन्न किसिमका सामानहरु बरामद गरेकाे छ ।

विशेष सूचनाको आधारमा जिल्ला प्रहरी कार्यालय पर्साबाट खटिएकाे प्रहरी टाेलीले शनिबार दिउसाे १:३० बजेको समयमा वीरगंज महानगरपालिकाकाे वडा नं.१५ गिरिजा चोक स्थितबाट खाद्यान्न तथा लत्ताकपडाहरू बरामद गरेकाे हाे ।

काजु-१२ डिब्बा १२० के.जी., मैदा-९८ के.जी., चिनी-३२ के.जी., ललिपप चक्लेट-२४ के.जी., तिलौरी पापड-२० के.जी., केराउ-२४ के.जी., स्नेकर चक्लेट-७ कार्टुन (५४ प्याकेट), सुर्ती-३२ के.जी., सर्ट थान कपडा-१०२० मिटर, पार्दा रेडिमेट-७७ पिस, कुसुन कभर-१०५ पिस र कुर्ता सुरवाल-१४ पिस बरामद भएकाे प्रहरीले जनाएकाे छ ।

भन्सार छली चोरी पैठारी गरी ल्याएका खाद्यान्न तथा लत्ताकपडाहरू सार्वजनिक भाडाको अटोमा लोड गर्दै गरेको अवस्थामा प्रहरी टोलीलाई देख्नासाथ मालबस्तुहरू छाडी भागी फरार भएको जिल्ला प्रहरी कार्यालय पर्साका प्रवक्ता एवम् प्रहरी नायब उपरिक्षक डिएसपी कुमार बिक्रम थापाले जानकारी दिए ।

बरामद सामानहरु साेमबार आवश्यक कारवाहीको लागि वीरगंज भन्सार कार्यालयमा बुझाइएको डिएसपी थापाले वताए ।

सिर्सिया नदी प्रदुषण गर्ने उद्योगलाई सीलबन्दी गरेर कारबाही गरिने

0

वीरगंज । तिहार तथा छठ पर्व अगाडी नै सिर्सिया नदी प्रदुषण नरोकिए सिलबन्दी गरेर उद्योगलाई कारबाही गरिने निर्णय भएको छ ।

वीरगंज महानगरपालिकामा सोमबार उद्योगी व्यवसायी, जिल्ला प्रशासन, जिल्ला प्रहरी कार्यालयका प्रतिनिधिबीच बसेको बैठकले उद्योगहरुबाट निस्कने रसायनयुक्त लेदो तथा फोहोर प्रशोधन गरेर मात्रै नदीमा पठाउनु पर्ने र त्यसो गरेको नपाए उद्योगहरु सील गरी नियम बमोजिम जरिबाना तिराउने निर्णय गरिएको हो ।

वीरगंज महानगरपालिकाका मेयर राजेशमान सिंहले नदी प्रदुषण गर्ने उद्योगमा सिलबन्दी गरेर कारबाही गर्ने चेतावनी दिएपछि सिर्सिया नदीमा भइरहेको प्रदुषण नियन्त्रणका लागि आवश्यक काम गर्न उद्योगीहरु पनि तयार भएका छन् ।

यस अघि आजै बिहान महानगरपालिकाका मेयर सिंहको नेतृत्वमा सिर्सिया नदी प्रदुषणमा मुख्य भुमिका खेल्ने विभिन्न ६ वटा उद्योगहरुको अनुगमन भएको थियो ।

विगतमा बारम्बार अनुगमन हुँदा समेत उद्योगीहरुले नदी प्रदुषण गर्न नछाडे पछि साेमबार मेयर सिंह आफै अनुगमनमा पुगेर प्रदुषण गराउने उद्योगका संचालकहरुलाई बोलाएर नदी प्रदुषण रोक्न निर्देशन दिएका हुन् ।

बैठकले वीरगंज महानगरभित्र संचालित हरेक उद्योगले ६-६ महिनामा स्व. अनुगमन मुल्यांकन प्रतिबेदन महानगरमा बुझाउनु पर्ने निर्णय पनि गरेको छ ।

यस्तै उद्योगीहरुले सिर्सिया नदीमा प्रदुषण गर्न नरोके वीरगंज महानगरपालिका र वातावरण संरक्षण ऐन २०७७ तथा वातावरण नियमावलीले तोके बमोजिमको कारबाही प्रकृया अघि बढाउने निर्णय भएको छ ।

बैठकमा मेयर सिंहले वीरगंजकै लाइफलाइनको रुपमा रहेको नदी प्रदुषण उद्योगीहरुले गरिरहेको भन्दै अब प्रदुषण गरेको भेटिए ठाउँको ठाउँ कारबाही गर्ने गरि संयन्त्र तयार पार्ने पनि बताए ।

बैठकमा सिर्सिया नदी प्रदुषणमा मुख्य भुमिका खेलेका श्री सिद्धि टेक्सटायल्स, अरनिको प्रोसेसिङ, पाना पेपर्स, न्यू पशुपति इन्डस्ट्रिज, मरियम लेदर्स र ग्लोबल लेदर्सका संचालकले आफूहरु उद्योगबाट निस्कने फोहोर पानी प्रशोधन गरेर मात्रै नदीमा मिसाउन तयार रहेको बताए ।

महानगरले नदी प्रदुषण नियन्त्रणका लागि गरिरहेको काम सह्रानीय रहेको भन्दै उद्योगीहरुले आफूहरु पनि उद्योगमा पानी प्रशोधन केन्द्र राख्न र बोरिङबाट सफा पानी नदीमा हाल्ने व्यवस्था मिलाउन तयार रहेको बताए ।

बंठकमा अरनिको प्रोसेसिङ उद्योगका सोचन प्रसाद यादव, ग्लोबल लेदरका सरोज चौरसिया, सिद्धि टेक्सटायल्स र न्यु पशुपति इण्डस्टिजका अशोक मित्तल, मरियम लेदरका बालमुकुन्द चौधरी, पाना पेपर्स वकर्सका सुभाष पटेल लगायतको सहभागिता रहेको थियो ।

महानगरपालिकाले यस अघि ५ वटा उद्योगलाई नदी प्रदुषण गराउन प्रमुख भुमिका खेलेको भन्दै ३/३ लाख रुपैयाँ जरिबाना गरेको थियो ।

वीरगंजस्थित अजय सिंहको घरमा प्रहरीकाे छापा, ठूलाे मात्रामा अवैध कम्प्युटर र ल्यापटप बरामद

0

वीरगंज । पर्सा प्रहरीले ठूलो मात्रामा कम्प्युटर, ल्यापटप लगायतका अवैध इलेक्ट्रिक सामग्रीहरू नियन्त्रणमा लिएको छ ।

विशेष सूचनाको आधारमा खटिएकाे प्रहरी टोलीले वीरगंज – ५ स्थित एडी कम्प्युटर सप्लायर्सका सञ्चालक अजय सिंहको घरबाट भन्सार छली चोरी पैठारी गरेर ल्याइएको कम्प्युटर, ल्यापटप लगायतका इलेक्ट्रिक सामग्रीहरू बरामद गरेको हो ।

बरामद सामग्रीको अनुमानित बजार मूल्य ५१ लाख २६ हजार ७ सय रुपैयाँ रहेको जिल्ला प्रहरी कार्यालय पर्साका प्रवक्ता एवम् प्रहरी नायव उपरीक्षक (डिएसपी) कुमार विक्रम थापाले जानकारी दिए ।

वडा प्रहरी कार्यालय बिर्ताका प्रमुख प्रहरी निरीक्षक (इन्स्पेक्टर) पुष्कर बोगटी नेतृत्वको प्रहरी टोलीले छापामारी गर्ने क्रममा सिंहको चार तल्ले घरको भुईँ तल्लामा सूचना अनुसार नै बिलबिजक नभएको कम्प्युटर, ल्यापटप तथा इलेकट्रोनिक्स सामानहरू अनधिकृत रूपमा भण्डारण गरेर राखिएको पाएको डिएसपी थापाले वताए ।

सिंहको घरमा डेल मिनी सिपीयु ७० थान, सिस्टम बिनाको डेल मिनी सीपीयु ३० थान, बिना सिस्टमको डेल सीपीयु बक्स ४१ थान, डेल सिपीयु बक्स ६० थान, डेल सिपीयु सेट ७६ थान, जियोनिक्स हार्डडिक्स ८८ थान, डेल मनिटर ४२ थान, माउस ५ सय ५० थान, मनिटरको तार ३ सय १२ थान, सीसीटिभीको तार १८ हजार मिटर, मदरबोर्ड २५ थान, ग्राफिक कार्ड ११ थान, कुलीङ फ्यान १९ थान, ल्यापटपको चार्जाज १ सय ३१ थान, क्याट – ६ तार एक रोल र ड्रिल मेसिन एक थान बरामद भएकाे डिएसपी थापाले जानकारी दिए ।

बरामद गरिएका सामग्रीहरू आवश्यक कारबाहीका लागि राजश्व अनुसन्धान कार्यालय पथलैयामा बुझाइएको जिल्ला प्रहरी कार्यालय पर्साले प्रेस विज्ञप्ती मार्फत जनाएकाे छ ।

बारामा छाेराले बलात्कार प्रयास गरेकाे भन्दै आमाद्वारा उजरी

0

कलैया । बाराकाे निजगढ नगरपालिकामा ५६ वर्षीय आमालाई बलात्कार प्रयास गरेको आरोपमा पीडितले ३६ वर्षीय छोराविरुद्ध  उजरी दिएकी छन् । पिडितले इलाका प्रहरी कार्यालय निजगढमा छाेरा विरुद्ध उजुरी दिएकी हुन् ।

पतिले बहुविवाह गरेपछि छोरासँग बस्दै आएकी पीडितलाई असोज २६ गते छोराले बलात्कार प्रयास गरेको भन्दै पीडित आमाले उजरी दिएकी इलाका प्रहरी कार्यालय निजगढले जनाएकाे छ ।

पीडितको स्वास्थ्य परीक्षण असोज २७ गते प्रादेशिक अस्पताल कलैया भएको इलाका प्रहरी कार्यालय निजगढका प्रहरी निरिक्षक घनश्याम श्रेष्ठले जानकारी दिए । घटना पश्चात आरोपित फरार भएकोले खोजतलास भइरहेका उनले वताए ।

पेट्रोलको मूल्य लिटरमा ११ र डिजलको ५ रुपैयाँले घटयाे

0

वीरगंज । नेपाल आयल निगमले पेट्रोल र डिजलकाे मूल्य घटाएको छ । आइतबार राति १२ बजेदेखि लागु हुने गरी निगमले पेट्रोलको मूल्य प्रतिलिटर ११ रुपैयाँ र डिजलको मूल्य लिटरमा ५ रुपैयाँले घटाएको हो ।

भारतीय आयल कर्पोरेसन (आईओसी)बाट घटेर नयाँ मूल्य प्राप्त भएका कारण मूल्य समायोजन गरिएको निगमले जनाएको छ ।

नयाँ मूल्यअनुसार वीरगंजमा पेट्रोलको मूल्य प्रतिलिटर १६९.५ रुपैयाँमा झरेको छ भने डिजलको प्रतिलिटर मूल्य १६५्.५ रुपैयाँ पर्नेछ ।

हेर्नुहाेस् सूचना